Madiu 12
12
Diu wenaalinuna koro piri naarena pupudengi nala eina lora pisimiya ei
(Maka 2:23-28; Luka 6:1-5)
1Engeisi werepe nane Yesuri Diu wenaalinuna koro piri naarena guni ena paisaya. Nipuna kou nane ralisimiya alinumi reame komala ara guni muma nisimiya. 2Gupumare mo Parisi alinumi go au andoma Yesu para lalore, Panga, lisimiya. Nena kou nane raluaeme alinumi mo koro piri naarena pape-nae au pula ara pimi, lisimiya. Nimumi go au pimi eiri naana Rudule Angele rungudame, lisimiya. 3Yesumi nimuna angele yokambo lalore, Deipidimi nipuna alinu rapu reame komala ara pisaya eiri koro mendanda na-yarepelemepae, lisaya. 4Go au pisimiyanda Deipidi nipuna komea mo Godena yainya puaisimiya andaa anda para konda pambala puma nipumi Godena bi loma wisaya yaako pi palawa muma nipuna alinu para alisayanda nimu raayosi pa nisimiya. Gupisimiyapare mo Rudule Angele gupi lea, Go palaware wenaalinuna yainya pao-aisimiya alinumi komea nape ei lisayapare nimumi reame ora komala ara pa nisimiya, lisaya.
5Gupisimiyapare mo Diu wenaalinuna koro piri naare raayona mo yainya puaisimiya alinumi mo Gode para alinau puaisimiya andaa anda para mo koro piri naarena Rudule Angele rungulu-aemepare nimu para koae au menda na-wia, lisaya. Nimimi go Mosesimi Rudule Angele wape pea ei para go angele runguda peme ei na-yarepeamepae, lora pisaya. 6Go peapare neme nimi para ora angele lalo. Go para ande alinau puae anda para waloaeme angelenu lu angulaya aunu menda pena wada peme einu andeleme, lisaya. 7Mo Godena angele wia bukame gurupa lea, Neme sipisipi menanu alinau peme eina raname na-komepare menda menda para epepe aunu peme eina komea raname kome, lea lisaya. Go einare nimimi go angelena ree kone waru sulapamere koae aunu na-puaeme wenaali para angele yokanali na-pula pame, lisaya. 8Akepeare Alina Si Nakiri mo koro pia naarena Reali ayae, lisaya.
Ki lupawi alina angele lea ei
(Maka 3:1-6; Luka 6:6-11)
9-10Go dinare Yesuri go andasu minyapalaoma mo Diu alinuna yainya puaeme anda rupara pua konda pambisaya para ki lupawi ali komea go para ainya andisaya. Go para aeme alinu menda parame Yesumi ora koae au pia doame andae siala ara Yesu para lora pula ara lalore, gurupa lisimiya. Naana Rudule Angelemere mo koro piri naarena wenaalina yainya kome einu ma-epeape leapae, lisimiya. 11Go einare Yesumi angele yango liada ara lalore, Pa marea, neeme sipisipi mena siamba-ainyaloma mo koro piri naarena go sipisipi mena neka para lopeleandare neeme ake piliyapae, lisaya. Neeme mo sipisipi mena mo neka rupara pirina mili, lisaya. Ora lalopae, lisaya. 12Go einare go sipisipi menare amo aleyapare alina yangiri ora go einu raayo lu angulaya, lisaya. Go einare naana Rudule Angeleme lea eiri gurupa, Wenaalinu koro piri naarena rambamealepape, lea lisaya. 13Gupuma Yesumi mo ki lupawi ali para lalore, Nena ki rindapeae, lisaya. Mo alimi nipuna ki rindapeaisaya dina nipuna ki monde nipuna mendane ki pea rupa wala epelisaya.
14Go para mo Parisi alinumi kama opolumbomare Yesu duameyanda rombisimiya.
