Ro i Som Muro 3
3
Gundung Wis Cala ta Foi Kwap i Wur i DeeƁwe
1Nin mweni ndai Pita hu Jwon sin wa Wur i DeeƁwe myan i fwal ti DeeƁwe, shitam ataat ti ango. 2Maɗufal nin ima si al lus ii gundung. Ngang si ha'ansus si wa si kin ta fo i kwap nin i Wur i DeeƁwe ima si lai ii kwap maɗesi, ɓurti ɓa u fwal fwal ta kyel i som ima si yes mulang ta Wur i DeeƁwe. 3Myan ima shu shishat ɗing ti Pita hu Jwon sin wa mulang ta, unai fwal lus ɓa si fas cef ta. 4Pita hu Jwon si shus shishat hai. Unai Pita nyus, “Ɗinga nin fo!” 5Unai shak ambe' i gundungi humus ta kyel i Pita hu Jwon, yis kintiɓwi nyai, ashang si wa fa sus ɗama.
6Unai Pita nyus, “I ti cef kwa fweng, ɓurti andi aɗeng ima i mati ayis i wa fasa. Ta saa ti asum i Yeso Kristi i Nazaret, lukka fit ha at.” 7Unai Pita ka' rai ucwa ames, ha'us fit, Fo abet sisaiyi hu nggwaha i sisai i gundungi si wis njeng. 8Pis jaɓwak te mangra, cu wei ti ati. Unai si at tikul si rang ta Wur i DeeƁwe, yis ɗa'at yis pyasan ta fit, yis lak ti adorai i ha' ti DeeƁwe fit. 9Myan ima ɗufal shak si ɗingus yis ati yis lak ti adorai yis ha' ti DeeƁwe fit. 10Si kinus asum a yis maɗufal mandeki, ima tyai ta foi kwap i Wur i DeeƁwe, ima si laiyani ii Maɗesi, yis fwalan ti cef ta. Aɗengi lumus fwai ya hu shok na fwai ti ɗing ti aɗeng ima wisus.
Findel i Pita ta Wur i DeeƁwe
11Myan ima gundung ima wis cala yis tifai ti Pita hu Jwon, aɗengi lum ɗufal fwai ya shak, si kolfai ti titalal wa kyel nin ima si lai i muru' i Solomon. 12Myan ima Pita ɗing mai aɗengi, findel ɗufal ni, “A ɗufal i Isar'ila, ami kin mai aɗengi fu shok na fwai ya? Ami kin hu shwai sinin shishat hai fota a njeng aminin, hu myanat ti DeeƁwe aminin fo, kin maɗufal mai at ya? 13A DeeƁwe i Ibirai, i Aizik, i Jakop, DeeƁwe i kaya amukan, fa yere ames Yeso ngye ti masti aɗeng mai. A hun hu fa ɓa si forus, hu nggwetus ta wei i Pailet, ima zan ta mulut ɓa si catus ii ra. 14Hu nggyu ti Masapai hu ma mwawei, hu fwal ɓa si catu ma for ti ɗufal ii ra. 15Hu for ma fati mupwet, shak ta andiyi DeeƁwe ha'us fit ta fiyai. A nin ni ɗing ɗamam mii. 16A ti mbaitat i asum i Yeso, maɗufal mai wis njeng. Hu ɗingus hu shangus! A ti fati mwawei tasi asum i Yeso kin maɗufal mai wis cala, shak asui hu ɗingi ti shishat amu.
