मती 5
5
पहाड़ चोटरे ईसूराः परसार
(लूका 6:20-23)
1ईसू मुरुक बगरा होड़कूय ञेलतेडखन, पहाड़ चोटरेय रकबयान अरू हंडाय दुड़ुःनेन। हनमेला ईसूरिकुःआ चेलाकू हाँय एचेरेकू वेजेडा। 2दो हाँय हँकू चेड घड़ीने कताया,
3“भगवानराः कताकून बदीरे गरीब इदानकुःआ हँकुःआ होड़कूराः जीव-जहन, भलावाडखने नपायगेयता,
अरू सेरमो देस हँननकूराः हवे।
4इयाम घड़ीनकू फिकिराःता, हँकुःआ होड़कूराः जीव-जहन भगवान भलावाडखने नपायगेयता,
अरू हाँय हँकुःआ होड़कूराः जीवे कता बहालगोडता।
5अँननकू अँकू हुडिंगकू ओंगलुःता,
हँकुःआ होड़कूराः जीव भगवान भलावाडखने नपायगेयता,
अरू हँकुःआ होड़कू चउंदीसरिकुःआ इताडदारकूय बड़ाँवगोडकूता।
6बेगर गारबार जीव जियाः लगा रंगेगतो अरू ततंगतो इदानकुःआ,
हँकुःआ होड़कूराः जीव-जहन भगवान भलावाडखने नपायगेयता,
अरू हँकुःआ होड़कू संतोक जुवाःता।
7एटाः होड़कूकू सोगावाता,
हँकुःआ होड़कूराः जीव भगवान भलावाडखने नपायगेयता,
अरू हाँय हँनकुःआ होड़कूय सोगावाता।
8इंदरी सुद इदा, हँकुःआ होड़कूराः जीव भगवान भलावाडखने नपायगेयता,
अरू हँकुःआ होड़कू भगवानकू ञेल अवेता।
9होड़कूकू एचे सलाहता, हँकुःआ होड़कूराः जीव भगवान भलावाडखने नपायगेयता,
अरू हाँय हँकुःआ होड़कू, ईंगरिकुःआ लइंकू माःआने कतावाकूता।
10नपाय बुताकू बुतातान अते संतावरेकू पराःता हँकुःआ होड़कूराः जीव भगवान भलावाडखने नपायगेयता,
अरू भगवानराः राइजरे हँकू बोलो अवेनता।
11एटाः होड़कू, अपे ईंग बदीरे लंदा एरंगवापेताकू, संतावपेताकू अरू अपे बदीरे जमा बरानाः लबरा बड़राकू कतायता दो, अपेराः जीव-जहन भगवान भलावाडखने नपायगेयता। 12मड़ंगरेकू दोहोना हँकुःआ भगवानराः बड़रा कता होड़कू हों एटाः होड़कू ननानाः इयाकू संतावतेडकुःआ। सेरमो देसरे अपे लगा भगवान इमाने एमेता। हनालगा अपे बनाहालतेपे दोहोन।”
अपे बुलुंग अरू मरसल हवे
(मरकूस 4:21; 9:50; लूका 8:16; 14:34-35)
13“अपे चउंदीसराः बुलुंग हवे। मनदो बुलुंगराः सेबेल मेर दोहोन दो, चिला जिनिसते हना बुलुंग सेबेलगुःता? दो हना बुलुंग तोनोंगाः बुतारे मेर वेगता। हना होड़कू बहरीकू तेके एंडागोडता अरू चोडकेडखनकू सेने पारता।
14अपे नाःआ चउंदीसराः मरसल हवे। पहाड़ चोटरे दोहोनता हना सहर मेर ओकोनता। 15हनन इया तोनोंगीग होड़ ढिबरी सलगावकेडखन टुकुनूते ओरोय दाब ओकोतेरा, मनदो भीट सेरमोरेय मंडावगोडता अरू ओड़ाः पेंदारेकू दोहोनता हँकुःआ जमा होड़कू मरसलकू पवाःता। 16ननन इया अपेराः लूर-नेवन मरसल इया जमा होड़कू एचेरे नपाय दोहोन दो, होड़कू अपेराः नपाय बुता ञेलकेडखन सेरमो देसरीग अपांग भगवानकू मान मरजइतता।”#1 पत 2:12
ईसू भगवानराः नियम बदीरेय कताया
