Jwon 18
18
Si Ka' Yeso
1Takfai tima Yeso mbit fwal mai, unai lang ya akul hu fe i ro ames si pis ɗara i Kidron. Yang nin ti mata fit i ɗarai, unai lang ta yangi, yis hu fe i ro ames.
2Judas, ima juwilus ya, shang kyeli ɓurti Yeso mana shwayan ta kyeli hu fe i ro ames. 3Unai Judas zan som i ɓwol hu som ɗing ti Wur i DeeƁwe ta ima mbayai i kocokak hu Farisiyawa si tukus, si wa ta yangi, sin ta mukofaffi, ta yitat ima si ti manan, sin ta ɗamam i ɓwoli.
4Yeso shang shak aɗeng ima ma wa wisus, her ta wei lulus ni, “Awe hu fari ya?”
5Si matussi si ni, “A Yeso i Nazaret.”
Yeso nyus, “Ayin mai.” Judas hwak, Ma cwai ti kwinik yis mangra ta kyeli akul hu sin. 6Myani Yeso ni, “Ayin a yis,” si her takfai si fwar ta fisha.
7Unai hum lulsus ni, “Awe hu fari ya?” Si ni, “A Yeso i Nazaret.”
8Yeso matussi ni “I laku wa, ayin a yis wa, na ayin hu fari, hon hun mii si wis.” 9Mai fur fisha a ɓurti ɓa findel ima ai lak u hya, “Ta si ima ha fan i hwiti andek niin ya kwa.”#18:9 Ɗing huni hwak: Jwn 6:39.
10Unai Siman Pita, ima mati awal, warat ta fatal tel ti yere i mbai makocok ya, fet mwal ti ra i ucwa ya. Asum i yerei a Malkus.
11Yeso lak Pita ɓin, “Hu mati awali ta fatal wi! I wa woi ta cunjo tima Deen fan ɓa i wo kwa waak?”
Yeso ta Wei i Annas
12Unai suɓut i som ɓwol hu mbai i som ɓwoli, hu fe muroha i som Ju si ka' Yeso, si no'us. 13Ti bya' si kolus ta kyel Anas, yis a wash i Kayafas, ima a yis mii mbai makocok ta wili. 14Kayafas a yis mas som Ju findel i taɓak nyai, ɗat ɓa si ni maɗufal andek u mot ɓurti ɗufal.
Ɓwingil i Pita i Bya'
15Unai Siman Pita hu niin ta saa ti fe i roi, si kolfai ti Yeso ta maleng. Maro mai si mashang hu mbai makocoki unai lang ta wur i makocoki akul hu Yeso. 16Pita te mangra ta fo i mahom ta saikyel. Mandek i maro ima si mashang hu mbai makocoki, lang ya findel hu yamwan tima ti ta fo ro amet si lang ti Pita ta.
17Yamwan tima ti ta fo i mahomi ti lul Pita ti ni “Hama andek ta saa ti fe i ro i maɗufal mai, ahun andi kwa ya?”
Yis humut ti kyel ni, “Wawa' i ta saa yusti kwa.”
18Ɓurti kyel ti tiɗya, unai yarai hu som ɗing ti kyel ta si tut man i hali, sin ta mangrai, sin hal ti mani. Pita hwak yis mangra ta kyeli akul hu sin, yis hal ti mani.
Mbai Makocok Lul Yeso Fo
19Unai mbai makocok lul Yeso fo tasi mangga' i fe i ro ames hu mangga' i kofiti ames.
20Yeso matussi ni, “I nyai i findel na wei i ɗufal wi shak wa, i wo yin kofiti na mareha hu Wur i DeeƁwe, shak kikyal ima som Ju si suɓut ta. I lak ɗama i mufot kwa. 21A ɓurti mi hama yun mulul fo ya? Lula ta som ima si halun tasi aɗeng ima i lakus, si shang aɗeng ima i lak.”
