ลูกา 6
6
อู แด๊เฮอ แกแยยิวพู๊ อา ม๊อเนอโด่ อาหรี่อาแก
(มัทธิว ๑๒:๑-๘, มาระโก ๒:๒๓-๒๘)
1เบ๊อะแกแยยิวพู๊ ม๊อเนอโด่ เตอเนอ เบ๊อะเนอ, เหย่ซู่ เร๊อ อา โคเจ่ เต๊เห่ เถ่จว๊าแกล๊ เร๊อ จว๊าโนจว๊าเบ๊ อู โบ๊กู่ลาเพร๊ ขุ เต๊เห่ เร๊อ อา โคเจ่ เต๊เห่ อาพร๊า แลแค อู โบ๊กู่ลา แปล เร๊อ กู๊หนิปลีแก เร๊อ อากู๊ขุ เร๊อ อา เอ่ แลแค.#โด่แน ๒๓:๒๕ 2เร๊อ ฟาริสีพู๊ เต๊เห่ แด๊เฮอ เน๊อ, “จอแปแหร่ เตซว๊าเตแส่ เฮ๊ เร๊อ แกแยยิวพู๊ อา ม๊อเนอโด่ เออเนอ, เตเม เด๊อ ซี โตเบ่ เมหนิ โต่ เต๊เห่เนอ, ซี จว๊าเมดื่อ แลแค ซีเง ฮู๊เนอ เมเต?”
3เหย่ซู่ เฮ๊ฉื่อ เหย่ซี เน๊อ, “เบ๊อะคูดาวิด เร๊อ อา โคแบ๊ซว๊า เต๊เห่ แหล่แด๊เอ่แหล่แด๊โอ เบ๊อะเนอ, อา เมแคร๋ อิเตเต เนอหม่า ซี แด๊น๊อ เกอแหน่ อู โต่ แอ? 4เหย่ซี จว๊าโน แลแค เด๊อ จอแปแหร่ อาหี่กู เร๊อ อา พย๊าเอ่ ค๊อมู เด๊อ อู หลู่แถ่ เร๊อ จอแปแหร่ เนอเต๊เห่, ค๊อมู เออเต๊เห่ เนอหม่า เอ่นี๋ แพ๊ตื๊อ เพรหลู่แตเนอ เต๊เห่ แพ๊ ตื๊อดื่อเรอ ดาวิด เร๊อ อา โคเจ่ เต๊เห่ จว๊าโนพย๊าเอ่ แวเฮ๊แต่?”#จ๊อบู่จ๊อเบ ๒๔:๙, ซามูเอล อาเหร่อเล๊อ ต๊าบ่า ๒๑:๑-๖ 5เร๊อ เหย่ซู่ เฮ๊ เป่ โป่ เหย่ซี เน๊อ, “แกแยพู๊คู หม่าดื่อ แว เออเนอหม่า ม๊อเนอโด่ อา แบ่เจ่ เตเพรเฮ๊อ.”
เหย่ซู่ แหย่โอ่เหม่ แกแย กู๊ขุเซอ โตโค๊ เตเพร
(มัทธิว ๑๒:๙-๑๔, มาระโก ๓:๑-๖)
6เบ๊อะแกแยยิวพู๊ อา ม๊อเนอโด่ เด๊อ อาโร เตอเนอ เกอเนอ, เหย่ซู่ จว๊าโน เด๊อ เตจ๊อเบโฮกู เร๊อ จว๊าโน อิซว๊าอี๊แส่หนิ อู เบ๊อะเนอ. เบ๊อะเตจ๊อเบโฮกูเนอ แกแยเพ กู๊ขุเซอ เด๊อ จ๊อทว๊า โตโค๊ โอ่ เตเพร. 7เพรอิซว๊า เตซว๊าเตแส่ อาซ๊าร๊า เต๊เห่ เร๊อ ฟาริสี เต๊เห่ แม๊ปู แลแค เตหรี่เตแก เต๊อเจ่อเจ่อ เด๊อ อา เก่ ปื่อหนิ แลแค แบ่เจ่ เหย่ซู่ อา เตซื๊อ. ฮู๊เนอ อาขว่าอาคยา เหย่ซี โอ่ป่อแม๊ แลแค เด๊อ แกแยยิวพู๊ อา ม๊อเนอโด่ เออเนอหม่า อา แหย่โอ่เหม่ เป่ อูเตชุ๊ย ปา แอ? หม่า โต่ แอ? ฮู๊เนอ. 8หม่าแน๊เรอ เหย่ซู่ ซิเง เหย่ซี อาเต เตเน เต๊เห่ อาขว่าอาคยา อา เฮ๊ แกแย กู๊ขุเซอ โตโค๊ เออเตเพร เน๊อ, “แฮก๊อถ่อโอ่ เด๊อ อู กล่าเมกูเออ,” เร๊อ แกแย เนอเตเพร แฮก๊อถ่อโอ่ เบ๊อะเนอ.
9ฮู๊เนอโทเร๊อ เหย่ซู่ เฮ๊ เหย่ซี เน๊อ, “แว แด๊เฮอ โป่ ซี โหง่ ตือมื๊อ, เป เตซว๊าเตแส่ เฮ๊ เป เร๊อ เบ๊อะแกแยยิวพู๊ อา ม๊อเนอโด่ เบ๊อะเนอหม่า, เป โตเบ่ เม จว่า อู แอ? หม่าโต่เร๊อ เป โตเบ่ เมหน่าเมจา อู แอ? เป โตเบ่ เตเมแลเปล๊กา แกแย เตเพรเพร อาซิปล่อ เซอเพร แฮ? หม่าโต่หม่า เป โตเบ่ เมปย๊าเมหลู่แก อู แอ?”
10อา แม๊ ตีรี๊ตาวา โทลอ เหย่ซี เร๊อ อา เฮ๊ แกแย กู๊ขุเซอ โตโค๊ เออเตเพร เน๊อ, “บ๊อเถ่ เน กู๊ขุเนอ,” เร๊อ อา ครวาเม เกอฮู๊ เหย่ซู่ เฮ๊ ลู เนอ, เร๊อ อากู๊ขุ แร๊กาคยา ปลื๊อลอ คยาแซ๊. 11หม่าแน๊เรอ เพรอิซว๊า เตซว๊าเตแส่ อาซ๊าร๊า เต๊เห่ เร๊อ ฟาริสี เต๊เห่ ซิปล่อดุ แหน่เจ๊อ แบ่เจ่ เร๊อ เหย่ซี โตเบ่ เม แบ่เจ่เหย่ซู่ ฮู๊เตเนอ, เหย่ซี จว๊า โอ่กู๊ เฮ๊เบ่ เกอเร๊อ ลู.
