Yoane 16
16
1Nan aje jamakin ta kine kulya anyen ta gwon ti kukutörö bot. 2Ŋutu mo rikun ta kaŋo i kadijik momoresi. ’Diri diŋit mo popo nagon ŋutu liŋ logon a tatuja ta kilo mo yeyeju adi se koŋdya kita na Ŋun. 3Se mo kökon kine ŋo kogwon se a ko den Baba, koti se a ko den nan. 4Ama nan aje takin ta kine kulya anyen ko diŋit nase aje po nagon koŋdi kine ŋo, a ta mo kuru kurun adi nan aje takin ta.
Kita na Mulökötyo Loke
Nan a ko tukökin ta kine kulya a kokwe, kogwon nan gwon ko ta i pirit na geleŋ. 5Ama soŋinana nan lu iti ko lepeŋ lo sunyuŋdyo nan lo yu, ama a lele losu gwe ’bayin lo pija nan adi, Do tu da? 6Kölumbö a ta delyani delya parik kasu i töilyet kogwon nan aje jamakin ta kine kulya. 7Nyenagon nan takiŋdya ta to ’diri adi, bia a na ’but kasu ko nan tutu, kogwon ko nan ti tu, a Kato golonit lo tine po kasu ni, ama ko nan a tu, a nan mo sunyuŋdye lepeŋ kasu ni.
8Ko nye mo a po, a nye mo tokurukiŋdye ŋutu ti na kak adi se a lyaŋan i kulya ti toron, ko i kulya ti tugwakan, ko i kulya ti ’duŋgö na putet. 9Adi, se a lyaŋan i kulya ti toron kogwon se a ko yuŋ nan; 10se köti a lyaŋan i kulya ti tugwakan kogwon nan lo iti ko Baba yu, a ta mo tine met nan koti; 11adi, se a lyaŋan i kulya ti ’duŋgo na putet, kogwon matat lo na kak aje ’duŋöki putet.
12Nan nyuŋ gwon ko kulya jore nagon jamaki ta, ama se pömöni nagon ta ti jukin ’doggu se soŋinana;
13ama ko Mulökotyo lo to ’diri a po a nye mo nyömöddi ta i to ’diri liŋ; kogwon nye mo ti jambu kulya kanyit ti mugun, ama a nye mo takiŋdye ta ŋo nagon nye a yiŋun, a mo tukökiŋdye ta kulya na popo. 14A nye mo bu ’ye nan, kogwon nye mo ’dumuŋdya ŋo kwe a tokurukiŋdye ta se. 15Ŋo liŋ nagon Baba gwon ko se kune a kwe; ŋina a kwe nagon nan a kulyari adi, Mulökötyo lo to ’diri mo ’dumuŋdya ŋo kwe a mo tokurukiŋdye ta se.
Delya nasu mo wora a lyöŋön
16Yöŋgi diŋit a na ’dit ta mo ti met nan; köti diŋit a na ’dit a ta mo meddi nan. 17A kulye ŋutu kanyit kajujumuk totopine ko ’börik adi, Lepeŋ kulya adi nyo, na kulyari nye koyi adi, Yöŋgi diŋit a na ’dit ta ti met nan; koti adi, Yöŋgi diŋit a na ’dit ta mo memet nan? Köti na kulyari nye adi, Nan lo iti ko Baba yu? 18Nyena a se totopine adi, Na kulyari nye adi, Yöŋgi diŋit a na ’dit, lepeŋ kulya adi nyo? Yi ti den ko lepeŋ jambu kulya ti nyo. 19A Yesu iŋge den adi lepeŋat ’de ’dekan pija nye, nyena a nye pije lepeŋat adi, Ta totopi ko ’börik le, i ŋo nagon nan a kulyari adi, Yoŋgi diŋit a na ’dit ta mo ti met nan; köti adi, Yöŋgi diŋit a na ’dit a ta mo meddi nan? 20’Diri ’diri, nan takiŋdya ta adi ta mo gwigwien ko lulujö, ama a ŋutu ti kak ni mo lyöŋi lyöŋön; ta mo dedelya, ama a delya nasu mo worani a lyoŋön. 21Ko ŋuto nakwan gwon i ta ’duuŋdyö, lepeŋ ŋoŋoŋga kogwon diŋit nanyit aje po, ama ko nye aje ta ’duuŋdyö lupudi, a nye böŋöni böŋö ŋoŋga nanyit a lyöŋi lyöŋön kogwon ŋuro lulalet aje yuŋwe kaŋo i na kak. 22Ta köti dedelya soŋinana, ama nan mo memet ta koti, a töilyet kasu mo lyöŋi lyoŋön, a ŋutu gwe ’bayin lo ’dumaddu lyöŋön nasu. 23i ŋilu lor a ta mo tine pija nan ko kunie piesi. ’Diri ’diri, nan takiŋdya ta adi Baba mo titin ta ŋo liŋ nagon ta a piyun köyö i karin.
