Madiu 8
8
Yesumi kindi yainya ae ali menda ma-epeaisaya ei
(Maka 1:40-45; Luka 5:12-16)
1Yesu raida kolopema ipulu-ainyaloma wenaali andapumi raluma ipisimiya. 2Gupuma ali menda kindi yainya ae ali menda ipuma Yesuna lee wilina epa rumu yaruaoma piri gupi lisaya. Andaa alio, lisaya. Nena rana piliandare ni ma-epe ae, lisaya. 3Yesumi monde ali parare gupi lisaya. Neme go au puluame raname komalole ne epeae lisaya. Go aleme golere ande alina yainya randalapa popisaya. 4Yesumi mo ali parare gupi lisaya. Nee panga lisaya. Mo Gode repara alinau puaya ali repara pumare nipumi nee andenalape ae lisaya. Nena yainya ora perelea lore wenaali raayome andena Gode repara alinau pape. Go eiri ande Mosesimi lisaya rupa.
Romo ali menda endali ripinyi alinuna kalu ali piri alina pupudengi nao-aya ali Yesumi ma-epeaisaya ei
(Luka 7:1-10)
5Yesu Kapeneame anda para opopada-ainyaloma aminuna andaa ali piri ali mendame Yesumi nipu rambaminyayanda Yesu epa konge lisaya. 6Kongeyalo arare mo alimi gupi lisaya. Andaa alio, lisaya. Nina pupudengi nao-ae aliri koae rupa komalo ara rendaa andapu mealo ara lewa lewa pange na-pi anda para pali wia lisaya. 7Yesumi mo alina angele lialo arare gupi lisaya. Neme puma go ali pua ma-epealua lisaya. 8Monde alimi Yesumi go la ei pangomare gupi lisaya. Andaa alio lisaya. Diae, lisaya. Nee na-epele lisaya. Go peale pa angele komea loma rapae lisaya. Niri nee karu pope nonopi ali diae, lisaya. Pa angele loma rapali eimi manda epedeale angele komea loma rapae, lisaya. 9Akepeare ni pange nee mandana ayo ae lisaya. Ni pange andaa alinuna rolo para ayo, lisaya. Gupuma nina rolo para pange endali mini alinu ao-peme. Neme mana mana lalo ara go alena alia ali para lalo ara pu doandare pelea pange mo alena alia ali para ipu doandare ora ipu pilia. Nina pakama pupudengi nao-aya ali para go au pa doandare ora pao-aya lisaya. 10Yesumi monde alimi go laya ei pangomare rungulu mealo pambala arare monde nipu raluma ipisimiya wenaali parare gupi lisaya. Neme go Isaraeli rupara go alimi kone rulaya rupa kone rulaya ali menda ambe na-andawi, lisaya. 11Neme nimi para la gialo. Wenaali andapu nimumi naare opala naneyame ipuma pange naare pambala nane ipuma Eparame pange Aisake pange Dieikopo pange nimu raayo Godena Ki Rambuao-aya Lena piri mendaa para yawe andaai luma piri enda neleme lisaya. 12Go peapare monde Godena Ki Rambuao-aya andasu para ala pame repaa nimuri Godeme kama nane ralu rumbilia. Go ale para nimumi rendaa andaai mealo arare e andaai loalimi.
13Go lomare Yesumi monde ami ali para lalore gupi lisaya. Anda pue, lisaya. Nena kone rulale auri ora piliae lisaya. Go lisaya leme ande andaa alina pupudengi nao-aisaya alina yainya rana komea randalapa popisaya.
Yesumi wenaali andapu ma-epeaisaya ei
(Maka 1:29-34; Luka 4:38-41)
14Yesu Pidana anda para puma Pidana wenana angi yainya komalo ara anda para pali wena pua andisaya. Nipuri ringi yainyame komisaya. 15Yesumi monde wenana kina waraisayandare ande wenana yainya rana komeasi randalapa popisaya. Go aleme gole ande wena rekoma Yesu enda wamo puma alisaya.
16Gaepame nanere wenaalimi koae remo piri repaa andapu Yesu repara ma-ipisimiya. Yesu nipumi angeleme loma monde koae remonu ralu rumbisaya. Gupuma yainya komisimiya wenaaliri yainya ma-epeala pisaya. 17Nipumi go au pisaya eiri ande poropedi ali Aisayame lisaya ei minyayanda pisaya. Nipuna gole naana yainyanu ma-epeaisaya. Aisayame gupi lisaya eiri ora minyayanda pisaya.