Gode nipuna pupudengi nainyayanda lamu misaya alimi pisaya ei
15-16Yesu nipumi nipu dua pisimiyayanda angele rombisimiya ei pangoma nipu go anda minyapalaripayapare wenaali ora waru andapumi nipuna kou nane ralisimiya. Yesu nipumi yainya koma wenaali raayosi ma-endoma nimu para rendaa pi angele lalo ara lalore, Neme nimi para angele lalo. Neme pi einu wenaali menda paranu na-pua la adapape, lisaya. 17Yesu nipumi pisaya einuri Godeme mo Godena angele loaisaya ali Aisaya nipumi wape pisaya einu minyayanda lisaya. Aisaya nipumi gurupa wape pisaya.
18Go ali nipuri nina pupudengi nada ali.
Nipuri neme ambala meawa pange
nipuri neme raname komo ae ali pange
nipuri neme epe kone wi ali, lea.
Nina Epe Yaakopi Sipiridi nipu para aloma
nipumi neme wenaali rali pula pea ei
mo wenaali anda ruru andapu para la adea, lea.
19Go einare nipumi go ei puma ape
rendaa rendaa pi angele pange
pendo rendaa pi angelenu pange
angele andaai wi loma andaa pora nani na-dea,
lea, lisaya.
20-21Nipumi puri na-pale wenaali para kuma pilia.
Gupuma mo puri na-pale wenaali para
epepe aunu pilia.
Nipumi go au pa pairi puma
mo Godena aunu pilimi dina ana pilia.
Gupuma wenaali raayome nipumi ale menda
ora pilia kone suma maisambao-alimi.
Yesu pange Bielesepulu nipuna angele wia ei
(Maka 3:20-30; Luka 11:14-23)
22Gupuma Yesu para wenaali menda parame koae remome angele na-le pange lee ma-rumbu pae ali menda karu ipisimiya. Karu ipisimiyanda Yesu nipumi go ali angele lo pange olemolenu andenayanda ma-epeaisaya. 23Gupuma mo wenaali andapumi Yesu nipumi pisaya ei andoma rungula mealo pambalo ara lalore, Go aliri Deipidi nipuna Si Nakiyapae, loma angaa misimiya. 24Go angele pangoma mo Parisi alinumi nimuna angele yango lialo ara lalore, Yesu nipumi mo koae remonu pane ralu rumboaya eiri mo koae remonuna kalu remo Bielesepulu#12:24 Bielesepuluri Sadanina bi menda. nipumi Yesu para puri aloayanda puaya, lisimiya.
25Go lisimiyapare Yesu nipumi nimuna kone wisimiya ei ambala kone suma nimu para lalore, Anda ruru menda parame nimuna gole rumaalolo puma yanda pilimindare nimuna ao-paida peme ei kodea, lisaya. Gurupa pange ree anda menda o andaa repaa menda parame nimuna gole rumaalolo puma yanda pilimindare nimuna ao-paliape ei kodea, lisaya. 26Go einare Sadani nipuna ki rambuao-aya ei rumaalolo puma yanda pilimindare gore go au pilimindare nimu repaa rumaalolo peme eiri repara lopogalia, lisaya. 27Nimimi lalore, neme mo koae remonu ralu rumbalo eiri Bielesepulu nipumi ni para puri gidanda pie, dame, lisaya. Go peandare neme nipuna purimi koae remonu ralu rumbalondare nimina kou nane raluaisimiya alinumi koae remonu ralu dimindare apina purimi ralu rumbelemepae, loma angaa misaya. Nimina kou nane raluaeme alinumi pame eimiri nimi nimina gole ma-koyaeme ei la gida, lisaya. 28Bielesepulu nipuna puri kongapuna diayapare Gode nipuna Sipiridimi giala purimi neme koae remonu ralu rumbapeya, lisaya. Go eimi Gode nipuna Ki Rambuao-aya Ei nimi para ambala epande ei la gida, lisaya.
