ลูกา 1
1
1แกแย โอ่เอ๊ลู แอ๊จื๊อ ราม๊าราแด แลแค เต เด๊อ อา ทวาแถ่ เบ๊อะเปเกล เออเต๊เห่ อาหรี่อาแก. 2เหย่ซี ครวาราเกอ แพ๊ ฮู๊ แกแย เด๊อ อา เป๊เส่แม๊เถอะเกอ เร๊อ ดื่อ เด๊อ กูลู่เค เร๊อ อา แด๊โฉ่โด่แน โล เป่ อู เร๊อ เตหรี่เตแก เนอเต๊เห่ แด๊โฉ่ แฮเง เป่ เป เนอเต๊เห่ แพ๊. 3ฮู๊เนอ อาขว่าอาคยา, ซ๊าร๊าดุ เธโอฟีลัส, แว แม๊ปู ซิเง ตาเต โทลอ เฮ๊อ เตทวาแถ่ เด๊อ อา แก่ช๊ากูลู่ เต๊เห่เฮ๊อ อา ขว่าอาคยา, แว แด่แล เฮ๊อ แว ซิปล่อ เร๊อ แว เก่ รา เป่ เน ฮู๊ อา ทวาแถ่ โต๊โต่ โท โต๊โต่ เฮ๊เนอหม่า อา เกล๊ แร๊ แหน่ แพ๊ แว เตเน ฮู๊เออ. 4แซ่ฮู๊ เน เก่ ซิเง ตาเต ลอปลี เตหรี่เตแก เด๊อ อาหม่าแหน่ ฮู๊ เนหนิโฮ โทเฮ๊อ เนอเต๊เห่ อาเงเนอเนอ, แว รา ฮู๊เนอ แพ๊.
เพร เจเทอ คูยอห์น อา เหล่โกลกู๊เหล่คยา
5เบ๊อะคุ๊ยเฮโรด ทวา คุ๊ย เด๊อ ยูดาห์เก่กู อาเบ๊อะเนอ, เพรหลู่แตเต เด๊อ อามุย เร๊อ เพเศคาริยาห์ โอ่เตเพร. เน๊อ อาเนอ อา โอ่ป่าเต่อเกอ เด๊อ เพรหลู่แต ตู๊หมู่ตอกล๊อ เด๊อ อู เอ๊ อามุย เร๊อ อาบียาห์ มู๋ หนู่เค เนอตู๊หมู่ อากู, เร๊อ อาเม มุย เร๊อ โหมะเอลีซาเบธ. อา หม่า อากลุยอาแล จิจือเต่อ เร๊อ เพรหลู่แตเต เต๊เห่.#1:5 โหมะเอลีซาเบธ หม่า เพอาโรน อากลุยอาแล#ราม๊าราแด อาเหร่อเล๊อ ต๊าบ่า ๒๔:๑๐ 6เหย่ซี ซิเนอ ลอ อา โอ่เซอเพร จ๊ออาเตแร๊ ลอ เจ๊อ เด๊อ จอแปแหร่ อา เป๊เส่เง เจ๊อ เร๊อ ฮู๊ แบ่เจ่ จอแปแหร่ อา เตซว๊าเตแส่ เร๊อ อาโหง่เฮ๊แก เต๊เห่ เฮ๊โอ่เนอ เหย่ซี จูเอ่ เมเล๊อ เมบา ลอปลี เจ๊อ. 7โหมะเอลีซาเบธ โชพู๊ อาขว่าอาคยา, เหย่ซี พู๊โอ่ เกอ แลแค อู โต่, โท๊โต่ เหย่ซี ซิเนอ ลอ อา โหมะเผระ ลาเฮ๊อ.
8โอ่ เตอเนอ อา โต่เบ่เฮ๊อ เด๊อ เพเศคาริยาห์ โต พย๊าหนิ เตเม เด๊อ อา ตาเบ่ ลู เออ. อา เม เตเม ฮู๊ เพรหลู่แต อาเต เตเพร เด๊อ เตหลู่แตโฮ อากู. 9ฮู๊ เพรหลู่แตเต เต๊เห่ เหล่โกล โอ่เนอ, อู นว๊าแถ่ เฮ๊อ อา เร๊อ อา โตเบ่ ชื๊ออือแถ่ เตโนมื๊อ เด๊อ เตหลู่แต โฮกู เบ๊อะเนอ เตอเนอ อาขว่าอาคยา, อา จว๊าโน เด๊อ เตหลู่แต โฮกู. 10เบ๊อะอา ชื๊ออือแถ่ เตโนมื๊อ เบ๊อะเนอ, เด๊อ อากลอ เนอ, อู กุยจ๊อเบโหร่จ๊อเบเอ๊ แหน่เจ๊อ.
11จอแปแหร่ เตเน่วม๊อขุ เตเพร เด๊อะโลแม๊เถอะ เป่ เด๊อ เพเศคาริยาห์ อาเป๊เส่เง เร๊อ อา ก๊อถ่อ โอ่ เบ๊อะเหล่ชื๊ออือแถ่ เตโนมื๊อ อาเหล่โอ่ เด๊อ จ๊อทว๊า เนอตากยา. 12เบ๊อะ เพเศคาริยาห์ แม๊เถอะ เตเน่วม๊อขุ เบ๊อะเนอ, อา คย๊า เร๊อ อา ซิอิเช. 13หม่าแน๊เรอ เตเน่วม๊อขุ เฮ๊ ลู เน๊อ, “เพเศคาริยาห์ ซิอิเช แต่เหม่! จอแปแหร่ หนิโฮ เฮ๊อ เน เตกุยจ๊อเบ อาขว่าอาคยา, เนเม โหมะเอลีซาเบธ เก่ พู๊โอ่ เป่ เน พู๊เพรคู เตเพร ปา เร๊อ เน โตเบ่ เอ๊ เร๊ออามุย เร๊อ คูยอห์น ปา. 14ช๋า อา โอ่ เป๊เจ่แล ปา หม่า อา เก่ เม ซิครือซิลอ เน ปา เร๊อ แกแย เก่ ซิครือโหร่ ซิครือเอ๊ เกอลู เร๊อ เน ปา. 15อา หม่า อา เก่ ทวา ดุ เด๊อ จอแปแหร่ อา เป๊เส่เง ปา เตเพร. แท๊ทือเส่เทอแย เบ่เบ่, เทอเผร่ เบ่เบ่ อา โตเบ่ เอ่โอหนิ เตอเจ๋อ โต่. อา เก่ เล๊อบา เร๊อ แหย่โยบูโพ๊แบ่เจ่ เด๊อ อา โหมะฮ๊อกู เบ๊อะเนอ เจ๊อ ปา.#เลหมิเกล ๖:๓ 16เร๊อ อา เก่ ซู กาคยา โหร่แหน่เจ๊อ อิสราเอล เต๊เห่ เด๊อ เหย่ซี แบ่เจ่ จอแปแหร่ อา โอ่ ปา. 17อา เก่ แฮ เหร่อ เร๊อ แบ่เจ่ ปา, เร๊อ อาซิปล่อ เก่ เหร่ฉว่าเหร่ชอ เร๊อ อา เก่ โอ่ เร๊อ เตอเรอฉว่าชอ ฮู๊ เพรโพร คูเอลียาห์ เนอ ปา. อา เก่ เมเกล โม กาคยา คยาแซ๊ เพเต๊เห่ เร๊อ พู๊เต๊เห่ เนอปา. อา เก่ โบตีรี๊ กาคยาโต คยาแซ๊ แกแย หนิดา เกออู โหง่ โต่ เนอเต๊เห่ เด๊อ เพรจ๊อเพรเต เต๊เห่ อา แกล๊โกลกู ปา. แซ่ฮู๊ แกแย เต๊เห่ เก่ โอ่ตี๊หรี่แตแร ฉื่อ แบ่เจ่ อาแฮ ปา เออเนอเรอ, อา เก่ ตี๊หรี่แตแร หนื่ออื่อ เป่ แกแย ตู๊หมู่ เด๊อ แบ่เจ่ อาเง ปา.”#มาลาคี ๔:๕-๖
18เพเศคาริยาห์ แด๊เฮอ เตเน่วม๊อขุ เน๊อ, “เออเนอหม่า อาหม่า แอ, อาหม่าโต่ แอเนอ, แว เก่ ซิเง แม๊ลว๊า แจ่ ฮู๊เต? แว เร๊อ แว โหมะเผระ ลา เฮ๊อเฮ๊อ, แวเม เร๊อ อา โหมะเผระ ลาเฮ๊อเฮ๊อ.”
