Ko fɔlɔfɔlɛ 17
17
Lahire manditɛ
1Iburama la sɔtɛ ka san bi kɔnɔntɔ nun kɔnɔntɔ bɔɔ tɛmuɛ min tɔ, Alatala ka a yɛtɛ labɔɔ Iburama ma, a ka fɔ a ye: «Nde le mu Ala sɛnbɛ tige la. I ni n na kila jokki, i ni ma mɔgɔ telendeŋɛ la. 2N bata lahire jigan nde nun ile tɛma n si i bɔnsɛ lasiya le koola.»
3Iburama ka a majigi, han a ka a tindɛ sɔ duge tɔ. Ala kumata a ye, a ko: 4«N be lahire min tola mɔ tɛma, wolo mu kɛ la: i si ma bɔnsɔ siyama benba la. 5A te fɔ i ma bitugun Iburama. I tɔgɛ be fɔla le kɔtɛ Iburahima, bayi n si i ma bɔnsɔ siyama benba la. 6N si i la jiide lasiya koola, n si i ma bɔnsɔ siyama tige la. Mansa banbanu si bɔɔ i bɔnsɛ tɔ. 7N si n na lahire lasabati nde nun ile tɛma, anun i bɔnsɛnu, minnu bɛ si naa sɔtɔ ile faga kɔma. Wo lahire te kuntu abada. Wo butɔ, n si ma i nun i bɔnsɛnu la Ala la. 8I be luntanya tɔ duge min tɔ ka, min mu Kanana duge la, n si kɛ duge bɛ dii i nun i bɔnsɛnu ma. A si ma i nun i bɔnsɛnu tɛŋɛ la kudai. N si ma i bɔnsɛnu la Ala la.»
9Ala mɛn ka a fɔ Iburahima ye, a ko: «Ile tugun ni n na lahire makanta, i nun i bɔnsɛnu bɛ, hali minnu sɔtɔta ile faga kɔma. 10I nun i bɔnsɛnu be n na lahire makantala ki min na, wolo mu kɛ la: kayenu minnu bɛ be wo tɛma, a bɛ ni sunna. 11Wo la wo sunna si ma lahire manditɛ la nde nun wole tɛma. 12Ka bɔɔ wole ma han wo bɔnsɛnu, kayenu minnu bɛ be wo tɛma, a bɛ ni sunna a la sɔtɛ tele sagin luŋɛ ma, hali joŋɛnu. Jon min yo sɔtɔta i bata, i ni a sunna. I ka jon min yo san nafule la kan do, hali a ma ma i bɔnsɔ la, i ni wo tugun sunna. 13Ka joŋɛ sɔtɔta i bata le ba, ka i ka a san i la nafule le la ba, a bɛ ni sunna. N na lahire manditɛ be tola wo bale tɔ ɲɔgɔnna le, ka a fɔla lahiri banbale le. 14Kaye min ma sunna, wo baa ni to a bale ma, ale bata bɔɔ a la jama ɲaama, bayi a bata n na lahire tiɲa.»
15Ala mɛn ka a fɔ Iburahima ye, a ko: «I la muse tɔgɔ ma bitugun Sarayi. A tɔgɔ le kɔtɛ Sara. 16N si barikɛ sa ale la ko tɔ. A si naa den kayireŋɛ sɔtɔ i ye. N si barikɛ sa a la ko tɔ, a ni ma bɔnsɔ siyama benba la. Jama siyama la mansa banbanu si bɔɔ a bɔnsɛ tɔ.»