17“भगवानराः नियमकून अरू भगवानराः बड़रा कता होड़कूराः चेडतो लाय एंडागे लगायिंग वेगकिया, माःआन अपे अलोपे ओंगले। मनदो हना जमाकून पुरावगे लगायिंग वेगकिया। 18अपे ईंगपे अयूम, सेरमो अरू ओत अरीन टगावगुः वरी अरू भगवानराः नियमकूनरे ओजाःतो इदा हना जमाकून अरीन पुराः वरी नियमकून अते अकछरराः तोनोंग मातरा सहे टिका हों ओरो टगावनेना।#लूका 16:17 19हनालगा तोनोंगीग होड़ भगवानराः नियमकून अते हुनुडिंगाः नियमे टड़ावगोडता अरू हनन इयाय चेडकूता दो, हाँय भगवानराः राइजरे जमाकू अते हुडिंग कतावाडिगखनकू रगेयता। मनदो हना नियमकूने मनाःता अरू एटाः होड़कूय चेडता, हाँयग होड़ भगवानराः राइजरे जमाकू अते मरंग कतावाडिगखनकू रगेयता। 20अपे ईंगपे अयूम, अपेराः लूर-नेवन फरीसी होड़कू अरू भगवानराः नियम चेडदार होड़कूराः लूर-नेवन अते नपाय मेर दोहोन दो अपे भगवानराः राइजरे कहियो ओरोपे बोलो अवेनेना।”
रीस बदीरे चेड
(लूका 12:57-59)
21“अबूरिकुःआ खुटिपरिया होड़कू एचेरे भगवान कतातेरा हना कता अपे सुसुदीतना,
अहापे ञेड एएंडा,#एचे उडुंग 20:13; दो. नि. 5:17 माःआन।
अरू तोनोंगीगे ञेड एंडागोडता हाँयग होड़ डंडे पवाःता। 22मनदो अपे ईंगपे अयूम, तोनोंगीग होड़ अनँयगरीग सउंगता सुदाय रीस जुवाः, दो हाँय कोट कछेरीरे डंडे पवाःता। अरू तोनोंगीग होड़ अनँयग सउंगताय बेग-हतावा, हाँय मरंग पंचाइतरे डंडे पवाःता। अरू तोनोंगीग होड़ अनँयग सउंगता एचेरे, ने बुयांग होड़, माःआने कताय दो, भगवान हाँयग होड़ नरगराः सेंगेलरेय सोलोंगगोडेयता। 23हनालगा आम भगवान मड़ंगरे, तोनोंगाः बलिदानमे अगूतान मेला, आम सउंगताराः जीवरे आम बदीरे तोनोंगाः हिनइस इदा माःआन आम उहियार अगूय दो, 24आम धाम धरीरे आमराः बलिदान अटू एंडाकेडखन आमरीग सउंगता सुदा मड़ंगमे राजू-नमा जुवाः। हना तयोमरे आम कुदा सेनेकियानखन आमराः बलिदानमे देग। 25आमरीग मुदइ सुदा कोट कछेरीरेबा सेन मेला हाँय सुदा ओहेनमे राजू-नमा जुवाः। हना इया मेरेम एचेय दो हाँय आम फड़ियावदार एचेरेय जिमागोडमेता, अरू हाँयग फड़ियावदार आम सिपाही एचेरेय जिमागोडमेता, अरू जेहेलरेय एचे सींगगोडमेता। 26अपे ईंगपे अयूम, आम एचेरे जेमिन ढिबुवा इदा, हनामिन ढिबुवा जमाकून अरीन एमे कुदाय वरी जेहेल अते ओरोम उडुंग अवेनेना।”
सनहा-सनही बदीरे चेड
27“अबूरिकुःआ खुटिपरिया होड़कू एचेरे भगवान कतातेरा हना कता अपे सुसुदीतना,
सनहा-सनही अहापे एचेय,#एचे उडुंग 20:14 माःआन।
