If you would like a copy of this version please contact info@davaraudiobibles.org

Sagalla New Testament © Bible Society of Kenya. Sagalla New Testament Audio Bible ℗ 2022, Davar Partners International.

Sagalla New Testament

<div class="version vid3618 iso6393tga" data-vid="3618" data-iso6393="tga">
 <div class="book bkLUK">
 <div class="chapter ch23" data-usfm="LUK.23">
 <div class="label">23</div><div class="s">Jesu kughenzo hambiri ya Pilato</div><div class="r">(Matayo 27:1-2,11-14; Marko 15:1-5; Johana 18:28-38)</div><div class="p"> 1Nao ikoghano lyose lyikauka, lyikamghenza kwa Pilato. 2Nawo wakadyowa kumushitaki wekeghamba, &#8220;Tanamdokile uyu mundu keghalula wandu wa mbari yetu, na kutiima sitafunye kodi kwa Kaisari na keghora kamba iye ni Masihi Mzuri.&#8221; 3Nao Pilato kamkotela, &#8220;Uwe nuwe Mzuri wa Wayahudi?&#8221; Naye katumbulila, &#8220;Uwe waghamba.&#8221; 4Nao Pilato kawauza wakohani wabwaa na makoghano, &#8220;Imi sionagha ikosa lyingi kwa uyu mundu.&#8221; 5Ela wakashoterea wekeghamba, &#8220;Wanakumbagha wandu sheshe kwa mafundiso ghake Judea yose; kedyowela Galilaya, hata andu aha.&#8221;</div><div class="s">Jesu hambiri ya Herode</div><div class="p"> 6Nao Pilato aghenda kusikila hung'u, kakotela ngera woluo Mgalilaya. 7Naye aghenda kumanya kamba oluo wa isanga lya Herode, kamghenza kwa Herode. Kwani ilya ngelo naese oluo Jerusalemu. 8Nao Herode amwona Jesu, kabwelo na ndighi, kwani kengi oshaile kumwona, kwa kukala osikile uvoro ghwake, naye kakoserea kuona mwakilimbita Jesu azideagha. 9Kwa hung'u kamkotela makotelo mengi, ela Jesu samutumbulile. 10Wakohani wabwaa na walimu wa Sheria wakamanga kimusi wakamshitaki mengi. 11Nao Herode na askari wake wakamsholela na kumufwisha waya; nao wakamrwarisa nguo ya kizuri na kumuja kwa Pilato. 12Na lyilya ijua Herode na Pilato wakawatana ugheni. Kwani weluo siwesikilane.</div><div class="s">Jesu kutaghanyo Kifwa</div><div class="r">(Matayo 27:15-26; Marko 15:6-15; Johana 18:39&#8212;19:16)</div><div class="p"> 13Nao Pilato kawapang'a wakohani wabwaa na wabwaa na wandu, 14na kuwauza, &#8220;Mwanamletile uyu mundu mukaghora wanakumba wandu sheshe, nemi nazighana malagho ghake hambiri yenyu, na sionile ulaghelaghe ghungi kwa agha mwamshitaki. 15Hata Herode naese, kwani wamuja kwetu. Naona sadeile ikosa lyingi lyimufweni kufwa. 16Kwa hung'u nijemchapa nimfungule.&#8221;</div><div class="p">[ 17Nao kele Pasaka yeluo ni suti Pilato awafungulile mfungo mumojori.]</div><div class="p"> 18Ela wakakema wose, &#8220;Mufunye uyu, na utifungulile Baraba.&#8221; 19(Baraba oluo ni mundu angizilo kifungoni kwa sheshe adeile kele muzi na kwa kuulagha.)</div><div class="p"> 20Pilato kaghoranya na wandu sena, keshaya kumufungula Jesu. 21Ela wakaghora na lwaka lubwaa, &#8220;Mwambe! Mwambe!&#8221; 22Nao Pilato kawauza indu lya katatu, &#8220;Kudani, Ni ulaghelaghe muni adea? Imi sionile ikosa lyingi kwake lyimufweni afwe, kwa hung'u nijemchapa na nimufungule.&#8221;</div><div class="p"> 23Ela wakajuzila kukema na lwaka lubwaa, kamba ni suti Jesu awambo. Na lwaka lwawe lukasima. 24Kwa hung'u Pilato kapasa agha washaile ghakatiso. 25Kamfungula ulya mundu eluo kifungoni kwa sheshe na kuulagha wemlombile, na kumfunya Jesu kwawe selyi weshaile.</div><div class="s">Jesu kuwambo</div><div class="r">(Matayo 27:32-44; Marko 15:21-32; Johana 19:17-27)</div><div class="p"> 26Nao ilyi weluo wekemghenza, wakamwata mundu mumoju aitogho Simoni Mkurene, eluo keja kufuma mbweni, wakamtukisa msalaba ghwake, naye kaghutuka nyuma ya Jesu. 27Na makoghano mengi gha wandu wakamwirima, wamoju wawe weluo ni wake weluo wekemlilila na kushighira. 