Luka 23
23
Yesu ko Pilato i komor
(Köti Matayo 27.1-2, 11-14; Marako 15.1-5; Yoane 18.28-38)
1A lo momora liŋ ŋine ŋien, a lepeŋat joŋgi Yesu ko Pilato i komor. 2a lepeŋat suluje pökiŋdyö lepeŋ adi, Yi a ryö lo ŋuto i tulyaŋgu na jur likaŋ, teteŋgu ŋutu i ropakiŋdya na Kaisar usur, köti kulya adi nye ko mugun nanyit a Masia logon a mor.
3A Pilato pije lepeŋ adi, Do nye ŋilo Mor lo Yudayaki lo? A Yesu waddi lepeŋ adi, Do lo jambu sona. 4A Pilato kulyani ko koanejin temejik se ko lodir lo ŋutu adi, Nan a ko ryö toron nagon riŋari lo ŋuto. 5Ama a se tiddye parik adi, Todiŋdyö nanyit toŋiju yeyeesi ti ŋutu i Yudaya liŋ, suluja i Galilaya ma ’di tojo ko na pirit.
Yesu ko Erode i komor
6A na yiŋge Pilato kune kulya nu, a nye pije kode ŋuto lo ŋona a Galilayatyo, 7a nagon nye aje denun kaŋo adi Yesu a lo jur logon Erode saŋu nye lu, a nye soŋdi lepeŋ ko Erode yu. Erode köti gwon Yerusalema i ŋinu diŋit. 8A na meddi Erode Yesu nu, a nye lyöŋi lyöŋön parik kogwon diŋit a najo nye ’de ’dekan meddya lepeŋ, kogwon nye aje yiŋ liŋio i kulya kanyit, a nye yeŋdi meddya kunie kweyesi sörösi nagon lepeŋ lo koŋdya. 9a nye pije lepeŋ ko piyesi jore, ama a Yesu gwe a ko wat lepeŋ kwöŋ. 10a koanejin temejik se ko katodinök ti Saresi ti Mose gwo ’de gwo ’dan nyu i tiddya ko i pökiŋdyö na lepeŋ parik. 11Köti a Erode se ko ŋutu kanyit kamörök lauŋdye lepeŋ a kweni ’e kweni ’e lepeŋ, a kirut tojubbi lepeŋ ko boŋgo nakwekwelen, a sonyoddi lepeŋ bot ko Pilato yu. 12A i ŋilu lor gwak a Erode ko Pilato tomoke a julin, kogwon lepeŋat köju a merok ko ’börik.
Yesu a ’duŋöki i tatua
(Köti Matayo 27.15-26; Marako 15.6-15; Yoane 18.39—19.16)
13A Pilato luŋgi koanejin temejik, ko ŋutu kaliliyak lokukwön, se ko ŋutu kulo i pirit na geleŋ, 14a kulyani ko lepeŋat adi, Ta aje jon lo ŋuto köyö i komor, a kulyani adi lepeŋ tulyaŋgu ŋutu. Nyena nan aje lilija kulya ti lepeŋ kasu i komor, a nan gwe a ko ryö toron nagon riŋari lepeŋ, nagon ta a ŋökin lepeŋ kune. 15Erode koti a ko ryö nene ŋo naron ko lepeŋ, kogwon nye aje sunyun lepeŋ kayaŋ ni. Mete, lepeŋ a ko koŋdya nene ŋo nagon jujukin tatuari lepeŋ. 16Nyena nan de titin lepeŋ i gwutö, a kölöddi lepeŋ. [ 17Temba i diŋit na rorwe Pilato agu ködyö pukukiŋdyö lepeŋat ŋuto geleŋ.]
18Ama a lodir lo ŋutu liŋ woŋoro ki adi, Toliki lo ŋuto, yukuki yi Baraba.