19เร๊อ เตเน่วม๊อขุ เฮ๊ฉื่อ ลู เน๊อ, “แว หม่า กาเบรียล, แว ก๊อถ่อ เด๊อ จอแปแหร่ อา เป๊เส่เง เร๊อ อา นอตาแล แว เด๊อ แว เก่ แฮ แด๊โฉ่ เป่ เน เร๊อ โหง่ เตซิครืออามีลา เออเต๊อเจ่อ เนอแพ๊.#ดาเนียล ๘:๑๖, ๙:๒๑ 20แว แฮ แด๊โฉ่ เป่ เน เร๊อ เน หยื่อเอ่โต่ อาขว่าอาคยา, เน เก่ เป๊ โต่เด๊อ อา ทวาแถ่ ฮู๊ แว อ๊อแลแก เน เนอเตอเนอ ปา. ช๋า อาโตเบ่เฮ๊อ ปาเนอ, อา เก่ เล๊อแถ่บาแถ่ ดื่อ ฮู๊ แว เฮ๊เนอ ปา.”
21เบ๊อะเนอเค เด๊อ อากลอเนอ อู โอ่ป่อ โหร่แหน่เจ๊อ เพเศคาริยาห์ เร๊อ อา จว๊าโน โอ่ งยา แหน่เจ๊อ เด๊อ เตหลู่แตโฮกู หม่าเมเต เหย่ซี เตเน แลแค ฮู๊เนอ. 22เบ๊อะอา เถ่ โต่เด๊อ อากลอ เบ๊อะเนอ อา เฮ๊เบ่ แจ่ ปา เหย่ซี โต่ เร๊อ เหย่ซี ซิเง เร๊อ อา เกล๊ แม๊เถอะ แหน่ เตแม๊เถอะลว๊า เต๊อเจ่อเจ่อ เด๊อ เตหลู่แตโฮ อากู เนอ เฮ๊อ. อา เฮ๊เบ่ แจ่ ปา เร๊อ อากู๊อู่ ตือมื๋อ โต่ เร๊อ อา วื๊อโล แพ๊ เร๊อ กู๊ขุกู่ดา แพ๊.
23เร๊อ เบ๊อะอา เตเอ่เตแร เด๊อ เตหลู่แตโฮกู โทเฮ๊อ เบ๊อะเนอ, เพเศคาริยาห์ กา เด๊อ อาหี่. 24งยาแต๋โต่เนอ อาเม โหมะเอลีซาเบธ โหมะดอแถ่ เร๊อ อา โอ่ว๊าโอ่โฮ่ เด๊อ อาหี่ด๊อกู แงเล เบ๊อะเนอ เจ๊อ. 25เร๊อ อา เฮ๊ เน๊อ, “กู๊แหน่เออ แบ่เจ่ เมจว่า เฮ๊อ แว เฮ๊อ. อา พย๊าแก เป่ เฮ๊อ แว เตซิเตเร เด๊อ อู เป๊เจ่อปาอ๊า แว เนอเต๊เห่ เฮ๊อ.”
เด๊อะซิเง เร๊อ เหย่ซู่ แฮ โอ่ เป๊เจ่แล อาคยา
26เบ๊อะโหมะเอลีซาเบธ โหมะดอ บาเฮ๊อ เลโซซว๊า อาเบ๊อะเนอ, จอแปแหร่ นอตาแล เตเน่วม๊อขุ กาเบรียล เด๊อ วีนาซาเร็ธ เด๊อ อา โอ่ เด๊อ กาลิลีเก่ เนอตีวี อากู. 27เตเน่วม๊อขุ แฮแด๊โล เป่เตหรี่เตแก เร๊อ เพรเหมาะพู๊เส่ เด๊อ อามุย เร๊อ เหมาะมารีย์. เหมาะมารีย์ อา อ๊อแล โทเฮ๊อ เด๊อ อา เก่ พย๊า เร๊อ เพรคู เด๊อ อามุย เร๊อ คูโยเซฟ เออเนอ เตเพร เฮ๊อ คูโยเซฟ หม่า คุ๊ยดาวิด อากลุยแล ตากาแล เตเพรเฮ๊อ.#มัทธิว ๑:๑๘ 28เตเน่วม๊อขุ แฮ เด๊อ อา โอ่ เร๊อ อา เฮ๊ ลู เน๊อ, “จอแปแหร่ แม๊ดุ โค๊หนิดื่อเฮ๊อ เน เฮ๊อ, เร๊อ แบ่เจ่ เก่ โอ่เกอดื่อ เร๊อ เน นี๋.”
29ม๊อขุเตเน่วพู๊ แฮ แด๊โฉ่โล เป่ เหมาะมารีย์ เตหรี่เตแก เออเนอ, อา เตเนโปล เกอเร๊อ อาโหง่แลช๊า โต่, อา เตเนแป่เตเนเช เกอเร๊อ แนเจ๊อ. 30เตเน่วม๊อขุ เฮ๊ ลู เน๊อ, “เหมาะมารี๋ย์ ซิอิเช แต่เหม่ นี๋! จอแปแหร่ เด๊อะบุ๊ยเมเตอเรอ เฮ๊อ เน เฮ๊อ. 31เน เก่ โหมะดอแถ่ ปา เร๊อ เน เก่ พู๊โอ่ เกอเร๊อ เป๊เจ่ เพรคู เตเพร ปา, เร๊อ เอ๊ อามุย เร๊อ เหย่ซู่ นี๋.#มัทธิว ๑:๒๑ 32อา หม่า แกแย เด๊อ อาบุ๊ยดุอาเตอเรอทู เตเพร ปา เร๊อ อู เก่ เอ๊ อา เร๊อ เตดุเตทู ตื๊อดื่อ จอแปแหร่ อาพู๊คู เตเพร ปา. แบ่เจ่ จอแปแหร่ เก่ เด๊อ ทวา อา เร๊อ จ๊อแผ่ เตเพร พู๊ อากลุยแล ดาวิด เนอ ปา.#ซามูเอล เนอบ่า ต๊าบ่า ๗:๑๒, ๑๓, ๑๖, อิสยาห์ ๙:๗ 33อา เก่ ทวาแถ่ อิสราเอล เต๊เห่ อาจ๊อแผ่ ปว๊าตือทือ ปว๊าเต๊เปล่ ปา เร๊อ อาเทออาเก่ เนอ อาตื๊อดื่อ เป่ แจ่ ปา เจ๊อ โต่.”
34เร๊อ เหมาะมารีย์ เฮ๊ฉื่อ เตเน่วม๊อขุ เน๊อ, “แว พู๊เส่ แพ๊เออ, แว เก่ โหมะดอ เร๊อ เก่ พู๊โอ่ แจ่ ฮู๊เต?”
35เร๊อ เตเน่วม๊อขุ เฮ๊ฉื่อ อา เน๊อ, “แหย่โยบูโพ๊แบ่เจ่ เก่ แฮแล ดื่อ เด๊อ เนลู ปา. เร๊อ เตดุเตทู ตื๊อดื่อ จอแปแหร่ อา เตโพรเตเตอเรอ เก่โอ่เกอดื่อเนปา. เร๊อ เป๊เจ่พู๊เด๊ออาเกเรโอ่ เป๊เจ่ ปา เออเตเพรเนอ อาโพ๊แปละบูโพ๊ปา. เร๊อ อู เก่ เอ๊ ลู เร๊อ จอแปแหร่ อาพู๊คู ปา. 36เตเนโต่ดื่อ เน โป่แวโต๊โป่บู โหมะเอลีซาเบธ เนอ, อา โหมะเผระ ลาเฮ๊อ. อู เฮ๊ ลู เร๊อ อาโชพู๊ พู๊โอ่ แจ่ ปาโต่ เฮ๊อ ตื๊อดื่อเรอ, กู๊แหน่เออ อา โหมะดอ บาเฮ๊อ เลโซซว๊า เฮ๊อ. 37จอแปแหร่เมแจ่ เตปว๊าเต๊อเจ่อ.”#เห่ขุทวาลู่ ๑๘:๑๔
38เร๊อ เหมาะมารีย์ เฮ๊ฉื่อ เน๊อ, “แว หม่า แบ่เจ่ อา หลู่เล๊โหมะ เตเพร แพ๊. อา เก่ ทวาแถ่ดื่อ ฮู๊ เน เฮ๊เนอ ปา นี๋” เร๊อ เตเน่วม๊อขุ เถ่จว๊า ตาพาแก เร๊อ ลู.
