Madiu 2
2
Ibadibadi adi tonuwahuya hi'ela be Yesu hina'itana.
1Tu bana Helodi fafali ana egana Yudiya againe givehivehimeya ana toveya, Yesu Yudiya melalina ana egana Bedelihema againe gitubuga. Gimiyami tu ibadibadi adi tonuwahuya lauhanaga amine hi'ela Yelusalema againe hilakayemu. 2Hiyemu hitoliluvaluva higayo, “Omi miYuda ami kini a gitubuga-ma hai gimimiyami? Yuwa amiyami tu badibadi sa'eyana higa bana kwamanai-nadi ana aituha lauhanaga amine a'itana fa'ina a'ela be anahawadavadavana.” Hidemi higahe.
3Tu Kini Helodi yadi gahe kini velugana fa'ina ginogalina againe ase'asena gi'akolukoluna, kadu miYelusalema moya'aidi himatamatauta higa vaita Helodi ginanuwakoyo lakahina. 4Au Helodi abaveyao ana tofaisewa kikaiwabudiyao kadu Mosese yana vehimeya ana tovehawala gikovavaga'auhidi be gitoliluveluvedi gigayo, “Gava melala againe Yaubada yana Tovegida Keliso ginatubuga?” 5#Yo 7:42Badi higayo, “Bedelihema Yudiya ana fafali againe ginatubuga, fa'ina Yaubada bonana ana to'awatalatalaina sa'eyana yana buki againe gi'etoladi gigayo,
6 #
Mai 5:2
Ho miBedelihema, Yudiya ana fafali againe wamimiyami. Yami melala kabi'ona tu ana egana lakahina Yudiya ana tonagona matadiya, fa'ina tovehimeya lakahina omi agaimiya ginatubuyemu, be yaku yo'o miIsileli gina'itave'avidi.
To'awatalatalaina yana gahe hidede amine.”
7Tu Helodi mena gahe-nadi ginogalini-yo ibadibadi adi tonuwahuya giyowanikauyedi, ada gitoliyedi be higa vaita gava tova badibadi-nadi gimidiyemu ma ginahalamane-hagihagiyena. 8Gihalamaneni tu Bedelihema againe gi'iveninisedi gigahedi gigayo, “Wanana be kwamana wanalele-hagihagiyena ada ahe wananuhagana againe, wanayewa'ela be wanavenuwa'ataku be kadu iya akufaiweya ganana ganahawadavadavana.”
9Badi tonuwahuya Kini buye hilukahihi gihavaina, hilowoga. Hinauna tu mena badibadi-nadi yana yemu lauhanaga amine himidi'itana-ma hi'ita-havagilena. Hi'ita'itani ginagonagoyedi tu kwamana yana abamiya getane gi'alovena. 10Ada badibadi hi'itana againe, nuwadi gi'ayauyauna be hivemwamwala keke kabi'ona. 11#Ais 60:6Ada manuweya hiluku kwamana hinana Meli buye himiyami-ma hi'itana, ada au hi'ibo'ula-mo'a kwamana hihawadavadavana. Hidavadavani-yo adi fose hi'iyauga be yadi lokolokofou hivelena, gola kadu vanedimodimo luhei adi egana falanikisenisi ada mulo, fatadi lakahina. 12Tu Yaubada avayauna againe gihawatadi be keke Helodi againe hinayewadi fa'ina mali edeya hinauna tu hiyewadi yadi melaleya.
Yosefa kwamana hinana buye ginauwedi be
Idifita againe hi'ota.
13Badi tonuwahuya hina tu Yosefa Kaiwabu yana tovenuwa'ata sa'eyana gi'avayaunena bana againe gilakayemu gigayo, “Umidi, kwamana hinana buye unanauwedi be yuwa fafali ana egana Idifita againe wana'ota. Yuwadedei wanamiyami tu aimo iya ganavenuwa'ata amine wanayewami. Yuwa wanamiyami, fa'ina bana Helodi kwamana ginalelelena be ginaluve'alikana fa'ina.”
14Tovenuwa'ata hidedemi gigahe tu Yosefa gitowamidi, bogi nafone kwamana hinana buye ginauwedi be Idifita gava lauveya gihobuyedi. 15#Hos 11:1Yuwadedei himiyami himiyami tu Helodi gi'alika. Ada au Idifita againe hina himiyami fa'ina, Kaiwabu yana gahe bonana ana to'awatalatalaina sa'eyana tuwai-mo'ena gigaheye-vagahina ma gilakayemu velemo'ena gigayo,
Natuku Idifita againe gayowanina be gi'ela.
Tolugaviya we'owe'o hiluve'alikadi.