29Ali mendame puri pale alina anda para nipuna olemole pake nola kone suma go anda pambo liiape-na-ya, lisaya. Nipumi go ali ambala rongaoma wiliandare gore go puri alina anda mandana pambo liiapeya, lisaya. 30Menda apimi ni rapu na-aperao-alia ali nipuri ni rapu yanda dia. Gupuma pange menda apimi ni rambamu nina sipisipinu mandaa para na-ma-mombeali alimiri gore nipumi pane ralurumbebe pia. 31Go einare neme nimi para la gialo. Koae aunu peme einu raayo pa kunalapepare ande Epe Yaakopi Sipiridi para koae au pilia ei komea ora na-kunalua. 32Alina Si Naki para koae aunu pilia eiri manda kunala pepare ande Epe Yaakopi Sipiridi repara koae aunu pilindare ora na-kunilia.
Payapo poropedi alinuna angele lea ei
(Luka 6:43-45)
33Repana ora epe repaname komea epe kili edea. Gupuma koae repanamere koae kilinu edea. Go repaname epe repana o koae repanalo pange nipuna mandia kilimi dea. 34Nimiri koae keronu. Nimina rupara ora kolenare epe angelere akepu demeyapae. Akepeare angaa kambulu para ipula angelenuri no wenaalina runane rumbilia angelenu kome deme.
35Epe alimiri ora epe kone komea nipuna rupara suaya eimiyalore ora epe aunu komea pualia. Mendaa rupa koae alimi nipuna rupara ora koae konenu komea suaya eimiri ora koae aunu komea pilia. 36Ande wenaali rali pilia di epeleandare wenaali raayome nimuna ree na-wi angelenuna ree lademe. 37Nimina deme angeleme gole neere ale menda na-pele ali o go rondo go ayandalo la gilia.
Wenaalinumi na-ande aunu menda para andolame konge lisimiya ei
(Maka 8:11-12; Luka 11:29-32)
38Gupuma angele na-le pa piruma Rudule Angele waloaisaya alinu pange Parisi alinumi Yesu para lalore, Waloae alio. Naame na-andea au menda andamono neeme pae, lisimiya.
39Ambia naarena aeme wenaali raayosiri ora koae wenaalinu aeme pange Gode kone na-suaeme wenaali aeme loma angele rendaa puma lisaya. Nimimi neme na-ande au panoyanda damepae, lisaya. Dia. Mo na-ande au andolo peme eiri Gode nipuna poropedi ali Diona nipuna na-ande au komea andeleme, lisaya.
40Mendaa rupa Diona nipumi mo repali andaaina lo para yapi repo pange rimba repopu pirisaya rupa mo Alina Si Naki pange gurupa yapi repopu pange rimba repopu su para wilia, lisaya. 41Werepe nanere Godeme wenaalinu komea lena mombeaoma rali pilia naarena Ninipa ree anda wenaalinumi reka ara nimi ma-rialimi, lisaya. Akepeandare Diona nipumi angele wala dina go wenaalinumi nimuna koae koae einu giaisimiya lisaya. Go peandare neme nimi para lalo. Diona mandana angulapo pida pea ale menda go wiandae, lisaya. 42Werepe nanere Godeme wenaalinu komea lena mombeaoma rali pilia naarena Sipa andasu andere-aisaya Kalu Wename reka ara ambia naarena aeme wenaali ma-rialia, lisaya. Akepeandare mo Kalu Wename pora kimisu andalupu wi eina ipuma nipuna andasu nane aoma mo Kini Solomono nipuna ora epe kone waru rekele puma wada angelenu pangolameya ipisaya, lisaya. Neme nimi para lalo. Solomono kalu ali mandaana pida pea ale menda go wiandae, lisaya.
Mo koae remo wala lekeya ipisaya ei
(Luka 11:24-26)
43Ali mendana koae remo nipuna lo romba para piri ei kama opalumba popeleandare mo koae remo su kapulea lena koro pomo meape lena pamu andoaya, lisaya. Mo liru pirape lena na-andawiliandare mo koae remome nipuna gole lalore, 44Nina minyapaloma epawande anda nane wala lekeya pola dea, lisaya. Go au pumare mo koae remo wala lekeya puma nipuna anda pua andisayapare nipuna minyapaloma epaya anda ludare waru wamo pu suma epe rupa kiima isimiya, loma lisaya.
