GENESIS 4
4
Kain Leh Abel
1Huan Adam in azi Evi athei a; huchi in agai a, Kain anei a, “Toupa panpihna in ta pasal ka neita,” achi hi. 2Asanggampa Abel ahon nei nawn hi. Abel belamchingmi ahi a, Kain bel leiletmi ahi. 3Anung in hichi ahong hi a, Kain in Toupa kiang a lat ding in lou a piang leigahte ahon tawi hi. 4Abel in leng abelamhon lak a piang masapen leh athau pen ahon tawi a, Toupa'n Abel leh athillat akipahpih hi. 5Himahleh Kain leh athillat akipahpih kei. Kain aheh mahmah a, amel aliap hi. 6Toupa'n Kain kiang ah, “Bangziak a heh na hia? Bangziak a na mel liap ahia? 7Hihhoih lechin pahtak na loh kei dia hia? Na hihhoih keileh kongkhak bul ah khelhna akual nilouh a, adeihlam nangmah ahi dia, atung ah thu na nei ding ahi,” achi hi.
8Kain in anau Abel ahoupih a, hichi ahong hi a, lou a a-om lai un Kain in anau Abel asual a, athatta hi.
9 Toupa'n Kain kiang ah, “Na sanggampa Abel koi a om ahia?” achi hi. Ama'n, “Ka thei kei, ka sanggampa dontu ka hi a hia?” achi hi.
10 Toupa'n, “Bang hih na tamai a? Na sanggampa' sisan aw in lei a kipan hon sam ahi. 11Huaiziak in na khut a kipan na sanggampa' sisan sang ding a kam ana ka, lei a pan hamsiat na hita hi. 12Lei na leh in leng ahoihna ahon pe nawn kei ding a, leitung ah galtai leh vakvai na hita ding,” achi hi.
13Kain in Toupa kiang ah, “N'on gawtna ana mahmah a, ka thuakzou kei ding.
14“Ngai in, tuni in leitung a kipan na hon delhkheta a, na mitmuh phak louh a sel a om ding ka hita. Lei ah taimang leh vakvai hi ding ka hita hi. Hichi ahong hi ding a, kuapeuh kei hon mu in ahon that mai ding uh,” achi hi.
15 Toupa'n akiang ah, “Huchi ahihleh, Kain that kuapeuh amun sagih in atung ah phu lak ahi ding,” achi hi. Huan mi amah mu kuahiam in athahlouhna ding in Toupa'n Kain achiamtehta hi. 16Toupa kiang a kipan Kain apawt a, Eden suahlam a Nod gam ah atengta hi.
Kain Suante
17Kain in azi athei a; huchi in agai a, Enok anei hi. Khua asat a, akho min atapa tamsak in Enok asa hi. 18Enok in tapa Irad anei a; Irad in tapa Mahujael anei hi. Mahujael in tapa Methusael anei a; Methusael in tapa Lamekh anei hi. 19Lamekh in zi nih anei a; khat min Adah ahi a, akhat pen min Zillah ahi. 20Adah in Jabal anei a; amah puanin a om ganvulmite suangpa ahi. 21Asanggampa' min Jubal ahi a, amah kaihging leh tamngai tummi tengteng suangpa ahi. 22Zillah in leng Tubal-kain, dal leh sik, tuzat-heizat chiteng sekmi anei hi. Tubal-kain sanggamnu Naamah ahi.
23Lamekh in azite kiang ah,
“Adah leh Zillahte aw, ka aw za unla;
Lamekh zite aw, ka thugen ngaikhia un.
Ahon liamsak ziak in mi khat ka that a,
ahon sidupsak ziak in valnou khat ka that hi.
24Kain' phu bawn amun sagih a lak ding ahihleh,
Lamekh' phu amun sawmsagih-le-sagih a lak ahi ding,” achi hi.
Seth Leh Enosh
25Adam in azi athei nawn a; tapa anei nawn a; amin Seth asa hi, “Pathian in Abel sik in chisuan ding ahon sehsakta; Kain in lah amah athatta ngal a,” achi hi. 26Seth in leng tapa anei a; amin Enosh asa hi. Huai a kipan mite'n Toupa min alou panta uhi.
अहिले सेलेक्ट गरिएको:
GENESIS 4: PAITBSI
हाइलाइट
शेयर गर्नुहोस्
कपी गर्नुहोस्
तपाईंका हाइलाइटहरू तपाईंका सबै यन्त्रहरूमा सुरक्षित गर्न चाहनुहुन्छ? साइन अप वा साइन इन गर्नुहोस्
Paite OV (Re-edited) Bible - Pathian Laisiangthou
Copyright © 2013 by The Bible Society of India
Used by permission. All rights reserved worldwide.