เหมาะมารีย์ จว๊าโอ่เลเกอ โหมะเอลีซาเบธ
39งยาแต๋โต่ เนอ, เหมาะมารีย์ โอ่เซเร ดื่ออาเหน่ เร๊อ อา เถ่จว๊าตาลวา จว๊า เด๊อ วี เด๊อ อา โอ่ เด๊อ โฉ่ขุ เนอตีวี, เบ๊อะยูดาห์เก่กู เนอ. 40อา จว๊าโน เด๊อ เพเศคาริยาห์ อา หี่ด๊อกู เร๊อ อา เฮ๊โมเฮ๊แร๊ อาแหม่ โหมะเอลีซาเบธ. 41เร๊อ เบ๊อะโหมะเอลีซาเบธ หนิโฮ โหมะมารีย์ เฮ๊โมเฮ๊แร๊ ลู เบ๊อะเนอ, เป๊เจ่พู๊ เด๊อ อาฮ๊อกู เออเตเพรเนอ, อา กู๊ก่าแถ่. เร๊อ โหมะเอลีซาเบธ เออเนอ อา เล๊อบาแถ่ เร๊อ แหย่โยบูโพ๊แบ่เจ่. 42เร๊อ อา เฮ๊เบ่ฉว่า เน๊อ, “เด๊อ เพรเหมาะ ล๊อ ปลี อาเกลเนอ เน หม่า เพรเหมาะ เด๊อ อา พย๊าหนิ เล๊อเฮ๊อ อู เตเด๊อะบุ๊ยเด๊อะเตอเรอ เตเพร เฮ๊อ. เร๊อ เป๊เจ่พู๊ เด๊อ เน เก่ พู๊โอ่ เกอเร๊อ ลู ปา เออเตเพรเนอ อา พย๊าหนิ เกอดื่อเฮ๊อ เตเด๊อะบุ๊ยเด๊อะเตอเรอ เฮ๊อ. 43แว แบ่เจ่ อาโหมะ จว๊าแฮโต่ เด๊อ แว โอ่ เมเต? แว พย๊าหนิ โค๊ดื่อ เตแม๊ดุ แว เมเต? 44แว หนิโฮ เน เฮ๊โมเฮ๊แร๊ แว แว เร๊อ เป๊เจ่พู๊ โอ่ เด๊อ แวฮ๊อกู เออเตเพร กู๊ก่าแถ่ ซิครือซิลอ เจ๊อ. 45เน หยื่อเอ่ เร๊อ แบ่เจ่ อา เตหรี่เตแก เออ เก่ แฮ เล๊อแถ่บาแถ่ หม่าแหน่ เด๊อ เนเง ปา อาขว่าอาคยา, เน พย๊าหนิเฮ๊อ เตเด๊อะบุ๊ยเด๊อะเตอเรอ เฮ๊อ!”
เหมาะมารีย์ อิโร ถู่เซ๊แถ่ จอแปแหร่
46เหมาะมารีย์ เฮ๊ เน๊อ,
“แว เก่ ถู่เซ๊แถ่ ลอซิปล่อสู่เทอ แว แบ่เจ่. 47จอแปแหร่ หม่า เพรเมแลเปล๊กา แว เตเพร โท๊โต่ อา หม่า แว แบ่เจ่ เตเพร อาขว่าอาคยา, แว ซิครือซิลอ แหน่เจ๊อ. 48แว หม่า อาหลู่เล๊โหมะ เด๊อ อาเป๊เส่โอ่เกออู โต่ เตเพร หม่าแน๊เรอ อา เตเนแถ่เบ่ โต่ แว. เป๊อแถ่ กู๊แหน่เออ ตาเป่แฮเนอ เมวเจอะ ปว๊า เต๊อเจ่อ เก่ เอ๊ แว เร๊อ เพรเหมาะ เด๊อ อา พย๊าหนิ เตเด๊อะบุ๊ยเด๊อะเตอเรอ เตเพร ปา.#ซามูเอล อาเหร่อเล๊อ ต๊าบ่า ๑:๑๑ 49เมเตเฮ๊เรอ จอแปแหร่ เด๊อ อาฉว่าอาชอ เออเตเพร เด๊อะโอ่ ทวาแถ่ เป่เฮ๊อ แว อาดุ ตื๊อดื่อ เออเนอ เร๊อ อา เตโพรเตเตอเรอ เต๊เห่ เด๊อ แวเง เฮ๊อ. อามุย หม่า อาโพ๊แปละบูโพ๊. 50อาพู๊อาเลอ เด๊อ อา แด่ดุหยื่อแหน่ ลู เต๊เห่เนอ, อา เก่ ซิยอกล่าเบ่หนิ เหย่ซี ตือทือ โท ตือทือ ปา. 51เบ๊อะอา บ๊อแถ่ อากู๊ขุ เด๊อ อาฉว่าอาชอ เออ เบ๊อะเนอ, แกแย เด๊อ อา เตเนดุ เกอเร๊อ ดื่ออาเหน่ เต๊เห่เนอ, อา เก่ ลูโพร๊ลูแพรแก ลอ ปา. 52อา แด่ตาแก จ๊อแผ่ ฉว่าชอ เต๊เห่ เด๊อ เหย่ซี อาเหล่โอ่ เร๊อ อา แด่แถ่โล เต๊เปล่ ลาติ แกแย เด๊อ อาเป๊เส่ โอ่เกออู โต่ เนอเต๊เห่ เฮ๊อ.#โยบ ๕:๑๑, ๑๒:๑๙ 53อา เด๊อะเอ่ก๊อ เด๊อะโอบา เฮ๊อ แกแย เด๊อ อา โอ่วีโอ่กอ เต๊เห่ เร๊อ อา ปลวากา โกโยแก แกแย ดุแหย่แถ่เซ เต๊เห่ เฮ๊อ. 54อา เตเนแถ่ โต่เบ่เฮ๊อ เต เด๋อ อา อ๊อแล โทเฮ๊อ เร๊อ เปเพอเปโพ เด๊อ หนู่เค เนอเต๊เห่ เร๊อ อา แฮเมจว่า เฮ๊อ อาหลู่เล๊ อิสราเอล เต๊เห่ เฮ๊อ. 55แซ่ฮู๊ อา เก่ ซิยอกล่าเบ่หนิ เพอับราฮัม เร๊อ อากลุยอาแล เออเต๊เห่ ตือทือ โท ตือทือ อาเงเนอเนอ, อาเตเนแถ่ เกอเร๊อ เฮ๊อ.”#เห่ขุทวาลู่ ๑๗:๗, ซามูเอล อาเหร่อเล๊อ ต๊าบ่า ๒:๑-๑๐
56เหมาะมารีย์ จว๊าโอ่โก๊เกอ เร๊อ โหมะเอลีซาเบธ เออเนอ อา ผื่อบา เจ๊อ โซเล เฮ๊อ เร๊อ อา กาโหน่ เด๊อ อาหี่ แพ๊.
เพรเจเทอ คูยอห์น อา เตโอ่เป๊เจ่แล
57เบ๊อะโหมะเอลีซาเบธ อาฮ๊ออาเซ๊ โตเล เฮ๊อ อาเบ๊อะเนอ, อาพู๊ โอ่เร๊อ พู๊เพรคู เตเพร. 58แกแย โอ่ผื่อโอ่ว๊า เร๊อ ลู เบ๊อะเนอ เต๊เห่ เร๊อ อากลุยแล ผื่อว๊า เต๊เห่ หนิโฮ เร๊อ แบ่เจ่ เด๊อะโล เฮ๊อ อา เตซิยอหนิ แลแค ลู เบ๊อะเนอ, เหย่ซี ซิครือซิลอ เกอลอ ลู ปว๋า เตเพร. 59เหย่ซี เหล่โกล โอ่ เร๊อ เก่ เป๊เจ่ บาเฮ๊อ อาเนอ ลุยซว๊า เฮ๊เนอ, อู เบ่ ดื๊อตีลี๊ หนิเป่ ลูพ๊า. เบ๊อะอาโต ดื๊อตีลี๊พ๊า อาเบ๊อะเนอ, อากลุยอาแล เต๊เห่ แฮเกอ แลแค เร๊อ เหย่ซี ซิหยื่อ โป๊หนิ แลแค อามุย เร๊อ อาเพ เศคาริยาห์ อามุย เร๊อดื่อ.#จ๊อบู่จ๊อเบ ๑๒:๓ 60หม่าแน๊เรอ อาโหมะ เฮ๊ เน๊อ, “หม่าโต่! โตเบ่ โป๊หนิ อามุย เร๊อ คูยอห์น.”
