Luc 18
18
Tsava éamôkué na gévovi
1Jésus amanyôngéô éékéda aneengie mbe aba na môvinéné gô disambô mbe kabaga adeeda. Amagunya ahngô tsava mbe: 2Gô mbôkepo gômabaka gévovi. Angô asiene Nzambé gomo. Asigobede ta na môma môvo. 3Gô mbôka nene dôta gômadenganô môkué amôgeto. Amakea kuka yetso na gôndé gévovi mbe amôkônzéa ébégôe. Angô mbe: Gévovi, iséda môdudeone ôdôô. 4Ndéô diyekani dimoota, gévovige asinyôngéô ésiséda môdudeone buéyé gamaviga môgeto nône kuka yetso. Gévovi amatasa gô môtémedi mbe: Me tseena Nzambé gomo. Me tsaba n’egobeda éoma. 5Eébéyée nane, môgetone amôkué ôdôô, nagogi n’edi. Nabékônza ébégôe vavigangô kuka yetso kabaga abévéda me. 6Vane Kumu Jésus amatimbôanéda mbe: ?Nôôkiô gavovi gévovige, kaka môma môbévani-a? 7?Na Nzambé kumu étsimama asangookô ane aamugana na gôndé angô na pitsi n’omanda-a? Na Nzambé asangadingéda ékônzea omee wedi amasevôangô mabégôme. 8Nanôbeenda na vede mbe Nzambé asadinga ésiséda adudeoe omedi, na gôéanikéda pégôani. Buéyé nane, ti vangaviga me Muana Amôma na gô tsina ?nangadenga oma aténdéda me, asatsuma ngudi yami paga-a?
Tsava éaMôpharisien na môbongi adepu
9Jésus amagunya tsavane édué gôndé ane ahmabaka n’ebioko. 10Angô mbe: Amôgôô abaé ahmakea na gô eba aNzambé gôévovo na Nzambé. Môvo te Môpharisien. Môvo te môbongi adepu. 11Môpharisien amatema môtie gôévovo na Nzambé mbe: Ah Nzambé, me nagôkuméda mbe tsaba gandé avo oma eesuani, na asaba n’etsimama, na akea gésasô. Me dôta tsaba gandé môbongine adepu ôdôô. 12Me, kuka dibaé tsono épo nakina môyakô gôévovo na éwe Nzambé. Gô éetso édiia me, me neetsa éwe ôkabôe woo. 13Môbongi adepu asiwesea na gô mbene gô eba aNzambé. Asiyeege ébôkaméa. Ivô amadéa, amabômôa mbômedi ameeséda amuene, na amamema mbe: Ah Nzambé eena me ngeba. Me te môma môbévani. 14Jésus angô mbe: Nanôbeenda mbe vandé ahngô abaé, môbongi adepu amanika na gô ebedi amasingéô kokoo na Nzambé. Géé Môpharisien, amanika na gô ebedi gésingéô kokoo. One aabatéda amuene angasugédu. Ivô ône aasugéda amuene, angabatédu.
Jésus ameetsa anéngé mate
(Bono na Matt. 19:13–15, Marc 10:13–16)
15Oma amakea n’anaô, buéyé n’ana agô mabene, na gôndé Jésus mbe akeabanda. N’aneengie ahmadékéda ahngô mbe: Nônakea na gôndé Jésus n’anee. 16Ivô Jésus amavigéda anee na gôndé amuene na amavovo mbe: Tsikani anee anéngé avigéké na gôndé me. Nômbioomba édékéda ahngô. Okumu aNzambé ôndéké gôndé muetso andéké ga anéngé adua. 17Nanôbeenda mbe, na gô pie ône asasinga éengéa na g’ôkumu aNzambé na môtémedi wetso geengéa anéngé, asangeengéa wangô.
