มาระโก 12
12
โหง่ค๊าโข่ เด๊อ แกแย จว๊า แด่เก่เอ่ แท๊ทือ#12:1 ไทยโหง่อาเฮ๊เร๊อ องุ่นเผ่ เต๊เหล่
(มัทธิว ๒๑:๓๓-๔๖, ลูกา ๒๐:๙-๑๙)
1เหย่ซู่ เป๊อแถ่ แด๊ เป่ เพรหลู่แต ทวาดุทวาเต เต๊เห่ เร๊อ เพรอิซว๊า เตซว๊าเตแส่ อาซ๊าร๊า เต๊เห่ เร๊อ แกแยยิวพู๊ ทวาดุทวาเต เต๊เห่ เร๊อ โหง่ค๊าโข่ เต๊เห่ ฮู๊เออ, “เบ๊อะเนอโตโพ๊, แกแย โอ่ เตเพร, อาโหล่อาช๊อ เกอเร๊อ อา แท๊ทือเหมาะ เต๊เห่ เด๊อ อาเตโหล่เตชูเผ่ขุ เออ เร๊อ อา ราตาวาบี๊ เกอเร๊อ ลอ อา แท๊ทือเผ่เออ, เร๊อ อา อาขื่อโอ่ เกอเร๊อ อาเห่กู ตูกู เด๊อ อา เหล่หยิดว้า เร๊อ แท๊ทือเส่เทอ, เร๊อ อา ช๊อแถ่หนิ เหล่สื่อแถ่โล เด๊อ อา เหล่โอ่ป่อแม๊ เร๊อ แท๊ทือเผ่ เออเนอ เตเม, โทเรอ อา เด๊อะเมเอ่แก โก๊ เร๊อ เพรพย๊าเมเอ่โก๊ เต๊เห่ เร๊ออา เถ่จว๊าแก เด๊อ เก่โร เต๊เก่.#อิสยาห์ ๕:๑, ๒ 2เบ๊อะแท๊ทือเส่ มีเฮ๊อ เบ๊อะเนอ, แท๊ทือเส่ แหน่แบ่เจ่ นอจว๊า อา หลู่เล๊ เตเพร เด๊อ เพรเมเอ่โก๊ เออเต๊เห่ อา โอ่ เร๊อ อา นอแฮพย๊ากาเกอ ลู แท๊ทือเส่ เด๊อ อา โตเบ่ พย๊าหนิเกอ เนอเต๊เห่. 3เพรเมเอ่อาเห่ขุ เออเต๊เห่ ปื่อ ลู เร๊อ มือฉื่อปอฉื่อโท อาหลู่เล๊ เออเตเพร เร๊อ ปลวา อากา โกโยกลี๊แก แพ๊ ลู แพ๊. 4โทเรอ แท๊ทือเผ่แหน่แบ่เจ่ นอจว๊า เต๊เปล่โป่ อา หลู่เล๊ เด๊อ อาโร เตเพร เด๊อ เหย่ซี อา โอ่ เร๊อ เหย่ซี มือ ลูกู่กล๊อ โท๊โต่ เมเตเร ลอปลี ลู. 5แท๊ทือเผ่ แหน่แบ่เจ่ นอจว๊า โป่ อา หลู่เล๊ เด๊อ คยา เตเพร เร๊อ เหย่ซี เมเซอแก ลู. เหย่ ซี มือปอ อู เต๊เห่, เมเซอแก อู เต๊เห่. เหย่ซี เม อู ฮู๊เออ เนอหมา อา โอ่ เอ๊ แหน่เจ๊อ เฮ๊อ.
6“แท๊ทือเผ่แหน่แบ่เจ่ เหล่นอแฮโป่ อู เนอ อา โอ่แก ปาแพ๊ตื๊อ อาพู๊คู เด๊อ อา โม เกอเร๊อ เออเตเพร แพ๊. เด๊ออาโน่เตเพรเฮ๊อ เร๊อ อา อาเตเน เน๊อ, ‘แว เก่ นอแฮ แว พู๊เพรคู หม่า อา เบ่หยื่อเบ่แหน่ เล๊อปา เกอเหล่,’ อา เตเน เร๊อ อา นอแฮ ลู เด๊อ เพรเมเอ่โก๊แท๊ทือเผ่ เออเต๊เห่ อา โอ่.
7“หม่าแน๊เรอ เพรเมเอ่โก๊ เออเนอเต๊เห่ อา เฮ๊เบ่ เร๊อ ลู เตเพร เร๊อ เตเพร เร๊อ อา เฮ๊ แลแค เน๊อ, ‘แกแย เออเตเพร หม่า แท๊ทือเผ่แหน่แบ่เจ่ อาพู๊คู เด๊อ อา เตเร พย๊าหนิ อู่เจเต๊เหย่ เนอเตเพร เฮ๊อ. จว๊า! จว๊าเมเซอแก ลู โป๋! อา อู่เจเต๊เหย่ เต๊เห่เนอ อา เก่ ทวาลอ เปเต ปา.’ 8อา เฮ๊ แลแค เร๊อ เหย่ซี ปื่อ เมเซอแก แท๊ทือเผ่แหน่แบ่เจ่ อาพู๊คูเออ เร๊อ อา วีเถ่แก ลู เด๊อ แท๊ทือเผ่กลอ,” เหย่ซู่ เฮ๊ค๊าโข่ เป เหย่ซี ฮู๊เนอ.
9โทเรอ เหย่ซู่ แด๊เฮอ เหย่ซี เน๊อ, “เก่ เมฮู๊เนอเรอ แท๊ทือเผ่แหน่แบ่เจ่ เออเนอเตเพรเนอ อา เก่ เม ฮู๊เต ปา? อาแฮ เมเซอแก เพรเมเอ่โก๊เห่ขุ เนอเต๊เห่ เร๊อ อา เก่เด๊อเมเอ่โก๊ เต๊เปล่โป่ เร๊อ แกแย เด๊อ อาโร เต๊เห่ ปา.” 10เหย่ซู่ เฮ๊ คยาแซ๊ เหย่ซี เน๊อ, “ลีเทส่อพ๊ากู เฮ๊ เนอ,
‘แกแย เมแถ่ หี่ เร๊อ หล่อ เด๊อ เหย่ซี วี๊แก ลู เนอเตเมเนอ อา ทวาแถ่ หล่อ เด๊อ อาโหล่ดุเล๊อเจ๊อ เด๊อ หี่เตเมอาเง เจ๊อ.#ถู่เซ๊แถ่ ๑๑๘:๒๒-๒๓ 11เออเนอหม่า แบ่เจ่ จอแปแหร่ เมเต แพ๊, เร๊อ อา เมเต เออเนอหมา อาโค๊ตีกลี๊ แหน่เจ๊อ.’#ถู่เซ๊แถ่ ๑๑๘:๒๒-๒๓
ลีเทส่อพ๊ากู เฮ๊ ฮู๊เออเนอหม่า ซี แด๊น๊อ เกออู โตโพ๋ โต่ แอ? ซี เกล๊ แด๊น๊อ แหน่ แพ๊.”
