Dioni 1
1
Endoae Angeleme gole ali aulisaya ei
1Ambala ririna go su yaa laapo ambe na-waruma winyale dinare monde Angele ao-aisaya. Nipuri Gode rapu ao-aisayapare nipu pange Gode gole ao-aisaya. 2Angelere ambala ririna Gode rapu ao-aisaya.
3Godeme lisaya ei pangoma monde Angelemere alenda alenda raayo warisaya. Alenda mendasinda pange Godeme nipuna kunuma ara na-warisayapare Angele raisamba ara warisaya. 4Monde Angele ruparare endoaya eina ree kini pisaya. Gupuma mo endoaya eimi su wenaalina paa pi ei ma-epea. 5Monde paa pi eimi rimbalea para paa pa puaya. Go peapare rimbalea eimi mo paa na-kundinao-aya.
6Godeme nipuna angele ma-epenayanda rapaisaya aliri Dioni rapaisaya. 7Gupuma Dionimiri monde Paa pi ei wenaali wadoame ipisaya. Gupuma wenaali raayome nipumi ma-ipisaya angele pangoma angele minyayanda doame ipisaya. 8Dioni nipuri monde Paa pi ei diayapare nipumiri monde Paa pi ei wenaali para wadoame ipisaya. 9Su raayo para ipumare wenaali raayo para paa pao-aya. Go eiri ora Paae. 10Gupuma monde Angelemere suna ipuma aisaya. Godeme lisaya ei pangoma su alenda alenda raayo nipumi warisayapare su wenaalimiri nipu kone na-wisimiya. 11Nipuri nipuna andasu nane ipisayapare nipuna anda wenaalimiri nipu na-lamu misimiya. 12Gupisimiyapare mendane wenaalimiri nipu lamu muma nipu para kone rulao ala pisimiya. Gupisimiyandare go wenaaliri Godena naki nongonu ainya lisaya. 13Godena nongo naki ala epe auri suna wenaalinumi nongo naki mandu widame rupa mandu winyaloma na-ala ipisimiya. Nipuna Apare Gode gole ao-aya.
14Monde Angelere ali auloma naa rapu epa aisaya. Nipuna ora yaakopi epe bi wi aunu andama. Nipuna ora au pange nipuna yarame kome ei andama. Nipuri Gode nipuna loma komea Naki loma Apa Godeme ale epe yaakopi bi wi aunu naa para walande.
15Dioni Baparaisi alimi Yesu epea ei naa para gurupa la gea. Wi loma lalore, Neme ambalande loaripunde eiri gupae. Ni Godena angele lao-ayo ali lo Godeme ni ambala penameyao ririna walena loma go aliri na kou nane werepe epea. Go peapare go aliri ni ambe na-maindi ainya nipuri naare raayo pa ao-aisaya. Go pea eimi ni angulaya loaripunde aliri ambia go ali para loaripunde, lisaya.
16Nipuna pakama yarame kome ei rumbiaya ei muma naa para ma-giala pumare naa raayo para pa guaya. 17Godemere nipuna Rudule Angele wi einu naa para la ginyaya Mosesi para la alisaya. Gupisayapare yarame kome ei pange ora au pia ei pange Yesu Kerisome ma-ipisaya. 18Suna ali komea mendame Gode ora na-andea. Go peapare ali komea Gode gole ao-aya ali, Apana popeke ki nane pia ali nipu komeame naa para Gode walea.
Dioni Baparaisi alimi angele walisaya ei
(Madiu 3:1-12; Maka 1:1-8; Luka 3:1-18)
19Diurusaleme ree anda para aisimiya Isaraelimi mandu rangala pae wenaalinuna kalu alinumi Dioni para Gode repara alinau puaisimiya alinu menda pange Lipai anda ruru alinu rapaisimiya. Go alinu rapa eiri Dioni neere apiyapae lo lora pinyaya, rapaisimiya.
20Dionimiri nimuna angele pangoma menda kundiri na-pi, yango liada ara ora kepe rumboma lalore, Niri Keriso diae, lisaya.
