رَسولون اَعمال 2
2
خدا موقدسَه روح آ
1وَقتی کن پِنتیکاسَه عیدی روج آرَستَه، گِرد یَک دِل ایی جِگاکا جَم آبَه بین 2کن ایکَرَ ایی سَسی هِنتَه غَزری سَسی شیوار آستامونیکا آمَه و کَه ایی دِلَکا کن اَیِن نِشت بینَه، کامیل پور آکَردِش. 3اَموقه، آرا رَندی شیوارَ چیی ایی ویندشون کن قسمت بَه و هَر کِرَمی سَردِرِ نِشتَه. 4چَی بَه دومله گِرد خدا موقدسَه روح کا پتلَمَه آبین، اَتَه کن خداروح گف ژِ اینجاری اَیِنِش دوعَه، تا دییَرَ زَبانینَه گَف بژَنن.
5اَ روجونکا، دیندارَ یهودیِن، آستامونی بِنی گِردِ وِلَتونکا، اورشَلیمیکا مند بین. 6وَقتی اِم سَس راست آبَه، مردوم جَم آبینَه و بَرک حَیرون آبین، اِمی خونه کن هَر کِرَم اَوونکا دَرَرَسینَه کن اَیِن چَوون زَبانینَه گَف بَژَن. 7پس حَیرونَه حالینه واتِشون: «مَگَم اِمِن کن گَف بَژَن گِرد جَلیلی شِن نینَّه؟ 8پس چِنتَرَ هَر کِرَم کامون دَرَستِه کن چَمَه ولَتی زَبانینَه گَف بَژَن؟ 9پارتِن و مادِن و عیلامییِن، بین‌النهرین و یهودیه و کاپادوکیه و پونتوس و آسیا 10و فْریجیه و پامفیلیه و مصر و لیبی نواحی اِن کن قیرَوانی شِن بَه و رومی موسافیرِن 11چه یهودی و چه اَیِنی کن یهودی دینِشون قِبول کردیَه؛ و هِنتَرَکِه کْرِت و عربستانی آدَمِن - گِرد کامون دَرَستِه کن اِمِن چَمَه زَبانینَه خدا پور قدرتَه کارونکا گَف بَژَن.» 12پس گِرد حَیرون و تَتَه وَسَه نَه یَندِ اَواجینَه: اِم ایتفاقی مَعنی چِه چیَه؟»
13ولی بَعضی نی بوکَه خوروستِه نَه اَواجین: «اِمِن تازَ شَراوینَه مَستینَه!»
پطروسی پَیغوم پینتیکاسیکا
14اَموقه پِطروس اَ یانزَ نَفَرینَه پِبَه و اِشتَن سَسی چَوون طرف راست آکَردِشَه، واتِشَ:«اَی یَهودیِن و اَی کَسِنی کن اورشَلیمیکا بَمَندیرون، اِمی بِفَهمَه و اَ چیی ایی کن اَز باتیم دیقَتینَه گوش آکَرَ! 15اِم مِردِن، بَر عسک اَ چیی کن شِمَه فکر بَکَرون مَست نینَّه، اِمی خونِه کن هَنوزَنی ساعت نَه اِ صِبَه! 16بَلکَم اِم هَیَه کن یوئیل پَیغَمبَر چَی خونِه اِنتَرَ پیش گویی کَردَش بَه کن:
17«”خدا باتی: آخِرین روجون دِلَکا
اِشتَن روح کا گِردِ آدَمون سَردِرِ ویمَکَرد.
شِمَه زوعَه اِن و کِلَه اِن، پیشگویی بَکَنَه،
شِمَه جَوانِن رؤیااون بَویندینَه
و شِمَه پیرَ آدَمِن خاوِن بَویندین
18اَ روجون دِلَه،
حتی وَزیَرِن وکَنیزون سَردِرِ نی،
اِشتَن روح کا ویمَکَرد
و اَیِن پیشگویی بَکَنَه.
19کَفا، آستامونونکا، عَجیبَه چییِن،
و بنیکا، زَمینی سَردِرِ، نِشونَه اِن اَیر آمَکَرد،
خون و آرا و دو کا.
20خداوندی یال و پُرشکوه جلالی روجی آمِه بَه نَه،
آختاو ظِلَمات بَبی
و مانگ خونی شیوار سِر بَبیَه.