12แกแยยิวพู๊ ทวาดุทวาเต เต๊เห่เนอ, อา ซิเง เร๊อ เหย่ซู่ แด๊ ค๊าโข่ เหย่ซี เร๊อ เพรวี๊แก หล่อ เนอเตเม หม่า เหย่ซี เฮ๊อ อาคยา, อา แม๊ปู แลแค แกล๊ เด๊อ อา เตเร ปื่อ เหย่ซู่. หม่าแน๊เรอ เหย่ซี ซิอิเช แกแย ตู๊หมู่ดุ เนอเต๊เห่ อาเหล่ เร๊อ เหย่ซี เถ่จว๊า ตาพาแก แพ๊ เหย่ซู่ เหล่.
อู แด๊เฮอ เหย่ซู่ เร๊อ โตเบ่ เด๊อ อาหมู่อาร๊า แอ? หม่า โตเบ่ เด๊อ โต่ แอ? อาหรี่อาแก คยา
(มัทธิว ๒๒:๑๕-๒๒, ลูกา ๒๐:๒๐-๒๖)
13อู นอแฮ ฟาริสี เต๊เห่ เด๊อ คุ๊ยเฮโรด อาแกแย เต๊เห่ เด๊อ เหย่ซู่ อา โอ่ เด๊อ อา เก่ จว๊า แม๊ปู ปื่อ แลแค เหย่ซู่ เฮ๊เบ่ซื๊อโหง่ เต๊เห่. 14เหย่ซี จว๊า เด๊อ เหย่ซู่ อา โอ่ เร๊อ อา เฮ๊ แลแค ลู เน๊อ, “ซ๊าร๊าดู๋ เป ซิเง เร๊อ เน หม่า แกแยจ๊อแกแยเตเร๊อ อา เฮ๊เบ่จ๊อแพ๊ โหง่ เตเพร. เน ซิอิเช เกออูเหล่ เตเพร่ว โต่, เน แม๊ดุแม๊ปีตี๊ เกออู เตเพร่ว โต่โต่. เน เก่ อิซว๊าอี๊แส่เฮ๊อ อู เตหมะเตจ๊อ เฮ๊เนอหม่า, เน อิซว๊า เป เจ๊อ อู ฮู๊ จอแปแหร่ ซิหยื่อ นออิซว๊า เน เนอ เจ๊อ. ฮู๊เนอเรอ เป เด๊อ อาหมู่อาร๊า เด๊อ คุ๊ยซีซาร์ อา โอ่ เนอหมา อาโต แอ? หม่า อาซื๊อ แอ? 15เป โตเบ่ เด๊อ อา แอ? หม่า เป โตเบ่ เด๊อ โต่ แอ? แด๊โฉ่ เป่แม๊ เป.”
หม่าแน๊เรอ เหย่ซี จว๊า เฮ๊เบ่ โข่บย่า แพ๊ เนอ เหย่ซู่ ซิเง เร๊อ อา เฮ๊ฉื่อ เหย่ซี เน๊อ, “แซ่ฮู๊ ซี เก่ แม๊ปู ปื่อหนิ แว เหล่เฮ๊เบ่ซื๊อ เต๊เห่ เร๊อ ซี จว๊า แด๊เฮอค๊า แด๊เฮอโข่ แม๊บย่า แว ฮู๊เต? แฮเด๊อ เป แม๊ แว ซีรือหย่า เนอเต๊เบ่,” อา เฮ๊ เหย่ซี ฮู๊เนอ. 16เร๊อ เหย่ซี แฮเด๊อ ลู รือหย่า เดนาริอัน เนอเต๊เบ่ เร๊อ อา แด๊เฮอ เหย่ซี เน๊อ, “เออ หม่า อูเป กู่กล๊อแหย่โย เป? อา ราโอ่ เร๊อ อูเป อามุยเป?”
เร๊อ เหย่ซี เฮ๊ฉื่อ ลู เน๊อ, “คุ๊ย อา กู่กล๊อแหย่โย เร๊อ คุ๊ย อามุย.”
17โทเรอ เหย่ซู่ เฮ๊ เหย่ซี เน๊อ, “คุ๊ยดุ ซีซาร์ อาเตเก่เฮ๊เรอ เด๊อ เร๊อ คุ๊ยดุเนอ, จอแปแหร่ อาเต่ เก่เฮ๊เรอ เด๊อ เร๊อ จอแปแหร่ เนอ.” เหย่ซู่ เฮ๊ เหย่ซี ฮู๊เนอ เร๊อ เหย่ซี อาคย๊าอายื๊อ ลอปลี เจ๊อ เหย่ซู่ อาเหล่ เจ๊อ.
อู แด๊เฮอ เหย่ซู่ เร๊อ เตเซอ ก๊อถ่อเซอเพร กาคยา
(มัทธิว ๒๒:๒๓-๓๓, ลูกา ๒๐:๒๗-๔๐)
18สะดูสี เนอเต๊เห่ เหล่โกล เฮ๊ แลแค เร๊อ อู เซอโท เนอ อู เซอเพร กาคยา แจ่ ปา แตแค๋ โต่ ฮู๊เนอ. เร๊อ เหย่ซี จว๊า เด๊อ เหย่ซู่ อา โอ่ เร๊อ แด๊เฮอ ลู เนอ,#เพรโด่แนพู๊ เต๊เห่ ๒๓:๘ 19“ซ๊าร๊าดู๋, คูโมเสส ราแก เตซว๊าเตแส่ ตือมือ เด๊อ เปเง เร๊อ อา เฮ๊ เนอ, แกแย เตเพรเพร เก่ เซอแก อาเม เบ๊อะเนอ, เร๊อ อาพู๊ เก่ โอ่แก เตเพร่ว โต่ เฮ๊เนอ, แซ่ฮู๊ อากลุยอาแล เก่ โอ่แกเกอ เนอเรอ, อา โป่เพรคู เบ่ พย๊าดว้า อาคี โอ่แกเออ, อา เฮ๊ ฮู๊เนอ.#โด่แน ๒๕:๕ 20โตโพ๊เนอ โป่ เร๊อ แหม่ เพรคู โอ่ โซซว๊าเตเพร, อา แหว่เพร่วเล๊อ เตเพร พย๊า อาเม เร๊อ เบ๊อะอา เซอเบ๊อะเนอ อาพู๊ โอ่แก เตเพร่ว โต่. 21เร๊อ อาโป่ อาฮ๊อเลแล เตเพร พย๊าดว้า คยาแซ๊ อาคีเออ เร๊อ อา เซอแกโป่ เร๊อ อาพู๊อาเลอ โอ่แก เตเพร่ว โต่. อาโป่ แกแลซิโซเนอเตเพร เนอ อา ทวาแถ่ แซ่ เกอลู ฮู๊เนอ. 22โป่เร๊อแหม่ โซซว๊าเตเพร เออเนอ, อา ทวาแถ่ แซ่ ลอปลี ลู ฮู๊เนอ, เร๊อ เหย่ซี เออ โซซว๊าเตเพร พย๊าจือ ลอปลี ลู อาเม เตเพรเพร่ว แพ๊ เร๊อ อา เซอแก ลอปลี, อาพู๊โอ่แก แลแค เตเพร๊ โต่ เร๊อ เด๊อคยาเล๊อเร๊อ เพร เหมาะ เออเตเพร เซอแก เกอ โป่. 23ฮู๊เนอเรอ ช๋า อู อาเซอ กาคยาแซ๊ อาม๊อเนอ ปา เตอ เนอเนอ, เพร เหมาะ เออเตเพร เก่ ทวา เบ๊อะเตเพร อาเม ปาเป? เมเตเฮ๊เรอ เหย่ซี โป่เร๊อแหม่ โซซว๊าเตเพร พย๊าจือลอ ลู เพรเหมาะ เออเตเพร แพ๊ เน๋อ.”