19(Baraba aje tiki i kadi rereket kogwon kulya ti mörö nagon mörörikin ko miri köji yu ko i kulya ti tatuja.) 20a Pilato köti jambi jambu ko lepeŋat, ’de ’dekan kölöddu Yesu; 21ama a lepeŋat woŋoro ki adi, Ti lepeŋ ’bikikine i ködini na görö! Ti nye ’bikikine ’bikiki! 22A Pilato pije lepeŋat daŋ tomusala adi, Ko nyo? Nan toron nagon lepeŋ a kon? Nan a ko ryö kwe na kulya nagon tatuarikin lepeŋ. Nyena nan de titin lepeŋ i gwuto, a kölöddi lepeŋ. 23Ama a se kölumbö tiddye woŋoro ki ko gworolo lobot adi ti lepeŋ ’bikikine i ködini na görö, a gworolo kase iŋge te ’ya. 24a kirut Pilato ’duŋökiŋdye adi, ŋo nagon lepeŋat ’de ’deggi na ködyö kokona.
25A nye yukuuŋdye ŋuto logon lepeŋat ’de ’deggi lo, logon aje tiki i kadi rereket kogwon kulya ti mörö ko miri se ko tatuja lo, ama a nye tiŋdi Yesu i kona gwoso na ’deggi se na.
Yesu a ’bikiki i ködini na göro
(Koti Matayo 27.32-44; Marako 15.21-32; Yoane 19.17-27)
26A na joŋgi kamörök Yesu kaŋo nu, a se morgi Simona lo po Kurene, #23.26 Kurene a koji duma na jur lo Libya i Aprika logon po kaŋo i jur, a se ’dukukiŋdye ködini na görö ko lepeŋ i ki ’diŋ anyen ’doggu ko Yesu i mukök. 27A ŋutu jore parik kepoddi lepeŋ, se ko wate jore nagon jojokaddu kidoni, gwiorö lepeŋ.
28A Yesu boŋgi lepeŋat, a kulyani adi, Ta wate ti Yerusalema, ko gwi ta ko nan, ama kölumbö gwine ta ko ’börik ko ŋwajik kasu. 29Kogwon mete ta, perok ’diri mo popo logon ŋutu mo kulyari adi, Ŋutu nagon a ’baŋin gwon a kalyoŋök, kweja adi nagon pelela a ko ta ’durikin ko nagon a ko nökö kinasi kwoŋ. 30#Ose 10.8; Kwe 6.16A kirut ŋutu mo kulyani ko merya adi, ’Do ’done ta kayaŋ loki, a kulyani ko lurwat adi, Muŋge ta yi.
31Kogwon ko ŋutu koŋdya kine ŋo a ködini nyuŋ a lodon, a nyo mo na konani ko gwe a loteyon?
32Köti a kulye ŋutu murek logon a kamönyök nyömöjine kaŋo ko lepeŋ i pirit na geleŋ i tatua.
33A nagon se aje ’durökin i pirit na luŋu a Kululuŋ nu, a kamörök ’bikikiŋdye Yesu nyu, se ko kamönyök kulo, lele i swöt lo lutaten ko lele i swöt lo kadoŋe. 34#Sau 22.18a Yesu kulyani adi, Baba, pitöki lepeŋat, kogwon se ti den ŋo na kon se na. Ama a se kökorakiŋdye ’börik boŋgwat kanyit kune a gumbe guralan kode ŋa joŋga. 35#Sau 22.7a ŋutu gwo ’de nyu i diŋa; ama a ŋutu kaliliyak lokukwön kweni ’e kweni ’e lepeŋ ’dö ’döju, adi, Lepeŋ lwöggu kulye ŋutu; ti nye lwöki mugun, ko nye a Masia lo Ŋun logon nye a wulun lo! 36#Sau 69.21akamörök köti kwenine ko lepeŋ, a se poŋdi ko lepeŋ ni a ŋutukiŋdye lepeŋ binyo naparoroŋ, 37a kulyani adi, Ko do a Mor lo Yudayaki, lwöki mugun koi! 38A wuret köti gwe kata kanyit loki, nagon a wurö adi, LO A MOR LO YUDAYAKI.
