Luka 11
11
Yesu a todiŋdyö kulya ti kwakwaddu
(Köti Matayo 6.9-15; 7.7-11)
1A gwe sona a Yesu gwe i kwakwaddu i nene pirit, a nagon nye aje jo kwakwaddu nu, a lele lo ŋutu kanyit kajujumuk kulyani ko lepeŋ adi, MATAT, todiniki yi i kwakwaddu gwoso na todiŋdye Yoane ŋutu kanyit kajujumuk na. 2A nye kulyani ko lepeŋat adi, Ko ta kwakwaddu, kwakwaddi ta adi,
Baba, ti karin kunök bulani bula;ti tumatyan inot po.
3Temba i lor tiki yi kinyo likaŋ lo lor.
4Pitöki yi toronjin kaŋ, kogwon yi köti aje
pitokiŋdyö ŋutu liŋ logon a konakiŋdya yi arabat kulo.
An do ko tikin yi i tema.
5A kirut nye kulyani ko lepeŋat adi, Ko kodyö lele losu gwon ko ju lonyit a iti ko lepeŋ yu kwaje kiden, a kulyani adi, Ju liŋ, paraki nan ko ambatajin musala, 6kogwon lele ju liŋ logon jöjolo a ’durökin köyö mede, a nan gwe ’bak nene ŋo nagon nan tikin lepeŋ. 7A monye kadi ruŋge kadi kata adi, An do ko tudara nan. Soŋinana kötumit aje kinu, ŋwajik kwe se ko nan aje peron kak; nan ti bulö ŋien ki anyen tiŋdu do nene ŋo.
8Nyena nan takiŋdya ta adi, ma ’di nye ti ŋien ki i tiŋdu na lepeŋ ŋo kogwon lepeŋ a ju lonyit, ama kogwon nye titiddya parik a nye mo ŋine ki a tiŋdi ŋilo ŋuto ŋo liŋ nagon nye ’de ’dekan kune.
9Nyenagon nan kulya ko ta adi, Pije ta, a ta de tikine tiki; gale ta, a ta de ryöni ryö; totoggi ta, a ta de ŋakine ŋaki; 10kogwon ŋutu liŋ lo piyuŋdya kilo wuwuju, nye lo ga ’yu lo ryöryö, a nye lo totoggu lo ŋakine ŋaki. 11Ta komonye, lon losu logon ko ŋuro lonyit a piyuŋdya sumuti, a i pirit na somuti a kölumbö tiŋdi lepeŋ munu?
12Kode ko nye a piyuŋdya katulukuti a nye mo tiŋdi lepeŋ kito le? 13a ko ta logon a ŋutu lorok kulo deden tiŋdu ŋwajik kasu ŋo na ’but, a bia parik Monye losu lo gwon ki lu mo titin ŋutu logon a pija lepeŋ kulo Mulökotyo Loke!
Kulye ŋutu a jambu adi Yesu gwon ko mulökötyo loron logon a Belejebula
(Koti Matayo 12.22-30; Marako 3.20-27)
14A Yesu iŋge rikörö mulökötyo loron kaŋo logon a mumut. A nagon mulökötyo loron aje po kapo nu, a ŋuto logon a mumut lo jambi jambu. A nutu kulo soŋi soŋu. 15#Mat 9.34; 10.25Ama a kulye kase kulyani adi, Lepeŋ rikoddu muloko lorok kaŋo ko riŋit na Belejebula, duma lo mulökö lorok. 16#Mat 12.38; 16.1; Mar 8.11A kulye koti mori lepeŋ, ’dekan kweyet na po ki. 17Ama nye iŋge den yeyeesi kase a kulyani ko lepeŋat adi, Tumatyanjin liŋ nagon a koŋa ’borik kine kokoŋu, iŋkoi, mede nagon a koŋa mugun murek na, ŋina mede kakaŋu. 18a ko Satani koti a koŋa mugun a tumatyan nanyit gwo ’de ada? Kogwon ta kulya adi nan rikoddu muloko lorok ko riŋit na Belejebula.