61เหย่ซี เฮ๊ฉื่อ อาโหมะ เน๊อ, “เด๊อ ซีกลุยซีแล อาเกลเนอ, อามุย เร๊อ คูยอห์น เนอ อา โอ่ เตเพร่ว โต่.”
62อาเพ ซิหยื่อ เอ๊ อามุย เร๊อ อูเปเนอ เหย่ซี ซิหยื่อ ซิเง อาขว่าอาคยา, เหย่ซี เด๊อะโล แลแค อา กู๊ขุกู่ดา เร๊อ แด๊เฮอ ลู. 63อาเพ กุย หล่อบ่า เร๊อ อา ราตา เน๊อ, “อามุย หม่า คูยอห์น.” เร๊อ เหย่ซี คย๊าอายื๊อ ลอปลี เจ๊อ. 64เบ๊อะเนอ โตโพ๊โต เพเศคาริยาห์ เฮ๊เบ่ แจ่ กาคยา เร๊อ อา ถู่เซ๊แถ่ จอแปแหร่. 65แกแย โอ่ผื่อโอ่ว๊า เบ๊อะเนอ เต๊เห่ คย๊าอายื๊อ ลอปลี เจ๊อ, เร๊อ เตทวาแถ่ ฮู๊เออเนอ อา โลปีซี จว๊าลอ เจ๊อ ยูดาห์เก่ เต๊เก่เล เจ๊อ. 66แบ่เจ่ อา เตโพรเตเตอเรอ ย๋อ โอ่เกอ เร๊อ เป๊เจ่พู๊ เออเตเพร อาขว่าอาคยา, ล๋อ แกแย เด๊อ อา หนิโฮ เตหรี่เตแก เออเต๊เห่เนอ อา คย๊าอายื๊อ เร๊อ อา เฮ๊ แลแค เน๊อ, “เป๊เจ่พู๊ เออเตเพรเนอ อา เก่ทวาแถ่ปา อิเต แฮ?” อาเฮแลแคฮู๊เนอ.
เพเศคาริยาห์ อา เตเฮ๊โพร หนื่ออื่อ
67คูยอห์น อาเพ เพเศคาริยาห์ เล๊อบาแถ่ เร๊อ แหย่โยบูโพ๊แบ่เจ่ เร๊อ อา เฮ๊โพร หนื่ออื่อ เหร่อ จอแปแหร่ อาหรี่อาแก เนอ,
68“เป เก่ ถู่เซ๊แถ่ โหร่ลู อิสราเอล อา แบ่เจ่ จอแปแหร่ โป๋ เมเตเฮ๊เรอ อา แฮเฮ๊อ เด๊อ อาแกแย เต๊เห่ อา โอ่ เฮ๊อ เร๊อ อา แฮ เมแลเปล๊กา เฮ๊อ อาแกแย เฮ๊อ. 69เด๊อ จอแปแหร่ อา เพรเมเออเนอ ดาวิด อากลุยอาแล อากูเนอ, จอแปแหร่ เด๊อะโอ่ทวาแถ่ เป่ เฮ๊อ เป เพรเมแลเปล๊กา แบ่เจ่ เด๊อ อา โอ่ เร๊อ อา เตอเรอฉว่าชอ เออเตเพร เฮ๊อ. 70จอแปแหร่ อ๊อแล หนื่ออื่อ โทเฮ๊อ เร๊อ อาเพรโพรโพ๊แปละบูโพ๊ มู๋ หนู่เค เต๊เห่ เนอ, 71อา เก่ เมแลเปล๊กา เป เร๊อ แกแย เด๊อ อา ซิเถ่, อา ซิโตโค เป เนอเต๊เห่ อา กู๊ยากู ปา. 72อา เฮ๊ เร๊อ อา เก่ เด๊อะโล อา เตซิยอ กล่าเบ่ เด๊อ เปเพอเปโพ เต๊เห่ อาโอ่ ปา, โท๊โต่ อา เก่ เตเนแถ่ เบ่โต่ คยาแซ๊ อา เตอ๊อแล โพ๊แปละบูโพ๊ เนอเต๊เห่ ปา. 73-75เป เตโอ่เซอเพร ตือทือ แกแยเออ, แซ่ฮู๊ เป เก่ ทวาแถ่ แกแยโพ๊แปละบูโพ๊, แกแยจ๊อ แกแยเต่ เด๊อ จอแปแหร่ อาเบ๊เส่เงเนอ เนอ, อา เฮ๊กล่อเฮ๊หม่า โทเฮ๊อ อาโหง่ เร๊อ เพอับราฮัม เฮ๊อ, เร๊อ อา อ๊อแลนอแล โทเฮ๊อ เด๊อ อา เก่ เมแลเปล๊กา เป เร๊อ แกแย เด๊อ อา ซิเถ่ เป เนอเต๊เห่ อา กู๊ยากู เร๊อ อา ปลวาเม เฮ๊อ อา เตเมเออ เร๊อ เป เฮ๊อ, เร๊อ เป เก่ เม เต เร๊อ เตต๊อหร่อเซ๊ ซิอิเชแต่เหม่.” 76เพเศคาริยาห์ เฮ๊ อาพู๊ เน๊อ, “แวพู๊คู, อู เก่ เอ๊ เน เร๊อ เตดุเตทู ตื๊อดื่อ จอแปแหร่ อาเพรโพร เตเพรปา, เมเตเฮ๊เรอ เน เก่ แฮ ตี๊หรี่แตเเร หนื่ออื่อ เหร่อ เป่ แบ่เจ่ แกล๊เหล่จว๊า อาเง ปา.#มาลาคี ๓:๑ 77เน เก่ แด๊โฉ่โลเอ๊ เป่ แบ่เจ่ อาแกแย เร๊อ จอแปแหร่ เก่ ปลวาแก เหย่ซี เตซื๊อเตพี๊ ปา, เร๊อ เหย่ซี เก่ พย๊าหนิ เตเมแลเปล๊กา ปา, 78เมเตเฮ๊เรอ เป จอแปแหร่ เออเนอ, อา ซิหย่อเกอ แหน่เจ๊อ อู เร๊อ อา แด่ทูซิปล่อแหน่เจ๊อ. อา นอแฮแลเฮ๊อ แกแย โอ่ เด๊อ ม๊อขุ เตเพร เก่ แฮ เตเมแลเปล๊กา เฮ๊อ เป, เพรเมแลเปล๊กา เป เออเตเพรเนอ, อา แซ่เฮ๊อ เร๊อ ต๊อเหมาะ ลีแถ่เหร่อ เด๊อ เหมาะลีบูเค เนอเฮ๊อ. 79เร๊อ ต๊อเหมาะเออ อา แถ่ เด๊อ ม๊อเล เร๊อ อา เก่ ลีเตเคตา เป่ แกแย โอ่ เด๊อ เตคี๊เต่ลอ, เตเซอ อาแหย่โย อาโอ่อากู เนอเต๊เห่ ล๋อ ปลี ปา, เร๊อ อา เก่ ยูแกล๊ยูโกล จว๊า หนิเป่ดื่อ เป เตโอ่เซอเพร เด๊อ เตตู๊จุเตอเจ๊อ อาแกล๊กู ปา.”#อิสยาห์ ๙:๒
80เบ๊อะคูยอห์น ดุแถ่เฮ๊อ เบ๊อะเนอ, จอแปแหร่ อา แหย่โยบูโพ๊แบ่เจ่ เด๊อ ลู เตเตอเรอ อาฉว่าอาชอ, เบ๊อะอา เป๊อแถ่ อาโอ่โล แต่ลา อาเตเม เด๊อ อิสราเอล เต๊เห่ อา เป๊เส่เง ล๋ายโต่ เบ๊อะเนอ, อา จว๊าโอ่ แพ๊ เด๊อ เก่เชเทอแก อากู แพ๊.