24เหย่ซู่ เฮ๊ฉื่อ เหย่ซี เน๊อ, “ซี หยื่อเอ่ซื๊อ ลอเฮ๊อ. ซี ซิเง ตาเต เกออู ลีเทส่อพ๊า เตเฮ๊ โต่. โท๊โต่ซี ซิเง ตาเต เกออู จอแปแหร่ อา โพรอาฉว่าอาชอ เมแจ่ อู เต เต๊เห่ โต่. 25เมเตเฮ๊เรอ ช๋า อู เซอ ก๊อถ่อกาคยา ปาเนอ อู พย๊าพู๊พย๊าเม, อู พย๊าพู๊พย๊าเว โอ่ ปาโต่เฮ๊อ, เหย่ซี เก่ แซ่ลอเกอ ฮู๊ ม๊อขุเตเน่วพู๊ เนอเต๊เห่ ปาเฮ๊อ. 26คูโมเสส ราม๊าแก เตเซอเพร กาคยา อาหรี่อาแก คยา เด๊อ อา ลีอู๊กู เบ๊อะหมิอือ แจ๊โจ่ เตแด๊แก เนอโต๊โต่ อากูเนอ, แว เตเน เร๊อ ซี แด๊น๊อ เฮ๊อ. เบ๊อะลีกูเนอ, จอแปแหร่ เฮ๊ คูโมเสส ฮู๊เต เฮ๊เรอ, ‘แว หม่า เพอับราฮัม อา จอแปแหร่, เพอิสอัด อา จอแปแหร่, เร๊อ เพยาโคบ อา จอแปแหร่,’#เถ่จว๊าแลเปล๊ ๓:๖, ๑๕ คูโมเสส ราแก ฮู๊เนอ. 27จอแปแหร่ หม่า แกแยเซอ เต๊เห่ อา จอแปแหร่ หม่าโต่, แกแย เซอเพร เต๊เห่ อา จอแปแหร่. ซี หยื่อเอ่ซื๊อลอหล่าตี๊กลิ เจ๊อ,” อา เฮ๊ สะดูสี เนอเต๊เห่ ฮู๊เนอ.
โหง่เฮ๊แก เด๊อ อา โหล่ดุเล๊อ ตือมือ
(มัทธิว ๒๒:๓๔-๔๐, ลูกา ๑๐:๒๕-๒๘)
28เบ๊อะเนอ เพรอิซว๊า เตซว๊าเตแส่ อาซ๊าร๊า โอ่เบ๊อะเนอ เตเพร เร๊อ อา หนิโฮ เหย่ซี อาแขระลู. อา แม๊เถอะ เร๊อ เหย่ซู่ เฮ๊ กาคยาฉื่อ แจ่ แหน่เจ๊อ เหย่ซี อาคยา อา แด๊เฮอ เหย่ซู่ เน๊อ, “โหง่เฮ๊แก ล๋อ ปลี อาเกล เนอหมา อา โหล่ดุเล๊อ อู หม่า เบ๊อะตือมือเต?”
29เร๊อ เหย่ซู่ เฮ๊ฉื่อ ลู เน๊อ, “เตโหง่เฮ๊แก เด๊อ อา โหล่ดุเล๊อ อู หม่า อิเต เฮ๊เรอ, ‘เก๋อ, อิสราเอลพู๊ ซี๋, หนิดา แลแค๋ แบ่เจ่, โอ่ แพ๊ตื๊อ เป แบ่เจ่ จอแปแหร่ เออเตเพร แพ๊.#โด่แน ๖:๔-๕ 30เร๊อ ซี เบ่ โม ลอซิปล่อสู่เทอ ซี จอแปแหร่ เร๊อ ซี ซิปล่อ เตเมลอ, โม ลอซิปล่อสู่เทอ อา เร๊อ ซี เตโอ่เซอเพร ล๋อ ปลี, โม ลอซิปล่อสู่เทอ อา เร๊อ ซี เหล่เตเน ล๋อ ปลี,’#โด่แน ๖:๔-๕ เออเนอหมา โหง่เฮ๊แก อาเหร่อเล๊อ ตือมือ เด๊อ อา โหล่ดุเล๊อ อู เฮ๊อ. 31โหง่เฮ๊แก เนอมือตือมือ หม่า, ‘ซี เบ่ โม เกอเร๊อ ซี หี่แพหี่ช๊า เต๊เห่ แซ่ฮู๊ ซี โมลอ เกอเร๊อ ซีเหน่ เนอ.’#จ๊อบู่จ๊อเบ ๑๙:๑๘ โหง่เฮ๊แก เด๊อ อา โหล่ดุเล๊อ เร๊อ เออ เด๊อ อาโร เนอหมา อา โอ่ ปาโต่ เฮ๊อ.”
32เพรอิซว๊า เตซว๊าเตแส่ อาซ๊าร๊า เออเตเพร เฮ๊ฉื่อ เหย่ซู่ เน๊อ, “ซ๊าร๋า เน เฮ๊ เนอหมา อา โตตื๊อ เจ๊อ, เน เฮ๊ เร๊อ จอแปแหร่ โอ่ แพ๊ตื๊อ เตเพร่ว แพ๊, จอแปแหร่ เด๊อ อาโรเนอ อา โอ่ ปา เตเพร๊ โต่ เน เฮ๊ เนอหม่า อา หม่าแหน่แหน่ เจ๊อ. 33เป เบ่ลอซิปลอสู่เทอ เป จอแปแหร่ เร๊อ เป ซิปล่อ เตเมลอ, เร๊อ เป เหล่เตเน ล๋อ ปลี, เปอ๊าเปเหร่ ล๋อ ปลี, โท๊โต่ เป เบ่ โมหนิ แกแย เด๊อ อาโรเต๊เห่ แซ่เน๊อ เป โม เกอเร๊อ เปเหน่ เนอหมา อาแร๊เล๊อ ปา เจ๊อ เร๊อ ล๋อ, เป ซื๊ออือ หลู่แถ่ เตมีเตดอ ชีโด เร๊อ หมิ เร๊อ ล๋อ, เป เมหลู่แถ่ เตเด๊อ อาโร เต๊เห่ เจ๊อ เนอหมา แว ซิเง,”#โด่แน ๖:๕, จ๊อบู่จ๊อเบ ๑๙:๑๘, โฮเชยา ๖:๖ อา เฮ๊ฉื่อ ลู ฮู๊เนอ.