Yesuna kou nane raduame rapisimiya alinuna angele lea ei
(Luka 9:57-62)
18Yesumi nipu kopoliaoma aisimiya wenaali kumburape andalo arare nipumi nipuna kou nane raluaisimiya alinuri mo Galili mone ree nane penaya angele lisaya. 19Go dinare ande Rudule Angele waloaisaya ali menda ipuma Yesu repara gupi epa lisaya. Waloale Alio lisaya. Niri nee pele para polameyanda go lele puma ayondae lisaya. 20Yesumi nipuna angele lialo arare gupi lisaya. Rarane yananuri paliape andanu ao-pea pange yaanuri paliape andanu ao-peapare Alina Si Naki#8:20 Yesu nipuna gole nipuri Alina Si Naki loaya. Go eiri gore Godeme nipu ora puri andaai alo pange nipuna pupudengi andaai nenaya ma-aya ali. komea kaapula ao-paliape andanu pange komenda dia lisaya. 21Ali menda Yesu raluaisaya alimi gupi lisaya. Ririnare na apa komalale na apa ambala ma-korala pono lae lisaya. 22Yesumi go ali parare gupi lisaya. Komaleme wenaalinuri komeme repaame dapa pinyale ni raluma ipue, lisaya.
Yesumi pokiki andaai ma-loraisaya ei
(Maka 4:35-41; Luka 8:22-25)
23Yesu kawaso mendana pua kondo pambisayandare nipuna kou nane raluaisimiya alinuri nipu rapu paisimiya. 24Go aleme gole andaa pokikimi ande ipa waraisaya. Go au pisaya eimi ande kawaso repara kungiduame pi nono pisaya. Go au pisayapare Yesuri u palisaya. 25Ande nipuna kou nane raluaisimiya alinumiri Yesu repara pumare nipu pua ma-rekaisimiya. Go au pulu arare gupi lisimiya. Realio, naa rambameae lisimiya. Naa repara go komalemandae lisimiya. 26Yesumi go lameya ei pangomare gupi lisaya. Nimiri paalame akepea komalemepae lisaya. Nimina kone rulaeme eiri ongeisiyana-ae lisaya. Go angele lomare Yesumi rekoma ara ande pokiki pange ande ipa momogo laapo raidipuna repara angele lisayandare rana komea loraisaya. Gupuma ande ipa pange lewa lewanu na-pisaya.
27Monde alinumi go ei andomare rungulu mealo pambala arare gupi lisimiya. Go aliri ale aliyapae lisimiya. Pokikimi pange ande ipa momogome pange nipuna angele pangaleme ae lisimiya.
Yesumi koae remo piri ali laapo ma-epeaisaya ei
(Maka 5:1-20; Luka 8:26-39)
28Gadara lee anda menda Galili mone reena ae anda para Yesu opopaisaya. Go naarenare ali laapo wenaali komemenda ma-suaeme apenda para aoma Yesu mandaisipiya. Go ali laapore nipuna rupara koae remo pirisaya eimi rendaa rendaa pisipiyandare wenaalinu go porana pamuapere paalame waru komisimiya. 29Go aleme gole monde ali laapome Yesu andomare gupi lisipiya. Godena Nakio, lisipiya. Neeme saa repara ake au puluameyayanda paepae lisipiya. Rendaa nape naare ambia ambe diale ambia ambala saa rendaa gulameyanda paepae lisipiya. 30Go nimu arimiya alenare menanu andapupeme enda nalo aisimiya. 31Monde koae remonumi Yesu kongeyalo arare gupi lisimiya. Naa ralu rumbulua kone wilindare mongo aeme menanuna lo para pida pomono lae lisimiya.
32Yesumi lalore gupi lisaya. Nimina dame nane pulupape lisaya. Go lisayandare ande remonu monde ali laapo giaoma monde menanuna lo para pua pirisimiya. Gupisimiyandare ande menanu raayosi raida nane puma pua ipa no lambe lisimiya.
33Ande menanu andere-aisimiya alinumiri ande menanumi pisimiya ei ando pange ande koae remo pirisaya ali laapo repara pisaya ei andomare mo ree anda nane pumare wenaali raayosi la alari pamisimiya. 34Go ei pangomare monde para palisimiya wenaali raayo Yesu mandala paisimiya. Go ei andomare Yesumi nimuna anda minyapalainya konge lisimiya.
လက်ရှိရွေးချယ်ထားမှု
Madiu 8: POLENT23
အရောင်မှတ်ချက်
မျှဝေရန်
ကူးယူ
မိမိစက်ကိရိယာအားလုံးတွင် မိမိအရောင်ချယ်သောအရာများကို သိမ်းဆည်းထားလိုပါသလား။ စာရင်းသွင်းပါ (သို့) အကောင့်ဝင်လိုက်ပါ
The New Testament in Pole Language of the Southern Highlands. Revised Edition 2023 © Bible Society of Papua New Guinea, 2023.
The New Testament in Pole Language of the Southern Highlands © Bible Society of Papua New Guinea, 1993.
