लूका 21
21
गरीब विधवा का दान
(मरकुस 12:41–44)
1फेरी यीशुऐं आँख्खी चाई देख्या, कि सारे अमीर दान पेटिया म अपणा-अपणा दान घाल्या करते हैं। 2अर उसी वक्त उनु एक्की गरीब विधवा कु, ताम्बे के दौ सिक्के घाल्तोड़िया कु देख्या। 3पिछैं यीशुऐं कैहया, “हूँ थमकु साच्चैं कैहता हैं, कि इस गरीब विधवा सारैं थ ज्यादा दान दिया है। 4क्योंकि सारैं आपके घणे धना माहला थोड़ा ही दान दिया, पर इनु आपकिया गरीबिया म भी आपके धना माहला जो काइं इसकै जीवणैं वास्तै थिया वो दान करी दिया।”
परमेश्वरा के भवना के बारे म चर्चा
(मत्ती 24:1,2; मरकुस 13:1,2)
5ओठ्ठी कुछ लोक परमेश्वरा के भवना के बारे म चर्चा करया करे, कि वो कितने आच्छे, अर खूबसूरत पथरैं थ अर दान करोड़ियैं चिज्जैं थ सजाओड़ा है। 6जिधी यीशुऐं कैहया, “वो दिन आउंगड़े, जिद याह सारा काइं जो थम देख्या करते हो, इनकै माहला कोइ भी पत्थर दूसरे पथरा पर कोइ रैहै। या सारा काइं ढाई दिया जाग।”
कळेस अर मुसीबत
(मत्ती 24:3–14; मरकुस 13:3–13)
7उनूर यीशुआ बुझ्झया, “हे गुरू, या सारा काइं किद होग? अर या जो होणैं आळा है, इन बात्तैं कि क्या निशान्नी होग?”
8यीशुऐं उनथै कैहया, “चौकन्ने रहो, कि थमकु कोइ भी भटकाई ना सकै। क्योंकि घणे मेरे नावाँ थ आइकना कैहैंगड़े, ‘हूँ मसीह हैं।’, अर ‘इब वक्त आई गया है।’ पर थम उनकै गैल्लै ना जाइय्यो। 9अर जिद थम लड़ाइंय्यैं अर दंगे होणैं कि चर्चा सुणो, तो घबराई ना जाइय्यो। क्योंकि उनका पैहलै होणा जरूरी है। तोभी उसी वक्त अन्त कोइ होवै।”
10फेरी यीशुऐं उनथै या भी कैहया, “देस्सा पर देस अर राज्जा पर राज चढ़ाई करंगड़े। 11अर बड़े-बड़े भुकंप आँगड़े, जाघ्घा-जाघ्घा काळ अर महामारियाँ पड़ंग, अर आसमान्ना म भैंयकर बात्तां होंगड़ियाँ अर बड़ियाँ निशानियाँ भी दिस्संग। 12पर इन सारीयैं बात्तैं थ पैहलै वो मेरे नावाँ गैल्लै चालणैं थ थमकु पाकड़ंगड़े, अर थमकु सताँगड़े, अर थमकु अराधना भवनै क हवाल्लै करी दैंग, अर जेल्ली म घाल्लंगड़े, अर राजैं अर बड़े अधिकारीयैं क साम्है लेई जाँगड़े। 13पर इन बात्तैं थ थमकु गवाही दैणैं का मौक्का मिलग। 14#लूका 12:11,12इसकरी पैहलै ही आपके-आपके मनैं म या ना सोच्चो, कि हमु बचणैं वास्तै क्या जवाब दैणा है। 15क्योंकि हूँ थमकु ऐस्से बोल अर अकल दैंग कि, थारै खिलाफ बोलणै आळे ना तो थारा मुकाबला करी सकैं, अर ना ही काइं बोल्ली सकैं। 16अर थमकु थारे मा-बाप अर भाई अर रीश्तेदार अर दोस्त भी पकड़वाँग। होर तो होर कई तो थारै माहले मरवाए भी दिये जाँग। 17अर मेरे नावाँ किया वजाह थ सारे लोक थारै थ बैर करंग। 18तोभी थारे सिरा का एक बाळ भी बांक्का कोइन होवै। 19थारे सबर राखणैं थ ही, थम आपकी जान बचाई राक्खंगड़े।