19A ko nan rikoddu muloko lorok ko riŋit na Belejebula, a ŋutu kasu rikörö se kaŋo ko riŋit niŋa? Nyenagon a se mo lo lilije kulya kasu. 20Ama ko nan kita ko morinet lo Ŋun anyen rikoddu muloko lorok kaŋo, nyena dene ta den adi, Tumatyan na Ŋun ’diri aje yeŋundya kasu. 21A ko ŋuto lo riŋit a jupu tito moriesi a tiji kadi nanyit, nyena aŋo kanyit liŋ gwe ’bura. 22Ama ko ŋuto logon ko riŋit lwölwöŋ lepeŋ a po, a möroni ko lepeŋ, a te ’yi lepeŋ, a ’dokoddi tito möriesi ti ŋuto logon yinikiŋdyö mugun i se lo, a kökoroji toro ’bo na ryakun nye kune. 23#Mar 9.40Nye logon ti gwon köyö i swöt lo mömoro ko nan, a nye logon tine pepeŋdya ko nan i pirit na geleŋ lo totorekiŋdya.
Yitwe na mulökötyo loron ko ŋuto i töili
(Köti Matayo 12.43-45)
24A nagon mulökötyo loron aje po kaŋo ko ŋuto i mugun nu, a worojinei piritön nagon ’bak pioŋ gaga ’yu yukan; a ko nye a ko ryö pirit a nye kulyani adi, Nan de yiyitwe köyö mede nagon nan po kata nu. 25a nye ko ’dure, a nye ryeji nu kadi a reya a nake, ko a kukuna ’bura. 26Nyena a nye i ti tu a joŋdi kulye mulökö buryo logon a lorok lwölwoŋ nye, a se liŋ lupöni lukata a si ’dani nyu; a gwiliŋit lo ŋilo Ŋuto i ’dutet worani a loron parik lwölwöŋ lo kokwe lu.
Ŋutu logon ’diri a kalyöŋök
27A nagon Yesu nyuŋ jambu kine kulya nu, a nene ŋuto i kiden na lodir lo ŋutu kulyajine ki ko lepeŋ adi, Ŋuto na yupuŋdyö do na nagon do a nöggu kinasi kanyit kulo na a kalyoŋi. 28Ama a nye kulyani adi, Bia do kulya adi, Ŋutu logon yiyiŋ kulyaet lo Ŋun ko ’de ’dep nye kulo a kalyöŋök.
Ŋutu ’de ’dekan meddya kweyesi
(Köti Matayo 12.38-42)
29 #
Mat 16.4; Mar 8.12 A na momoruŋdye ŋutu jore ko Yesu ni nu, a nye kulyani adi, Ŋutu ti na toberon a ŋutu lorok; se gaga ’yu kweyet, ama kweyet mo ti kweki lepeŋat ka ’de kweyet na Yona. 30#Yon 3.4Kogwon gwoso nagon Yona köju a gwon a kweyet i ŋutu ti Ninewe nu, nyena köti nan Ŋuro lo ŋuto mo gwon a kweyet i ŋutu ti na toberon. 31#1 Mor 10.1-10; 2 Dek 9.1-12Mor na swot lo Loki mo ŋiŋien ki i lor ’duŋet lo putet ko ŋutu ti na toberon, a mo ’duŋöki kulya kase arabat, kogwon nye köju a po i ’dutet na kak i yiŋga na koŋon na Solomona; nyena mete ta, ŋo duma kata ni nagon Iwolwöŋ Solomona. 32#Yon 3.5ŋutu ti Ninewe mo ŋiŋien ki i lor ’duŋet lo putet ko ŋutu ti na toberon, a mo ’duŋöki kulya kase arabat, kogwon se löpuggö töilyet kase ko tokujö na Yona; nyena mete ta, ŋo duma kokona ni nagon Iwolwöŋ Yona.
Parara na mugun
(Köti Matayo 5.15; 6.22-23)
33 #
Mat 5.15; Mar 4.21; Luk 8.16 Lele ŋuto ’bayin logon mokakiŋdya lombo a ’dele ’de nye, kode a muke muk ko kupö, ama nye togwi ’dikin ki anyen ŋutu lo lupö kadi kulo boŋo memet. 34Konyen kulök a lombo lo mugun inot; ko konyen kulok a lo ’but mugun inot liŋ koti a jore ko parara; ama ko konyen kulök a lorok. köti a mugun inot gwe i mudwe.
35Nyenagon meddi ’bura an parara na gwon konut i mugun na gwon a mudwe. 36Ko mugun inot liŋ a jore ko parara, a lele swöt gwe ’bayin logon a mudwe, a nye ’bukuluŋ mo gwe a parara gwoso nagon lombo lo kokobbu parik tiŋdi do parara na.
