Jwon 3
3
Nikodimus yes kyel i Yeso
1Maɗufal nin ma asum Nikodimus, ma Farisiyawa andek ta saa ti mbayai i Ju, 2yes kyel i Yeso tafo' nyus, “A makofiti, ni shangi a ha a ma kofti shangi ima yes ta kyel i DeeƁwe. Ɓurti ɗeng ndok u mas ɗamam i shok na fo ima ha masi mii kwa, a maɗufal ima DeeƁwe ma akul hu yis je.”
3Unai Yeso humuskyel ti findel ni, “I laksa mwawei, na si hum al ti maɗufal#3:3 na si hum al ti maɗufal Ahun Al ta kyel i DeeƁwe, A ɗama andek hui rang mupyoron. kwa, ma wa wis ti ɗing ti wur i kaitat i DeeƁwe kwa.”
4Nikodimus lulus ni, “Si wa muhum al ti maɗufal atini ya, takfai tima tuu kayas ya? Ma wa muhumkyel ta ɗar i nasus ɗak si hum alsus ma pilal haa?”
5Yeso humuskyel ti findel ni, “I laksa mwawei, na si al maɗufal ta ham hu Rin kwa, ma wa wis ti mulang ta kaitat i DeeƁwe kwa. 6Aɗeng ima maɗufal al ta lo' hu wash a maɗufal malo' hu wash, aɗeng ima Rin al a Rin. 7Kan ha shok na fo ti laki amen kwa, ‘A kpang si hum al su.’ 8Se fwa' haat wa kyel ima ɗingi ɗatus, ha haal ro ti kyel ames, ɗak ha shang a kyel ima lang ta hu kyel ima ma wa ta kwa. Angga' ima shak maɗufal ima Rin alus mata nai.”
9Nikodimus lulus, “Mai i aɗengi ma wa mufur a tak mule ya?”
10Unai Yeso humuskyel ti findel nyus, “Ha ha mii ma kofti shangi na Isar'ila, shak ta andi, ha shang ɗamam mii kwa haa? 11I laksa mwawei, ni laksu aɗeng ima ni shangi, ni findelsu si aɗeng ima ni ɗingi, shak ta andi, hu nggyu i mat ti findel ima ni lakui. 12I findelu si ɗamam i naya hai hu fa mwawei kwa, hu wa masi atini hu fa mwawei na i laku findel si ɗamam i fit hai ya? 13Ai ɗeng tuu ɗu ta fit kwa fweng ayis Al i Maɗufal kyek je ima ɗor ta fit. 14Fota ngga' ima Mosis ha' ɗamafwashi fit ta ya, angga'i nai hwak, a kpang si ha' Al i Maɗufal fit. 15Ɓurti shak maɗufal ima fa mwawei wa kyel ames, ma wa wis ti mupwet i myan hu myan.
16“Ɓurti DeeƁwe ɓwet naya fwet a yis kin fa Al ames andek ɗwyat, ɓurti shak maɗufal ima fa mwawei si yis hai ma wa mot kwa, u wis mupwet i myan hu myan. 17DeeƁwe ro Al ames na naya a ɓurti ɓa u lefut ɓur hai kwa, a ɓurti ɓa naya ti wis mupwet ɓursus. 18Shak maɗufal ima fa mwawei wa kyel ames si wa lefsus ɓur hai kwa, shak maɗufal ima fa mwawei wa kyel ames kwa, ti si lefus ɓur ya, ɓurti si fa mwawei tasi asum i DeeƁwe hu Al ames andek ɗwyat kwa. 19Ngga' ima ɓuri mata mai, kweneng yes na naya, ɗufal si ɓin ɓweti maɓing wei ti kweneng, ɓurti roha ames a mafwashi. 20Shak ɗufal ima si mas mafwashi ani si nggwyayus ti kwenengi, si ɓyat yes ta kyel i kweneng kwa, ɓurti kandok roha mafwashani amesi si matɓoor. 21Maɗufal ima mas mwawei yas ta kyel i kweneng, ɓurti ɓa si ɗingi rasman nyai ɗamam ima ma masi ma masani ati mbaitat i DeeƁwe.”
Findel i Jwon Mabatisma si Yeso hai
22Takfai ti andi, Yeso hu fe i ro ames si wa ta ɓwai i ta' ti Judya si yash ta kyeli akul hu sin, yis masti ɗufal batisma. 23Jwon hwak yis masti ɗufal batisma ta Ainon nggas ti Salim, ɓurti ai ham yis ta hyang. Ɗufal si cu wei ti wa yis masus batisma. 24(Aɗeng mai fur kaciwa' ti si kin Jwon ta wur i shitam.) 25Unai uɓet si lang ta saa ti fe i ro ti Jwon hu maɗufal i Ju nin si mangga' i sati kikyal i got ya. 26Unai fe i ro si wa kyel i Jwon si ni, “A makofti shangi, maɗufal ima ai hun akul ta fit i Ɗara i Jodan ani, ima hati haisa ha findel si yis hai, ma masti batisma, ɗufal nai yus wa ta kyel ames shak.”