22Myan ima Yeso lak mai, andek ta saa ti yarai ima sima mangrai nggas ti Yeso pas ta kapak, lak ni, “Angga ima ha wa mati mbai makocok ta nai haa?”
23Yeso matussi ni, “Na i lak ɗama ndere kwa, lakana kyel ima i leliya ta. Na i lak mwawei, ami kin ha pan ya?” 24Unai Anas tuk tus ta mano' wi wa kyel i Kayafas mbai makocok.
Ɓwingil i Pita Mapil hu Mataat
25Siman Pita yis mangra yis halti man, unai si lakus si ni, “Ka nyai, ha hwak ha ma andek ta saa ti fe i ro ames, ahun andi kwa ya?”
Ɓwingil ni, “Wawa' ayin kwa.”
26Nin ta saa ti yarai i mbai makocoki, a gung i maɗufal ima Pita fetus mwal ya, lak ni, “Ka nyai a ha i ɗinga akul hu yis ta yang, andi kwa?” 27Pita hum ɓwingil i hai, tasi myan ani korong tulol.
Yeso ta Wei i Pailet
28Som i Ju si ɗik zan ti Yeso ta kyel i Kayafas wa ta wur i makai i Rom. Ɓurti si ɓweti si te ti sapai i cwai ti folok i Pissihai, unai si nggwes i mulang ta wuri. 29Unai Pailet lang ya lulus ni, “Maɗufal mai masu ami ima hu yes tu nati ya?”
30Si nyai, “Naɗin yis ti mafwashi kwa, naɗin ni yes tus na kyel ama kwa.”
31Unai Pailet ni, “Zan hun yus hu totus ɓur ta ngga' ima anggut amu lak ta.”
Som i Ju si ni, “Ni ndok ni lef ɗeng ɓur hai kwa.” 32Te andi a ɓurti findel ima Yeso lak ɓa u hya, myan ima lak ngga' ima ma wa mot ta.
33Unai Pailet lai Yeso ta wi wur lulus ni, “A ha a makai i Ju ani?”
34Yeso lulus ni, “A ambe' ama, ahun a ɗeng laka waak?”
35Pailet ni, “Yin a maɗufal i Ju ani? A ɗufal amu hu mbayai i kocokak amu si kola na kyel amen. Ami ha masi ya?”
36Yeso ni, “Kaitat asun a ti naya moti kwa, naɗin a ti naya moti, na som koltifai asuni si ɓin, si fwangun ya ta ra i Ju. Ɓurti andi kaitat amen ii nati kwa?”
37Pailet ni, “Unai a ha a makai ani?”
Yeso ni, “A ha ha ni, yin a makai. Aɗeng ima kin si alun nai, a aɗeng ima kin i yes na naya nai, ɓa i lak mwawei. Shak maɗufal ima mati mwawei u halun.”
38Pailet ni, “Ami a mwawei ya?” Unai lang ya i hai ta kyel i som Ju ni, “I wisus ti mafwashi nin kwa. 39Ɓurti a aɗeng ima hu ɓyati ɓa i waku maɗufal andek i ra ta mano', myan ima hun wa Got i Pissihai. Hu ɓweti i waku ‘Makai i Ju’ i ra haa?”
40Si mat rafo si ni, “Wayou, a yis kwa! Faha nin Barabas!” Barabas ai yis ta saa ti som i ɓin ani.
လက်ရှိရွေးချယ်ထားမှု
Jwon 18: AlisIRonNT
အရောင်မှတ်ချက်
မျှဝေရန်
ကူးယူ
မိမိစက်ကိရိယာအားလုံးတွင် မိမိအရောင်ချယ်သောအရာများကို သိမ်းဆည်းထားလိုပါသလား။ စာရင်းသွင်းပါ (သို့) အကောင့်ဝင်လိုက်ပါ
© Wycliffe Bible Translators, Inc. and © The Nigeria Bible Translation Trust 2018
Jwon 18
18
Si Ka' Yeso
1Takfai tima Yeso mbit fwal mai, unai lang ya akul hu fe i ro ames si pis ɗara i Kidron. Yang nin ti mata fit i ɗarai, unai lang ta yangi, yis hu fe i ro ames.