17“Mwashi, a shunun i shangi hu mas aɗeng mai kaciwa' shangi, fota ngga' ima mbayai amu si masi ta. 18Shak ta andiyi, ngga' ima DeeƁwe hya aɗeng ima lak to foi shak som i shit nyai, Kristi ames ma wa woti shum. 19Ɓurti andi kabuk hun! Hu hatat wa kyel i DeeƁwe, ɓurti ɓa si shuhu mafwashani amu ya. Myan i wis ti mute mamwai ma wa yes ta kyel i Deembai. 20Ma wa tuk ti Kristi ima si benus hwer ɓursu, a yis mii Yeso. 21A kpak Yeso u te ta fit, yes myan ima DeeƁwe ma wa hatat ti ɗamam shak ii mamwai. Angga' ima kin kani si ɓwi hai ta si ɓele ta foi som i shit ima siti sapa nai. 22Mosis lak ni, ‘Deembai DeeƁwe ama, ma wa ro su ti mashit nin na saa ti shunu, fota ngga' ima roon ta. A kpang hu shu mwal hu hal aɗeng ima ma wa laksu. 23Shak maɗufal ima nggwes i halsus si wa re' sus ya fweng na saa ti ɗufal wi.’#3:23 Ɗing huni hwak: Muh 18:15,18-19.
24“Angga'i nai, shak som shit ta Samwel wa wei, hyang ima si lak ɗamam i mukonan mii. 25Findel ima si lak ta fwai i som shit a ɓursu. A hun hu wa cwai ti kop i dakwa ima DeeƁwe masi hu kaya amu, ta angga' ima lak Ibirai ni, ‘I na washash ama wa shak ramam i naya, si wa wis ti maɗesi.’#3:25 Ɗing huni hwak: Bya 22:18; Bya 26:4. 26Myan ima DeeƁwe ben Yere ames, roos na kyel amu ti bya', ɓa u kinu maɗesi ta fisel ti hatat tu ɓa hu hon mafwashani amu.”
လက်ရှိရွေးချယ်ထားမှု
Ro i Som Muro 3: AlisIRonNT
အရောင်မှတ်ချက်
မျှဝေရန်
ကူးယူ
မိမိစက်ကိရိယာအားလုံးတွင် မိမိအရောင်ချယ်သောအရာများကို သိမ်းဆည်းထားလိုပါသလား။ စာရင်းသွင်းပါ (သို့) အကောင့်ဝင်လိုက်ပါ
© Wycliffe Bible Translators, Inc. and © The Nigeria Bible Translation Trust 2018
Ro i Som Muro 3
3
Gundung Wis Cala ta Foi Kwap i Wur i DeeƁwe
1Nin mweni ndai Pita hu Jwon sin wa Wur i DeeƁwe myan i fwal ti DeeƁwe, shitam ataat ti ango. 2Maɗufal nin ima si al lus ii gundung. Ngang si ha'ansus si wa si kin ta fo i kwap nin i Wur i DeeƁwe ima si lai ii kwap maɗesi, ɓurti ɓa u fwal fwal ta kyel i som ima si yes mulang ta Wur i DeeƁwe. 3Myan ima shu shishat ɗing ti Pita hu Jwon sin wa mulang ta, unai fwal lus ɓa si fas cef ta. 4Pita hu Jwon si shus shishat hai. Unai Pita nyus, “Ɗinga nin fo!” 5Unai shak ambe' i gundungi humus ta kyel i Pita hu Jwon, yis kintiɓwi nyai, ashang si wa fa sus ɗama.
6Unai Pita nyus, “I ti cef kwa fweng, ɓurti andi aɗeng ima i mati ayis i wa fasa. Ta saa ti asum i Yeso Kristi i Nazaret, lukka fit ha at.” 7Unai Pita ka' rai ucwa ames, ha'us fit, Fo abet sisaiyi hu nggwaha i sisai i gundungi si wis njeng. 8Pis jaɓwak te mangra, cu wei ti ati. Unai si at tikul si rang ta Wur i DeeƁwe, yis ɗa'at yis pyasan ta fit, yis lak ti adorai i ha' ti DeeƁwe fit. 9Myan ima ɗufal shak si ɗingus yis ati yis lak ti adorai yis ha' ti DeeƁwe fit. 10Si kinus asum a yis maɗufal mandeki, ima tyai ta foi kwap i Wur i DeeƁwe, ima si laiyani ii Maɗesi, yis fwalan ti cef ta. Aɗengi lumus fwai ya hu shok na fwai ti ɗing ti aɗeng ima wisus.
