Suluet 15
15
Ŋun a teteŋdya tomoret ko Abarama
1A i mukök na kine kulya, a A kulyaet lo MATAT poki ko Abarama gwoso rudweesi adi, Ko kujönö Abarama, nan lo gwon a ’buku gayet inot, a do mo wuji ’bulit duma na lwölwoŋgu parik. 2a Abarama pipije adi, Pon MATAT Ŋun, do mo tiŋdu nan nyo? Kogwon nan yeyeŋon ’bak ŋuro, a ŋuto lo ruddya mede nio lo gwe a Eliejer lo Damaseke. 3a Abarama kulyani adi, Mete, do a ko tiŋdu nan ŋwajik, a ’dupiet logon yuŋwe köyö midi lo mo lo ruddye nan. 4Nyena a kulyaet lo MATAT poki ko lepeŋ kulya adi, Lo ŋuto mo ti ruddya do, ama ŋuro logon mo lupe kaŋo konut i monyet lo mo lo ruddya do. 5#Rom 4.18; Eb 11.12A MATAT tolupuŋdye Abarama kaŋo, a kulyani adi, Diraddi ki, ko keŋdi kaser, ko do ŋona bubulö keŋdya se. A nye kulyani ko lepeŋ adi, Nyena nyakwariat kulök mo gwon jore gwoso kilu kaser.
6 #
Rom 4.3; Gal 3.6; Yak 2.23 A Abarama yubbe MATAT, a MATAT ruŋge lepeŋ a ŋuto lo löti lo rigwo kogwon yubbö nanyit. 7a nye kulyani ko lepeŋ adi, Nan a MATAT lo joŋdya do kaŋo i Ur na Ŋutu ti Kaledea, i tiŋdu na do lo jur a lomore. 8A nye kulyani adi, Pon MATAT Ŋun, nan den ada adi nan de wuwu nye a lomore lio?
9A MATAT kulyani ko lepeŋ adi, Taki nan tagwok na kiŋajin musala, ko meetyo na kiŋajin musala, ko köbilityo na kiŋajin musala, ko gure se ko torelo lugguri. 10A nye jakiŋdye lepeŋ kine ŋo liŋ, a kikilije se kiden, a nye peddi se ka ’de ka ’de a lo pelela; ama a nye gwe a ko.kikilija kwen. 11A lugulusen ’done i kine lokorio loki, a Abarama papaggi se.
12 #
Eyo 4.13, 14 A nagon kolor ’dororo ’dororo nu, a Abarama iŋge doto parik adi mön; nyena a kujönö duma parik se ko mudwe logon adi ’dii morgi lepeŋ.
13 #
Yuö 1.1-14; Kon 7.6 A MATAT kulyani ko Abarama adi, Dene den ’diri adi nyakwariat kulök mo gwon a lwaka i jur logon a leŋe lose, a se mo gwe a ’dupi nyu, a kilu Ŋutu mo sasaŋdi se ko kiŋajin miajin Iŋwan. 14#Yuö 12.40, 41; Kon 7.7Ama a nan mo ’durökiŋdye kulya ti lu jur logon se mo kitakiŋdya lepeŋ lu, a i mukök na ŋina, a se mo Yuörö kaŋo ko tukworien a duma. 15a ko gwe gwoso do, do mo nukaki ko merenyejin kulok i merete ko taliŋ, iŋkoi, do mo nuka i mukök nagon do aje si ’da ko kinajin jore nu. 16A i nyakwari toiŋwan a se mo yitwene bot ni koti; kogwon ŋonyan na Ŋutu ti Amori a ko nyuŋ jukin i riŋa.
17A gwe sona, a kolor ’dorone ’doro, a kak gwe a korikori, mete, a köpuröt puriörö ki i salesi, a kaliati na tutule wöröni i kiden na kine lokorio. 18#Kon 7.5 A i ŋilu lor, a MATAT teteŋdi tomoret ko Abarama, a kulyani adi, Nan a tiŋdu nyakwariat kulok ŋilo jur suluja i kare lo Ejipeto tojo ko kare duma logon a kare Perat, 19kweja adi nan titin lepeŋat jur lo Ŋutu ti Keni, ko lo Ŋutu ti Keniji, ko lo Ŋutu ti Kademon, 20ko lo Ŋutu ti Kiti, ko lo Ŋutu ti Periji, ko lo Ŋutu ti Repa, 21ko lo Ŋutu ti Amori, ko lo Ŋutu ti Kanana, ko lo Ŋutu ti Giriŋasi, se ko lo Ŋutu ti Yebusi.
अहिले सेलेक्ट गरिएको:
Suluet 15: BBE
हाइलाइट
शेयर गर्नुहोस्
कपी गर्नुहोस्
तपाईंका हाइलाइटहरू तपाईंका सबै यन्त्रहरूमा सुरक्षित गर्न चाहनुहुन्छ? साइन अप वा साइन इन गर्नुहोस्
Bari Bible © United Bible Societies, 1979.
