If you would like a copy of this version please contact info@davaraudiobibles.org

Sagalla New Testament © Bible Society of Kenya. Sagalla New Testament Audio Bible ℗ 2022, Davar Partners International.

Sagalla New Testament

<div class="version vid3618 iso6393tga" data-vid="3618" data-iso6393="tga">
 <div class="book bkJHN">
 <div class="chapter ch11" data-usfm="JHN.11">
 <div class="label">11</div><div class="s">Kifwa cha Lazaro</div><div class="p"> 1Nao mundu mumoju aitogho Lazaro wa Bethania oluo mkongo, Bethania gholuo ni muzi weluo wekekala Mariamu na Martha wakwawe. 2Uyu ni Mariamu ulya amvilile Bwana mavuta na kumwaghila na sisiri zake; niye Lazaro wakwawe eluo mkongo. 3Wana wakwawe wakatumana uvoro kwa Jesu wekeghamba, &#8220;Bwana uyu umushaile ni mkongo.&#8221;</div><div class="p"> 4Nao Jesu aghenda asikila kaghora, &#8220;Ukongo ughu si ghwa kifwa kungi; ela ni kwa ubwaa ghwa Mlungu ghuoneke, eri Mwana wa Mlungu aliko kwa ilyi.&#8221;</div><div class="p"> 5Jesu owashaile Martha na wakwawe wa wake na Lazaro. 6Naye aghenda asikila kamba, Lazaro ni mkongo, kakala alye andu eluo majua maili ghamoju. 7Nao kawauza wairimi wake, &#8220;Ndokoni tighende Judea sena.&#8221; 8Wairimi wakamuza, &#8220;Mwalimu, kafwani ng'weri Wayahudi weluo wekeshaya kukulasa na mawe, nawe sena ughende awenyi?&#8221; 9Jesu kawatumbulila, &#8220;Ado msenya si ghuo na saa ikumi na mbili? Kwa hung'u mundu uwo wose kasela na msenya, sedimagha kukwalo, kwa kukala uonagha mlangazi ghwa urumengu. 10Ela mundungi kasela na kiro, ukwalogho, kwa kukala sikwesi mlangazi.&#8221; 11Nao aghenda kughora hung'u kawauza, &#8220;Mugheni wetu Lazaro wamalila kutungura, ela nendeghenda nimunule haring'eni.&#8221; 12Wairimi wakamuza, &#8220;Bwana, ngera atungura ubowagha.&#8221; 13Naye Jesu oghorire ighulu ya kifwa chake, ela wo wakaririkanya ondetungura haring'a. 14Nao Jesu kawaghorera mwazi, &#8220;Lazaro wafwa, 15Ela kwa undu ghwenyu naboelo andu niseluo alye, eri mpate kudumusa. Ndokoni tighende kwake.&#8221; 16Thoma (aitogho Ihega) kawauza wairimi wambawe, &#8220;Ndokoni tighende tifwe ngila mojori naye.&#8221;</div><div class="s">Jesu ni uzusi na Umana</div><div class="p"> 17Nao Jesu aghenda afika, kamdoka Lazaro wakala mbireni majua mane. 18Bethania yeluo avui na Jerusalemu, sa kilomita ndatu, 19nawo Wayahudi wengi wejile kuwasarusa ngolo Martha na Mariamu kwa undu ghwa kifwa cha wakwawe.</div><div class="p"> 20Nao Martha aghenda asikila kamba Jesu ondeja, kafuma kumumarira, ela Mariamu kasigho nyumba. 21Martha kamuza Jesu, &#8220;Bwana, ngera oluo anyaha, wakwetu sefwighagha! 22Ela hata indakwenyi namanya kamba icho chose umulombagha Mlungu, ujekuhawa.&#8221; 23Jesu kamuza, &#8220;Wakwenyu uzuka sena.&#8221; 24Martha kaghamba, &#8220;Namanya uzuka sena kele uzusi ghwa ijua lya kudua mbali.&#8221; 25Jesu kamuza, &#8220;Imi ni uzusi na Umana; uwo wose anidumusa imi, hata kanakala wafwa, ujekala moyo; 26na uwo wose ewo moyo na kunidumusa imi na lyingi sefwighagha. Wadumusa agha?&#8221; 27Naye kamtumbulila, &#8220;Ee, Bwana; nadumusa kamba uwe nuwe Masihi, Mwana wa Mlungu uyu ekujagha urumenguni&#8221;.</div><div class="s">Jesu kulila</div><div class="p"> 28Nao aghenda aghora hung'u, kaghenda kumpang'a Mariamu wakwawe, keghora mbole, &#8220;Mwalimu uwo anyaha wakupang'a.&#8221; 29Naye Mariamu aghenda asikila, kauka shashowa kamughendela. 