Gékiti gémaviga na gôndé Jésus
(Bono na Matt. 19:16–30, Marc 10:17–31)
18Môvo môtômi aAjuif, ameevôa Jésus mbe: Ewe môékédi ôndé ti môékédi amôsôba ?beenda me gôédiia monyo amôbô na môbô neenda nayee? 19Jésus amamôbeenda dôta mbe: ?Oteta me mbe môma amôsôba nayee? Jésus amamônigôa mbe: Gôsaba môma amôsôba buétsé te Nzambé amuene. 20Ewe ôsabômu mige na mitôma miaNzambé mbe: ômbiakea gésasô. Ombiayôha. Ombieesua. Ombiapatéa môma noo. Gobeda yoo na tétoo. 21Mômôgôô nône amaabéa Jésus mbe: Môékédi, me bandôa g’ôanéngé ami, nakenea mige miemi mietso. 22Jésus n’eôkô nane, amamôtôma mbe: Gôndé éwe gôsanéyi ébégô évo. Kiaka sômbédé éetso éndé n’ewe. Obongo dodeye, ôkekabanéa na misuga. Na éwe ôngaba n’okiti g’ôba. 23Vamookô mômôgôô ôgie ône, gédimô sedi gémadita. Môtémedi ômeena panda, gôébégô amabaka n’okiti ôvôni. 24Vameena Jésus gamadita môtémedi, amanigôa mbe: Endé ti édagani gôndé ékiti gôéasugéda anguene gôéengéa g’ôkumu aNzambé. 25Na Jésus amagunya tsava mbe: Endé ti édagani nyama épôni étetu mbe chameau gôédugu gô épôdéké éatsôngi. Eôtéa ti édagani gôndé gékiti gôéengéa g’ôkumu aNzambé. 26Ane amookôni ameevôa Jésus mbe: ?Gôngaba môma angoobogoni-a? 27Jésus amanigôa angô mbe: Ene édagéô môma gôéénda, Nzambé asaédagéô. 28Pierre amavovo n’edi mbe: Aanaka Kumu. We tômatsika éetso, ti we adua. Na tôndé ti gôékea nzéepo n’ewe. 29Jésus amaabéa ahngô mbe: Nanôbeenda na gô pie mbe ône amatsika ebedi na môgayedi n’anayeedi, na yeedi na tétedi na anedi atsika éangô gô inami na gô ina okumu aNzambé, 30angô angootéa édiia gô pitsi yedi. Na gô pitsiye yagô mbene angaba na monyo amôbô na môbô.
Jésus ameevéda éne éamôtatô ôwedi na gédundugéô sedi
(Bono na Matt. 20:17–19, Marc 10:32–34)
31Jésus amakea n’aneengie edi nzima n’abaé. Amanigôa ahngô mbe: Oôkôni édué. Wa n’anyô tôkea na gô Jérusalem. Gône gôngeenanô metso mamavovo apandôédi amatasa maNzambé gôébégô éame, Muana Amôma. 32Nangakabô na gô mogo mane asaneegeda Nzambé. Ahngadeta me. Angatoko me na angatuéa me mate. 33Ahngabita me na mibitô mievongo. Ahngayôha me. Va mbene apitsi dibaé, éne éamôtatô nangakunduga g’ôwa. 34Ivô aneengie ahsinigôgéô ta na pesu éne émavovo Jésus. Mavovia medi ti eembe waanga ôgi, na gémenye mane mamavovo Jésus.
Jésus amadôngéda môsi pogu
(Bono na Matt. 20:29–34, Marc 10:46–52)
35Jésus amatsiga v’etumba éaJéricho. Wangô ameena gékonzo, môsi pogu andé digaa gôédukana va kôbangô anzéa. 36Vamookô môsi pogu géômbége géôta gésookéda, ameevôa ahngô mbe: ?Nôsookéda ndé? 37Oma amamôsupua mbe: One ootani te Jésus môsi Nazareth. 38Vane môsi pogu, amaadôngana mbe: Ewe Jésus, Muana aDavid, eena me ngeba. 39Ane amakiakani amamôdékéda mbe: Kôda. Ivô amoomba éadôngana na gô ngongo mbe: Ewe Muana aDavid, eena me ngeba. 40Jésus amasikama na amavovo mbe: Bambéani me angô. Vamaviga môsi pogu, Jésus amamôévôa mbe: 41?Onyôngéô mbe nagôénda nayee? Môsi pogu angô mbe: Kumu ami, nanyôngéô mbe ôpôéda me miso mema. 42Jésus amamôénda mbe: Pôaka misome. Odôngédiô te gôsitsumewe ngudi yami paga. 43Tsina na tsina amamahnéa. Amakea na Jésus akuméda Nzambé. Géômbége setso gémeena éne émbabuéani na muetso amakuméda Nzambé.