28Jesu kawaghalukila na kuwauza, &#8220;Wake wa Jerusalemu, simwanililile imi, kulilileni inyo wenyi na wana wenyu. 29Kwani majua ghendeja ngelo wejeghamba, &#8216;Wabarikio wana koloi na siwevele wana na maele lyingi sighemamilo.&#8217; 30Niko wejedyowa kuuza mighondi, &#8216;Tigwileni&#8217; na nyughongo &#8216;Tibuleni.&#8217; 31Kwani ikakala wadea hung'u kwa mwiti ghuo mwishi, ikalagha ije kwa ghuomile?&#8221;</div><div class="p"> 32Wakatwalo wandu waili weluo walaghelaghe waulagho ngila mojori naye. 33Nawo waghenda wafika andu kuitogho &#8220;Ngomeni,&#8221; wakamwamba na walye walaghelaghe, mumoju mkonu ghwa kijo na mumoju mkonu ghwa kimosho. 34Nao Jesu kaghora, &#8220;Aba wafwile waya, kwani siwamanyile agha wedeagha.&#8221; </div><div class="p">Nao wakasara nguo zake kwa kukwita kura. 35Nawo wandu wekalile kimusi wekezighana, ela vilongozi wawe wakamsholela wekeghamba, &#8220;Wanawakizile wandu wazima, sakukize iye mwenyi, ngera iye ni Masihi Msaghulo wa Mlungu.&#8221; 36Askari na wose wakamsholela, wakamghendela wakamhawa siki, 37wakamuza, &#8220;Ngera uwe nuwe Mzuri wa Wayahudi kukize uwe mwenyi.&#8221;</div><div class="p"> 38Koluo na mawandiko na ighulu ya chongo chake, &#8220;UYU NIYE MZURI WA WAYAHUDI.&#8221;</div><div class="p"> 39Mumoju wa walye walaghelaghe ewambanyo naye kamuza, &#8220;Ado suwe Masihi? Kukize uwe mwenyi nesi!&#8221; 40Ela ulya mumbawe kamukanya kemuza, &#8220;Ado sumwoghagha Mlungu uwe? Kwani naose uwo kele kutaghanyo uko kwenyi. 41Isi tataghanyo hachi, kwani tapata ghalye ghatifweni, ela uyu mundu sadeile ikosa lyingi.&#8221; 42Nao kamuza, &#8220;Ee Jesu unikumbuke ngelo ukujagha kwa uzuri ghwako!&#8221; 43Nao Jesu kamuza, &#8220;Fulo nakuza, lelo kwenyi ujekala nemi andu kwaloli wazimuni.&#8221;</div><div class="s">Kifwa cha Jesu</div><div class="r">(Matayo 27:45-56; Marko 15:33-41; Johana 19:28-30)</div><div class="p"> 44Nao ifika saa ndandatu za msenya, kukakala na kiza isanga lyose hata saa kenda, ijua lyikawuya kiza, 45na Pazia ya Hekalu ikazaika ghati. 46Nao Jesu kakema na lwaka lubwaa kaghamba, &#8220;Aba, kele mikonu yako naiika Roho yangu!&#8221; Naye aghenda kughora hung'u, kafunya roho.</div><div class="p"> 47Nao mubwaa wa askari aghenda aona ghalye ghadeike, kamlika Mlungu keghora, &#8220;Fulo uyu oluo mundu wa hachi.&#8221; 48Na wandu wose weluo alye waona ghalye ghadeike, wakauya kaya wekedaha lagaya. 49Nao wagheni wake wose na walye wake wamwirime kufuma Galilaya, wekalile kimusi kakulele, wakaona malagho agha ghose.</div><div class="s">Kuziko kwa Jesu</div><div class="r">(Matayo 27:57-61; Marko 15:42-47; Johana 19:38-42)</div><div class="p"> 50Nao koluo na mundu mumoju aitogho Josefu: Woluo mundu wa muzi ghwa Wayahudi ghuitogho Arimathaya. Iye woluo mundu wa Baraza, naye woluo mundu waloli na wa hachi. 51Iye sedumusilane na njama yawe na ghalye waghadeile, woluo kelolila kuja kwa Uzuri ghwa Mlungu. 52Uyu mundu kamghendela Pilato na kumlomba muli ghwa Jesu. 53Nao kaghuseleza ghulya muli kele msalaba, kaghufunga sanda, kaghuzika kele kaburi yekotilo iweni andu sikozikilo mundungi. 54Nako koluo ni ijua lya kukuboesa na Sabato yeluo ikedyowa.</div><div class="p"> 55Nawo walye wake wejanye na Jesu kufuma Galilaya wakamwirima Josefu, wakaona kaburi andu muli ghwake ghuzikilo. 56Nao wakauya kaya wakaboesa marashi na mavuta.</div><div class="p">Na ijua lya Sabato wakazumua selyi iikilo.</div>
 </div>
 </div>
</div>

