Kumam Old Testament

<div class="version vid2676 iso6393kdi" data-vid="2676" data-iso6393="kdi">
 <div class="book bkGEN">
 <div class="chapter ch4" data-usfm="GEN.4">
 <div class="label">4</div><div class="s1">Kain Oneko Abel</div><div class="p"> 1Kikano Adamu oko yac ne dako mere Keba. Keba oko nywalo Kain di eko waco be, &#8220;Rwot okonya emia audo atin awobi.&#8221; 2Alubo mere en eko nywalo omin mere Abel. Abel oko bedo ngagwok romini, do Kain oko bedo ngapur. 3Ingei kare moro Kain oko kelo ne Rwot giayala me cam kame oudo epuro, 4#Iburanian 11.4do Abel oko neko romini kame oudo obedo idwe kao, di eko mino Rwot giayala me kakamio. Cuny Rwot oko bedo yom kede Abel kede giayala mere, 5do eko dagi Kain kede giayala mere. Aso, cuny Kain oko wang di cal me nyime oko lokere. 6Rwot oko penyo Kain be, &#8220;Cunyi owang pinyo, doko pinyo komio cal me nyimi olokere? 7Ka in itimo kiber, mam ango abino gami? Do ka likame itimo kiber, dub tie buto i dog ekeko nin, cunye keto liklik i komi, do miero ibwone.&#8221;</div><div class="p"> 8 # 
 Matayo 23.35; Luka 11.51; 1 Yokana 3.12 Di Kain oko waco ne omin mere Abel be, &#8220;Ber kong ooti i poto.&#8221; Kakame oudo kitie do kede i poto, Kain oko cako bungo omin mere di eko neko. 9Di Rwot oko penyo Kain be, &#8220;Omini Abel tie tuai?&#8221; En eko dwoko be, &#8220;Ango likame angeo; benyo, oudo ango adoko ngat kame gwoko omina?&#8221; 10#Iburanian 12.24Di Rwot oko waco be, &#8220;Nyo kame in itimo? Neningo, remo ka omini tie kok buta ki lobo! 11Nan do kotieko lami, likame bobo ibino karuno puro lobo; lobo nono en kongamo doge pi gamo remo ka omini kakame in ineke kede. 12Ka in ipuro lobo likame bobo ebino nyako ni cam, in ibino bedo dano koringo kop di irimo piny arima i wi lobo.&#8221; 13Kain oko waco ne Rwot be, &#8220;Alola na noni dwong likame atwero kanyakino! 14Tin in itieko riama tenge ki lobo noni, likame bobo abino neeno i wangi; abino bedo dano koringo kop di arimo piny arima i wi lobo; ngat kame riamo keda bino twero neka.&#8221; 15Rwot oko waco ne be, &#8220;Li! Ka ngatamoro oneko Kain, ango abino culo kwor mere tien kanyaare.&#8221; Di Rwot oko keto alama i kome tetekeny ngat kame ude kur neke. 16Di do Kain oko yai tenge kibut Rwot eko ot bedo i lobo me Nod, tetu kide me Eden.</div><div class="s1">Ikwae ka Kain</div><div class="p"> 17Kain kede dako mere oko nywalo awobi di kiko cako nyinge Enoka. Kain oko gero bomba eko cako ne bomba nono nying wode Enoka. 18Enoka oko nywalo Irad, Irad oko nywalo Mekujael, Mekujael oko nywalo Metusael, Metusael oko nywalo Lamek. 19Lamek oko nyomo mon are, Ada kede Sila. 20Ada oko nywalo Jabal; Jabal bin oko bedo kwaru me jo dedede kame oudo bedo i eema di kitie kede dok kede diegi kede romini. 21Omin mere oudo nyinge Yubal; en oudo ebedo kwaru me jo kame oudo goo arigirigi kede kame kuto bilo. 22Sila oko nywalo Tubal Kain, ngat oko donyo teto egere me jamini dedede kame kotimo kede nyonyo ayon kede buronsi. Amin me Tubal Kain oudo obedo Naama.</div><div class="p"> 23Lamek oko waco ne mon mege be,</div><div class="q1">&#8220;Ada kede Sila, winyunu dwana;</div><div class="q2">wun mon ka Lamek, winyunu kop kame atie waco:</div><div class="q1">ango atieko neko awobi moro,</div><div class="q2">aneke pien oudo ewana.</div><div class="q1"> 24 # 
 Matayo 18.22
 Kame koculo kwor ka Kain tien kanyaare,</div><div class="q2">ateteni kobino culo kwor ka Lamek tien ot kanyaare kiwie kanyaare.&#8221;</div><div class="p"> 25Adamu oko bobo yac ne dako mere; dako mere oko nywalo atin awobi di eko cako nyinge Set, piento dako nono oudo owaco be, &#8220;Rubanga omia bobo atin ace kawang Abel, pien Kain oneke.&#8221; 26Set da oko nywalo atin awobi di eko cako nyinge Enosi. I kare nono jo oko cako pako nying Rwot.</div>
 </div>
 </div>
</div>

Baibuli I Leb Kumam © Bible Society of Uganda, 2013.