21اَموقه هَر کَم خداوندی نومی خِلِه بکَرِ، نیجات پَیدا بَکَی.“
22«اَی یهودی آدَمِن، اِمی گوش آدَرَ: هَتَه کن شِمَه بَموستیرون، عیسای ناصِری مِردی بَه کن خدا، موجیزَاون و عَجیبَه چییون و نِشونه اون چَی بالینَه شِمَه دِلَکا اَیر آکَردِشَه و شاهیدی داشَه کن اَ حَقیقَته. 23اَ عیسی، خدا ایرادَ و نقشَه واتنَه شمَه دست تسلیم آبَه و شِمَه، آوشرَ بالینَه اَی صلیبی سَر جیبَستِرون وکِشتِرون. 24خدا بَی مَرگی عذابونکا اَراخِمونیشَه، و بَی زندَ آکَردِش، اِمی خونه کن مَحال بَه مَرگ بِشا بَی اِشتَن چینگیکا غَم بَرِ. 25هَته کن داوود پادیشا عیسی خونِه باتی:
«”خداوندی اوزون اِشتَن نَ کا ویندَمَه،
اِمی خونه کن اَ چمن راستَه وَریکا مَندَ تا جیمَپَرکم.
26اِمی خاطِر چمن دِل خَشَه و چمن زون خَشیکارَ؛
و چمن جَندَک نی اُمیدی دِلَکا بَمَندیَه.
27اِمی خونه کن تِه چمن جانی مردَاون دنیاکا آنیَرزی،
و نیَرزی اِشتِه اینتخاب آبَه جندَک پوستَه آبو.
28تِه زَندَگی راهون بَمن آموج آدوعَرَ،
و اِشتَن حِضورینَه، خَشیکا بَمن پتلَمه آشَکَرد.“
29«برا اِن، بَشام اِطمینانینَه بَشِمَه بِواجِم کن چَمَه بابا داوودپادیشا هِم مَردَ و هِم دَفِن بَه و چَی تِربَه نی تا ایسَه اَمنَه مَندَ یَه. 30داوود ایلَه پَیغمبَر بَه و اَزنیَه خدا چَیرا قَسَم هَردَشَه کن ایی نفر چَی نَتاجیکا چَی سَلطَنَتی تَختی سَردِرِ بِنشامونِه. 31داوود کن نارتَر آیَندَ ویندَش بَه، مَسیح زندَ آبه خونِه واتِش کن چَی جان مردَاون دِنیا دلَکا نییَمَند و چَی جندَک پوستَه آنیَبن. 32خدا، هِم عیساش زندَ آکَردَ و اَمه گِرد چَی شاهیدیمونَه. 33عیسی خدا راستَه بالی طَرَفیراشون کفا بَردَ و اَ آستامونیَه دَدَکا، خدا موقدسَه روح کن وَعدَ آدوعَش بَه ویگَتِش و چَمه سَردِرِ ویکَردِش، هِم کن ایسَه بَویندیرون و کان دَرَستِه. 34اِمی خونِه کن داوود پادیشا اِشتَن، آستامونونرا کَفا نِشَه، ولی هَه اِشتَن واتِش:
«”خداوند چمِن خداوندیش واتَه:
چِمِن راستَه بالی طَرَفیکا بِنِش
35تا اَ هَنگوم کن اِشتِه غَنیمون اِشتِه لِنگون بنیکا بَرَفَنِم.“»
36«پس اَی گردِ یهودی قام، یَقین بِزنَه کن خدا هِم عیساش کن شِمَه اَی صَلیبی سَردِرِ جیبَستِرون، هِم خداوند و هِم وعدَ آدوعَه مسیح آکَردَشَه.»
37وَقتی اِمی دَرَستِشون، هنتَه اِمی اَمونیَه کن چَوون دِلیکا خنجر ویخاستِشون و پِطروسی و دییَرَ رَسولِنِشون واتَه: «برا اِن، ایسَه چَبکَرَم؟»
38پِطروس اَیِنِش واته: «توبَه بکَرَ و هَر کِرَم شِمَکا، عیسی مَسیح نومینَه شِمَه گِناخون بخشِستِه خونِه غسل تَعمید بیگِرَ وخِدا موقَدَسَه روح عطا بَگَتیرونَه. 39اِمی خونه کن اِم وَعدَ شِمَرا و شِمَه خِردَنونرا و گِردِ اَیِنیرا اَ کن دورینَه، یَعنی هرکَمی کن چَمَه خداوند خدا بَی اِشتَن وَر خِلِه بکَرِ.»