เหย่ซู่ นว๊าแถ่ เพรโด่แนพู๊ เต๊เห่ เช๊อซิเนอ
(มัทธิว ๑๐:๑-๔, มาระโก ๓:๑๓-๑๙)
12เบ๊อะเนอโทเรอ, เหย่ซู่ เตเร จว๊า กุยจ๊อเบ เร๊อ อา จว๊าแถ่ เด๊อ โฉ่ลู. เร๊อ อา จว๊า กุยจ๊อเบแถ่ จอแปแหร่ เบ๊อะเนอ เตเซ เตเซ เจ๊อ. 13เบ๊อะเหมาะลีบู เฮ๊อ เบ๊อะเนอ, อา เอ๊แฮปล๊อ ลอ อา โคเจ่ เต๊เห่ เด๊อ อา โอ่, เร๊อ อา นว๊าแถ่ แกแย เช๊อซิเนอ เด๊อ เหย่ซี อาเกล, เร๊อ เหย่ซี เช๊อซิเนอ เออเนอ, อา โป๊ เป่ อามุย เร๊อ เพร โด่แนพู๊ เต๊เห่. 14คูซีโมน (เด๊อ เหย่ซู่ อาเอ๊ เป่ โป่ อามุย เร๊อ คูเปโตร) เร๊อ อาโป่ คูอันดรูว์, คูยากอบ เร๊อ คูยอห์น, คูฟีลิป เร๊อ คูบารโธโลมิว, 15คูมัทธิว เร๊อ คูโธมัส, เพอัลเฟ อาพู๊คู คูยา กอบ, เร๊อ คูซีโมน (อา ลา เมโมหนิ อาเทออาเก่ เร๊อ อา โอ่ เด๊อ แย๊หล่อ อาตู๊หมู่ตอกล๊อกู เร๊อ อู เอ๊ ลู เร๊อ แย๊หล่อพู๊.) 16เพยากอบ อาพู๊คู คูยูดาส, เร๊อ คูยูดาส อิสคาริโอท เด๊อ อา ทวาแถ่ เพรอิเชตาแก เหย่ซู่ เนอเตเพร.
เหย่ซู่ อา เตอิซว๊าอี๊แส่ เร๊อ อา เตแหย่โอ่เหม่
(มัทธิว ๔:๒๓-๒๕)
17เหย่ซู่ เร๊อ อา โคเจ่ เต๊เห่ โอ่ เด๊อ โฉ่ขุ แก๊ตา เร๊อ อา ก๊อถ่อ โอ่ แลแค เบ๊อะเก่เปขุ โต๊โผ่. อา โคเจ่ เด๊อ อาโร ตูปลูเต๊เผ่ เร๊อ แกแย โอ่ เด๊อ ยูดาห์เก่ เต๊เก่ลอ เต๊เห่ เร๊อ เด๊อ วีเยรูซาเล็ม อากู เร๊อ วีไทระพู๊ เร๊อ วีไซดอนพู๊ เด๊อ อา โอ่ เด๊อ เทอดุซาวาทือ เต๊เห่ แฮ โอ่ป่อปลู่โอ่ป่อเผ่ เหร่อ ลอปลี ดื่อ เฮ๊อ เบ๊อะเนอ. 18เหย่ซี ซิหยื่อ หนิโฮ แลแค เหย่ซู่ อา เตเฮ๊เบ่โด่แหน่ โท๊โต่ อา ซิหยื่อ นอแหย่โอ่เหม่ แลแค เหย่ซู่ เร๊อ อา เตชุ๊ยเตเช เร๊อ อา แฮ แลแค แพ๊. เหย่ซู่ เหว่เถ่แก เป่ แกแย เด๊อ โลเน๊ เมเบ่ ลู เนอเต๊เห่. 19แกแย ปว๋า เพร แม๊ปู เต่อเบ่ ลอ ลู, เมเตเฮ๊เรอ เตโพรเตเตอเร๊อ อาโอ่ เด๊อ ลูเหน่ลู เถ่ เร๊อ อา แหย่โอ่เหม่ เป่ ลอปลี เจ๊อ อู เตชุ๊ยเตเช ปว๊า เพร เจ๊อ.
เตซิครือซิลอ เร๊อ เตซิเปลซิหย่อ
(มัทธิว ๕:๑-๑๒)
20เหย่ซู่ แม๊ตาเต๋า เด๊อ อา โคเจ่ เต๊เห่ เร๊อ อา เฮ๊ เหย่ซี เนอ,
“ซี เด๊อ อา โซพ๊าโซแร เออเต๊เห่เนอ, จอแปแหร่ เก่ เด๊อะบุ๊ยเด๊อะเตอเรอ หม่าแหน่ เจ๊อ เฮ๊อ ซี เฮ๊อ, เมเตเฮ๊เรอ จอแปแหร่ เทอเลเก่กู เนอหม่า แกแย ฮู๊เนอเต๊เห่ อาเต เฮ๊อ.
21ซี เด๊อ อา ซิกู๊ซิวี กู๊แหน่ เออเต๊เห่เนอ, จอแปแหร่ เก่ เด๊อะบุ๊ยเด๊อะเตอเรอ หม่าแหน่ เจ๊อ ซี เฮ๊อ, เมเตเฮ๊เรอ จอแปแหร่ เก่ เด๊อะ เอ่ก๊อโอบา ซี ปา!
ซี เด๊อ อา โหง่อาเห่ กู๊แหน่ เออเตเห่เนอ, จอแปแหร่ เก่ เด๊อะบุ๊ยเด๊อะเตอเรอ หม่าแหน่ เจ๊อ ซี เฮ๊อ, เมเตเฮ๊เรอ ซี เก่ งยาฮาน๊อ ปา!
22ซี ย๋อหยื่อเอ่ แกแยพู๊คู หม่าเฮ๊อ แวเออ อาขว่าอาคยา, เร๊อ อู ซิเถ่ ซี, อู เอ๊โมฉื่อ ซี โต่, อู เป๊อเจ่ออิแช๊ ซี เร๊อ อู เฮ๊ มู๊แหม่รีแจ่ ซี อาขว่าอาคยา, ซี เก่ พย๊าหนิ หม่าแหน่ เจ๊อเฮ๊อ เตเด๊อะบุ๊ยเด๊อะเตอเรอ เฮ๊อ.#ราม๊าราแด เนอบ่า ต๊าบ่า ๔:๑๔
23เมเตเฮ๊เรอ เหย่ซี อาเพออาโพ เด๋อ งย๊าเค เต๊เห่เนอ, อา เมจาเมจือ โทลอเฮ๊อ เพรโพร เต๊เห่ ฮู๊เนอ เฮ๊อ. เบ๊อะซี แม๊เถอะ เบ่เฮ๊อ ฮู๊เนอ ปา อาเบ๊อะเนอ, ซิครือซิลอ แลแค นี๋. เตซิครือซิลอ อี๊ฉ่าอี๊เปล๊อ แลแค นี๋, เมเตเฮ๊เรอ เด๊อ ซีเงเนอ, จอแปแหร่ แด่หนื่ออื่อ เป่เฮ๊อ ซี เตเหม่หนิคว๊าเก่ เด๊อ ม๊อขุ เนอ อาดุ หม่าแหน่ เจ๊อ.#ราม๊าราแด เนอบ่า ต๊าบ่า ๓๖:๑๖, เพรโด่แนพู๊ เต๊เห่ ๗:๕๒
24หม่าแน๊เรอ ซี เด๊อ อา ดุแหย่แถ่เซ แลแค เออเตอทือ เต๊เห่ ซี, ซี ย๋อ โอเซอเพรน๊อ แลแค เฮ๊อ เด๊อ เต อาโอ่โมโอ่เจ อากู เฮ๊อ อาขว่าอาคยา, เตจาเตจือ เก่ แฮป่อชิเต่อ หม่าแหน่ เจ๊อ ซี ปา.
25ซี เด๊อ อา เอ่ก๊อโอบา แลแค กู๊แหน่เออ เต๊เห่ ซี๋, เตจาเตจือ เก่ เบ่ หม่าแหน่ เจ๊อ แน๊ ซี ปา, ซี เก่ โอ่วีโอ่กอ เกอลาติ ปา!
ซี เด๊อ อา งยา ฮา งยา แฮ่ น๊อ กู๊แหน่เออ เต๊เห่ ซี, เตจาเตจือ เก่ ป่อชิเต่อ หม่าแหน่ เจ๊อ ซี ปา, เมเตเฮ๊เรอ เบ๊อะเก่ แฮโต่ เด๊อ ซี เก่ ซิเปล เร๊อ ซิโหง่ซิเห่ เกอลาติ ปา!
