Mateo 27
27
Kansolo Au'i Iesu Femae Keoma
(Mako 15:1; Luka 22:1-2; Ioane 18:28-32)
1Egani amagai ipauma, sakedote lopia'i ke au akaiki'a'i ega'ina fou kepako'ania keifa Iesu femae keoma. 2Ke keafiia kegopeisa kepapea kelaoaina kafana Pilato imagai kepaaua.
Judas Ifo Ekopa
3Kai Judas Iesu e'afa'afalaina auga, Iesu femae keoma auga eisa aisama, alo ekiekie alogaina puo, silifa monina 30 kepenia auga emueaina elaoaina sakedote lopia'i ke au akaiki'a'i fou epenii'i. 4Ke einaka, “Lau laomai apala lakapaisa, gome lau au aga'o laomai apala aga'o aekapaisa auga, la'afa'afalaina,” eoma.
Ke isa keinaka, “Ega'ina lai eemaisai auga kapa aga'o laa'i. Oi ifomu emu opopo, ala alooma koa ifomu,” keoma.
5Ke Judas moni ega'ina Deo ega e'a alogai epiunialao eka kai, ekailai elao ifo ekopa.
6Ke sakedote lopia'i moni ega'ina keafiia ke keinaka, “I'ina monina Deo ega e'a alogai moni aogeoge afugai faoge auga keifa apua. Gome i'ina monina auga papiau aga'o ifa efaka auga monina,” keoma. 7Ega puo ifo'i epo'iai kepako'ania oga ikapa auga ega ago ke'afaisa. Ke ega'ina afugai afu i'oina papiau'i, Ierusaleme taonina papiau'i laa'i au'i kefufuni'i. 8Ega kainai ega'ina ago kepafaala, ifa ago keoma. Ke aka ega'ina pau ekae paisa. 9Ega'ina kapa emia ega koa Deo profeta Jeremaia akegai eifafoua iifaga ko'a emia: ‘Israel papiau'i isa afa silifa monina 30 kepamia, ke ega'ina monina keafiia oga ikapa auga ega ago ke'afaisa. 10Ke ega koa emia auga, Lopia lau epainiau koa i'opoga mo emia.’#Sakaraia 11:12-13; Jeremaia 32:6-9
Iesu Pilato Agogai Iifa Epakaisa
(Mako 15:2-5; Luka 23:3-5; Ioane 18:33-38)
11Kai ega'ina alogai Iesu kafana Pilato agogai eapa iifa epakaisa. Pilato isa epa'ani penia einaka, “Oi Iudea papiau'i e'i kin ma?” eoma.
Ke Iesu einaka, “E, oi loifania koa i'opoga,” eoma.
12Kai sakedote lopia'i ke au akaiki'a'i fou isa kepaagu fofoua aisama, e'i iifa afa aga'o aepamue. 13Ega aisama Pilato isa epa'ani penia einaka, “Oi isa kapa ma'o mo faaga'iai kenini'ani kepaagu fofouso auga aina'i alologo ma?” eoma. 14Kai Iesu isa kepaagu fofoua auga iifa'i aga'omo ganinagai afa aepamue puo, kafana Pilato ekauai alogaina.
Pilato Iesu Femae Auga Iifaga Epaapa
(Mako 15:6-15; Luka 23:13-25; Ioane 18:39–19:16)
15Kai ega'ina kina auga Pasover miamiaga kina. Ke ega'ina kinagai, kafana ekapakapa koa i'opoga la'afou papiau'i tipula auga aga'o kekinaga auga epapapealaisa. 16Ega kinagai tipula auga aga'o apala ipauma, papiau ma'oai kelogo afe'aina auga aka Barabas eagu. 17Ega puo la'afou papiau'i kekaigugu aisama, Pilato isa epa'ani peni'i einaka, “Anina oani au kapa mapapealaisa ooma? Barabas, o Iesu keifaga Mesaia keoma auga mapapealaisa ooma?” eoma. 18Isa ega epa'ani oma, gome papiau ega'ina au'i Iesu eegai kepikupa kainai keafiia isa imagai kepaaua auga elogo.
