Jwon 9
9
Yeso Fa Manzyau Ɗing ti Kyel
1Yeso yis foi wa, unai ɗing maɗufal nin ima si alus ii manzyau. 2Unai fe i ro ames si lulus si ni, “A Makofiti, a mafwashi i we kin si al maɗufal mai ii manzyau ya? A mafwashi ames, ahun ii somes ya?”
3Yeso humuskyel ti findel ni, “A ɓurti maɗufal mai hu somes si mas mafwashi kwa. Si alus ii manzyau a ɓurti ɓa DeeƁwe u kof mbaitat i ro ames si yis hai. 4A kpang ka cu wei ti masti ro ames, yis ima rohun ɓwe yit ɗirina. Fo' ma yes, ɗeng ma wa wi si u mas ro si myani hai kwa. 5Shak myan ima yin na naya, ayin a kweneng i naya.”
6Takfai tima lak andi, unai tuf lyau tasi ta' hai ta fisha, yiir, unai haar ta' ima yiiri fyal ta shishat i manzyauwi. 7Nyus, “Ɓwa, ha sa shishat ya ta ham i yiir i Silowam” (Piris i findeli “A roi”). Unai maɗufali wa sa shishat ya, humuskyel yis ɗing ti kyel.
8Som ima si ɗiyai hai, hu som ima si mana ɗingsus yis fwal ti fwal, si lul nyai, “A maɗufal ima ma tyayan amun yis fwal ti fwal ani mai kwaa?” 9Shini si ni a yis.
Shini si ni, “Wayou, si maɗing kek.”
Unai maɗufali ti haisus lak ni, “Ayin i mii maɗufali.”
10Unai si lulus nyai, “Atini shishat ama si matɓuya ya?”
11Humuskyel ti findel ta ni, “A maɗufali ima si lai ii Yeso ani, rot ta' fyal luni na shishat, ni ɓwa ha sa shishat ama ya ta ham i Silowam. I wa i saya unai i wis ɗing ti kyel.”
12Si lulus si ni, “Maɗufali mii leya?” Unai nyus, “I shangi kwa.”
Farisiyawa Si Bene Angga' ima Manzyauwi Wis Ɗing ti Kyel
13Unai ɗufali si ti' maɗufal ima ai yis ii manzyauwi ta kyel i Farisiyawa. 14A Mwen ti Lafos Yeso rot ta' ti lyau ames ɓu ti maɗufali shishat ya.
15Unai Farisiyawa si lulus ngga' ima wis ɗing ti kyel ta. Unai maɗufali ni, “Rot a ta' ti lyau ames, fyaluni na shishat, unai i saya, mwashi i ɗing ti kyel.”
16Shini Farisiyawa si ni, “Maɗufal mai mii ta kyel i DeeƁwe kwa, ɓurti fwang anggut i Mwen ti Lafos kwa.” Shini si lul nyai, “Ati ti ni ma masti mafwashi ma wa shang ti masti ɗamam i shok na fo musuti mii ya?” Unai ambe' ames matkarus. 17Unai si hum lul li ta maɗufali si ni, “Ami ha mbe' si maɗufal mai hai ya? Ɓurti a shishat ama ɓui ya.” Maɗufali humuskyel ti findel ta ni, “A mashit.”
18Mbayai i Ju si nggwes i fati mwawei nyai, maɗufali ai si alus i manzyau, ima mwashi wis ɗing ti kyel. Kol ima si lai somes tawe. 19Si lulus nyai, “A al amu mai haa? Huni si alus ii manzyau haa? Unai mas atini ma ɗing ti kyel mwashi ya?”
20Som mesi si humuskyel ti findel nyai, “Ni shangi mai a al aminin, ni shangi si alus ii manzyau. 21Ni shang angga' ima masi maɗing ti kyel mwashi kwa, ni shang maɗufal ima ɓuus shishat ya kwa. Lul hu yus, yis a kalaju kwa, ndok u lak ti haisus.”
