बाट लोकप्रिय बाइबल पदहरू {{chapter}}

शेयर गर्नुहोस्

Jengga ula kapka aaremawer totinyeleiserem ga iniwer gam tawetya, jeiserem angtane ga jei gam kabwaktana. Angtanem iniwer taweyalaiserem ga enggala aas galserem: ula kapka angtane gemer aa jei gam gunurum jelem inibe; angtanes munbof; maaryens gam gwebili; angtane naura jei wini anggwayanaiserem jebar makanap gangge dorwena; apgal jigala jam komkomulsiliserem; angtane aa jei gam afaf-afaftababilirim angtane nafsi jem temawer; syefer nasowelaiserem angtane nafsi jem temawer.

Tumilgala angtane aa jes gane tumilirim, jeiserem jeme je angtane jam kabwaktayan. Fas, jengga ula kapka aaremawer totinyeleiserem, angtane ga jei gam kabwaktana.”

‘Uwa Sanbagiri Jei enggam gunu, anggwabura aaiserem Ase aarememfener gane gaartena, jengga ini jemna bijua Amniwer. Jei Ai As jewer ne pujitenerem, jam sege elbesini, aam temawer taterisi jei aa jes ne towas-towastababuwenaram, jei enggam ne balbabili taterisi jeiserem ga Amna, jengga taterisi jeiserem Amanyan, taterisi jeiserem jei angtanemana.’ ”

Jepga Yesus ga tamawola, “Wi, aamei uskambar As im tebana. Aamei ijes bilirim, mes etamwena.” Ane jes jeberserem tane yafma jemna ga mes waakenswebili.

Jepga wini jeiserem ga jela Yesusminibe, somwan dumem ga nwintena jam sembataf, ane ga bala, “Uwa, as batobi!” Yesus ga tamawola, “Gwanan tane unu jei ge folbami. Gam jam naaweyan, tumilgala tanemana ga gwalaf gane fasawolmini.” (Taterisi jeiserem jem igiserem ga enggam, Yesus Jei nabala angtane Israelmanaiserem ga jes batobaabili, angtane Israelmanyanaiserem jei ga amnup.) Wini jeiserem ga tamawola, “Uwa bunar, jengga tumilgala tomna uwamana aa je ge janbityerem mejanawer, gwalna tumilgala jeiserem ga jes ne tombaabili.”