Kivunjo - 1999 Edition (NT)

<div class="version vid1812 iso6393vun" data-vid="1812" data-iso6393="vun">
 <div class="book bkLUK">
 <div class="chapter ch19" data-usfm="LUK.19">
 <div class="label">19</div><div class="s">Yesu na Sakayo</div><div class="p"> 1Na oe kyiyeri alei&#7769;a na Yeriko, nalei&#7769;a makyi&#7769;i-gawi ga m&#7775;i-cho. 2Na hawewo&#7769;e mndu ekyelago Sakayo, msongoru umwi kyii&#7769;i kya wesania ukamba, na oe nyi mnjama. 3Ichu naweipfula iwona Yesu nyi mndu o mba&#7775;e iha, alai&#7769;ime kyipfa kya wuingyi wo wandu, kyipfa nawemfuhi. 4Kasonguo e&#7769;icha, ka&#7769;ooya mkuunyi nai&#7769;ime immbona, cha kyipfa Yesu nawechei&#7769;ia njia iya. 5Na kyiyeri Yesu aleshika handu halya, naleambuya wuye, kammbia, &#8220;Sakayo, soka iwinyi, cha kyipfa inu kyangyikooya itsinda kanyi kopfo.&#8221; 6Kasokyia wanda fa&#7775;a, kamwambilyia, kui sia. 7Lyilya wandu walewona, walenunuwa woose, wechigamba, &#8220;Nayenda kanyi ko mndu mnyama&#7775;i.&#8221; 8Sakayo kago&#7775;oka, kawia Mndumii, &#8220;Mndumii, masaa gako goose ngyechigagawa kawi na kyifunjoe kyimwi ngyienengye wakyiwa, na kokooya ngyisokyie mndu kyindo kui ngye&#7775;o ngyemmbiyi&#7775;ia kaana.&#8221; 9Yesu kammbia, &#8220;Inu wukyi&#7775;o woshika kunu kanyi, kyipfa ichu na oe nyi mana o Abrahamu. 10Cha kyipfa Mana o Adamu nalecha ipfula na ikyi&#7775;a kyilya kyiwe&#7769;ekyie.&#8221;</div><div class="s">Mfano o Heleri</div><div class="r">(Mat 25:14-30)</div><div class="p"> 11Kyiyeri waleicho isho, naleengye&#7775;a i&#7769;e&#7769;a kui mfano, kyipfa nawekyeri kufuhi na Yerusalemu, nawo walekowakusa&#7775;a kye Wumangyi wo Ruwa wowono cha ilyi. 12Kyasia kagamba, &#8220;Mndu umwi, awo&#7769;e rina nalepfunga kyaro iyenda kuleshi kundu nandeambilyia wumangyi na iwuya. 13Kalaga wandu ikumi kyii&#7769;i kya wa&#7775;undi wakye kaenenga orio umwi owo heleri, kawawia, &#8216;Kapenyi natso mbucha m&#7775;asa ilyi ngyechicha.&#8217; 14Kyaindi wandu wa uruka lokye walemsuo, waka&#7769;uma wandu imwosha na igamba, &#8216;Lukundi ichu naluchilyie-pfo.&#8217; 15Kyiyeri alewuya, amwambilyie wumangyi wokye, nalegamba wa&#7775;undi walya alewaenenga heleri walago kundu namanye kyiira walewona orio mndu mbuchenyi yakye. 16Kacha o kuwooka, kagamba, &#8216;Mndumii, kyiira ngyilewona halya helerinyi nyi mafungu ikumi.&#8217; 17Kammbia, &#8216;Necha, m&#7775;undi mcha. Kyipfa uleringa necha kyilya kyitutu uleenengo chilyia m&#7775;i ikumi.&#8217; 18Kacha o kawi, kagamba, &#8216;Heleri ulengyienenga tsileengye&#7775;ika ngawona ho kyiira mafungu gataanu.&#8217; 19Kawia ichu na oe, &#8216;Iyoe nochilyia m&#7775;i itanu.&#8217; 20Kacha ungyi, kagamba, &#8216;Mndumii, ilyi nyilyo fungu lyapfo ngyilepfungyia kyitambeenyi. 21Cha kyipfa ngyilekuowuo kyipfa iyoe nyi mndu muumu, nokyeambilyia kyilakyeri kyapfo, na isambuo ulawaaya.&#8217; 22Kammbia, &#8216;Iyoe m&#7775;undi mmbicho. Ngyekuanduya kui ma&#7769;e&#7769;o gapfo. Nulemanya kye inyi nyi mndu muumu, ngyekyeambilyia kyilakyeri kyako na isambuo ngyilawaaya. 23Kyasia, ny'kyilyi ulalekooma heleri tsako ko walya wekyewuta heleri tsa ngose&#7775;a, kundu ilyi ngyechicha ngyitsiambilyie hamwi na itso tsa ngose&#7775;a?