19Ke Pilato ega agu afugai eagu papiau e'i laomai felo o apala afa epeni'i afugai eaguega kai, isa akafa iifa eulaisa einaka, “Au ega'ina kapa apala aga'o aekapaisa auga faagagai kapa aga'o folokapa. Gome lau pau lanipi, ke nipiai au ega'ina puogai kiekie akaiki'a laafiia,” eoma.
20Kai sakedote lopia'i, ke au akaiki'a'i fou la'afou papiau'i alo'i keaniia, Pilato fekegoina Barabas fepapealaisa kai, Iesu auga femae keoma.
21Ke Kafana Pilato isa epa'ani peni'i einaka, “I'ina au'i auni'i epo'iai kaisau mapapealaisa oi eemi gafai ooma?” eoma.
Ke isa keinaka, “Barabas mopapealaisa,” keoma.
22Ke isa epa'ani pugu einaka, “Ega koa aisama, Iesu Mesaia keoma auga faagagai kapa'ina fakapa ooma?” eoma.
Ke isa ma'oai keinaka, “Kolotiai moau'u'ua,” keoma.
23Ega aisama Pilato isa epa'ani peni'i pugu einaka, “Kapa puo isa kolotiai maau'u'ua ooma? Isa laomai apala ipauma kapa ekapaisa?” eoma.
Kai isa keagaga alogaina paisa keinaka, “Kolotiai moau'u'ua,” keoma.
24Ke Pilato Iesu fepealai auga keagaga aga'o ekapunia aeisa kai, a'oa'o akaiki'a mo e'uegekae auga eisa. Ega aisama fei eafiia la'afou ago'iai ima eikuisa kai eifa einaka, “Au i'ina alo opai auga ifa agefaka auga lau e'u puo laa'i kai, oi emi puo!” eoma.
25Ke papiau ma'oai keinaka, “Isa ifa agefaka auga lai ke gaumai fou emai puo,” keoma.
26Pilato papiau ega keifa oma aina'i elogonia aisama, Barabas epapealaisa ee'i elao kai, ega imoi epaini'i Iesu kegapukia kai, Roma ifani au'i ima'iai epaaua, kolotiai fekeau'u'ua eoma.
Ifani Au'i Iesu Kepa'aua Kea'alaina
(Mako 15:16-20; Ioane 19:2-3)
27Egae kai kafana Pilato ega ifani au'i Iesu keafiia kafana eagu e'agai kekokoaina kai, ifani au'i fofouga kemaiseini'i keapa lofe. 28Egae kai tiapuga kepai'iulaisa kai, ifani au'i tiapu kei'iuka tiapuga iisa pitoga kai eaea auga aga'o isa kepai'iuka. 29Egae kai a'ifu keafipo'e kin kania'iai kraon keogeoge auga koa kepamia kaniagai keogeisa. Ke inipo auga keafiia i'ini koa kepamia ima kainai kepaafia, ke agogai keanife'u kai kepa'aua kea'alaina keinaka, “Iudea papiau'i e'i kin, amaau afagaina!” keoma. 30Egae kai ke'upeisa, ke inipo auga imagai keafiia kania keauniia ke keauauga pugu. 31Ke ifani au'i Iesu kepa'aua ke keauniia afegai, e'i tiapu kepai'iuka auga kepai'iulaisa kai, ifo afe tiapuga kepai'iukamue pugu. Egae kai kolotiai kegaau'u'ua keoma, kepapea kelaoaina.
