बाट लोकप्रिय बाइबल पदहरू {{chapter}}

शेयर गर्नुहोस्

Nan logon a ködini lo binyo, a ta gwe a kenia. ŋuto lo gwon köyö i mugun gwoso na gwoŋdi nan ko lepeŋ i mugun na, lepeŋ raradan ludweki jore, ama ko ta ti gwon köyö i mugun a ta tine bulö koŋdya nene ŋo.

Gwe ta köyö i mugun, gwoso na gwoŋdi nan kasu i mugunya na. Kene ti bulö radan ludweki ko mugun nanyit ka ’de ko a ko gwon i ködini monye lo, nyena ta köti ti radan ludweki ko ta a ko gwon köyö i mugun.

Ko ta gwon köyö i mugun a kulyaesi kwe gwe kasu i mugunya, nyena a ta bulöni bulö piyuŋdya ŋo nagon ta ’de ’dekan, a ta mo wune wu se.

Ta a ko wulun nan, ama nan aje wulun ta ko a gelun ta anyen ta puputuru ŋerot i radan na ludweki. Kilo ludweki kasu ködyö yeyeŋon. A kirut Baba mo tiŋdi ta ŋo liŋ nagon ta a piyun köyö i karin kune.

Nyaŋu duma ’bayin ko lele ŋuto lwölwöŋ na, adi ŋuto a pakiŋdya mugun i tatua kogwon julin kanyit.

Lepeŋ totokoro kaŋo kenia kwe liŋ nagon a ko radan ludweki, a nye ’duŋge i kune kenia liŋ nagon raradan ludweki anyen kunie kenia na wilun nagon raradan ludweki jore.

Lo a saret liŋ adi, Tunyare ta tunyar ko ’börik gwoso na nyaŋi nan ta na.

Baba bubula ko ta raradan ludweki jore; a i ŋina a ta gwe a ŋutu kwe kajujumuk.

Nan logon a ködini lo binyo gwak, a Baba gwe a kametanit lo ŋilo ködini.

Ŋuto logon ti gwon köyö i mugun lo gugubaji kaŋo gwoso kene, a teteyone teteyon. A kine kenia ’du ’dumani ’du’duma, a gubani i kimaŋ, a noke nakan.

Nan aje jamakin ta kine kulya anyen lyöŋön nio böŋö gwon kasu i mugunya, ko anyen lyöŋön nasu böŋö jojore.

Ta mo gwon köyö i nyaret ko ta ’de ’dep saresi kwe, gwoso na ’debbi nan saresi ti Baba na a nan gwe kanyit i nyaret.

Ŋilo a saret liŋ logon nan sarakin ta adi, Tunyare ta tunyar ko ’börik.

Ko ta ködyö a ti na kak, a kak na ködyö nyanyar kanyit. Ta ’bayin a ti na kak kogwon nan aje wulun ta kaŋo i na kak, nyena ko ŋina kwe a kak na mane man ta.