तपाईंले स्वर्गका परमप्रभुको विरुद्धमा काम गर्नुभयो र उहाँको मन्दिरबाट ल्याएका कचौराहरू र बटुकाहरू यहाँ ल्याउनुभयो। तपाईंका भारदारहरू, स्वास्नीहरू र रखौटीहरूले अनि तपाईं आफैंले पनि तीबाट दाखमद्य पिउनुभयो र सुन, चाँदी, काँसा, फलाम, काठ र ढुङ्गाले बनेका देवताहरूको प्रशंसा गर्नुभयो। ती देवताहरूले न त सुन्न सक्छन् न देख्न सक्छन् न त केही जान्दछन्। तर परमेश्वर जसले तपाईंको जीवन र मरण खटाउनुहुन्छ तथा जसले तपाईंका सारा थोकमाथि अधिकार गर्नुहुन्छ, उहाँलाई तपाईंले सम्मान दिनुभएन।