Iesu Kolotiai Keau'u'ua
(Mako 15:21-32; Luka 23:26-43; Ioane 19:17-27)
32Ifani au'i Iesu kolotiai kegaau'u'ua keoma kelaoaina alogai, Sairene auga aga'o aka Saimon fou kepiaogai. Ke ifani au'i isa kepamani'inia Iesu ega koloti epuaisa fou kelao. 33Ke kelao mo afu aka Kolkota keoma auga afugai. Kolkota i'a mala'aisai auga Papiau Kania'i Uniaga afuga. 34Egae ifani au'i Iesu fino aukelo fou keoge lapuinia auga kepeniia gainu keoma kai, Iesu einu opogaina gamuga eoponia aisama eumaka aeinu. 35Egae kai kolotiai keau'u'ua afegai, Iesu afe tiapuga kapa kaisau ageafia auga kagakaga kainai ke'opoisa, opuaga kepa'aua. Ke ifo'i mo epo'iai afe tiapuga ke'eaisa.#27:35 Papiau isa'i puka isa'i kepapua'i au'i alo'iai iina kepapua oma: “Ega koa Deo ega iifa profeta keifania auga ko'a mo emia.’ 36Egae kai egae keagukipo kai, keagu ke'imaisa. 37Ke kania laagai isa kapa puo kolotiai keau'u'ua auga iifaga iina kepapua oma keau'u'ua eka:
I'INA AUGA IESU, IUDEA PAPIAU'I E'I KIN AUGA
38Ke painao au'i auni'i isafa isa fou kolotiai keau'u'ui'i, aga'o kaina kainai ke aga'o lafanina kaina. 39Ke papiau egae kepea pagai au'i isa keifa apala penia ke kania'i ke'afoisa. 40Ke keinaka, “Oi loifa Deo ega e'a aloauoka kai, kina oiso alogai alopaapamue pugu looma! Ega kainai ifomu kaniamu moagamauga! Ke oi Deo Gauga koa aisama, kolotiai moake!” keoma.
41Ega koa i'opoga sakedote lopia'i, Moses ega iifa pamalelega au'i, ke au akaiki'a'i fou isafa isa kepa'aua keinaka: 42“Isa papiau isa'i kania'i eagamauga kai, ifo auga kania ageagamauga afaekaina. Ke isa Israel papiau'i e'i kin koa aisama, pau ifo kolotiai gaake ega koa faisa fapako'ania. 43Isa Deo epako'ania. Ke isa eifa, ‘Lau Deo Gauga,’ eoma puo, Deo isa anina eani koa aisama, Deo isa kania gaagamauga,” keoma. 44Ega koa i'opoga, painao au'i auni'i isa fou kolotiai keauu'ui'i au'i isafa, iifa apala'i isa eegai keifani'i.
Iesu Emae
(Mako 15:33-41; Luka 23:44-49; Ioane 19:28-30)
45Iesu kolotiai keau'u'ua afegai, atiafai elao 3 o'clock alogai umina akaiki'a ega'ina ago fofouga eumi apua. 46Ke kina maaga 3 o'clock koa i'opoga aisama, Iesu eagaga akaiki'a einaka, “Eloi, Eloi, lama sabaktani?” eoma. Ega'ina nini'anina i'a mala'aisai auga, “E'u Deo, e'u Deo kapa puo lopua'afuniau?” eoma.
47Papiau isa'i egae keapa au'i Iesu ega eifa oma aina kelogonia aisama, keifa keinaka, “Isa Elaija eifaga,” keoma.
48Ke fiakoa mo epo'iai au aga'o epiau elao tiapu manipina eafiia, fino pi'igugai ei'iupia, inipo augai egopeisa kai, Iesu epeniia gainu eoma. 49Kai isa'i au'i keinaka, “Mopua'afuga kai Elaija agemai isa kania ageagamauga ma auga amaisa,” keoma.
50Ke Iesu eagaga akaiki'a pugu afegai aisama, lalauga epua'afuga emae.
