Emiighom 4
4
AKen rꞌEbel
1Ạdam rꞌaIiv ạnir phọ ọdi ọrolan esi, kụ ạnir phọ aamor kụ ạmar Ken; kụ ạḅem mọ, “Ọmoogh-we phọ mụlhoghonaan ịmi ḍịghaagh mị ạmoogh mọony.” 2Kụ ạḅile kẹn ạmar ọnon ọony Ebel. Ebel aḍighi okoriom iyool-ịga, kụ aKen aḍighi oḅephom ozo. 3Esi ekulha amem kụ aKen ạsighe eḍien ibugha phọ ọdi ạphighironom ẹkia ạngo Ọmoogh-we phọ. 4#Hib 11.4Kụ Ebel ạsighe ọḅel ọony oyool-ọga dị oniin ọga ọdi ạmar, aghiigh, kụ ạsighiogh ọkaraghi igey ariisi ẹnam mọ ạphighironom ẹkia. Ọmoogh-we phọ ạseph ni Ebel rꞌẹkia phọ ọdi. 5Kụ Ọmoogh-we phọ aghel li Ken rꞌẹkia phọ ọdi; kụ ẹghagh ologhi aKen iboom kụ aghire. 6Kụ Ọmoogh-we phọ apuru Ken mọ, “Eeghe kụ rẹkagh bọ ologhi phọ ạna? Nạ ụtuan eeghe kụ aghire bọ?” 7Mụghumo nạ uḍighi ni ịdi ẹnighe, mịna nyịna mụ́seph ḍụghum? Kụ ọlo eru mạar dị ịpe nạ aḍighi bọ ị́nighe, pọ ịkaraph ẹḅona ni sịphe eghuugh phọ ạna, rẹwa ni ọtooghi ọngo ạna, kụ ọlo kụruru ni ạkpar apu nyọdi.
8 #
Mat 23.35; Luk 11.51; 1 Jọn 3.12 Kụ aKen ạḅeni umor phọ ọdi Ebel, “Ụgua ọghi rạaghana.” Mem dị bịdi odi ẹpe ạraaghana phọ, bịn aKen azuom umor phọ ọdi bịn aghiigh.
9Kụ Ọmoogh-we phọ apuru Ken mọ, “Ebel umor phọ ạna odi ẹghen?”
Ọdi ạphagharanaan mọ, “Mị úlegheri. Mịna kụ okoriom umor phọ ạmi ḍụghum?”
10 #
Hib 12.24
Kụ Ọmoogh-we phọ ạḅeni nyọdi mọ, “Uḍighi ika kụ nạ aḍighi bọ ugbini ugbini phọ? Ịḅaal umor phọ ạna ezuan bọ sịphe ade phọ memoghi ịteeny ịmi regbeela ẹmhu. 11Morulughi nyịna, ḅịle nạ káḅeph mun ozo sịen ade phọ. Ade phọ mẹmooph ịḅaal umor phọ ạna mụdi iphoghoghomi ọnhu ọdi ọsighe umor phọ ạna mem mọ nạ aghiigh bọ nyọdi. 12Mem lọ nạ aḅeph ozo sịphe ade phọ, eḍien phọ ạna kẹ́nighe ghan mun. Nạ kaḍighi ọḅaghaḅagha oye sịen ade phọ dị otu kạ́moogh.”
13Kụ aKen ạḅeni Ọmoogh-we phọ mọ, “Ạmalhiom mọ ạmi aamor ạpughan dị mị kạkparam. 14Nạ ruphorogh ịmi sịen ade phọ ḅịle rꞌarisigh ạna. Mị kaḍighi oyeelayeela oye, dị otu kạ́moogh sịen aḅirini phọ, kụ tọrobo oye lọ ụmiin ịmi kughiigh ni ịmi.”
15Kụ ọlo Ọmoogh-we phọ ạphagharanaan mọ, “Kéḍighi ịdipho. Oye lọ aghiigh nyịna, oḍual ạrumhu awe ọdi kụ ẹdi kọsighe esi oḅulemian.” Kụ Ọmoogh-we phọ ạlogh elegh ghisigh aKen ọbo oye lọ ạmiin nyọdi kakiigh ghan bọ. 16Kụ aKen ạḍua risigh Ọmoogh-we phọ, kụ ạghi arugh eelhe dị oghol mọ Ade Oyeela ạga emitenom erumuḍio phọ Iden.