34เหย่ซู่ แม๊เถอะ เร๊อ แกแย เออเตเพร เฮ๊ฉื่อแจ่ ลีแม แหน่เจ๊อ เร๊อ อา เฮ๊ ลู เน๊อ, “เน ผื่อ โนหนิ ตีลี๊ ลา เฮ๊อ เด๊อ จอแปแหร่ อา เทออาเก่กู เฮ๊อ,” อา เฮ๊โท ลู เร๊อ เด๊อคยาเนอ อู แด๊เฮอบื่อ ปา เหย่ซู่ เตเพร่ว โต่. #ลูกา ๑๐:๒๕-๒๘ เยซู หม่าดาวิด อากลุยอาแล
(มัทธิว ๒๒:๔๑-๔๖, ลูกา ๒๐:๔๑-๔๔)
35เบ๊อะเหย่ซู่ อิซว๊าอี๊แส่ อู เด๊อ เตหลู่แตโฮกู เบ๊อะเนอ, อา แด๊เฮอ อู เน๊อ, “เพร อิซว๊า เตซว๊าเตแส่ อาซ๊าร๊า เต๊เห่ อา เฮ๊ เร๊อ ครี๊ เด๊อ อา เมแลเปล๊ อู เออเตเพร เนอหมา อา กลุยตาแล โอ่กา เด๊อ คุ๊ยดาวิด อา เฮ๊ ฮู๊เนอ แต? 36เมเตเฮ๊เรอ คุ๊ยดาวิด อาเหน่แบ่เจ่ เร๊อดื่อ เนอ แหย่โยบูโพ๊ แบ่เจ่ อา นอเฮ๊ ลู เนอ,
‘แบ่เจ่ จอแปแหร่ เฮ๊ แว แบ่เจ่ เน๊อ, “โอ่แนโอ่ เด๊อ แว กู๊ขุ จ๊อทว๊า เออตากยา, โอ่แนโอ่ โต่ ช๋า, แว เมเป่ ลอปลี เฮ๊อ ล๋อ แกแย เด๊อ อา ซิเถ่ เน เนอเต๊เห่แฮโอ่ลอ เด๊อ เนเตเป๊ออาเล ปาเนอนี๋.”’#ถู่เซ๊แถ่ ๑๑๐:๑
37คูดาวิด อาเหน่แบ่เจ่ เร๊อดื่อ อา เฮ๊ ครี๊ เด๊อ อา เมแลเปล๊กา อู เออเนอ เตเพร เน๊อ, ‘แบ่เจ่’ อาคยา, อา จว๊า ทวา แจ่ คุ๊ยดาวิด อาพู๊คู ฮู๊เต?”
แกแย ตู๊หมู่ดุ เต๊เห่ ซิครือซิลอ หนิดา แลแค เหย่ซู่ อา เตอิซว๊าอี๊แส่.
เหย่ซู่ เด๊อะรอเด๊อะเร แกแย ตู๊หมู่ดุ เต๊เห่ เร๊อ เพรอิซว๊า เตซว๊าเตแส่ อาซ๊าร๊า เนอเต๊เห่ อาหรี่อาแก
(มัทธิว ๒๓:๑-๓๖, ลูกา ๒๐:๔๕-๔๗)
38เบ๊อะเหย่ซู่ อิซว๊าอี๊แส่ อู เบ๊อะเนอ, อา เฮ๊ เน๊อ, “รอหนิ แลแค ซีเหน่ เร๊อ เพรอิซว๊า เตซว๊าเตแส่ อาซ๊าร๊า เนอเต๊เห่ นี๋. เหย่ซี เนอเต๊เห่ หม่า อา พย๊าแถ่โล แลแค อาเหน่ เร๊อ อา ซิหยื่อ แซ๊ แลแค จาจวา เต๊เห่ เร๊อ เบ๊อะอา แม๊เถอะ ตาฉื่อ เร๊อ อู เด๊อ เกล๊กู เบ๊อะเนอ, อา ซิหยื่อ นอเฮ๊เบ่ เบ่หยื่อเบ่แหน่ อู เร๊อ อาเหน่. 39โท๊โต่ เด๊อ เตจ๊อเบโฮกู เนอเบ่เบ่, เด๊อ อูป่วย เนอเบ่เบ่, เหย่ซี ซิหยื่อ โอ่แนโอ่ แลแค เหล่โอ่ เด๊อ อู ทวาดุเหล่โอ่แน อา เนอเต๊เห่ แพ๊. 40อาแซ่ฮู๊ เหย่ซี เก่ พย๊าเผ่หนิ เพรเหมาะโอ่แคร๊ เต๊เห่ อาหี่เนอเรอ, เหย่ซี อิลออี๊โหล่ อู, โท๊โต่ แซ่ฮู๊ อู เก่ หนิดา หนิ เร๊อ อูเก่ แม๊เถอะ ปา แต่ เหย่ ซี เตซื๊อ แต่เหม่ อาเงเนอ, อา กุยจ๊อเบ งยางยา เป อู. เด๊อ เหย่ซี เมฮู๊เนอ อาขว่าอาคยา, จอแปแหร่ เด๊อะตา จาเหย่ซีปา.”
เพรเหมาะโอ่แคร๊ เตเพร อา รือหลู่
(ลูกา ๒๑:๑-๔)
41เหย่ซู่ โอ่แนผื่อ เบ๊อะอู เหล่แด่โอ่ปล๊อ รือเต๊อ เบ๊อะเนอ อาเบ๊เงเนอ เร๊อ อา แม๊ แกแย เต๊เห่ แฮ ฉู่โน รือ เนอ, แกแย ดุแหย่แถ่เซ โอ่โร๊ลู แฮ ฉู่โน อาเอ๊แหน่เจ๊อ รือ เจ๊อ. 42หม่าแน๊เรอ เพร เหมาะโอ่แคร๊ เด๊อ อา โซพ๊าโซแร โอ่ เตเพร เร๊อ อา แฮ ฉู่โน เกอ รือ ตีลีแบ เนอเม๊ เด๊อ อางู ครือแน แพ๊ เร๊อ รือ เตเป เนอแพ๊.
43เร๊อ เหย่ซู่ เอ๊ปล๊อ อา โคเจ่ เต๊เห่ เด๊อ อา โอ่ เร๊อ อา เฮ๊ เหย่ซี เน๊อ, “แว เฮ๊จ๊อจ๋อ ซี, ล๋อ แกแย เด๊อ อา แฮฉู่โน รือ เด๊อ เหล่ฉู่โน รือเต๊อกู เออเนอ เพรเหมาะโอ่แคร๊ เนอเตเพร ฉู่โน เอ๊เล๊อลอ เจ๊อ อู เฮ๊อ. 44เมเตเฮ๊เรอ ล๋อ อู แฮฉู่โน รือ เนอเต๊เห่หม่า, อา รือโอ่เล๊อโอ่บา ซื๊อลือ เร๊อ อา แฮฉู่โน แพ๊ แลแค อาเต โอ่ แกชอแกเฉ่ แก เนอเต๊เห่ แพ๊. หม่าแน๊เรอ เพรเหมาะโอ่แคร๊ เออเตเพร เนอหมา อา โซพ๊าโซแร, อา รือโอ่เล๊อโอ่บา โต่ หม่าแน๊เรอ อา แฮฉู่โน ลอปลื๊อแก เจ๊อ อารือ เด๊อ อา เหล่โบ่เอ่ เร๊อ อา ซิปล่อเซอเพร อาเง เออเนอ เจ๊อ.”