45Gupuma mo koae remo nipu puma koae remonu mendane ki pereya mendane kina laapopu pua karu misaya, lisaya. Go remonuri koae aunu waru rumbili remonuri nipu rapu menda aleyapae-na-ya, loma lisaya. Go remonuri nipu rapu ao-paduame ipisimiya, lisaya. Go aunu pisaya einu raayosi perelisayandare go ali nipuri ambala ririna ao-palia rupa na-aliapare nipuna ao-paliape ei ambiare ora koyapale wilia, lisaya. Gurupa mo ambia naarena ao-paleme koae koae aunu puaeme wenaalinu para go au pilia, lisaya.
Yesuna ama pange amenuna angele wia ei
(Maka 3:31-35; Luka 8:19-21)
46Yesu monde wenaali waru andapu rapu angele pa lalo-ainya ama pange amenu opo paisimiya. Gupuma nimu kama epa ara nipu rapu angele doame lora pisimiya. 47Monde para arimiya repaa mendame lalore, Nena ama pange amenumi nee rapu angele doame go epa aemenda lisaya. 48Yesumi nimuna angele yango liada ara lalore, Nina ama pange amenuri apina damepae, lisaya. 49Go loma nipuna nipuna ki rindapeaoma nipuna kou nane raluae wenaali para anda mone alo ara lalore, Nina ama pange amenuri gondae lisaya. 50Menda apimi nina Apa so epeni aya alina rana raluae repaa komea nina amenu pange ainyanu pange amenu aeme lisaya.
လက်ရှိရွေးချယ်ထားမှု
Madiu 12: POLENT23
အရောင်မှတ်ချက်
မျှဝေရန်
ကူးယူ
မိမိစက်ကိရိယာအားလုံးတွင် မိမိအရောင်ချယ်သောအရာများကို သိမ်းဆည်းထားလိုပါသလား။ စာရင်းသွင်းပါ (သို့) အကောင့်ဝင်လိုက်ပါ
The New Testament in Pole Language of the Southern Highlands. Revised Edition 2023 © Bible Society of Papua New Guinea, 2023.
The New Testament in Pole Language of the Southern Highlands © Bible Society of Papua New Guinea, 1993.
Madiu 12
12
Diu wenaalinuna koro piri naarena pupudengi nala eina lora pisimiya ei
(Maka 2:23-28; Luka 6:1-5)
1Engeisi werepe nane Yesuri Diu wenaalinuna koro piri naarena guni ena paisaya. Nipuna kou nane ralisimiya alinumi reame komala ara guni muma nisimiya. 2Gupumare mo Parisi alinumi go au andoma Yesu para lalore, Panga, lisimiya. Nena kou nane raluaeme alinumi mo koro piri naarena pape-nae au pula ara pimi, lisimiya. Nimumi go au pimi eiri naana Rudule Angele rungudame, lisimiya. 3Yesumi nimuna angele yokambo lalore, Deipidimi nipuna alinu rapu reame komala ara pisaya eiri koro mendanda na-yarepelemepae, lisaya. 4Go au pisimiyanda Deipidi nipuna komea mo Godena yainya puaisimiya andaa anda para konda pambala puma nipumi Godena bi loma wisaya yaako pi palawa muma nipuna alinu para alisayanda nimu raayosi pa nisimiya. Gupisimiyapare mo Rudule Angele gupi lea, Go palaware wenaalinuna yainya pao-aisimiya alinumi komea nape ei lisayapare nimumi reame ora komala ara pa nisimiya, lisaya.
5Gupisimiyapare mo Diu wenaalinuna koro piri naare raayona mo yainya puaisimiya alinumi mo Gode para alinau puaisimiya andaa anda para mo koro piri naarena Rudule Angele rungulu-aemepare nimu para koae au menda na-wia, lisaya. Nimimi go Mosesimi Rudule Angele wape pea ei para go angele runguda peme ei na-yarepeamepae, lora pisaya. 6Go peapare neme nimi para ora angele lalo. Go para ande alinau puae anda para waloaeme angelenu lu angulaya aunu menda pena wada peme einu andeleme, lisaya. 7Mo Godena angele wia bukame gurupa lea, Neme sipisipi menanu alinau peme eina raname na-komepare menda menda para epepe aunu peme eina komea raname kome, lea lisaya. Go einare nimimi go angelena ree kone waru sulapamere koae aunu na-puaeme wenaali para angele yokanali na-pula pame, lisaya. 8Akepeare Alina Si Nakiri mo koro pia naarena Reali ayae, lisaya.