51Ega aisama tiapu akaiki'a Deo ega e'a alogai ke'e'e pagainia auga ipuainagai a'uoniai e'i'ipea eake papagai, ke aagoa epigugu, ke fopa kefafapea. 52Ega'ina alogai la ake'i keagalai, ke Deo ega papiau kemae au'i ma'o imaau'iai kemaunimue. 53Ke isa kemaunimue laai kepealai kai Iesu emaunimue aisama, kelao Deo ega taoni Ierusalemeai kekoko papiau ma'o keapakina peni'i.
54Iesu emae alogai ifani lopiaga, ifani au'i 100 e'ima'i auga, ke egae keapa Iesu ke'ima au'i fou kafokau akaiki'a e'ue, ke kapa ma'oai kemia au'i keisa'i. Ega aisama kemani'i alogaina ke keifa keinaka, “Iifa gome isa Deo Gauga paisa,” keoma.
55Ke papie ma'o isafa egae aakai mo keapa kai maa'i elao Iesu keisa. Ega'ina papie'i auga, Kalilea agogai Iesu muninai kepeapea kapa'ina mo anina eani aisama, kepapalagaina au'i. 56Papie ega'ina epo'iai Maria Makdalena, James ke Iosepa fou ina'i aka Maria, ke Sebedi gauga au'i ina'i.
Iesu Imaauga Laai Keogeisa
(Mako 15:42-47; Luka 23:50-56; Ioane 19:38-42)
57Iesu emae kinagai epagapigapi aisama, pa'amu'amu auga aga'o Arimatea taoninai emai auga aka Iosepa emai. Isa ifo isafa Iesu ega imoi aga'o emia. 58Isa Pilato eega elao Iesu imaauga feafia auga pinoina epinoi. Ke Pilato ega imoi eifa kapula peni'i Iesu imaauga isa kegapenia eoma. 59Ke Iosepa Iesu imaauga eafiia tiapu felo ipauma aka linen tiapugai emokaisa. 60Egae kai eafiia elaoaina ifo la mamaga fopai eapi kanina auga alogai epakala. Ke kepo akaiki'a la ega'ina ake epae apua kai ekailai elao. 61Ke Maria Makdalena ke Maria aga'o auga fou la apie kaina keagu.
62Iesu laai keogeisa kina auga, Deo keau afagaina kina agogai auga, ke pinauga kepafua afe'aina kinagai. Ke egani aisama, sakedote lopia'i ke Faliseo au'i fou Pilato eega kelao. 63Ke kepainia keinaka, “Au akaiki'a aumu. Pifoge auga ega'ina aemae koa kai iina eifa oma auga aopolaga puo amai, ‘Kina oiso afegai alamaunimue,’ eoma. 64Ega puo moifa kapulania isa laaga ake kegakaisapua, ke kina oiso ima'ima gamia. Oma'e kai ega imoi isa imaauga afekepainaoga kai papiau maa'iai afekeifa isa maeai emauni afekeoma. Ke isa ega koa akekapa koa aisama, pifoge akaiki'a agemia. Ega'ina auga pifoge ufaina isa ekapa kakaua auga ageka'egaina,” keoma.
65Ega aisama Pilato einaka, “Oi eemiai ima'ima au'i keague. Olao la amo'ima, ke la ala ago'ima felo oma auga okapa,” eoma. 66Ega puo isa ima'ima au'i fou kelao Iesu keoge auga laaga pa'afina kekaisapua, ke kai aga'o faepaagalaisa auga gouga pa'afi akegai keogeisa. Ke au isa'i isafa egae kepaapa'i la ke'imaisa.
अहिले सेलेक्ट गरिएको:
Mateo 27: mekNT
हाइलाइट
शेयर गर्नुहोस्
कपी गर्नुहोस्
तपाईंका हाइलाइटहरू तपाईंका सबै यन्त्रहरूमा सुरक्षित गर्न चाहनुहुन्छ? साइन अप वा साइन इन गर्नुहोस्
© 1998, Wycliffe Bible Translators, Inc. All rights reserved.