Kikano Adamu oko yac ne dako mere Keba. Keba oko nywalo Kain di eko waco be, “Rwot okonya emia audo atin awobi.” Alubo mere en eko nywalo omin mere Abel. Abel oko bedo ngagwok romini, do Kain oko bedo ngapur. Ingei kare moro Kain oko kelo ne Rwot giayala me cam kame oudo epuro, do Abel oko neko romini kame oudo obedo idwe kao, di eko mino Rwot giayala me kakamio. Cuny Rwot oko bedo yom kede Abel kede giayala mere, do eko dagi Kain kede giayala mere. Aso, cuny Kain oko wang di cal me nyime oko lokere. Rwot oko penyo Kain be, “Cunyi owang pinyo, doko pinyo komio cal me nyimi olokere? Ka in itimo kiber, mam ango abino gami? Do ka likame itimo kiber, dub tie buto i dog ekeko nin, cunye keto liklik i komi, do miero ibwone.”
Di Kain oko waco ne omin mere Abel be, “Ber kong ooti i poto.” Kakame oudo kitie do kede i poto, Kain oko cako bungo omin mere di eko neko. Di Rwot oko penyo Kain be, “Omini Abel tie tuai?” En eko dwoko be, “Ango likame angeo; benyo, oudo ango adoko ngat kame gwoko omina?” Di Rwot oko waco be, “Nyo kame in itimo? Neningo, remo ka omini tie kok buta ki lobo! Nan do kotieko lami, likame bobo ibino karuno puro lobo; lobo nono en kongamo doge pi gamo remo ka omini kakame in ineke kede. Ka in ipuro lobo likame bobo ebino nyako ni cam, in ibino bedo dano koringo kop di irimo piny arima i wi lobo.” Kain oko waco ne Rwot be, “Alola na noni dwong likame atwero kanyakino! Tin in itieko riama tenge ki lobo noni, likame bobo abino neeno i wangi; abino bedo dano koringo kop di arimo piny arima i wi lobo; ngat kame riamo keda bino twero neka.” Rwot oko waco ne be, “Li! Ka ngatamoro oneko Kain, ango abino culo kwor mere tien kanyaare.” Di Rwot oko keto alama i kome tetekeny ngat kame ude kur neke. Di do Kain oko yai tenge kibut Rwot eko ot bedo i lobo me Nod, tetu kide me Eden.

Kain kede dako mere oko nywalo awobi di kiko cako nyinge Enoka. Kain oko gero bomba eko cako ne bomba nono nying wode Enoka. Enoka oko nywalo Irad, Irad oko nywalo Mekujael, Mekujael oko nywalo Metusael, Metusael oko nywalo Lamek. Lamek oko nyomo mon are, Ada kede Sila. Ada oko nywalo Jabal; Jabal bin oko bedo kwaru me jo dedede kame oudo bedo i eema di kitie kede dok kede diegi kede romini. Omin mere oudo nyinge Yubal; en oudo ebedo kwaru me jo kame oudo goo arigirigi kede kame kuto bilo. Sila oko nywalo Tubal Kain, ngat oko donyo teto egere me jamini dedede kame kotimo kede nyonyo ayon kede buronsi. Amin me Tubal Kain oudo obedo Naama.
Lamek oko waco ne mon mege be,
“Ada kede Sila, winyunu dwana;
wun mon ka Lamek, winyunu kop kame atie waco:
ango atieko neko awobi moro,
aneke pien oudo ewana.
Kame koculo kwor ka Kain tien kanyaare,
ateteni kobino culo kwor ka Lamek tien ot kanyaare kiwie kanyaare.”
Adamu oko bobo yac ne dako mere; dako mere oko nywalo atin awobi di eko cako nyinge Set, piento dako nono oudo owaco be, “Rubanga omia bobo atin ace kawang Abel, pien Kain oneke.” Set da oko nywalo atin awobi di eko cako nyinge Enosi. I kare nono jo oko cako pako nying Rwot.

सुन्नुहोस् Ageini 4