Mateo 15
15
Faliseo Au'i E'i Laomai
(Mako 7:1-23)
1Ega'ina afegai Faliseo au'i ke Moses ega iifa pamalelega au'i Ierusaleme taoninai kemai Iesu kepa'ani penia keinaka: 2“Kapa puo oi emu imoi papiau apao'i e'i kagakaga laagai keaopagai? Gome isa ima'i akeikua kai keaniani!” keoma.
3Ega aisama Iesu isa e'i iifa epamue einaka, “Ke oi aumi kapa puo, emi kagakaga mo faugai Deo ega iifa kapula'i au'i oaupea'i? 4Lau oi lapa'ani penimi gome Deo eifa, ‘Inamu amamu fou fopalopiani'i,’#Exodus 20:12; Deuteronomy 5:16 ke ‘Aufalao aga'o ina ama ageifa apala penia aisama, feisaupugu,’#Exodus 21:17; Lefitikus 20:9 eoma. 5Kai oi oifa au aga'o ina o ama agepaina, ‘Pipalagai kapa'i mo lau eeuai oafii'i au'i pipeni Deo apuga,’ ooma. 6Ke ega'ina pipeni'iai isa ina ama faepalopiani'i ooma. Ega koa okapa oi emi kagakaga mo kainai opea kai, Deo ega iifa auga laa'i opamia. 7Pifoge aumi! Ufainagai profeta Aisaea oi pau kapa'ina agokapa auga fouga Deo ega iifa pukagai epapua auga ko'a:
8“‘I'ina papiau'i fifina'iai mo lau kepalopianiau kai,
gua'i auga aaka ipaumagai.
9Ke isa e'i pamalele auga, papiau aumauni iifa kepaapa'i au'i.
Ega puo lau keau afagai aageniau mo,’”
eoma. Aisaea 29:13
10Iesu ega'ina eifania afegai, la'afou papiau'i eifani'i eega kemai kai epaini'i einaka, “Ainami fopa'aua, i'ina iifaga kapa'ina eifania auga oko fologo. 11Kapa'ina au ake alogai ekoko auga, isa aepaofua kai, kapa'ina isa akegai epealai auga isa epaofua,” eoma.
12Ega aisama isa ega imoi kemai kepainia keinaka, “Oi ega loifa oma Faliseo au'i a'o kelogonia aisama, alo'i lopalifua auga alologo ma?” keoma.
13Kai Iesu isa e'i iifa afa palapoleai epamue einaka, “Au ma'oai lau Amau ufai eague auga, aefauni'i au'i gagamu'iai akefuau'i. 14Amopua'afuni'i, isa maakimi'i au'i koa i'opo'i maakimi'i papiau'i kepapea'i. Ke maakimi'i auga aga'o maakimi'i auga mo aga'o agepapea koa aisama, auni'i kai'ialao ipuai ake'ualai,” eoma.
15Ega aisama Peto Iesu epainia einaka, “Palapole i'ina maamaisai oko mopakaisa,” eoma.
16Ega aisama Iesu ega imoi epa'ani peni'i einaka, “Oi lau kapa'ina laifani'i au'i oko'i alologo felo koa ma? 17Aufalao aga'o fo'ama akegai ekoko aisama, elao inaega alogai ke imaaugai epealai pugu auga aloisa ma? 18Kai kapa'ina au akegai kepealai au'i gua alogai kemai. Ega'ina iifa'i isa kepaofua. 19Gome papiau gua'i alogai kepealai au'i auga, opola apala'i, papiau isaupugua, papiau keamage kai papiau i'oina aga'o fou akeamage auga fou kefeu, ifiao o'oae fou kefeu, painao, pifogeai papiau kepaagu fofou'i, Deo ke papiau fou ee'iai keifa apala au'i. 20Ega'ina lao'i mai'i papiau aga'o alo kepaofua. Kai ima aeikua kai eaniani auga papiau alo aepaofua,” eoma.
Kanaan Papiega Ega Pako'a
(Mako 7:24-30)
21Iesu ega'ina iifaga eifania afegai, Iudea papiau'i e'i ago epua'afuga elao Iudea papiau'i laa'i au'i e'i agoai, Taire ke Sidoni taoni'i agogai ekoko. 22Ega aisama Kanaan papiega aga'o ega'ina ago eegai emai Iesu eegai maisapepega mo eifa einaka, “Lopia, Davide okogai lomai aumu, guau moania! Tiapolo lau gau papiega alogai eague, epakiekie alogaina,” eoma.