28मनदो अपे ईंगपे अयूम, तोनोंगीग होड़ बेलूर ओंगोलते तोनोंगीग अइमीय ञेल दो, हाँय हाँयग अइमी सुदा अनँयग इंदरीरे सनहा बुताय एचेगोतेरा। 29आमराः खउना मेड आम एचे कसूरगोडमेता, दो हना मेड गुड़तीग उडुंग एंडागोडमे। आमराः जमा देह नरगरे सोलोंगुः अते देहराः तोनोंगाः दगली चनाचचालाः आम लगा ननपाय इदा। 30अरू आमराः खउना तिःई आम एचे कसूरमे दो, हान बोंगोर एंडाकेडखनमे तेके एंडागोड दो आम लगा नपाय दोहोनता। आमराः जमा देह नरगरे सोलोंगुः अते देहराः तोनोंगाः दगली चनाचचालाः आम लगा ननपाय इदा।”
बियाह अडाःगे बदीरे चेड
(मती 19:9; मरकूस 10:11,12; लूका 16:18)
31“नाःआ कता होंकू कतातेड,
तोनोंगीग अनँयगरीग एराते अड़ाःगे दो,
हाँय मड़ंगरे हाँयग अइमी एचेरे मीटोंग अड़ाःगेराः चिठी एमे लगा इदा,#दो. नि. 24:1 माःआन।
32मनदो अपे ईंगपे अयूम, सनही अते एटाः कताते तोनोंगीग होड़ अनँयगरीग अइमीय अड़ाः दो, हाँय आँयगरीग अइमीय एचे सनहीगोडेयता। अरू तोनोंगीग अड़ाःतो अइमीय सगइ दो, हाँय होंय सनहाता।”
किरिया कसट जोम बदीरे चेड
33“अरू अबूरिकुःआ खुटिपरिया होड़कू एचेरे भगवान कतातेरा हना कता अपे मेरपे सुदीयता जा,
अपे किरिया अलोपे टड़ाव,
मनदो परबू भगवान लगा तोनोंगाः एचेय लगा किरियापे जोम दो,
हना बुतापे एचे पुराव,#लेवी 19:12 माःआन।
34मनदो अपे ईंगपे अयूम, कहियो किरिया कसट अहापे जोम। सेरमो देस भगवान राइजगेराः गदी हवे। हनालगा सेरमो देस बदीरे किरिया कसट अलोपे जोम। 35ओतरे भगवान अनँयग काटे मंडावता। हनालगा ओत बदीरे किरिया कसट अलोपे जोम। मरंग सहर एरुसलेम, मनारंग राजा भगवानराः सहर हवे। हनालगा एरुसलेम सहर बदीरे हों किरिया कसट अलोपे जोम। 36अपे अँननपेराः बोःराः मीटोंग ऊबराः रंग हों ओरोपे बदलाव अवेतेरा। हनालगा अपे, अपे बोः बदीरे किरिया कसट अलोपे जोम। 37मनदो अपेराः बड़रा हाव दो हनाव, सहे बाइ दो बनाइ दोहोन लगा इदा। नाःआ बड़रा अते एटाः इयाःआपे बड़रा दो हान बेलूर इदा अरू कलउ अगीते इदा।”
बदला कुदागे लगा अहापे ओंगले
(लूका 6:29-30)
38“अरू अबूरिकुःआ खुटिपरिया होड़कू एचेरे भगवान कतातेरा हना कता अपे मेरपे सुदीयता जा,
मीटोंग मेडराः बदलारे मीटोंग मेड अरू मीटोंग तिरिंगराः बदलारे मीटोंग तिरिंग?#एचे उडुंग 21:24
39मनदो अपे ईंगपे अयूम, तोनोंगीग अपे सुदा बेलूरे एचेय दो हाँयग होड़ सुदा हनन इया बदला अहापे एचे कुदागेय। मनदो तोनोंगीग अपेराः खउना गलूय चपाड़ दो, हाँय दिरही गलू होँपे उदुःगोड। 40अरू तोनोंगीग होड़ अपे कोट कछेरीरे गोःकेडखन अपेराः सेरमो तुसिंगतो बरमकोट गोः लगाय चहाः दो, हाँय अंगा होँपे गोः ओवाय। 41अरू तोनोंगीग होड़ संघरा पवाः लगा अपे मी कोस रेनहाकेडपेखने गोःयापे दो, हाँय सुदा अरू मी कोसपे सलाव जुवाः। 42अपे एचेरेय असेयता हाँयग होड़पे एमेवा, अरू तोनोंगीग अपे एचेरे कहिसाः पइंचा गोः लगाय चाहाःतान दो हाँय अलोपे हेवेगवाय।”