26ซี เด๊อ แกแย ปว๋า เพร ถู่เซ๊ เกอเร๊อ เฮ๊อ ซี เออเต๊เห่เนอ, ซี เก่ ป่อชิเต่อ หม่าแหน่ เจ๊อ เตจาเตจือ ปา, เมเตเฮ๊เรอ ซีเพอซีโพ มู๋หนู่ เค เต๊เห่เนอ อา ถู่เซ๊ เกอเร๊อ โทดื่อเฮ๊อ เพรโพรแลโฮ เพรโพรแลแห่ เต๊เห่ ฮู๊เนอ เฮ๊.
โมเร๊อ แกแย เด๊อ อา ซิเถ่ เป เต๊เห่
(มัทธิว ๕:๓๘-๔๘, ๗:๑๒)
27“หม่าแน๊เรอ ซี เก่ ซิหยื่อ หนิดา เฮ๊เรอ แว ซิหยื่อ เฮ๊โฉ่หนิ เป่ ซี เตเต๊เห่, โมเร๊อ แลแค แกแย เด๊อ อา ซิเถ่ ซี เนอเต๊เห่, เร๊อ เมแร๊ฉื่อ แกแย เด๊อ อา ซิโตโค ซี เนอเต๊เห่ นี๋. 28เด๊อะบุ๊ยเด๊อะเตอเรอ แกแย เด๊อ อา อิชอ ซี เนอเต๊เห่, เร๊อ กุยจ๊อเบ เป่ แกแย เด๊อ อา เม มู๊แหม่รีแจ่ ซี เนอเต๊เห่ อาเง นี๋. 29แกแย เตเพรเพร เก่ แปล่ เน กู๊หลิเล เก่เฮ๊เรอ เด๊อ แปล่ โป่ อา เด๊อ อา โอ่แก เนอตากยา นี๋. แกแย เตเพรเพร เก่ พย๊าเผ่ เน จากลอ เก่เฮ๊เรอ, นอพย๊าจว๊าหนิ โป่ อา เร๊อ เนจา เด๊อ อากู เนอตือปือ นี๋. 30อูเป๊เป๋ เบ่เบ่ อาเก่ กุย เนเต เต๊อเจ่อเจ่อ เฮ๊เรอ เด๊อะเป่ อา เร๊อ แกแย เตเพรเพร เก่พย๊า เนเต เต๊อเจ่อเจ่อ เก่เฮ๊เนอ, กุย กาคยา แต่ อา แต่เหม่ นี๋. 31เม เป่ อู ฮู๊ ซี ซิหยื่อ นอเม อู เร๊อ ซีเหน่ เนอ นี๋.#มัทธิว ๗:๑๒
32“ซี เก่ เมโมเรอ แพ๊ตื่อ แกแย เด๊อ อา โมหนิเร๊อ ซี เนอเต๊เห่ แพ๊ เก่เฮ๊เรอ อู ถู่เซ๊หนิ เร๊อ ซี เตเพร่ว โต่. แกแย เตซื๊อเตโอ่หร่าพู๊ แพ๊ เต๊เห่ เร๊อ อา โม กาคยาฉื่อ แซ๊เกอดื่อ แกแย เด๊อ อา โมหนิเร๊อ ลู เนอเต๊เห่ ฮู๊เนอ เฮ๊อ. 33เร๊อ ซี เก่ เมแร๊ ตือแพ๊ แกแย เด๊อ อา เมแร๊ ซี เนอเต๊เห่ แพ๊ เก่เฮ๊เรอ อู ถู่เซ๊หนิ เร๊อ ซี เตเพร่ว โต่. แกแย เตซื๊อเตโอ่หร่าพู๊ แพ๊ เต๊เห่ เร๊อ อา เมแร๊ กาคยาฉื่อ แซ่เกอ ดื่อ แกแย เด๊อ อา เมแร๊ เหย่ซี เนอเต๊เห่ ฮู๊เนอ เฮ๊อ. 34เร๊อ ซี เก่ เด๊อะบ่อเด๊อะโหล่ ตื้อแพ๊ ซี ตาเต เด๊อ แกแย เด๊อะ ซี แม๊ชือ เด๊อ ซี เก่ พย๊าหนิ กาคยา คยาแซ๊ ซี ตาเต เด๊อ อา โอ่ เนอเต๊เห่ แพ๊ เก่เฮ๊เรอ อู ถู่เซ๊หนิ เร๊อ ซี เตเพร่ว โต่. แกแย เตซื๊อเตโอ่หร่าพู๊ แพ๊ เต๊เห่ เร๊อ อา เด๊อะบ่อเด๊อะโหล่ เป่ อาตาเต เร๊อ เพรเตเหล่ซื๊อพู๊ เด๊อ เหย่ซี แม๊ชือ เร๊อ อา เก่ เด๊อะ กาคยา เบ๊ บา คยาแซ๊ ลู ปาเนอ เต๊เห่ อา โอ่, แซ่เกอดื่อ ฮู๊เนอ แพ๊. 35โตเบ่ เมหนิ ฮู๊เนอ โต่! โมหนิเรอ แกแย เด๊อ อา ซิเถ่ ซี เนอเต๊เห่ เร๊อ เมแร๊ เหย่ซี เนอ, เด๊อะบ่อ เต เร๊อ แม๊ชือ พย๊าหนิ กาคยา เต เตเต๊อเจ๋อ แต่เหม่. ซี เก่ เมฮู๊เนอ เฮ๊เรอ จอแปแหร่ เก่ เด๊อะบุ๊ยเด๊อะเตอเรอ ตาป่อตาเป เจ๊อ ซี ปา. ซี เก่ เด๊อะบ่อ อู เร๊อ ซี เก่ แม๊ชือ พย๊าหนิ กาคยา คยาแซ๊ เต เตอเจ๋อ โต่ เฮ๊เนอหม่า, อู เก่ แม๊เถอะ ซี เร๊อ เตดุเตทูตื๊อดื่อ จอแปแหร่ อาพู๊ ซีเต๊เห่ ปา. เมเตเฮ๊เรอ จอแปแหร่ เมแร๊ฉื่อ แกแย เด๊อ อา ซิเง ฉื่อ เกอ อูบุ๊ยอูเตอเรอ โต่ เนอเต๊เห่ เร๊อ แกแย เด๊อ อาจาอาจือตื๊อดื่อ ดื่อเง เนอเต๊เห่. 36ซี เบ่ ซิยอเร๊อ เกอ อู ฮู๊ ซีเพ จอแปแหร่ ซิยอเร๊อ อู เนอ.
เตเฮ๊บูเฮ๊บย่า อู, เตเนซื๊อบอ เตเนซื๊อบย่า อู
(มัทธิว ๗:๑-๕)
37“เฮ๊บูเฮ๊บย่า อู, เตเนซื๊อบอเตเนซื๊อบย่า แต่ อู เหม่. ซี เก่ เฮ๊บอเฮ๊บย่า อู, เตเนซื๊อบอเตเนซื๊อบย่า อู โต่ เฮ๊เนอหม่า จอแปแหร่ เมเลอ กาคยาฉื่อ ซี โต่. แด่เตซื๊อ แต่ อู แต่เหม่, ตื๊อหม่า จอแปแหร่ แด่เตซื๊อ ซี โต่. ปลวาแกอูเตซื๊อ นี๋, ตื๊อหม่า จอแปแหร่ ปลวาแก ซี เตซื๊อ ปา. 38เด๊อะเป่ อู, ตื๊อหม่า จอแปแหร่ เก่ เด๊อ เป่ เกอลาติ ซี ปา. จอแปแหร่ เก่ โร แกล เร๊อ อาต่อบา โตโม ตาป่อตาเป ฉื่อเป่ เจ๊อ ซี ปา. เมเตเฮ๊เรอ, จอแปแหร่ อา ต่อฉื่อ เป่ ซี ฮู๊ ซี ต่อ เป่ อู เนอ ปา.”