Ki lupawi alina angele lea ei
(Maka 3:1-6; Luka 6:6-11)
9-10Go dinare Yesuri go andasu minyapalaoma mo Diu alinuna yainya puaeme anda rupara pua konda pambisaya para ki lupawi ali komea go para ainya andisaya. Go para aeme alinu menda parame Yesumi ora koae au pia doame andae siala ara Yesu para lora pula ara lalore, gurupa lisimiya. Naana Rudule Angelemere mo koro piri naarena wenaalina yainya kome einu ma-epeape leapae, lisimiya. 11Go einare Yesumi angele yango liada ara lalore, Pa marea, neeme sipisipi mena siamba-ainyaloma mo koro piri naarena go sipisipi mena neka para lopeleandare neeme ake piliyapae, lisaya. Neeme mo sipisipi mena mo neka rupara pirina mili, lisaya. Ora lalopae, lisaya. 12Go einare go sipisipi menare amo aleyapare alina yangiri ora go einu raayo lu angulaya, lisaya. Go einare naana Rudule Angeleme lea eiri gurupa, Wenaalinu koro piri naarena rambamealepape, lea lisaya. 13Gupuma Yesumi mo ki lupawi ali para lalore, Nena ki rindapeae, lisaya. Mo alimi nipuna ki rindapeaisaya dina nipuna ki monde nipuna mendane ki pea rupa wala epelisaya.
14Go para mo Parisi alinumi kama opolumbomare Yesu duameyanda rombisimiya.
Gode nipuna pupudengi nainyayanda lamu misaya alimi pisaya ei
15-16Yesu nipumi nipu dua pisimiyayanda angele rombisimiya ei pangoma nipu go anda minyapalaripayapare wenaali ora waru andapumi nipuna kou nane ralisimiya. Yesu nipumi yainya koma wenaali raayosi ma-endoma nimu para rendaa pi angele lalo ara lalore, Neme nimi para angele lalo. Neme pi einu wenaali menda paranu na-pua la adapape, lisaya. 17Yesu nipumi pisaya einuri Godeme mo Godena angele loaisaya ali Aisaya nipumi wape pisaya einu minyayanda lisaya. Aisaya nipumi gurupa wape pisaya.
18Go ali nipuri nina pupudengi nada ali.
Nipuri neme ambala meawa pange
nipuri neme raname komo ae ali pange
nipuri neme epe kone wi ali, lea.
Nina Epe Yaakopi Sipiridi nipu para aloma
nipumi neme wenaali rali pula pea ei
mo wenaali anda ruru andapu para la adea, lea.
19Go einare nipumi go ei puma ape
rendaa rendaa pi angele pange
pendo rendaa pi angelenu pange
angele andaai wi loma andaa pora nani na-dea,
lea, lisaya.
20-21Nipumi puri na-pale wenaali para kuma pilia.
Gupuma mo puri na-pale wenaali para
epepe aunu pilia.
Nipumi go au pa pairi puma
mo Godena aunu pilimi dina ana pilia.
Gupuma wenaali raayome nipumi ale menda
ora pilia kone suma maisambao-alimi.
Yesu pange Bielesepulu nipuna angele wia ei
(Maka 3:20-30; Luka 11:14-23)
22Gupuma Yesu para wenaali menda parame koae remome angele na-le pange lee ma-rumbu pae ali menda karu ipisimiya. Karu ipisimiyanda Yesu nipumi go ali angele lo pange olemolenu andenayanda ma-epeaisaya. 23Gupuma mo wenaali andapumi Yesu nipumi pisaya ei andoma rungula mealo pambalo ara lalore, Go aliri Deipidi nipuna Si Nakiyapae, loma angaa misimiya. 24Go angele pangoma mo Parisi alinumi nimuna angele yango lialo ara lalore, Yesu nipumi mo koae remonu pane ralu rumboaya eiri mo koae remonuna kalu remo Bielesepulu#12:24 Bielesepuluri Sadanina bi menda. nipumi Yesu para puri aloayanda puaya, lisimiya.