40پِطروس دییَرَ وِرَ گَفونَّه شاهیدی داشَه واَیِنِش تشویقِش کردَ، و واتِش: «بَشتَن اِم اودومیکا کن شتَه راه کا کان شِه نیجات بدَرَ!» 41پس اَینی کن پطروسی پَیغومی قِبول کَردِشونَه غسل تَعمید گَتِشون. هَهَ روجیکا حِدودِ سِه هَزار نَفَر چَوون جَمعیکا ایضاف آبینَه.
ایماندارون زندَگی
42اَیِن بَشتَن روَسولونکا آموج گَته و دییَرَ ایماندارونَّه موشاریکت کَردِ و نونی پسَه کردِ و دِوا کردِ را وقف کردشون. 43گِرد حَیرون و مات آبَه بین، اِمی خونه کن عَجیبَه چییِن و نِشونَه اِن رسولون بالینَه اَنجوم آرَبیَه. 44ایماندارِن گِرد یَندِنَه یَک دِل بینَه و گِردِ چییون دِلَکا شَریک بین. 45اِشتَن مال و مَنالی اَخِرَشینَه و چَی پولی هَر کَسی نیازی اَندازَ، گِردی دِلَکا رَسَت اَکَرین. 46اَیِن هَمه روج، مَعبَدیکا یندِنَه جَم آرَبین و اِشتَن کَه دِلَکا نی نونی پِسه اَکَرین و خَشینه و دستو دلبازی نَه یَندِنَه غذا هَرین 47و خدا ستایش اَکَرین. گِردِ آدَمِن اَوون ایحترام اَنَرینه؛ و خداوند هَمَه روج اَیِنی کن نجات پَیدا اَکَرینَه چَوون جَمعیکا ایضاف آکَریَه.
လက်ရှိရွေးချယ်ထားမှု
رَسولون اَعمال 2: CTB
အရောင်မှတ်ချက်
မျှဝေရန်
ကူးယူ
မိမိစက်ကိရိယာအားလုံးတွင် မိမိအရောင်ချယ်သောအရာများကို သိမ်းဆည်းထားလိုပါသလား။ စာရင်းသွင်းပါ (သို့) အကောင့်ဝင်လိုက်ပါ
@ 2024 Korpu Company
رَسولون اَعمال 2
2
خدا موقدسَه روح آ
1وَقتی کن پِنتیکاسَه عیدی روج آرَستَه، گِرد یَک دِل ایی جِگاکا جَم آبَه بین 2کن ایکَرَ ایی سَسی هِنتَه غَزری سَسی شیوار آستامونیکا آمَه و کَه ایی دِلَکا کن اَیِن نِشت بینَه، کامیل پور آکَردِش. 3اَموقه، آرا رَندی شیوارَ چیی ایی ویندشون کن قسمت بَه و هَر کِرَمی سَردِرِ نِشتَه. 4چَی بَه دومله گِرد خدا موقدسَه روح کا پتلَمَه آبین، اَتَه کن خداروح گف ژِ اینجاری اَیِنِش دوعَه، تا دییَرَ زَبانینَه گَف بژَنن.
5اَ روجونکا، دیندارَ یهودیِن، آستامونی بِنی گِردِ وِلَتونکا، اورشَلیمیکا مند بین. 6وَقتی اِم سَس راست آبَه، مردوم جَم آبینَه و بَرک حَیرون آبین، اِمی خونه کن هَر کِرَم اَوونکا دَرَرَسینَه کن اَیِن چَوون زَبانینَه گَف بَژَن. 7پس حَیرونَه حالینه واتِشون: «مَگَم اِمِن کن گَف بَژَن گِرد جَلیلی شِن نینَّه؟ 8پس چِنتَرَ هَر کِرَم کامون دَرَستِه کن چَمَه ولَتی زَبانینَه گَف بَژَن؟ 9پارتِن و مادِن و عیلامییِن، بین‌النهرین و یهودیه و کاپادوکیه و پونتوس و آسیا 10و فْریجیه و پامفیلیه و مصر و لیبی نواحی اِن کن قیرَوانی شِن بَه و رومی موسافیرِن 11چه یهودی و چه اَیِنی کن یهودی دینِشون قِبول کردیَه؛ و هِنتَرَکِه کْرِت و عربستانی آدَمِن - گِرد کامون دَرَستِه کن اِمِن چَمَه زَبانینَه خدا پور قدرتَه کارونکا گَف بَژَن.» 12پس گِرد حَیرون و تَتَه وَسَه نَه یَندِ اَواجینَه: اِم ایتفاقی مَعنی چِه چیَه؟»
13ولی بَعضی نی بوکَه خوروستِه نَه اَواجین: «اِمِن تازَ شَراوینَه مَستینَه!»