Ẹemara ẹemara phọ aKen
17AKen rꞌạnir ọdi ụmar ri mọony kụ oghol mọ Ẹnok. Kụ aKen amitiom ẹmha kụ agholom ḍien ọony phọ ọdi. 18Ẹnok ạmar Irad; Irad ạmar Mẹhujael; ạMehujael ạmar Mẹtushael; kụ ạMetushael ạmar Lạmek; 19ạLamek aphin ịyal ạnmariir, Ada, rꞌaZila; 20Ada ạmar Jabal; aJabal kụ ọde ạbuphe rookonom ghan bọ ịnam ḅịle rotughogh ghan rugbogo. 21Ḍien umor ọdi ughol mọ aJubal; ọdi kụ ọde ạroko-ạsuor bụphe ọmaar bọ oti ghan ọne rꞌọnunu. 22AZila ạḅile ạmar Tubal Ken. Ọdi kụ ạmaar ọsighe enaba rꞌokuron ọlhemoghom ạraraar arukumuan. Ḍien umarani ọdi ughol mọ aNaama. 23ẠLamek ạḅeni nmạriir phọ odi, “Ada rꞌaZila, ịnaghan ịphen mị kạkaaph bọ:
“Mị maghiigh onyugheel ọony dị uḅor ịmi.
24Eru mạar dị oye lọ aghiigh Ken kọsighe oḍual ạrumhu awe kụ ọtoom,
pọ oḍualdi rꞌoḍual ạrumhu kụ ẹdi kọtoom oye lọ ughiigh ịmi.”
ẠSet rꞌEnos
25Ạdam rꞌạnir phọ ọdi ụḅile kẹn ni ọmar olephiri ọony. Onhiin phọ ạḅem mọ, “Ẹnaan mịngo ịmi ọnon ọony dị kạsighe esi phọ Ebel ọpo aKen aghiigh bọ.” Kụ ọdi aghol ḍien ọony phọ mọ ạSet. 26ẠSet ạmar mọony kụ aghol ḍien ọony phọ mọ Enos. Pọ kụ amem dị awe omiigh ọmagh ghan aḍien Ọmoogh-we iigbia phọ mem ịiḅereghi.
अहिले सेलेक्ट गरिएको:
Emiighom 4: ẠḌI
हाइलाइट
शेयर गर्नुहोस्
कपी गर्नुहोस्
तपाईंका हाइलाइटहरू तपाईंका सबै यन्त्रहरूमा सुरक्षित गर्न चाहनुहुन्छ? साइन अप वा साइन इन गर्नुहोस्
© 2018 ALDLS
Abuan Language Development and Literacy Society
Ayama-Abua, Rivers State, Nigeria
Published by
NBTT
Nigeria Bible Translation Trust
No. 7 Old Airport Road
P.O. Box 790, Jos Plateau State, Nigeria
ISBN: 978-978-966-354-5
In cooperation with
MIDI BIBLE
Ch. de Praz-Roussy 4b, 1032 Romanel-sur-Lausanne, Switzerland
The New Testament in Abuan was originally published
in 1978 by The Bible Society of Nigeria with © UBS
Emiighom 4
4
AKen rꞌEbel
1Ạdam rꞌaIiv ạnir phọ ọdi ọrolan esi, kụ ạnir phọ aamor kụ ạmar Ken; kụ ạḅem mọ, “Ọmoogh-we phọ mụlhoghonaan ịmi ḍịghaagh mị ạmoogh mọony.” 2Kụ ạḅile kẹn ạmar ọnon ọony Ebel. Ebel aḍighi okoriom iyool-ịga, kụ aKen aḍighi oḅephom ozo. 3Esi ekulha amem kụ aKen ạsighe eḍien ibugha phọ ọdi ạphighironom ẹkia ạngo Ọmoogh-we phọ. 4#Hib 11.4Kụ Ebel ạsighe ọḅel ọony oyool-ọga dị oniin ọga ọdi ạmar, aghiigh, kụ ạsighiogh ọkaraghi igey ariisi ẹnam mọ ạphighironom ẹkia. Ọmoogh-we phọ ạseph ni Ebel rꞌẹkia phọ ọdi. 5Kụ Ọmoogh-we phọ aghel li Ken rꞌẹkia phọ ọdi; kụ ẹghagh ologhi aKen iboom kụ aghire. 6Kụ Ọmoogh-we phọ apuru Ken mọ, “Eeghe kụ rẹkagh bọ ologhi phọ ạna? Nạ ụtuan eeghe kụ aghire bọ?” 7Mụghumo nạ uḍighi ni ịdi ẹnighe, mịna nyịna mụ́seph ḍụghum? Kụ ọlo eru mạar dị ịpe nạ aḍighi bọ ị́nighe, pọ ịkaraph ẹḅona ni sịphe eghuugh phọ ạna, rẹwa ni ọtooghi ọngo ạna, kụ ọlo kụruru ni ạkpar apu nyọdi.
8 #
Mat 23.35; Luk 11.51; 1 Jọn 3.12 Kụ aKen ạḅeni umor phọ ọdi Ebel, “Ụgua ọghi rạaghana.” Mem dị bịdi odi ẹpe ạraaghana phọ, bịn aKen azuom umor phọ ọdi bịn aghiigh.
9Kụ Ọmoogh-we phọ apuru Ken mọ, “Ebel umor phọ ạna odi ẹghen?”
Ọdi ạphagharanaan mọ, “Mị úlegheri. Mịna kụ okoriom umor phọ ạmi ḍụghum?”