Suluet 15
15
Ŋun a teteŋdya tomoret ko Abarama
1A i mukök na kine kulya, a A kulyaet lo MATAT poki ko Abarama gwoso rudweesi adi, Ko kujönö Abarama, nan lo gwon a ’buku gayet inot, a do mo wuji ’bulit duma na lwölwoŋgu parik. 2a Abarama pipije adi, Pon MATAT Ŋun, do mo tiŋdu nan nyo? Kogwon nan yeyeŋon ’bak ŋuro, a ŋuto lo ruddya mede nio lo gwe a Eliejer lo Damaseke. 3a Abarama kulyani adi, Mete, do a ko tiŋdu nan ŋwajik, a ’dupiet logon yuŋwe köyö midi lo mo lo ruddye nan. 4Nyena a kulyaet lo MATAT poki ko lepeŋ kulya adi, Lo ŋuto mo ti ruddya do, ama ŋuro logon mo lupe kaŋo konut i monyet lo mo lo ruddya do. 5#Rom 4.18; Eb 11.12A MATAT tolupuŋdye Abarama kaŋo, a kulyani adi, Diraddi ki, ko keŋdi kaser, ko do ŋona bubulö keŋdya se. A nye kulyani ko lepeŋ adi, Nyena nyakwariat kulök mo gwon jore gwoso kilu kaser.
6 #
Rom 4.3; Gal 3.6; Yak 2.23 A Abarama yubbe MATAT, a MATAT ruŋge lepeŋ a ŋuto lo löti lo rigwo kogwon yubbö nanyit. 7a nye kulyani ko lepeŋ adi, Nan a MATAT lo joŋdya do kaŋo i Ur na Ŋutu ti Kaledea, i tiŋdu na do lo jur a lomore. 8A nye kulyani adi, Pon MATAT Ŋun, nan den ada adi nan de wuwu nye a lomore lio?
9A MATAT kulyani ko lepeŋ adi, Taki nan tagwok na kiŋajin musala, ko meetyo na kiŋajin musala, ko köbilityo na kiŋajin musala, ko gure se ko torelo lugguri. 10A nye jakiŋdye lepeŋ kine ŋo liŋ, a kikilije se kiden, a nye peddi se ka ’de ka ’de a lo pelela; ama a nye gwe a ko.kikilija kwen. 11A lugulusen ’done i kine lokorio loki, a Abarama papaggi se.
12 #
Eyo 4.13, 14 A nagon kolor ’dororo ’dororo nu, a Abarama iŋge doto parik adi mön; nyena a kujönö duma parik se ko mudwe logon adi ’dii morgi lepeŋ.
13 #
Yuö 1.1-14; Kon 7.6 A MATAT kulyani ko Abarama adi, Dene den ’diri adi nyakwariat kulök mo gwon a lwaka i jur logon a leŋe lose, a se mo gwe a ’dupi nyu, a kilu Ŋutu mo sasaŋdi se ko kiŋajin miajin Iŋwan. 14#Yuö 12.40, 41; Kon 7.7Ama a nan mo ’durökiŋdye kulya ti lu jur logon se mo kitakiŋdya lepeŋ lu, a i mukök na ŋina, a se mo Yuörö kaŋo ko tukworien a duma. 15a ko gwe gwoso do, do mo nukaki ko merenyejin kulok i merete ko taliŋ, iŋkoi, do mo nuka i mukök nagon do aje si ’da ko kinajin jore nu. 16A i nyakwari toiŋwan a se mo yitwene bot ni koti; kogwon ŋonyan na Ŋutu ti Amori a ko nyuŋ jukin i riŋa.
17A gwe sona, a kolor ’dorone ’doro, a kak gwe a korikori, mete, a köpuröt puriörö ki i salesi, a kaliati na tutule wöröni i kiden na kine lokorio. 18#Kon 7.5 A i ŋilu lor, a MATAT teteŋdi tomoret ko Abarama, a kulyani adi, Nan a tiŋdu nyakwariat kulok ŋilo jur suluja i kare lo Ejipeto tojo ko kare duma logon a kare Perat, 19kweja adi nan titin lepeŋat jur lo Ŋutu ti Keni, ko lo Ŋutu ti Keniji, ko lo Ŋutu ti Kademon, 20ko lo Ŋutu ti Kiti, ko lo Ŋutu ti Periji, ko lo Ŋutu ti Repa, 21ko lo Ŋutu ti Amori, ko lo Ŋutu ti Kanana, ko lo Ŋutu ti Giriŋasi, se ko lo Ŋutu ti Yebusi.
अहिले सेलेक्ट गरिएको:
:
हाइलाइट
शेयर गर्नुहोस्
कपी गर्नुहोस्
तपाईंका हाइलाइटहरू तपाईंका सबै यन्त्रहरूमा सुरक्षित गर्न चाहनुहुन्छ? साइन अप वा साइन इन गर्नुहोस्
Bari Bible © United Bible Societies, 1979.