လက်ရှိရွေးချယ်ထားမှု
มาระโก 12: EKTNTGEN
အရောင်မှတ်ချက်
မျှဝေရန်
ကူးယူ
မိမိစက်ကိရိယာအားလုံးတွင် မိမိအရောင်ချယ်သောအရာများကို သိမ်းဆည်းထားလိုပါသလား။ စာရင်းသွင်းပါ (သို့) အကောင့်ဝင်လိုက်ပါ
มาระโก 12
12
โหง่ค๊าโข่ เด๊อ แกแย จว๊า แด่เก่เอ่ แท๊ทือ#12:1 ไทยโหง่อาเฮ๊เร๊อ องุ่นเผ่ เต๊เหล่
(มัทธิว ๒๑:๓๓-๔๖, ลูกา ๒๐:๙-๑๙)
1เหย่ซู่ เป๊อแถ่ แด๊ เป่ เพรหลู่แต ทวาดุทวาเต เต๊เห่ เร๊อ เพรอิซว๊า เตซว๊าเตแส่ อาซ๊าร๊า เต๊เห่ เร๊อ แกแยยิวพู๊ ทวาดุทวาเต เต๊เห่ เร๊อ โหง่ค๊าโข่ เต๊เห่ ฮู๊เออ, “เบ๊อะเนอโตโพ๊, แกแย โอ่ เตเพร, อาโหล่อาช๊อ เกอเร๊อ อา แท๊ทือเหมาะ เต๊เห่ เด๊อ อาเตโหล่เตชูเผ่ขุ เออ เร๊อ อา ราตาวาบี๊ เกอเร๊อ ลอ อา แท๊ทือเผ่เออ, เร๊อ อา อาขื่อโอ่ เกอเร๊อ อาเห่กู ตูกู เด๊อ อา เหล่หยิดว้า เร๊อ แท๊ทือเส่เทอ, เร๊อ อา ช๊อแถ่หนิ เหล่สื่อแถ่โล เด๊อ อา เหล่โอ่ป่อแม๊ เร๊อ แท๊ทือเผ่ เออเนอ เตเม, โทเรอ อา เด๊อะเมเอ่แก โก๊ เร๊อ เพรพย๊าเมเอ่โก๊ เต๊เห่ เร๊ออา เถ่จว๊าแก เด๊อ เก่โร เต๊เก่.#อิสยาห์ ๕:๑, ๒ 2เบ๊อะแท๊ทือเส่ มีเฮ๊อ เบ๊อะเนอ, แท๊ทือเส่ แหน่แบ่เจ่ นอจว๊า อา หลู่เล๊ เตเพร เด๊อ เพรเมเอ่โก๊ เออเต๊เห่ อา โอ่ เร๊อ อา นอแฮพย๊ากาเกอ ลู แท๊ทือเส่ เด๊อ อา โตเบ่ พย๊าหนิเกอ เนอเต๊เห่. 3เพรเมเอ่อาเห่ขุ เออเต๊เห่ ปื่อ ลู เร๊อ มือฉื่อปอฉื่อโท อาหลู่เล๊ เออเตเพร เร๊อ ปลวา อากา โกโยกลี๊แก แพ๊ ลู แพ๊. 4โทเรอ แท๊ทือเผ่แหน่แบ่เจ่ นอจว๊า เต๊เปล่โป่ อา หลู่เล๊ เด๊อ อาโร เตเพร เด๊อ เหย่ซี อา โอ่ เร๊อ เหย่ซี มือ ลูกู่กล๊อ โท๊โต่ เมเตเร ลอปลี ลู. 5แท๊ทือเผ่ แหน่แบ่เจ่ นอจว๊า โป่ อา หลู่เล๊ เด๊อ คยา เตเพร เร๊อ เหย่ซี เมเซอแก ลู. เหย่ ซี มือปอ อู เต๊เห่, เมเซอแก อู เต๊เห่. เหย่ซี เม อู ฮู๊เออ เนอหมา อา โอ่ เอ๊ แหน่เจ๊อ เฮ๊อ.
6“แท๊ทือเผ่แหน่แบ่เจ่ เหล่นอแฮโป่ อู เนอ อา โอ่แก ปาแพ๊ตื๊อ อาพู๊คู เด๊อ อา โม เกอเร๊อ เออเตเพร แพ๊. เด๊ออาโน่เตเพรเฮ๊อ เร๊อ อา อาเตเน เน๊อ, ‘แว เก่ นอแฮ แว พู๊เพรคู หม่า อา เบ่หยื่อเบ่แหน่ เล๊อปา เกอเหล่,’ อา เตเน เร๊อ อา นอแฮ ลู เด๊อ เพรเมเอ่โก๊แท๊ทือเผ่ เออเต๊เห่ อา โอ่.
7“หม่าแน๊เรอ เพรเมเอ่โก๊ เออเนอเต๊เห่ อา เฮ๊เบ่ เร๊อ ลู เตเพร เร๊อ เตเพร เร๊อ อา เฮ๊ แลแค เน๊อ, ‘แกแย เออเตเพร หม่า แท๊ทือเผ่แหน่แบ่เจ่ อาพู๊คู เด๊อ อา เตเร พย๊าหนิ อู่เจเต๊เหย่ เนอเตเพร เฮ๊อ. จว๊า! จว๊าเมเซอแก ลู โป๋! อา อู่เจเต๊เหย่ เต๊เห่เนอ อา เก่ ทวาลอ เปเต ปา.’ 8อา เฮ๊ แลแค เร๊อ เหย่ซี ปื่อ เมเซอแก แท๊ทือเผ่แหน่แบ่เจ่ อาพู๊คูเออ เร๊อ อา วีเถ่แก ลู เด๊อ แท๊ทือเผ่กลอ,” เหย่ซู่ เฮ๊ค๊าโข่ เป เหย่ซี ฮู๊เนอ.
9โทเรอ เหย่ซู่ แด๊เฮอ เหย่ซี เน๊อ, “เก่ เมฮู๊เนอเรอ แท๊ทือเผ่แหน่แบ่เจ่ เออเนอเตเพรเนอ อา เก่ เม ฮู๊เต ปา? อาแฮ เมเซอแก เพรเมเอ่โก๊เห่ขุ เนอเต๊เห่ เร๊อ อา เก่เด๊อเมเอ่โก๊ เต๊เปล่โป่ เร๊อ แกแย เด๊อ อาโร เต๊เห่ ปา.” 10เหย่ซู่ เฮ๊ คยาแซ๊ เหย่ซี เน๊อ, “ลีเทส่อพ๊ากู เฮ๊ เนอ,
‘แกแย เมแถ่ หี่ เร๊อ หล่อ เด๊อ เหย่ซี วี๊แก ลู เนอเตเมเนอ อา ทวาแถ่ หล่อ เด๊อ อาโหล่ดุเล๊อเจ๊อ เด๊อ หี่เตเมอาเง เจ๊อ.#ถู่เซ๊แถ่ ๑๑๘:๒๒-๒๓ 11เออเนอหม่า แบ่เจ่ จอแปแหร่ เมเต แพ๊, เร๊อ อา เมเต เออเนอหมา อาโค๊ตีกลี๊ แหน่เจ๊อ.’#ถู่เซ๊แถ่ ๑๑๘:๒๒-๒๓
ลีเทส่อพ๊ากู เฮ๊ ฮู๊เออเนอหม่า ซี แด๊น๊อ เกออู โตโพ๋ โต่ แอ? ซี เกล๊ แด๊น๊อ แหน่ แพ๊.”