यरुशलेम्मा का नास
(मत्ती 24:15–21; मरकुस 13:14–19)
20“जिद थम यरुशलेम शहरा कु घणीयैं सेना थ घिरोड़ा देक्खो, तो समझी लियो कि उसका नास होणैं का वक्त धौरै ही हैं। 21उस वक्त जो यहूदिया म है, वो पहाड़ैं पर भाज्जी जावैं, अर जो यरुशलेम शहरा क अन्दर होवैं, वो बाहर निकळी जावैं, अर जो गाँवैं म होवैं वो अन्दर ना जावैं। 22क्योंकि ये सज़ा दैणैं के ऐस्से दिन होंग, जिनमै पवित्र वचना कियाँ लिखोड़ीयाँ सारीयाँ बात्तां पूरीया होई जाँग। 23वो दिन गर्भवतीयैं अर दूध-पियावणैं आळीयैं वास्तै भयानक दिन होंग! क्योंकि उन दिनै म धरतिया पर बड़ी मुसीबत पड़ग, अर इन लोक्कैं पर परमेश्वरा का घणा रोष होगड़ा। 24वो सारे तलवारैं कियैं धारैं थ मारे जाँग, अर कैद्दी बणाइकना अलग-अलग देस्सैं म घलाये जाँग। अर जिदा ताइं दुस्सरीयैं जातियैं का वक्त पूरा ना होवै, उस वक्ता ताइं यरुशलेम शहर दुस्सरीयैं जातियैं थ दबाया जागड़ा ।
यीशुआ के पुठ्ठे आवणै कियां निशानियाँ
(मत्ती 24:29–31; मरकुस 13:24–27)
25 #
प्रका 6:12,13 “सूरज चाँद अर तारैं म निशानियाँ दिस्संग, अर समुंद्रैं किया अवाज्जा थ, अर उसकिया लैहरैं के गुंजणैं थ धरतिया के देस्सा-देस्सा के लोक्कैं पर मुसीबत आई पड़ंग अर वो घबराई जाँगड़े। 26दुनिया म आउणैं आळीयैं मुसीबतैं के डरा किया वजाह थ, लोक्कैं के जिया म जी कोइन रैहै, क्योंकि आसमान्नै कियाँ शक्तियाँ हलाइय्याँ जाँग। 27#प्रका 1:7फेरी वो, इन्सान्ना के बेट्टे कु शक्तिया थ, अर घणियाँ बड़ाइय्या थ बादळैं म आवतोड़ा देक्खंगड़े। 28अर जिद ये बात्तां होणैं लाग्गी जावैं, तो थम सिद्धे होइकना#21:28 सिद्धे होइकना सिद्धे होणैं का मतलब हिम्मता थ उब्भे रहिय्यो। आपके सिरैं कु उप्पर#21:28 सिरैं कु उप्पर मतलब भरोस्से थ सिरैं कु चावणा चाइकना देखीयो, क्योंकि थारा छुटकारा थारै नेहड़ै होग।”
अंजीरा के दरखता का उधाहरण
(मत्ती 24:32–35; मरकुस 13:28–31)
29यीशुऐं उनथै या उधाहरण भी कैहया, “अंजीरा के दरखता कु, अर बाक्की सारे दरखतैं वळ देक्खो। 30जिद उनके पत्ते बाहर निकळनै लाग्गी जात्ते हैं, तो थम देक्खिकना समझी जात्ते हो, कि गर्मियैं के दिन धौरै हैं। 31इदा ही, जिद थम इन बात्तैं कु भी होउता देक्खो, तो समझी जाइय्यो, कि परमेश्वरा का राज भी धौरै आई पौंहच्या।