22Som mesi si lak andi a ɓurti si myanat ti Som Ju fo, ɓurti si ni shak maɗufal ima ni Yeso a Kristi si wa nggasus ta marei. 23Ayis kin som mesi si ni, “A kalaju kwa, lul hun tayis, ndok u lak ti haisus.” 24Unai Farisiyawa si lai maɗufal ima ai yis ii manzyauwi sa mapil, si nyus, laka mwawei, “Ɓa ha ha' asum i DeeƁwe fit.#9:24 Si lakus ɓa u lak mwawei (ɗing huni hwak: Jos 7:19.) Nin ni shangi maɗufal mai a ma masti mafwashi.” 25Unai humuskyel ti findel ta ni, “Na a ma masti mafwashi, yin i shangi kwa. Ɗama andek ima i shangi, ai yin a manzyau, mwashi i ɗing ti kyel.” 26Si humus luli nyai, “Masa amiya? Masi atini ɗak ɓwa shishati ya ya?” 27Humuskyel ti findel ta ni, “Tii laku, hu hali kwani. Ami kin hu muhum ɓweti hali hwak ya? Ahun hun hwak hu ɓweti hu te ii fe i ro ames hwak waak?”
28Unai si se' maɗufali si nyus, “A ha ha mii al i ro ames! Nin a fe i ro i Mosis. 29Ni shangi DeeƁwe findel Mosis, maɗufal mai ni shang kyel i ma yes ta kwa.”
30Unai maɗufali humuskyel ti findel ta ni, “Ɗama i shok na fo'! Hu shang kyel ima yes ta kwa, u mai ɓun shishat ya! 31Ka shangi DeeƁwe hal som i masti mafwashi kwa, hal a som ima si ha' ti asum asus fit, hu som ima si mas ɗamam ima lakus shak. 32Ta si bya' i naya ɗeng tuu ɓu shishat i maɗufal ima si al ii manzyau kwa. 33Naɗin maɗufal mai yes ii ta kyel i DeeƁwe kwa, naɗin u shang masti ɗama kwa.”
34Unai si humuskyel ti findel nyai, “Si al ta mafwashi wii, ha ɓweti kof sinin ti haa?” Unai si nggas ya.
Nzyau i Rin
35Yeso hali nyai si nggaas ya, wisus lulus ni, “Ha fa mwawei wa kyel i Al i Maɗufal haa?”
36Maɗufali lul lus ni, “A Deembai, yis aweya? Lakana ti, ɓurti ɓa yin hwak i fa mwawei wa kyel ames.”
37Yeso nyus, “Mwashi ti ha ɗingus, ayis ma findel sa.”
38Unai maɗufali ni, “A Deembai, i fa mwawei.” Unai cus afut.
39Yeso ni, “I yes na naya a ɓurti ɓa i lef ɓur, ɓurti som ima manzyauwau, si ɗing kyel. Ima si ɗing ti kyel, si hat ii manzyauwau.”
40Farisiyawa shini ima sin yus nggas si hali, unai si ni, “Ha nyai nin a manzyauwau ndai haa?”
41Yeso nyus, “Naɗin hu mii manzyauwau, na ɗing hu kol mafwashi kwa. Mwashi ima hu ni hu ɗing ti kyel, mafwashani amui si yus na kpereng.”
လက်ရှိရွေးချယ်ထားမှု
Jwon 9: AlisIRonNT
အရောင်မှတ်ချက်
မျှဝေရန်
ကူးယူ
မိမိစက်ကိရိယာအားလုံးတွင် မိမိအရောင်ချယ်သောအရာများကို သိမ်းဆည်းထားလိုပါသလား။ စာရင်းသွင်းပါ (သို့) အကောင့်ဝင်လိုက်ပါ
© Wycliffe Bible Translators, Inc. and © The Nigeria Bible Translation Trust 2018
Jwon 9
9
Yeso Fa Manzyau Ɗing ti Kyel
1Yeso yis foi wa, unai ɗing maɗufal nin ima si alus ii manzyau. 2Unai fe i ro ames si lulus si ni, “A Makofiti, a mafwashi i we kin si al maɗufal mai ii manzyau ya? A mafwashi ames, ahun ii somes ya?”