Nao ikoghano lyose lyikauka, lyikamghenza kwa Pilato. Nawo wakadyowa kumushitaki wekeghamba, “Tanamdokile uyu mundu keghalula wandu wa mbari yetu, na kutiima sitafunye kodi kwa Kaisari na keghora kamba iye ni Masihi Mzuri.” Nao Pilato kamkotela, “Uwe nuwe Mzuri wa Wayahudi?” Naye katumbulila, “Uwe waghamba.” Nao Pilato kawauza wakohani wabwaa na makoghano, “Imi sionagha ikosa lyingi kwa uyu mundu.” Ela wakashoterea wekeghamba, “Wanakumbagha wandu sheshe kwa mafundiso ghake Judea yose; kedyowela Galilaya, hata andu aha.”

Nao Pilato aghenda kusikila hung'u, kakotela ngera woluo Mgalilaya. Naye aghenda kumanya kamba oluo wa isanga lya Herode, kamghenza kwa Herode. Kwani ilya ngelo naese oluo Jerusalemu. Nao Herode amwona Jesu, kabwelo na ndighi, kwani kengi oshaile kumwona, kwa kukala osikile uvoro ghwake, naye kakoserea kuona mwakilimbita Jesu azideagha. Kwa hung'u kamkotela makotelo mengi, ela Jesu samutumbulile. Wakohani wabwaa na walimu wa Sheria wakamanga kimusi wakamshitaki mengi. Nao Herode na askari wake wakamsholela na kumufwisha waya; nao wakamrwarisa nguo ya kizuri na kumuja kwa Pilato. Na lyilya ijua Herode na Pilato wakawatana ugheni. Kwani weluo siwesikilane.


Nao Pilato kawapang'a wakohani wabwaa na wabwaa na wandu, na kuwauza, “Mwanamletile uyu mundu mukaghora wanakumba wandu sheshe, nemi nazighana malagho ghake hambiri yenyu, na sionile ulaghelaghe ghungi kwa agha mwamshitaki. Hata Herode naese, kwani wamuja kwetu. Naona sadeile ikosa lyingi lyimufweni kufwa. Kwa hung'u nijemchapa nimfungule.”
[ Nao kele Pasaka yeluo ni suti Pilato awafungulile mfungo mumojori.]
Ela wakakema wose, “Mufunye uyu, na utifungulile Baraba.” (Baraba oluo ni mundu angizilo kifungoni kwa sheshe adeile kele muzi na kwa kuulagha.)
Pilato kaghoranya na wandu sena, keshaya kumufungula Jesu. Ela wakaghora na lwaka lubwaa, “Mwambe! Mwambe!” Nao Pilato kawauza indu lya katatu, “Kudani, Ni ulaghelaghe muni adea? Imi sionile ikosa lyingi kwake lyimufweni afwe, kwa hung'u nijemchapa na nimufungule.”
Ela wakajuzila kukema na lwaka lubwaa, kamba ni suti Jesu awambo. Na lwaka lwawe lukasima. Kwa hung'u Pilato kapasa agha washaile ghakatiso. Kamfungula ulya mundu eluo kifungoni kwa sheshe na kuulagha wemlombile, na kumfunya Jesu kwawe selyi weshaile.