17Iburahima ka a majigi han a ka a tindɛ sɔ duge tɔ. A jeleta, a tota a fɔla a juse tɔ, a ko: «Kaye min na sɔtɛ bata san kɛmɛ bɔɔ wo si den sɔtɔ ba? Sara tugun bata san bi kɔnɔntɔ sɔtɔ, a be harigela kama le?» 18A ka Ala mataran, a ko: «Yandi, i ni barikɛ sa Isumayila la ko tɔ.» 19Ala ka a jaabi, a ko: «Ade, i la musu Sara tugun si naa den kayireŋɛ sɔtɔ i ye, i si naa a tɔgɔ sa Isiyaka. N be n na lahire lasabatila nde nun ale le tɛma, anun a bɔnsɛnu minnu sɔtɔla a faga kɔma. Wo ni ma mɔ tɛma lahiri banbale la. 20Wo kɔma, n bata i la mamataraŋɛ bita Isumayila la ko tɔ: n si barikɛ sa ale tugun na ko tɔ, n si a lajiidi han, n si a bɔnsɛ lasiya koola. A si ma mansa tan nun fila baaba la, a mɛn si ma jama banba tige la. 21Kɔnɔ n na lahire, wo ni to nde nun Isiyaka le tɛma, Sara be naala den kayireŋɛ min sɔtɔla i ye yaari kɛ tɛmuɛ.» 22Ala to banta kumala Iburahima ye, a yɛlɛta, a bɔɔta Iburahima kunma.
23Awa, wo lun dɔndɛ tɔ, Iburahima ka Isumayila jigan a ka a sunna, anun a la joŋɛ minnu be sɔtɔren a bata, anun a ka joŋɛ minnu san. Kaye min bɛ be Iburahima bata a ka a bɛ sunna, iko Ala ka a fɔ a ye ki min na. 24A mata Iburahima tugun na ɲɔgɔnna. Kɔnɔ wo ka a taran, a be san bi kɔnɔntɔ nun kɔnɔntɔ. 25A ka a la den Isumayila tugun sunna, wo ka a taran a be san tan nun saba. 26Wo lun dɔndɛ le, a mata Iburahima nun a la den Isumayila la ɲɔgɔnna. 27Kaye min bɛ be Iburahima la boŋɛ tɔ, joŋɛnu minnu sɔtɔta a bata anun a ka minnu tugun san jamanɛ do tɔ, a ka a bɛ sunna.
अहिले सेलेक्ट गरिएको:
Ko fɔlɔfɔlɛ 17: MOG
हाइलाइट
शेयर गर्नुहोस्
कपी गर्नुहोस्
तपाईंका हाइलाइटहरू तपाईंका सबै यन्त्रहरूमा सुरक्षित गर्न चाहनुहुन्छ? साइन अप वा साइन इन गर्नुहोस्
Ko fɔlɔfɔlɛ 17
17
Lahire manditɛ
1Iburama la sɔtɛ ka san bi kɔnɔntɔ nun kɔnɔntɔ bɔɔ tɛmuɛ min tɔ, Alatala ka a yɛtɛ labɔɔ Iburama ma, a ka fɔ a ye: «Nde le mu Ala sɛnbɛ tige la. I ni n na kila jokki, i ni ma mɔgɔ telendeŋɛ la. 2N bata lahire jigan nde nun ile tɛma n si i bɔnsɛ lasiya le koola.»
3Iburama ka a majigi, han a ka a tindɛ sɔ duge tɔ. Ala kumata a ye, a ko: 4«N be lahire min tola mɔ tɛma, wolo mu kɛ la: i si ma bɔnsɔ siyama benba la. 5A te fɔ i ma bitugun Iburama. I tɔgɛ be fɔla le kɔtɛ Iburahima, bayi n si i ma bɔnsɔ siyama benba la. 6N si i la jiide lasiya koola, n si i ma bɔnsɔ siyama tige la. Mansa banbanu si bɔɔ i bɔnsɛ tɔ. 7N si n na lahire lasabati nde nun ile tɛma, anun i bɔnsɛnu, minnu bɛ si naa sɔtɔ ile faga kɔma. Wo lahire te kuntu abada. Wo butɔ, n si ma i nun i bɔnsɛnu la Ala la. 8I be luntanya tɔ duge min tɔ ka, min mu Kanana duge la, n si kɛ duge bɛ dii i nun i bɔnsɛnu ma. A si ma i nun i bɔnsɛnu tɛŋɛ la kudai. N si ma i bɔnsɛnu la Ala la.»
