Luka 9
9
Yesu a soŋdu luyökie puök wot murek i tokuöddu
(Köti Matayo 10.5-15; Marako 6.7-13)
1A kirut Yesu lupundye ŋutukanyit kajujumuk puök wot murek kulo i pirit na geleŋ, a nye tiŋdi lepeŋat riŋit ko kido anyen te ’yi mulökö lorok liŋ ko anyen toke ’yi twana, 2a nye soŋdi se i tokuöddu na kulya ti Tumatyan na Ŋun ko i toke ’ya na ŋutu logon a gigilötu. 3A nye takiŋdye lepeŋat adi, An ta ko joŋga ta nene ŋo i jölö nasu; ta ti joŋga ma ’di turya, ma ’di jurakan, kode kinyo, kode gurut; an ta ko gwon ta ko jölöbiyajin murek murek. 4a ko ta a lupö i nan kadi mönuŋdye ta nyu tojo ta a ŋiörö. 5#Kon 13.51#Luk 10.4-11A ko nan pirit nagon ŋutu kanyit ti wu ta, ko ta ŋiörö ŋiörö i ŋinu köji, nanane ta kujöŋ na ryoryok ta ko mokosi kasu kine kaŋo anyen wi ’ya se i kwekiŋdya na ŋo nagon se a renyari kune. 6A ŋutu kanyit kajujumuk ŋiörö ŋiörö, a wöröjine i turön liŋ totokuöddu Loŋe Lo ’but ko totoke ’ya ŋutu logon a gigilötu i piritön liŋ.
Erode dyadya ’yu
(Köti Matayo 14.1-12; Marako 6.14-29)
7 #
Mat 16.14; Mar 8.28; Luk 9.19 Nyena a Erode kasaranit iŋge yiŋ ŋo nagon aje kona kune, a nye iŋge dyadya ’yu parik, kogwon kulye ŋutu jambu adi, Yoane aje toŋiyu i twan,
8a kulye jambi adi, Eliya aje pukun, a kulye adi, lele lo nebijin ti köju ’beron kulu aje ŋien i twan. 9A Erode kulyani adi, Nan aje tikin kwe na Yoane i ’duŋwe kaŋo; ama ŋilo ŋuto a ŋa logon nan a yiŋ kine ŋo i kulya kanyit lo? A nye yöŋöni meddya lepeŋ.
Yesu a tunyeju Ŋutu aliŋan mukanat
(Köti Matayo 14.13-21; Marako 6.30-44; Yoane 6.1-14)
10A na yitwe ’i luyökie kulo nu, a se nyönyökökiŋdye Yesu ŋo liŋ nagon se aje kon kune. A nye joŋgi lepeŋat a ’danajine ka ’de i köji na luŋu a Betesaida. 11Ama a lodir lo ŋutu iŋge den a se kepoddi lepeŋ; a nye wuyuŋdye lepeŋat a jamakiŋdye lepeŋat kulya ti Tumatyan na Ŋun, a toke ’yi ŋutu logon ’de ’dekan tokela. 12A nagon kak gwe nyona ko sömukö nu, a ŋutu kanyit kajujumuk puök wot murek kulo poŋdi ko lepeŋ ni a kulyani adi, Sonyoro kilo ŋutu, ko ti se iti i köjinö ko i turön logon nyona, i galaddu na piritön dotoesi se ko kinyo; kogwon ni yi kulo gwon i pirit nagon ’bak ŋutu.
