MATIUS 20
20
Perumpamo tetang pekerjo-pekerjo neak kebun anggur
1“Amen Allah meriteak keadaanne awei perumpamo yo: Suang tun temuan kebun anggur, keluea pado pueng-pueng mesoa tun utuk kerjo neak kebun anggurne. 2Sudo'o si tujau masen tobo'o de bilai do caci pirok dinar. Si meluak tobo'o kerjo neak kebun anggurne. 3Jam sembilan pueng. Temuan kebun'o lalau kelua igai, kemliak kekedau tun de nganggur neak pasar. 4Mako nadeakba tun'o ngen tobo'o, ‘Lalauba udi kerjo neak kebun anggurku, uku bakea masen udi ngen upeak de sesuoi.’ 5Tobo'o kulo lalau jam duai belas tengeak bilai, ngen jam telau kebilai pelbeak, temuan kebun'o keluea ngen menea hal desamo. 6Kekiro jam lemo pelbeak, si keluea igai kemliak masiak ade tun-tun de nganggur. Lajau si betanye ngen tobo'o, ‘Getai udi je bae de bilai lutup neak yo ngen coa menea jano-jano?’ 7Tun-tun'o jemawab, ‘Coa ade tun de melei upeak keme utuk kerjo.’ ‘Amen awei'o,’ nadeak de temuan kebun'o, ‘lalauba udi kerjo neak kebunku.’
8 #
Im. 19:13; Ul. 24:15 Waktau bilai pelbeak, de temuan kebun madeak ngen mandorne, ‘Kenokba pekerjo pekerjo'o ngen nasenba upeak tiep-tiep tobo'o, muloi kunei de masuk kedong sapei ngen de pertamo.’ 9Lajau tekoba pekerjo-pekerjo de muloi kerjo kunei jam lemo pelbeak. Tiep-tiep tobo'o temimo do caci pirok. 10Sudo'o teko kulo pekerjo-pekerjo de seniwo sejok pueng. Tobo'o peker bakea temimo lebiak. Padahal tobo'o kanyen temimo do caci pirok kulo. 11Waktau temimo cacio, tobo'o gerunyam ngende temuan kebun: 12‘Pekerjo-pekerjo tobo'o de teko kedong'o cuma kerjo de jam. Padahal keme de kerjo de bilai lutup neak tengeak panesne matai bilai. Tapi tuan masen tobo'o serai ngen keme!’ 13Temuan kebun anggur'o jemawab, ‘Ngen saleak suang kunei tobo'o, kuat, uku coa saleak teadep ko. Isoka ite tujau temimo do pirok utuk kerjo debilai, au coa? 14Nah, mokba upeaknu bagiannu ngen lalauba. Uku lok melei ngen tun de masuk kedong yo upeak desamo ngen ko. 15Jano uku coa buliak menea kelokku ngen de uku temuan? Jano ko iri kerno uku mudeak atei?’ ”
16 #
Mat. 19:30; Mrk. 10:31; Luk. 13:30 Lajau Yesus madeak igai, “Awei yo kulo tun de kedong bakea jijai de pertamo, ngen de pertamo bakea jijai de kedong.”
Yesus miling utuk ketelau kilaine tetang kematian-Ne
(Mrk. 10:32-34; Luk. 18:31-34)
17Tiko Yesus nujau moi Yerusalem, neak tengeak dalen Si menok keduai belas penotoa-Ne bekopoa dewek. Lajau madeak ngen tobo'o, 18“Ti'ukba! Ite uyo nujau moi Yerusalem. Neak di Anok Manusio bakea de senreak ngen pemipin imem-imem ngen gu'au-gu'au agamo. Lajau Si bakea de nukum matei. 19Tobo'o bakea semreak Si ngen bangso-bangso de coa Yahudi, tobo'o kulo mliyam Si, semikso Si ngen semalib Si. Pado bilai ketelau Si idup igai.”
Mak Yakobus ngen Yohanes be kinoi
(Mrk. 10:35-45)
20Sesudo'o ngenyan Zebedeus teko ngenanok-anokne ngen Yesus. Neak adep Yesus si sujud ngen minoi tulung nien.
21“Mak lok jano?” tanye Yesus.
Mak'o jemawab, “Uku lok keduai anokku yo temot neak kideu ngen kanan Bak, amen Bak kenyo jijai Rajo.”
22“Udi coa namen jano de udi minoi,” nadeak Yesus ngen tobo'o. “Jano udi sanggup menem kunei caker derito de mestai Uku menem yo?”
“Sanggup,” tobo'o jemawab.
23Yesus madeak, “Memang udi bakea menem kulo kunei caker-Ku. Tapi hal api de bakea temot neak kideu ngen neak kanen-Ku, iso Uku de temtaune. Penan'o adeba utuk tun-tun de sudo Bak-Ku temtau.”