39โทเร๊อ เหย่ซู่ เฮ๊ เป่ เหย่ซี เร๊อ โหง่ค๊าโข่ ตือมื๊อ เร๊อ อา เฮ๊ เป่ เหย่ซี เน๊อ, “แกแย เป๊เส่คี๊ เตเพรเนอ อา ซูจว๊า แจ่ เป่ แกแย เป๊เส่คี๊ เด๊อ อาโรเตเพร อาแกล๊ โต่. เก่ อา ซู เฮ๊เรอ เหย่ซี เก่ แลตาลอ เด๊อ ครอกู ซิเนอ ปา.#มัทธิว ๑๕:๑๔ 40โคเจ่เนอ อาแจ่ เล๊อ เร๊อ อาซ๊าร๊า แตแค๋ โต่. หม่าแน๊เรอ, โคเจ่ เตเพรเพร เด๊อ อา อิซว๊า ปลื๊อโท ลอเฮ๊อ เด๊อ อาซ๊าร๊า โอ่ เตเพรเนอ, อา เก่ แจ่ แซ่เน๊อ อาซ๊าร๊า เนอแพ๊.#มัทธิว ๑๐:๒๔-๒๕, ยอห์น ๑๓:๑๖, ๑๕:๒๐
41“อาหมื่ออาม๊า โอ่แพ๊ เด๊อ ซี โป่แหว่ เพรหยื่อเอ่เตพู๊ เตเพร อา เป๊เส่ปล่อกู แพ๊ เร๊อ ซี แม๊เถอะ, หม่าแน๊เรอ ส่อเกลอ โอ่ เจ๊อ เด๊อ ซี เป๊เส่ปล่อกู เจ๊อ เนอ, ซี แม๊เถอะ เกอเร๊อ อู โต่ เมเต? 42ซี จว๊าเฮ๊โต่ ซี โป่แหว่ เน๊อ, ‘โป่แว๋ แว ตาคว๊า เถ่แก เหร่อเป่ เน อาหมื่ออาม๊า โอ่ เด๊อ เน เป๊เส่ปล่อกู เออเนอ,’ ซี เฮ๊ ฮู๊เนอ ตื๊อดื่อเรอ ส่อเกลอ โอ่ เจ๊อ เด๊อ ซี เป๊เส่ปล่อกู เจ๊อ เรอ ซี แม๊เถอะ เกอเร๊อ อา โต่. ซี จว๊าเฮ๊ อู ฮู๊เนอ หม่า อาหนิ โต่. เพร จ่าจ๊อจ่าเต อาเหน่ ซี๋, พย๊าเถ่แก เหร่อเล๊อ ส่อเกลอ โอ่ เด๊อ ซี เป๊เส่ปล่อกู เนอ, ตื๊อเรอ ซี แม๊เถอะโลแร๊ เร๊อ ซี ตาคว๊า เถ่แก แจ่ เป่ อาหมื่ออาม๊า โอ่ เด๊อ ซี โป่แหว่ อา เป๊เส่ปล่อกู เออเนอ แพ๊.
ส่อเหมาะ เออต๊อเหมาะ เร๊อ อาเส่
(มัทธิว ๗:๑๗-๒๐, ๑๒:๓๔-๓๕)
43“ส่อแร๊ ต๊อเหมาะเนอ อาเส่เถ่ ส่อเส่ เด๊อ อาแร๊โต่ เนอ อาโอ่โต่. ฮู๊เนอเฮ๊อ ส่อแร๊ โต่ ต๊อเหมาะเนอ อาเส่เถ่ แจ่ ส่อเส่แร๊ โต่. 44เล๊เล๋ เน แม๊แพ๊ อาเส่ เน๋อ เน ซิเงแจ่แพ๊ อาเหมาะ แพ๊. อู จว๊าบ่าเอ่ ก่อดุ๊ยเส่ เด๊อ ส่อแช๊เหมาะลู อาโอ่ เตเพร่ว โต่. ฮู๊เนอเฮ๊อ อู จว๊าบ่าเอ่ แท๊ทือเส่ เด๊อ แจ๊โจ่แจ๊ลูแป เตเพร่ว โต่.#มัทธิว ๑๒:๓๓ 45แกแยแร๊ เตเพรเนอ อา เฮ๊เบ่เถ่ แพ๊ เตแร๊ โอ่ เด๊อ ลู ซิปล่อกู เนอเต๊เห่ แพ๊. แกแยจาแกแยมู๊แหม่ เตเพรเนอ, อา เฮ๊เบ่เถ่ แพ๊ เตมู๊แหม่รีแจ่ โอ่ เด๊อ ลู ซิปล่อกู เนอเต๊เห่ แพ๊. แกแย เนอ อา ซิปล่อกู โอ่บา ตาป่อตาเป ฮู๊เต๊เนอ อากู๊อู่ ครวา เฮ๊เบ่เถ่ เกอ ฮู๊เนอแพ๊.#มัทธิว ๑๒:๓๔
เพรอิช๊อแถ่ หี่ ซิเนอ
(มัทธิว ๗:๒๔-๒๗)
46“ตือมื๋อ ซี หนิดา แวโหง่ โต่ เร๊อ ซี จว๊า เอ๊โต่ แว เร๊อ ‘แบ่เจ๋ แบ่เจ่,’ ฮู๊เนอหม่า เมเต? 47แว เก่ เด๊อะโล เป่ ซี เร๊อ ล๋อ แกแย เด๊อ อา จว๊า เด๊อ แว โอ่ เร๊อ อา หนิโฮ แวลาแวโหง่, เร๊อ อา หนิดา ครวาเมเกอ เต๊เห่เนอ อาแซ่เน๊อ อิเต เฮ๊เร๊อหม่า, 48อา แซ่เฮ๊อเร๊อ แกแย เด๊อ อา ช๊อแถ่ หี่ เนอ, อา ขื่อตา แยแย เห่กู เร๊อ อา แบ๊ อี๊ถื่อแก่ช๊า เร๊อ หล่อ เออเนอ เตเพร เฮ๊อ. เทอดุแถ่, เทอโทแฮ แฮพอเบ่ หี่เออ เตเม ตื๊อดื่อเรอ อู ย๋อ อิช๊อแล หม่ากลอแร๊ อา เด๊อ หล่อลู อาขว่าอาคยา, อา โกโย เป่โต่. 49หม่าแน๊เรอ แกแย เตเพรเพร เด๊อ อา หนิโฮ แวลาแวโหง่ เร๊อ อา หนิดา ครวาเมเกอ โต่ เตเพรเนอ, อาแซ่เน๊อ แกแย เด๊อ อา ช๊อแถ่ อาหี่ เร๊อ อา แบ๊หม่า เกอ อาแก่ช๊า เร๊อ หล่อ โต่ เตเพร เนอเฮ๊อ. เบ๊อะเทอดุแถ่, เทอโทแฮ แฮพอเบ่ หี่เออ เตเม เบ๊อะเนอ, โตโพ๊โต อา แลพรอแก เร๊อ อา แลโพร๊ แลเก่ แลหมื่อ แกลอ แพ๊.”