13Ama a Yesu waddi lepeŋat adi, Ta ko ’börik tiki ta se ŋo lo nyenyei. A se waddi adi, Yi gwon ko ambatajin mukanat ko somot murek ka ’de ake koyi a tu i gwörökiŋdyö na kulo ŋutu liŋ kinyo. 14Kogwon lepeŋat a ŋutu lyan gwoso aliŋan mukanat. A Yesu takiŋdye ŋutu kanyit kajujumuk adi, Tosi ’dane ta lepeŋat kak a teŋon, teŋ geleŋ ko ŋutu gwoso merya mukanat. 15A se iŋge koŋdya sona i tosi ’daju na lepeŋat liŋ kak. 16A Yesu ’dumuŋdye ambatajin mukanat se ko somot murek kune, a nye diŋe ki, a ’boroji ’boroja, a nye pipiŋdye se, a tiŋdi ŋutu kanyit kajujumuk kulo anyen tikin ko lodir lo ŋutu i komor. 17A ŋutu liŋ nyesi nyesu a iŋge yimönö. A lepeŋat iŋge ’du ’dumun pitönö na kinyo lo pipinya lo kupöjin puök wot murek.
Petero a tökoŋu adi Yesu a Masia, a Yesu jambi kulya ti tatua nanyit
(Köti Matayo 16.13-28; Marako 8.27—9.10)
18A ko gwe sona, na gwoŋdi Yesu i kwakwaddu geleŋ nu, a ŋutu kanyit kajujumuk gwe kata, a nye pije se adi, Ŋutu jambu adi nan a ŋa? 19#Mat 14.1, 2; Mar 6.14, 15; Luk 9.7, 8A se waddi adi, Kulye ŋutu kulya adi, Do a Yoane Kabatisanit; ama kulye adi, Do a Eliya; kulye adi, Do a lele lo nebijin ti köju ’beron kulu logon aje ŋien i twan lo. 20#Yoa 6.68, 69A nye köti pije lepeŋat adi, Ama ta ko ’börik kulya adi nan a ŋa? A Petero waddi adi, Do a Masia logon Ŋun a sunyun lo. 21Ama a nye kukuji lepeŋat a saŋi se adi an se tukökin lele ŋuto kine kulya, 22adi, Nan ŋuro lo ŋuto ködyö ŋoŋga ŋo jore, a ŋutu temejik ko koanejin temejik se ko katodinök ti Saresi ti Mose mo renyani nan, a mo tatuje nan, a i perok musala a nan mo toŋiyuni toŋiyu i twan.
23 #
Mat 10.38; Luk 14.27 A nye kulyani ko lepeŋat liŋ adi, Ko ŋuto logon ’de ’dekan gwon a kakeponit liŋ a ti nye paji mugun, ko ti ’dumuŋdye ködini nanyit na goro perok liŋ a kepoddi nan. 24#Mat 10.39; Luk 17.33; Yoa 12.25Kogwon ko ŋuto logon ’dek Iwoggu ru nanyit a ŋilo ŋuto mo tolikiŋdye ru nanyit, ama ŋuto logon tolikiŋdyö ru nanyit kogwon kulya kwe lo a nye mo lwöggi ru nanyit.
25Kogwon ’bulit a nyo i ŋuto logon a ryeju ŋo liŋ ti kak a kanyit a tuyaŋgi kode a tolikiŋdye mugun? 26Kogwon ko ŋuto logon kwe nanyit yuyu i kulya kwe se ko i todinesi kwe, a kwe nio na Ŋuro lo ŋuto köti mo yune yu i kulya kanyit, na poŋdi nan ko malaikajin loke i pirit na geleŋ i minyo liŋ se ko lo Baba nu. 27Ama nan ’diri takiŋdya ta adi, Kulye ŋutu kata i kulo ŋutu logon gwogwo ’dan ni kulo logon mo ti waŋ twan a kokwe na meddi se tumatyan na Ŋun.
