‘Ona fa‘amanuia atu lea o ia ‘iā Iosefa ‘ua fa‘apea atu ai:
“O le Atua lava o lē na savali ai i ona luma o‘u tamā o Aperaamo ma Isaako. O le Atua lava o lē na fagaina a‘u talu ‘ina fānau o a‘u, ‘ua o‘o mai lava i le aso nei. O le Agelu lava o lē na lavea‘iina mai a‘u ai le leaga uma lava, ‘ia fa‘amanuia atu lava o ia i tama nei. ‘Ia fa‘aigoa fo‘i i ai i lo‘u nei igoa ma igoa o o‘u tamā o Aperaamo ma Isaako, ma ‘ia matuā fa‘ato‘ateleina i lā‘ua i le lalolagi.”