လက်ရှိရွေးချယ်ထားမှု
ลูกา 1: EKTNTGEN
အရောင်မှတ်ချက်
မျှဝေရန်
ကူးယူ
မိမိစက်ကိရိယာအားလုံးတွင် မိမိအရောင်ချယ်သောအရာများကို သိမ်းဆည်းထားလိုပါသလား။ စာရင်းသွင်းပါ (သို့) အကောင့်ဝင်လိုက်ပါ
ลูกา 1
1
1แกแย โอ่เอ๊ลู แอ๊จื๊อ ราม๊าราแด แลแค เต เด๊อ อา ทวาแถ่ เบ๊อะเปเกล เออเต๊เห่ อาหรี่อาแก. 2เหย่ซี ครวาราเกอ แพ๊ ฮู๊ แกแย เด๊อ อา เป๊เส่แม๊เถอะเกอ เร๊อ ดื่อ เด๊อ กูลู่เค เร๊อ อา แด๊โฉ่โด่แน โล เป่ อู เร๊อ เตหรี่เตแก เนอเต๊เห่ แด๊โฉ่ แฮเง เป่ เป เนอเต๊เห่ แพ๊. 3ฮู๊เนอ อาขว่าอาคยา, ซ๊าร๊าดุ เธโอฟีลัส, แว แม๊ปู ซิเง ตาเต โทลอ เฮ๊อ เตทวาแถ่ เด๊อ อา แก่ช๊ากูลู่ เต๊เห่เฮ๊อ อา ขว่าอาคยา, แว แด่แล เฮ๊อ แว ซิปล่อ เร๊อ แว เก่ รา เป่ เน ฮู๊ อา ทวาแถ่ โต๊โต่ โท โต๊โต่ เฮ๊เนอหม่า อา เกล๊ แร๊ แหน่ แพ๊ แว เตเน ฮู๊เออ. 4แซ่ฮู๊ เน เก่ ซิเง ตาเต ลอปลี เตหรี่เตแก เด๊อ อาหม่าแหน่ ฮู๊ เนหนิโฮ โทเฮ๊อ เนอเต๊เห่ อาเงเนอเนอ, แว รา ฮู๊เนอ แพ๊.
เพร เจเทอ คูยอห์น อา เหล่โกลกู๊เหล่คยา
5เบ๊อะคุ๊ยเฮโรด ทวา คุ๊ย เด๊อ ยูดาห์เก่กู อาเบ๊อะเนอ, เพรหลู่แตเต เด๊อ อามุย เร๊อ เพเศคาริยาห์ โอ่เตเพร. เน๊อ อาเนอ อา โอ่ป่าเต่อเกอ เด๊อ เพรหลู่แต ตู๊หมู่ตอกล๊อ เด๊อ อู เอ๊ อามุย เร๊อ อาบียาห์ มู๋ หนู่เค เนอตู๊หมู่ อากู, เร๊อ อาเม มุย เร๊อ โหมะเอลีซาเบธ. อา หม่า อากลุยอาแล จิจือเต่อ เร๊อ เพรหลู่แตเต เต๊เห่.#1:5 โหมะเอลีซาเบธ หม่า เพอาโรน อากลุยอาแล#ราม๊าราแด อาเหร่อเล๊อ ต๊าบ่า ๒๔:๑๐ 6เหย่ซี ซิเนอ ลอ อา โอ่เซอเพร จ๊ออาเตแร๊ ลอ เจ๊อ เด๊อ จอแปแหร่ อา เป๊เส่เง เจ๊อ เร๊อ ฮู๊ แบ่เจ่ จอแปแหร่ อา เตซว๊าเตแส่ เร๊อ อาโหง่เฮ๊แก เต๊เห่ เฮ๊โอ่เนอ เหย่ซี จูเอ่ เมเล๊อ เมบา ลอปลี เจ๊อ. 7โหมะเอลีซาเบธ โชพู๊ อาขว่าอาคยา, เหย่ซี พู๊โอ่ เกอ แลแค อู โต่, โท๊โต่ เหย่ซี ซิเนอ ลอ อา โหมะเผระ ลาเฮ๊อ.
8โอ่ เตอเนอ อา โต่เบ่เฮ๊อ เด๊อ เพเศคาริยาห์ โต พย๊าหนิ เตเม เด๊อ อา ตาเบ่ ลู เออ. อา เม เตเม ฮู๊ เพรหลู่แต อาเต เตเพร เด๊อ เตหลู่แตโฮ อากู. 9ฮู๊ เพรหลู่แตเต เต๊เห่ เหล่โกล โอ่เนอ, อู นว๊าแถ่ เฮ๊อ อา เร๊อ อา โตเบ่ ชื๊ออือแถ่ เตโนมื๊อ เด๊อ เตหลู่แต โฮกู เบ๊อะเนอ เตอเนอ อาขว่าอาคยา, อา จว๊าโน เด๊อ เตหลู่แต โฮกู. 10เบ๊อะอา ชื๊ออือแถ่ เตโนมื๊อ เบ๊อะเนอ, เด๊อ อากลอ เนอ, อู กุยจ๊อเบโหร่จ๊อเบเอ๊ แหน่เจ๊อ.
11จอแปแหร่ เตเน่วม๊อขุ เตเพร เด๊อะโลแม๊เถอะ เป่ เด๊อ เพเศคาริยาห์ อาเป๊เส่เง เร๊อ อา ก๊อถ่อ โอ่ เบ๊อะเหล่ชื๊ออือแถ่ เตโนมื๊อ อาเหล่โอ่ เด๊อ จ๊อทว๊า เนอตากยา. 12เบ๊อะ เพเศคาริยาห์ แม๊เถอะ เตเน่วม๊อขุ เบ๊อะเนอ, อา คย๊า เร๊อ อา ซิอิเช. 13หม่าแน๊เรอ เตเน่วม๊อขุ เฮ๊ ลู เน๊อ, “เพเศคาริยาห์ ซิอิเช แต่เหม่! จอแปแหร่ หนิโฮ เฮ๊อ เน เตกุยจ๊อเบ อาขว่าอาคยา, เนเม โหมะเอลีซาเบธ เก่ พู๊โอ่ เป่ เน พู๊เพรคู เตเพร ปา เร๊อ เน โตเบ่ เอ๊ เร๊ออามุย เร๊อ คูยอห์น ปา. 14ช๋า อา โอ่ เป๊เจ่แล ปา หม่า อา เก่ เม ซิครือซิลอ เน ปา เร๊อ แกแย เก่ ซิครือโหร่ ซิครือเอ๊ เกอลู เร๊อ เน ปา. 15อา หม่า อา เก่ ทวา ดุ เด๊อ จอแปแหร่ อา เป๊เส่เง ปา เตเพร. แท๊ทือเส่เทอแย เบ่เบ่, เทอเผร่ เบ่เบ่ อา โตเบ่ เอ่โอหนิ เตอเจ๋อ โต่. อา เก่ เล๊อบา เร๊อ แหย่โยบูโพ๊แบ่เจ่ เด๊อ อา โหมะฮ๊อกู เบ๊อะเนอ เจ๊อ ปา.#เลหมิเกล ๖:๓ 16เร๊อ อา เก่ ซู กาคยา โหร่แหน่เจ๊อ อิสราเอล เต๊เห่ เด๊อ เหย่ซี แบ่เจ่ จอแปแหร่ อา โอ่ ปา. 17อา เก่ แฮ เหร่อ เร๊อ แบ่เจ่ ปา, เร๊อ อาซิปล่อ เก่ เหร่ฉว่าเหร่ชอ เร๊อ อา เก่ โอ่ เร๊อ เตอเรอฉว่าชอ ฮู๊ เพรโพร คูเอลียาห์ เนอ ปา. อา เก่ เมเกล โม กาคยา คยาแซ๊ เพเต๊เห่ เร๊อ พู๊เต๊เห่ เนอปา. อา เก่ โบตีรี๊ กาคยาโต คยาแซ๊ แกแย หนิดา เกออู โหง่ โต่ เนอเต๊เห่ เด๊อ เพรจ๊อเพรเต เต๊เห่ อา แกล๊โกลกู ปา. แซ่ฮู๊ แกแย เต๊เห่ เก่ โอ่ตี๊หรี่แตแร ฉื่อ แบ่เจ่ อาแฮ ปา เออเนอเรอ, อา เก่ ตี๊หรี่แตแร หนื่ออื่อ เป่ แกแย ตู๊หมู่ เด๊อ แบ่เจ่ อาเง ปา.”#มาลาคี ๔:๕-๖
18เพเศคาริยาห์ แด๊เฮอ เตเน่วม๊อขุ เน๊อ, “เออเนอหม่า อาหม่า แอ, อาหม่าโต่ แอเนอ, แว เก่ ซิเง แม๊ลว๊า แจ่ ฮู๊เต? แว เร๊อ แว โหมะเผระ ลา เฮ๊อเฮ๊อ, แวเม เร๊อ อา โหมะเผระ ลาเฮ๊อเฮ๊อ.”