23Kai Iesu iifa aga'o aeifania. Ega puo isa ega imoi kemai kegoi peni kapulania keinaka, “Moula gakailai galao, gome isa i'a muni'aisai eagaga aeapakipo paisa,” keoma.
24Ega aisama Iesu einaka, “Lau auga Israel papiau'i laomai apala'i kekapa'i, sipi kegea koa i'opo'i au'i mo fau'iai Deo eulaisau lamai,” eoma.
25Ega aisama papie ega'ina emai Iesu agogai eanife'u kai eifa einaka, “Lopia, mopalagainiau,” eoma.
26Ke Iesu einaka, “Imoi e'i palafa faafia amu'e fapiu peni'i auga felo laa'i,” eoma.
27Kai papie einaka, “Iifa ko'a Lopia kai, amu'e mo ganinagai isa e'i lopia eaniani alogai ega teipoloai fo'ama ame'afu'i kea'opu au'i keani'i,” eoma.
28Iesu papie ega'ina ega eifa oma aina elogonia aisama, eifa einaka, “Papie, oi emu pako'a akaiki'a ipauma lau eeuai loogeisa. Ega puo kapa'ina loifania gaikapa looma auga ageikapa paisa,” eoma. Ke ega'ina kina maagai mo papie ega'ina gauga felo emia.
Iesu Papiau 4000 Epaaniani'i
(Mako 8:1-10)
29Ega'ina afegai Iesu ega'ina afuga epua'afuga Kalilea a'uga foega nie mo elao. Egae kai elao iku mapegai eagukipo. 30Ega'ina alogai papiau la'afou akaiki'agai isa eega kemai. Ke kemai alogai, kemelo au'i, maakimi'i au'i, isafai kemelo au'i, akeafu au'i, ke isafa i'oi'i ma'o keafi'i au'i isafa kemaiseini'i Iesu agogai kepakala'i. Ke Iesu isa epafelo afe'aini'i. 31Papiau aina'i efua au'i a'oa'o kelogonia, ke kemelo au'i, ke isafai kemelo au'i fou epafelo'i, ke maakimi'i au'i afu keisa auga keisa'i aisama, kekauai alogaina keopofua. Ke isa Israel papiau'i e'i Deo Au Akaiki'a kepamia.
32Iesu papiau epafelo'i afegai, ega imoi eifa kaigugui'i kai, epaini'i einaka, “I'ina papiau'i gua'i laania, gome isa lau fou kina oiso inae aagu, ke pau fo'ama aga'o ee'iai laa'i afakeania. Lau isa inae'i maikimuga mo falaulai'i fakelao laoma. Kai alaulai'i akelao koa aisama, keagai maa'i afepiu afeke'ualai,” eoma.
33Ega aisama Iesu ega imoi keinaka, “Afu oapuga iina koa auga kapai palafa isa akeania agekaina auga agaafia la'afou iina koa agapaaniani'i agekaina?” keoma.
34Ega aisama Iesu isa epa'ani peni'i einaka, “Palafa iuma pika eemiai kekae?” eoma.
Ke isa keinaka, “Palafa iuma imagea gua, ke ma'a e'ele'i pika koa mo eemaisai kekae,” keoma.
35Ke Iesu papiau epaini'i aagoai keagukipo. 36Egae kai palafa iuma'i imagea gua, ke ma'a fou eafii'i Deo tenkiu epeniia efua aisama, efaiponi'i kai ega imoi epenii'i. Ke ega imoi palafa keafii'i la'afou papiau'i kepenii'i. 37Ke papiau ma'oai keaniani alo'i ekainia. Papiau keaniani afegai, Iesu ega imoi palafa ame'afu'i kea'opu au'i kepakai guguaini'i ale'a imagea gua ake'i kepapogu'i. 38Ega kinagai papiau keaniani au'i, au mo kepaauni'i auga au'i ma'oai mo 4000 kai, papie imoi fou auga akepaauni'i. 39Iesu la'afou epakanina afegai, ega imoi fou gaagai keaguka kelao Makadan taonina#15:39 I'ina taonina aka aga'o auga ‘Dalmanuta’, o ‘Maria Makdalena emai taonina.’ ago niegai.
अहिले सेलेक्ट गरिएको:
Mateo 15: mekNT
हाइलाइट
शेयर गर्नुहोस्
कपी गर्नुहोस्
तपाईंका हाइलाइटहरू तपाईंका सबै यन्त्रहरूमा सुरक्षित गर्न चाहनुहुन्छ? साइन अप वा साइन इन गर्नुहोस्
© 1998, Wycliffe Bible Translators, Inc. All rights reserved.