24Suluja ’beron tojo ko soŋinana ta a ko pija nene ŋo i karin kwe; pije ta, a ta de wune wu, anyen lyöŋön nasu böŋö jojore.
Yesu a te ’ya na kak
25Nan aje jamakin ta kine kulya i lilimon. Diŋit ŋina popo nagon nan mo tine jambu ko ta i lilimön köti, ama nan mo tutukökin ta köke i kulya ti Baba. 26I ŋilu lor ta mo pipi i karin kwe, a nan tine kulya ko ta adi nan mo momo ’yu Baba kogwon kulya kasu,
27kogwon Baba ko mugun nanyit nyanyar ta, kogwon ta nyanyar nan a iŋge yubbö adi nan po ko Ŋun yu.
28Nan po ko Baba yu, a nan poŋdi i na kak; soŋinana nan kokölökin na kak a köti yitöni ko Baba yu. 29A ŋutu kanyit kajujumuk kulo kulyani, ko lepeŋ adi, Mete, soŋinana do jambu köke, ’bayin i lilimön. 30Soŋinana yi dene den adi do deden ŋo liŋ, ’bulit ’bayin nagon ŋutu pije do; kogwon ŋina kwe yi a yuŋ adi do po ko Ŋun yu.
31A Yesu pije lepeŋat adi, Ta soŋinana aje yuŋ le? 32Mete ta, diŋit ŋina popo, ’diri aje ’dur, nagon ta mo totoreki, ta liŋ geleŋ geleŋ tu kasu i midijik, a ta mo kö ’yi nan geleŋ; ama nan ti gwon geleŋ, kogwon Baba gwon ko nan.
33Nan aje jamakin ta kine kulya anyen ta boŋö gwon ko taliŋ köyö i mugun. I na kak ta gwon i diŋit ŋoŋet. Ama togo ’yi ta töilyet, kogwon nan aje te ’ya na kak.
अहिले सेलेक्ट गरिएको:
Yoane 16: BBE
हाइलाइट
शेयर गर्नुहोस्
कपी गर्नुहोस्
तपाईंका हाइलाइटहरू तपाईंका सबै यन्त्रहरूमा सुरक्षित गर्न चाहनुहुन्छ? साइन अप वा साइन इन गर्नुहोस्
Bari Bible © United Bible Societies, 1979.
Yoane 16
16
1Nan aje jamakin ta kine kulya anyen ta gwon ti kukutörö bot. 2Ŋutu mo rikun ta kaŋo i kadijik momoresi. ’Diri diŋit mo popo nagon ŋutu liŋ logon a tatuja ta kilo mo yeyeju adi se koŋdya kita na Ŋun. 3Se mo kökon kine ŋo kogwon se a ko den Baba, koti se a ko den nan. 4Ama nan aje takin ta kine kulya anyen ko diŋit nase aje po nagon koŋdi kine ŋo, a ta mo kuru kurun adi nan aje takin ta.
Kita na Mulökötyo Loke
Nan a ko tukökin ta kine kulya a kokwe, kogwon nan gwon ko ta i pirit na geleŋ. 5Ama soŋinana nan lu iti ko lepeŋ lo sunyuŋdyo nan lo yu, ama a lele losu gwe ’bayin lo pija nan adi, Do tu da? 6Kölumbö a ta delyani delya parik kasu i töilyet kogwon nan aje jamakin ta kine kulya. 7Nyenagon nan takiŋdya ta to ’diri adi, bia a na ’but kasu ko nan tutu, kogwon ko nan ti tu, a Kato golonit lo tine po kasu ni, ama ko nan a tu, a nan mo sunyuŋdye lepeŋ kasu ni.
8Ko nye mo a po, a nye mo tokurukiŋdye ŋutu ti na kak adi se a lyaŋan i kulya ti toron, ko i kulya ti tugwakan, ko i kulya ti ’duŋgö na putet. 9Adi, se a lyaŋan i kulya ti toron kogwon se a ko yuŋ nan; 10se köti a lyaŋan i kulya ti tugwakan kogwon nan lo iti ko Baba yu, a ta mo tine met nan koti; 11adi, se a lyaŋan i kulya ti ’duŋgo na putet, kogwon matat lo na kak aje ’duŋöki putet.
12Nan nyuŋ gwon ko kulya jore nagon jamaki ta, ama se pömöni nagon ta ti jukin ’doggu se soŋinana;
13ama ko Mulökotyo lo to ’diri a po a nye mo nyömöddi ta i to ’diri liŋ; kogwon nye mo ti jambu kulya kanyit ti mugun, ama a nye mo takiŋdye ta ŋo nagon nye a yiŋun, a mo tukökiŋdye ta kulya na popo. 14A nye mo bu ’ye nan, kogwon nye mo ’dumuŋdya ŋo kwe a tokurukiŋdye ta se. 15Ŋo liŋ nagon Baba gwon ko se kune a kwe; ŋina a kwe nagon nan a kulyari adi, Mulökötyo lo to ’diri mo ’dumuŋdya ŋo kwe a mo tokurukiŋdye ta se.