39A lele lo kamönyök logon a ’bikiki nyu kulo, suluje ’dö ’döju lepeŋ adi, Do ’bayin a Masia le? Lwöki mugun koyi köti! 40Ama a lele lo goji lepeŋ parik adi, Do ti kujönö ma ’di Ŋun le? Do gwon i riŋa gwoso na riŋari lepeŋ na.
41Yi ’diri riŋa a gwak, a yi ropakine ŋo nagon yi a kon kune; ama lo ŋuto a ko koŋdya nene ŋo naron kwöŋ. 42a nye kulyani adi, Yesu, yeyene yeye nan ko do popo i tumatyan. 43a Yesu waddi adi, ’Diri nan takiŋdya do adi, i lo lor do de gwon ko nan i pirit na geleŋ i Melesen nakwekwelen na Ŋun.
Twan na Yesu
(Köti Matayo 27.45-56; Marako 15.33-41; Yoane 19.28-30)
44 #
Yuö 26.31-33
Nyena i ŋinu diŋit a gwe a tuparan kiden. A kak liŋ worani a mudwe tojo ko saa musala na koriri, 45a parara na kolor iŋge musö; a boŋgo koret na Kadi na Ŋun iŋge ki ’ya murek. 46#Sau 31.5a Yesu woŋe parik ko gworo lobot adi, Baba, nan a tin ködudwö nio konut i könisi; a na kulyari nye sona nu, a nye duwuŋdye duwuŋdya. 47a na meddi duma lo kamörök mia geleŋ ŋo na kona nu, a nye pupurje Ŋun, a kulyani adi, ’Diri lo ŋuto a ŋuto lo rigwo. 48a nagon ŋutu jore parik lo momora i meddya na kunu ŋo kulo iŋge met ŋo nagon a kona kunu, a se yitöni midijik jojokaddu kidoni kase. 49#Luk 8.2, 3Ama a julin kanyit liŋ se ko ŋutu wate nagon kipuŋdyö lepeŋ i Galilaya yu kune gwe i gwo ’dan pajo i meddya na kine ŋo.
Nuka na Yesu
(Köti Matayo 27.57-61; Marako 15.42-47; Yoane 19.38-42)
50Nyena a lele ŋuto kata, karin kanyit a Yosepa, lo po i köji na Yudaya na luŋu a Arimataya. Lepeŋ a lele lo teŋ na kaliliyak ti kulya, ko a ŋuto lo ’but ko a lo rigwo. 51Ŋilo ŋuto a ko juŋdyö yeyeesi kase se ko konesi kase. Lepeŋ yeyeŋdu Tumatyan na Ŋun.
52A ŋilo ŋuto iti ko Pilato yu a piyuŋdye öpu na Yesu. 53A kirut nye ’dumuŋdye öpu na kak i ködini na görö a doggi ko boŋgo na ’but, a ’delakiŋdye i gulöm nagon a kuruwe i lurutat logon a ŋurupit, nagon a ko nyuŋ ’delarikin lele ŋuto kwoŋ. 54A gwe a Lor Tetenet a Sabata suluje suluja. 55a ŋutu wate nagon a moruŋdya ko Yesu i pirit na geleŋ Galilaya kunu kepoddi i mukök, a se iŋge met gulom ko öpu nanyit ’dela ada. 56#Yuö 20.10; Nyö 5.14A se yitöni midijik a teteŋdi welesi na mon ’bura se ko riyajin. A se yuke yukan i Sabata gwoso i saret.
अहिले सेलेक्ट गरिएको:
Luka 23: BBE
हाइलाइट
शेयर गर्नुहोस्
कपी गर्नुहोस्
तपाईंका हाइलाइटहरू तपाईंका सबै यन्त्रहरूमा सुरक्षित गर्न चाहनुहुन्छ? साइन अप वा साइन इन गर्नुहोस्
Bari Bible © United Bible Societies, 1979.