12แกแยยิวพู๊ ทวาดุทวาเต เต๊เห่เนอ, อา ซิเง เร๊อ เหย่ซู่ แด๊ ค๊าโข่ เหย่ซี เร๊อ เพรวี๊แก หล่อ เนอเตเม หม่า เหย่ซี เฮ๊อ อาคยา, อา แม๊ปู แลแค แกล๊ เด๊อ อา เตเร ปื่อ เหย่ซู่. หม่าแน๊เรอ เหย่ซี ซิอิเช แกแย ตู๊หมู่ดุ เนอเต๊เห่ อาเหล่ เร๊อ เหย่ซี เถ่จว๊า ตาพาแก แพ๊ เหย่ซู่ เหล่.
อู แด๊เฮอ เหย่ซู่ เร๊อ โตเบ่ เด๊อ อาหมู่อาร๊า แอ? หม่า โตเบ่ เด๊อ โต่ แอ? อาหรี่อาแก คยา
(มัทธิว ๒๒:๑๕-๒๒, ลูกา ๒๐:๒๐-๒๖)
13อู นอแฮ ฟาริสี เต๊เห่ เด๊อ คุ๊ยเฮโรด อาแกแย เต๊เห่ เด๊อ เหย่ซู่ อา โอ่ เด๊อ อา เก่ จว๊า แม๊ปู ปื่อ แลแค เหย่ซู่ เฮ๊เบ่ซื๊อโหง่ เต๊เห่. 14เหย่ซี จว๊า เด๊อ เหย่ซู่ อา โอ่ เร๊อ อา เฮ๊ แลแค ลู เน๊อ, “ซ๊าร๊าดู๋ เป ซิเง เร๊อ เน หม่า แกแยจ๊อแกแยเตเร๊อ อา เฮ๊เบ่จ๊อแพ๊ โหง่ เตเพร. เน ซิอิเช เกออูเหล่ เตเพร่ว โต่, เน แม๊ดุแม๊ปีตี๊ เกออู เตเพร่ว โต่โต่. เน เก่ อิซว๊าอี๊แส่เฮ๊อ อู เตหมะเตจ๊อ เฮ๊เนอหม่า, เน อิซว๊า เป เจ๊อ อู ฮู๊ จอแปแหร่ ซิหยื่อ นออิซว๊า เน เนอ เจ๊อ. ฮู๊เนอเรอ เป เด๊อ อาหมู่อาร๊า เด๊อ คุ๊ยซีซาร์ อา โอ่ เนอหมา อาโต แอ? หม่า อาซื๊อ แอ? 15เป โตเบ่ เด๊อ อา แอ? หม่า เป โตเบ่ เด๊อ โต่ แอ? แด๊โฉ่ เป่แม๊ เป.”
หม่าแน๊เรอ เหย่ซี จว๊า เฮ๊เบ่ โข่บย่า แพ๊ เนอ เหย่ซู่ ซิเง เร๊อ อา เฮ๊ฉื่อ เหย่ซี เน๊อ, “แซ่ฮู๊ ซี เก่ แม๊ปู ปื่อหนิ แว เหล่เฮ๊เบ่ซื๊อ เต๊เห่ เร๊อ ซี จว๊า แด๊เฮอค๊า แด๊เฮอโข่ แม๊บย่า แว ฮู๊เต? แฮเด๊อ เป แม๊ แว ซีรือหย่า เนอเต๊เบ่,” อา เฮ๊ เหย่ซี ฮู๊เนอ. 16เร๊อ เหย่ซี แฮเด๊อ ลู รือหย่า เดนาริอัน เนอเต๊เบ่ เร๊อ อา แด๊เฮอ เหย่ซี เน๊อ, “เออ หม่า อูเป กู่กล๊อแหย่โย เป? อา ราโอ่ เร๊อ อูเป อามุยเป?”
เร๊อ เหย่ซี เฮ๊ฉื่อ ลู เน๊อ, “คุ๊ย อา กู่กล๊อแหย่โย เร๊อ คุ๊ย อามุย.”
17โทเรอ เหย่ซู่ เฮ๊ เหย่ซี เน๊อ, “คุ๊ยดุ ซีซาร์ อาเตเก่เฮ๊เรอ เด๊อ เร๊อ คุ๊ยดุเนอ, จอแปแหร่ อาเต่ เก่เฮ๊เรอ เด๊อ เร๊อ จอแปแหร่ เนอ.” เหย่ซู่ เฮ๊ เหย่ซี ฮู๊เนอ เร๊อ เหย่ซี อาคย๊าอายื๊อ ลอปลี เจ๊อ เหย่ซู่ อาเหล่ เจ๊อ.
อู แด๊เฮอ เหย่ซู่ เร๊อ เตเซอ ก๊อถ่อเซอเพร กาคยา
(มัทธิว ๒๒:๒๓-๓๓, ลูกา ๒๐:๒๗-๔๐)
18สะดูสี เนอเต๊เห่ เหล่โกล เฮ๊ แลแค เร๊อ อู เซอโท เนอ อู เซอเพร กาคยา แจ่ ปา แตแค๋ โต่ ฮู๊เนอ. เร๊อ เหย่ซี จว๊า เด๊อ เหย่ซู่ อา โอ่ เร๊อ แด๊เฮอ ลู เนอ,#เพรโด่แนพู๊ เต๊เห่ ๒๓:๘ 19“ซ๊าร๊าดู๋, คูโมเสส ราแก เตซว๊าเตแส่ ตือมือ เด๊อ เปเง เร๊อ อา เฮ๊ เนอ, แกแย เตเพรเพร เก่ เซอแก อาเม เบ๊อะเนอ, เร๊อ อาพู๊ เก่ โอ่แก เตเพร่ว โต่ เฮ๊เนอ, แซ่ฮู๊ อากลุยอาแล เก่ โอ่แกเกอ เนอเรอ, อา โป่เพรคู เบ่ พย๊าดว้า อาคี โอ่แกเออ, อา เฮ๊ ฮู๊เนอ.#โด่แน ๒๕:๕ 20โตโพ๊เนอ โป่ เร๊อ แหม่ เพรคู โอ่ โซซว๊าเตเพร, อา แหว่เพร่วเล๊อ เตเพร พย๊า อาเม เร๊อ เบ๊อะอา เซอเบ๊อะเนอ อาพู๊ โอ่แก เตเพร่ว โต่. 21เร๊อ อาโป่ อาฮ๊อเลแล เตเพร พย๊าดว้า คยาแซ๊ อาคีเออ เร๊อ อา เซอแกโป่ เร๊อ อาพู๊อาเลอ โอ่แก เตเพร่ว โต่. อาโป่ แกแลซิโซเนอเตเพร เนอ อา ทวาแถ่ แซ่ เกอลู ฮู๊เนอ. 22โป่เร๊อแหม่ โซซว๊าเตเพร เออเนอ, อา ทวาแถ่ แซ่ ลอปลี ลู ฮู๊เนอ, เร๊อ เหย่ซี เออ โซซว๊าเตเพร พย๊าจือ ลอปลี ลู อาเม เตเพรเพร่ว แพ๊ เร๊อ อา เซอแก ลอปลี, อาพู๊โอ่แก แลแค เตเพร๊ โต่ เร๊อ เด๊อคยาเล๊อเร๊อ เพร เหมาะ เออเตเพร เซอแก เกอ โป่. 23ฮู๊เนอเรอ ช๋า อู อาเซอ กาคยาแซ๊ อาม๊อเนอ ปา เตอ เนอเนอ, เพร เหมาะ เออเตเพร เก่ ทวา เบ๊อะเตเพร อาเม ปาเป? เมเตเฮ๊เรอ เหย่ซี โป่เร๊อแหม่ โซซว๊าเตเพร พย๊าจือลอ ลู เพรเหมาะ เออเตเพร แพ๊ เน๋อ.”