Yesu a wora ka ’de a metani ko minyo
(Köti Matayo 17.1-8; Marako 9.2-8)
28A i mukök na perok budök na jambi Yesu kine kulya nu, a nye joŋgi Petero, ko Yoane, ko Yakobo, a kiyaddi ki i mere i kwakwaddu. 29a na gwoŋdi nye i kwakwaddu nu, a komor nanyit worani ka ’de, a boŋgwat kanyit worani a nakwe bia parik ti jukin i meta. 30Nyena mete, a ŋutu murek gwe i jambu ko lepeŋ, logon a ko Mose ko Eliya, 31a se puku ko minyo, a jambi kulya ti wuddya nanyit i na kak nagon nye ’diri mo tu kökon Yerusalema yu kunu anyen temakiŋdya i ŋo nagon Ŋun ’de ’dekan. 32A Petero se ko ŋutu lo gwon ko nye kulo lure lur, ama i diŋit nagon konyen kase gwe a loke nu, a se meddi minyo lo lepeŋ ko ŋutu murek gwogwo ’dan ko lepeŋ nyona. 33A nagon se gwe i kö ’yu na lepeŋ nu, a Petero kulyani ko Yesu adi, Katodinönit, a na ’but i gwon nikaŋ ni; ti yi teteŋdi murugujin musala, nene a inot, ko nene a na Mose, ko nene a na Eliya—ti den ŋo na kulyani nye kine.
34A na jambi nye kine kulya nu, a ’diko na puku a muŋge lepeŋat; a se iŋge kujönö na muŋge ’diko lepeŋat nu.
35 #
Yis 42.1; Mat 3.17; 12.18; Mar 1.11; Luk 3.22 #
2 Pet 1.17, 18 A gworo lo kuu i ŋina ’diko adi, Ŋilo a Ŋuro liŋ lo wulwe; yiŋge ta kulya kanyit! 36a nagon gworo lo aje jo jambu nu, a Yesu ko metani a gwe geleŋ. A ŋutu kajujumuk kulo yiŋani taliŋ, a i ŋinu diŋit a se gwe a ko takin lele ŋuto nene ŋo na met se na.
Yesu a toke ’ya ŋuro logon a moka ko lomerya
(Köti Matayo 17.14-18; Marako 9.14-29)
37A kotumalu na luluruŋdye se kak i mere nu, a ŋutu jore parik rume ko Yesu. 38Mete, a lele ŋuto i kiden na lodir lo ŋutu woŋoro ki adi, Katodinönit, nan mo ’yu do böŋö boŋgi ŋuro liŋ kogwon nye a pilili liŋ lo ŋuro;
39mete, mulökötyo momok lepeŋ, a ’de ’de rumöne parik; a nye kiki iŋge lepeŋ tojo ko köŋutö a yu kanyit i kutuk, a pire pir lepeŋ, a gwe a nago i kö ’yu na lepeŋ. 40a nan iŋge mamaŋdu ŋutu kulök kajujumuk anyen riköddu ŋilo mulökötyo kaŋo, ama a se tine bulö riköddu. 41a Yesu waddi adi, Ta ŋutu ti na toberon logon ’bak yupet ko a karenyak kulo, diŋit ŋornan nagon nan si ’da ko ta ko dara ko kulya kasu? Jo ŋuro ilot ni. 42a nagon ŋuro nyuŋ jwejwe nu a mulökötyo gubakiŋöe lepeŋ kak a kiki iŋge lepeŋ. Ama a Yesu riŋge mulökötyo loron, a toke ’yi ŋuro lo, a ŋutukiŋdye monye. 43a ŋutu liŋ iŋge söŋu ko todumalan na Dun.
Yesu koti a jambu kulya ti tatua nanyit
(Köti Matayo 17.22-23; Marako 9.30-32)
A na gwoŋdi ŋutu liŋ i söŋu ko ŋo liŋ nagon Yesu aje kon kunu, a nye kulyani ko ŋutu kanyit kajujumuk kulo adi, 44Yiŋe ta kilo kulyaesi go; kogwon nan Ŋuro lo ŋuto mo papaki ko ŋutu i könisi. 45Ama a se tine kurun ŋo na jam Yesu kune, a kine kulya iŋge ’dela ko lepeŋat, anyen se gwon ti kurun; a se kujönöni kujönö pija lepeŋ ko ŋo na jam nye kune.