16Badi hina Idifita tu bana Helodi ibadibadi adi tonuwahuya hi'aikau ma gi'ayaunena againe gi'ago'uga-mo'a. Yana tolugaviya givehimeyedi be hinana we'owe'o kaliva moya'aidi Bedelihema melala againe kadu awa'awana melalai-dina agaidiya hinaluve'alika-'owodi. We'owe'o kaliva adi malamala luhei kadu tufoidi aimo'u, mena tovai-nadi badibadi yana yemu tonuwahuya agaidiya gihalamanena-ma amine. 17Meda we'owe'o hiluve'alika-'owodi fa'ina, Yaubada yana gahe bonana ana to'awatalatalaina ana egana Yelemaiya tuwai-mo'ena gigaheye-vagahina ma gilakayemu velemo'ena gigayo,
18 #
Yel 31:15; Aba 35:19 Melala ana egana Lama againe vevine agodi hinogalina, hitagitagi hilulaukuhi Litiyeli bwanenediyao natudiyao hitagitagigidi. Hitagitagigidi tu hawavemoluva hikilowe-mo'ena, natudiyao hi'alika-'owoga fa'ina.
Hidedemi Yelemaiya gigaheye-vagahina.
Yosefa Meli kwamana buye Nasaledi hiyewadi.
19-20Himiyami tu Helodi gi'alika au Kaiwabu yana tovenuwa'ata sa'eyana Idifita againe Yosefa gi'avayaunena bana againe gilakayemu gigayo, “Umidi, kwamana hinana buye unanauwedi be Isileli ana fafaliya wanayewami, fa'ina badi nuwanuwadi kwamana hinaluve'alikana-ma a hi'alika.”
21Au Yosefa gitowamidi kwamana hinana buye ginauwedi be Isileli ana fafaliya hiyewadi. 22Hilakayemu tu Yosefa bana Akileyo valeyana ginogalina, higa bana tamana Helodi ana hilafa Yudiya againe givehivehimeya. Hidedemi ginogalini-yo gimatauta be keke nuwanuwana medede againe hinamiya. Kadu ana avayauna sa'eyana againe hawata ginogalina fa'ina, hilowoga be hina Galili ana fafali againe hitogavehaila. 23#Lu 2:39; Yo 1:45-46E, Yosefa gina melala ana egana Nasaledi againe gimiyami. Nasaledi againe gimiyami fa'ina, Yaubada bonana ana to'awatalatalaina yadi gahe tuwai-mo'ena hiyakahi-vagahina ma gilakayemu velemo'ena. Tokibababala fa'ina higahe higayo,
Bana'e hinavewagana kwanamiNasaledi.
अहिले सेलेक्ट गरिएको:
Madiu 2: viv
हाइलाइट
शेयर गर्नुहोस्
कपी गर्नुहोस्
तपाईंका हाइलाइटहरू तपाईंका सबै यन्त्रहरूमा सुरक्षित गर्न चाहनुहुन्छ? साइन अप वा साइन इन गर्नुहोस्
© 2003, Wycliffe Bible Translators, Inc. All rights reserved.
Madiu 2
2
Ibadibadi adi tonuwahuya hi'ela be Yesu hina'itana.
1Tu bana Helodi fafali ana egana Yudiya againe givehivehimeya ana toveya, Yesu Yudiya melalina ana egana Bedelihema againe gitubuga. Gimiyami tu ibadibadi adi tonuwahuya lauhanaga amine hi'ela Yelusalema againe hilakayemu. 2Hiyemu hitoliluvaluva higayo, “Omi miYuda ami kini a gitubuga-ma hai gimimiyami? Yuwa amiyami tu badibadi sa'eyana higa bana kwamanai-nadi ana aituha lauhanaga amine a'itana fa'ina a'ela be anahawadavadavana.” Hidemi higahe.
3Tu Kini Helodi yadi gahe kini velugana fa'ina ginogalina againe ase'asena gi'akolukoluna, kadu miYelusalema moya'aidi himatamatauta higa vaita Helodi ginanuwakoyo lakahina. 4Au Helodi abaveyao ana tofaisewa kikaiwabudiyao kadu Mosese yana vehimeya ana tovehawala gikovavaga'auhidi be gitoliluveluvedi gigayo, “Gava melala againe Yaubada yana Tovegida Keliso ginatubuga?” 5#Yo 7:42Badi higayo, “Bedelihema Yudiya ana fafali againe ginatubuga, fa'ina Yaubada bonana ana to'awatalatalaina sa'eyana yana buki againe gi'etoladi gigayo,
6 #
Mai 5:2
Ho miBedelihema, Yudiya ana fafali againe wamimiyami. Yami melala kabi'ona tu ana egana lakahina Yudiya ana tonagona matadiya, fa'ina tovehimeya lakahina omi agaimiya ginatubuyemu, be yaku yo'o miIsileli gina'itave'avidi.
To'awatalatalaina yana gahe hidede amine.”
7Tu Helodi mena gahe-nadi ginogalini-yo ibadibadi adi tonuwahuya giyowanikauyedi, ada gitoliyedi be higa vaita gava tova badibadi-nadi gimidiyemu ma ginahalamane-hagihagiyena. 8Gihalamaneni tu Bedelihema againe gi'iveninisedi gigahedi gigayo, “Wanana be kwamana wanalele-hagihagiyena ada ahe wananuhagana againe, wanayewa'ela be wanavenuwa'ataku be kadu iya akufaiweya ganana ganahawadavadavana.”