25Go lisimiyapare Yesu nipumi nimuna kone wisimiya ei ambala kone suma nimu para lalore, Anda ruru menda parame nimuna gole rumaalolo puma yanda pilimindare nimuna ao-paida peme ei kodea, lisaya. Gurupa pange ree anda menda o andaa repaa menda parame nimuna gole rumaalolo puma yanda pilimindare nimuna ao-paliape ei kodea, lisaya. 26Go einare Sadani nipuna ki rambuao-aya ei rumaalolo puma yanda pilimindare gore go au pilimindare nimu repaa rumaalolo peme eiri repara lopogalia, lisaya. 27Nimimi lalore, neme mo koae remonu ralu rumbalo eiri Bielesepulu nipumi ni para puri gidanda pie, dame, lisaya. Go peandare neme nipuna purimi koae remonu ralu rumbalondare nimina kou nane raluaisimiya alinumi koae remonu ralu dimindare apina purimi ralu rumbelemepae, loma angaa misaya. Nimina kou nane raluaeme alinumi pame eimiri nimi nimina gole ma-koyaeme ei la gida, lisaya. 28Bielesepulu nipuna puri kongapuna diayapare Gode nipuna Sipiridimi giala purimi neme koae remonu ralu rumbapeya, lisaya. Go eimi Gode nipuna Ki Rambuao-aya Ei nimi para ambala epande ei la gida, lisaya.
29Ali mendame puri pale alina anda para nipuna olemole pake nola kone suma go anda pambo liiape-na-ya, lisaya. Nipumi go ali ambala rongaoma wiliandare gore go puri alina anda mandana pambo liiapeya, lisaya. 30Menda apimi ni rapu na-aperao-alia ali nipuri ni rapu yanda dia. Gupuma pange menda apimi ni rambamu nina sipisipinu mandaa para na-ma-mombeali alimiri gore nipumi pane ralurumbebe pia. 31Go einare neme nimi para la gialo. Koae aunu peme einu raayo pa kunalapepare ande Epe Yaakopi Sipiridi para koae au pilia ei komea ora na-kunalua. 32Alina Si Naki para koae aunu pilia eiri manda kunala pepare ande Epe Yaakopi Sipiridi repara koae aunu pilindare ora na-kunilia.
Payapo poropedi alinuna angele lea ei
(Luka 6:43-45)
33Repana ora epe repaname komea epe kili edea. Gupuma koae repanamere koae kilinu edea. Go repaname epe repana o koae repanalo pange nipuna mandia kilimi dea. 34Nimiri koae keronu. Nimina rupara ora kolenare epe angelere akepu demeyapae. Akepeare angaa kambulu para ipula angelenuri no wenaalina runane rumbilia angelenu kome deme.
35Epe alimiri ora epe kone komea nipuna rupara suaya eimiyalore ora epe aunu komea pualia. Mendaa rupa koae alimi nipuna rupara ora koae konenu komea suaya eimiri ora koae aunu komea pilia. 36Ande wenaali rali pilia di epeleandare wenaali raayome nimuna ree na-wi angelenuna ree lademe. 37Nimina deme angeleme gole neere ale menda na-pele ali o go rondo go ayandalo la gilia.
Wenaalinumi na-ande aunu menda para andolame konge lisimiya ei
(Maka 8:11-12; Luka 11:29-32)
38Gupuma angele na-le pa piruma Rudule Angele waloaisaya alinu pange Parisi alinumi Yesu para lalore, Waloae alio. Naame na-andea au menda andamono neeme pae, lisimiya.
39Ambia naarena aeme wenaali raayosiri ora koae wenaalinu aeme pange Gode kone na-suaeme wenaali aeme loma angele rendaa puma lisaya. Nimimi neme na-ande au panoyanda damepae, lisaya. Dia. Mo na-ande au andolo peme eiri Gode nipuna poropedi ali Diona nipuna na-ande au komea andeleme, lisaya.