10 #
Hib 12.24
Kụ Ọmoogh-we phọ ạḅeni nyọdi mọ, “Uḍighi ika kụ nạ aḍighi bọ ugbini ugbini phọ? Ịḅaal umor phọ ạna ezuan bọ sịphe ade phọ memoghi ịteeny ịmi regbeela ẹmhu. 11Morulughi nyịna, ḅịle nạ káḅeph mun ozo sịen ade phọ. Ade phọ mẹmooph ịḅaal umor phọ ạna mụdi iphoghoghomi ọnhu ọdi ọsighe umor phọ ạna mem mọ nạ aghiigh bọ nyọdi. 12Mem lọ nạ aḅeph ozo sịphe ade phọ, eḍien phọ ạna kẹ́nighe ghan mun. Nạ kaḍighi ọḅaghaḅagha oye sịen ade phọ dị otu kạ́moogh.”
13Kụ aKen ạḅeni Ọmoogh-we phọ mọ, “Ạmalhiom mọ ạmi aamor ạpughan dị mị kạkparam. 14Nạ ruphorogh ịmi sịen ade phọ ḅịle rꞌarisigh ạna. Mị kaḍighi oyeelayeela oye, dị otu kạ́moogh sịen aḅirini phọ, kụ tọrobo oye lọ ụmiin ịmi kughiigh ni ịmi.”
15Kụ ọlo Ọmoogh-we phọ ạphagharanaan mọ, “Kéḍighi ịdipho. Oye lọ aghiigh nyịna, oḍual ạrumhu awe ọdi kụ ẹdi kọsighe esi oḅulemian.” Kụ Ọmoogh-we phọ ạlogh elegh ghisigh aKen ọbo oye lọ ạmiin nyọdi kakiigh ghan bọ. 16Kụ aKen ạḍua risigh Ọmoogh-we phọ, kụ ạghi arugh eelhe dị oghol mọ Ade Oyeela ạga emitenom erumuḍio phọ Iden.
Ẹemara ẹemara phọ aKen
17AKen rꞌạnir ọdi ụmar ri mọony kụ oghol mọ Ẹnok. Kụ aKen amitiom ẹmha kụ agholom ḍien ọony phọ ọdi. 18Ẹnok ạmar Irad; Irad ạmar Mẹhujael; ạMehujael ạmar Mẹtushael; kụ ạMetushael ạmar Lạmek; 19ạLamek aphin ịyal ạnmariir, Ada, rꞌaZila; 20Ada ạmar Jabal; aJabal kụ ọde ạbuphe rookonom ghan bọ ịnam ḅịle rotughogh ghan rugbogo. 21Ḍien umor ọdi ughol mọ aJubal; ọdi kụ ọde ạroko-ạsuor bụphe ọmaar bọ oti ghan ọne rꞌọnunu. 22AZila ạḅile ạmar Tubal Ken. Ọdi kụ ạmaar ọsighe enaba rꞌokuron ọlhemoghom ạraraar arukumuan. Ḍien umarani ọdi ughol mọ aNaama. 23ẠLamek ạḅeni nmạriir phọ odi, “Ada rꞌaZila, ịnaghan ịphen mị kạkaaph bọ:
“Mị maghiigh onyugheel ọony dị uḅor ịmi.
24Eru mạar dị oye lọ aghiigh Ken kọsighe oḍual ạrumhu awe kụ ọtoom,
pọ oḍualdi rꞌoḍual ạrumhu kụ ẹdi kọtoom oye lọ ughiigh ịmi.”
ẠSet rꞌEnos
25Ạdam rꞌạnir phọ ọdi ụḅile kẹn ni ọmar olephiri ọony. Onhiin phọ ạḅem mọ, “Ẹnaan mịngo ịmi ọnon ọony dị kạsighe esi phọ Ebel ọpo aKen aghiigh bọ.” Kụ ọdi aghol ḍien ọony phọ mọ ạSet. 26ẠSet ạmar mọony kụ aghol ḍien ọony phọ mọ Enos. Pọ kụ amem dị awe omiigh ọmagh ghan aḍien Ọmoogh-we iigbia phọ mem ịiḅereghi.
अहिले सेलेक्ट गरिएको:
:
हाइलाइट
शेयर गर्नुहोस्
कपी गर्नुहोस्
तपाईंका हाइलाइटहरू तपाईंका सबै यन्त्रहरूमा सुरक्षित गर्न चाहनुहुन्छ? साइन अप वा साइन इन गर्नुहोस्
© 2018 ALDLS
Abuan Language Development and Literacy Society
Ayama-Abua, Rivers State, Nigeria
Published by
NBTT
Nigeria Bible Translation Trust
No. 7 Old Airport Road
P.O. Box 790, Jos Plateau State, Nigeria
ISBN: 978-978-966-354-5
In cooperation with
MIDI BIBLE
Ch. de Praz-Roussy 4b, 1032 Romanel-sur-Lausanne, Switzerland
The New Testament in Abuan was originally published
in 1978 by The Bible Society of Nigeria with © UBS