27Jwon humuskyel ti findel ta ni, “Ɗeng wyasi u mat ɗama kaciwa' si tukusi ta fit kwa. 28Hun ti haisu hu wa lak ti aɗeng ima hu hali i lak nyai, ‘Ayin i mii Kristi kwa, si ron ɓa i tongus ayis.’ 29Ta got i kunggo a re mii ma mbori. Mwes i rei, ta kyel i got i kunggoi shwai a myan i hal ti la ti rei kek u hyas ti pipelat na mulut. Jakak ani amen, a mwashi hya. 30A kpang yis u cu wei ti wis ti ngye, yin i cu wei ti muhumkyel takfai.
31“Yis ima yes ta fit ɓin ɗufal shak, yis ima lang na naya ii naya, lak a findel i ɗamam i naya. Yis ima yes ta fit ɓin ɗufal shak. 32Ma laki si aɗeng ima tuu ɗingi hu ima hali hwak, shak ta andi ɗeng ɓwet ti laki amesi kwa. 33Maɗufal ima tuu mat kaf ti nyai, DeeƁwe a mwawei. 34Andek ima DeeƁwe rohus lak findel i DeeƁwe, ɓurti DeeƁwe fai Rin kaciwa' anggwe'. 35Dee ɓwet Ali, kin shak ɗamam ta ra ames. 36Shak maɗufal ima fa mwawei saa ti Ali, mati mupwet i myan hu myan, maɗufal ima nggwes ti Ali, ma wa ɗing ti mupwet kwa, ɓurti mafwashi i DeeƁwe katus hai.”
လက်ရှိရွေးချယ်ထားမှု
Jwon 3: AlisIRonNT
အရောင်မှတ်ချက်
မျှဝေရန်
ကူးယူ
မိမိစက်ကိရိယာအားလုံးတွင် မိမိအရောင်ချယ်သောအရာများကို သိမ်းဆည်းထားလိုပါသလား။ စာရင်းသွင်းပါ (သို့) အကောင့်ဝင်လိုက်ပါ
© Wycliffe Bible Translators, Inc. and © The Nigeria Bible Translation Trust 2018
Jwon 3
3
Nikodimus yes kyel i Yeso
1Maɗufal nin ma asum Nikodimus, ma Farisiyawa andek ta saa ti mbayai i Ju, 2yes kyel i Yeso tafo' nyus, “A makofiti, ni shangi a ha a ma kofti shangi ima yes ta kyel i DeeƁwe. Ɓurti ɗeng ndok u mas ɗamam i shok na fo ima ha masi mii kwa, a maɗufal ima DeeƁwe ma akul hu yis je.”
3Unai Yeso humuskyel ti findel ni, “I laksa mwawei, na si hum al ti maɗufal#3:3 na si hum al ti maɗufal Ahun Al ta kyel i DeeƁwe, A ɗama andek hui rang mupyoron. kwa, ma wa wis ti ɗing ti wur i kaitat i DeeƁwe kwa.”
4Nikodimus lulus ni, “Si wa muhum al ti maɗufal atini ya, takfai tima tuu kayas ya? Ma wa muhumkyel ta ɗar i nasus ɗak si hum alsus ma pilal haa?”
5Yeso humuskyel ti findel ni, “I laksa mwawei, na si al maɗufal ta ham hu Rin kwa, ma wa wis ti mulang ta kaitat i DeeƁwe kwa. 6Aɗeng ima maɗufal al ta lo' hu wash a maɗufal malo' hu wash, aɗeng ima Rin al a Rin. 7Kan ha shok na fo ti laki amen kwa, ‘A kpang si hum al su.’ 8Se fwa' haat wa kyel ima ɗingi ɗatus, ha haal ro ti kyel ames, ɗak ha shang a kyel ima lang ta hu kyel ima ma wa ta kwa. Angga' ima shak maɗufal ima Rin alus mata nai.”
9Nikodimus lulus, “Mai i aɗengi ma wa mufur a tak mule ya?”
10Unai Yeso humuskyel ti findel nyus, “Ha ha mii ma kofti shangi na Isar'ila, shak ta andi, ha shang ɗamam mii kwa haa? 11I laksa mwawei, ni laksu aɗeng ima ni shangi, ni findelsu si aɗeng ima ni ɗingi, shak ta andi, hu nggyu i mat ti findel ima ni lakui. 12I findelu si ɗamam i naya hai hu fa mwawei kwa, hu wa masi atini hu fa mwawei na i laku findel si ɗamam i fit hai ya? 13Ai ɗeng tuu ɗu ta fit kwa fweng ayis Al i Maɗufal kyek je ima ɗor ta fit. 14Fota ngga' ima Mosis ha' ɗamafwashi fit ta ya, angga'i nai hwak, a kpang si ha' Al i Maɗufal fit. 15Ɓurti shak maɗufal ima fa mwawei wa kyel ames, ma wa wis ti mupwet i myan hu myan.