32“हूँ थमकु साच्चैं कैहता हैं, कि जिदा ताइं ये बात्तां पूरीयाँ ना होई जावैं, इस पीढ़िया का अन्त कोइन होवै। 33धरती अर आसमान टळी जाँग, पर मेरीयाँ बात्तां किधी भी कोइन टळैं।
हमेशा त्यार रहो
34“इसकरी ध्यान राक्खो, कि कड़ी थारा मन ऐश करनै म अर पिणैं-प्याणैं म अर जिन्दगियैं किया चिन्तैं म दबी ना जावै, अर वो दिन थारै उप्पर फन्दा बणीकना अचानक आई ना पड़ैं। 35क्योंकि वो दिन इस दुनिया म रैहणैं आळैं पर एक्की फन्दे ज़ू अचानक आई पड़ग। 36इसकरी जगते अर प्रार्थना करते रहो, ताकी आणैं आळीयैं मुसीबतैं थ बचणैं कि ताकत थारै धौर होवै, अर थम इन्सान्ना के बेट्टे क साम्है उब्भे होई सको।”
37 #
लूका 19:47
अर दिना के वक्ता म यीशु परमेश्वरा के भवना म उपदेश देवता थिया, अर रात्ती बाहर जाइकना जैतून नावाँ के पहाड़ा पर रैहता थिया। 38अर सबेरा-सबेरा सारे लोक उसकु सुणणै वास्तै परमेश्वरा के भवना आवते थिये।
လက်ရှိရွေးချယ်ထားမှု
लूका 21: Sansi
အရောင်မှတ်ချက်
မျှဝေရန်
ကူးယူ
မိမိစက်ကိရိယာအားလုံးတွင် မိမိအရောင်ချယ်သောအရာများကို သိမ်းဆည်းထားလိုပါသလား။ စာရင်းသွင်းပါ (သို့) အကောင့်ဝင်လိုက်ပါ
New Life Literature
लूका 21
21
गरीब विधवा का दान
(मरकुस 12:41–44)
1फेरी यीशुऐं आँख्खी चाई देख्या, कि सारे अमीर दान पेटिया म अपणा-अपणा दान घाल्या करते हैं। 2अर उसी वक्त उनु एक्की गरीब विधवा कु, ताम्बे के दौ सिक्के घाल्तोड़िया कु देख्या। 3पिछैं यीशुऐं कैहया, “हूँ थमकु साच्चैं कैहता हैं, कि इस गरीब विधवा सारैं थ ज्यादा दान दिया है। 4क्योंकि सारैं आपके घणे धना माहला थोड़ा ही दान दिया, पर इनु आपकिया गरीबिया म भी आपके धना माहला जो काइं इसकै जीवणैं वास्तै थिया वो दान करी दिया।”
परमेश्वरा के भवना के बारे म चर्चा
(मत्ती 24:1,2; मरकुस 13:1,2)
5ओठ्ठी कुछ लोक परमेश्वरा के भवना के बारे म चर्चा करया करे, कि वो कितने आच्छे, अर खूबसूरत पथरैं थ अर दान करोड़ियैं चिज्जैं थ सजाओड़ा है। 6जिधी यीशुऐं कैहया, “वो दिन आउंगड़े, जिद याह सारा काइं जो थम देख्या करते हो, इनकै माहला कोइ भी पत्थर दूसरे पथरा पर कोइ रैहै। या सारा काइं ढाई दिया जाग।”
कळेस अर मुसीबत
(मत्ती 24:3–14; मरकुस 13:3–13)
7उनूर यीशुआ बुझ्झया, “हे गुरू, या सारा काइं किद होग? अर या जो होणैं आळा है, इन बात्तैं कि क्या निशान्नी होग?”