21Go lisayanda mo alinumi nipu lora pula ara lalore, Gore neere apiyapae. Neere Ilaidiayapae, lisimiya. Dionimi nimuna angele yango liada ara lalore, Niri Ilaidia diae, lisaya. Nimumi wala lalore, Neere monde Godena poropedi aliyapae, lo lora pisimiya. Nipumi yango liada ara lalore, Ni dia, lisaya.
22Monde alinumi Dioni para lalore, Neeme de ei naa rapaeme alinu para ora la eiri popeyale, neere Ni ora go ali ayo lo la giae, lisimiya. Neere ora apiyapae, lisimiya.
23Dionimi nimuna angele yango liada ara lalore, Go ali ayo, lisaya. Ande Godena poropedi ali Aisayame lea ali ayo. Aisaya nipumi gurupa lea.
Wenaali na-ao-palia lena ara wi loma
Realina pora epealepape lalo ali ni ayo, lisaya.
24Mo angele lora pula penaya rapaisimiya alinuri, Parisi alinumi rapaisimiya. 25Mo alinumi Dioni angaa meala ara lalore, Neere Keriso pange Ilaidia pange monde Godena poropedi ali diayapare akepeanda wenaali baparaisi pao-alepae, lisimiya.
26Dionimi nimuna angele yango liada ara lalore, Nemere ipame wenaali baparaisi pao-ayopare nimi rupara aya ali menda nimimi na-andeleme, lisaya. 27Go aliri na kou nane ipulapare nipuna ange anda ridipea kope ambuna neme kepeape ana na-pea, lisaya.
28Go aunuri Bedani anda para pisimiya. Bedani andare Diodani ipa repale nane naare opala naneyame, Dionimi wenaali raayo go para baparaisi au pao-aisaya.
Godena Sipisipi Menasi go ei
29Yapi lisayandare Dionimi nipu para Yesu ipisaya ei andoma lalore, Gode nipuna Sipisipi Menasi go ipulale andalepae, lisaya. Su wenaali raayona koae au peme einu nipumi kunao-aya. 30Neme ambalande loaripunde eiri gupae. Ni Godena angele lao-ayo ali lo Godeme ni ambala penameyao ririna walena lama go aliri na kou nane werepe epea. Go peapare go aliri ni ambe na-mandi-ainya nipuri naare raayo pa ao-aisaya. Go pea eimi ni angulaya loaripunde aliri ambiare go ali para loaripunde, lisaya. 31Ande ali api aliapae loma kone na-siawapare nimi Isaraeli wenaali raayo para wadoame ipame wenaali baparaisi pala epawa, lisaya.
32Dionimi angele lala ara lalore, Go angele lisaya. Monde Epe Yaakopi Sipiridi Godena Aya Lena aoma yaa malipu mandana kolopinyaoma Yesuna dona epa pira ei andawa, lisaya. 33Go dina neme mo ali go ali lo kone na-siawa. Go pawapare ande ipame wenaali para baparaisi pua pa lama ni raparipa Godeme gurupa la ei kone siawa. Monde Epe Yaakopi Sipiridi kolopinyao epa ali menda para pidia ei andelendare go alimiri Epe Yaakopi Sipiridimi wenaali baparaisi pao-ala pilia la ei kone siawa, lisaya. 34Dionimi lalore, Go eiri neme ora andawae, lisaya. Go eina nipuri Godena Naki aya eiri neme nimi para la gialoae, lisaya.
Yesumi ali malapu nipuna kou nane raluainyayanda ririna misaya ei
35-36Wala yapi kepea nane Dioni nipuna kou nane raluaisipiya ali laapo rapu ara Yesu popisaya ei andala ara lalore, Godena Sipisipi Menasi go pupulandae, andalepae, lisaya.
37Monde kou nane raluaisipiya ali laapome go lisaya angele pangomare Yesu raluma paisipiya. 38Yesu perekeyoma niipu raluma ipisipiya ei andoma nipu laapo para lora pula ara lalore, Ale waidapepae, lisaya. Niipu laapome nipuna angele yango liada ara lalore, Rabai, neere a para ao-alepae, lisipiya. (Go Rabai da eiri Waloae Alio loma lea.)