လက်ရှိရွေးချယ်ထားမှု
ลูกา 6: EKTNTGEN
အရောင်မှတ်ချက်
မျှဝေရန်
ကူးယူ
မိမိစက်ကိရိယာအားလုံးတွင် မိမိအရောင်ချယ်သောအရာများကို သိမ်းဆည်းထားလိုပါသလား။ စာရင်းသွင်းပါ (သို့) အကောင့်ဝင်လိုက်ပါ
ลูกา 6
6
อู แด๊เฮอ แกแยยิวพู๊ อา ม๊อเนอโด่ อาหรี่อาแก
(มัทธิว ๑๒:๑-๘, มาระโก ๒:๒๓-๒๘)
1เบ๊อะแกแยยิวพู๊ ม๊อเนอโด่ เตอเนอ เบ๊อะเนอ, เหย่ซู่ เร๊อ อา โคเจ่ เต๊เห่ เถ่จว๊าแกล๊ เร๊อ จว๊าโนจว๊าเบ๊ อู โบ๊กู่ลาเพร๊ ขุ เต๊เห่ เร๊อ อา โคเจ่ เต๊เห่ อาพร๊า แลแค อู โบ๊กู่ลา แปล เร๊อ กู๊หนิปลีแก เร๊อ อากู๊ขุ เร๊อ อา เอ่ แลแค.#โด่แน ๒๓:๒๕ 2เร๊อ ฟาริสีพู๊ เต๊เห่ แด๊เฮอ เน๊อ, “จอแปแหร่ เตซว๊าเตแส่ เฮ๊ เร๊อ แกแยยิวพู๊ อา ม๊อเนอโด่ เออเนอ, เตเม เด๊อ ซี โตเบ่ เมหนิ โต่ เต๊เห่เนอ, ซี จว๊าเมดื่อ แลแค ซีเง ฮู๊เนอ เมเต?”
3เหย่ซู่ เฮ๊ฉื่อ เหย่ซี เน๊อ, “เบ๊อะคูดาวิด เร๊อ อา โคแบ๊ซว๊า เต๊เห่ แหล่แด๊เอ่แหล่แด๊โอ เบ๊อะเนอ, อา เมแคร๋ อิเตเต เนอหม่า ซี แด๊น๊อ เกอแหน่ อู โต่ แอ? 4เหย่ซี จว๊าโน แลแค เด๊อ จอแปแหร่ อาหี่กู เร๊อ อา พย๊าเอ่ ค๊อมู เด๊อ อู หลู่แถ่ เร๊อ จอแปแหร่ เนอเต๊เห่, ค๊อมู เออเต๊เห่ เนอหม่า เอ่นี๋ แพ๊ตื๊อ เพรหลู่แตเนอ เต๊เห่ แพ๊ ตื๊อดื่อเรอ ดาวิด เร๊อ อา โคเจ่ เต๊เห่ จว๊าโนพย๊าเอ่ แวเฮ๊แต่?”#จ๊อบู่จ๊อเบ ๒๔:๙, ซามูเอล อาเหร่อเล๊อ ต๊าบ่า ๒๑:๑-๖ 5เร๊อ เหย่ซู่ เฮ๊ เป่ โป่ เหย่ซี เน๊อ, “แกแยพู๊คู หม่าดื่อ แว เออเนอหม่า ม๊อเนอโด่ อา แบ่เจ่ เตเพรเฮ๊อ.”
เหย่ซู่ แหย่โอ่เหม่ แกแย กู๊ขุเซอ โตโค๊ เตเพร
(มัทธิว ๑๒:๙-๑๔, มาระโก ๓:๑-๖)
6เบ๊อะแกแยยิวพู๊ อา ม๊อเนอโด่ เด๊อ อาโร เตอเนอ เกอเนอ, เหย่ซู่ จว๊าโน เด๊อ เตจ๊อเบโฮกู เร๊อ จว๊าโน อิซว๊าอี๊แส่หนิ อู เบ๊อะเนอ. เบ๊อะเตจ๊อเบโฮกูเนอ แกแยเพ กู๊ขุเซอ เด๊อ จ๊อทว๊า โตโค๊ โอ่ เตเพร. 7เพรอิซว๊า เตซว๊าเตแส่ อาซ๊าร๊า เต๊เห่ เร๊อ ฟาริสี เต๊เห่ แม๊ปู แลแค เตหรี่เตแก เต๊อเจ่อเจ่อ เด๊อ อา เก่ ปื่อหนิ แลแค แบ่เจ่ เหย่ซู่ อา เตซื๊อ. ฮู๊เนอ อาขว่าอาคยา เหย่ซี โอ่ป่อแม๊ แลแค เด๊อ แกแยยิวพู๊ อา ม๊อเนอโด่ เออเนอหม่า อา แหย่โอ่เหม่ เป่ อูเตชุ๊ย ปา แอ? หม่า โต่ แอ? ฮู๊เนอ. 8หม่าแน๊เรอ เหย่ซู่ ซิเง เหย่ซี อาเต เตเน เต๊เห่ อาขว่าอาคยา อา เฮ๊ แกแย กู๊ขุเซอ โตโค๊ เออเตเพร เน๊อ, “แฮก๊อถ่อโอ่ เด๊อ อู กล่าเมกูเออ,” เร๊อ แกแย เนอเตเพร แฮก๊อถ่อโอ่ เบ๊อะเนอ.
9ฮู๊เนอโทเร๊อ เหย่ซู่ เฮ๊ เหย่ซี เน๊อ, “แว แด๊เฮอ โป่ ซี โหง่ ตือมื๊อ, เป เตซว๊าเตแส่ เฮ๊ เป เร๊อ เบ๊อะแกแยยิวพู๊ อา ม๊อเนอโด่ เบ๊อะเนอหม่า, เป โตเบ่ เม จว่า อู แอ? หม่าโต่เร๊อ เป โตเบ่ เมหน่าเมจา อู แอ? เป โตเบ่ เตเมแลเปล๊กา แกแย เตเพรเพร อาซิปล่อ เซอเพร แฮ? หม่าโต่หม่า เป โตเบ่ เมปย๊าเมหลู่แก อู แอ?”
10อา แม๊ ตีรี๊ตาวา โทลอ เหย่ซี เร๊อ อา เฮ๊ แกแย กู๊ขุเซอ โตโค๊ เออเตเพร เน๊อ, “บ๊อเถ่ เน กู๊ขุเนอ,” เร๊อ อา ครวาเม เกอฮู๊ เหย่ซู่ เฮ๊ ลู เนอ, เร๊อ อากู๊ขุ แร๊กาคยา ปลื๊อลอ คยาแซ๊. 11หม่าแน๊เรอ เพรอิซว๊า เตซว๊าเตแส่ อาซ๊าร๊า เต๊เห่ เร๊อ ฟาริสี เต๊เห่ ซิปล่อดุ แหน่เจ๊อ แบ่เจ่ เร๊อ เหย่ซี โตเบ่ เม แบ่เจ่เหย่ซู่ ฮู๊เตเนอ, เหย่ซี จว๊า โอ่กู๊ เฮ๊เบ่ เกอเร๊อ ลู.