Mateo 27
27
Kansolo Au'i Iesu Femae Keoma
(Mako 15:1; Luka 22:1-2; Ioane 18:28-32)
1Egani amagai ipauma, sakedote lopia'i ke au akaiki'a'i ega'ina fou kepako'ania keifa Iesu femae keoma. 2Ke keafiia kegopeisa kepapea kelaoaina kafana Pilato imagai kepaaua.
Judas Ifo Ekopa
3Kai Judas Iesu e'afa'afalaina auga, Iesu femae keoma auga eisa aisama, alo ekiekie alogaina puo, silifa monina 30 kepenia auga emueaina elaoaina sakedote lopia'i ke au akaiki'a'i fou epenii'i. 4Ke einaka, “Lau laomai apala lakapaisa, gome lau au aga'o laomai apala aga'o aekapaisa auga, la'afa'afalaina,” eoma.
Ke isa keinaka, “Ega'ina lai eemaisai auga kapa aga'o laa'i. Oi ifomu emu opopo, ala alooma koa ifomu,” keoma.
5Ke Judas moni ega'ina Deo ega e'a alogai epiunialao eka kai, ekailai elao ifo ekopa.
6Ke sakedote lopia'i moni ega'ina keafiia ke keinaka, “I'ina monina Deo ega e'a alogai moni aogeoge afugai faoge auga keifa apua. Gome i'ina monina auga papiau aga'o ifa efaka auga monina,” keoma. 7Ega puo ifo'i epo'iai kepako'ania oga ikapa auga ega ago ke'afaisa. Ke ega'ina afugai afu i'oina papiau'i, Ierusaleme taonina papiau'i laa'i au'i kefufuni'i. 8Ega kainai ega'ina ago kepafaala, ifa ago keoma. Ke aka ega'ina pau ekae paisa. 9Ega'ina kapa emia ega koa Deo profeta Jeremaia akegai eifafoua iifaga ko'a emia: ‘Israel papiau'i isa afa silifa monina 30 kepamia, ke ega'ina monina keafiia oga ikapa auga ega ago ke'afaisa. 10Ke ega koa emia auga, Lopia lau epainiau koa i'opoga mo emia.’#Sakaraia 11:12-13; Jeremaia 32:6-9
Iesu Pilato Agogai Iifa Epakaisa
(Mako 15:2-5; Luka 23:3-5; Ioane 18:33-38)
11Kai ega'ina alogai Iesu kafana Pilato agogai eapa iifa epakaisa. Pilato isa epa'ani penia einaka, “Oi Iudea papiau'i e'i kin ma?” eoma.
Ke Iesu einaka, “E, oi loifania koa i'opoga,” eoma.
12Kai sakedote lopia'i ke au akaiki'a'i fou isa kepaagu fofoua aisama, e'i iifa afa aga'o aepamue. 13Ega aisama Pilato isa epa'ani penia einaka, “Oi isa kapa ma'o mo faaga'iai kenini'ani kepaagu fofouso auga aina'i alologo ma?” eoma. 14Kai Iesu isa kepaagu fofoua auga iifa'i aga'omo ganinagai afa aepamue puo, kafana Pilato ekauai alogaina.
Pilato Iesu Femae Auga Iifaga Epaapa
(Mako 15:6-15; Luka 23:13-25; Ioane 18:39–19:16)
15Kai ega'ina kina auga Pasover miamiaga kina. Ke ega'ina kinagai, kafana ekapakapa koa i'opoga la'afou papiau'i tipula auga aga'o kekinaga auga epapapealaisa. 16Ega kinagai tipula auga aga'o apala ipauma, papiau ma'oai kelogo afe'aina auga aka Barabas eagu. 17Ega puo la'afou papiau'i kekaigugu aisama, Pilato isa epa'ani peni'i einaka, “Anina oani au kapa mapapealaisa ooma? Barabas, o Iesu keifaga Mesaia keoma auga mapapealaisa ooma?” eoma. 18Isa ega epa'ani oma, gome papiau ega'ina au'i Iesu eegai kepikupa kainai keafiia isa imagai kepaaua auga elogo.