8यीशुऐं उनथै कैहया, “चौकन्ने रहो, कि थमकु कोइ भी भटकाई ना सकै। क्योंकि घणे मेरे नावाँ थ आइकना कैहैंगड़े, ‘हूँ मसीह हैं।’, अर ‘इब वक्त आई गया है।’ पर थम उनकै गैल्लै ना जाइय्यो। 9अर जिद थम लड़ाइंय्यैं अर दंगे होणैं कि चर्चा सुणो, तो घबराई ना जाइय्यो। क्योंकि उनका पैहलै होणा जरूरी है। तोभी उसी वक्त अन्त कोइ होवै।”
10फेरी यीशुऐं उनथै या भी कैहया, “देस्सा पर देस अर राज्जा पर राज चढ़ाई करंगड़े। 11अर बड़े-बड़े भुकंप आँगड़े, जाघ्घा-जाघ्घा काळ अर महामारियाँ पड़ंग, अर आसमान्ना म भैंयकर बात्तां होंगड़ियाँ अर बड़ियाँ निशानियाँ भी दिस्संग। 12पर इन सारीयैं बात्तैं थ पैहलै वो मेरे नावाँ गैल्लै चालणैं थ थमकु पाकड़ंगड़े, अर थमकु सताँगड़े, अर थमकु अराधना भवनै क हवाल्लै करी दैंग, अर जेल्ली म घाल्लंगड़े, अर राजैं अर बड़े अधिकारीयैं क साम्है लेई जाँगड़े। 13पर इन बात्तैं थ थमकु गवाही दैणैं का मौक्का मिलग। 14#लूका 12:11,12इसकरी पैहलै ही आपके-आपके मनैं म या ना सोच्चो, कि हमु बचणैं वास्तै क्या जवाब दैणा है। 15क्योंकि हूँ थमकु ऐस्से बोल अर अकल दैंग कि, थारै खिलाफ बोलणै आळे ना तो थारा मुकाबला करी सकैं, अर ना ही काइं बोल्ली सकैं। 16अर थमकु थारे मा-बाप अर भाई अर रीश्तेदार अर दोस्त भी पकड़वाँग। होर तो होर कई तो थारै माहले मरवाए भी दिये जाँग। 17अर मेरे नावाँ किया वजाह थ सारे लोक थारै थ बैर करंग। 18तोभी थारे सिरा का एक बाळ भी बांक्का कोइन होवै। 19थारे सबर राखणैं थ ही, थम आपकी जान बचाई राक्खंगड़े।
यरुशलेम्मा का नास
(मत्ती 24:15–21; मरकुस 13:14–19)
20“जिद थम यरुशलेम शहरा कु घणीयैं सेना थ घिरोड़ा देक्खो, तो समझी लियो कि उसका नास होणैं का वक्त धौरै ही हैं। 21उस वक्त जो यहूदिया म है, वो पहाड़ैं पर भाज्जी जावैं, अर जो यरुशलेम शहरा क अन्दर होवैं, वो बाहर निकळी जावैं, अर जो गाँवैं म होवैं वो अन्दर ना जावैं। 22क्योंकि ये सज़ा दैणैं के ऐस्से दिन होंग, जिनमै पवित्र वचना कियाँ लिखोड़ीयाँ सारीयाँ बात्तां पूरीया होई जाँग। 23वो दिन गर्भवतीयैं अर दूध-पियावणैं आळीयैं वास्तै भयानक दिन होंग! क्योंकि उन दिनै म धरतिया पर बड़ी मुसीबत पड़ग, अर इन लोक्कैं पर परमेश्वरा का घणा रोष होगड़ा। 24वो सारे तलवारैं कियैं धारैं थ मारे जाँग, अर कैद्दी बणाइकना अलग-अलग देस्सैं म घलाये जाँग। अर जिदा ताइं दुस्सरीयैं जातियैं का वक्त पूरा ना होवै, उस वक्ता ताइं यरुशलेम शहर दुस्सरीयैं जातियैं थ दबाया जागड़ा ।