&#8217; 24Kawia walya wawego&#7775;okyi kufuhi, &#8216;Msokyenyi fungu-lyo, muenengye ulya awo&#7769;e mafungu ikumi.&#8217; 25Wakammbia, &#8216;Mndumii, nawo&#7769;e ikumi.&#8217; 26Ngyimmbia, &#8216;Orio mndu awo&#7769;e kyindo nechienengo, indi ulya alawo&#7769;e kyindo nesoko maa kyilya awo&#7769;e. 27Lyingyi-se, washituwa walya wako, walakundi ngyiwachilyie, waendenyi na iha muwawaage mbele yako.&#8217; &#8221;</div><div class="s">Ii&#7769;a na Yerusalemu kui Kyi&#7775;umi</div><div class="r">(Mat 21:1-11; Mak 11:1-11; Yoh 12:12-19)</div><div class="p"> 28Na kyiyeri amgambe isho, nalesonguo mbele echi&#7769;o iyenda Yerusalemu.</div><div class="p"> 29Na lyilya aleshika kufuhi na Betifage na Betania, fumvunyi lyekyelago lya Mseituni, nale&#7769;uma wawi kyii&#7769;i kya wanalosho walya, 30echigamba, &#8220;Yendenyi m&#7775;asa kyika&#7775;o kyilya kyiambuyanyi na iha, na ilyi mochii&#7769;a napfo mowona igache lya nzoi lyilyipfungye, lyilande&#7769;amilyio nyi mndu oose. Lyipfunguonyi mulyiende na iha. 31Na kokooya mndu ammbesa, ny'kyilyi mulyipfunguo gambenyi ku&#7769;i: &#8216;Mndumii nawo&#7769;e nalyo i&#7775;unda.&#8217; &#8221; 32Na walya wale&#7769;umo wakayenda wakawona chandu alewawia. 33Na kyiyeri wawepfunguo igache lyilya lya nzoi, wenyi walyo walewawia, &#8220;Ny'kyilyi mupfunguo igache lya nzoi?&#8221; 34Wakagamba, &#8220;Mndumii nawo&#7769;e nalyo i&#7775;unda.&#8221; 35Wakalyi&#7769;uo ko Yesu, wakaala nguwo tsawo wuye ya igache-lyo lya nzoi, waka&#7769;osia ho Yesu. 36Na kyiyeri aweiyenda waleala nguo tsawo njienyi. 37Na kyiyeri awei kufuhi na mse&#7775;emko ya fumvu lya Mseituni, wanalosho wakye woose walewooka ichihiyo na i&#7775;umisha Ruwa na &#7775;ui lying'anyi, kyipfa kya ma&#7775;unda goose ga ma&#7775;iyisho walegawona, 38wechigamba, &#8220;Nyi oe ammbikyie mbo&#7775;a Mangyi aicha kui rina lya Mndumii. Ufo&#7775;o ruwewu, na mng'ano ipfo wuye.&#8221; 39Mafarisayo waata wawekyeri wuingyinyi wo wandu wakammbia, &#8220;Mlosha, wia wanalosho wapfo watsie.&#8221; 40Kagaluo, &#8220;Ngyimmbia, wakatsia iwa, magoe gekalagatsa.&#8221;</div><div class="p"> 41Kyiyeri aleshika kufuhi nalewona m&#7775;i, kaufii&#7775;ia 42echigamba, &#8220;Kokooya uwemanya, maa iyoe, kyii&#7769;i kya mfiri-chu, kyiwa&#7775;i ufo&#7775;o! Kyaindi wulalu ui&#7769;ima iwona-pfo. 43Cha kyipfa mfiri iicha, kyiyeri washituwa wapfo wechikuwikyia moombo ukuringyichie. Wechikui&#7775;iwia na ikushingyia ngyuura tsoose. 44Wekuolotsa wanda iyoe na wana wapfo wakyeri ipfo moombonyi, walechiku&#7769;eeya igoe wuye ya igoe, kyipfa ulemanya kyiyeri kya Ruwa icha na kopfo-pfo.&#8221;</div><div class="s">Yesu Kayenda Hekalunyi</div><div class="r">(Mat 21:12-17; Mak 11:15-19; Yoh 2:13-22)</div><div class="p"> 45Kai&#7769;a na hekalunyi, kawooka ifuna na nja walya waweikapa mbucha, 46echiwawia, &#8220;Kyikyi&#7775;eie, &#8216;Numba yako yechiwa numba ya kyiterewo&#8217;; kyaindi nyoe moigaluo usanja lo wasokyi.&#8221;</div><div class="p"> 47Na oe kawamolosha mfiri yoose hekalunyi. Indi wang'anyi wa makohanyi, na walosha wa mawawaso, na wang'anyi wa wandu waweipfula njia ya imrumatsa. 48Walawone kyewuta, cha kyipfa wandu woose waweoshana na oe, wemwa&#7769;anyia.</div>
 </div>
 </div>
</div>