Mateo 15
15
Faliseo Au'i E'i Laomai
(Mako 7:1-23)
1Ega'ina afegai Faliseo au'i ke Moses ega iifa pamalelega au'i Ierusaleme taoninai kemai Iesu kepa'ani penia keinaka: 2“Kapa puo oi emu imoi papiau apao'i e'i kagakaga laagai keaopagai? Gome isa ima'i akeikua kai keaniani!” keoma.
3Ega aisama Iesu isa e'i iifa epamue einaka, “Ke oi aumi kapa puo, emi kagakaga mo faugai Deo ega iifa kapula'i au'i oaupea'i? 4Lau oi lapa'ani penimi gome Deo eifa, ‘Inamu amamu fou fopalopiani'i,’#Exodus 20:12; Deuteronomy 5:16 ke ‘Aufalao aga'o ina ama ageifa apala penia aisama, feisaupugu,’#Exodus 21:17; Lefitikus 20:9 eoma. 5Kai oi oifa au aga'o ina o ama agepaina, ‘Pipalagai kapa'i mo lau eeuai oafii'i au'i pipeni Deo apuga,’ ooma. 6Ke ega'ina pipeni'iai isa ina ama faepalopiani'i ooma. Ega koa okapa oi emi kagakaga mo kainai opea kai, Deo ega iifa auga laa'i opamia. 7Pifoge aumi! Ufainagai profeta Aisaea oi pau kapa'ina agokapa auga fouga Deo ega iifa pukagai epapua auga ko'a:
8“‘I'ina papiau'i fifina'iai mo lau kepalopianiau kai,
gua'i auga aaka ipaumagai.
9Ke isa e'i pamalele auga, papiau aumauni iifa kepaapa'i au'i.
Ega puo lau keau afagai aageniau mo,’”
eoma. Aisaea 29:13
10Iesu ega'ina eifania afegai, la'afou papiau'i eifani'i eega kemai kai epaini'i einaka, “Ainami fopa'aua, i'ina iifaga kapa'ina eifania auga oko fologo. 11Kapa'ina au ake alogai ekoko auga, isa aepaofua kai, kapa'ina isa akegai epealai auga isa epaofua,” eoma.
12Ega aisama isa ega imoi kemai kepainia keinaka, “Oi ega loifa oma Faliseo au'i a'o kelogonia aisama, alo'i lopalifua auga alologo ma?” keoma.
13Kai Iesu isa e'i iifa afa palapoleai epamue einaka, “Au ma'oai lau Amau ufai eague auga, aefauni'i au'i gagamu'iai akefuau'i. 14Amopua'afuni'i, isa maakimi'i au'i koa i'opo'i maakimi'i papiau'i kepapea'i. Ke maakimi'i auga aga'o maakimi'i auga mo aga'o agepapea koa aisama, auni'i kai'ialao ipuai ake'ualai,” eoma.
15Ega aisama Peto Iesu epainia einaka, “Palapole i'ina maamaisai oko mopakaisa,” eoma.
16Ega aisama Iesu ega imoi epa'ani peni'i einaka, “Oi lau kapa'ina laifani'i au'i oko'i alologo felo koa ma? 17Aufalao aga'o fo'ama akegai ekoko aisama, elao inaega alogai ke imaaugai epealai pugu auga aloisa ma? 18Kai kapa'ina au akegai kepealai au'i gua alogai kemai. Ega'ina iifa'i isa kepaofua. 19Gome papiau gua'i alogai kepealai au'i auga, opola apala'i, papiau isaupugua, papiau keamage kai papiau i'oina aga'o fou akeamage auga fou kefeu, ifiao o'oae fou kefeu, painao, pifogeai papiau kepaagu fofou'i, Deo ke papiau fou ee'iai keifa apala au'i. 20Ega'ina lao'i mai'i papiau aga'o alo kepaofua. Kai ima aeikua kai eaniani auga papiau alo aepaofua,” eoma.
Kanaan Papiega Ega Pako'a
(Mako 7:24-30)
21Iesu ega'ina iifaga eifania afegai, Iudea papiau'i e'i ago epua'afuga elao Iudea papiau'i laa'i au'i e'i agoai, Taire ke Sidoni taoni'i agogai ekoko. 22Ega aisama Kanaan papiega aga'o ega'ina ago eegai emai Iesu eegai maisapepega mo eifa einaka, “Lopia, Davide okogai lomai aumu, guau moania! Tiapolo lau gau papiega alogai eague, epakiekie alogaina,” eoma.