30Naye Jesu okaile kungila kele muzi, ela oluo anyalye andu ekoghane na Martha. 31Nao Wayahudi awa wekezanye na Mariamu nyumba, wekemsarusa, waghenda kumwona kefuma shashowa wakamwirima. Kwani weririkanye wendeghenda mbireni kulila. 32Nao Mariamu, aghenda afika alye andu Jesu eluo, amwona, kagwa maghuluni kwake, keghamba, &#8220;Bwana, ngera oluo anyaha wakwetu sefwighagha.&#8221; 33Nao Jesu aghenda amwona kelila, na walye Wayahudi wekezanye naye wekelila, kahariso ni ngolo. 34Naye kawauza, &#8220;Mwanamzikile hiyo?&#8221; Nawo wakamuza, &#8220;Bwana, njuu uwone.&#8221; 35Jesu kalila mbori. 36Nao Wayahudi wakaghora, &#8220;Loleni selyi emushaile.&#8221; 37Ela wamoju wakaghamba, &#8220;Ado iye adimile kufungula meso gha kifondo, sadimile kumdea uyu mundu safwe?&#8221;</div><div class="s">Lazaro kuzuka</div><div class="p"> 38Jesu kafurusa na ndighi, kafika mbireni; nayo yeluo kele mbanga, na yebulilo na iwe. 39Jesu kawauza, &#8220;Nuleni iwe.&#8221; Naye Martha wakwawe ulya mundu efwile kamuza, &#8220;Bwana, hung'u indakwenyi siikosagha unukagha, kwani wakala afwile majua mane.&#8221;</div><div class="p"> 40Jesu kamuza, &#8220;Ado sikuuzile kwadumusa uonagha ubwaa ghwa Mlungu?&#8221; 41Nao wakanula iwe. Naye Jesu kanula meso ghake noko ighulu, kaghora &#8220;Aba, nakulika kwa kukala wananisikilagha. 42Nemi namanya wananisikilagha ngelo zose, ela naghora hung'u kwa undu ghwa wandu weo aha kimusi, eri wapate kudumusa kamba nuwe unitumile.&#8221; 43Naye aghenda kughora hung'u, kapang'a na lwaka lubwaa, &#8220;Lazaro fuma shighati.&#8221; 44Nao ulya mundu efwile kafuma, naye ofungilo nguo zezika mikonu na maghulu na ushu ghwake ghofungilo kitambaa. Jesu kawauza, &#8220;Mfunguleni mumsighe aghende.&#8221;</div><div class="s">Njama yemulagha Jesu</div><div class="r">(Matayo 26:1-5; Marko 14:1-2; Luka 22:1-2)</div><div class="p"> 45Nao Wayahudi wengi wejile kwa Mariamu waghenda waona selyi Jesu adeile, wakamdumusa. 46Ela wamoju wakaghenda wakawaghorera Wafarisayo selyi Jesu adeile. 47Kwa hung'u Wakohani wabwaa na Wafarisayo wakakoghana njameni, wakaghamba, &#8220;Tideagha ije? Kwani uyu mundu wadea wana mwakilimbita wengi. 48Ilyi tamsigha ukwenyi, kila mundu ujemdumusa na Waroma wekujagha wahakile andu kwetu kwa kuela na mbari yetu!&#8221; 49Ela mumoju wawe aitogho Kayafa eluo Mkohani Mubwaa mwaka ghulya, kawauza, &#8220;Ado inyo simumanya kindu chingi. 50Simumanyagha kamba ni bora mundu mumojori afwe kwa undu ghwa wandu kuchumba mbari yose kuhaita?&#8221; 51Naye saghorire agha iye mwenyi, ela kwa kukala oluo Mkohani Mubwaa ghulya mwaka na otondole kamba ni suti Jesu afwe kwa undu ghwa ilya mbari; 52na si kwa ilya mbari yawe yenyi, ela kutumbanya andu kumojori wana wa Mlungu wasaghiso kila andu.</div><div class="p"> 53Kwa hung'u kufuma lyilya ijua vilongozi va Wayahudi wakahada ngila lyemulagha Jesu. 54Kwa hung'u Jesu seluo keghenda mwazi mwazi kwa Wayahudi, ela kafuma alye kaghenda avui na kireti, kele muzi ghuito Efraimu; naye kakala alye na wairimi wake.</div><div class="p"> 55Nao Pasaka ya Wayahudi yeluo avui, na wandu wengi wakaghenda Jerusalemu hambiri ya Pasaka, eri wakuombochole. 56Nawo weluo wekemhada Jesu na kuuzana wenyi ilyi weluo kimusi Hekaluni, &#8220;Mririkanyagha ije? Fulo sedimagha kuja karamuni.&#8221; 57Nawo Wakohani wabwaa, na Wafarisayo wefunyile mlomu wekeghamba, ngera mundungi amanya andu ewo Jesu, awaghorere, eri waghende wamwate.</div>
 </div>
 </div>
</div>