जमाकूपे अलार-दुलारकू
(लूका 6:27-28,32-36)
43“अरू अबूरिकुःआ खुटिपरिया होड़कू एचेरे भगवान कतातेरा हना कता अपे मेरपे सुदीयता जा,
आमरीग परुसीम अलार-दुलारगेय?#लेवी 19:18
अरू
अपेरिकुःआ मुदइकूपे हिनइस-बिनइसवा।
44मनदो अपे ईंगपे अयूम, अपेरिकुःआ मुदइ होड़कूपे अलार-दुलार अरू अपेकू संतावता हँकुःआ होड़कू लगापे अरजी। 45नाःआ इयापे एचेय दो अपे सेरमो देसरे इदानिया हाँयग अपांग भगवानरिकुःआ लइंकूपे बड़ाँःता। भगवान नपाय अरू बेलूर होड़कू लगा बेरते मरसले एमेवाकूता अरू गारबार होड़कू अरू बेगर गारबार होड़कू लगा दाःए एचे उयुःता। 46मनदो अपे अपेकू दुलारता हँकू एकलापे दुलारकू दो अपे भगवान अगीते तोनोंगाः इमानपे पवाःता जा? नाःआ इया मलगुजारी गोः होड़कू हों मेरकू एचेयता जा? 47अरू अपे अँननपेरिकुःआ सउंगताकू एकलापे सलामकू दो चिला नपाय इदा? नाःआ इया बेगर एहूदाकू हों नान इया मेरकू एचेयता जा? 48हनालगा सेरमो देसरीग अपांग उडु-बुडूत इदानिया हनन इया अपे हों उडु-बुडूतपे बड़ाँः लगा इदा।”
अहिले सेलेक्ट गरिएको:
मती 5: kfp
हाइलाइट
शेयर गर्नुहोस्
कपी गर्नुहोस्
तपाईंका हाइलाइटहरू तपाईंका सबै यन्त्रहरूमा सुरक्षित गर्न चाहनुहुन्छ? साइन अप वा साइन इन गर्नुहोस्
© (Active) Wycliffe Bible Translators, Inc. All rights reserved.
मती 5
5
पहाड़ चोटरे ईसूराः परसार
(लूका 6:20-23)
1ईसू मुरुक बगरा होड़कूय ञेलतेडखन, पहाड़ चोटरेय रकबयान अरू हंडाय दुड़ुःनेन। हनमेला ईसूरिकुःआ चेलाकू हाँय एचेरेकू वेजेडा। 2दो हाँय हँकू चेड घड़ीने कताया,
3“भगवानराः कताकून बदीरे गरीब इदानकुःआ हँकुःआ होड़कूराः जीव-जहन, भलावाडखने नपायगेयता,
अरू सेरमो देस हँननकूराः हवे।
4इयाम घड़ीनकू फिकिराःता, हँकुःआ होड़कूराः जीव-जहन भगवान भलावाडखने नपायगेयता,
अरू हाँय हँकुःआ होड़कूराः जीवे कता बहालगोडता।
5अँननकू अँकू हुडिंगकू ओंगलुःता,
हँकुःआ होड़कूराः जीव भगवान भलावाडखने नपायगेयता,
अरू हँकुःआ होड़कू चउंदीसरिकुःआ इताडदारकूय बड़ाँवगोडकूता।
6बेगर गारबार जीव जियाः लगा रंगेगतो अरू ततंगतो इदानकुःआ,
हँकुःआ होड़कूराः जीव-जहन भगवान भलावाडखने नपायगेयता,
अरू हँकुःआ होड़कू संतोक जुवाःता।
7एटाः होड़कूकू सोगावाता,
हँकुःआ होड़कूराः जीव भगवान भलावाडखने नपायगेयता,
अरू हाँय हँनकुःआ होड़कूय सोगावाता।
8इंदरी सुद इदा, हँकुःआ होड़कूराः जीव भगवान भलावाडखने नपायगेयता,
अरू हँकुःआ होड़कू भगवानकू ञेल अवेता।
9होड़कूकू एचे सलाहता, हँकुःआ होड़कूराः जीव भगवान भलावाडखने नपायगेयता,
अरू हाँय हँकुःआ होड़कू, ईंगरिकुःआ लइंकू माःआने कतावाकूता।
