बाट लोकप्रिय बाइबल पदहरू {{chapter}}

शेयर गर्नुहोस्

Tängai ö, kai ma nang ce tea py saite aenae phüng-a nang ce lä bärui na, känitä-ai na qawng-a thaw ea la naw ö y lyng. Setan angra üng haidae angxynlyng na bäja hethang nang ce tea haidae py pyng te vi dy. Nang ce tea äte naw saite tyng hai y ai mang.

Tukha Isu ma äni tea “Matha ä, nang lä äte awng mang-a bälungbi phi saite khimi vi. Tungaila aely leng saite lä haetä xyng awng kae. Maeri lä hini aely leng saite re pyng te vi dy. Tukätephüng-a kai lä äni te üng hini lä laja haw y lyng” näpa.

Äni ma Isu tea “Caekäcai thung-a ‘Nang üng Areng Säthaw tea nang üng bälung mäke hai, aethaw awng saite hai, bälunghaesy te hai bälung aevaw he kae.’ Tukha ‘Nang ma tea nang ma bälung aevaw te kätyng nang üng äpy äjae tea bälung aevaw hethang kae’ näkha awng vi” näpa.

Isu ma äni ce tea “Ae he caw kangmüng lä awng mang vi. Tungaila caw ae te khimi ce lä di vi. Tukätephüng-a caw ae saite na bung mätaw mang hethang lai kung tea mäkai ö.

Isu ma “Hini khimi lawng thungtä thung-a damarae na ma bo kha naw saite khimi üng äpy äjae lä ämi mei” näpa. Ubädi särae ma lä “Äni tea bäheng saite khimi lawngtä ta vi” näkha mäthang pa. Tupyng-a Isu ma äni tea “Nang lä ly kha äni kätyng sa jo ba” näpa.

Ly ö. Kai ma nang ce bung käsui säla-a beram caw na tea bälawi te kätyng mätaw te vi.