Ŋutu kajujumuk a pija Yesu adi ŋa lose lo gwon a duma
(Köti Matayo 18.1-5; Marako 9.33-37)
46 #
Luk 22.24
A lepeŋat poki i rerenya ko ’borik ko lon lose lo gwon a duma. 47A Yesu inge den no na yeye toilyet kase kune, a nye joŋdi ŋuro lo ’dit a togwi ’dikiŋdye lepeŋ kanyit i merete, 48#Mat 10.40; Luk 10.16; Yoa 13.20a nye kulyani ko lepeŋat adi, Ko na lo wuju lo nuro i karin kwe wuju nan, a ko na lo wuju nan wuju lepeŋ lo sunyuŋdyo nan lo; kogwon ŋuto logon a lo ’dit bia parik kasu kiden liŋ lo lepeŋ logon a duma.
Yesu a kulya adi ŋuto logon ti mörö ko ta lo gwon kasu i swot
(Köti Marako 9.38-40)
49A Yoane waddi adi, MATAT, yi a met lele ŋuto rikoddu muloko lorok kano i karin kunök a yi inge teŋ lepeŋ, kogwon lepeŋ ’bayin a lele likaŋ.
50Ama a Yesu kulyani ko lepeŋ adi, An ta ko teŋ ta lepeŋ kogwon ko ŋuto logon ti mörö ko ta lo gwon kasu i swöt.
Ŋutu ti tur lo Samaria a renya wuyuŋdya Yesu
51A nagon diŋit nanyit nagon joŋari Yesu ki gwe nyona ko po nu, a nye komorgi i tu Yerusalema, 52a nye sonyoddi luyökie kanyit ŋerot. A se iti tu a lupöni i tur lo nutu ti Samaria, i tetenakiŋdya na lepeŋ no liŋ; 53ama a nutu ti nilu tur tine ’bön wuju lepeŋ kogwon lepeŋ tiri kiko lo tu Yerusalema.
54 #
2 Mor 1.9-16
A nagon nutu kajujumuk logon a ko Yakobo ko Yoane ko mete kine kulya, a se pije adi, MATAT, do ’de ’dekan yi lungu kimaŋ anyen po kak ki yu i totumbo na se? 55A nye woriŋoni woriŋo a ririŋge se parik, [adi, Ta ti den ko ta gwon ko lon mulökötyo, 56kogwon Ŋuro lo ŋuto a ko po i köŋu na ködudwolor ti nutu, ama po i lwöggu na se.] A se iti i lele tur.
Ŋutu logon jambu adi se ’de ’dekan kepoddu Yesu
(Köti Matayo 8.19-22)
57A na tiri se i kiko nu, a lele ŋuto kulyani ko Yesu adi, Nan de kekeporo do ko do tu da. 58A Yesu waddi lepeŋ adi, Liŋgojin gwon ko dilyo kase, kwen gwon ko kadijik kase, ama nan Ŋuro lo ŋuto ’bak pirit nagon nan sukiŋdye kwe nio. 59a nye takiŋdye lele ŋuto adi, Kipuŋdye nan, ama a nilo ŋuto waddi adi, MATAT, a kokwe rukoro nan i tu i nugga na baba.
60Ama a nye kulyani ko lepeŋ adi, Koloki lo twatwa i nugga na lo twatwa kase, ama do ti do iti i tokuddu na Loŋe Lo ’but lo Tumatyan na Ŋun.
61 #
1 Mor 19.20
Köti a lele ŋuto kulyani adi, MATAT, nan de kekeporo do, ama a kokwe rukoro nan i sara ko nutu lo gwon köyö midi kulu. 62a Yesu kulyani ko lepeŋ adi, Lele ŋuto ’bayin logon a suluja kuŋu a kirut boŋgi bot logon jujukin i Tumatyan na Ŋun.
अहिले सेलेक्ट गरिएको:
Luka 9: BBE
हाइलाइट
शेयर गर्नुहोस्
कपी गर्नुहोस्
तपाईंका हाइलाइटहरू तपाईंका सबै यन्त्रहरूमा सुरक्षित गर्न चाहनुहुन्छ? साइन अप वा साइन इन गर्नुहोस्
Bari Bible © United Bible Societies, 1979.