پطروسی پَیغوم پینتیکاسیکا
14اَموقه پِطروس اَ یانزَ نَفَرینَه پِبَه و اِشتَن سَسی چَوون طرف راست آکَردِشَه، واتِشَ:«اَی یَهودیِن و اَی کَسِنی کن اورشَلیمیکا بَمَندیرون، اِمی بِفَهمَه و اَ چیی ایی کن اَز باتیم دیقَتینَه گوش آکَرَ! 15اِم مِردِن، بَر عسک اَ چیی کن شِمَه فکر بَکَرون مَست نینَّه، اِمی خونِه کن هَنوزَنی ساعت نَه اِ صِبَه! 16بَلکَم اِم هَیَه کن یوئیل پَیغَمبَر چَی خونِه اِنتَرَ پیش گویی کَردَش بَه کن:
17«”خدا باتی: آخِرین روجون دِلَکا
اِشتَن روح کا گِردِ آدَمون سَردِرِ ویمَکَرد.
شِمَه زوعَه اِن و کِلَه اِن، پیشگویی بَکَنَه،
شِمَه جَوانِن رؤیااون بَویندینَه
و شِمَه پیرَ آدَمِن خاوِن بَویندین
18اَ روجون دِلَه،
حتی وَزیَرِن وکَنیزون سَردِرِ نی،
اِشتَن روح کا ویمَکَرد
و اَیِن پیشگویی بَکَنَه.
19کَفا، آستامونونکا، عَجیبَه چییِن،
و بنیکا، زَمینی سَردِرِ، نِشونَه اِن اَیر آمَکَرد،
خون و آرا و دو کا.
20خداوندی یال و پُرشکوه جلالی روجی آمِه بَه نَه،
آختاو ظِلَمات بَبی
و مانگ خونی شیوار سِر بَبیَه.
21اَموقه هَر کَم خداوندی نومی خِلِه بکَرِ، نیجات پَیدا بَکَی.“
22«اَی یهودی آدَمِن، اِمی گوش آدَرَ: هَتَه کن شِمَه بَموستیرون، عیسای ناصِری مِردی بَه کن خدا، موجیزَاون و عَجیبَه چییون و نِشونه اون چَی بالینَه شِمَه دِلَکا اَیر آکَردِشَه و شاهیدی داشَه کن اَ حَقیقَته. 23اَ عیسی، خدا ایرادَ و نقشَه واتنَه شمَه دست تسلیم آبَه و شِمَه، آوشرَ بالینَه اَی صلیبی سَر جیبَستِرون وکِشتِرون. 24خدا بَی مَرگی عذابونکا اَراخِمونیشَه، و بَی زندَ آکَردِش، اِمی خونه کن مَحال بَه مَرگ بِشا بَی اِشتَن چینگیکا غَم بَرِ. 25هَته کن داوود پادیشا عیسی خونِه باتی:
«”خداوندی اوزون اِشتَن نَ کا ویندَمَه،
اِمی خونه کن اَ چمن راستَه وَریکا مَندَ تا جیمَپَرکم.
26اِمی خاطِر چمن دِل خَشَه و چمن زون خَشیکارَ؛
و چمن جَندَک نی اُمیدی دِلَکا بَمَندیَه.
27اِمی خونه کن تِه چمن جانی مردَاون دنیاکا آنیَرزی،
و نیَرزی اِشتِه اینتخاب آبَه جندَک پوستَه آبو.