10नपाय बुताकू बुतातान अते संतावरेकू पराःता हँकुःआ होड़कूराः जीव भगवान भलावाडखने नपायगेयता,
अरू भगवानराः राइजरे हँकू बोलो अवेनता।
11एटाः होड़कू, अपे ईंग बदीरे लंदा एरंगवापेताकू, संतावपेताकू अरू अपे बदीरे जमा बरानाः लबरा बड़राकू कतायता दो, अपेराः जीव-जहन भगवान भलावाडखने नपायगेयता। 12मड़ंगरेकू दोहोना हँकुःआ भगवानराः बड़रा कता होड़कू हों एटाः होड़कू ननानाः इयाकू संतावतेडकुःआ। सेरमो देसरे अपे लगा भगवान इमाने एमेता। हनालगा अपे बनाहालतेपे दोहोन।”
अपे बुलुंग अरू मरसल हवे
(मरकूस 4:21; 9:50; लूका 8:16; 14:34-35)
13“अपे चउंदीसराः बुलुंग हवे। मनदो बुलुंगराः सेबेल मेर दोहोन दो, चिला जिनिसते हना बुलुंग सेबेलगुःता? दो हना बुलुंग तोनोंगाः बुतारे मेर वेगता। हना होड़कू बहरीकू तेके एंडागोडता अरू चोडकेडखनकू सेने पारता।
14अपे नाःआ चउंदीसराः मरसल हवे। पहाड़ चोटरे दोहोनता हना सहर मेर ओकोनता। 15हनन इया तोनोंगीग होड़ ढिबरी सलगावकेडखन टुकुनूते ओरोय दाब ओकोतेरा, मनदो भीट सेरमोरेय मंडावगोडता अरू ओड़ाः पेंदारेकू दोहोनता हँकुःआ जमा होड़कू मरसलकू पवाःता। 16ननन इया अपेराः लूर-नेवन मरसल इया जमा होड़कू एचेरे नपाय दोहोन दो, होड़कू अपेराः नपाय बुता ञेलकेडखन सेरमो देसरीग अपांग भगवानकू मान मरजइतता।”#1 पत 2:12
ईसू भगवानराः नियम बदीरेय कताया
17“भगवानराः नियमकून अरू भगवानराः बड़रा कता होड़कूराः चेडतो लाय एंडागे लगायिंग वेगकिया, माःआन अपे अलोपे ओंगले। मनदो हना जमाकून पुरावगे लगायिंग वेगकिया। 18अपे ईंगपे अयूम, सेरमो अरू ओत अरीन टगावगुः वरी अरू भगवानराः नियमकूनरे ओजाःतो इदा हना जमाकून अरीन पुराः वरी नियमकून अते अकछरराः तोनोंग मातरा सहे टिका हों ओरो टगावनेना।#लूका 16:17 19हनालगा तोनोंगीग होड़ भगवानराः नियमकून अते हुनुडिंगाः नियमे टड़ावगोडता अरू हनन इयाय चेडकूता दो, हाँय भगवानराः राइजरे जमाकू अते हुडिंग कतावाडिगखनकू रगेयता। मनदो हना नियमकूने मनाःता अरू एटाः होड़कूय चेडता, हाँयग होड़ भगवानराः राइजरे जमाकू अते मरंग कतावाडिगखनकू रगेयता। 20अपे ईंगपे अयूम, अपेराः लूर-नेवन फरीसी होड़कू अरू भगवानराः नियम चेडदार होड़कूराः लूर-नेवन अते नपाय मेर दोहोन दो अपे भगवानराः राइजरे कहियो ओरोपे बोलो अवेनेना।”
रीस बदीरे चेड
(लूका 12:57-59)
21“अबूरिकुःआ खुटिपरिया होड़कू एचेरे भगवान कतातेरा हना कता अपे सुसुदीतना,
अहापे ञेड एएंडा,#एचे उडुंग 20:13; दो. नि. 5:17 माःआन।