3Yeso humuskyel ti findel ni, “A ɓurti maɗufal mai hu somes si mas mafwashi kwa. Si alus ii manzyau a ɓurti ɓa DeeƁwe u kof mbaitat i ro ames si yis hai. 4A kpang ka cu wei ti masti ro ames, yis ima rohun ɓwe yit ɗirina. Fo' ma yes, ɗeng ma wa wi si u mas ro si myani hai kwa. 5Shak myan ima yin na naya, ayin a kweneng i naya.”
6Takfai tima lak andi, unai tuf lyau tasi ta' hai ta fisha, yiir, unai haar ta' ima yiiri fyal ta shishat i manzyauwi. 7Nyus, “Ɓwa, ha sa shishat ya ta ham i yiir i Silowam” (Piris i findeli “A roi”). Unai maɗufali wa sa shishat ya, humuskyel yis ɗing ti kyel.
8Som ima si ɗiyai hai, hu som ima si mana ɗingsus yis fwal ti fwal, si lul nyai, “A maɗufal ima ma tyayan amun yis fwal ti fwal ani mai kwaa?” 9Shini si ni a yis.
Shini si ni, “Wayou, si maɗing kek.”
Unai maɗufali ti haisus lak ni, “Ayin i mii maɗufali.”
10Unai si lulus nyai, “Atini shishat ama si matɓuya ya?”
11Humuskyel ti findel ta ni, “A maɗufali ima si lai ii Yeso ani, rot ta' fyal luni na shishat, ni ɓwa ha sa shishat ama ya ta ham i Silowam. I wa i saya unai i wis ɗing ti kyel.”
12Si lulus si ni, “Maɗufali mii leya?” Unai nyus, “I shangi kwa.”
Farisiyawa Si Bene Angga' ima Manzyauwi Wis Ɗing ti Kyel
13Unai ɗufali si ti' maɗufal ima ai yis ii manzyauwi ta kyel i Farisiyawa. 14A Mwen ti Lafos Yeso rot ta' ti lyau ames ɓu ti maɗufali shishat ya.
15Unai Farisiyawa si lulus ngga' ima wis ɗing ti kyel ta. Unai maɗufali ni, “Rot a ta' ti lyau ames, fyaluni na shishat, unai i saya, mwashi i ɗing ti kyel.”
16Shini Farisiyawa si ni, “Maɗufal mai mii ta kyel i DeeƁwe kwa, ɓurti fwang anggut i Mwen ti Lafos kwa.” Shini si lul nyai, “Ati ti ni ma masti mafwashi ma wa shang ti masti ɗamam i shok na fo musuti mii ya?” Unai ambe' ames matkarus. 17Unai si hum lul li ta maɗufali si ni, “Ami ha mbe' si maɗufal mai hai ya? Ɓurti a shishat ama ɓui ya.” Maɗufali humuskyel ti findel ta ni, “A mashit.”
18Mbayai i Ju si nggwes i fati mwawei nyai, maɗufali ai si alus i manzyau, ima mwashi wis ɗing ti kyel. Kol ima si lai somes tawe. 19Si lulus nyai, “A al amu mai haa? Huni si alus ii manzyau haa? Unai mas atini ma ɗing ti kyel mwashi ya?”
20Som mesi si humuskyel ti findel nyai, “Ni shangi mai a al aminin, ni shangi si alus ii manzyau. 21Ni shang angga' ima masi maɗing ti kyel mwashi kwa, ni shang maɗufal ima ɓuus shishat ya kwa. Lul hu yus, yis a kalaju kwa, ndok u lak ti haisus.”