19Ke Pilato ega agu afugai eagu papiau e'i laomai felo o apala afa epeni'i afugai eaguega kai, isa akafa iifa eulaisa einaka, “Au ega'ina kapa apala aga'o aekapaisa auga faagagai kapa aga'o folokapa. Gome lau pau lanipi, ke nipiai au ega'ina puogai kiekie akaiki'a laafiia,” eoma.
20Kai sakedote lopia'i, ke au akaiki'a'i fou la'afou papiau'i alo'i keaniia, Pilato fekegoina Barabas fepapealaisa kai, Iesu auga femae keoma.
21Ke Kafana Pilato isa epa'ani peni'i einaka, “I'ina au'i auni'i epo'iai kaisau mapapealaisa oi eemi gafai ooma?” eoma.
Ke isa keinaka, “Barabas mopapealaisa,” keoma.
22Ke isa epa'ani pugu einaka, “Ega koa aisama, Iesu Mesaia keoma auga faagagai kapa'ina fakapa ooma?” eoma.
Ke isa ma'oai keinaka, “Kolotiai moau'u'ua,” keoma.
23Ega aisama Pilato isa epa'ani peni'i pugu einaka, “Kapa puo isa kolotiai maau'u'ua ooma? Isa laomai apala ipauma kapa ekapaisa?” eoma.
Kai isa keagaga alogaina paisa keinaka, “Kolotiai moau'u'ua,” keoma.
24Ke Pilato Iesu fepealai auga keagaga aga'o ekapunia aeisa kai, a'oa'o akaiki'a mo e'uegekae auga eisa. Ega aisama fei eafiia la'afou ago'iai ima eikuisa kai eifa einaka, “Au i'ina alo opai auga ifa agefaka auga lau e'u puo laa'i kai, oi emi puo!” eoma.
25Ke papiau ma'oai keinaka, “Isa ifa agefaka auga lai ke gaumai fou emai puo,” keoma.
26Pilato papiau ega keifa oma aina'i elogonia aisama, Barabas epapealaisa ee'i elao kai, ega imoi epaini'i Iesu kegapukia kai, Roma ifani au'i ima'iai epaaua, kolotiai fekeau'u'ua eoma.
Ifani Au'i Iesu Kepa'aua Kea'alaina
(Mako 15:16-20; Ioane 19:2-3)
27Egae kai kafana Pilato ega ifani au'i Iesu keafiia kafana eagu e'agai kekokoaina kai, ifani au'i fofouga kemaiseini'i keapa lofe. 28Egae kai tiapuga kepai'iulaisa kai, ifani au'i tiapu kei'iuka tiapuga iisa pitoga kai eaea auga aga'o isa kepai'iuka. 29Egae kai a'ifu keafipo'e kin kania'iai kraon keogeoge auga koa kepamia kaniagai keogeisa. Ke inipo auga keafiia i'ini koa kepamia ima kainai kepaafia, ke agogai keanife'u kai kepa'aua kea'alaina keinaka, “Iudea papiau'i e'i kin, amaau afagaina!” keoma. 30Egae kai ke'upeisa, ke inipo auga imagai keafiia kania keauniia ke keauauga pugu. 31Ke ifani au'i Iesu kepa'aua ke keauniia afegai, e'i tiapu kepai'iuka auga kepai'iulaisa kai, ifo afe tiapuga kepai'iukamue pugu. Egae kai kolotiai kegaau'u'ua keoma, kepapea kelaoaina.