यीशुआ के पुठ्ठे आवणै कियां निशानियाँ
(मत्ती 24:29–31; मरकुस 13:24–27)
25 #
प्रका 6:12,13 “सूरज चाँद अर तारैं म निशानियाँ दिस्संग, अर समुंद्रैं किया अवाज्जा थ, अर उसकिया लैहरैं के गुंजणैं थ धरतिया के देस्सा-देस्सा के लोक्कैं पर मुसीबत आई पड़ंग अर वो घबराई जाँगड़े। 26दुनिया म आउणैं आळीयैं मुसीबतैं के डरा किया वजाह थ, लोक्कैं के जिया म जी कोइन रैहै, क्योंकि आसमान्नै कियाँ शक्तियाँ हलाइय्याँ जाँग। 27#प्रका 1:7फेरी वो, इन्सान्ना के बेट्टे कु शक्तिया थ, अर घणियाँ बड़ाइय्या थ बादळैं म आवतोड़ा देक्खंगड़े। 28अर जिद ये बात्तां होणैं लाग्गी जावैं, तो थम सिद्धे होइकना#21:28 सिद्धे होइकना सिद्धे होणैं का मतलब हिम्मता थ उब्भे रहिय्यो। आपके सिरैं कु उप्पर#21:28 सिरैं कु उप्पर मतलब भरोस्से थ सिरैं कु चावणा चाइकना देखीयो, क्योंकि थारा छुटकारा थारै नेहड़ै होग।”
अंजीरा के दरखता का उधाहरण
(मत्ती 24:32–35; मरकुस 13:28–31)
29यीशुऐं उनथै या उधाहरण भी कैहया, “अंजीरा के दरखता कु, अर बाक्की सारे दरखतैं वळ देक्खो। 30जिद उनके पत्ते बाहर निकळनै लाग्गी जात्ते हैं, तो थम देक्खिकना समझी जात्ते हो, कि गर्मियैं के दिन धौरै हैं। 31इदा ही, जिद थम इन बात्तैं कु भी होउता देक्खो, तो समझी जाइय्यो, कि परमेश्वरा का राज भी धौरै आई पौंहच्या।
32“हूँ थमकु साच्चैं कैहता हैं, कि जिदा ताइं ये बात्तां पूरीयाँ ना होई जावैं, इस पीढ़िया का अन्त कोइन होवै। 33धरती अर आसमान टळी जाँग, पर मेरीयाँ बात्तां किधी भी कोइन टळैं।
हमेशा त्यार रहो
34“इसकरी ध्यान राक्खो, कि कड़ी थारा मन ऐश करनै म अर पिणैं-प्याणैं म अर जिन्दगियैं किया चिन्तैं म दबी ना जावै, अर वो दिन थारै उप्पर फन्दा बणीकना अचानक आई ना पड़ैं। 35क्योंकि वो दिन इस दुनिया म रैहणैं आळैं पर एक्की फन्दे ज़ू अचानक आई पड़ग। 36इसकरी जगते अर प्रार्थना करते रहो, ताकी आणैं आळीयैं मुसीबतैं थ बचणैं कि ताकत थारै धौर होवै, अर थम इन्सान्ना के बेट्टे क साम्है उब्भे होई सको।”
37 #
लूका 19:47
अर दिना के वक्ता म यीशु परमेश्वरा के भवना म उपदेश देवता थिया, अर रात्ती बाहर जाइकना जैतून नावाँ के पहाड़ा पर रैहता थिया। 38अर सबेरा-सबेरा सारे लोक उसकु सुणणै वास्तै परमेश्वरा के भवना आवते थिये।
လက်ရှိရွေးချယ်ထားမှု
:
အရောင်မှတ်ချက်
မျှဝေရန်
ကူးယူ
မိမိစက်ကိရိယာအားလုံးတွင် မိမိအရောင်ချယ်သောအရာများကို သိမ်းဆည်းထားလိုပါသလား။ စာရင်းသွင်းပါ (သို့) အကောင့်ဝင်လိုက်ပါ
New Life Literature