23Kai Iesu iifa aga'o aeifania. Ega puo isa ega imoi kemai kegoi peni kapulania keinaka, “Moula gakailai galao, gome isa i'a muni'aisai eagaga aeapakipo paisa,” keoma.
24Ega aisama Iesu einaka, “Lau auga Israel papiau'i laomai apala'i kekapa'i, sipi kegea koa i'opo'i au'i mo fau'iai Deo eulaisau lamai,” eoma.
25Ega aisama papie ega'ina emai Iesu agogai eanife'u kai eifa einaka, “Lopia, mopalagainiau,” eoma.
26Ke Iesu einaka, “Imoi e'i palafa faafia amu'e fapiu peni'i auga felo laa'i,” eoma.
27Kai papie einaka, “Iifa ko'a Lopia kai, amu'e mo ganinagai isa e'i lopia eaniani alogai ega teipoloai fo'ama ame'afu'i kea'opu au'i keani'i,” eoma.
28Iesu papie ega'ina ega eifa oma aina elogonia aisama, eifa einaka, “Papie, oi emu pako'a akaiki'a ipauma lau eeuai loogeisa. Ega puo kapa'ina loifania gaikapa looma auga ageikapa paisa,” eoma. Ke ega'ina kina maagai mo papie ega'ina gauga felo emia.
Iesu Papiau 4000 Epaaniani'i
(Mako 8:1-10)
29Ega'ina afegai Iesu ega'ina afuga epua'afuga Kalilea a'uga foega nie mo elao. Egae kai elao iku mapegai eagukipo. 30Ega'ina alogai papiau la'afou akaiki'agai isa eega kemai. Ke kemai alogai, kemelo au'i, maakimi'i au'i, isafai kemelo au'i, akeafu au'i, ke isafa i'oi'i ma'o keafi'i au'i isafa kemaiseini'i Iesu agogai kepakala'i. Ke Iesu isa epafelo afe'aini'i. 31Papiau aina'i efua au'i a'oa'o kelogonia, ke kemelo au'i, ke isafai kemelo au'i fou epafelo'i, ke maakimi'i au'i afu keisa auga keisa'i aisama, kekauai alogaina keopofua. Ke isa Israel papiau'i e'i Deo Au Akaiki'a kepamia.
32Iesu papiau epafelo'i afegai, ega imoi eifa kaigugui'i kai, epaini'i einaka, “I'ina papiau'i gua'i laania, gome isa lau fou kina oiso inae aagu, ke pau fo'ama aga'o ee'iai laa'i afakeania. Lau isa inae'i maikimuga mo falaulai'i fakelao laoma. Kai alaulai'i akelao koa aisama, keagai maa'i afepiu afeke'ualai,” eoma.
33Ega aisama Iesu ega imoi keinaka, “Afu oapuga iina koa auga kapai palafa isa akeania agekaina auga agaafia la'afou iina koa agapaaniani'i agekaina?” keoma.
34Ega aisama Iesu isa epa'ani peni'i einaka, “Palafa iuma pika eemiai kekae?” eoma.
Ke isa keinaka, “Palafa iuma imagea gua, ke ma'a e'ele'i pika koa mo eemaisai kekae,” keoma.
35Ke Iesu papiau epaini'i aagoai keagukipo. 36Egae kai palafa iuma'i imagea gua, ke ma'a fou eafii'i Deo tenkiu epeniia efua aisama, efaiponi'i kai ega imoi epenii'i. Ke ega imoi palafa keafii'i la'afou papiau'i kepenii'i. 37Ke papiau ma'oai keaniani alo'i ekainia. Papiau keaniani afegai, Iesu ega imoi palafa ame'afu'i kea'opu au'i kepakai guguaini'i ale'a imagea gua ake'i kepapogu'i. 38Ega kinagai papiau keaniani au'i, au mo kepaauni'i auga au'i ma'oai mo 4000 kai, papie imoi fou auga akepaauni'i. 39Iesu la'afou epakanina afegai, ega imoi fou gaagai keaguka kelao Makadan taonina#15:39 I'ina taonina aka aga'o auga ‘Dalmanuta’, o ‘Maria Makdalena emai taonina.’ ago niegai.
अहिले सेलेक्ट गरिएको:
:
हाइलाइट
शेयर गर्नुहोस्
कपी गर्नुहोस्
तपाईंका हाइलाइटहरू तपाईंका सबै यन्त्रहरूमा सुरक्षित गर्न चाहनुहुन्छ? साइन अप वा साइन इन गर्नुहोस्
© 1998, Wycliffe Bible Translators, Inc. All rights reserved.