Nao mundu mumoju aitogho Lazaro wa Bethania oluo mkongo, Bethania gholuo ni muzi weluo wekekala Mariamu na Martha wakwawe. Uyu ni Mariamu ulya amvilile Bwana mavuta na kumwaghila na sisiri zake; niye Lazaro wakwawe eluo mkongo. Wana wakwawe wakatumana uvoro kwa Jesu wekeghamba, “Bwana uyu umushaile ni mkongo.”
Nao Jesu aghenda asikila kaghora, “Ukongo ughu si ghwa kifwa kungi; ela ni kwa ubwaa ghwa Mlungu ghuoneke, eri Mwana wa Mlungu aliko kwa ilyi.”
Jesu owashaile Martha na wakwawe wa wake na Lazaro. Naye aghenda asikila kamba, Lazaro ni mkongo, kakala alye andu eluo majua maili ghamoju. Nao kawauza wairimi wake, “Ndokoni tighende Judea sena.” Wairimi wakamuza, “Mwalimu, kafwani ng'weri Wayahudi weluo wekeshaya kukulasa na mawe, nawe sena ughende awenyi?” Jesu kawatumbulila, “Ado msenya si ghuo na saa ikumi na mbili? Kwa hung'u mundu uwo wose kasela na msenya, sedimagha kukwalo, kwa kukala uonagha mlangazi ghwa urumengu. Ela mundungi kasela na kiro, ukwalogho, kwa kukala sikwesi mlangazi.” Nao aghenda kughora hung'u kawauza, “Mugheni wetu Lazaro wamalila kutungura, ela nendeghenda nimunule haring'eni.” Wairimi wakamuza, “Bwana, ngera atungura ubowagha.” Naye Jesu oghorire ighulu ya kifwa chake, ela wo wakaririkanya ondetungura haring'a. Nao Jesu kawaghorera mwazi, “Lazaro wafwa, Ela kwa undu ghwenyu naboelo andu niseluo alye, eri mpate kudumusa. Ndokoni tighende kwake.” Thoma (aitogho Ihega) kawauza wairimi wambawe, “Ndokoni tighende tifwe ngila mojori naye.”

Nao Jesu aghenda afika, kamdoka Lazaro wakala mbireni majua mane. Bethania yeluo avui na Jerusalemu, sa kilomita ndatu, nawo Wayahudi wengi wejile kuwasarusa ngolo Martha na Mariamu kwa undu ghwa kifwa cha wakwawe.
Nao Martha aghenda asikila kamba Jesu ondeja, kafuma kumumarira, ela Mariamu kasigho nyumba. Martha kamuza Jesu, “Bwana, ngera oluo anyaha, wakwetu sefwighagha! Ela hata indakwenyi namanya kamba icho chose umulombagha Mlungu, ujekuhawa.” Jesu kamuza, “Wakwenyu uzuka sena.” Martha kaghamba, “Namanya uzuka sena kele uzusi ghwa ijua lya kudua mbali.” Jesu kamuza, “Imi ni uzusi na Umana; uwo wose anidumusa imi, hata kanakala wafwa, ujekala moyo; na uwo wose ewo moyo na kunidumusa imi na lyingi sefwighagha. Wadumusa agha?” Naye kamtumbulila, “Ee, Bwana; nadumusa kamba uwe nuwe Masihi, Mwana wa Mlungu uyu ekujagha urumenguni”.