39Yesumi niipu laapona angele yango liada ara lalore, Epa andalepae, lisaya. Go einare nipuna aisaya lena andola pumare go dina niipu laapore Yesu rapu angele lo pirisimiya. Go au pisimiya eiri naare pambala-ainya pisimiya.
40Monde ali laapore Dionimi lisaya angele pangoma Yesu rapu ala paisipiya ali mendare Saimono Pidana ame Anduru aisaya. 41Go gole Andurumi nipuna ame Saimono andasuma nipu para lalore, Ande Mesayare saame andasiapae, lisaya. (Go Mesaya lea eiri Keriso para lea.) 42Go angele loma nipumi Yesu para Saimono karu paisaya. Yesumi Saimono andoma lalore, Neere Dionana naki Saimonoae. Werepe nena bi Sipasi demeae, lisaya. (Sipasi Pida mandana. Pidare kana bi mandana ma-aeme.)
Yesumi Pilipi Nadaniele laapo wi lisaya ei
43Yapi lisayandare Yesuri Galili nane polae kone wisaya. Nipumi Pilipi andasuma nipu para lalore, Saana bana ipuae, lisaya. 44(Pilipiri Bedesaida ree anda aliae. Anduru Pida laapo pange Bedesaida ree anda ali laapo aisipiya.) 45Go eina Pilipimi Nadaniele andasuma nipu para lalore, Ande Mosesimi mo Rudule Angelenu wape pula ara wape pea ali pange mo Godena poropedi alinumi wape peme ali andasuma nipuri Nasarere ree anda ali Diosepana naki Yesuae, lisaya.
46Go angele lisaya ei Nadanieleme pangoma lalore, Nasarere ree anda para epe au menda rekelea loma lalepae, lisaya. Go angele lisayanda Pilipimi lalore, Epeleale, epa anda, lisaya.
47Yesumiri Nadaniele nipu andola ipisaya ei andoma lalore, Andalepae. Gore ora Isaraeli aliae, lisaya. Nipumi ora nipuna kone para wi angele loaya. Nipu kone menda sia ara angele menda wala pa ei na-loaya, lisaya.
48Nadanieleme Yesu para opapala ipuma lora pula ara lalore, Neeme niri akipuma andasuma lalepae, lisaya. Yesumi nipuna angele yango liada ara lalore, Pilipimi nee ambe na-wi lee ainya monde poke repana ree para pira ainya, neme ambala andawande, lisaya.
49Nadanieleme nipuna angele yango liada ara lalore, Waloale Alio, neere Godena Nakiae, neere Isaraelimi mandu rangala pae wenaalina Kini Ali ale, lisaya.
50Yesumi lalore, Neme neere poke repana ree para pira ei andawande lalo eina pa ambia go kone rulada ara lalepae, lisaya. Gupi ausinu angulala peme au andaa einu pula pea einu andele, lisaya. 51Yesumi nimu para Ialore, Neme nimi para ora angele laloae, lisaya. Godena Aya Lena lombeleanda andeleme, lisaya. Godena Aya Lena gurupa lombapa wilia lena, Godena eindiolonu Alina Si Nakina Godena Aya Lena puala, su nane epala puala pilimi ei andeleme, lisaya.
လက်ရှိရွေးချယ်ထားမှု
Dioni 1: POLENT23
အရောင်မှတ်ချက်
မျှဝေရန်
ကူးယူ
မိမိစက်ကိရိယာအားလုံးတွင် မိမိအရောင်ချယ်သောအရာများကို သိမ်းဆည်းထားလိုပါသလား။ စာရင်းသွင်းပါ (သို့) အကောင့်ဝင်လိုက်ပါ
The New Testament in Pole Language of the Southern Highlands. Revised Edition 2023 © Bible Society of Papua New Guinea, 2023.
The New Testament in Pole Language of the Southern Highlands © Bible Society of Papua New Guinea, 1993.
