भजनसंग्रह 43
43
मानिसको प्रार्थना
1हे परमेश्वर! मलाई निर्दोष साबित गर्नुहोस्
र अधर्मीहरूका सामु मेरा पक्षमा बोल्नुहोस्।
झूटो बोल्ने र दुष्ट मानिसहरूदेखि मेरो उद्धार गर्नुहोस्।
2तपाईं मेरो रक्षक हुनुहुन्छ,
तपाईंले मलाई किन त्याग्नुभयो?
मेरा शत्रुहरूका निष्ठुरताले गर्दा
किन मैले कष्ट भोगिरहनुपर्ने हो?
3तपाईंका ज्योति र सत्यता पठाउनुहोस्,
ती कुराले मलाई बाटो देखाऊन्
अनि तपाईंको पवित्र डाँडा सियोनमा,
तपाईं बास गर्नुहुने मन्दिरमा मलाई पुर्याऊन्।
4हे परमेश्वर! तब म तपाईंको वेदीमा जानेछु,
तपाईं मेरो आनन्दको स्रोत हुनुहुन्छ।
म वीणा बजाएर तपाईंलाई स्तुति चढाउनेछु।
हे परमेश्वर! मेरो परमेश्वर!
5किन म यति उदास छु?
किन यति कष्ठित छु?
म परमेश्वरमा आफ्नो आशा राख्नेछु,
म फेरि पनि आफ्ना परमेश्वर
र उद्धारकको प्रशंसा गर्नेछु।
अहिले सेलेक्ट गरिएको:
भजनसंग्रह 43: सरल नेपाली
हाइलाइट
शेयर गर्नुहोस्
कपी गर्नुहोस्
तपाईंका हाइलाइटहरू तपाईंका सबै यन्त्रहरूमा सुरक्षित गर्न चाहनुहुन्छ? साइन अप वा साइन इन गर्नुहोस्
Simple Nepali Holy Bible © Nepal Bible Society, 2008.