GENESIS 4
4
Kain Leh Abel
1Huan Adam in azi Evi athei a; huchi in agai a, Kain anei a, “Toupa panpihna in ta pasal ka neita,” achi hi. 2Asanggampa Abel ahon nei nawn hi. Abel belamchingmi ahi a, Kain bel leiletmi ahi. 3Anung in hichi ahong hi a, Kain in Toupa kiang a lat ding in lou a piang leigahte ahon tawi hi. 4Abel in leng abelamhon lak a piang masapen leh athau pen ahon tawi a, Toupa'n Abel leh athillat akipahpih hi. 5Himahleh Kain leh athillat akipahpih kei. Kain aheh mahmah a, amel aliap hi. 6Toupa'n Kain kiang ah, “Bangziak a heh na hia? Bangziak a na mel liap ahia? 7Hihhoih lechin pahtak na loh kei dia hia? Na hihhoih keileh kongkhak bul ah khelhna akual nilouh a, adeihlam nangmah ahi dia, atung ah thu na nei ding ahi,” achi hi.
8Kain in anau Abel ahoupih a, hichi ahong hi a, lou a a-om lai un Kain in anau Abel asual a, athatta hi.
9 Toupa'n Kain kiang ah, “Na sanggampa Abel koi a om ahia?” achi hi. Ama'n, “Ka thei kei, ka sanggampa dontu ka hi a hia?” achi hi.
10 Toupa'n, “Bang hih na tamai a? Na sanggampa' sisan aw in lei a kipan hon sam ahi. 11Huaiziak in na khut a kipan na sanggampa' sisan sang ding a kam ana ka, lei a pan hamsiat na hita hi. 12Lei na leh in leng ahoihna ahon pe nawn kei ding a, leitung ah galtai leh vakvai na hita ding,” achi hi.
13Kain in Toupa kiang ah, “N'on gawtna ana mahmah a, ka thuakzou kei ding.
14“Ngai in, tuni in leitung a kipan na hon delhkheta a, na mitmuh phak louh a sel a om ding ka hita. Lei ah taimang leh vakvai hi ding ka hita hi. Hichi ahong hi ding a, kuapeuh kei hon mu in ahon that mai ding uh,” achi hi.
15 Toupa'n akiang ah, “Huchi ahihleh, Kain that kuapeuh amun sagih in atung ah phu lak ahi ding,” achi hi. Huan mi amah mu kuahiam in athahlouhna ding in Toupa'n Kain achiamtehta hi. 16Toupa kiang a kipan Kain apawt a, Eden suahlam a Nod gam ah atengta hi.
Kain Suante
17Kain in azi athei a; huchi in agai a, Enok anei hi. Khua asat a, akho min atapa tamsak in Enok asa hi. 18Enok in tapa Irad anei a; Irad in tapa Mahujael anei hi. Mahujael in tapa Methusael anei a; Methusael in tapa Lamekh anei hi. 19Lamekh in zi nih anei a; khat min Adah ahi a, akhat pen min Zillah ahi. 20Adah in Jabal anei a; amah puanin a om ganvulmite suangpa ahi. 21Asanggampa' min Jubal ahi a, amah kaihging leh tamngai tummi tengteng suangpa ahi. 22Zillah in leng Tubal-kain, dal leh sik, tuzat-heizat chiteng sekmi anei hi. Tubal-kain sanggamnu Naamah ahi.
23Lamekh in azite kiang ah,
“Adah leh Zillahte aw, ka aw za unla;
Lamekh zite aw, ka thugen ngaikhia un.
Ahon liamsak ziak in mi khat ka that a,
ahon sidupsak ziak in valnou khat ka that hi.
24Kain' phu bawn amun sagih a lak ding ahihleh,
Lamekh' phu amun sawmsagih-le-sagih a lak ahi ding,” achi hi.
Seth Leh Enosh
25Adam in azi athei nawn a; tapa anei nawn a; amin Seth asa hi, “Pathian in Abel sik in chisuan ding ahon sehsakta; Kain in lah amah athatta ngal a,” achi hi. 26Seth in leng tapa anei a; amin Enosh asa hi. Huai a kipan mite'n Toupa min alou panta uhi.
अहिले सेलेक्ट गरिएको:
:
हाइलाइट
शेयर गर्नुहोस्
कपी गर्नुहोस्
तपाईंका हाइलाइटहरू तपाईंका सबै यन्त्रहरूमा सुरक्षित गर्न चाहनुहुन्छ? साइन अप वा साइन इन गर्नुहोस्
Paite OV (Re-edited) Bible - Pathian Laisiangthou
Copyright © 2013 by The Bible Society of India
Used by permission. All rights reserved worldwide.