Dioni 1
1
Endoae Angeleme gole ali aulisaya ei
1Ambala ririna go su yaa laapo ambe na-waruma winyale dinare monde Angele ao-aisaya. Nipuri Gode rapu ao-aisayapare nipu pange Gode gole ao-aisaya. 2Angelere ambala ririna Gode rapu ao-aisaya.
3Godeme lisaya ei pangoma monde Angelemere alenda alenda raayo warisaya. Alenda mendasinda pange Godeme nipuna kunuma ara na-warisayapare Angele raisamba ara warisaya. 4Monde Angele ruparare endoaya eina ree kini pisaya. Gupuma mo endoaya eimi su wenaalina paa pi ei ma-epea. 5Monde paa pi eimi rimbalea para paa pa puaya. Go peapare rimbalea eimi mo paa na-kundinao-aya.
6Godeme nipuna angele ma-epenayanda rapaisaya aliri Dioni rapaisaya. 7Gupuma Dionimiri monde Paa pi ei wenaali wadoame ipisaya. Gupuma wenaali raayome nipumi ma-ipisaya angele pangoma angele minyayanda doame ipisaya. 8Dioni nipuri monde Paa pi ei diayapare nipumiri monde Paa pi ei wenaali para wadoame ipisaya. 9Su raayo para ipumare wenaali raayo para paa pao-aya. Go eiri ora Paae. 10Gupuma monde Angelemere suna ipuma aisaya. Godeme lisaya ei pangoma su alenda alenda raayo nipumi warisayapare su wenaalimiri nipu kone na-wisimiya. 11Nipuri nipuna andasu nane ipisayapare nipuna anda wenaalimiri nipu na-lamu misimiya. 12Gupisimiyapare mendane wenaalimiri nipu lamu muma nipu para kone rulao ala pisimiya. Gupisimiyandare go wenaaliri Godena naki nongonu ainya lisaya. 13Godena nongo naki ala epe auri suna wenaalinumi nongo naki mandu widame rupa mandu winyaloma na-ala ipisimiya. Nipuna Apare Gode gole ao-aya.
14Monde Angelere ali auloma naa rapu epa aisaya. Nipuna ora yaakopi epe bi wi aunu andama. Nipuna ora au pange nipuna yarame kome ei andama. Nipuri Gode nipuna loma komea Naki loma Apa Godeme ale epe yaakopi bi wi aunu naa para walande.
15Dioni Baparaisi alimi Yesu epea ei naa para gurupa la gea. Wi loma lalore, Neme ambalande loaripunde eiri gupae. Ni Godena angele lao-ayo ali lo Godeme ni ambala penameyao ririna walena loma go aliri na kou nane werepe epea. Go peapare go aliri ni ambe na-maindi ainya nipuri naare raayo pa ao-aisaya. Go pea eimi ni angulaya loaripunde aliri ambia go ali para loaripunde, lisaya.
16Nipuna pakama yarame kome ei rumbiaya ei muma naa para ma-giala pumare naa raayo para pa guaya. 17Godemere nipuna Rudule Angele wi einu naa para la ginyaya Mosesi para la alisaya. Gupisayapare yarame kome ei pange ora au pia ei pange Yesu Kerisome ma-ipisaya. 18Suna ali komea mendame Gode ora na-andea. Go peapare ali komea Gode gole ao-aya ali, Apana popeke ki nane pia ali nipu komeame naa para Gode walea.
Dioni Baparaisi alimi angele walisaya ei
(Madiu 3:1-12; Maka 1:1-8; Luka 3:1-18)
19Diurusaleme ree anda para aisimiya Isaraelimi mandu rangala pae wenaalinuna kalu alinumi Dioni para Gode repara alinau puaisimiya alinu menda pange Lipai anda ruru alinu rapaisimiya. Go alinu rapa eiri Dioni neere apiyapae lo lora pinyaya, rapaisimiya.
20Dionimiri nimuna angele pangoma menda kundiri na-pi, yango liada ara ora kepe rumboma lalore, Niri Keriso diae, lisaya.