Yesu a jambu kulya ti Parusijin se koti katodinök ti Saresi ti Mose adi se a lorok
(Köti Matayo 23.1-36; Marako 12.38-40)
37A nagon Yesu aje tutuŋgö jambu nu, a lele Parusityo luŋgi lepeŋ i nyesu ko nye i pirit na geleŋ. Nyena a nye luponi kadi a si ’dakine kak i nyesu.
38A Parusityo lo iŋge söŋu na meddi nye lepeŋ a ko lalaju a kokwe na nyesu nu. 39A MATAT kulyani ko lepeŋ adi, Ta Parusijin lalaju kaŋo na kopojin ko na kalabajin; ama kasu lukata ta a jore ko ryaggu se ko ŋo narok. 40Ta ŋutu lu ’böŋ, Kagweyanit lo ŋutu ŋona a gweja kaŋo ka ’de, a ko gweja lukata köti le? 41Nyena tiki ta ŋo na gwon i lukata kune a ’dokesi; mete, a ŋo liŋ mo gwe a nake kasu.
42 #
Lew 27.30
Woidio ta Parusijin! Ta ’dogga ko swöt topuökit lo nana ko lo mulukia logon a jiyo, se ko lo koropo liŋ na to ’busarikin kinyo, ama a ta kölökiŋdye ’duŋgo na kulya gwogwo se ko nyaŋu na ŋun. Kine ŋo a se nagon ta kodyö kökon, a gwe ti kölokin kunie a ko kona.
43Woidio ta Parusijin! Ta nyanyar si ’daesi ti kokwe i kadijik momoresi, ko nyanyar romarikin i piritön gwöriesi. 44Woidio ta! Ta gwon gwoso gulomö nagon ’bak ŋo gwuluesi, a ŋutu wöröni kase loki a tine den adi se a gulömo.
45A lele lo bodwat ti Saresi ti Mose waddi lepeŋ adi, Katodinönit, na jambi do kine kulya nu, do koti a yuyuggö yi parik. 46a nye kulyani adi, Woidio ta bodwat ti Saresi köti! Ta sobba ŋutu ko ŋo nagon pömöni i ’doko ama ta ko ’börik ti ’bön taŋdu ŋo lo ’do ’doko kulo ko lele lo morin kasu. 47Woidio ta! Ta logon gweja gulomö ti nebijin logon merenyejin kasu köju a tatu kulu. 48Nyena a ta totokoŋi adi ta a ruk konesi nagon merenyejin kasu aje kon kune; lepeŋat aje tatuja nebijin, a ta gweji gulomö kase. 49Kogwon ŋina kwe Koŋon na Ŋun a kulya adi, Nye mo susunyukin se nebijin se ko luyökie, a se mo tatune tatu kulye kase, a mo sasanye sasan kulye. 50Ko ŋina kwe a ŋutu ti na toberon mo ropakine rima ti nebijin liŋ kase i kusik logon aje tatua suluja i gweya na kak kulo, 51#Sul 4.8; 2 Dek 24.20, 21suluja i tatua na Ebele tojo ko tatua na Takaria i kiden na pirit ’yuret na rubaŋgajin se ko pirit nake na rurwan. Iŋkoi, nan takiŋdya ta adi, kine rima liŋ mo ropaki i kusik ti ŋutu ti na toberon. 52Wöidiö ta bodwat ti Saresi! Ta aje ’dumara kaŋo ŋaet lo kotumit nagon ŋutu lupö i kuruŋdyö na kulya; ta ko ’börik a ko lupö nyin, a ta teŋgi ŋutu logon lupö lukata kulo.
53A nagon Yesu aje lupuŋdyo kaŋo i ŋinu kadi nu, a katodinök ti Saresi ti Mose se ko Parusijin suluje tiddya lepeŋ ko tomirikulan, a pije lepeŋ ko kulya jore, 54möŋu domba lepeŋ anyen logga lepeŋ ko ŋo nagon lepeŋ kodyo jajamun kune.
अहिले सेलेक्ट गरिएको:
Luka 11: BBE
हाइलाइट
शेयर गर्नुहोस्
कपी गर्नुहोस्
तपाईंका हाइलाइटहरू तपाईंका सबै यन्त्रहरूमा सुरक्षित गर्न चाहनुहुन्छ? साइन अप वा साइन इन गर्नुहोस्
Bari Bible © United Bible Societies, 1979.