New Testament in Kivunjo © Bible Society of Tanzania, 1999.

Na oe kyiyeri aleiṙa na Yeriko, naleiṙa makyiṙi-gawi ga mṟi-cho. Na hawewoṙe mndu ekyelago Sakayo, msongoru umwi kyiiṙi kya wesania ukamba, na oe nyi mnjama. Ichu naweipfula iwona Yesu nyi mndu o mbaṟe iha, alaiṙime kyipfa kya wuingyi wo wandu, kyipfa nawemfuhi. Kasonguo eṙicha, kaṙooya mkuunyi naiṙime immbona, cha kyipfa Yesu nawecheiṙia njia iya. Na kyiyeri Yesu aleshika handu halya, naleambuya wuye, kammbia, “Sakayo, soka iwinyi, cha kyipfa inu kyangyikooya itsinda kanyi kopfo.” Kasokyia wanda faṟa, kamwambilyia, kui sia. Lyilya wandu walewona, walenunuwa woose, wechigamba, “Nayenda kanyi ko mndu mnyamaṟi.” Sakayo kagoṟoka, kawia Mndumii, “Mndumii, masaa gako goose ngyechigagawa kawi na kyifunjoe kyimwi ngyienengye wakyiwa, na kokooya ngyisokyie mndu kyindo kui ngyeṟo ngyemmbiyiṟia kaana.” Yesu kammbia, “Inu wukyiṟo woshika kunu kanyi, kyipfa ichu na oe nyi mana o Abrahamu. Cha kyipfa Mana o Adamu nalecha ipfula na ikyiṟa kyilya kyiweṙekyie.”


Kyiyeri waleicho isho, naleengyeṟa iṙeṙa kui mfano, kyipfa nawekyeri kufuhi na Yerusalemu, nawo walekowakusaṟa kye Wumangyi wo Ruwa wowono cha ilyi. Kyasia kagamba, “Mndu umwi, awoṙe rina nalepfunga kyaro iyenda kuleshi kundu nandeambilyia wumangyi na iwuya. Kalaga wandu ikumi kyiiṙi kya waṟundi wakye kaenenga orio umwi owo heleri, kawawia, ‘Kapenyi natso mbucha mṟasa ilyi ngyechicha.’ Kyaindi wandu wa uruka lokye walemsuo, wakaṙuma wandu imwosha na igamba, ‘Lukundi ichu naluchilyie-pfo.’ Kyiyeri alewuya, amwambilyie wumangyi wokye, nalegamba waṟundi walya alewaenenga heleri walago kundu namanye kyiira walewona orio mndu mbuchenyi yakye. Kacha o kuwooka, kagamba, ‘Mndumii, kyiira ngyilewona halya helerinyi nyi mafungu ikumi.’ Kammbia, ‘Necha, mṟundi mcha. Kyipfa uleringa necha kyilya kyitutu uleenengo chilyia mṟi ikumi.’ Kacha o kawi, kagamba, ‘Heleri ulengyienenga tsileengyeṟika ngawona ho kyiira mafungu gataanu.’ Kawia ichu na oe, ‘Iyoe nochilyia mṟi itanu.’ Kacha ungyi, kagamba, ‘Mndumii, ilyi nyilyo fungu lyapfo ngyilepfungyia kyitambeenyi. Cha kyipfa ngyilekuowuo kyipfa iyoe nyi mndu muumu, nokyeambilyia kyilakyeri kyapfo, na isambuo ulawaaya.’ Kammbia, ‘Iyoe mṟundi mmbicho. Ngyekuanduya kui maṙeṙo gapfo. Nulemanya kye inyi nyi mndu muumu, ngyekyeambilyia kyilakyeri kyako na isambuo ngyilawaaya. Kyasia, ny'kyilyi ulalekooma heleri tsako ko walya wekyewuta heleri tsa ngoseṟa, kundu ilyi ngyechicha ngyitsiambilyie hamwi na itso tsa ngoseṟa?’ Kawia walya wawegoṟokyi kufuhi, ‘Msokyenyi fungu-lyo, muenengye ulya awoṙe mafungu ikumi.’ Wakammbia, ‘Mndumii, nawoṙe ikumi.’ Ngyimmbia, ‘Orio mndu awoṙe kyindo nechienengo, indi ulya alawoṙe kyindo nesoko maa kyilya awoṙe. Lyingyi-se, washituwa walya wako, walakundi ngyiwachilyie, waendenyi na iha muwawaage mbele yako.’ ”