21Go lisayanda mo alinumi nipu lora pula ara lalore, Gore neere apiyapae. Neere Ilaidiayapae, lisimiya. Dionimi nimuna angele yango liada ara lalore, Niri Ilaidia diae, lisaya. Nimumi wala lalore, Neere monde Godena poropedi aliyapae, lo lora pisimiya. Nipumi yango liada ara lalore, Ni dia, lisaya.
22Monde alinumi Dioni para lalore, Neeme de ei naa rapaeme alinu para ora la eiri popeyale, neere Ni ora go ali ayo lo la giae, lisimiya. Neere ora apiyapae, lisimiya.
23Dionimi nimuna angele yango liada ara lalore, Go ali ayo, lisaya. Ande Godena poropedi ali Aisayame lea ali ayo. Aisaya nipumi gurupa lea.
Wenaali na-ao-palia lena ara wi loma
Realina pora epealepape lalo ali ni ayo, lisaya.
24Mo angele lora pula penaya rapaisimiya alinuri, Parisi alinumi rapaisimiya. 25Mo alinumi Dioni angaa meala ara lalore, Neere Keriso pange Ilaidia pange monde Godena poropedi ali diayapare akepeanda wenaali baparaisi pao-alepae, lisimiya.
26Dionimi nimuna angele yango liada ara lalore, Nemere ipame wenaali baparaisi pao-ayopare nimi rupara aya ali menda nimimi na-andeleme, lisaya. 27Go aliri na kou nane ipulapare nipuna ange anda ridipea kope ambuna neme kepeape ana na-pea, lisaya.
28Go aunuri Bedani anda para pisimiya. Bedani andare Diodani ipa repale nane naare opala naneyame, Dionimi wenaali raayo go para baparaisi au pao-aisaya.
Godena Sipisipi Menasi go ei
29Yapi lisayandare Dionimi nipu para Yesu ipisaya ei andoma lalore, Gode nipuna Sipisipi Menasi go ipulale andalepae, lisaya. Su wenaali raayona koae au peme einu nipumi kunao-aya. 30Neme ambalande loaripunde eiri gupae. Ni Godena angele lao-ayo ali lo Godeme ni ambala penameyao ririna walena lama go aliri na kou nane werepe epea. Go peapare go aliri ni ambe na-mandi-ainya nipuri naare raayo pa ao-aisaya. Go pea eimi ni angulaya loaripunde aliri ambiare go ali para loaripunde, lisaya. 31Ande ali api aliapae loma kone na-siawapare nimi Isaraeli wenaali raayo para wadoame ipame wenaali baparaisi pala epawa, lisaya.
32Dionimi angele lala ara lalore, Go angele lisaya. Monde Epe Yaakopi Sipiridi Godena Aya Lena aoma yaa malipu mandana kolopinyaoma Yesuna dona epa pira ei andawa, lisaya. 33Go dina neme mo ali go ali lo kone na-siawa. Go pawapare ande ipame wenaali para baparaisi pua pa lama ni raparipa Godeme gurupa la ei kone siawa. Monde Epe Yaakopi Sipiridi kolopinyao epa ali menda para pidia ei andelendare go alimiri Epe Yaakopi Sipiridimi wenaali baparaisi pao-ala pilia la ei kone siawa, lisaya. 34Dionimi lalore, Go eiri neme ora andawae, lisaya. Go eina nipuri Godena Naki aya eiri neme nimi para la gialoae, lisaya.
Yesumi ali malapu nipuna kou nane raluainyayanda ririna misaya ei
35-36Wala yapi kepea nane Dioni nipuna kou nane raluaisipiya ali laapo rapu ara Yesu popisaya ei andala ara lalore, Godena Sipisipi Menasi go pupulandae, andalepae, lisaya.
37Monde kou nane raluaisipiya ali laapome go lisaya angele pangomare Yesu raluma paisipiya. 38Yesu perekeyoma niipu raluma ipisipiya ei andoma nipu laapo para lora pula ara lalore, Ale waidapepae, lisaya. Niipu laapome nipuna angele yango liada ara lalore, Rabai, neere a para ao-alepae, lisipiya. (Go Rabai da eiri Waloae Alio loma lea.)