19เร๊อ เตเน่วม๊อขุ เฮ๊ฉื่อ ลู เน๊อ, “แว หม่า กาเบรียล, แว ก๊อถ่อ เด๊อ จอแปแหร่ อา เป๊เส่เง เร๊อ อา นอตาแล แว เด๊อ แว เก่ แฮ แด๊โฉ่ เป่ เน เร๊อ โหง่ เตซิครืออามีลา เออเต๊อเจ่อ เนอแพ๊.#ดาเนียล ๘:๑๖, ๙:๒๑ 20แว แฮ แด๊โฉ่ เป่ เน เร๊อ เน หยื่อเอ่โต่ อาขว่าอาคยา, เน เก่ เป๊ โต่เด๊อ อา ทวาแถ่ ฮู๊ แว อ๊อแลแก เน เนอเตอเนอ ปา. ช๋า อาโตเบ่เฮ๊อ ปาเนอ, อา เก่ เล๊อแถ่บาแถ่ ดื่อ ฮู๊ แว เฮ๊เนอ ปา.”
21เบ๊อะเนอเค เด๊อ อากลอเนอ อู โอ่ป่อ โหร่แหน่เจ๊อ เพเศคาริยาห์ เร๊อ อา จว๊าโน โอ่ งยา แหน่เจ๊อ เด๊อ เตหลู่แตโฮกู หม่าเมเต เหย่ซี เตเน แลแค ฮู๊เนอ. 22เบ๊อะอา เถ่ โต่เด๊อ อากลอ เบ๊อะเนอ อา เฮ๊เบ่ แจ่ ปา เหย่ซี โต่ เร๊อ เหย่ซี ซิเง เร๊อ อา เกล๊ แม๊เถอะ แหน่ เตแม๊เถอะลว๊า เต๊อเจ่อเจ่อ เด๊อ เตหลู่แตโฮ อากู เนอ เฮ๊อ. อา เฮ๊เบ่ แจ่ ปา เร๊อ อากู๊อู่ ตือมื๋อ โต่ เร๊อ อา วื๊อโล แพ๊ เร๊อ กู๊ขุกู่ดา แพ๊.
23เร๊อ เบ๊อะอา เตเอ่เตแร เด๊อ เตหลู่แตโฮกู โทเฮ๊อ เบ๊อะเนอ, เพเศคาริยาห์ กา เด๊อ อาหี่. 24งยาแต๋โต่เนอ อาเม โหมะเอลีซาเบธ โหมะดอแถ่ เร๊อ อา โอ่ว๊าโอ่โฮ่ เด๊อ อาหี่ด๊อกู แงเล เบ๊อะเนอ เจ๊อ. 25เร๊อ อา เฮ๊ เน๊อ, “กู๊แหน่เออ แบ่เจ่ เมจว่า เฮ๊อ แว เฮ๊อ. อา พย๊าแก เป่ เฮ๊อ แว เตซิเตเร เด๊อ อู เป๊เจ่อปาอ๊า แว เนอเต๊เห่ เฮ๊อ.”
เด๊อะซิเง เร๊อ เหย่ซู่ แฮ โอ่ เป๊เจ่แล อาคยา
26เบ๊อะโหมะเอลีซาเบธ โหมะดอ บาเฮ๊อ เลโซซว๊า อาเบ๊อะเนอ, จอแปแหร่ นอตาแล เตเน่วม๊อขุ กาเบรียล เด๊อ วีนาซาเร็ธ เด๊อ อา โอ่ เด๊อ กาลิลีเก่ เนอตีวี อากู. 27เตเน่วม๊อขุ แฮแด๊โล เป่เตหรี่เตแก เร๊อ เพรเหมาะพู๊เส่ เด๊อ อามุย เร๊อ เหมาะมารีย์. เหมาะมารีย์ อา อ๊อแล โทเฮ๊อ เด๊อ อา เก่ พย๊า เร๊อ เพรคู เด๊อ อามุย เร๊อ คูโยเซฟ เออเนอ เตเพร เฮ๊อ คูโยเซฟ หม่า คุ๊ยดาวิด อากลุยแล ตากาแล เตเพรเฮ๊อ.#มัทธิว ๑:๑๘ 28เตเน่วม๊อขุ แฮ เด๊อ อา โอ่ เร๊อ อา เฮ๊ ลู เน๊อ, “จอแปแหร่ แม๊ดุ โค๊หนิดื่อเฮ๊อ เน เฮ๊อ, เร๊อ แบ่เจ่ เก่ โอ่เกอดื่อ เร๊อ เน นี๋.”
29ม๊อขุเตเน่วพู๊ แฮ แด๊โฉ่โล เป่ เหมาะมารีย์ เตหรี่เตแก เออเนอ, อา เตเนโปล เกอเร๊อ อาโหง่แลช๊า โต่, อา เตเนแป่เตเนเช เกอเร๊อ แนเจ๊อ. 30เตเน่วม๊อขุ เฮ๊ ลู เน๊อ, “เหมาะมารี๋ย์ ซิอิเช แต่เหม่ นี๋! จอแปแหร่ เด๊อะบุ๊ยเมเตอเรอ เฮ๊อ เน เฮ๊อ. 31เน เก่ โหมะดอแถ่ ปา เร๊อ เน เก่ พู๊โอ่ เกอเร๊อ เป๊เจ่ เพรคู เตเพร ปา, เร๊อ เอ๊ อามุย เร๊อ เหย่ซู่ นี๋.#มัทธิว ๑:๒๑ 32อา หม่า แกแย เด๊อ อาบุ๊ยดุอาเตอเรอทู เตเพร ปา เร๊อ อู เก่ เอ๊ อา เร๊อ เตดุเตทู ตื๊อดื่อ จอแปแหร่ อาพู๊คู เตเพร ปา. แบ่เจ่ จอแปแหร่ เก่ เด๊อ ทวา อา เร๊อ จ๊อแผ่ เตเพร พู๊ อากลุยแล ดาวิด เนอ ปา.#ซามูเอล เนอบ่า ต๊าบ่า ๗:๑๒, ๑๓, ๑๖, อิสยาห์ ๙:๗ 33อา เก่ ทวาแถ่ อิสราเอล เต๊เห่ อาจ๊อแผ่ ปว๊าตือทือ ปว๊าเต๊เปล่ ปา เร๊อ อาเทออาเก่ เนอ อาตื๊อดื่อ เป่ แจ่ ปา เจ๊อ โต่.”
34เร๊อ เหมาะมารีย์ เฮ๊ฉื่อ เตเน่วม๊อขุ เน๊อ, “แว พู๊เส่ แพ๊เออ, แว เก่ โหมะดอ เร๊อ เก่ พู๊โอ่ แจ่ ฮู๊เต?”
35เร๊อ เตเน่วม๊อขุ เฮ๊ฉื่อ อา เน๊อ, “แหย่โยบูโพ๊แบ่เจ่ เก่ แฮแล ดื่อ เด๊อ เนลู ปา. เร๊อ เตดุเตทู ตื๊อดื่อ จอแปแหร่ อา เตโพรเตเตอเรอ เก่โอ่เกอดื่อเนปา. เร๊อ เป๊เจ่พู๊เด๊ออาเกเรโอ่ เป๊เจ่ ปา เออเตเพรเนอ อาโพ๊แปละบูโพ๊ปา. เร๊อ อู เก่ เอ๊ ลู เร๊อ จอแปแหร่ อาพู๊คู ปา. 36เตเนโต่ดื่อ เน โป่แวโต๊โป่บู โหมะเอลีซาเบธ เนอ, อา โหมะเผระ ลาเฮ๊อ. อู เฮ๊ ลู เร๊อ อาโชพู๊ พู๊โอ่ แจ่ ปาโต่ เฮ๊อ ตื๊อดื่อเรอ, กู๊แหน่เออ อา โหมะดอ บาเฮ๊อ เลโซซว๊า เฮ๊อ. 37จอแปแหร่เมแจ่ เตปว๊าเต๊อเจ่อ.”#เห่ขุทวาลู่ ๑๘:๑๔
38เร๊อ เหมาะมารีย์ เฮ๊ฉื่อ เน๊อ, “แว หม่า แบ่เจ่ อา หลู่เล๊โหมะ เตเพร แพ๊. อา เก่ ทวาแถ่ดื่อ ฮู๊ เน เฮ๊เนอ ปา นี๋” เร๊อ เตเน่วม๊อขุ เถ่จว๊า ตาพาแก เร๊อ ลู.