Luka 9
9
Yesu a soŋdu luyökie puök wot murek i tokuöddu
(Köti Matayo 10.5-15; Marako 6.7-13)
1A kirut Yesu lupundye ŋutukanyit kajujumuk puök wot murek kulo i pirit na geleŋ, a nye tiŋdi lepeŋat riŋit ko kido anyen te ’yi mulökö lorok liŋ ko anyen toke ’yi twana, 2a nye soŋdi se i tokuöddu na kulya ti Tumatyan na Ŋun ko i toke ’ya na ŋutu logon a gigilötu. 3A nye takiŋdye lepeŋat adi, An ta ko joŋga ta nene ŋo i jölö nasu; ta ti joŋga ma ’di turya, ma ’di jurakan, kode kinyo, kode gurut; an ta ko gwon ta ko jölöbiyajin murek murek. 4a ko ta a lupö i nan kadi mönuŋdye ta nyu tojo ta a ŋiörö. 5#Kon 13.51#Luk 10.4-11A ko nan pirit nagon ŋutu kanyit ti wu ta, ko ta ŋiörö ŋiörö i ŋinu köji, nanane ta kujöŋ na ryoryok ta ko mokosi kasu kine kaŋo anyen wi ’ya se i kwekiŋdya na ŋo nagon se a renyari kune. 6A ŋutu kanyit kajujumuk ŋiörö ŋiörö, a wöröjine i turön liŋ totokuöddu Loŋe Lo ’but ko totoke ’ya ŋutu logon a gigilötu i piritön liŋ.
Erode dyadya ’yu
(Köti Matayo 14.1-12; Marako 6.14-29)
7 #
Mat 16.14; Mar 8.28; Luk 9.19 Nyena a Erode kasaranit iŋge yiŋ ŋo nagon aje kona kune, a nye iŋge dyadya ’yu parik, kogwon kulye ŋutu jambu adi, Yoane aje toŋiyu i twan,
8a kulye jambi adi, Eliya aje pukun, a kulye adi, lele lo nebijin ti köju ’beron kulu aje ŋien i twan. 9A Erode kulyani adi, Nan aje tikin kwe na Yoane i ’duŋwe kaŋo; ama ŋilo ŋuto a ŋa logon nan a yiŋ kine ŋo i kulya kanyit lo? A nye yöŋöni meddya lepeŋ.
Yesu a tunyeju Ŋutu aliŋan mukanat
(Köti Matayo 14.13-21; Marako 6.30-44; Yoane 6.1-14)
10A na yitwe ’i luyökie kulo nu, a se nyönyökökiŋdye Yesu ŋo liŋ nagon se aje kon kune. A nye joŋgi lepeŋat a ’danajine ka ’de i köji na luŋu a Betesaida. 11Ama a lodir lo ŋutu iŋge den a se kepoddi lepeŋ; a nye wuyuŋdye lepeŋat a jamakiŋdye lepeŋat kulya ti Tumatyan na Ŋun, a toke ’yi ŋutu logon ’de ’dekan tokela. 12A nagon kak gwe nyona ko sömukö nu, a ŋutu kanyit kajujumuk puök wot murek kulo poŋdi ko lepeŋ ni a kulyani adi, Sonyoro kilo ŋutu, ko ti se iti i köjinö ko i turön logon nyona, i galaddu na piritön dotoesi se ko kinyo; kogwon ni yi kulo gwon i pirit nagon ’bak ŋutu.