Na kyiyeri amgambe isho, nalesonguo mbele echiṙo iyenda Yerusalemu.
Na lyilya aleshika kufuhi na Betifage na Betania, fumvunyi lyekyelago lya Mseituni, naleṙuma wawi kyiiṙi kya wanalosho walya, echigamba, “Yendenyi mṟasa kyikaṟo kyilya kyiambuyanyi na iha, na ilyi mochiiṙa napfo mowona igache lya nzoi lyilyipfungye, lyilandeṙamilyio nyi mndu oose. Lyipfunguonyi mulyiende na iha. Na kokooya mndu ammbesa, ny'kyilyi mulyipfunguo gambenyi kuṙi: ‘Mndumii nawoṙe nalyo iṟunda.’ ” Na walya waleṙumo wakayenda wakawona chandu alewawia. Na kyiyeri wawepfunguo igache lyilya lya nzoi, wenyi walyo walewawia, “Ny'kyilyi mupfunguo igache lya nzoi?” Wakagamba, “Mndumii nawoṙe nalyo iṟunda.” Wakalyiṙuo ko Yesu, wakaala nguwo tsawo wuye ya igache-lyo lya nzoi, wakaṙosia ho Yesu. Na kyiyeri aweiyenda waleala nguo tsawo njienyi. Na kyiyeri awei kufuhi na mseṟemko ya fumvu lya Mseituni, wanalosho wakye woose walewooka ichihiyo na iṟumisha Ruwa na ṟui lying'anyi, kyipfa kya maṟunda goose ga maṟiyisho walegawona, wechigamba, “Nyi oe ammbikyie mboṟa Mangyi aicha kui rina lya Mndumii. Ufoṟo ruwewu, na mng'ano ipfo wuye.” Mafarisayo waata wawekyeri wuingyinyi wo wandu wakammbia, “Mlosha, wia wanalosho wapfo watsie.” Kagaluo, “Ngyimmbia, wakatsia iwa, magoe gekalagatsa.”
Kyiyeri aleshika kufuhi nalewona mṟi, kaufiiṟia echigamba, “Kokooya uwemanya, maa iyoe, kyiiṙi kya mfiri-chu, kyiwaṟi ufoṟo! Kyaindi wulalu uiṙima iwona-pfo. Cha kyipfa mfiri iicha, kyiyeri washituwa wapfo wechikuwikyia moombo ukuringyichie. Wechikuiṟiwia na ikushingyia ngyuura tsoose. Wekuolotsa wanda iyoe na wana wapfo wakyeri ipfo moombonyi, walechikuṙeeya igoe wuye ya igoe, kyipfa ulemanya kyiyeri kya Ruwa icha na kopfo-pfo.”


Kaiṙa na hekalunyi, kawooka ifuna na nja walya waweikapa mbucha, echiwawia, “Kyikyiṟeie, ‘Numba yako yechiwa numba ya kyiterewo’; kyaindi nyoe moigaluo usanja lo wasokyi.”
Na oe kawamolosha mfiri yoose hekalunyi. Indi wang'anyi wa makohanyi, na walosha wa mawawaso, na wang'anyi wa wandu waweipfula njia ya imrumatsa. Walawone kyewuta, cha kyipfa wandu woose waweoshana na oe, wemwaṙanyia.

सुन्नुहोस् Luka 19