24Waktau de puluak penotoa de luyen temi'ak hal'o, tobo'o mengiak ngen keduai pasuak'o. 25#Luk. 22:25-26 Kerno'o Yesus menok tobo'o kutene lajau madeak, “Udi namen bahwo pemipin-pemipin bangso de coa kenal Allah temindes rakyatne ngen pejabat-pejabat tobo'o temken tobo'o kulo. 26#Mat. 23:11; Mrk. 9:35; Luk. 22:26 Tapi udi coa buliak awei'o. Sebelekne tun de lok jijai lai neak antaro udi, harus jijai pelayannu. 27Ngen tun de lok jijai de pertamo neak antaro udi harus jijai hambanu. 28Samo awei Anok Manusio'o kulo; Si teko coa utuk nelayan, tapi utuk mlayan ngen semreak nyabaine utuk mbebas tun dau.”
Yesus kema'en duai tun buto
(Mrk. 10:46-52; Luk. 18:35-43)
29Waktau tobo'o teminggea Yerikho, dau tun temotoa Yesus. 30Duai tun buto gidong temot neak biding dalen, waktau tobo'o temi'uk Yesus liwet, tobo'o menggang, “Anok Daud senlenba keme!”
31Tun dau de ade neak di mengiak tobo'o ngen meluak tobo'o diem. Tapi tobo'o mengang tambeak lek, “Tuhan Anok Daud, selenba keme!”
32Lajau Yesus bedan ngen menok tobo'o. “Jano de kelok udi lok de nea-Ku bagi udi?” tanye Yesus.
33Tobo'o jemawab, “Tuan, keme lok ngeliak!”
34Yesus selen ngen tobo'o, lajau megong matai tobo'o. Waktau'o kulo tobo'o dapet ngeliak. Lajau tobo'o temotoa Yesus.
अहिले सेलेक्ट गरिएको:
MATIUS 20: REJ
हाइलाइट
शेयर गर्नुहोस्
कपी गर्नुहोस्
तपाईंका हाइलाइटहरू तपाईंका सबै यन्त्रहरूमा सुरक्षित गर्न चाहनुहुन्छ? साइन अप वा साइन इन गर्नुहोस्
@ LAI 2011 Indonesian Bible Society (Lembaga Alkitab Indonesia)
MATIUS 20
20
Perumpamo tetang pekerjo-pekerjo neak kebun anggur
1“Amen Allah meriteak keadaanne awei perumpamo yo: Suang tun temuan kebun anggur, keluea pado pueng-pueng mesoa tun utuk kerjo neak kebun anggurne. 2Sudo'o si tujau masen tobo'o de bilai do caci pirok dinar. Si meluak tobo'o kerjo neak kebun anggurne. 3Jam sembilan pueng. Temuan kebun'o lalau kelua igai, kemliak kekedau tun de nganggur neak pasar. 4Mako nadeakba tun'o ngen tobo'o, ‘Lalauba udi kerjo neak kebun anggurku, uku bakea masen udi ngen upeak de sesuoi.’ 5Tobo'o kulo lalau jam duai belas tengeak bilai, ngen jam telau kebilai pelbeak, temuan kebun'o keluea ngen menea hal desamo. 6Kekiro jam lemo pelbeak, si keluea igai kemliak masiak ade tun-tun de nganggur. Lajau si betanye ngen tobo'o, ‘Getai udi je bae de bilai lutup neak yo ngen coa menea jano-jano?’ 7Tun-tun'o jemawab, ‘Coa ade tun de melei upeak keme utuk kerjo.’ ‘Amen awei'o,’ nadeak de temuan kebun'o, ‘lalauba udi kerjo neak kebunku.’
8 #
Im. 19:13; Ul. 24:15 Waktau bilai pelbeak, de temuan kebun madeak ngen mandorne, ‘Kenokba pekerjo pekerjo'o ngen nasenba upeak tiep-tiep tobo'o, muloi kunei de masuk kedong sapei ngen de pertamo.’ 9Lajau tekoba pekerjo-pekerjo de muloi kerjo kunei jam lemo pelbeak. Tiep-tiep tobo'o temimo do caci pirok. 10Sudo'o teko kulo pekerjo-pekerjo de seniwo sejok pueng. Tobo'o peker bakea temimo lebiak. Padahal tobo'o kanyen temimo do caci pirok kulo. 11Waktau temimo cacio, tobo'o gerunyam ngende temuan kebun: 12‘Pekerjo-pekerjo tobo'o de teko kedong'o cuma kerjo de jam. Padahal keme de kerjo de bilai lutup neak tengeak panesne matai bilai. Tapi tuan masen tobo'o serai ngen keme!’ 13Temuan kebun anggur'o jemawab, ‘Ngen saleak suang kunei tobo'o, kuat, uku coa saleak teadep ko. Isoka ite tujau temimo do pirok utuk kerjo debilai, au coa? 14Nah, mokba upeaknu bagiannu ngen lalauba. Uku lok melei ngen tun de masuk kedong yo upeak desamo ngen ko. 15Jano uku coa buliak menea kelokku ngen de uku temuan? Jano ko iri kerno uku mudeak atei?’ ”
16 #
Mat. 19:30; Mrk. 10:31; Luk. 13:30 Lajau Yesus madeak igai, “Awei yo kulo tun de kedong bakea jijai de pertamo, ngen de pertamo bakea jijai de kedong.”