Nao aghenda aghora hung'u, kaghenda kumpang'a Mariamu wakwawe, keghora mbole, “Mwalimu uwo anyaha wakupang'a.” Naye Mariamu aghenda asikila, kauka shashowa kamughendela. Naye Jesu okaile kungila kele muzi, ela oluo anyalye andu ekoghane na Martha. Nao Wayahudi awa wekezanye na Mariamu nyumba, wekemsarusa, waghenda kumwona kefuma shashowa wakamwirima. Kwani weririkanye wendeghenda mbireni kulila. Nao Mariamu, aghenda afika alye andu Jesu eluo, amwona, kagwa maghuluni kwake, keghamba, “Bwana, ngera oluo anyaha wakwetu sefwighagha.” Nao Jesu aghenda amwona kelila, na walye Wayahudi wekezanye naye wekelila, kahariso ni ngolo. Naye kawauza, “Mwanamzikile hiyo?” Nawo wakamuza, “Bwana, njuu uwone.” Jesu kalila mbori. Nao Wayahudi wakaghora, “Loleni selyi emushaile.” Ela wamoju wakaghamba, “Ado iye adimile kufungula meso gha kifondo, sadimile kumdea uyu mundu safwe?”

Jesu kafurusa na ndighi, kafika mbireni; nayo yeluo kele mbanga, na yebulilo na iwe. Jesu kawauza, “Nuleni iwe.” Naye Martha wakwawe ulya mundu efwile kamuza, “Bwana, hung'u indakwenyi siikosagha unukagha, kwani wakala afwile majua mane.”
Jesu kamuza, “Ado sikuuzile kwadumusa uonagha ubwaa ghwa Mlungu?” Nao wakanula iwe. Naye Jesu kanula meso ghake noko ighulu, kaghora “Aba, nakulika kwa kukala wananisikilagha. Nemi namanya wananisikilagha ngelo zose, ela naghora hung'u kwa undu ghwa wandu weo aha kimusi, eri wapate kudumusa kamba nuwe unitumile.” Naye aghenda kughora hung'u, kapang'a na lwaka lubwaa, “Lazaro fuma shighati.” Nao ulya mundu efwile kafuma, naye ofungilo nguo zezika mikonu na maghulu na ushu ghwake ghofungilo kitambaa. Jesu kawauza, “Mfunguleni mumsighe aghende.”


Nao Wayahudi wengi wejile kwa Mariamu waghenda waona selyi Jesu adeile, wakamdumusa. Ela wamoju wakaghenda wakawaghorera Wafarisayo selyi Jesu adeile. Kwa hung'u Wakohani wabwaa na Wafarisayo wakakoghana njameni, wakaghamba, “Tideagha ije? Kwani uyu mundu wadea wana mwakilimbita wengi. Ilyi tamsigha ukwenyi, kila mundu ujemdumusa na Waroma wekujagha wahakile andu kwetu kwa kuela na mbari yetu!” Ela mumoju wawe aitogho Kayafa eluo Mkohani Mubwaa mwaka ghulya, kawauza, “Ado inyo simumanya kindu chingi. Simumanyagha kamba ni bora mundu mumojori afwe kwa undu ghwa wandu kuchumba mbari yose kuhaita?” Naye saghorire agha iye mwenyi, ela kwa kukala oluo Mkohani Mubwaa ghulya mwaka na otondole kamba ni suti Jesu afwe kwa undu ghwa ilya mbari; na si kwa ilya mbari yawe yenyi, ela kutumbanya andu kumojori wana wa Mlungu wasaghiso kila andu.
Kwa hung'u kufuma lyilya ijua vilongozi va Wayahudi wakahada ngila lyemulagha Jesu. Kwa hung'u Jesu seluo keghenda mwazi mwazi kwa Wayahudi, ela kafuma alye kaghenda avui na kireti, kele muzi ghuito Efraimu; naye kakala alye na wairimi wake.
Nao Pasaka ya Wayahudi yeluo avui, na wandu wengi wakaghenda Jerusalemu hambiri ya Pasaka, eri wakuombochole. Nawo weluo wekemhada Jesu na kuuzana wenyi ilyi weluo kimusi Hekaluni, “Mririkanyagha ije? Fulo sedimagha kuja karamuni.” Nawo Wakohani wabwaa, na Wafarisayo wefunyile mlomu wekeghamba, ngera mundungi amanya andu ewo Jesu, awaghorere, eri waghende wamwate.

सुन्नुहोस् Johana 11