JON 2
2
Kana Arongsopi Along Piso Kepangri
1Nini aphi Galili adet, Kana arong-sopi along piso kepangri dolo. Jisu apeita hadak dunlo, 2lapen Jisu asangho atum aphanta piso kepangri along phalo. 3Drakha ahorlang ikdetsi Jisu apei Jisu aphan pulo, “Hor iktang-lo.”
4Jisu thakdunsi pulo, “Sarpi neli pisi klem nangjima, lake nangli neliphan nethan nangne. Neli keklemji ahut nanglelelang.”
5Ansi Meri ban atum aphan pulo, “Alangli nanglitum aphan nangkepu alingle klemnon.”
6Jihudi atum aron atang pen keche-pangthir nangji aron do. Lasi labangso akam aphansi hadak lang kepangpen-i arlong ahing pumthrok bilo. Labangso ahing apumtinta litar pharo isi anbak jang. 7Ban atum aphan Jisu pulo, “La hing do-an lang pangpennon.” Halatum la do-an kungmairi an lang pangpenlo. 8Labangso aphi alangli halatum aphan pulo, “Nonke la hing arlo pen lang sok-ra chojun amei kechepahemphu abang along ponnon.” Ansi halatum alangli long lang ponlo. 9Anke labangso alang drakha ahorlang cheplangdet-lo. Alangli la chomat-lo, lapen labangso ahor konat pensi nangkedokok-loma, lake alangli chininedet-lo. Bonta hala lang kesok aban atum ke la chinilo. Lasi alangli hala piso kechepangri apinso aphan hangdetsi pulo, 10“Abangphutin amonitta akemenei adrakha ahorlangsi pi paphrangji, lapen alohi atum junpik aphisi akelam muchot adrakha ahorlang piji. Bonta nangke non anta akemenei adrakha ahorlang bibomlang!”
11Galili adet, Kana arongsopi alongsi Jisu la aphrangsi kemanghumeme akam klemlo. Hadak alangli amethang adak atur chepaklang-lo, lapen asangho atum alangliphan kroilo.
12Labangso aphi Jisu, apei, akorte atum lapen asangho atum Kapernaum arongsopi hirdamlo. Bonta hadak arni keding dodedet-lo.#Mat 4.13
Jisu Kardomhemthepi Kedam
(Mat 21.12-13; Mar 11.15-17; Luk 19.45-46)
13Jihudi atum Kejok achojun a-Meipi tebok-het-lo apotsi Jisu Jeru-salem arongsopi arludamlo.#Keba 12.1-27 14Monit atum Kardomhemthepi Kangthir along chainong, biresak, lapen vothung hei hei kejor, lapen tangka kelar atum amethang methang atebul adung kangnikrei alangli thek-long-lo. 15Lasi alangli phamri pen champre abu selamsi kadokave api, atheke chainong lapen atebul hei hei tharlepisi halatum atangka hijikpi-et-lo, 16lapen vothung kejor atum aphan alangli hukum pisi pulo, “Lahei hei ladak pen ponnon! Ne-Po ahem kejor kenam adim pinchongri!” 17Ansi hastro along ketok alam, atheke “O Arnam, ne nanghem aphan kematha-e ke me kecho asonthak thak-lo,” pu alam alangli sangho atum chemathadamlo.#Lun 69.9
18Jihudi atum angbong keja atum alangli long vangthusi alangliphan arjulo, “Nangli lahei hei akemang-humeme akam keklemji ajakong do pu angthek nekepaklangji aphan nangli kopipi akemanghumeme akam klemthekma?”
19Jisu thakdunsi pulo, “Labangso a-Kardomhemthepi phridaknon, lapen neli la nithom angbong kimthupo.”#Mat 26.61; 27.40; Mar 14.58; 15.29
20Halatum alangliphan arjuthulo, “Labangso a-Kardomhemthepi kekim ningkan phlikep-ra throk an nang-lo. Nangli la nithom angbong kim patang unjima?”
21Bonta Kardomhemthepi pu Jisu kepudam ke alangli methang abang arpum aphansi chepudamlo. 22Lasi Jisu aphan kethi pen parengthusi pathurdet aphi alangli sangho atum la alangli kepu alam chemathadamlo, lapen halatum hastro alam lapen Jisu kepu alamta kroilo.
Jisu Monit Aning Arlo Kematha Alam Chini
23Jihudi atum Kejok Achojun a-Meipi ahut Jerusalem arongsopi along Jisu keklem, akemanghumeme akam hei hei thek-longsi ake-ongpi atum alangliphan kroilo. 24Bonta Jisu amethang ke halatum aphan aning thethedet-lo, pima alangli halatum kadokave aphan chinilo. 25Komane abang halatum alamjir alangliphan than nangji, lapu kali; pima alangli methangsi halatum aning arlo kematha alam an chinipet-lo.
လက်ရှိရွေးချယ်ထားမှု
JON 2: KARBIBSI
အရောင်မှတ်ချက်
မျှဝေရန်
ကူးယူ
မိမိစက်ကိရိယာအားလုံးတွင် မိမိအရောင်ချယ်သောအရာများကို သိမ်းဆည်းထားလိုပါသလား။ စာရင်းသွင်းပါ (သို့) အကောင့်ဝင်လိုက်ပါ
Karbi Holy Bible © Bible Society of India, 2010.
Used by permission. All rights reserved worldwide.