လက်ရှိရွေးချယ်ထားမှု
Luc 18: TSV
အရောင်မှတ်ချက်
မျှဝေရန်
ကူးယူ
မိမိစက်ကိရိယာအားလုံးတွင် မိမိအရောင်ချယ်သောအရာများကို သိမ်းဆည်းထားလိုပါသလား။ စာရင်းသွင်းပါ (သို့) အကောင့်ဝင်လိုက်ပါ
Alliance Biblique du Gabon (Bible Society in Gabon) 1983
Luc 18
18
Tsava éamôkué na gévovi
1Jésus amanyôngéô éékéda aneengie mbe aba na môvinéné gô disambô mbe kabaga adeeda. Amagunya ahngô tsava mbe: 2Gô mbôkepo gômabaka gévovi. Angô asiene Nzambé gomo. Asigobede ta na môma môvo. 3Gô mbôka nene dôta gômadenganô môkué amôgeto. Amakea kuka yetso na gôndé gévovi mbe amôkônzéa ébégôe. Angô mbe: Gévovi, iséda môdudeone ôdôô. 4Ndéô diyekani dimoota, gévovige asinyôngéô ésiséda môdudeone buéyé gamaviga môgeto nône kuka yetso. Gévovi amatasa gô môtémedi mbe: Me tseena Nzambé gomo. Me tsaba n’egobeda éoma. 5Eébéyée nane, môgetone amôkué ôdôô, nagogi n’edi. Nabékônza ébégôe vavigangô kuka yetso kabaga abévéda me. 6Vane Kumu Jésus amatimbôanéda mbe: ?Nôôkiô gavovi gévovige, kaka môma môbévani-a? 7?Na Nzambé kumu étsimama asangookô ane aamugana na gôndé angô na pitsi n’omanda-a? Na Nzambé asangadingéda ékônzea omee wedi amasevôangô mabégôme. 8Nanôbeenda na vede mbe Nzambé asadinga ésiséda adudeoe omedi, na gôéanikéda pégôani. Buéyé nane, ti vangaviga me Muana Amôma na gô tsina ?nangadenga oma aténdéda me, asatsuma ngudi yami paga-a?
Tsava éaMôpharisien na môbongi adepu
9Jésus amagunya tsavane édué gôndé ane ahmabaka n’ebioko. 10Angô mbe: Amôgôô abaé ahmakea na gô eba aNzambé gôévovo na Nzambé. Môvo te Môpharisien. Môvo te môbongi adepu. 11Môpharisien amatema môtie gôévovo na Nzambé mbe: Ah Nzambé, me nagôkuméda mbe tsaba gandé avo oma eesuani, na asaba n’etsimama, na akea gésasô. Me dôta tsaba gandé môbongine adepu ôdôô. 12Me, kuka dibaé tsono épo nakina môyakô gôévovo na éwe Nzambé. Gô éetso édiia me, me neetsa éwe ôkabôe woo. 13Môbongi adepu asiwesea na gô mbene gô eba aNzambé. Asiyeege ébôkaméa. Ivô amadéa, amabômôa mbômedi ameeséda amuene, na amamema mbe: Ah Nzambé eena me ngeba. Me te môma môbévani. 14Jésus angô mbe: Nanôbeenda mbe vandé ahngô abaé, môbongi adepu amanika na gô ebedi amasingéô kokoo na Nzambé. Géé Môpharisien, amanika na gô ebedi gésingéô kokoo. One aabatéda amuene angasugédu. Ivô ône aasugéda amuene, angabatédu.
Jésus ameetsa anéngé mate
(Bono na Matt. 19:13–15, Marc 10:13–16)
15Oma amakea n’anaô, buéyé n’ana agô mabene, na gôndé Jésus mbe akeabanda. N’aneengie ahmadékéda ahngô mbe: Nônakea na gôndé Jésus n’anee. 16Ivô Jésus amavigéda anee na gôndé amuene na amavovo mbe: Tsikani anee anéngé avigéké na gôndé me. Nômbioomba édékéda ahngô. Okumu aNzambé ôndéké gôndé muetso andéké ga anéngé adua. 17Nanôbeenda mbe, na gô pie ône asasinga éengéa na g’ôkumu aNzambé na môtémedi wetso geengéa anéngé, asangeengéa wangô.