16“Ɓurti DeeƁwe ɓwet naya fwet a yis kin fa Al ames andek ɗwyat, ɓurti shak maɗufal ima fa mwawei si yis hai ma wa mot kwa, u wis mupwet i myan hu myan. 17DeeƁwe ro Al ames na naya a ɓurti ɓa u lefut ɓur hai kwa, a ɓurti ɓa naya ti wis mupwet ɓursus. 18Shak maɗufal ima fa mwawei wa kyel ames si wa lefsus ɓur hai kwa, shak maɗufal ima fa mwawei wa kyel ames kwa, ti si lefus ɓur ya, ɓurti si fa mwawei tasi asum i DeeƁwe hu Al ames andek ɗwyat kwa. 19Ngga' ima ɓuri mata mai, kweneng yes na naya, ɗufal si ɓin ɓweti maɓing wei ti kweneng, ɓurti roha ames a mafwashi. 20Shak ɗufal ima si mas mafwashi ani si nggwyayus ti kwenengi, si ɓyat yes ta kyel i kweneng kwa, ɓurti kandok roha mafwashani amesi si matɓoor. 21Maɗufal ima mas mwawei yas ta kyel i kweneng, ɓurti ɓa si ɗingi rasman nyai ɗamam ima ma masi ma masani ati mbaitat i DeeƁwe.”
Findel i Jwon Mabatisma si Yeso hai
22Takfai ti andi, Yeso hu fe i ro ames si wa ta ɓwai i ta' ti Judya si yash ta kyeli akul hu sin, yis masti ɗufal batisma. 23Jwon hwak yis masti ɗufal batisma ta Ainon nggas ti Salim, ɓurti ai ham yis ta hyang. Ɗufal si cu wei ti wa yis masus batisma. 24(Aɗeng mai fur kaciwa' ti si kin Jwon ta wur i shitam.) 25Unai uɓet si lang ta saa ti fe i ro ti Jwon hu maɗufal i Ju nin si mangga' i sati kikyal i got ya. 26Unai fe i ro si wa kyel i Jwon si ni, “A makofti shangi, maɗufal ima ai hun akul ta fit i Ɗara i Jodan ani, ima hati haisa ha findel si yis hai, ma masti batisma, ɗufal nai yus wa ta kyel ames shak.”
27Jwon humuskyel ti findel ta ni, “Ɗeng wyasi u mat ɗama kaciwa' si tukusi ta fit kwa. 28Hun ti haisu hu wa lak ti aɗeng ima hu hali i lak nyai, ‘Ayin i mii Kristi kwa, si ron ɓa i tongus ayis.’ 29Ta got i kunggo a re mii ma mbori. Mwes i rei, ta kyel i got i kunggoi shwai a myan i hal ti la ti rei kek u hyas ti pipelat na mulut. Jakak ani amen, a mwashi hya. 30A kpang yis u cu wei ti wis ti ngye, yin i cu wei ti muhumkyel takfai.
31“Yis ima yes ta fit ɓin ɗufal shak, yis ima lang na naya ii naya, lak a findel i ɗamam i naya. Yis ima yes ta fit ɓin ɗufal shak. 32Ma laki si aɗeng ima tuu ɗingi hu ima hali hwak, shak ta andi ɗeng ɓwet ti laki amesi kwa. 33Maɗufal ima tuu mat kaf ti nyai, DeeƁwe a mwawei. 34Andek ima DeeƁwe rohus lak findel i DeeƁwe, ɓurti DeeƁwe fai Rin kaciwa' anggwe'. 35Dee ɓwet Ali, kin shak ɗamam ta ra ames. 36Shak maɗufal ima fa mwawei saa ti Ali, mati mupwet i myan hu myan, maɗufal ima nggwes ti Ali, ma wa ɗing ti mupwet kwa, ɓurti mafwashi i DeeƁwe katus hai.”
လက်ရှိရွေးချယ်ထားမှု
:
အရောင်မှတ်ချက်
မျှဝေရန်
ကူးယူ
မိမိစက်ကိရိယာအားလုံးတွင် မိမိအရောင်ချယ်သောအရာများကို သိမ်းဆည်းထားလိုပါသလား။ စာရင်းသွင်းပါ (သို့) အကောင့်ဝင်လိုက်ပါ
© Wycliffe Bible Translators, Inc. and © The Nigeria Bible Translation Trust 2018