Luka 23
23
Yesu ko Pilato i komor
(Köti Matayo 27.1-2, 11-14; Marako 15.1-5; Yoane 18.28-38)
1A lo momora liŋ ŋine ŋien, a lepeŋat joŋgi Yesu ko Pilato i komor. 2a lepeŋat suluje pökiŋdyö lepeŋ adi, Yi a ryö lo ŋuto i tulyaŋgu na jur likaŋ, teteŋgu ŋutu i ropakiŋdya na Kaisar usur, köti kulya adi nye ko mugun nanyit a Masia logon a mor.
3A Pilato pije lepeŋ adi, Do nye ŋilo Mor lo Yudayaki lo? A Yesu waddi lepeŋ adi, Do lo jambu sona. 4A Pilato kulyani ko koanejin temejik se ko lodir lo ŋutu adi, Nan a ko ryö toron nagon riŋari lo ŋuto. 5Ama a se tiddye parik adi, Todiŋdyö nanyit toŋiju yeyeesi ti ŋutu i Yudaya liŋ, suluja i Galilaya ma ’di tojo ko na pirit.
Yesu ko Erode i komor
6A na yiŋge Pilato kune kulya nu, a nye pije kode ŋuto lo ŋona a Galilayatyo, 7a nagon nye aje denun kaŋo adi Yesu a lo jur logon Erode saŋu nye lu, a nye soŋdi lepeŋ ko Erode yu. Erode köti gwon Yerusalema i ŋinu diŋit. 8A na meddi Erode Yesu nu, a nye lyöŋi lyöŋön parik kogwon diŋit a najo nye ’de ’dekan meddya lepeŋ, kogwon nye aje yiŋ liŋio i kulya kanyit, a nye yeŋdi meddya kunie kweyesi sörösi nagon lepeŋ lo koŋdya. 9a nye pije lepeŋ ko piyesi jore, ama a Yesu gwe a ko wat lepeŋ kwöŋ. 10a koanejin temejik se ko katodinök ti Saresi ti Mose gwo ’de gwo ’dan nyu i tiddya ko i pökiŋdyö na lepeŋ parik. 11Köti a Erode se ko ŋutu kanyit kamörök lauŋdye lepeŋ a kweni ’e kweni ’e lepeŋ, a kirut tojubbi lepeŋ ko boŋgo nakwekwelen, a sonyoddi lepeŋ bot ko Pilato yu. 12A i ŋilu lor gwak a Erode ko Pilato tomoke a julin, kogwon lepeŋat köju a merok ko ’börik.
Yesu a ’duŋöki i tatua
(Köti Matayo 27.15-26; Marako 15.6-15; Yoane 18.39—19.16)
13A Pilato luŋgi koanejin temejik, ko ŋutu kaliliyak lokukwön, se ko ŋutu kulo i pirit na geleŋ, 14a kulyani ko lepeŋat adi, Ta aje jon lo ŋuto köyö i komor, a kulyani adi lepeŋ tulyaŋgu ŋutu. Nyena nan aje lilija kulya ti lepeŋ kasu i komor, a nan gwe a ko ryö toron nagon riŋari lepeŋ, nagon ta a ŋökin lepeŋ kune. 15Erode koti a ko ryö nene ŋo naron ko lepeŋ, kogwon nye aje sunyun lepeŋ kayaŋ ni. Mete, lepeŋ a ko koŋdya nene ŋo nagon jujukin tatuari lepeŋ. 16Nyena nan de titin lepeŋ i gwutö, a kölöddi lepeŋ. [ 17Temba i diŋit na rorwe Pilato agu ködyö pukukiŋdyö lepeŋat ŋuto geleŋ.]
18Ama a lodir lo ŋutu liŋ woŋoro ki adi, Toliki lo ŋuto, yukuki yi Baraba.