Madiu 8
8
Yesumi kindi yainya ae ali menda ma-epeaisaya ei
(Maka 1:40-45; Luka 5:12-16)
1Yesu raida kolopema ipulu-ainyaloma wenaali andapumi raluma ipisimiya. 2Gupuma ali menda kindi yainya ae ali menda ipuma Yesuna lee wilina epa rumu yaruaoma piri gupi lisaya. Andaa alio, lisaya. Nena rana piliandare ni ma-epe ae, lisaya. 3Yesumi monde ali parare gupi lisaya. Neme go au puluame raname komalole ne epeae lisaya. Go aleme golere ande alina yainya randalapa popisaya. 4Yesumi mo ali parare gupi lisaya. Nee panga lisaya. Mo Gode repara alinau puaya ali repara pumare nipumi nee andenalape ae lisaya. Nena yainya ora perelea lore wenaali raayome andena Gode repara alinau pape. Go eiri ande Mosesimi lisaya rupa.
Romo ali menda endali ripinyi alinuna kalu ali piri alina pupudengi nao-aya ali Yesumi ma-epeaisaya ei
(Luka 7:1-10)
5Yesu Kapeneame anda para opopada-ainyaloma aminuna andaa ali piri ali mendame Yesumi nipu rambaminyayanda Yesu epa konge lisaya. 6Kongeyalo arare mo alimi gupi lisaya. Andaa alio, lisaya. Nina pupudengi nao-ae aliri koae rupa komalo ara rendaa andapu mealo ara lewa lewa pange na-pi anda para pali wia lisaya. 7Yesumi mo alina angele lialo arare gupi lisaya. Neme puma go ali pua ma-epealua lisaya. 8Monde alimi Yesumi go la ei pangomare gupi lisaya. Andaa alio lisaya. Diae, lisaya. Nee na-epele lisaya. Go peale pa angele komea loma rapae lisaya. Niri nee karu pope nonopi ali diae, lisaya. Pa angele loma rapali eimi manda epedeale angele komea loma rapae, lisaya. 9Akepeare ni pange nee mandana ayo ae lisaya. Ni pange andaa alinuna rolo para ayo, lisaya. Gupuma nina rolo para pange endali mini alinu ao-peme. Neme mana mana lalo ara go alena alia ali para lalo ara pu doandare pelea pange mo alena alia ali para ipu doandare ora ipu pilia. Nina pakama pupudengi nao-aya ali para go au pa doandare ora pao-aya lisaya. 10Yesumi monde alimi go laya ei pangomare rungulu mealo pambala arare monde nipu raluma ipisimiya wenaali parare gupi lisaya. Neme go Isaraeli rupara go alimi kone rulaya rupa kone rulaya ali menda ambe na-andawi, lisaya. 11Neme nimi para la gialo. Wenaali andapu nimumi naare opala naneyame ipuma pange naare pambala nane ipuma Eparame pange Aisake pange Dieikopo pange nimu raayo Godena Ki Rambuao-aya Lena piri mendaa para yawe andaai luma piri enda neleme lisaya. 12Go peapare monde Godena Ki Rambuao-aya andasu para ala pame repaa nimuri Godeme kama nane ralu rumbilia. Go ale para nimumi rendaa andaai mealo arare e andaai loalimi.
13Go lomare Yesumi monde ami ali para lalore gupi lisaya. Anda pue, lisaya. Nena kone rulale auri ora piliae lisaya. Go lisaya leme ande andaa alina pupudengi nao-aisaya alina yainya rana komea randalapa popisaya.
Yesumi wenaali andapu ma-epeaisaya ei
(Maka 1:29-34; Luka 4:38-41)
14Yesu Pidana anda para puma Pidana wenana angi yainya komalo ara anda para pali wena pua andisaya. Nipuri ringi yainyame komisaya. 15Yesumi monde wenana kina waraisayandare ande wenana yainya rana komeasi randalapa popisaya. Go aleme gole ande wena rekoma Yesu enda wamo puma alisaya.
16Gaepame nanere wenaalimi koae remo piri repaa andapu Yesu repara ma-ipisimiya. Yesu nipumi angeleme loma monde koae remonu ralu rumbisaya. Gupuma yainya komisimiya wenaaliri yainya ma-epeala pisaya. 17Nipumi go au pisaya eiri ande poropedi ali Aisayame lisaya ei minyayanda pisaya. Nipuna gole naana yainyanu ma-epeaisaya. Aisayame gupi lisaya eiri ora minyayanda pisaya.