เหย่ซู่ นว๊าแถ่ เพรโด่แนพู๊ เต๊เห่ เช๊อซิเนอ
(มัทธิว ๑๐:๑-๔, มาระโก ๓:๑๓-๑๙)
12เบ๊อะเนอโทเรอ, เหย่ซู่ เตเร จว๊า กุยจ๊อเบ เร๊อ อา จว๊าแถ่ เด๊อ โฉ่ลู. เร๊อ อา จว๊า กุยจ๊อเบแถ่ จอแปแหร่ เบ๊อะเนอ เตเซ เตเซ เจ๊อ. 13เบ๊อะเหมาะลีบู เฮ๊อ เบ๊อะเนอ, อา เอ๊แฮปล๊อ ลอ อา โคเจ่ เต๊เห่ เด๊อ อา โอ่, เร๊อ อา นว๊าแถ่ แกแย เช๊อซิเนอ เด๊อ เหย่ซี อาเกล, เร๊อ เหย่ซี เช๊อซิเนอ เออเนอ, อา โป๊ เป่ อามุย เร๊อ เพร โด่แนพู๊ เต๊เห่. 14คูซีโมน (เด๊อ เหย่ซู่ อาเอ๊ เป่ โป่ อามุย เร๊อ คูเปโตร) เร๊อ อาโป่ คูอันดรูว์, คูยากอบ เร๊อ คูยอห์น, คูฟีลิป เร๊อ คูบารโธโลมิว, 15คูมัทธิว เร๊อ คูโธมัส, เพอัลเฟ อาพู๊คู คูยา กอบ, เร๊อ คูซีโมน (อา ลา เมโมหนิ อาเทออาเก่ เร๊อ อา โอ่ เด๊อ แย๊หล่อ อาตู๊หมู่ตอกล๊อกู เร๊อ อู เอ๊ ลู เร๊อ แย๊หล่อพู๊.) 16เพยากอบ อาพู๊คู คูยูดาส, เร๊อ คูยูดาส อิสคาริโอท เด๊อ อา ทวาแถ่ เพรอิเชตาแก เหย่ซู่ เนอเตเพร.
เหย่ซู่ อา เตอิซว๊าอี๊แส่ เร๊อ อา เตแหย่โอ่เหม่
(มัทธิว ๔:๒๓-๒๕)
17เหย่ซู่ เร๊อ อา โคเจ่ เต๊เห่ โอ่ เด๊อ โฉ่ขุ แก๊ตา เร๊อ อา ก๊อถ่อ โอ่ แลแค เบ๊อะเก่เปขุ โต๊โผ่. อา โคเจ่ เด๊อ อาโร ตูปลูเต๊เผ่ เร๊อ แกแย โอ่ เด๊อ ยูดาห์เก่ เต๊เก่ลอ เต๊เห่ เร๊อ เด๊อ วีเยรูซาเล็ม อากู เร๊อ วีไทระพู๊ เร๊อ วีไซดอนพู๊ เด๊อ อา โอ่ เด๊อ เทอดุซาวาทือ เต๊เห่ แฮ โอ่ป่อปลู่โอ่ป่อเผ่ เหร่อ ลอปลี ดื่อ เฮ๊อ เบ๊อะเนอ. 18เหย่ซี ซิหยื่อ หนิโฮ แลแค เหย่ซู่ อา เตเฮ๊เบ่โด่แหน่ โท๊โต่ อา ซิหยื่อ นอแหย่โอ่เหม่ แลแค เหย่ซู่ เร๊อ อา เตชุ๊ยเตเช เร๊อ อา แฮ แลแค แพ๊. เหย่ซู่ เหว่เถ่แก เป่ แกแย เด๊อ โลเน๊ เมเบ่ ลู เนอเต๊เห่. 19แกแย ปว๋า เพร แม๊ปู เต่อเบ่ ลอ ลู, เมเตเฮ๊เรอ เตโพรเตเตอเร๊อ อาโอ่ เด๊อ ลูเหน่ลู เถ่ เร๊อ อา แหย่โอ่เหม่ เป่ ลอปลี เจ๊อ อู เตชุ๊ยเตเช ปว๊า เพร เจ๊อ.
เตซิครือซิลอ เร๊อ เตซิเปลซิหย่อ
(มัทธิว ๕:๑-๑๒)
20เหย่ซู่ แม๊ตาเต๋า เด๊อ อา โคเจ่ เต๊เห่ เร๊อ อา เฮ๊ เหย่ซี เนอ,
“ซี เด๊อ อา โซพ๊าโซแร เออเต๊เห่เนอ, จอแปแหร่ เก่ เด๊อะบุ๊ยเด๊อะเตอเรอ หม่าแหน่ เจ๊อ เฮ๊อ ซี เฮ๊อ, เมเตเฮ๊เรอ จอแปแหร่ เทอเลเก่กู เนอหม่า แกแย ฮู๊เนอเต๊เห่ อาเต เฮ๊อ.
21ซี เด๊อ อา ซิกู๊ซิวี กู๊แหน่ เออเต๊เห่เนอ, จอแปแหร่ เก่ เด๊อะบุ๊ยเด๊อะเตอเรอ หม่าแหน่ เจ๊อ ซี เฮ๊อ, เมเตเฮ๊เรอ จอแปแหร่ เก่ เด๊อะ เอ่ก๊อโอบา ซี ปา!
ซี เด๊อ อา โหง่อาเห่ กู๊แหน่ เออเตเห่เนอ, จอแปแหร่ เก่ เด๊อะบุ๊ยเด๊อะเตอเรอ หม่าแหน่ เจ๊อ ซี เฮ๊อ, เมเตเฮ๊เรอ ซี เก่ งยาฮาน๊อ ปา!
22ซี ย๋อหยื่อเอ่ แกแยพู๊คู หม่าเฮ๊อ แวเออ อาขว่าอาคยา, เร๊อ อู ซิเถ่ ซี, อู เอ๊โมฉื่อ ซี โต่, อู เป๊อเจ่ออิแช๊ ซี เร๊อ อู เฮ๊ มู๊แหม่รีแจ่ ซี อาขว่าอาคยา, ซี เก่ พย๊าหนิ หม่าแหน่ เจ๊อเฮ๊อ เตเด๊อะบุ๊ยเด๊อะเตอเรอ เฮ๊อ.#ราม๊าราแด เนอบ่า ต๊าบ่า ๔:๑๔
23เมเตเฮ๊เรอ เหย่ซี อาเพออาโพ เด๋อ งย๊าเค เต๊เห่เนอ, อา เมจาเมจือ โทลอเฮ๊อ เพรโพร เต๊เห่ ฮู๊เนอ เฮ๊อ. เบ๊อะซี แม๊เถอะ เบ่เฮ๊อ ฮู๊เนอ ปา อาเบ๊อะเนอ, ซิครือซิลอ แลแค นี๋. เตซิครือซิลอ อี๊ฉ่าอี๊เปล๊อ แลแค นี๋, เมเตเฮ๊เรอ เด๊อ ซีเงเนอ, จอแปแหร่ แด่หนื่ออื่อ เป่เฮ๊อ ซี เตเหม่หนิคว๊าเก่ เด๊อ ม๊อขุ เนอ อาดุ หม่าแหน่ เจ๊อ.#ราม๊าราแด เนอบ่า ต๊าบ่า ๓๖:๑๖, เพรโด่แนพู๊ เต๊เห่ ๗:๕๒
24หม่าแน๊เรอ ซี เด๊อ อา ดุแหย่แถ่เซ แลแค เออเตอทือ เต๊เห่ ซี, ซี ย๋อ โอเซอเพรน๊อ แลแค เฮ๊อ เด๊อ เต อาโอ่โมโอ่เจ อากู เฮ๊อ อาขว่าอาคยา, เตจาเตจือ เก่ แฮป่อชิเต่อ หม่าแหน่ เจ๊อ ซี ปา.
25ซี เด๊อ อา เอ่ก๊อโอบา แลแค กู๊แหน่เออ เต๊เห่ ซี๋, เตจาเตจือ เก่ เบ่ หม่าแหน่ เจ๊อ แน๊ ซี ปา, ซี เก่ โอ่วีโอ่กอ เกอลาติ ปา!
ซี เด๊อ อา งยา ฮา งยา แฮ่ น๊อ กู๊แหน่เออ เต๊เห่ ซี, เตจาเตจือ เก่ ป่อชิเต่อ หม่าแหน่ เจ๊อ ซี ปา, เมเตเฮ๊เรอ เบ๊อะเก่ แฮโต่ เด๊อ ซี เก่ ซิเปล เร๊อ ซิโหง่ซิเห่ เกอลาติ ปา!