19(Baraba aje tiki i kadi rereket kogwon kulya ti mörö nagon mörörikin ko miri köji yu ko i kulya ti tatuja.) 20a Pilato köti jambi jambu ko lepeŋat, ’de ’dekan kölöddu Yesu; 21ama a lepeŋat woŋoro ki adi, Ti lepeŋ ’bikikine i ködini na görö! Ti nye ’bikikine ’bikiki! 22A Pilato pije lepeŋat daŋ tomusala adi, Ko nyo? Nan toron nagon lepeŋ a kon? Nan a ko ryö kwe na kulya nagon tatuarikin lepeŋ. Nyena nan de titin lepeŋ i gwuto, a kölöddi lepeŋ. 23Ama a se kölumbö tiddye woŋoro ki ko gworolo lobot adi ti lepeŋ ’bikikine i ködini na görö, a gworolo kase iŋge te ’ya. 24a kirut Pilato ’duŋökiŋdye adi, ŋo nagon lepeŋat ’de ’deggi na ködyö kokona.
25A nye yukuuŋdye ŋuto logon lepeŋat ’de ’deggi lo, logon aje tiki i kadi rereket kogwon kulya ti mörö ko miri se ko tatuja lo, ama a nye tiŋdi Yesu i kona gwoso na ’deggi se na.
Yesu a ’bikiki i ködini na göro
(Koti Matayo 27.32-44; Marako 15.21-32; Yoane 19.17-27)
26A na joŋgi kamörök Yesu kaŋo nu, a se morgi Simona lo po Kurene, #23.26 Kurene a koji duma na jur lo Libya i Aprika logon po kaŋo i jur, a se ’dukukiŋdye ködini na görö ko lepeŋ i ki ’diŋ anyen ’doggu ko Yesu i mukök. 27A ŋutu jore parik kepoddi lepeŋ, se ko wate jore nagon jojokaddu kidoni, gwiorö lepeŋ.
28A Yesu boŋgi lepeŋat, a kulyani adi, Ta wate ti Yerusalema, ko gwi ta ko nan, ama kölumbö gwine ta ko ’börik ko ŋwajik kasu. 29Kogwon mete ta, perok ’diri mo popo logon ŋutu mo kulyari adi, Ŋutu nagon a ’baŋin gwon a kalyoŋök, kweja adi nagon pelela a ko ta ’durikin ko nagon a ko nökö kinasi kwoŋ. 30#Ose 10.8; Kwe 6.16A kirut ŋutu mo kulyani ko merya adi, ’Do ’done ta kayaŋ loki, a kulyani ko lurwat adi, Muŋge ta yi.
31Kogwon ko ŋutu koŋdya kine ŋo a ködini nyuŋ a lodon, a nyo mo na konani ko gwe a loteyon?
32Köti a kulye ŋutu murek logon a kamönyök nyömöjine kaŋo ko lepeŋ i pirit na geleŋ i tatua.
33A nagon se aje ’durökin i pirit na luŋu a Kululuŋ nu, a kamörök ’bikikiŋdye Yesu nyu, se ko kamönyök kulo, lele i swöt lo lutaten ko lele i swöt lo kadoŋe. 34#Sau 22.18a Yesu kulyani adi, Baba, pitöki lepeŋat, kogwon se ti den ŋo na kon se na. Ama a se kökorakiŋdye ’börik boŋgwat kanyit kune a gumbe guralan kode ŋa joŋga. 35#Sau 22.7a ŋutu gwo ’de nyu i diŋa; ama a ŋutu kaliliyak lokukwön kweni ’e kweni ’e lepeŋ ’dö ’döju, adi, Lepeŋ lwöggu kulye ŋutu; ti nye lwöki mugun, ko nye a Masia lo Ŋun logon nye a wulun lo! 36#Sau 69.21akamörök köti kwenine ko lepeŋ, a se poŋdi ko lepeŋ ni a ŋutukiŋdye lepeŋ binyo naparoroŋ, 37a kulyani adi, Ko do a Mor lo Yudayaki, lwöki mugun koi! 38A wuret köti gwe kata kanyit loki, nagon a wurö adi, LO A MOR LO YUDAYAKI.