Iesu Kolotiai Keau'u'ua
(Mako 15:21-32; Luka 23:26-43; Ioane 19:17-27)
32Ifani au'i Iesu kolotiai kegaau'u'ua keoma kelaoaina alogai, Sairene auga aga'o aka Saimon fou kepiaogai. Ke ifani au'i isa kepamani'inia Iesu ega koloti epuaisa fou kelao. 33Ke kelao mo afu aka Kolkota keoma auga afugai. Kolkota i'a mala'aisai auga Papiau Kania'i Uniaga afuga. 34Egae ifani au'i Iesu fino aukelo fou keoge lapuinia auga kepeniia gainu keoma kai, Iesu einu opogaina gamuga eoponia aisama eumaka aeinu. 35Egae kai kolotiai keau'u'ua afegai, Iesu afe tiapuga kapa kaisau ageafia auga kagakaga kainai ke'opoisa, opuaga kepa'aua. Ke ifo'i mo epo'iai afe tiapuga ke'eaisa.#27:35 Papiau isa'i puka isa'i kepapua'i au'i alo'iai iina kepapua oma: “Ega koa Deo ega iifa profeta keifania auga ko'a mo emia.’ 36Egae kai egae keagukipo kai, keagu ke'imaisa. 37Ke kania laagai isa kapa puo kolotiai keau'u'ua auga iifaga iina kepapua oma keau'u'ua eka:
I'INA AUGA IESU, IUDEA PAPIAU'I E'I KIN AUGA
38Ke painao au'i auni'i isafa isa fou kolotiai keau'u'ui'i, aga'o kaina kainai ke aga'o lafanina kaina. 39Ke papiau egae kepea pagai au'i isa keifa apala penia ke kania'i ke'afoisa. 40Ke keinaka, “Oi loifa Deo ega e'a aloauoka kai, kina oiso alogai alopaapamue pugu looma! Ega kainai ifomu kaniamu moagamauga! Ke oi Deo Gauga koa aisama, kolotiai moake!” keoma.
41Ega koa i'opoga sakedote lopia'i, Moses ega iifa pamalelega au'i, ke au akaiki'a'i fou isafa isa kepa'aua keinaka: 42“Isa papiau isa'i kania'i eagamauga kai, ifo auga kania ageagamauga afaekaina. Ke isa Israel papiau'i e'i kin koa aisama, pau ifo kolotiai gaake ega koa faisa fapako'ania. 43Isa Deo epako'ania. Ke isa eifa, ‘Lau Deo Gauga,’ eoma puo, Deo isa anina eani koa aisama, Deo isa kania gaagamauga,” keoma. 44Ega koa i'opoga, painao au'i auni'i isa fou kolotiai keauu'ui'i au'i isafa, iifa apala'i isa eegai keifani'i.
Iesu Emae
(Mako 15:33-41; Luka 23:44-49; Ioane 19:28-30)
45Iesu kolotiai keau'u'ua afegai, atiafai elao 3 o'clock alogai umina akaiki'a ega'ina ago fofouga eumi apua. 46Ke kina maaga 3 o'clock koa i'opoga aisama, Iesu eagaga akaiki'a einaka, “Eloi, Eloi, lama sabaktani?” eoma. Ega'ina nini'anina i'a mala'aisai auga, “E'u Deo, e'u Deo kapa puo lopua'afuniau?” eoma.
47Papiau isa'i egae keapa au'i Iesu ega eifa oma aina kelogonia aisama, keifa keinaka, “Isa Elaija eifaga,” keoma.
48Ke fiakoa mo epo'iai au aga'o epiau elao tiapu manipina eafiia, fino pi'igugai ei'iupia, inipo augai egopeisa kai, Iesu epeniia gainu eoma. 49Kai isa'i au'i keinaka, “Mopua'afuga kai Elaija agemai isa kania ageagamauga ma auga amaisa,” keoma.
50Ke Iesu eagaga akaiki'a pugu afegai aisama, lalauga epua'afuga emae.