เหมาะมารีย์ จว๊าโอ่เลเกอ โหมะเอลีซาเบธ
39งยาแต๋โต่ เนอ, เหมาะมารีย์ โอ่เซเร ดื่ออาเหน่ เร๊อ อา เถ่จว๊าตาลวา จว๊า เด๊อ วี เด๊อ อา โอ่ เด๊อ โฉ่ขุ เนอตีวี, เบ๊อะยูดาห์เก่กู เนอ. 40อา จว๊าโน เด๊อ เพเศคาริยาห์ อา หี่ด๊อกู เร๊อ อา เฮ๊โมเฮ๊แร๊ อาแหม่ โหมะเอลีซาเบธ. 41เร๊อ เบ๊อะโหมะเอลีซาเบธ หนิโฮ โหมะมารีย์ เฮ๊โมเฮ๊แร๊ ลู เบ๊อะเนอ, เป๊เจ่พู๊ เด๊อ อาฮ๊อกู เออเตเพรเนอ, อา กู๊ก่าแถ่. เร๊อ โหมะเอลีซาเบธ เออเนอ อา เล๊อบาแถ่ เร๊อ แหย่โยบูโพ๊แบ่เจ่. 42เร๊อ อา เฮ๊เบ่ฉว่า เน๊อ, “เด๊อ เพรเหมาะ ล๊อ ปลี อาเกลเนอ เน หม่า เพรเหมาะ เด๊อ อา พย๊าหนิ เล๊อเฮ๊อ อู เตเด๊อะบุ๊ยเด๊อะเตอเรอ เตเพร เฮ๊อ. เร๊อ เป๊เจ่พู๊ เด๊อ เน เก่ พู๊โอ่ เกอเร๊อ ลู ปา เออเตเพรเนอ อา พย๊าหนิ เกอดื่อเฮ๊อ เตเด๊อะบุ๊ยเด๊อะเตอเรอ เฮ๊อ. 43แว แบ่เจ่ อาโหมะ จว๊าแฮโต่ เด๊อ แว โอ่ เมเต? แว พย๊าหนิ โค๊ดื่อ เตแม๊ดุ แว เมเต? 44แว หนิโฮ เน เฮ๊โมเฮ๊แร๊ แว แว เร๊อ เป๊เจ่พู๊ โอ่ เด๊อ แวฮ๊อกู เออเตเพร กู๊ก่าแถ่ ซิครือซิลอ เจ๊อ. 45เน หยื่อเอ่ เร๊อ แบ่เจ่ อา เตหรี่เตแก เออ เก่ แฮ เล๊อแถ่บาแถ่ หม่าแหน่ เด๊อ เนเง ปา อาขว่าอาคยา, เน พย๊าหนิเฮ๊อ เตเด๊อะบุ๊ยเด๊อะเตอเรอ เฮ๊อ!”
เหมาะมารีย์ อิโร ถู่เซ๊แถ่ จอแปแหร่
46เหมาะมารีย์ เฮ๊ เน๊อ,
“แว เก่ ถู่เซ๊แถ่ ลอซิปล่อสู่เทอ แว แบ่เจ่. 47จอแปแหร่ หม่า เพรเมแลเปล๊กา แว เตเพร โท๊โต่ อา หม่า แว แบ่เจ่ เตเพร อาขว่าอาคยา, แว ซิครือซิลอ แหน่เจ๊อ. 48แว หม่า อาหลู่เล๊โหมะ เด๊อ อาเป๊เส่โอ่เกออู โต่ เตเพร หม่าแน๊เรอ อา เตเนแถ่เบ่ โต่ แว. เป๊อแถ่ กู๊แหน่เออ ตาเป่แฮเนอ เมวเจอะ ปว๊า เต๊อเจ่อ เก่ เอ๊ แว เร๊อ เพรเหมาะ เด๊อ อา พย๊าหนิ เตเด๊อะบุ๊ยเด๊อะเตอเรอ เตเพร ปา.#ซามูเอล อาเหร่อเล๊อ ต๊าบ่า ๑:๑๑ 49เมเตเฮ๊เรอ จอแปแหร่ เด๊อ อาฉว่าอาชอ เออเตเพร เด๊อะโอ่ ทวาแถ่ เป่เฮ๊อ แว อาดุ ตื๊อดื่อ เออเนอ เร๊อ อา เตโพรเตเตอเรอ เต๊เห่ เด๊อ แวเง เฮ๊อ. อามุย หม่า อาโพ๊แปละบูโพ๊. 50อาพู๊อาเลอ เด๊อ อา แด่ดุหยื่อแหน่ ลู เต๊เห่เนอ, อา เก่ ซิยอกล่าเบ่หนิ เหย่ซี ตือทือ โท ตือทือ ปา. 51เบ๊อะอา บ๊อแถ่ อากู๊ขุ เด๊อ อาฉว่าอาชอ เออ เบ๊อะเนอ, แกแย เด๊อ อา เตเนดุ เกอเร๊อ ดื่ออาเหน่ เต๊เห่เนอ, อา เก่ ลูโพร๊ลูแพรแก ลอ ปา. 52อา แด่ตาแก จ๊อแผ่ ฉว่าชอ เต๊เห่ เด๊อ เหย่ซี อาเหล่โอ่ เร๊อ อา แด่แถ่โล เต๊เปล่ ลาติ แกแย เด๊อ อาเป๊เส่ โอ่เกออู โต่ เนอเต๊เห่ เฮ๊อ.#โยบ ๕:๑๑, ๑๒:๑๙ 53อา เด๊อะเอ่ก๊อ เด๊อะโอบา เฮ๊อ แกแย เด๊อ อา โอ่วีโอ่กอ เต๊เห่ เร๊อ อา ปลวากา โกโยแก แกแย ดุแหย่แถ่เซ เต๊เห่ เฮ๊อ. 54อา เตเนแถ่ โต่เบ่เฮ๊อ เต เด๋อ อา อ๊อแล โทเฮ๊อ เร๊อ เปเพอเปโพ เด๊อ หนู่เค เนอเต๊เห่ เร๊อ อา แฮเมจว่า เฮ๊อ อาหลู่เล๊ อิสราเอล เต๊เห่ เฮ๊อ. 55แซ่ฮู๊ อา เก่ ซิยอกล่าเบ่หนิ เพอับราฮัม เร๊อ อากลุยอาแล เออเต๊เห่ ตือทือ โท ตือทือ อาเงเนอเนอ, อาเตเนแถ่ เกอเร๊อ เฮ๊อ.”#เห่ขุทวาลู่ ๑๗:๗, ซามูเอล อาเหร่อเล๊อ ต๊าบ่า ๒:๑-๑๐
56เหมาะมารีย์ จว๊าโอ่โก๊เกอ เร๊อ โหมะเอลีซาเบธ เออเนอ อา ผื่อบา เจ๊อ โซเล เฮ๊อ เร๊อ อา กาโหน่ เด๊อ อาหี่ แพ๊.
เพรเจเทอ คูยอห์น อา เตโอ่เป๊เจ่แล
57เบ๊อะโหมะเอลีซาเบธ อาฮ๊ออาเซ๊ โตเล เฮ๊อ อาเบ๊อะเนอ, อาพู๊ โอ่เร๊อ พู๊เพรคู เตเพร. 58แกแย โอ่ผื่อโอ่ว๊า เร๊อ ลู เบ๊อะเนอ เต๊เห่ เร๊อ อากลุยแล ผื่อว๊า เต๊เห่ หนิโฮ เร๊อ แบ่เจ่ เด๊อะโล เฮ๊อ อา เตซิยอหนิ แลแค ลู เบ๊อะเนอ, เหย่ซี ซิครือซิลอ เกอลอ ลู ปว๋า เตเพร. 59เหย่ซี เหล่โกล โอ่ เร๊อ เก่ เป๊เจ่ บาเฮ๊อ อาเนอ ลุยซว๊า เฮ๊เนอ, อู เบ่ ดื๊อตีลี๊ หนิเป่ ลูพ๊า. เบ๊อะอาโต ดื๊อตีลี๊พ๊า อาเบ๊อะเนอ, อากลุยอาแล เต๊เห่ แฮเกอ แลแค เร๊อ เหย่ซี ซิหยื่อ โป๊หนิ แลแค อามุย เร๊อ อาเพ เศคาริยาห์ อามุย เร๊อดื่อ.#จ๊อบู่จ๊อเบ ๑๒:๓ 60หม่าแน๊เรอ อาโหมะ เฮ๊ เน๊อ, “หม่าโต่! โตเบ่ โป๊หนิ อามุย เร๊อ คูยอห์น.”