Yesuna kou nane raduame rapisimiya alinuna angele lea ei
(Luka 9:57-62)
18Yesumi nipu kopoliaoma aisimiya wenaali kumburape andalo arare nipumi nipuna kou nane raluaisimiya alinuri mo Galili mone ree nane penaya angele lisaya. 19Go dinare ande Rudule Angele waloaisaya ali menda ipuma Yesu repara gupi epa lisaya. Waloale Alio lisaya. Niri nee pele para polameyanda go lele puma ayondae lisaya. 20Yesumi nipuna angele lialo arare gupi lisaya. Rarane yananuri paliape andanu ao-pea pange yaanuri paliape andanu ao-peapare Alina Si Naki#8:20 Yesu nipuna gole nipuri Alina Si Naki loaya. Go eiri gore Godeme nipu ora puri andaai alo pange nipuna pupudengi andaai nenaya ma-aya ali. komea kaapula ao-paliape andanu pange komenda dia lisaya. 21Ali menda Yesu raluaisaya alimi gupi lisaya. Ririnare na apa komalale na apa ambala ma-korala pono lae lisaya. 22Yesumi go ali parare gupi lisaya. Komaleme wenaalinuri komeme repaame dapa pinyale ni raluma ipue, lisaya.
Yesumi pokiki andaai ma-loraisaya ei
(Maka 4:35-41; Luka 8:22-25)
23Yesu kawaso mendana pua kondo pambisayandare nipuna kou nane raluaisimiya alinuri nipu rapu paisimiya. 24Go aleme gole andaa pokikimi ande ipa waraisaya. Go au pisaya eimi ande kawaso repara kungiduame pi nono pisaya. Go au pisayapare Yesuri u palisaya. 25Ande nipuna kou nane raluaisimiya alinumiri Yesu repara pumare nipu pua ma-rekaisimiya. Go au pulu arare gupi lisimiya. Realio, naa rambameae lisimiya. Naa repara go komalemandae lisimiya. 26Yesumi go lameya ei pangomare gupi lisaya. Nimiri paalame akepea komalemepae lisaya. Nimina kone rulaeme eiri ongeisiyana-ae lisaya. Go angele lomare Yesumi rekoma ara ande pokiki pange ande ipa momogo laapo raidipuna repara angele lisayandare rana komea loraisaya. Gupuma ande ipa pange lewa lewanu na-pisaya.
27Monde alinumi go ei andomare rungulu mealo pambala arare gupi lisimiya. Go aliri ale aliyapae lisimiya. Pokikimi pange ande ipa momogome pange nipuna angele pangaleme ae lisimiya.
Yesumi koae remo piri ali laapo ma-epeaisaya ei
(Maka 5:1-20; Luka 8:26-39)
28Gadara lee anda menda Galili mone reena ae anda para Yesu opopaisaya. Go naarenare ali laapo wenaali komemenda ma-suaeme apenda para aoma Yesu mandaisipiya. Go ali laapore nipuna rupara koae remo pirisaya eimi rendaa rendaa pisipiyandare wenaalinu go porana pamuapere paalame waru komisimiya. 29Go aleme gole monde ali laapome Yesu andomare gupi lisipiya. Godena Nakio, lisipiya. Neeme saa repara ake au puluameyayanda paepae lisipiya. Rendaa nape naare ambia ambe diale ambia ambala saa rendaa gulameyanda paepae lisipiya. 30Go nimu arimiya alenare menanu andapupeme enda nalo aisimiya. 31Monde koae remonumi Yesu kongeyalo arare gupi lisimiya. Naa ralu rumbulua kone wilindare mongo aeme menanuna lo para pida pomono lae lisimiya.
32Yesumi lalore gupi lisaya. Nimina dame nane pulupape lisaya. Go lisayandare ande remonu monde ali laapo giaoma monde menanuna lo para pua pirisimiya. Gupisimiyandare ande menanu raayosi raida nane puma pua ipa no lambe lisimiya.
33Ande menanu andere-aisimiya alinumiri ande menanumi pisimiya ei ando pange ande koae remo pirisaya ali laapo repara pisaya ei andomare mo ree anda nane pumare wenaali raayosi la alari pamisimiya. 34Go ei pangomare monde para palisimiya wenaali raayo Yesu mandala paisimiya. Go ei andomare Yesumi nimuna anda minyapalainya konge lisimiya.
လက်ရှိရွေးချယ်ထားမှု
:
အရောင်မှတ်ချက်
မျှဝေရန်
ကူးယူ
မိမိစက်ကိရိယာအားလုံးတွင် မိမိအရောင်ချယ်သောအရာများကို သိမ်းဆည်းထားလိုပါသလား။ စာရင်းသွင်းပါ (သို့) အကောင့်ဝင်လိုက်ပါ
The New Testament in Pole Language of the Southern Highlands. Revised Edition 2023 © Bible Society of Papua New Guinea, 2023.
The New Testament in Pole Language of the Southern Highlands © Bible Society of Papua New Guinea, 1993.