JON 2
2
Kana Arongsopi Along Piso Kepangri
1Nini aphi Galili adet, Kana arong-sopi along piso kepangri dolo. Jisu apeita hadak dunlo, 2lapen Jisu asangho atum aphanta piso kepangri along phalo. 3Drakha ahorlang ikdetsi Jisu apei Jisu aphan pulo, “Hor iktang-lo.”
4Jisu thakdunsi pulo, “Sarpi neli pisi klem nangjima, lake nangli neliphan nethan nangne. Neli keklemji ahut nanglelelang.”
5Ansi Meri ban atum aphan pulo, “Alangli nanglitum aphan nangkepu alingle klemnon.”
6Jihudi atum aron atang pen keche-pangthir nangji aron do. Lasi labangso akam aphansi hadak lang kepangpen-i arlong ahing pumthrok bilo. Labangso ahing apumtinta litar pharo isi anbak jang. 7Ban atum aphan Jisu pulo, “La hing do-an lang pangpennon.” Halatum la do-an kungmairi an lang pangpenlo. 8Labangso aphi alangli halatum aphan pulo, “Nonke la hing arlo pen lang sok-ra chojun amei kechepahemphu abang along ponnon.” Ansi halatum alangli long lang ponlo. 9Anke labangso alang drakha ahorlang cheplangdet-lo. Alangli la chomat-lo, lapen labangso ahor konat pensi nangkedokok-loma, lake alangli chininedet-lo. Bonta hala lang kesok aban atum ke la chinilo. Lasi alangli hala piso kechepangri apinso aphan hangdetsi pulo, 10“Abangphutin amonitta akemenei adrakha ahorlangsi pi paphrangji, lapen alohi atum junpik aphisi akelam muchot adrakha ahorlang piji. Bonta nangke non anta akemenei adrakha ahorlang bibomlang!”
11Galili adet, Kana arongsopi alongsi Jisu la aphrangsi kemanghumeme akam klemlo. Hadak alangli amethang adak atur chepaklang-lo, lapen asangho atum alangliphan kroilo.
12Labangso aphi Jisu, apei, akorte atum lapen asangho atum Kapernaum arongsopi hirdamlo. Bonta hadak arni keding dodedet-lo.#Mat 4.13
Jisu Kardomhemthepi Kedam
(Mat 21.12-13; Mar 11.15-17; Luk 19.45-46)
13Jihudi atum Kejok achojun a-Meipi tebok-het-lo apotsi Jisu Jeru-salem arongsopi arludamlo.#Keba 12.1-27 14Monit atum Kardomhemthepi Kangthir along chainong, biresak, lapen vothung hei hei kejor, lapen tangka kelar atum amethang methang atebul adung kangnikrei alangli thek-long-lo. 15Lasi alangli phamri pen champre abu selamsi kadokave api, atheke chainong lapen atebul hei hei tharlepisi halatum atangka hijikpi-et-lo, 16lapen vothung kejor atum aphan alangli hukum pisi pulo, “Lahei hei ladak pen ponnon! Ne-Po ahem kejor kenam adim pinchongri!” 17Ansi hastro along ketok alam, atheke “O Arnam, ne nanghem aphan kematha-e ke me kecho asonthak thak-lo,” pu alam alangli sangho atum chemathadamlo.#Lun 69.9
18Jihudi atum angbong keja atum alangli long vangthusi alangliphan arjulo, “Nangli lahei hei akemang-humeme akam keklemji ajakong do pu angthek nekepaklangji aphan nangli kopipi akemanghumeme akam klemthekma?”
19Jisu thakdunsi pulo, “Labangso a-Kardomhemthepi phridaknon, lapen neli la nithom angbong kimthupo.”#Mat 26.61; 27.40; Mar 14.58; 15.29
20Halatum alangliphan arjuthulo, “Labangso a-Kardomhemthepi kekim ningkan phlikep-ra throk an nang-lo. Nangli la nithom angbong kim patang unjima?”
21Bonta Kardomhemthepi pu Jisu kepudam ke alangli methang abang arpum aphansi chepudamlo. 22Lasi Jisu aphan kethi pen parengthusi pathurdet aphi alangli sangho atum la alangli kepu alam chemathadamlo, lapen halatum hastro alam lapen Jisu kepu alamta kroilo.
Jisu Monit Aning Arlo Kematha Alam Chini
23Jihudi atum Kejok Achojun a-Meipi ahut Jerusalem arongsopi along Jisu keklem, akemanghumeme akam hei hei thek-longsi ake-ongpi atum alangliphan kroilo. 24Bonta Jisu amethang ke halatum aphan aning thethedet-lo, pima alangli halatum kadokave aphan chinilo. 25Komane abang halatum alamjir alangliphan than nangji, lapu kali; pima alangli methangsi halatum aning arlo kematha alam an chinipet-lo.
လက်ရှိရွေးချယ်ထားမှု
:
အရောင်မှတ်ချက်
မျှဝေရန်
ကူးယူ
မိမိစက်ကိရိယာအားလုံးတွင် မိမိအရောင်ချယ်သောအရာများကို သိမ်းဆည်းထားလိုပါသလား။ စာရင်းသွင်းပါ (သို့) အကောင့်ဝင်လိုက်ပါ
Karbi Holy Bible © Bible Society of India, 2010.
Used by permission. All rights reserved worldwide.