40Mendaa rupa Diona nipumi mo repali andaaina lo para yapi repo pange rimba repopu pirisaya rupa mo Alina Si Naki pange gurupa yapi repopu pange rimba repopu su para wilia, lisaya. 41Werepe nanere Godeme wenaalinu komea lena mombeaoma rali pilia naarena Ninipa ree anda wenaalinumi reka ara nimi ma-rialimi, lisaya. Akepeandare Diona nipumi angele wala dina go wenaalinumi nimuna koae koae einu giaisimiya lisaya. Go peandare neme nimi para lalo. Diona mandana angulapo pida pea ale menda go wiandae, lisaya. 42Werepe nanere Godeme wenaalinu komea lena mombeaoma rali pilia naarena Sipa andasu andere-aisaya Kalu Wename reka ara ambia naarena aeme wenaali ma-rialia, lisaya. Akepeandare mo Kalu Wename pora kimisu andalupu wi eina ipuma nipuna andasu nane aoma mo Kini Solomono nipuna ora epe kone waru rekele puma wada angelenu pangolameya ipisaya, lisaya. Neme nimi para lalo. Solomono kalu ali mandaana pida pea ale menda go wiandae, lisaya.
Mo koae remo wala lekeya ipisaya ei
(Luka 11:24-26)
43Ali mendana koae remo nipuna lo romba para piri ei kama opalumba popeleandare mo koae remo su kapulea lena koro pomo meape lena pamu andoaya, lisaya. Mo liru pirape lena na-andawiliandare mo koae remome nipuna gole lalore, 44Nina minyapaloma epawande anda nane wala lekeya pola dea, lisaya. Go au pumare mo koae remo wala lekeya puma nipuna anda pua andisayapare nipuna minyapaloma epaya anda ludare waru wamo pu suma epe rupa kiima isimiya, loma lisaya.
45Gupuma mo koae remo nipu puma koae remonu mendane ki pereya mendane kina laapopu pua karu misaya, lisaya. Go remonuri koae aunu waru rumbili remonuri nipu rapu menda aleyapae-na-ya, loma lisaya. Go remonuri nipu rapu ao-paduame ipisimiya, lisaya. Go aunu pisaya einu raayosi perelisayandare go ali nipuri ambala ririna ao-palia rupa na-aliapare nipuna ao-paliape ei ambiare ora koyapale wilia, lisaya. Gurupa mo ambia naarena ao-paleme koae koae aunu puaeme wenaalinu para go au pilia, lisaya.
Yesuna ama pange amenuna angele wia ei
(Maka 3:31-35; Luka 8:19-21)
46Yesu monde wenaali waru andapu rapu angele pa lalo-ainya ama pange amenu opo paisimiya. Gupuma nimu kama epa ara nipu rapu angele doame lora pisimiya. 47Monde para arimiya repaa mendame lalore, Nena ama pange amenumi nee rapu angele doame go epa aemenda lisaya. 48Yesumi nimuna angele yango liada ara lalore, Nina ama pange amenuri apina damepae, lisaya. 49Go loma nipuna nipuna ki rindapeaoma nipuna kou nane raluae wenaali para anda mone alo ara lalore, Nina ama pange amenuri gondae lisaya. 50Menda apimi nina Apa so epeni aya alina rana raluae repaa komea nina amenu pange ainyanu pange amenu aeme lisaya.
လက်ရှိရွေးချယ်ထားမှု
:
အရောင်မှတ်ချက်
မျှဝေရန်
ကူးယူ
မိမိစက်ကိရိယာအားလုံးတွင် မိမိအရောင်ချယ်သောအရာများကို သိမ်းဆည်းထားလိုပါသလား။ စာရင်းသွင်းပါ (သို့) အကောင့်ဝင်လိုက်ပါ
The New Testament in Pole Language of the Southern Highlands. Revised Edition 2023 © Bible Society of Papua New Guinea, 2023.
The New Testament in Pole Language of the Southern Highlands © Bible Society of Papua New Guinea, 1993.