If you have would like a copy of this version please contact info@davaraudiobibles.org

Text: Gowli New Testament, CC-BY-SA-4.0, The Love Fellowship. -- Audio: Gowli New Testament Audio Bible, CC-BY-SA-4.0, Davar Partners International, The Love Fellowship, 2023

Gowli New Testament

Gowli (गवली) Bible by The Love Fellowship is licensed under Creative Commons Attribution-ShareAlike 4.0 License.

मेटे यरूशलेम शहर टे चोटो फरीसि कुरकू एठा मूसा गा नियम इथूमिठाच यीशु गा मेरान हेन्ड़ो मंडी लज्जे, “आमगा चेलाकू आलेगा जुना सनाकु गा रितो के आजोम चोया बान दडा? दिकु खराबो टी टे आटा चोया जोजोम्बा होय?” यीशु नी दिकुटे मंडीके, “ताकी आपेगा शिक्षा मनातिंजेवा इनिघल्जी खाट चताराए टे परमेश्वर गा नियम के अच्छा टे बान आजुम होय।” चोयाकी परमेश्वर नी मंडीके डा, “इंजगा बाटे एठा इंजा आंटे के बुरा मांडे टासो, देटेन गोजेच्बा।” पेनो आपे मंडीवाकी होय, अगर जेका इंजा बाटे या आंटे टे मांडे, “जो चोचकाभी आमेन इंजाटे फायदा घाटाऊ डा, देटेन परमेश्वर के भार पेळेचके मेना।” मेटे देटेन हेजा बाटे गा मन बान दोडो, इनी रोंगो आमनी अमा रितो गा वोजीटे परमेश्वर गा वचन पूरा डुका। हे ढोंगोकु, यशायाह जो परमेश्वर गा कोनेटे मंडीमिठाच नी आपेगा बारेन साहीका मंडीके होय। “इनी कुरकू चभुटेनी इंजा मन दोडोवा होय पेनो दिकुगा मन इंजाटे लेंक्कीन थंदळवा होय।” एठा वोया इंजगा आराधना दडावा होय, चोयाकी कोरो गा विधिके धर्म उदाहरण टे इथूवा होय।


डाबोलटे यीशु नी कुरकू के हेजा मेरान होकोलेकू एठा दिकुटे मंडीके, “इंजगा आजुमे, एठा इंज चोच मंडीवा होय समझातिन्ज गा कोशिश डाए। जो चीजो कोरो गा चबुन सेनेवा दिकु डीके खाराबोए बाने। पेनो जो कोरो गा चबुटे बल्लान सेनेवा होय डी डीचके खराबोएच्बा होय।” मेटे चेलाकूनी हेंडो डीचके मंडीके, “चोच आपेन हाडाई मेना कि फरीसि कुरकू के इनी आजुमटे बुरा घैय्ये?” डीचनी जवाब जीके, हरेक कोम्बो जो इंजा स्वर्ग गा बाटे नी बान येंडाडुका उखळा तिन्जेवा। डीचके सेंडाए डी अंधळा कोरा गघाल मिठाच होय, एठा अंधळा अगर अंधळा के कोरा घाल्के टासो, मेटे बरीखींज भी गढढान बोचो डा। इनी आजुमटे, पतरस नी डीचके मंडीके, “येटेन उदाहरण आलेके सामझातिंजकेकु।” यीशु नी हेजा चेलाकू टे कोम्बराके, “चोच आपे भी एगो नासमझ होय? चोच आपे इनी बान समझातिंजू कि आले जो चाभु टे आटा जोजोम्बा होय। दिकु आलेके परमेश्वर गा सम्मान बिसोटो बान मेंबा? चोयाकी डीच दियागा मनेन बाऊ, पेनो लाजेन नी सेनेवा होय एठा इजुननी ओटबा होय? पेनो कुरकू जो चोचकाभी सोचातिंज्बा होय, मंडीवा होय एठा दडावा होय डीका दिकुके परमेश्वर सम्मान खराबोएवा होय। चोयाकी कुरकू मन टे बुरा-बुरा बिचार डेनेगोका आनोवा, चुचीरी, घोगेच, कोम्बोर तरीका टे खाराबो कमाय, लालीचो, चतरुपना, लुच्चापना, कपट, जुलू, कठोर मन, खिलाफबेन, एठा बेदिमाग वोटबा इनी सेबाई बुरा बातो कुरकू दिमाग टे ओटबा होय, पेनो टी बिना अबुंज गा आटा जोजोम कुरकू के खराबोए बाने।”