24เหย่ซู่ เฮ๊ฉื่อ เหย่ซี เน๊อ, “ซี หยื่อเอ่ซื๊อ ลอเฮ๊อ. ซี ซิเง ตาเต เกออู ลีเทส่อพ๊า เตเฮ๊ โต่. โท๊โต่ซี ซิเง ตาเต เกออู จอแปแหร่ อา โพรอาฉว่าอาชอ เมแจ่ อู เต เต๊เห่ โต่. 25เมเตเฮ๊เรอ ช๋า อู เซอ ก๊อถ่อกาคยา ปาเนอ อู พย๊าพู๊พย๊าเม, อู พย๊าพู๊พย๊าเว โอ่ ปาโต่เฮ๊อ, เหย่ซี เก่ แซ่ลอเกอ ฮู๊ ม๊อขุเตเน่วพู๊ เนอเต๊เห่ ปาเฮ๊อ. 26คูโมเสส ราม๊าแก เตเซอเพร กาคยา อาหรี่อาแก คยา เด๊อ อา ลีอู๊กู เบ๊อะหมิอือ แจ๊โจ่ เตแด๊แก เนอโต๊โต่ อากูเนอ, แว เตเน เร๊อ ซี แด๊น๊อ เฮ๊อ. เบ๊อะลีกูเนอ, จอแปแหร่ เฮ๊ คูโมเสส ฮู๊เต เฮ๊เรอ, ‘แว หม่า เพอับราฮัม อา จอแปแหร่, เพอิสอัด อา จอแปแหร่, เร๊อ เพยาโคบ อา จอแปแหร่,’#เถ่จว๊าแลเปล๊ ๓:๖, ๑๕ คูโมเสส ราแก ฮู๊เนอ. 27จอแปแหร่ หม่า แกแยเซอ เต๊เห่ อา จอแปแหร่ หม่าโต่, แกแย เซอเพร เต๊เห่ อา จอแปแหร่. ซี หยื่อเอ่ซื๊อลอหล่าตี๊กลิ เจ๊อ,” อา เฮ๊ สะดูสี เนอเต๊เห่ ฮู๊เนอ.
โหง่เฮ๊แก เด๊อ อา โหล่ดุเล๊อ ตือมือ
(มัทธิว ๒๒:๓๔-๔๐, ลูกา ๑๐:๒๕-๒๘)
28เบ๊อะเนอ เพรอิซว๊า เตซว๊าเตแส่ อาซ๊าร๊า โอ่เบ๊อะเนอ เตเพร เร๊อ อา หนิโฮ เหย่ซี อาแขระลู. อา แม๊เถอะ เร๊อ เหย่ซู่ เฮ๊ กาคยาฉื่อ แจ่ แหน่เจ๊อ เหย่ซี อาคยา อา แด๊เฮอ เหย่ซู่ เน๊อ, “โหง่เฮ๊แก ล๋อ ปลี อาเกล เนอหมา อา โหล่ดุเล๊อ อู หม่า เบ๊อะตือมือเต?”
29เร๊อ เหย่ซู่ เฮ๊ฉื่อ ลู เน๊อ, “เตโหง่เฮ๊แก เด๊อ อา โหล่ดุเล๊อ อู หม่า อิเต เฮ๊เรอ, ‘เก๋อ, อิสราเอลพู๊ ซี๋, หนิดา แลแค๋ แบ่เจ่, โอ่ แพ๊ตื๊อ เป แบ่เจ่ จอแปแหร่ เออเตเพร แพ๊.#โด่แน ๖:๔-๕ 30เร๊อ ซี เบ่ โม ลอซิปล่อสู่เทอ ซี จอแปแหร่ เร๊อ ซี ซิปล่อ เตเมลอ, โม ลอซิปล่อสู่เทอ อา เร๊อ ซี เตโอ่เซอเพร ล๋อ ปลี, โม ลอซิปล่อสู่เทอ อา เร๊อ ซี เหล่เตเน ล๋อ ปลี,’#โด่แน ๖:๔-๕ เออเนอหมา โหง่เฮ๊แก อาเหร่อเล๊อ ตือมือ เด๊อ อา โหล่ดุเล๊อ อู เฮ๊อ. 31โหง่เฮ๊แก เนอมือตือมือ หม่า, ‘ซี เบ่ โม เกอเร๊อ ซี หี่แพหี่ช๊า เต๊เห่ แซ่ฮู๊ ซี โมลอ เกอเร๊อ ซีเหน่ เนอ.’#จ๊อบู่จ๊อเบ ๑๙:๑๘ โหง่เฮ๊แก เด๊อ อา โหล่ดุเล๊อ เร๊อ เออ เด๊อ อาโร เนอหมา อา โอ่ ปาโต่ เฮ๊อ.”
32เพรอิซว๊า เตซว๊าเตแส่ อาซ๊าร๊า เออเตเพร เฮ๊ฉื่อ เหย่ซู่ เน๊อ, “ซ๊าร๋า เน เฮ๊ เนอหมา อา โตตื๊อ เจ๊อ, เน เฮ๊ เร๊อ จอแปแหร่ โอ่ แพ๊ตื๊อ เตเพร่ว แพ๊, จอแปแหร่ เด๊อ อาโรเนอ อา โอ่ ปา เตเพร๊ โต่ เน เฮ๊ เนอหม่า อา หม่าแหน่แหน่ เจ๊อ. 33เป เบ่ลอซิปลอสู่เทอ เป จอแปแหร่ เร๊อ เป ซิปล่อ เตเมลอ, เร๊อ เป เหล่เตเน ล๋อ ปลี, เปอ๊าเปเหร่ ล๋อ ปลี, โท๊โต่ เป เบ่ โมหนิ แกแย เด๊อ อาโรเต๊เห่ แซ่เน๊อ เป โม เกอเร๊อ เปเหน่ เนอหมา อาแร๊เล๊อ ปา เจ๊อ เร๊อ ล๋อ, เป ซื๊ออือ หลู่แถ่ เตมีเตดอ ชีโด เร๊อ หมิ เร๊อ ล๋อ, เป เมหลู่แถ่ เตเด๊อ อาโร เต๊เห่ เจ๊อ เนอหมา แว ซิเง,”#โด่แน ๖:๕, จ๊อบู่จ๊อเบ ๑๙:๑๘, โฮเชยา ๖:๖ อา เฮ๊ฉื่อ ลู ฮู๊เนอ.