अरू तोनोंगीगे ञेड एंडागोडता हाँयग होड़ डंडे पवाःता। 22मनदो अपे ईंगपे अयूम, तोनोंगीग होड़ अनँयगरीग सउंगता सुदाय रीस जुवाः, दो हाँय कोट कछेरीरे डंडे पवाःता। अरू तोनोंगीग होड़ अनँयग सउंगताय बेग-हतावा, हाँय मरंग पंचाइतरे डंडे पवाःता। अरू तोनोंगीग होड़ अनँयग सउंगता एचेरे, ने बुयांग होड़, माःआने कताय दो, भगवान हाँयग होड़ नरगराः सेंगेलरेय सोलोंगगोडेयता। 23हनालगा आम भगवान मड़ंगरे, तोनोंगाः बलिदानमे अगूतान मेला, आम सउंगताराः जीवरे आम बदीरे तोनोंगाः हिनइस इदा माःआन आम उहियार अगूय दो, 24आम धाम धरीरे आमराः बलिदान अटू एंडाकेडखन आमरीग सउंगता सुदा मड़ंगमे राजू-नमा जुवाः। हना तयोमरे आम कुदा सेनेकियानखन आमराः बलिदानमे देग। 25आमरीग मुदइ सुदा कोट कछेरीरेबा सेन मेला हाँय सुदा ओहेनमे राजू-नमा जुवाः। हना इया मेरेम एचेय दो हाँय आम फड़ियावदार एचेरेय जिमागोडमेता, अरू हाँयग फड़ियावदार आम सिपाही एचेरेय जिमागोडमेता, अरू जेहेलरेय एचे सींगगोडमेता। 26अपे ईंगपे अयूम, आम एचेरे जेमिन ढिबुवा इदा, हनामिन ढिबुवा जमाकून अरीन एमे कुदाय वरी जेहेल अते ओरोम उडुंग अवेनेना।”
सनहा-सनही बदीरे चेड
27“अबूरिकुःआ खुटिपरिया होड़कू एचेरे भगवान कतातेरा हना कता अपे सुसुदीतना,
सनहा-सनही अहापे एचेय,#एचे उडुंग 20:14 माःआन।
28मनदो अपे ईंगपे अयूम, तोनोंगीग होड़ बेलूर ओंगोलते तोनोंगीग अइमीय ञेल दो, हाँय हाँयग अइमी सुदा अनँयग इंदरीरे सनहा बुताय एचेगोतेरा। 29आमराः खउना मेड आम एचे कसूरगोडमेता, दो हना मेड गुड़तीग उडुंग एंडागोडमे। आमराः जमा देह नरगरे सोलोंगुः अते देहराः तोनोंगाः दगली चनाचचालाः आम लगा ननपाय इदा। 30अरू आमराः खउना तिःई आम एचे कसूरमे दो, हान बोंगोर एंडाकेडखनमे तेके एंडागोड दो आम लगा नपाय दोहोनता। आमराः जमा देह नरगरे सोलोंगुः अते देहराः तोनोंगाः दगली चनाचचालाः आम लगा ननपाय इदा।”
बियाह अडाःगे बदीरे चेड
(मती 19:9; मरकूस 10:11,12; लूका 16:18)
31“नाःआ कता होंकू कतातेड,
तोनोंगीग अनँयगरीग एराते अड़ाःगे दो,
हाँय मड़ंगरे हाँयग अइमी एचेरे मीटोंग अड़ाःगेराः चिठी एमे लगा इदा,#दो. नि. 24:1 माःआन।
32मनदो अपे ईंगपे अयूम, सनही अते एटाः कताते तोनोंगीग होड़ अनँयगरीग अइमीय अड़ाः दो, हाँय आँयगरीग अइमीय एचे सनहीगोडेयता। अरू तोनोंगीग अड़ाःतो अइमीय सगइ दो, हाँय होंय सनहाता।”
किरिया कसट जोम बदीरे चेड
33“अरू अबूरिकुःआ खुटिपरिया होड़कू एचेरे भगवान कतातेरा हना कता अपे मेरपे सुदीयता जा,
अपे किरिया अलोपे टड़ाव,
मनदो परबू भगवान लगा तोनोंगाः एचेय लगा किरियापे जोम दो,
हना बुतापे एचे पुराव,#लेवी 19:12 माःआन।