13Ama a Yesu waddi lepeŋat adi, Ta ko ’börik tiki ta se ŋo lo nyenyei. A se waddi adi, Yi gwon ko ambatajin mukanat ko somot murek ka ’de ake koyi a tu i gwörökiŋdyö na kulo ŋutu liŋ kinyo. 14Kogwon lepeŋat a ŋutu lyan gwoso aliŋan mukanat. A Yesu takiŋdye ŋutu kanyit kajujumuk adi, Tosi ’dane ta lepeŋat kak a teŋon, teŋ geleŋ ko ŋutu gwoso merya mukanat. 15A se iŋge koŋdya sona i tosi ’daju na lepeŋat liŋ kak. 16A Yesu ’dumuŋdye ambatajin mukanat se ko somot murek kune, a nye diŋe ki, a ’boroji ’boroja, a nye pipiŋdye se, a tiŋdi ŋutu kanyit kajujumuk kulo anyen tikin ko lodir lo ŋutu i komor. 17A ŋutu liŋ nyesi nyesu a iŋge yimönö. A lepeŋat iŋge ’du ’dumun pitönö na kinyo lo pipinya lo kupöjin puök wot murek.
Petero a tökoŋu adi Yesu a Masia, a Yesu jambi kulya ti tatua nanyit
(Köti Matayo 16.13-28; Marako 8.27—9.10)
18A ko gwe sona, na gwoŋdi Yesu i kwakwaddu geleŋ nu, a ŋutu kanyit kajujumuk gwe kata, a nye pije se adi, Ŋutu jambu adi nan a ŋa? 19#Mat 14.1, 2; Mar 6.14, 15; Luk 9.7, 8A se waddi adi, Kulye ŋutu kulya adi, Do a Yoane Kabatisanit; ama kulye adi, Do a Eliya; kulye adi, Do a lele lo nebijin ti köju ’beron kulu logon aje ŋien i twan lo. 20#Yoa 6.68, 69A nye köti pije lepeŋat adi, Ama ta ko ’börik kulya adi nan a ŋa? A Petero waddi adi, Do a Masia logon Ŋun a sunyun lo. 21Ama a nye kukuji lepeŋat a saŋi se adi an se tukökin lele ŋuto kine kulya, 22adi, Nan ŋuro lo ŋuto ködyö ŋoŋga ŋo jore, a ŋutu temejik ko koanejin temejik se ko katodinök ti Saresi ti Mose mo renyani nan, a mo tatuje nan, a i perok musala a nan mo toŋiyuni toŋiyu i twan.
23 #
Mat 10.38; Luk 14.27 A nye kulyani ko lepeŋat liŋ adi, Ko ŋuto logon ’de ’dekan gwon a kakeponit liŋ a ti nye paji mugun, ko ti ’dumuŋdye ködini nanyit na goro perok liŋ a kepoddi nan. 24#Mat 10.39; Luk 17.33; Yoa 12.25Kogwon ko ŋuto logon ’dek Iwoggu ru nanyit a ŋilo ŋuto mo tolikiŋdye ru nanyit, ama ŋuto logon tolikiŋdyö ru nanyit kogwon kulya kwe lo a nye mo lwöggi ru nanyit.
25Kogwon ’bulit a nyo i ŋuto logon a ryeju ŋo liŋ ti kak a kanyit a tuyaŋgi kode a tolikiŋdye mugun? 26Kogwon ko ŋuto logon kwe nanyit yuyu i kulya kwe se ko i todinesi kwe, a kwe nio na Ŋuro lo ŋuto köti mo yune yu i kulya kanyit, na poŋdi nan ko malaikajin loke i pirit na geleŋ i minyo liŋ se ko lo Baba nu. 27Ama nan ’diri takiŋdya ta adi, Kulye ŋutu kata i kulo ŋutu logon gwogwo ’dan ni kulo logon mo ti waŋ twan a kokwe na meddi se tumatyan na Ŋun.