यीशु दियागा चेलाकू देटे टे ओले एठा डाबोलटे सोर जीमू गा शहर गेन एठा सैदा शहर गा आसो-पासो ईरिया न ओले। एठा डोगे डी दूसरा गाँव गा म्या कनानी जापाए चिल्लातिंजटे मंडी लज्जे, “हे प्रभु! दाऊद गा कोंटे इंजा लिंजेन दया डाए, इंजा सनी कोंजाईके भूतो भेबाव ताखलिफ जे लक्के होय।” पेनो डीचनी चोचका जवाब बान जिडुका एठा दियागा चेला हेंडो दियाटे बिनती दडा लज्जे, इनिज्के बिडकेच, चोयाकी देटेन आलेगा टाऊटे चिल्लातिंजू लठ्ठा हेजेवा होय। यीशु नी जवाब जीके, इस्राएल गा उरा गा आटके मिंकू मेंडाकू के आराकु। पेनो देटेन हेन, एठा यीशु गा मेरान हेन एठा दियागा सम्मान दडा घल्जी दियागा सम्मान ठोपरे जेगाके, मंडी लज्जे। “हे प्रभु इंजा मदत डाए।” यीशु नी जवाब जीके, “पेला इंजा खुद गा यहूदी कुरकू गा मदत डाए। एटेन सही बाऊ होय कि पोटटाकू गा आटा साटे सिटाकु गा सम्मान येंडा।” डीचनी मंडीके, “सच्चोका होय प्रभु पेनो येठाभी सीताकुनी टेबाल गा इटान चफनीकू सोकळाके चरा चुराके जोमेबा होय।” येने लिंजेन यीशु नी डीचके जवाब जीटे मंडीके, कि हे जापाए, अमा विश्वास खाट होय, जैसा आमेन होना, अमा घल्जी डेनोगोका डाऊवा, एठा बिलकुल डीका टेमोन दियागा कोंजाई टे सजाएन।

यीशु देटे टे ओलेडो, गलील जिल्हा गा समुद्र गा मेरान हेन, एठा टुक्की लिंजेन पेदेचटे देटेन सुबानजे। एठा गर्दी लिंजेन गर्दी लंगडाकु, अंधळाकु, गुंगाकु, ठुथळाकु, एठा घोनेचकु के साटे दियागा मेरान हेन, एठा दिकुके दियागा नंगा गा मेरान सुबानकेकु, एठा डीचनी दिकुके साजाकेकु मेना। इनिघल्जी मेटे कुरकू नी डोकेनेच, कि गुंगाकु मंडीवा एठा ठुथळाकु साजौवा मेटे अचम्बो डाटे इस्राएली कुरकू गा परमेश्वर गा बढाई डाके।


मेटे यीशु नी हेजा चेलाकूके मेरान हाकोटे दिकुके मंडीके, “इनी कुरकू इंजा सेंग्गोन आफाई दिन टाएन थंदळके होय। दिकु मेरान नका चोचकाभी जोजोमागा बाऊ होय। इनिघल्जी इंजेन दिकु घल्जी भेबाव बेकार लगातिंजू लक्के होय। चोचकाभी जोजोमागा रांगेच्का उरान कुलकू टासो मेटे दिकु कोरान लोकोम्जुबा डो थंदळवा।” चेलाकूनी डीचके मंडीके, “आलेन सुनसान जगान नी सेबाई कुरकू के चचारा घाल्जी आटा घगाटावा?” यीशु नी चेलाकू टे कोम्बराके, “आपेगा मेरान चोटो सोकळा होय?” दिकुनी मंडीके “एइय्या सोकळा।” एठा थोळासा काकू। इनिघल्जी यीशु नी कुरकू के ओटेन लिंजेन सुबान घाल्के एठा दिकु सुबंजे। डेगा बादोन यीशु नी डी एइय्या सोकडा एठा काकूके सावे एठा परमेश्वर गा धन्यवाद डाटे सोकळाके तुकडा टे अलग्गोके डाबोलटे चेलाकूके तुकडा जिऊ चालुके म्हणजेकी दिकु तुकडाके कुरकू के कटिंजकी। इनी रोंगो कुरकू नी काकू एठा सोकडा जोम्टे लाज भेट्टेन। एठा बादोन चेलाकूनी एइय्या टोपला भेटटी टे टुक्काके तुकडा जमाके। एठा जोम जापाएकु एठा चफनीकू के आराटे उफुन हजार गा अंदाजोटे डा। जब यीशु नी कुरकू के कुलकेकु। मेटे देटेन गर्दी के बिडाके डोंगा लिंजेन पेळेन, एठा मगदन ईरिया न हेन।

सुन्नुहोस् मत्ती 15