51Ega aisama tiapu akaiki'a Deo ega e'a alogai ke'e'e pagainia auga ipuainagai a'uoniai e'i'ipea eake papagai, ke aagoa epigugu, ke fopa kefafapea. 52Ega'ina alogai la ake'i keagalai, ke Deo ega papiau kemae au'i ma'o imaau'iai kemaunimue. 53Ke isa kemaunimue laai kepealai kai Iesu emaunimue aisama, kelao Deo ega taoni Ierusalemeai kekoko papiau ma'o keapakina peni'i.
54Iesu emae alogai ifani lopiaga, ifani au'i 100 e'ima'i auga, ke egae keapa Iesu ke'ima au'i fou kafokau akaiki'a e'ue, ke kapa ma'oai kemia au'i keisa'i. Ega aisama kemani'i alogaina ke keifa keinaka, “Iifa gome isa Deo Gauga paisa,” keoma.
55Ke papie ma'o isafa egae aakai mo keapa kai maa'i elao Iesu keisa. Ega'ina papie'i auga, Kalilea agogai Iesu muninai kepeapea kapa'ina mo anina eani aisama, kepapalagaina au'i. 56Papie ega'ina epo'iai Maria Makdalena, James ke Iosepa fou ina'i aka Maria, ke Sebedi gauga au'i ina'i.
Iesu Imaauga Laai Keogeisa
(Mako 15:42-47; Luka 23:50-56; Ioane 19:38-42)
57Iesu emae kinagai epagapigapi aisama, pa'amu'amu auga aga'o Arimatea taoninai emai auga aka Iosepa emai. Isa ifo isafa Iesu ega imoi aga'o emia. 58Isa Pilato eega elao Iesu imaauga feafia auga pinoina epinoi. Ke Pilato ega imoi eifa kapula peni'i Iesu imaauga isa kegapenia eoma. 59Ke Iosepa Iesu imaauga eafiia tiapu felo ipauma aka linen tiapugai emokaisa. 60Egae kai eafiia elaoaina ifo la mamaga fopai eapi kanina auga alogai epakala. Ke kepo akaiki'a la ega'ina ake epae apua kai ekailai elao. 61Ke Maria Makdalena ke Maria aga'o auga fou la apie kaina keagu.
62Iesu laai keogeisa kina auga, Deo keau afagaina kina agogai auga, ke pinauga kepafua afe'aina kinagai. Ke egani aisama, sakedote lopia'i ke Faliseo au'i fou Pilato eega kelao. 63Ke kepainia keinaka, “Au akaiki'a aumu. Pifoge auga ega'ina aemae koa kai iina eifa oma auga aopolaga puo amai, ‘Kina oiso afegai alamaunimue,’ eoma. 64Ega puo moifa kapulania isa laaga ake kegakaisapua, ke kina oiso ima'ima gamia. Oma'e kai ega imoi isa imaauga afekepainaoga kai papiau maa'iai afekeifa isa maeai emauni afekeoma. Ke isa ega koa akekapa koa aisama, pifoge akaiki'a agemia. Ega'ina auga pifoge ufaina isa ekapa kakaua auga ageka'egaina,” keoma.
65Ega aisama Pilato einaka, “Oi eemiai ima'ima au'i keague. Olao la amo'ima, ke la ala ago'ima felo oma auga okapa,” eoma. 66Ega puo isa ima'ima au'i fou kelao Iesu keoge auga laaga pa'afina kekaisapua, ke kai aga'o faepaagalaisa auga gouga pa'afi akegai keogeisa. Ke au isa'i isafa egae kepaapa'i la ke'imaisa.
अहिले सेलेक्ट गरिएको:
:
हाइलाइट
शेयर गर्नुहोस्
कपी गर्नुहोस्
तपाईंका हाइलाइटहरू तपाईंका सबै यन्त्रहरूमा सुरक्षित गर्न चाहनुहुन्छ? साइन अप वा साइन इन गर्नुहोस्
© 1998, Wycliffe Bible Translators, Inc. All rights reserved.