28تِه زَندَگی راهون بَمن آموج آدوعَرَ،
و اِشتَن حِضورینَه، خَشیکا بَمن پتلَمه آشَکَرد.“
29«برا اِن، بَشام اِطمینانینَه بَشِمَه بِواجِم کن چَمَه بابا داوودپادیشا هِم مَردَ و هِم دَفِن بَه و چَی تِربَه نی تا ایسَه اَمنَه مَندَ یَه. 30داوود ایلَه پَیغمبَر بَه و اَزنیَه خدا چَیرا قَسَم هَردَشَه کن ایی نفر چَی نَتاجیکا چَی سَلطَنَتی تَختی سَردِرِ بِنشامونِه. 31داوود کن نارتَر آیَندَ ویندَش بَه، مَسیح زندَ آبه خونِه واتِش کن چَی جان مردَاون دِنیا دلَکا نییَمَند و چَی جندَک پوستَه آنیَبن. 32خدا، هِم عیساش زندَ آکَردَ و اَمه گِرد چَی شاهیدیمونَه. 33عیسی خدا راستَه بالی طَرَفیراشون کفا بَردَ و اَ آستامونیَه دَدَکا، خدا موقدسَه روح کن وَعدَ آدوعَش بَه ویگَتِش و چَمه سَردِرِ ویکَردِش، هِم کن ایسَه بَویندیرون و کان دَرَستِه. 34اِمی خونِه کن داوود پادیشا اِشتَن، آستامونونرا کَفا نِشَه، ولی هَه اِشتَن واتِش:
«”خداوند چمِن خداوندیش واتَه:
چِمِن راستَه بالی طَرَفیکا بِنِش
35تا اَ هَنگوم کن اِشتِه غَنیمون اِشتِه لِنگون بنیکا بَرَفَنِم.“»
36«پس اَی گردِ یهودی قام، یَقین بِزنَه کن خدا هِم عیساش کن شِمَه اَی صَلیبی سَردِرِ جیبَستِرون، هِم خداوند و هِم وعدَ آدوعَه مسیح آکَردَشَه.»
37وَقتی اِمی دَرَستِشون، هنتَه اِمی اَمونیَه کن چَوون دِلیکا خنجر ویخاستِشون و پِطروسی و دییَرَ رَسولِنِشون واتَه: «برا اِن، ایسَه چَبکَرَم؟»
38پِطروس اَیِنِش واته: «توبَه بکَرَ و هَر کِرَم شِمَکا، عیسی مَسیح نومینَه شِمَه گِناخون بخشِستِه خونِه غسل تَعمید بیگِرَ وخِدا موقَدَسَه روح عطا بَگَتیرونَه. 39اِمی خونه کن اِم وَعدَ شِمَرا و شِمَه خِردَنونرا و گِردِ اَیِنیرا اَ کن دورینَه، یَعنی هرکَمی کن چَمَه خداوند خدا بَی اِشتَن وَر خِلِه بکَرِ.»
40پِطروس دییَرَ وِرَ گَفونَّه شاهیدی داشَه واَیِنِش تشویقِش کردَ، و واتِش: «بَشتَن اِم اودومیکا کن شتَه راه کا کان شِه نیجات بدَرَ!» 41پس اَینی کن پطروسی پَیغومی قِبول کَردِشونَه غسل تَعمید گَتِشون. هَهَ روجیکا حِدودِ سِه هَزار نَفَر چَوون جَمعیکا ایضاف آبینَه.
ایماندارون زندَگی
42اَیِن بَشتَن روَسولونکا آموج گَته و دییَرَ ایماندارونَّه موشاریکت کَردِ و نونی پسَه کردِ و دِوا کردِ را وقف کردشون. 43گِرد حَیرون و مات آبَه بین، اِمی خونه کن عَجیبَه چییِن و نِشونَه اِن رسولون بالینَه اَنجوم آرَبیَه. 44ایماندارِن گِرد یَندِنَه یَک دِل بینَه و گِردِ چییون دِلَکا شَریک بین. 45اِشتَن مال و مَنالی اَخِرَشینَه و چَی پولی هَر کَسی نیازی اَندازَ، گِردی دِلَکا رَسَت اَکَرین. 46اَیِن هَمه روج، مَعبَدیکا یندِنَه جَم آرَبین و اِشتَن کَه دِلَکا نی نونی پِسه اَکَرین و خَشینه و دستو دلبازی نَه یَندِنَه غذا هَرین 47و خدا ستایش اَکَرین. گِردِ آدَمِن اَوون ایحترام اَنَرینه؛ و خداوند هَمَه روج اَیِنی کن نجات پَیدا اَکَرینَه چَوون جَمعیکا ایضاف آکَریَه.
လက်ရှိရွေးချယ်ထားမှု
:
အရောင်မှတ်ချက်
မျှဝေရန်
ကူးယူ
မိမိစက်ကိရိယာအားလုံးတွင် မိမိအရောင်ချယ်သောအရာများကို သိမ်းဆည်းထားလိုပါသလား။ စာရင်းသွင်းပါ (သို့) အကောင့်ဝင်လိုက်ပါ
@ 2024 Korpu Company