34เหย่ซู่ แม๊เถอะ เร๊อ แกแย เออเตเพร เฮ๊ฉื่อแจ่ ลีแม แหน่เจ๊อ เร๊อ อา เฮ๊ ลู เน๊อ, “เน ผื่อ โนหนิ ตีลี๊ ลา เฮ๊อ เด๊อ จอแปแหร่ อา เทออาเก่กู เฮ๊อ,” อา เฮ๊โท ลู เร๊อ เด๊อคยาเนอ อู แด๊เฮอบื่อ ปา เหย่ซู่ เตเพร่ว โต่. #ลูกา ๑๐:๒๕-๒๘ เยซู หม่าดาวิด อากลุยอาแล
(มัทธิว ๒๒:๔๑-๔๖, ลูกา ๒๐:๔๑-๔๔)
35เบ๊อะเหย่ซู่ อิซว๊าอี๊แส่ อู เด๊อ เตหลู่แตโฮกู เบ๊อะเนอ, อา แด๊เฮอ อู เน๊อ, “เพร อิซว๊า เตซว๊าเตแส่ อาซ๊าร๊า เต๊เห่ อา เฮ๊ เร๊อ ครี๊ เด๊อ อา เมแลเปล๊ อู เออเตเพร เนอหมา อา กลุยตาแล โอ่กา เด๊อ คุ๊ยดาวิด อา เฮ๊ ฮู๊เนอ แต? 36เมเตเฮ๊เรอ คุ๊ยดาวิด อาเหน่แบ่เจ่ เร๊อดื่อ เนอ แหย่โยบูโพ๊ แบ่เจ่ อา นอเฮ๊ ลู เนอ,
‘แบ่เจ่ จอแปแหร่ เฮ๊ แว แบ่เจ่ เน๊อ, “โอ่แนโอ่ เด๊อ แว กู๊ขุ จ๊อทว๊า เออตากยา, โอ่แนโอ่ โต่ ช๋า, แว เมเป่ ลอปลี เฮ๊อ ล๋อ แกแย เด๊อ อา ซิเถ่ เน เนอเต๊เห่แฮโอ่ลอ เด๊อ เนเตเป๊ออาเล ปาเนอนี๋.”’#ถู่เซ๊แถ่ ๑๑๐:๑
37คูดาวิด อาเหน่แบ่เจ่ เร๊อดื่อ อา เฮ๊ ครี๊ เด๊อ อา เมแลเปล๊กา อู เออเนอ เตเพร เน๊อ, ‘แบ่เจ่’ อาคยา, อา จว๊า ทวา แจ่ คุ๊ยดาวิด อาพู๊คู ฮู๊เต?”
แกแย ตู๊หมู่ดุ เต๊เห่ ซิครือซิลอ หนิดา แลแค เหย่ซู่ อา เตอิซว๊าอี๊แส่.
เหย่ซู่ เด๊อะรอเด๊อะเร แกแย ตู๊หมู่ดุ เต๊เห่ เร๊อ เพรอิซว๊า เตซว๊าเตแส่ อาซ๊าร๊า เนอเต๊เห่ อาหรี่อาแก
(มัทธิว ๒๓:๑-๓๖, ลูกา ๒๐:๔๕-๔๗)
38เบ๊อะเหย่ซู่ อิซว๊าอี๊แส่ อู เบ๊อะเนอ, อา เฮ๊ เน๊อ, “รอหนิ แลแค ซีเหน่ เร๊อ เพรอิซว๊า เตซว๊าเตแส่ อาซ๊าร๊า เนอเต๊เห่ นี๋. เหย่ซี เนอเต๊เห่ หม่า อา พย๊าแถ่โล แลแค อาเหน่ เร๊อ อา ซิหยื่อ แซ๊ แลแค จาจวา เต๊เห่ เร๊อ เบ๊อะอา แม๊เถอะ ตาฉื่อ เร๊อ อู เด๊อ เกล๊กู เบ๊อะเนอ, อา ซิหยื่อ นอเฮ๊เบ่ เบ่หยื่อเบ่แหน่ อู เร๊อ อาเหน่. 39โท๊โต่ เด๊อ เตจ๊อเบโฮกู เนอเบ่เบ่, เด๊อ อูป่วย เนอเบ่เบ่, เหย่ซี ซิหยื่อ โอ่แนโอ่ แลแค เหล่โอ่ เด๊อ อู ทวาดุเหล่โอ่แน อา เนอเต๊เห่ แพ๊. 40อาแซ่ฮู๊ เหย่ซี เก่ พย๊าเผ่หนิ เพรเหมาะโอ่แคร๊ เต๊เห่ อาหี่เนอเรอ, เหย่ซี อิลออี๊โหล่ อู, โท๊โต่ แซ่ฮู๊ อู เก่ หนิดา หนิ เร๊อ อูเก่ แม๊เถอะ ปา แต่ เหย่ ซี เตซื๊อ แต่เหม่ อาเงเนอ, อา กุยจ๊อเบ งยางยา เป อู. เด๊อ เหย่ซี เมฮู๊เนอ อาขว่าอาคยา, จอแปแหร่ เด๊อะตา จาเหย่ซีปา.”
เพรเหมาะโอ่แคร๊ เตเพร อา รือหลู่
(ลูกา ๒๑:๑-๔)
41เหย่ซู่ โอ่แนผื่อ เบ๊อะอู เหล่แด่โอ่ปล๊อ รือเต๊อ เบ๊อะเนอ อาเบ๊เงเนอ เร๊อ อา แม๊ แกแย เต๊เห่ แฮ ฉู่โน รือ เนอ, แกแย ดุแหย่แถ่เซ โอ่โร๊ลู แฮ ฉู่โน อาเอ๊แหน่เจ๊อ รือ เจ๊อ. 42หม่าแน๊เรอ เพร เหมาะโอ่แคร๊ เด๊อ อา โซพ๊าโซแร โอ่ เตเพร เร๊อ อา แฮ ฉู่โน เกอ รือ ตีลีแบ เนอเม๊ เด๊อ อางู ครือแน แพ๊ เร๊อ รือ เตเป เนอแพ๊.
43เร๊อ เหย่ซู่ เอ๊ปล๊อ อา โคเจ่ เต๊เห่ เด๊อ อา โอ่ เร๊อ อา เฮ๊ เหย่ซี เน๊อ, “แว เฮ๊จ๊อจ๋อ ซี, ล๋อ แกแย เด๊อ อา แฮฉู่โน รือ เด๊อ เหล่ฉู่โน รือเต๊อกู เออเนอ เพรเหมาะโอ่แคร๊ เนอเตเพร ฉู่โน เอ๊เล๊อลอ เจ๊อ อู เฮ๊อ. 44เมเตเฮ๊เรอ ล๋อ อู แฮฉู่โน รือ เนอเต๊เห่หม่า, อา รือโอ่เล๊อโอ่บา ซื๊อลือ เร๊อ อา แฮฉู่โน แพ๊ แลแค อาเต โอ่ แกชอแกเฉ่ แก เนอเต๊เห่ แพ๊. หม่าแน๊เรอ เพรเหมาะโอ่แคร๊ เออเตเพร เนอหมา อา โซพ๊าโซแร, อา รือโอ่เล๊อโอ่บา โต่ หม่าแน๊เรอ อา แฮฉู่โน ลอปลื๊อแก เจ๊อ อารือ เด๊อ อา เหล่โบ่เอ่ เร๊อ อา ซิปล่อเซอเพร อาเง เออเนอ เจ๊อ.”
လက်ရှိရွေးချယ်ထားမှု
:
အရောင်မှတ်ချက်
မျှဝေရန်
ကူးယူ
မိမိစက်ကိရိယာအားလုံးတွင် မိမိအရောင်ချယ်သောအရာများကို သိမ်းဆည်းထားလိုပါသလား။ စာရင်းသွင်းပါ (သို့) အကောင့်ဝင်လိုက်ပါ