26ซี เด๊อ แกแย ปว๋า เพร ถู่เซ๊ เกอเร๊อ เฮ๊อ ซี เออเต๊เห่เนอ, ซี เก่ ป่อชิเต่อ หม่าแหน่ เจ๊อ เตจาเตจือ ปา, เมเตเฮ๊เรอ ซีเพอซีโพ มู๋หนู่ เค เต๊เห่เนอ อา ถู่เซ๊ เกอเร๊อ โทดื่อเฮ๊อ เพรโพรแลโฮ เพรโพรแลแห่ เต๊เห่ ฮู๊เนอ เฮ๊.
โมเร๊อ แกแย เด๊อ อา ซิเถ่ เป เต๊เห่
(มัทธิว ๕:๓๘-๔๘, ๗:๑๒)
27“หม่าแน๊เรอ ซี เก่ ซิหยื่อ หนิดา เฮ๊เรอ แว ซิหยื่อ เฮ๊โฉ่หนิ เป่ ซี เตเต๊เห่, โมเร๊อ แลแค แกแย เด๊อ อา ซิเถ่ ซี เนอเต๊เห่, เร๊อ เมแร๊ฉื่อ แกแย เด๊อ อา ซิโตโค ซี เนอเต๊เห่ นี๋. 28เด๊อะบุ๊ยเด๊อะเตอเรอ แกแย เด๊อ อา อิชอ ซี เนอเต๊เห่, เร๊อ กุยจ๊อเบ เป่ แกแย เด๊อ อา เม มู๊แหม่รีแจ่ ซี เนอเต๊เห่ อาเง นี๋. 29แกแย เตเพรเพร เก่ แปล่ เน กู๊หลิเล เก่เฮ๊เรอ เด๊อ แปล่ โป่ อา เด๊อ อา โอ่แก เนอตากยา นี๋. แกแย เตเพรเพร เก่ พย๊าเผ่ เน จากลอ เก่เฮ๊เรอ, นอพย๊าจว๊าหนิ โป่ อา เร๊อ เนจา เด๊อ อากู เนอตือปือ นี๋. 30อูเป๊เป๋ เบ่เบ่ อาเก่ กุย เนเต เต๊อเจ่อเจ่อ เฮ๊เรอ เด๊อะเป่ อา เร๊อ แกแย เตเพรเพร เก่พย๊า เนเต เต๊อเจ่อเจ่อ เก่เฮ๊เนอ, กุย กาคยา แต่ อา แต่เหม่ นี๋. 31เม เป่ อู ฮู๊ ซี ซิหยื่อ นอเม อู เร๊อ ซีเหน่ เนอ นี๋.#มัทธิว ๗:๑๒
32“ซี เก่ เมโมเรอ แพ๊ตื่อ แกแย เด๊อ อา โมหนิเร๊อ ซี เนอเต๊เห่ แพ๊ เก่เฮ๊เรอ อู ถู่เซ๊หนิ เร๊อ ซี เตเพร่ว โต่. แกแย เตซื๊อเตโอ่หร่าพู๊ แพ๊ เต๊เห่ เร๊อ อา โม กาคยาฉื่อ แซ๊เกอดื่อ แกแย เด๊อ อา โมหนิเร๊อ ลู เนอเต๊เห่ ฮู๊เนอ เฮ๊อ. 33เร๊อ ซี เก่ เมแร๊ ตือแพ๊ แกแย เด๊อ อา เมแร๊ ซี เนอเต๊เห่ แพ๊ เก่เฮ๊เรอ อู ถู่เซ๊หนิ เร๊อ ซี เตเพร่ว โต่. แกแย เตซื๊อเตโอ่หร่าพู๊ แพ๊ เต๊เห่ เร๊อ อา เมแร๊ กาคยาฉื่อ แซ่เกอ ดื่อ แกแย เด๊อ อา เมแร๊ เหย่ซี เนอเต๊เห่ ฮู๊เนอ เฮ๊อ. 34เร๊อ ซี เก่ เด๊อะบ่อเด๊อะโหล่ ตื้อแพ๊ ซี ตาเต เด๊อ แกแย เด๊อะ ซี แม๊ชือ เด๊อ ซี เก่ พย๊าหนิ กาคยา คยาแซ๊ ซี ตาเต เด๊อ อา โอ่ เนอเต๊เห่ แพ๊ เก่เฮ๊เรอ อู ถู่เซ๊หนิ เร๊อ ซี เตเพร่ว โต่. แกแย เตซื๊อเตโอ่หร่าพู๊ แพ๊ เต๊เห่ เร๊อ อา เด๊อะบ่อเด๊อะโหล่ เป่ อาตาเต เร๊อ เพรเตเหล่ซื๊อพู๊ เด๊อ เหย่ซี แม๊ชือ เร๊อ อา เก่ เด๊อะ กาคยา เบ๊ บา คยาแซ๊ ลู ปาเนอ เต๊เห่ อา โอ่, แซ่เกอดื่อ ฮู๊เนอ แพ๊. 35โตเบ่ เมหนิ ฮู๊เนอ โต่! โมหนิเรอ แกแย เด๊อ อา ซิเถ่ ซี เนอเต๊เห่ เร๊อ เมแร๊ เหย่ซี เนอ, เด๊อะบ่อ เต เร๊อ แม๊ชือ พย๊าหนิ กาคยา เต เตเต๊อเจ๋อ แต่เหม่. ซี เก่ เมฮู๊เนอ เฮ๊เรอ จอแปแหร่ เก่ เด๊อะบุ๊ยเด๊อะเตอเรอ ตาป่อตาเป เจ๊อ ซี ปา. ซี เก่ เด๊อะบ่อ อู เร๊อ ซี เก่ แม๊ชือ พย๊าหนิ กาคยา คยาแซ๊ เต เตอเจ๋อ โต่ เฮ๊เนอหม่า, อู เก่ แม๊เถอะ ซี เร๊อ เตดุเตทูตื๊อดื่อ จอแปแหร่ อาพู๊ ซีเต๊เห่ ปา. เมเตเฮ๊เรอ จอแปแหร่ เมแร๊ฉื่อ แกแย เด๊อ อา ซิเง ฉื่อ เกอ อูบุ๊ยอูเตอเรอ โต่ เนอเต๊เห่ เร๊อ แกแย เด๊อ อาจาอาจือตื๊อดื่อ ดื่อเง เนอเต๊เห่. 36ซี เบ่ ซิยอเร๊อ เกอ อู ฮู๊ ซีเพ จอแปแหร่ ซิยอเร๊อ อู เนอ.
เตเฮ๊บูเฮ๊บย่า อู, เตเนซื๊อบอ เตเนซื๊อบย่า อู
(มัทธิว ๗:๑-๕)
37“เฮ๊บูเฮ๊บย่า อู, เตเนซื๊อบอเตเนซื๊อบย่า แต่ อู เหม่. ซี เก่ เฮ๊บอเฮ๊บย่า อู, เตเนซื๊อบอเตเนซื๊อบย่า อู โต่ เฮ๊เนอหม่า จอแปแหร่ เมเลอ กาคยาฉื่อ ซี โต่. แด่เตซื๊อ แต่ อู แต่เหม่, ตื๊อหม่า จอแปแหร่ แด่เตซื๊อ ซี โต่. ปลวาแกอูเตซื๊อ นี๋, ตื๊อหม่า จอแปแหร่ ปลวาแก ซี เตซื๊อ ปา. 38เด๊อะเป่ อู, ตื๊อหม่า จอแปแหร่ เก่ เด๊อ เป่ เกอลาติ ซี ปา. จอแปแหร่ เก่ โร แกล เร๊อ อาต่อบา โตโม ตาป่อตาเป ฉื่อเป่ เจ๊อ ซี ปา. เมเตเฮ๊เรอ, จอแปแหร่ อา ต่อฉื่อ เป่ ซี ฮู๊ ซี ต่อ เป่ อู เนอ ปา.”