Yesu a wora ka ’de a metani ko minyo
(Köti Matayo 17.1-8; Marako 9.2-8)
28A i mukök na perok budök na jambi Yesu kine kulya nu, a nye joŋgi Petero, ko Yoane, ko Yakobo, a kiyaddi ki i mere i kwakwaddu. 29a na gwoŋdi nye i kwakwaddu nu, a komor nanyit worani ka ’de, a boŋgwat kanyit worani a nakwe bia parik ti jukin i meta. 30Nyena mete, a ŋutu murek gwe i jambu ko lepeŋ, logon a ko Mose ko Eliya, 31a se puku ko minyo, a jambi kulya ti wuddya nanyit i na kak nagon nye ’diri mo tu kökon Yerusalema yu kunu anyen temakiŋdya i ŋo nagon Ŋun ’de ’dekan. 32A Petero se ko ŋutu lo gwon ko nye kulo lure lur, ama i diŋit nagon konyen kase gwe a loke nu, a se meddi minyo lo lepeŋ ko ŋutu murek gwogwo ’dan ko lepeŋ nyona. 33A nagon se gwe i kö ’yu na lepeŋ nu, a Petero kulyani ko Yesu adi, Katodinönit, a na ’but i gwon nikaŋ ni; ti yi teteŋdi murugujin musala, nene a inot, ko nene a na Mose, ko nene a na Eliya—ti den ŋo na kulyani nye kine.
34A na jambi nye kine kulya nu, a ’diko na puku a muŋge lepeŋat; a se iŋge kujönö na muŋge ’diko lepeŋat nu.
35 #
Yis 42.1; Mat 3.17; 12.18; Mar 1.11; Luk 3.22 #
2 Pet 1.17, 18 A gworo lo kuu i ŋina ’diko adi, Ŋilo a Ŋuro liŋ lo wulwe; yiŋge ta kulya kanyit! 36a nagon gworo lo aje jo jambu nu, a Yesu ko metani a gwe geleŋ. A ŋutu kajujumuk kulo yiŋani taliŋ, a i ŋinu diŋit a se gwe a ko takin lele ŋuto nene ŋo na met se na.
Yesu a toke ’ya ŋuro logon a moka ko lomerya
(Köti Matayo 17.14-18; Marako 9.14-29)
37A kotumalu na luluruŋdye se kak i mere nu, a ŋutu jore parik rume ko Yesu. 38Mete, a lele ŋuto i kiden na lodir lo ŋutu woŋoro ki adi, Katodinönit, nan mo ’yu do böŋö boŋgi ŋuro liŋ kogwon nye a pilili liŋ lo ŋuro;
39mete, mulökötyo momok lepeŋ, a ’de ’de rumöne parik; a nye kiki iŋge lepeŋ tojo ko köŋutö a yu kanyit i kutuk, a pire pir lepeŋ, a gwe a nago i kö ’yu na lepeŋ. 40a nan iŋge mamaŋdu ŋutu kulök kajujumuk anyen riköddu ŋilo mulökötyo kaŋo, ama a se tine bulö riköddu. 41a Yesu waddi adi, Ta ŋutu ti na toberon logon ’bak yupet ko a karenyak kulo, diŋit ŋornan nagon nan si ’da ko ta ko dara ko kulya kasu? Jo ŋuro ilot ni. 42a nagon ŋuro nyuŋ jwejwe nu a mulökötyo gubakiŋöe lepeŋ kak a kiki iŋge lepeŋ. Ama a Yesu riŋge mulökötyo loron, a toke ’yi ŋuro lo, a ŋutukiŋdye monye. 43a ŋutu liŋ iŋge söŋu ko todumalan na Dun.
Yesu koti a jambu kulya ti tatua nanyit
(Köti Matayo 17.22-23; Marako 9.30-32)
A na gwoŋdi ŋutu liŋ i söŋu ko ŋo liŋ nagon Yesu aje kon kunu, a nye kulyani ko ŋutu kanyit kajujumuk kulo adi, 44Yiŋe ta kilo kulyaesi go; kogwon nan Ŋuro lo ŋuto mo papaki ko ŋutu i könisi. 45Ama a se tine kurun ŋo na jam Yesu kune, a kine kulya iŋge ’dela ko lepeŋat, anyen se gwon ti kurun; a se kujönöni kujönö pija lepeŋ ko ŋo na jam nye kune.