Luka 11
11
Yesu a todiŋdyö kulya ti kwakwaddu
(Köti Matayo 6.9-15; 7.7-11)
1A gwe sona a Yesu gwe i kwakwaddu i nene pirit, a nagon nye aje jo kwakwaddu nu, a lele lo ŋutu kanyit kajujumuk kulyani ko lepeŋ adi, MATAT, todiniki yi i kwakwaddu gwoso na todiŋdye Yoane ŋutu kanyit kajujumuk na. 2A nye kulyani ko lepeŋat adi, Ko ta kwakwaddu, kwakwaddi ta adi,
Baba, ti karin kunök bulani bula;ti tumatyan inot po.
3Temba i lor tiki yi kinyo likaŋ lo lor.
4Pitöki yi toronjin kaŋ, kogwon yi köti aje
pitokiŋdyö ŋutu liŋ logon a konakiŋdya yi arabat kulo.
An do ko tikin yi i tema.
5A kirut nye kulyani ko lepeŋat adi, Ko kodyö lele losu gwon ko ju lonyit a iti ko lepeŋ yu kwaje kiden, a kulyani adi, Ju liŋ, paraki nan ko ambatajin musala, 6kogwon lele ju liŋ logon jöjolo a ’durökin köyö mede, a nan gwe ’bak nene ŋo nagon nan tikin lepeŋ. 7A monye kadi ruŋge kadi kata adi, An do ko tudara nan. Soŋinana kötumit aje kinu, ŋwajik kwe se ko nan aje peron kak; nan ti bulö ŋien ki anyen tiŋdu do nene ŋo.
8Nyena nan takiŋdya ta adi, ma ’di nye ti ŋien ki i tiŋdu na lepeŋ ŋo kogwon lepeŋ a ju lonyit, ama kogwon nye titiddya parik a nye mo ŋine ki a tiŋdi ŋilo ŋuto ŋo liŋ nagon nye ’de ’dekan kune.
9Nyenagon nan kulya ko ta adi, Pije ta, a ta de tikine tiki; gale ta, a ta de ryöni ryö; totoggi ta, a ta de ŋakine ŋaki; 10kogwon ŋutu liŋ lo piyuŋdya kilo wuwuju, nye lo ga ’yu lo ryöryö, a nye lo totoggu lo ŋakine ŋaki. 11Ta komonye, lon losu logon ko ŋuro lonyit a piyuŋdya sumuti, a i pirit na somuti a kölumbö tiŋdi lepeŋ munu?
12Kode ko nye a piyuŋdya katulukuti a nye mo tiŋdi lepeŋ kito le? 13a ko ta logon a ŋutu lorok kulo deden tiŋdu ŋwajik kasu ŋo na ’but, a bia parik Monye losu lo gwon ki lu mo titin ŋutu logon a pija lepeŋ kulo Mulökotyo Loke!
Kulye ŋutu a jambu adi Yesu gwon ko mulökötyo loron logon a Belejebula
(Koti Matayo 12.22-30; Marako 3.20-27)
14A Yesu iŋge rikörö mulökötyo loron kaŋo logon a mumut. A nagon mulökötyo loron aje po kapo nu, a ŋuto logon a mumut lo jambi jambu. A nutu kulo soŋi soŋu. 15#Mat 9.34; 10.25Ama a kulye kase kulyani adi, Lepeŋ rikoddu muloko lorok kaŋo ko riŋit na Belejebula, duma lo mulökö lorok. 16#Mat 12.38; 16.1; Mar 8.11A kulye koti mori lepeŋ, ’dekan kweyet na po ki. 17Ama nye iŋge den yeyeesi kase a kulyani ko lepeŋat adi, Tumatyanjin liŋ nagon a koŋa ’borik kine kokoŋu, iŋkoi, mede nagon a koŋa mugun murek na, ŋina mede kakaŋu. 18a ko Satani koti a koŋa mugun a tumatyan nanyit gwo ’de ada? Kogwon ta kulya adi nan rikoddu muloko lorok ko riŋit na Belejebula.