2Judas, ima juwilus ya, shang kyeli ɓurti Yeso mana shwayan ta kyeli hu fe i ro ames. 3Unai Judas zan som i ɓwol hu som ɗing ti Wur i DeeƁwe ta ima mbayai i kocokak hu Farisiyawa si tukus, si wa ta yangi, sin ta mukofaffi, ta yitat ima si ti manan, sin ta ɗamam i ɓwoli.
4Yeso shang shak aɗeng ima ma wa wisus, her ta wei lulus ni, “Awe hu fari ya?”
5Si matussi si ni, “A Yeso i Nazaret.”
Yeso nyus, “Ayin mai.” Judas hwak, Ma cwai ti kwinik yis mangra ta kyeli akul hu sin. 6Myani Yeso ni, “Ayin a yis,” si her takfai si fwar ta fisha.
7Unai hum lulsus ni, “Awe hu fari ya?” Si ni, “A Yeso i Nazaret.”
8Yeso matussi ni “I laku wa, ayin a yis wa, na ayin hu fari, hon hun mii si wis.” 9Mai fur fisha a ɓurti ɓa findel ima ai lak u hya, “Ta si ima ha fan i hwiti andek niin ya kwa.”#18:9 Ɗing huni hwak: Jwn 6:39.
10Unai Siman Pita, ima mati awal, warat ta fatal tel ti yere i mbai makocok ya, fet mwal ti ra i ucwa ya. Asum i yerei a Malkus.
11Yeso lak Pita ɓin, “Hu mati awali ta fatal wi! I wa woi ta cunjo tima Deen fan ɓa i wo kwa waak?”
Yeso ta Wei i Annas
12Unai suɓut i som ɓwol hu mbai i som ɓwoli, hu fe muroha i som Ju si ka' Yeso, si no'us. 13Ti bya' si kolus ta kyel Anas, yis a wash i Kayafas, ima a yis mii mbai makocok ta wili. 14Kayafas a yis mas som Ju findel i taɓak nyai, ɗat ɓa si ni maɗufal andek u mot ɓurti ɗufal.
Ɓwingil i Pita i Bya'
15Unai Siman Pita hu niin ta saa ti fe i roi, si kolfai ti Yeso ta maleng. Maro mai si mashang hu mbai makocoki unai lang ta wur i makocoki akul hu Yeso. 16Pita te mangra ta fo i mahom ta saikyel. Mandek i maro ima si mashang hu mbai makocoki, lang ya findel hu yamwan tima ti ta fo ro amet si lang ti Pita ta.
17Yamwan tima ti ta fo i mahomi ti lul Pita ti ni “Hama andek ta saa ti fe i ro i maɗufal mai, ahun andi kwa ya?”
Yis humut ti kyel ni, “Wawa' i ta saa yusti kwa.”
18Ɓurti kyel ti tiɗya, unai yarai hu som ɗing ti kyel ta si tut man i hali, sin ta mangrai, sin hal ti mani. Pita hwak yis mangra ta kyeli akul hu sin, yis hal ti mani.
Mbai Makocok Lul Yeso Fo
19Unai mbai makocok lul Yeso fo tasi mangga' i fe i ro ames hu mangga' i kofiti ames.
20Yeso matussi ni, “I nyai i findel na wei i ɗufal wi shak wa, i wo yin kofiti na mareha hu Wur i DeeƁwe, shak kikyal ima som Ju si suɓut ta. I lak ɗama i mufot kwa. 21A ɓurti mi hama yun mulul fo ya? Lula ta som ima si halun tasi aɗeng ima i lakus, si shang aɗeng ima i lak.”