Ŋutu kajujumuk a pija Yesu adi ŋa lose lo gwon a duma
(Köti Matayo 18.1-5; Marako 9.33-37)
46 #
Luk 22.24
A lepeŋat poki i rerenya ko ’borik ko lon lose lo gwon a duma. 47A Yesu inge den no na yeye toilyet kase kune, a nye joŋdi ŋuro lo ’dit a togwi ’dikiŋdye lepeŋ kanyit i merete, 48#Mat 10.40; Luk 10.16; Yoa 13.20a nye kulyani ko lepeŋat adi, Ko na lo wuju lo nuro i karin kwe wuju nan, a ko na lo wuju nan wuju lepeŋ lo sunyuŋdyo nan lo; kogwon ŋuto logon a lo ’dit bia parik kasu kiden liŋ lo lepeŋ logon a duma.
Yesu a kulya adi ŋuto logon ti mörö ko ta lo gwon kasu i swot
(Köti Marako 9.38-40)
49A Yoane waddi adi, MATAT, yi a met lele ŋuto rikoddu muloko lorok kano i karin kunök a yi inge teŋ lepeŋ, kogwon lepeŋ ’bayin a lele likaŋ.
50Ama a Yesu kulyani ko lepeŋ adi, An ta ko teŋ ta lepeŋ kogwon ko ŋuto logon ti mörö ko ta lo gwon kasu i swöt.
Ŋutu ti tur lo Samaria a renya wuyuŋdya Yesu
51A nagon diŋit nanyit nagon joŋari Yesu ki gwe nyona ko po nu, a nye komorgi i tu Yerusalema, 52a nye sonyoddi luyökie kanyit ŋerot. A se iti tu a lupöni i tur lo nutu ti Samaria, i tetenakiŋdya na lepeŋ no liŋ; 53ama a nutu ti nilu tur tine ’bön wuju lepeŋ kogwon lepeŋ tiri kiko lo tu Yerusalema.
54 #
2 Mor 1.9-16
A nagon nutu kajujumuk logon a ko Yakobo ko Yoane ko mete kine kulya, a se pije adi, MATAT, do ’de ’dekan yi lungu kimaŋ anyen po kak ki yu i totumbo na se? 55A nye woriŋoni woriŋo a ririŋge se parik, [adi, Ta ti den ko ta gwon ko lon mulökötyo, 56kogwon Ŋuro lo ŋuto a ko po i köŋu na ködudwolor ti nutu, ama po i lwöggu na se.] A se iti i lele tur.
Ŋutu logon jambu adi se ’de ’dekan kepoddu Yesu
(Köti Matayo 8.19-22)
57A na tiri se i kiko nu, a lele ŋuto kulyani ko Yesu adi, Nan de kekeporo do ko do tu da. 58A Yesu waddi lepeŋ adi, Liŋgojin gwon ko dilyo kase, kwen gwon ko kadijik kase, ama nan Ŋuro lo ŋuto ’bak pirit nagon nan sukiŋdye kwe nio. 59a nye takiŋdye lele ŋuto adi, Kipuŋdye nan, ama a nilo ŋuto waddi adi, MATAT, a kokwe rukoro nan i tu i nugga na baba.
60Ama a nye kulyani ko lepeŋ adi, Koloki lo twatwa i nugga na lo twatwa kase, ama do ti do iti i tokuddu na Loŋe Lo ’but lo Tumatyan na Ŋun.
61 #
1 Mor 19.20
Köti a lele ŋuto kulyani adi, MATAT, nan de kekeporo do, ama a kokwe rukoro nan i sara ko nutu lo gwon köyö midi kulu. 62a Yesu kulyani ko lepeŋ adi, Lele ŋuto ’bayin logon a suluja kuŋu a kirut boŋgi bot logon jujukin i Tumatyan na Ŋun.
अहिले सेलेक्ट गरिएको:
:
हाइलाइट
शेयर गर्नुहोस्
कपी गर्नुहोस्
तपाईंका हाइलाइटहरू तपाईंका सबै यन्त्रहरूमा सुरक्षित गर्न चाहनुहुन्छ? साइन अप वा साइन इन गर्नुहोस्
Bari Bible © United Bible Societies, 1979.