39A lele lo kamönyök logon a ’bikiki nyu kulo, suluje ’dö ’döju lepeŋ adi, Do ’bayin a Masia le? Lwöki mugun koyi köti! 40Ama a lele lo goji lepeŋ parik adi, Do ti kujönö ma ’di Ŋun le? Do gwon i riŋa gwoso na riŋari lepeŋ na.
41Yi ’diri riŋa a gwak, a yi ropakine ŋo nagon yi a kon kune; ama lo ŋuto a ko koŋdya nene ŋo naron kwöŋ. 42a nye kulyani adi, Yesu, yeyene yeye nan ko do popo i tumatyan. 43a Yesu waddi adi, ’Diri nan takiŋdya do adi, i lo lor do de gwon ko nan i pirit na geleŋ i Melesen nakwekwelen na Ŋun.
Twan na Yesu
(Köti Matayo 27.45-56; Marako 15.33-41; Yoane 19.28-30)
44 #
Yuö 26.31-33
Nyena i ŋinu diŋit a gwe a tuparan kiden. A kak liŋ worani a mudwe tojo ko saa musala na koriri, 45a parara na kolor iŋge musö; a boŋgo koret na Kadi na Ŋun iŋge ki ’ya murek. 46#Sau 31.5a Yesu woŋe parik ko gworo lobot adi, Baba, nan a tin ködudwö nio konut i könisi; a na kulyari nye sona nu, a nye duwuŋdye duwuŋdya. 47a na meddi duma lo kamörök mia geleŋ ŋo na kona nu, a nye pupurje Ŋun, a kulyani adi, ’Diri lo ŋuto a ŋuto lo rigwo. 48a nagon ŋutu jore parik lo momora i meddya na kunu ŋo kulo iŋge met ŋo nagon a kona kunu, a se yitöni midijik jojokaddu kidoni kase. 49#Luk 8.2, 3Ama a julin kanyit liŋ se ko ŋutu wate nagon kipuŋdyö lepeŋ i Galilaya yu kune gwe i gwo ’dan pajo i meddya na kine ŋo.
Nuka na Yesu
(Köti Matayo 27.57-61; Marako 15.42-47; Yoane 19.38-42)
50Nyena a lele ŋuto kata, karin kanyit a Yosepa, lo po i köji na Yudaya na luŋu a Arimataya. Lepeŋ a lele lo teŋ na kaliliyak ti kulya, ko a ŋuto lo ’but ko a lo rigwo. 51Ŋilo ŋuto a ko juŋdyö yeyeesi kase se ko konesi kase. Lepeŋ yeyeŋdu Tumatyan na Ŋun.
52A ŋilo ŋuto iti ko Pilato yu a piyuŋdye öpu na Yesu. 53A kirut nye ’dumuŋdye öpu na kak i ködini na görö a doggi ko boŋgo na ’but, a ’delakiŋdye i gulöm nagon a kuruwe i lurutat logon a ŋurupit, nagon a ko nyuŋ ’delarikin lele ŋuto kwoŋ. 54A gwe a Lor Tetenet a Sabata suluje suluja. 55a ŋutu wate nagon a moruŋdya ko Yesu i pirit na geleŋ Galilaya kunu kepoddi i mukök, a se iŋge met gulom ko öpu nanyit ’dela ada. 56#Yuö 20.10; Nyö 5.14A se yitöni midijik a teteŋdi welesi na mon ’bura se ko riyajin. A se yuke yukan i Sabata gwoso i saret.
अहिले सेलेक्ट गरिएको:
:
हाइलाइट
शेयर गर्नुहोस्
कपी गर्नुहोस्
तपाईंका हाइलाइटहरू तपाईंका सबै यन्त्रहरूमा सुरक्षित गर्न चाहनुहुन्छ? साइन अप वा साइन इन गर्नुहोस्
Bari Bible © United Bible Societies, 1979.