22Myan ima Yeso lak mai, andek ta saa ti yarai ima sima mangrai nggas ti Yeso pas ta kapak, lak ni, “Angga ima ha wa mati mbai makocok ta nai haa?”
23Yeso matussi ni, “Na i lak ɗama ndere kwa, lakana kyel ima i leliya ta. Na i lak mwawei, ami kin ha pan ya?” 24Unai Anas tuk tus ta mano' wi wa kyel i Kayafas mbai makocok.
Ɓwingil i Pita Mapil hu Mataat
25Siman Pita yis mangra yis halti man, unai si lakus si ni, “Ka nyai, ha hwak ha ma andek ta saa ti fe i ro ames, ahun andi kwa ya?”
Ɓwingil ni, “Wawa' ayin kwa.”
26Nin ta saa ti yarai i mbai makocoki, a gung i maɗufal ima Pita fetus mwal ya, lak ni, “Ka nyai a ha i ɗinga akul hu yis ta yang, andi kwa?” 27Pita hum ɓwingil i hai, tasi myan ani korong tulol.
Yeso ta Wei i Pailet
28Som i Ju si ɗik zan ti Yeso ta kyel i Kayafas wa ta wur i makai i Rom. Ɓurti si ɓweti si te ti sapai i cwai ti folok i Pissihai, unai si nggwes i mulang ta wuri. 29Unai Pailet lang ya lulus ni, “Maɗufal mai masu ami ima hu yes tu nati ya?”
30Si nyai, “Naɗin yis ti mafwashi kwa, naɗin ni yes tus na kyel ama kwa.”
31Unai Pailet ni, “Zan hun yus hu totus ɓur ta ngga' ima anggut amu lak ta.”
Som i Ju si ni, “Ni ndok ni lef ɗeng ɓur hai kwa.” 32Te andi a ɓurti findel ima Yeso lak ɓa u hya, myan ima lak ngga' ima ma wa mot ta.
33Unai Pailet lai Yeso ta wi wur lulus ni, “A ha a makai i Ju ani?”
34Yeso lulus ni, “A ambe' ama, ahun a ɗeng laka waak?”
35Pailet ni, “Yin a maɗufal i Ju ani? A ɗufal amu hu mbayai i kocokak amu si kola na kyel amen. Ami ha masi ya?”
36Yeso ni, “Kaitat asun a ti naya moti kwa, naɗin a ti naya moti, na som koltifai asuni si ɓin, si fwangun ya ta ra i Ju. Ɓurti andi kaitat amen ii nati kwa?”
37Pailet ni, “Unai a ha a makai ani?”
Yeso ni, “A ha ha ni, yin a makai. Aɗeng ima kin si alun nai, a aɗeng ima kin i yes na naya nai, ɓa i lak mwawei. Shak maɗufal ima mati mwawei u halun.”
38Pailet ni, “Ami a mwawei ya?” Unai lang ya i hai ta kyel i som Ju ni, “I wisus ti mafwashi nin kwa. 39Ɓurti a aɗeng ima hu ɓyati ɓa i waku maɗufal andek i ra ta mano', myan ima hun wa Got i Pissihai. Hu ɓweti i waku ‘Makai i Ju’ i ra haa?”
40Si mat rafo si ni, “Wayou, a yis kwa! Faha nin Barabas!” Barabas ai yis ta saa ti som i ɓin ani.
လက်ရှိရွေးချယ်ထားမှု
:
အရောင်မှတ်ချက်
မျှဝေရန်
ကူးယူ
မိမိစက်ကိရိယာအားလုံးတွင် မိမိအရောင်ချယ်သောအရာများကို သိမ်းဆည်းထားလိုပါသလား။ စာရင်းသွင်းပါ (သို့) အကောင့်ဝင်လိုက်ပါ
© Wycliffe Bible Translators, Inc. and © The Nigeria Bible Translation Trust 2018