22Som mesi si lak andi a ɓurti si myanat ti Som Ju fo, ɓurti si ni shak maɗufal ima ni Yeso a Kristi si wa nggasus ta marei. 23Ayis kin som mesi si ni, “A kalaju kwa, lul hun tayis, ndok u lak ti haisus.” 24Unai Farisiyawa si lai maɗufal ima ai yis ii manzyauwi sa mapil, si nyus, laka mwawei, “Ɓa ha ha' asum i DeeƁwe fit.#9:24 Si lakus ɓa u lak mwawei (ɗing huni hwak: Jos 7:19.) Nin ni shangi maɗufal mai a ma masti mafwashi.” 25Unai humuskyel ti findel ta ni, “Na a ma masti mafwashi, yin i shangi kwa. Ɗama andek ima i shangi, ai yin a manzyau, mwashi i ɗing ti kyel.” 26Si humus luli nyai, “Masa amiya? Masi atini ɗak ɓwa shishati ya ya?” 27Humuskyel ti findel ta ni, “Tii laku, hu hali kwani. Ami kin hu muhum ɓweti hali hwak ya? Ahun hun hwak hu ɓweti hu te ii fe i ro ames hwak waak?”
28Unai si se' maɗufali si nyus, “A ha ha mii al i ro ames! Nin a fe i ro i Mosis. 29Ni shangi DeeƁwe findel Mosis, maɗufal mai ni shang kyel i ma yes ta kwa.”
30Unai maɗufali humuskyel ti findel ta ni, “Ɗama i shok na fo'! Hu shang kyel ima yes ta kwa, u mai ɓun shishat ya! 31Ka shangi DeeƁwe hal som i masti mafwashi kwa, hal a som ima si ha' ti asum asus fit, hu som ima si mas ɗamam ima lakus shak. 32Ta si bya' i naya ɗeng tuu ɓu shishat i maɗufal ima si al ii manzyau kwa. 33Naɗin maɗufal mai yes ii ta kyel i DeeƁwe kwa, naɗin u shang masti ɗama kwa.”
34Unai si humuskyel ti findel nyai, “Si al ta mafwashi wii, ha ɓweti kof sinin ti haa?” Unai si nggas ya.
Nzyau i Rin
35Yeso hali nyai si nggaas ya, wisus lulus ni, “Ha fa mwawei wa kyel i Al i Maɗufal haa?”
36Maɗufali lul lus ni, “A Deembai, yis aweya? Lakana ti, ɓurti ɓa yin hwak i fa mwawei wa kyel ames.”
37Yeso nyus, “Mwashi ti ha ɗingus, ayis ma findel sa.”
38Unai maɗufali ni, “A Deembai, i fa mwawei.” Unai cus afut.
39Yeso ni, “I yes na naya a ɓurti ɓa i lef ɓur, ɓurti som ima manzyauwau, si ɗing kyel. Ima si ɗing ti kyel, si hat ii manzyauwau.”
40Farisiyawa shini ima sin yus nggas si hali, unai si ni, “Ha nyai nin a manzyauwau ndai haa?”
41Yeso nyus, “Naɗin hu mii manzyauwau, na ɗing hu kol mafwashi kwa. Mwashi ima hu ni hu ɗing ti kyel, mafwashani amui si yus na kpereng.”
လက်ရှိရွေးချယ်ထားမှု
:
အရောင်မှတ်ချက်
မျှဝေရန်
ကူးယူ
မိမိစက်ကိရိယာအားလုံးတွင် မိမိအရောင်ချယ်သောအရာများကို သိမ်းဆည်းထားလိုပါသလား။ စာရင်းသွင်းပါ (သို့) အကောင့်ဝင်လိုက်ပါ
© Wycliffe Bible Translators, Inc. and © The Nigeria Bible Translation Trust 2018