39Yesumi niipu laapona angele yango liada ara lalore, Epa andalepae, lisaya. Go einare nipuna aisaya lena andola pumare go dina niipu laapore Yesu rapu angele lo pirisimiya. Go au pisimiya eiri naare pambala-ainya pisimiya.
40Monde ali laapore Dionimi lisaya angele pangoma Yesu rapu ala paisipiya ali mendare Saimono Pidana ame Anduru aisaya. 41Go gole Andurumi nipuna ame Saimono andasuma nipu para lalore, Ande Mesayare saame andasiapae, lisaya. (Go Mesaya lea eiri Keriso para lea.) 42Go angele loma nipumi Yesu para Saimono karu paisaya. Yesumi Saimono andoma lalore, Neere Dionana naki Saimonoae. Werepe nena bi Sipasi demeae, lisaya. (Sipasi Pida mandana. Pidare kana bi mandana ma-aeme.)
Yesumi Pilipi Nadaniele laapo wi lisaya ei
43Yapi lisayandare Yesuri Galili nane polae kone wisaya. Nipumi Pilipi andasuma nipu para lalore, Saana bana ipuae, lisaya. 44(Pilipiri Bedesaida ree anda aliae. Anduru Pida laapo pange Bedesaida ree anda ali laapo aisipiya.) 45Go eina Pilipimi Nadaniele andasuma nipu para lalore, Ande Mosesimi mo Rudule Angelenu wape pula ara wape pea ali pange mo Godena poropedi alinumi wape peme ali andasuma nipuri Nasarere ree anda ali Diosepana naki Yesuae, lisaya.
46Go angele lisaya ei Nadanieleme pangoma lalore, Nasarere ree anda para epe au menda rekelea loma lalepae, lisaya. Go angele lisayanda Pilipimi lalore, Epeleale, epa anda, lisaya.
47Yesumiri Nadaniele nipu andola ipisaya ei andoma lalore, Andalepae. Gore ora Isaraeli aliae, lisaya. Nipumi ora nipuna kone para wi angele loaya. Nipu kone menda sia ara angele menda wala pa ei na-loaya, lisaya.
48Nadanieleme Yesu para opapala ipuma lora pula ara lalore, Neeme niri akipuma andasuma lalepae, lisaya. Yesumi nipuna angele yango liada ara lalore, Pilipimi nee ambe na-wi lee ainya monde poke repana ree para pira ainya, neme ambala andawande, lisaya.
49Nadanieleme nipuna angele yango liada ara lalore, Waloale Alio, neere Godena Nakiae, neere Isaraelimi mandu rangala pae wenaalina Kini Ali ale, lisaya.
50Yesumi lalore, Neme neere poke repana ree para pira ei andawande lalo eina pa ambia go kone rulada ara lalepae, lisaya. Gupi ausinu angulala peme au andaa einu pula pea einu andele, lisaya. 51Yesumi nimu para Ialore, Neme nimi para ora angele laloae, lisaya. Godena Aya Lena lombeleanda andeleme, lisaya. Godena Aya Lena gurupa lombapa wilia lena, Godena eindiolonu Alina Si Nakina Godena Aya Lena puala, su nane epala puala pilimi ei andeleme, lisaya.
လက်ရှိရွေးချယ်ထားမှု
:
အရောင်မှတ်ချက်
မျှဝေရန်
ကူးယူ
မိမိစက်ကိရိယာအားလုံးတွင် မိမိအရောင်ချယ်သောအရာများကို သိမ်းဆည်းထားလိုပါသလား။ စာရင်းသွင်းပါ (သို့) အကောင့်ဝင်လိုက်ပါ
The New Testament in Pole Language of the Southern Highlands. Revised Edition 2023 © Bible Society of Papua New Guinea, 2023.
The New Testament in Pole Language of the Southern Highlands © Bible Society of Papua New Guinea, 1993.