19A ko nan rikoddu muloko lorok ko riŋit na Belejebula, a ŋutu kasu rikörö se kaŋo ko riŋit niŋa? Nyenagon a se mo lo lilije kulya kasu. 20Ama ko nan kita ko morinet lo Ŋun anyen rikoddu muloko lorok kaŋo, nyena dene ta den adi, Tumatyan na Ŋun ’diri aje yeŋundya kasu. 21A ko ŋuto lo riŋit a jupu tito moriesi a tiji kadi nanyit, nyena aŋo kanyit liŋ gwe ’bura. 22Ama ko ŋuto logon ko riŋit lwölwöŋ lepeŋ a po, a möroni ko lepeŋ, a te ’yi lepeŋ, a ’dokoddi tito möriesi ti ŋuto logon yinikiŋdyö mugun i se lo, a kökoroji toro ’bo na ryakun nye kune. 23#Mar 9.40Nye logon ti gwon köyö i swöt lo mömoro ko nan, a nye logon tine pepeŋdya ko nan i pirit na geleŋ lo totorekiŋdya.
Yitwe na mulökötyo loron ko ŋuto i töili
(Köti Matayo 12.43-45)
24A nagon mulökötyo loron aje po kaŋo ko ŋuto i mugun nu, a worojinei piritön nagon ’bak pioŋ gaga ’yu yukan; a ko nye a ko ryö pirit a nye kulyani adi, Nan de yiyitwe köyö mede nagon nan po kata nu. 25a nye ko ’dure, a nye ryeji nu kadi a reya a nake, ko a kukuna ’bura. 26Nyena a nye i ti tu a joŋdi kulye mulökö buryo logon a lorok lwölwoŋ nye, a se liŋ lupöni lukata a si ’dani nyu; a gwiliŋit lo ŋilo Ŋuto i ’dutet worani a loron parik lwölwöŋ lo kokwe lu.
Ŋutu logon ’diri a kalyöŋök
27A nagon Yesu nyuŋ jambu kine kulya nu, a nene ŋuto i kiden na lodir lo ŋutu kulyajine ki ko lepeŋ adi, Ŋuto na yupuŋdyö do na nagon do a nöggu kinasi kanyit kulo na a kalyoŋi. 28Ama a nye kulyani adi, Bia do kulya adi, Ŋutu logon yiyiŋ kulyaet lo Ŋun ko ’de ’dep nye kulo a kalyöŋök.
Ŋutu ’de ’dekan meddya kweyesi
(Köti Matayo 12.38-42)
29 #
Mat 16.4; Mar 8.12 A na momoruŋdye ŋutu jore ko Yesu ni nu, a nye kulyani adi, Ŋutu ti na toberon a ŋutu lorok; se gaga ’yu kweyet, ama kweyet mo ti kweki lepeŋat ka ’de kweyet na Yona. 30#Yon 3.4Kogwon gwoso nagon Yona köju a gwon a kweyet i ŋutu ti Ninewe nu, nyena köti nan Ŋuro lo ŋuto mo gwon a kweyet i ŋutu ti na toberon. 31#1 Mor 10.1-10; 2 Dek 9.1-12Mor na swot lo Loki mo ŋiŋien ki i lor ’duŋet lo putet ko ŋutu ti na toberon, a mo ’duŋöki kulya kase arabat, kogwon nye köju a po i ’dutet na kak i yiŋga na koŋon na Solomona; nyena mete ta, ŋo duma kata ni nagon Iwolwöŋ Solomona. 32#Yon 3.5ŋutu ti Ninewe mo ŋiŋien ki i lor ’duŋet lo putet ko ŋutu ti na toberon, a mo ’duŋöki kulya kase arabat, kogwon se löpuggö töilyet kase ko tokujö na Yona; nyena mete ta, ŋo duma kokona ni nagon Iwolwöŋ Yona.
Parara na mugun
(Köti Matayo 5.15; 6.22-23)
33 #
Mat 5.15; Mar 4.21; Luk 8.16 Lele ŋuto ’bayin logon mokakiŋdya lombo a ’dele ’de nye, kode a muke muk ko kupö, ama nye togwi ’dikin ki anyen ŋutu lo lupö kadi kulo boŋo memet. 34Konyen kulök a lombo lo mugun inot; ko konyen kulok a lo ’but mugun inot liŋ koti a jore ko parara; ama ko konyen kulök a lorok. köti a mugun inot gwe i mudwe.
35Nyenagon meddi ’bura an parara na gwon konut i mugun na gwon a mudwe. 36Ko mugun inot liŋ a jore ko parara, a lele swöt gwe ’bayin logon a mudwe, a nye ’bukuluŋ mo gwe a parara gwoso nagon lombo lo kokobbu parik tiŋdi do parara na.