Gékiti gémaviga na gôndé Jésus
(Bono na Matt. 19:16–30, Marc 10:17–31)
18Môvo môtômi aAjuif, ameevôa Jésus mbe: Ewe môékédi ôndé ti môékédi amôsôba ?beenda me gôédiia monyo amôbô na môbô neenda nayee? 19Jésus amamôbeenda dôta mbe: ?Oteta me mbe môma amôsôba nayee? Jésus amamônigôa mbe: Gôsaba môma amôsôba buétsé te Nzambé amuene. 20Ewe ôsabômu mige na mitôma miaNzambé mbe: ômbiakea gésasô. Ombiayôha. Ombieesua. Ombiapatéa môma noo. Gobeda yoo na tétoo. 21Mômôgôô nône amaabéa Jésus mbe: Môékédi, me bandôa g’ôanéngé ami, nakenea mige miemi mietso. 22Jésus n’eôkô nane, amamôtôma mbe: Gôndé éwe gôsanéyi ébégô évo. Kiaka sômbédé éetso éndé n’ewe. Obongo dodeye, ôkekabanéa na misuga. Na éwe ôngaba n’okiti g’ôba. 23Vamookô mômôgôô ôgie ône, gédimô sedi gémadita. Môtémedi ômeena panda, gôébégô amabaka n’okiti ôvôni. 24Vameena Jésus gamadita môtémedi, amanigôa mbe: Endé ti édagani gôndé ékiti gôéasugéda anguene gôéengéa g’ôkumu aNzambé. 25Na Jésus amagunya tsava mbe: Endé ti édagani nyama épôni étetu mbe chameau gôédugu gô épôdéké éatsôngi. Eôtéa ti édagani gôndé gékiti gôéengéa g’ôkumu aNzambé. 26Ane amookôni ameevôa Jésus mbe: ?Gôngaba môma angoobogoni-a? 27Jésus amanigôa angô mbe: Ene édagéô môma gôéénda, Nzambé asaédagéô. 28Pierre amavovo n’edi mbe: Aanaka Kumu. We tômatsika éetso, ti we adua. Na tôndé ti gôékea nzéepo n’ewe. 29Jésus amaabéa ahngô mbe: Nanôbeenda na gô pie mbe ône amatsika ebedi na môgayedi n’anayeedi, na yeedi na tétedi na anedi atsika éangô gô inami na gô ina okumu aNzambé, 30angô angootéa édiia gô pitsi yedi. Na gô pitsiye yagô mbene angaba na monyo amôbô na môbô.
Jésus ameevéda éne éamôtatô ôwedi na gédundugéô sedi
(Bono na Matt. 20:17–19, Marc 10:32–34)
31Jésus amakea n’aneengie edi nzima n’abaé. Amanigôa ahngô mbe: Oôkôni édué. Wa n’anyô tôkea na gô Jérusalem. Gône gôngeenanô metso mamavovo apandôédi amatasa maNzambé gôébégô éame, Muana Amôma. 32Nangakabô na gô mogo mane asaneegeda Nzambé. Ahngadeta me. Angatoko me na angatuéa me mate. 33Ahngabita me na mibitô mievongo. Ahngayôha me. Va mbene apitsi dibaé, éne éamôtatô nangakunduga g’ôwa. 34Ivô aneengie ahsinigôgéô ta na pesu éne émavovo Jésus. Mavovia medi ti eembe waanga ôgi, na gémenye mane mamavovo Jésus.
Jésus amadôngéda môsi pogu
(Bono na Matt. 20:29–34, Marc 10:46–52)
35Jésus amatsiga v’etumba éaJéricho. Wangô ameena gékonzo, môsi pogu andé digaa gôédukana va kôbangô anzéa. 36Vamookô môsi pogu géômbége géôta gésookéda, ameevôa ahngô mbe: ?Nôsookéda ndé? 37Oma amamôsupua mbe: One ootani te Jésus môsi Nazareth. 38Vane môsi pogu, amaadôngana mbe: Ewe Jésus, Muana aDavid, eena me ngeba. 39Ane amakiakani amamôdékéda mbe: Kôda. Ivô amoomba éadôngana na gô ngongo mbe: Ewe Muana aDavid, eena me ngeba. 40Jésus amasikama na amavovo mbe: Bambéani me angô. Vamaviga môsi pogu, Jésus amamôévôa mbe: 41?Onyôngéô mbe nagôénda nayee? Môsi pogu angô mbe: Kumu ami, nanyôngéô mbe ôpôéda me miso mema. 42Jésus amamôénda mbe: Pôaka misome. Odôngédiô te gôsitsumewe ngudi yami paga. 43Tsina na tsina amamahnéa. Amakea na Jésus akuméda Nzambé. Géômbége setso gémeena éne émbabuéani na muetso amakuméda Nzambé.
လက်ရှိရွေးချယ်ထားမှု
:
အရောင်မှတ်ချက်
မျှဝေရန်
ကူးယူ
မိမိစက်ကိရိယာအားလုံးတွင် မိမိအရောင်ချယ်သောအရာများကို သိမ်းဆည်းထားလိုပါသလား။ စာရင်းသွင်းပါ (သို့) အကောင့်ဝင်လိုက်ပါ
Alliance Biblique du Gabon (Bible Society in Gabon) 1983