9Badi tonuwahuya Kini buye hilukahihi gihavaina, hilowoga. Hinauna tu mena badibadi-nadi yana yemu lauhanaga amine himidi'itana-ma hi'ita-havagilena. Hi'ita'itani ginagonagoyedi tu kwamana yana abamiya getane gi'alovena. 10Ada badibadi hi'itana againe, nuwadi gi'ayauyauna be hivemwamwala keke kabi'ona. 11#Ais 60:6Ada manuweya hiluku kwamana hinana Meli buye himiyami-ma hi'itana, ada au hi'ibo'ula-mo'a kwamana hihawadavadavana. Hidavadavani-yo adi fose hi'iyauga be yadi lokolokofou hivelena, gola kadu vanedimodimo luhei adi egana falanikisenisi ada mulo, fatadi lakahina. 12Tu Yaubada avayauna againe gihawatadi be keke Helodi againe hinayewadi fa'ina mali edeya hinauna tu hiyewadi yadi melaleya.
Yosefa kwamana hinana buye ginauwedi be
Idifita againe hi'ota.
13Badi tonuwahuya hina tu Yosefa Kaiwabu yana tovenuwa'ata sa'eyana gi'avayaunena bana againe gilakayemu gigayo, “Umidi, kwamana hinana buye unanauwedi be yuwa fafali ana egana Idifita againe wana'ota. Yuwadedei wanamiyami tu aimo iya ganavenuwa'ata amine wanayewami. Yuwa wanamiyami, fa'ina bana Helodi kwamana ginalelelena be ginaluve'alikana fa'ina.”
14Tovenuwa'ata hidedemi gigahe tu Yosefa gitowamidi, bogi nafone kwamana hinana buye ginauwedi be Idifita gava lauveya gihobuyedi. 15#Hos 11:1Yuwadedei himiyami himiyami tu Helodi gi'alika. Ada au Idifita againe hina himiyami fa'ina, Kaiwabu yana gahe bonana ana to'awatalatalaina sa'eyana tuwai-mo'ena gigaheye-vagahina ma gilakayemu velemo'ena gigayo,
Natuku Idifita againe gayowanina be gi'ela.
Tolugaviya we'owe'o hiluve'alikadi.
16Badi hina Idifita tu bana Helodi ibadibadi adi tonuwahuya hi'aikau ma gi'ayaunena againe gi'ago'uga-mo'a. Yana tolugaviya givehimeyedi be hinana we'owe'o kaliva moya'aidi Bedelihema melala againe kadu awa'awana melalai-dina agaidiya hinaluve'alika-'owodi. We'owe'o kaliva adi malamala luhei kadu tufoidi aimo'u, mena tovai-nadi badibadi yana yemu tonuwahuya agaidiya gihalamanena-ma amine. 17Meda we'owe'o hiluve'alika-'owodi fa'ina, Yaubada yana gahe bonana ana to'awatalatalaina ana egana Yelemaiya tuwai-mo'ena gigaheye-vagahina ma gilakayemu velemo'ena gigayo,
18 #
Yel 31:15; Aba 35:19 Melala ana egana Lama againe vevine agodi hinogalina, hitagitagi hilulaukuhi Litiyeli bwanenediyao natudiyao hitagitagigidi. Hitagitagigidi tu hawavemoluva hikilowe-mo'ena, natudiyao hi'alika-'owoga fa'ina.
Hidedemi Yelemaiya gigaheye-vagahina.
Yosefa Meli kwamana buye Nasaledi hiyewadi.
19-20Himiyami tu Helodi gi'alika au Kaiwabu yana tovenuwa'ata sa'eyana Idifita againe Yosefa gi'avayaunena bana againe gilakayemu gigayo, “Umidi, kwamana hinana buye unanauwedi be Isileli ana fafaliya wanayewami, fa'ina badi nuwanuwadi kwamana hinaluve'alikana-ma a hi'alika.”
21Au Yosefa gitowamidi kwamana hinana buye ginauwedi be Isileli ana fafaliya hiyewadi. 22Hilakayemu tu Yosefa bana Akileyo valeyana ginogalina, higa bana tamana Helodi ana hilafa Yudiya againe givehivehimeya. Hidedemi ginogalini-yo gimatauta be keke nuwanuwana medede againe hinamiya. Kadu ana avayauna sa'eyana againe hawata ginogalina fa'ina, hilowoga be hina Galili ana fafali againe hitogavehaila. 23#Lu 2:39; Yo 1:45-46E, Yosefa gina melala ana egana Nasaledi againe gimiyami. Nasaledi againe gimiyami fa'ina, Yaubada bonana ana to'awatalatalaina yadi gahe tuwai-mo'ena hiyakahi-vagahina ma gilakayemu velemo'ena. Tokibababala fa'ina higahe higayo,
Bana'e hinavewagana kwanamiNasaledi.
अहिले सेलेक्ट गरिएको:
:
हाइलाइट
शेयर गर्नुहोस्
कपी गर्नुहोस्
तपाईंका हाइलाइटहरू तपाईंका सबै यन्त्रहरूमा सुरक्षित गर्न चाहनुहुन्छ? साइन अप वा साइन इन गर्नुहोस्
© 2003, Wycliffe Bible Translators, Inc. All rights reserved.