9Ala mɛn ka a fɔ Iburahima ye, a ko: «Ile tugun ni n na lahire makanta, i nun i bɔnsɛnu bɛ, hali minnu sɔtɔta ile faga kɔma. 10I nun i bɔnsɛnu be n na lahire makantala ki min na, wolo mu kɛ la: kayenu minnu bɛ be wo tɛma, a bɛ ni sunna. 11Wo la wo sunna si ma lahire manditɛ la nde nun wole tɛma. 12Ka bɔɔ wole ma han wo bɔnsɛnu, kayenu minnu bɛ be wo tɛma, a bɛ ni sunna a la sɔtɛ tele sagin luŋɛ ma, hali joŋɛnu. Jon min yo sɔtɔta i bata, i ni a sunna. I ka jon min yo san nafule la kan do, hali a ma ma i bɔnsɔ la, i ni wo tugun sunna. 13Ka joŋɛ sɔtɔta i bata le ba, ka i ka a san i la nafule le la ba, a bɛ ni sunna. N na lahire manditɛ be tola wo bale tɔ ɲɔgɔnna le, ka a fɔla lahiri banbale le. 14Kaye min ma sunna, wo baa ni to a bale ma, ale bata bɔɔ a la jama ɲaama, bayi a bata n na lahire tiɲa.»
15Ala mɛn ka a fɔ Iburahima ye, a ko: «I la muse tɔgɔ ma bitugun Sarayi. A tɔgɔ le kɔtɛ Sara. 16N si barikɛ sa ale la ko tɔ. A si naa den kayireŋɛ sɔtɔ i ye. N si barikɛ sa a la ko tɔ, a ni ma bɔnsɔ siyama benba la. Jama siyama la mansa banbanu si bɔɔ a bɔnsɛ tɔ.»
17Iburahima ka a majigi han a ka a tindɛ sɔ duge tɔ. A jeleta, a tota a fɔla a juse tɔ, a ko: «Kaye min na sɔtɛ bata san kɛmɛ bɔɔ wo si den sɔtɔ ba? Sara tugun bata san bi kɔnɔntɔ sɔtɔ, a be harigela kama le?» 18A ka Ala mataran, a ko: «Yandi, i ni barikɛ sa Isumayila la ko tɔ.» 19Ala ka a jaabi, a ko: «Ade, i la musu Sara tugun si naa den kayireŋɛ sɔtɔ i ye, i si naa a tɔgɔ sa Isiyaka. N be n na lahire lasabatila nde nun ale le tɛma, anun a bɔnsɛnu minnu sɔtɔla a faga kɔma. Wo ni ma mɔ tɛma lahiri banbale la. 20Wo kɔma, n bata i la mamataraŋɛ bita Isumayila la ko tɔ: n si barikɛ sa ale tugun na ko tɔ, n si a lajiidi han, n si a bɔnsɛ lasiya koola. A si ma mansa tan nun fila baaba la, a mɛn si ma jama banba tige la. 21Kɔnɔ n na lahire, wo ni to nde nun Isiyaka le tɛma, Sara be naala den kayireŋɛ min sɔtɔla i ye yaari kɛ tɛmuɛ.» 22Ala to banta kumala Iburahima ye, a yɛlɛta, a bɔɔta Iburahima kunma.
23Awa, wo lun dɔndɛ tɔ, Iburahima ka Isumayila jigan a ka a sunna, anun a la joŋɛ minnu be sɔtɔren a bata, anun a ka joŋɛ minnu san. Kaye min bɛ be Iburahima bata a ka a bɛ sunna, iko Ala ka a fɔ a ye ki min na. 24A mata Iburahima tugun na ɲɔgɔnna. Kɔnɔ wo ka a taran, a be san bi kɔnɔntɔ nun kɔnɔntɔ. 25A ka a la den Isumayila tugun sunna, wo ka a taran a be san tan nun saba. 26Wo lun dɔndɛ le, a mata Iburahima nun a la den Isumayila la ɲɔgɔnna. 27Kaye min bɛ be Iburahima la boŋɛ tɔ, joŋɛnu minnu sɔtɔta a bata anun a ka minnu tugun san jamanɛ do tɔ, a ka a bɛ sunna.
अहिले सेलेक्ट गरिएको:
:
हाइलाइट
शेयर गर्नुहोस्
कपी गर्नुहोस्
तपाईंका हाइलाइटहरू तपाईंका सबै यन्त्रहरूमा सुरक्षित गर्न चाहनुहुन्छ? साइन अप वा साइन इन गर्नुहोस्