Delya nasu mo wora a lyöŋön
16Yöŋgi diŋit a na ’dit ta mo ti met nan; köti diŋit a na ’dit a ta mo meddi nan. 17A kulye ŋutu kanyit kajujumuk totopine ko ’börik adi, Lepeŋ kulya adi nyo, na kulyari nye koyi adi, Yöŋgi diŋit a na ’dit ta ti met nan; koti adi, Yöŋgi diŋit a na ’dit ta mo memet nan? Köti na kulyari nye adi, Nan lo iti ko Baba yu? 18Nyena a se totopine adi, Na kulyari nye adi, Yöŋgi diŋit a na ’dit, lepeŋ kulya adi nyo? Yi ti den ko lepeŋ jambu kulya ti nyo. 19A Yesu iŋge den adi lepeŋat ’de ’dekan pija nye, nyena a nye pije lepeŋat adi, Ta totopi ko ’börik le, i ŋo nagon nan a kulyari adi, Yoŋgi diŋit a na ’dit ta mo ti met nan; köti adi, Yöŋgi diŋit a na ’dit a ta mo meddi nan? 20’Diri ’diri, nan takiŋdya ta adi ta mo gwigwien ko lulujö, ama a ŋutu ti kak ni mo lyöŋi lyöŋön; ta mo dedelya, ama a delya nasu mo worani a lyoŋön. 21Ko ŋuto nakwan gwon i ta ’duuŋdyö, lepeŋ ŋoŋoŋga kogwon diŋit nanyit aje po, ama ko nye aje ta ’duuŋdyö lupudi, a nye böŋöni böŋö ŋoŋga nanyit a lyöŋi lyöŋön kogwon ŋuro lulalet aje yuŋwe kaŋo i na kak. 22Ta köti dedelya soŋinana, ama nan mo memet ta koti, a töilyet kasu mo lyöŋi lyoŋön, a ŋutu gwe ’bayin lo ’dumaddu lyöŋön nasu. 23i ŋilu lor a ta mo tine pija nan ko kunie piesi. ’Diri ’diri, nan takiŋdya ta adi Baba mo titin ta ŋo liŋ nagon ta a piyun köyö i karin.
24Suluja ’beron tojo ko soŋinana ta a ko pija nene ŋo i karin kwe; pije ta, a ta de wune wu, anyen lyöŋön nasu böŋö jojore.
Yesu a te ’ya na kak
25Nan aje jamakin ta kine kulya i lilimon. Diŋit ŋina popo nagon nan mo tine jambu ko ta i lilimön köti, ama nan mo tutukökin ta köke i kulya ti Baba. 26I ŋilu lor ta mo pipi i karin kwe, a nan tine kulya ko ta adi nan mo momo ’yu Baba kogwon kulya kasu,
27kogwon Baba ko mugun nanyit nyanyar ta, kogwon ta nyanyar nan a iŋge yubbö adi nan po ko Ŋun yu.
28Nan po ko Baba yu, a nan poŋdi i na kak; soŋinana nan kokölökin na kak a köti yitöni ko Baba yu. 29A ŋutu kanyit kajujumuk kulo kulyani, ko lepeŋ adi, Mete, soŋinana do jambu köke, ’bayin i lilimön. 30Soŋinana yi dene den adi do deden ŋo liŋ, ’bulit ’bayin nagon ŋutu pije do; kogwon ŋina kwe yi a yuŋ adi do po ko Ŋun yu.
31A Yesu pije lepeŋat adi, Ta soŋinana aje yuŋ le? 32Mete ta, diŋit ŋina popo, ’diri aje ’dur, nagon ta mo totoreki, ta liŋ geleŋ geleŋ tu kasu i midijik, a ta mo kö ’yi nan geleŋ; ama nan ti gwon geleŋ, kogwon Baba gwon ko nan.
33Nan aje jamakin ta kine kulya anyen ta boŋö gwon ko taliŋ köyö i mugun. I na kak ta gwon i diŋit ŋoŋet. Ama togo ’yi ta töilyet, kogwon nan aje te ’ya na kak.
अहिले सेलेक्ट गरिएको:
:
हाइलाइट
शेयर गर्नुहोस्
कपी गर्नुहोस्
तपाईंका हाइलाइटहरू तपाईंका सबै यन्त्रहरूमा सुरक्षित गर्न चाहनुहुन्छ? साइन अप वा साइन इन गर्नुहोस्
Bari Bible © United Bible Societies, 1979.