Yesus miling utuk ketelau kilaine tetang kematian-Ne
(Mrk. 10:32-34; Luk. 18:31-34)
17Tiko Yesus nujau moi Yerusalem, neak tengeak dalen Si menok keduai belas penotoa-Ne bekopoa dewek. Lajau madeak ngen tobo'o, 18“Ti'ukba! Ite uyo nujau moi Yerusalem. Neak di Anok Manusio bakea de senreak ngen pemipin imem-imem ngen gu'au-gu'au agamo. Lajau Si bakea de nukum matei. 19Tobo'o bakea semreak Si ngen bangso-bangso de coa Yahudi, tobo'o kulo mliyam Si, semikso Si ngen semalib Si. Pado bilai ketelau Si idup igai.”
Mak Yakobus ngen Yohanes be kinoi
(Mrk. 10:35-45)
20Sesudo'o ngenyan Zebedeus teko ngenanok-anokne ngen Yesus. Neak adep Yesus si sujud ngen minoi tulung nien.
21“Mak lok jano?” tanye Yesus.
Mak'o jemawab, “Uku lok keduai anokku yo temot neak kideu ngen kanan Bak, amen Bak kenyo jijai Rajo.”
22“Udi coa namen jano de udi minoi,” nadeak Yesus ngen tobo'o. “Jano udi sanggup menem kunei caker derito de mestai Uku menem yo?”
“Sanggup,” tobo'o jemawab.
23Yesus madeak, “Memang udi bakea menem kulo kunei caker-Ku. Tapi hal api de bakea temot neak kideu ngen neak kanen-Ku, iso Uku de temtaune. Penan'o adeba utuk tun-tun de sudo Bak-Ku temtau.”
24Waktau de puluak penotoa de luyen temi'ak hal'o, tobo'o mengiak ngen keduai pasuak'o. 25#Luk. 22:25-26 Kerno'o Yesus menok tobo'o kutene lajau madeak, “Udi namen bahwo pemipin-pemipin bangso de coa kenal Allah temindes rakyatne ngen pejabat-pejabat tobo'o temken tobo'o kulo. 26#Mat. 23:11; Mrk. 9:35; Luk. 22:26 Tapi udi coa buliak awei'o. Sebelekne tun de lok jijai lai neak antaro udi, harus jijai pelayannu. 27Ngen tun de lok jijai de pertamo neak antaro udi harus jijai hambanu. 28Samo awei Anok Manusio'o kulo; Si teko coa utuk nelayan, tapi utuk mlayan ngen semreak nyabaine utuk mbebas tun dau.”
Yesus kema'en duai tun buto
(Mrk. 10:46-52; Luk. 18:35-43)
29Waktau tobo'o teminggea Yerikho, dau tun temotoa Yesus. 30Duai tun buto gidong temot neak biding dalen, waktau tobo'o temi'uk Yesus liwet, tobo'o menggang, “Anok Daud senlenba keme!”
31Tun dau de ade neak di mengiak tobo'o ngen meluak tobo'o diem. Tapi tobo'o mengang tambeak lek, “Tuhan Anok Daud, selenba keme!”
32Lajau Yesus bedan ngen menok tobo'o. “Jano de kelok udi lok de nea-Ku bagi udi?” tanye Yesus.
33Tobo'o jemawab, “Tuan, keme lok ngeliak!”
34Yesus selen ngen tobo'o, lajau megong matai tobo'o. Waktau'o kulo tobo'o dapet ngeliak. Lajau tobo'o temotoa Yesus.
अहिले सेलेक्ट गरिएको:
:
हाइलाइट
शेयर गर्नुहोस्
कपी गर्नुहोस्
तपाईंका हाइलाइटहरू तपाईंका सबै यन्त्रहरूमा सुरक्षित गर्न चाहनुहुन्छ? साइन अप वा साइन इन गर्नुहोस्
@ LAI 2011 Indonesian Bible Society (Lembaga Alkitab Indonesia)