Findel i Pita ta Wur i DeeƁwe
11Myan ima gundung ima wis cala yis tifai ti Pita hu Jwon, aɗengi lum ɗufal fwai ya shak, si kolfai ti titalal wa kyel nin ima si lai i muru' i Solomon. 12Myan ima Pita ɗing mai aɗengi, findel ɗufal ni, “A ɗufal i Isar'ila, ami kin mai aɗengi fu shok na fwai ya? Ami kin hu shwai sinin shishat hai fota a njeng aminin, hu myanat ti DeeƁwe aminin fo, kin maɗufal mai at ya? 13A DeeƁwe i Ibirai, i Aizik, i Jakop, DeeƁwe i kaya amukan, fa yere ames Yeso ngye ti masti aɗeng mai. A hun hu fa ɓa si forus, hu nggwetus ta wei i Pailet, ima zan ta mulut ɓa si catus ii ra. 14Hu nggyu ti Masapai hu ma mwawei, hu fwal ɓa si catu ma for ti ɗufal ii ra. 15Hu for ma fati mupwet, shak ta andiyi DeeƁwe ha'us fit ta fiyai. A nin ni ɗing ɗamam mii. 16A ti mbaitat i asum i Yeso, maɗufal mai wis njeng. Hu ɗingus hu shangus! A ti fati mwawei tasi asum i Yeso kin maɗufal mai wis cala, shak asui hu ɗingi ti shishat amu.
17“Mwashi, a shunun i shangi hu mas aɗeng mai kaciwa' shangi, fota ngga' ima mbayai amu si masi ta. 18Shak ta andiyi, ngga' ima DeeƁwe hya aɗeng ima lak to foi shak som i shit nyai, Kristi ames ma wa woti shum. 19Ɓurti andi kabuk hun! Hu hatat wa kyel i DeeƁwe, ɓurti ɓa si shuhu mafwashani amu ya. Myan i wis ti mute mamwai ma wa yes ta kyel i Deembai. 20Ma wa tuk ti Kristi ima si benus hwer ɓursu, a yis mii Yeso. 21A kpak Yeso u te ta fit, yes myan ima DeeƁwe ma wa hatat ti ɗamam shak ii mamwai. Angga' ima kin kani si ɓwi hai ta si ɓele ta foi som i shit ima siti sapa nai. 22Mosis lak ni, ‘Deembai DeeƁwe ama, ma wa ro su ti mashit nin na saa ti shunu, fota ngga' ima roon ta. A kpang hu shu mwal hu hal aɗeng ima ma wa laksu. 23Shak maɗufal ima nggwes i halsus si wa re' sus ya fweng na saa ti ɗufal wi.’#3:23 Ɗing huni hwak: Muh 18:15,18-19.
24“Angga'i nai, shak som shit ta Samwel wa wei, hyang ima si lak ɗamam i mukonan mii. 25Findel ima si lak ta fwai i som shit a ɓursu. A hun hu wa cwai ti kop i dakwa ima DeeƁwe masi hu kaya amu, ta angga' ima lak Ibirai ni, ‘I na washash ama wa shak ramam i naya, si wa wis ti maɗesi.’#3:25 Ɗing huni hwak: Bya 22:18; Bya 26:4. 26Myan ima DeeƁwe ben Yere ames, roos na kyel amu ti bya', ɓa u kinu maɗesi ta fisel ti hatat tu ɓa hu hon mafwashani amu.”
လက်ရှိရွေးချယ်ထားမှု
:
အရောင်မှတ်ချက်
မျှဝေရန်
ကူးယူ
မိမိစက်ကိရိယာအားလုံးတွင် မိမိအရောင်ချယ်သောအရာများကို သိမ်းဆည်းထားလိုပါသလား။ စာရင်းသွင်းပါ (သို့) အကောင့်ဝင်လိုက်ပါ
© Wycliffe Bible Translators, Inc. and © The Nigeria Bible Translation Trust 2018