61เหย่ซี เฮ๊ฉื่อ อาโหมะ เน๊อ, “เด๊อ ซีกลุยซีแล อาเกลเนอ, อามุย เร๊อ คูยอห์น เนอ อา โอ่ เตเพร่ว โต่.”
62อาเพ ซิหยื่อ เอ๊ อามุย เร๊อ อูเปเนอ เหย่ซี ซิหยื่อ ซิเง อาขว่าอาคยา, เหย่ซี เด๊อะโล แลแค อา กู๊ขุกู่ดา เร๊อ แด๊เฮอ ลู. 63อาเพ กุย หล่อบ่า เร๊อ อา ราตา เน๊อ, “อามุย หม่า คูยอห์น.” เร๊อ เหย่ซี คย๊าอายื๊อ ลอปลี เจ๊อ. 64เบ๊อะเนอ โตโพ๊โต เพเศคาริยาห์ เฮ๊เบ่ แจ่ กาคยา เร๊อ อา ถู่เซ๊แถ่ จอแปแหร่. 65แกแย โอ่ผื่อโอ่ว๊า เบ๊อะเนอ เต๊เห่ คย๊าอายื๊อ ลอปลี เจ๊อ, เร๊อ เตทวาแถ่ ฮู๊เออเนอ อา โลปีซี จว๊าลอ เจ๊อ ยูดาห์เก่ เต๊เก่เล เจ๊อ. 66แบ่เจ่ อา เตโพรเตเตอเรอ ย๋อ โอ่เกอ เร๊อ เป๊เจ่พู๊ เออเตเพร อาขว่าอาคยา, ล๋อ แกแย เด๊อ อา หนิโฮ เตหรี่เตแก เออเต๊เห่เนอ อา คย๊าอายื๊อ เร๊อ อา เฮ๊ แลแค เน๊อ, “เป๊เจ่พู๊ เออเตเพรเนอ อา เก่ทวาแถ่ปา อิเต แฮ?” อาเฮแลแคฮู๊เนอ.
เพเศคาริยาห์ อา เตเฮ๊โพร หนื่ออื่อ
67คูยอห์น อาเพ เพเศคาริยาห์ เล๊อบาแถ่ เร๊อ แหย่โยบูโพ๊แบ่เจ่ เร๊อ อา เฮ๊โพร หนื่ออื่อ เหร่อ จอแปแหร่ อาหรี่อาแก เนอ,
68“เป เก่ ถู่เซ๊แถ่ โหร่ลู อิสราเอล อา แบ่เจ่ จอแปแหร่ โป๋ เมเตเฮ๊เรอ อา แฮเฮ๊อ เด๊อ อาแกแย เต๊เห่ อา โอ่ เฮ๊อ เร๊อ อา แฮ เมแลเปล๊กา เฮ๊อ อาแกแย เฮ๊อ. 69เด๊อ จอแปแหร่ อา เพรเมเออเนอ ดาวิด อากลุยอาแล อากูเนอ, จอแปแหร่ เด๊อะโอ่ทวาแถ่ เป่ เฮ๊อ เป เพรเมแลเปล๊กา แบ่เจ่ เด๊อ อา โอ่ เร๊อ อา เตอเรอฉว่าชอ เออเตเพร เฮ๊อ. 70จอแปแหร่ อ๊อแล หนื่ออื่อ โทเฮ๊อ เร๊อ อาเพรโพรโพ๊แปละบูโพ๊ มู๋ หนู่เค เต๊เห่ เนอ, 71อา เก่ เมแลเปล๊กา เป เร๊อ แกแย เด๊อ อา ซิเถ่, อา ซิโตโค เป เนอเต๊เห่ อา กู๊ยากู ปา. 72อา เฮ๊ เร๊อ อา เก่ เด๊อะโล อา เตซิยอ กล่าเบ่ เด๊อ เปเพอเปโพ เต๊เห่ อาโอ่ ปา, โท๊โต่ อา เก่ เตเนแถ่ เบ่โต่ คยาแซ๊ อา เตอ๊อแล โพ๊แปละบูโพ๊ เนอเต๊เห่ ปา. 73-75เป เตโอ่เซอเพร ตือทือ แกแยเออ, แซ่ฮู๊ เป เก่ ทวาแถ่ แกแยโพ๊แปละบูโพ๊, แกแยจ๊อ แกแยเต่ เด๊อ จอแปแหร่ อาเบ๊เส่เงเนอ เนอ, อา เฮ๊กล่อเฮ๊หม่า โทเฮ๊อ อาโหง่ เร๊อ เพอับราฮัม เฮ๊อ, เร๊อ อา อ๊อแลนอแล โทเฮ๊อ เด๊อ อา เก่ เมแลเปล๊กา เป เร๊อ แกแย เด๊อ อา ซิเถ่ เป เนอเต๊เห่ อา กู๊ยากู เร๊อ อา ปลวาเม เฮ๊อ อา เตเมเออ เร๊อ เป เฮ๊อ, เร๊อ เป เก่ เม เต เร๊อ เตต๊อหร่อเซ๊ ซิอิเชแต่เหม่.” 76เพเศคาริยาห์ เฮ๊ อาพู๊ เน๊อ, “แวพู๊คู, อู เก่ เอ๊ เน เร๊อ เตดุเตทู ตื๊อดื่อ จอแปแหร่ อาเพรโพร เตเพรปา, เมเตเฮ๊เรอ เน เก่ แฮ ตี๊หรี่แตเเร หนื่ออื่อ เหร่อ เป่ แบ่เจ่ แกล๊เหล่จว๊า อาเง ปา.#มาลาคี ๓:๑ 77เน เก่ แด๊โฉ่โลเอ๊ เป่ แบ่เจ่ อาแกแย เร๊อ จอแปแหร่ เก่ ปลวาแก เหย่ซี เตซื๊อเตพี๊ ปา, เร๊อ เหย่ซี เก่ พย๊าหนิ เตเมแลเปล๊กา ปา, 78เมเตเฮ๊เรอ เป จอแปแหร่ เออเนอ, อา ซิหย่อเกอ แหน่เจ๊อ อู เร๊อ อา แด่ทูซิปล่อแหน่เจ๊อ. อา นอแฮแลเฮ๊อ แกแย โอ่ เด๊อ ม๊อขุ เตเพร เก่ แฮ เตเมแลเปล๊กา เฮ๊อ เป, เพรเมแลเปล๊กา เป เออเตเพรเนอ, อา แซ่เฮ๊อ เร๊อ ต๊อเหมาะ ลีแถ่เหร่อ เด๊อ เหมาะลีบูเค เนอเฮ๊อ. 79เร๊อ ต๊อเหมาะเออ อา แถ่ เด๊อ ม๊อเล เร๊อ อา เก่ ลีเตเคตา เป่ แกแย โอ่ เด๊อ เตคี๊เต่ลอ, เตเซอ อาแหย่โย อาโอ่อากู เนอเต๊เห่ ล๋อ ปลี ปา, เร๊อ อา เก่ ยูแกล๊ยูโกล จว๊า หนิเป่ดื่อ เป เตโอ่เซอเพร เด๊อ เตตู๊จุเตอเจ๊อ อาแกล๊กู ปา.”#อิสยาห์ ๙:๒
80เบ๊อะคูยอห์น ดุแถ่เฮ๊อ เบ๊อะเนอ, จอแปแหร่ อา แหย่โยบูโพ๊แบ่เจ่ เด๊อ ลู เตเตอเรอ อาฉว่าอาชอ, เบ๊อะอา เป๊อแถ่ อาโอ่โล แต่ลา อาเตเม เด๊อ อิสราเอล เต๊เห่ อา เป๊เส่เง ล๋ายโต่ เบ๊อะเนอ, อา จว๊าโอ่ แพ๊ เด๊อ เก่เชเทอแก อากู แพ๊.
လက်ရှိရွေးချယ်ထားမှု
:
အရောင်မှတ်ချက်
မျှဝေရန်
ကူးယူ
မိမိစက်ကိရိယာအားလုံးတွင် မိမိအရောင်ချယ်သောအရာများကို သိမ်းဆည်းထားလိုပါသလား။ စာရင်းသွင်းပါ (သို့) အကောင့်ဝင်လိုက်ပါ