Yesu a jambu kulya ti Parusijin se koti katodinök ti Saresi ti Mose adi se a lorok
(Köti Matayo 23.1-36; Marako 12.38-40)
37A nagon Yesu aje tutuŋgö jambu nu, a lele Parusityo luŋgi lepeŋ i nyesu ko nye i pirit na geleŋ. Nyena a nye luponi kadi a si ’dakine kak i nyesu.
38A Parusityo lo iŋge söŋu na meddi nye lepeŋ a ko lalaju a kokwe na nyesu nu. 39A MATAT kulyani ko lepeŋ adi, Ta Parusijin lalaju kaŋo na kopojin ko na kalabajin; ama kasu lukata ta a jore ko ryaggu se ko ŋo narok. 40Ta ŋutu lu ’böŋ, Kagweyanit lo ŋutu ŋona a gweja kaŋo ka ’de, a ko gweja lukata köti le? 41Nyena tiki ta ŋo na gwon i lukata kune a ’dokesi; mete, a ŋo liŋ mo gwe a nake kasu.
42 #
Lew 27.30
Woidio ta Parusijin! Ta ’dogga ko swöt topuökit lo nana ko lo mulukia logon a jiyo, se ko lo koropo liŋ na to ’busarikin kinyo, ama a ta kölökiŋdye ’duŋgo na kulya gwogwo se ko nyaŋu na ŋun. Kine ŋo a se nagon ta kodyö kökon, a gwe ti kölokin kunie a ko kona.
43Woidio ta Parusijin! Ta nyanyar si ’daesi ti kokwe i kadijik momoresi, ko nyanyar romarikin i piritön gwöriesi. 44Woidio ta! Ta gwon gwoso gulomö nagon ’bak ŋo gwuluesi, a ŋutu wöröni kase loki a tine den adi se a gulömo.
45A lele lo bodwat ti Saresi ti Mose waddi lepeŋ adi, Katodinönit, na jambi do kine kulya nu, do koti a yuyuggö yi parik. 46a nye kulyani adi, Woidio ta bodwat ti Saresi köti! Ta sobba ŋutu ko ŋo nagon pömöni i ’doko ama ta ko ’börik ti ’bön taŋdu ŋo lo ’do ’doko kulo ko lele lo morin kasu. 47Woidio ta! Ta logon gweja gulomö ti nebijin logon merenyejin kasu köju a tatu kulu. 48Nyena a ta totokoŋi adi ta a ruk konesi nagon merenyejin kasu aje kon kune; lepeŋat aje tatuja nebijin, a ta gweji gulomö kase. 49Kogwon ŋina kwe Koŋon na Ŋun a kulya adi, Nye mo susunyukin se nebijin se ko luyökie, a se mo tatune tatu kulye kase, a mo sasanye sasan kulye. 50Ko ŋina kwe a ŋutu ti na toberon mo ropakine rima ti nebijin liŋ kase i kusik logon aje tatua suluja i gweya na kak kulo, 51#Sul 4.8; 2 Dek 24.20, 21suluja i tatua na Ebele tojo ko tatua na Takaria i kiden na pirit ’yuret na rubaŋgajin se ko pirit nake na rurwan. Iŋkoi, nan takiŋdya ta adi, kine rima liŋ mo ropaki i kusik ti ŋutu ti na toberon. 52Wöidiö ta bodwat ti Saresi! Ta aje ’dumara kaŋo ŋaet lo kotumit nagon ŋutu lupö i kuruŋdyö na kulya; ta ko ’börik a ko lupö nyin, a ta teŋgi ŋutu logon lupö lukata kulo.
53A nagon Yesu aje lupuŋdyo kaŋo i ŋinu kadi nu, a katodinök ti Saresi ti Mose se ko Parusijin suluje tiddya lepeŋ ko tomirikulan, a pije lepeŋ ko kulya jore, 54möŋu domba lepeŋ anyen logga lepeŋ ko ŋo nagon lepeŋ kodyo jajamun kune.
अहिले सेलेक्ट गरिएको:
:
हाइलाइट
शेयर गर्नुहोस्
कपी गर्नुहोस्
तपाईंका हाइलाइटहरू तपाईंका सबै यन्त्रहरूमा सुरक्षित गर्न चाहनुहुन्छ? साइन अप वा साइन इन गर्नुहोस्
Bari Bible © United Bible Societies, 1979.