34मनदो अपे ईंगपे अयूम, कहियो किरिया कसट अहापे जोम। सेरमो देस भगवान राइजगेराः गदी हवे। हनालगा सेरमो देस बदीरे किरिया कसट अलोपे जोम। 35ओतरे भगवान अनँयग काटे मंडावता। हनालगा ओत बदीरे किरिया कसट अलोपे जोम। मरंग सहर एरुसलेम, मनारंग राजा भगवानराः सहर हवे। हनालगा एरुसलेम सहर बदीरे हों किरिया कसट अलोपे जोम। 36अपे अँननपेराः बोःराः मीटोंग ऊबराः रंग हों ओरोपे बदलाव अवेतेरा। हनालगा अपे, अपे बोः बदीरे किरिया कसट अलोपे जोम। 37मनदो अपेराः बड़रा हाव दो हनाव, सहे बाइ दो बनाइ दोहोन लगा इदा। नाःआ बड़रा अते एटाः इयाःआपे बड़रा दो हान बेलूर इदा अरू कलउ अगीते इदा।”
बदला कुदागे लगा अहापे ओंगले
(लूका 6:29-30)
38“अरू अबूरिकुःआ खुटिपरिया होड़कू एचेरे भगवान कतातेरा हना कता अपे मेरपे सुदीयता जा,
मीटोंग मेडराः बदलारे मीटोंग मेड अरू मीटोंग तिरिंगराः बदलारे मीटोंग तिरिंग?#एचे उडुंग 21:24
39मनदो अपे ईंगपे अयूम, तोनोंगीग अपे सुदा बेलूरे एचेय दो हाँयग होड़ सुदा हनन इया बदला अहापे एचे कुदागेय। मनदो तोनोंगीग अपेराः खउना गलूय चपाड़ दो, हाँय दिरही गलू होँपे उदुःगोड। 40अरू तोनोंगीग होड़ अपे कोट कछेरीरे गोःकेडखन अपेराः सेरमो तुसिंगतो बरमकोट गोः लगाय चहाः दो, हाँय अंगा होँपे गोः ओवाय। 41अरू तोनोंगीग होड़ संघरा पवाः लगा अपे मी कोस रेनहाकेडपेखने गोःयापे दो, हाँय सुदा अरू मी कोसपे सलाव जुवाः। 42अपे एचेरेय असेयता हाँयग होड़पे एमेवा, अरू तोनोंगीग अपे एचेरे कहिसाः पइंचा गोः लगाय चाहाःतान दो हाँय अलोपे हेवेगवाय।”
जमाकूपे अलार-दुलारकू
(लूका 6:27-28,32-36)
43“अरू अबूरिकुःआ खुटिपरिया होड़कू एचेरे भगवान कतातेरा हना कता अपे मेरपे सुदीयता जा,
आमरीग परुसीम अलार-दुलारगेय?#लेवी 19:18
अरू
अपेरिकुःआ मुदइकूपे हिनइस-बिनइसवा।
44मनदो अपे ईंगपे अयूम, अपेरिकुःआ मुदइ होड़कूपे अलार-दुलार अरू अपेकू संतावता हँकुःआ होड़कू लगापे अरजी। 45नाःआ इयापे एचेय दो अपे सेरमो देसरे इदानिया हाँयग अपांग भगवानरिकुःआ लइंकूपे बड़ाँःता। भगवान नपाय अरू बेलूर होड़कू लगा बेरते मरसले एमेवाकूता अरू गारबार होड़कू अरू बेगर गारबार होड़कू लगा दाःए एचे उयुःता। 46मनदो अपे अपेकू दुलारता हँकू एकलापे दुलारकू दो अपे भगवान अगीते तोनोंगाः इमानपे पवाःता जा? नाःआ इया मलगुजारी गोः होड़कू हों मेरकू एचेयता जा? 47अरू अपे अँननपेरिकुःआ सउंगताकू एकलापे सलामकू दो चिला नपाय इदा? नाःआ इया बेगर एहूदाकू हों नान इया मेरकू एचेयता जा? 48हनालगा सेरमो देसरीग अपांग उडु-बुडूत इदानिया हनन इया अपे हों उडु-बुडूतपे बड़ाँः लगा इदा।”
अहिले सेलेक्ट गरिएको:
:
हाइलाइट
शेयर गर्नुहोस्
कपी गर्नुहोस्
तपाईंका हाइलाइटहरू तपाईंका सबै यन्त्रहरूमा सुरक्षित गर्न चाहनुहुन्छ? साइन अप वा साइन इन गर्नुहोस्
© (Active) Wycliffe Bible Translators, Inc. All rights reserved.