Nao ilyi weluo wekemghenza, wakamwata mundu mumoju aitogho Simoni Mkurene, eluo keja kufuma mbweni, wakamtukisa msalaba ghwake, naye kaghutuka nyuma ya Jesu. Na makoghano mengi gha wandu wakamwirima, wamoju wawe weluo ni wake weluo wekemlilila na kushighira. Jesu kawaghalukila na kuwauza, “Wake wa Jerusalemu, simwanililile imi, kulilileni inyo wenyi na wana wenyu. Kwani majua ghendeja ngelo wejeghamba, ‘Wabarikio wana koloi na siwevele wana na maele lyingi sighemamilo.’ Niko wejedyowa kuuza mighondi, ‘Tigwileni’ na nyughongo ‘Tibuleni.’ Kwani ikakala wadea hung'u kwa mwiti ghuo mwishi, ikalagha ije kwa ghuomile?”
Wakatwalo wandu waili weluo walaghelaghe waulagho ngila mojori naye. Nawo waghenda wafika andu kuitogho “Ngomeni,” wakamwamba na walye walaghelaghe, mumoju mkonu ghwa kijo na mumoju mkonu ghwa kimosho. Nao Jesu kaghora, “Aba wafwile waya, kwani siwamanyile agha wedeagha.”
Nao wakasara nguo zake kwa kukwita kura. Nawo wandu wekalile kimusi wekezighana, ela vilongozi wawe wakamsholela wekeghamba, “Wanawakizile wandu wazima, sakukize iye mwenyi, ngera iye ni Masihi Msaghulo wa Mlungu.” Askari na wose wakamsholela, wakamghendela wakamhawa siki, wakamuza, “Ngera uwe nuwe Mzuri wa Wayahudi kukize uwe mwenyi.”
Koluo na mawandiko na ighulu ya chongo chake, “UYU NIYE MZURI WA WAYAHUDI.”
Mumoju wa walye walaghelaghe ewambanyo naye kamuza, “Ado suwe Masihi? Kukize uwe mwenyi nesi!” Ela ulya mumbawe kamukanya kemuza, “Ado sumwoghagha Mlungu uwe? Kwani naose uwo kele kutaghanyo uko kwenyi. Isi tataghanyo hachi, kwani tapata ghalye ghatifweni, ela uyu mundu sadeile ikosa lyingi.” Nao kamuza, “Ee Jesu unikumbuke ngelo ukujagha kwa uzuri ghwako!” Nao Jesu kamuza, “Fulo nakuza, lelo kwenyi ujekala nemi andu kwaloli wazimuni.”


Nao ifika saa ndandatu za msenya, kukakala na kiza isanga lyose hata saa kenda, ijua lyikawuya kiza, na Pazia ya Hekalu ikazaika ghati. Nao Jesu kakema na lwaka lubwaa kaghamba, “Aba, kele mikonu yako naiika Roho yangu!” Naye aghenda kughora hung'u, kafunya roho.
Nao mubwaa wa askari aghenda aona ghalye ghadeike, kamlika Mlungu keghora, “Fulo uyu oluo mundu wa hachi.” Na wandu wose weluo alye waona ghalye ghadeike, wakauya kaya wekedaha lagaya. Nao wagheni wake wose na walye wake wamwirime kufuma Galilaya, wekalile kimusi kakulele, wakaona malagho agha ghose.


Nao koluo na mundu mumoju aitogho Josefu: Woluo mundu wa muzi ghwa Wayahudi ghuitogho Arimathaya. Iye woluo mundu wa Baraza, naye woluo mundu waloli na wa hachi. Iye sedumusilane na njama yawe na ghalye waghadeile, woluo kelolila kuja kwa Uzuri ghwa Mlungu. Uyu mundu kamghendela Pilato na kumlomba muli ghwa Jesu. Nao kaghuseleza ghulya muli kele msalaba, kaghufunga sanda, kaghuzika kele kaburi yekotilo iweni andu sikozikilo mundungi. Nako koluo ni ijua lya kukuboesa na Sabato yeluo ikedyowa.
Nawo walye wake wejanye na Jesu kufuma Galilaya wakamwirima Josefu, wakaona kaburi andu muli ghwake ghuzikilo. Nao wakauya kaya wakaboesa marashi na mavuta.
Na ijua lya Sabato wakazumua selyi iikilo.

सुन्नुहोस् Luka 23