39โทเร๊อ เหย่ซู่ เฮ๊ เป่ เหย่ซี เร๊อ โหง่ค๊าโข่ ตือมื๊อ เร๊อ อา เฮ๊ เป่ เหย่ซี เน๊อ, “แกแย เป๊เส่คี๊ เตเพรเนอ อา ซูจว๊า แจ่ เป่ แกแย เป๊เส่คี๊ เด๊อ อาโรเตเพร อาแกล๊ โต่. เก่ อา ซู เฮ๊เรอ เหย่ซี เก่ แลตาลอ เด๊อ ครอกู ซิเนอ ปา.#มัทธิว ๑๕:๑๔ 40โคเจ่เนอ อาแจ่ เล๊อ เร๊อ อาซ๊าร๊า แตแค๋ โต่. หม่าแน๊เรอ, โคเจ่ เตเพรเพร เด๊อ อา อิซว๊า ปลื๊อโท ลอเฮ๊อ เด๊อ อาซ๊าร๊า โอ่ เตเพรเนอ, อา เก่ แจ่ แซ่เน๊อ อาซ๊าร๊า เนอแพ๊.#มัทธิว ๑๐:๒๔-๒๕, ยอห์น ๑๓:๑๖, ๑๕:๒๐
41“อาหมื่ออาม๊า โอ่แพ๊ เด๊อ ซี โป่แหว่ เพรหยื่อเอ่เตพู๊ เตเพร อา เป๊เส่ปล่อกู แพ๊ เร๊อ ซี แม๊เถอะ, หม่าแน๊เรอ ส่อเกลอ โอ่ เจ๊อ เด๊อ ซี เป๊เส่ปล่อกู เจ๊อ เนอ, ซี แม๊เถอะ เกอเร๊อ อู โต่ เมเต? 42ซี จว๊าเฮ๊โต่ ซี โป่แหว่ เน๊อ, ‘โป่แว๋ แว ตาคว๊า เถ่แก เหร่อเป่ เน อาหมื่ออาม๊า โอ่ เด๊อ เน เป๊เส่ปล่อกู เออเนอ,’ ซี เฮ๊ ฮู๊เนอ ตื๊อดื่อเรอ ส่อเกลอ โอ่ เจ๊อ เด๊อ ซี เป๊เส่ปล่อกู เจ๊อ เรอ ซี แม๊เถอะ เกอเร๊อ อา โต่. ซี จว๊าเฮ๊ อู ฮู๊เนอ หม่า อาหนิ โต่. เพร จ่าจ๊อจ่าเต อาเหน่ ซี๋, พย๊าเถ่แก เหร่อเล๊อ ส่อเกลอ โอ่ เด๊อ ซี เป๊เส่ปล่อกู เนอ, ตื๊อเรอ ซี แม๊เถอะโลแร๊ เร๊อ ซี ตาคว๊า เถ่แก แจ่ เป่ อาหมื่ออาม๊า โอ่ เด๊อ ซี โป่แหว่ อา เป๊เส่ปล่อกู เออเนอ แพ๊.
ส่อเหมาะ เออต๊อเหมาะ เร๊อ อาเส่
(มัทธิว ๗:๑๗-๒๐, ๑๒:๓๔-๓๕)
43“ส่อแร๊ ต๊อเหมาะเนอ อาเส่เถ่ ส่อเส่ เด๊อ อาแร๊โต่ เนอ อาโอ่โต่. ฮู๊เนอเฮ๊อ ส่อแร๊ โต่ ต๊อเหมาะเนอ อาเส่เถ่ แจ่ ส่อเส่แร๊ โต่. 44เล๊เล๋ เน แม๊แพ๊ อาเส่ เน๋อ เน ซิเงแจ่แพ๊ อาเหมาะ แพ๊. อู จว๊าบ่าเอ่ ก่อดุ๊ยเส่ เด๊อ ส่อแช๊เหมาะลู อาโอ่ เตเพร่ว โต่. ฮู๊เนอเฮ๊อ อู จว๊าบ่าเอ่ แท๊ทือเส่ เด๊อ แจ๊โจ่แจ๊ลูแป เตเพร่ว โต่.#มัทธิว ๑๒:๓๓ 45แกแยแร๊ เตเพรเนอ อา เฮ๊เบ่เถ่ แพ๊ เตแร๊ โอ่ เด๊อ ลู ซิปล่อกู เนอเต๊เห่ แพ๊. แกแยจาแกแยมู๊แหม่ เตเพรเนอ, อา เฮ๊เบ่เถ่ แพ๊ เตมู๊แหม่รีแจ่ โอ่ เด๊อ ลู ซิปล่อกู เนอเต๊เห่ แพ๊. แกแย เนอ อา ซิปล่อกู โอ่บา ตาป่อตาเป ฮู๊เต๊เนอ อากู๊อู่ ครวา เฮ๊เบ่เถ่ เกอ ฮู๊เนอแพ๊.#มัทธิว ๑๒:๓๔
เพรอิช๊อแถ่ หี่ ซิเนอ
(มัทธิว ๗:๒๔-๒๗)
46“ตือมื๋อ ซี หนิดา แวโหง่ โต่ เร๊อ ซี จว๊า เอ๊โต่ แว เร๊อ ‘แบ่เจ๋ แบ่เจ่,’ ฮู๊เนอหม่า เมเต? 47แว เก่ เด๊อะโล เป่ ซี เร๊อ ล๋อ แกแย เด๊อ อา จว๊า เด๊อ แว โอ่ เร๊อ อา หนิโฮ แวลาแวโหง่, เร๊อ อา หนิดา ครวาเมเกอ เต๊เห่เนอ อาแซ่เน๊อ อิเต เฮ๊เร๊อหม่า, 48อา แซ่เฮ๊อเร๊อ แกแย เด๊อ อา ช๊อแถ่ หี่ เนอ, อา ขื่อตา แยแย เห่กู เร๊อ อา แบ๊ อี๊ถื่อแก่ช๊า เร๊อ หล่อ เออเนอ เตเพร เฮ๊อ. เทอดุแถ่, เทอโทแฮ แฮพอเบ่ หี่เออ เตเม ตื๊อดื่อเรอ อู ย๋อ อิช๊อแล หม่ากลอแร๊ อา เด๊อ หล่อลู อาขว่าอาคยา, อา โกโย เป่โต่. 49หม่าแน๊เรอ แกแย เตเพรเพร เด๊อ อา หนิโฮ แวลาแวโหง่ เร๊อ อา หนิดา ครวาเมเกอ โต่ เตเพรเนอ, อาแซ่เน๊อ แกแย เด๊อ อา ช๊อแถ่ อาหี่ เร๊อ อา แบ๊หม่า เกอ อาแก่ช๊า เร๊อ หล่อ โต่ เตเพร เนอเฮ๊อ. เบ๊อะเทอดุแถ่, เทอโทแฮ แฮพอเบ่ หี่เออ เตเม เบ๊อะเนอ, โตโพ๊โต อา แลพรอแก เร๊อ อา แลโพร๊ แลเก่ แลหมื่อ แกลอ แพ๊.”
လက်ရှိရွေးချယ်ထားမှု
:
အရောင်မှတ်ချက်
မျှဝေရန်
ကူးယူ
မိမိစက်ကိရိယာအားလုံးတွင် မိမိအရောင်ချယ်သောအရာများကို သိမ်းဆည်းထားလိုပါသလား။ စာရင်းသွင်းပါ (သို့) အကောင့်ဝင်လိုက်ပါ