Juan 12
12
María chojjeyete jẹrejres muꞌ Jesús
1Aty c̣hẹiꞌyaꞌ feshta Jiꞌc̣honacdyes, jäbändyety mạyedyeꞌ jayej. Chat qui muꞌ Jesús Betaniaĉan jịjcaij yóĉandyemꞌ bäꞌyi Lázaro u, muꞌ vañinjebajtety jiquej. 2Muꞌĉantyiꞌ in jämꞌtyeyete säcsedyeꞌ in Jesúsdyesiꞌ. Marta patstyeyacsis säcsedyeꞌ, chimuꞌcheꞌdyemꞌ säcsi Lázaro. 3Ayij mọꞌ María tuquiꞌ yiris voteya jẹrejres, anic där yaꞌiꞌsiꞌ mọꞌ jẹrejres. Chojjeyete yujcheꞌ muꞌ Jesús, chat qui shamꞌbibajte ĉụiꞌsiꞌyaꞌ fin mọꞌ. Ọyaꞌquiꞌ jẹrejreiꞌtyiꞌ tŝọiꞌ acaꞌĉan. 4Muꞌyaꞌdye muꞌ c̣honꞌjeꞌ p̂eyacdyeꞌ muꞌ Judas Iscariote, Jesucristotydye jịꞌchiyactyiꞌ muꞌ, muꞌ raꞌ jajiꞌmincatity Jesús. Yi muꞌ:
5—¿Junꞌ caꞌ jam jiꞌmincatiñeꞌ ọij jẹrejres? Anic tsanꞌ an yaꞌiꞌsiꞌ, tupuj chibin quiꞌ cien anictyity plata,#12:5 Anic yaꞌiꞌ mọꞌ jẹrejres, jeñej bijodyeꞌ carijtaqui yiris yómodyeꞌ muꞌ muntyiꞌ, meꞌ buꞌyiꞌ mọꞌ shupquiꞌ yaꞌidyeꞌ mọꞌ. meꞌsiꞌcheꞌ jiꞌmincac mọꞌ paj qui muꞌin ñịbety in soꞌmac in muꞌ querec̣ha —yi Judas.
6Judas mijam méquiꞌ dyijtucsi ñịbety in, ĉụiꞌ mọmoꞌ yi, querec̣hamꞌ dyijtute muꞌ, ĉaĉaij na muꞌ pạrej shuꞌatucsi querec̣ha muꞌin jịꞌchiyactyiꞌ muꞌ Jesústyiꞌ, ĉaĉaij na muꞌ yụꞌte in ĉọjcacsebity querec̣ha muꞌin. 7Muꞌ na Jesús yi jéte:
—Paj mọꞌyaꞌ jam raꞌ meꞌtyem. Mọꞌ jẹrejres mọꞌ dyijtubun yụ nạcdyedyes yụ, meꞌ yuꞌtyiyin yụ. 8Muꞌin ñịbety in räjĉan raꞌ muꞌyaꞌ miꞌintum in. Yụ na raꞌ jam meꞌ, jam nash raꞌ räjĉan penꞌdyetuyac —jéyacsi Jesús.
Dyijyi in mạꞌjeꞌ ijate in muꞌ Lázaro
9Judío chị́qui in aty muꞌĉan muꞌ Jesús Betaniaĉan. Muꞌĉan jịjcaij in mạꞌjeꞌ cạvete in muꞌ Jesús. Jam Jesús mọmoꞌ mạꞌjeꞌ cạvete in, Lázaromun mạꞌjeꞌ chimeꞌ cạvete in, muꞌ vañinjebajtety jiquej. 10Mọꞌdyes qui muꞌin tashchety cudyitity Jenꞌcheꞌ in dyijtute in muꞌ Lázaro, muꞌmun mạꞌjeꞌ chimeꞌ ijate in, 11ĉaĉaij na Lázarodyes jiꞌmeꞌtacdyeꞌ muꞌin daiꞌ judío in aty jam cäc̣häꞌchucseban in muꞌin cudyitity Jenꞌcheꞌ in, Jesús quimꞌ mạꞌjeꞌ cäc̣häꞌchute in, ĉaĉaij na chịj muntyiꞌ in muꞌ Jesús vañinjebajte jiquej muꞌ Lázaro.
Jesús siteꞌ Jerusalén
(Mat 21:1-11; Mar 11:1-11; Luc 19:28-40)
12Nojno mạyedyeꞌ chị́qui in muꞌin Jerusalénĉantyiꞌ muntyiꞌ in venjoij raꞌ muꞌĉan muꞌ Jesús. Anic daiꞌ vajmuꞌyaij muꞌĉan in cạvequeꞌtyiꞌ feshta in Jiꞌc̣honacdyes. 13Judyeyaꞌ täꞌtseꞌ shan in jeꞌñes manaꞌis, mọꞌ cạiꞌ in jiꞌrebete in muꞌ Jesús. Äjyedyeꞌtum maꞌjotyete muntyiꞌ in, yi in:
—Timaꞌqueja uts Ayoꞌ tsun, paj ñịbeꞌjajiti muꞌ Jenꞌ, uts jutactyiꞌ Ayoꞌtyiꞌ tsun mạyedyeꞌchety, paj muꞌ Jenꞌ ñịbeꞌjajiti uts Ayoꞌ tsun Israeltyiꞌ vóshiꞌ tsun —yi muntyiꞌ in, meꞌ dyijyi in mạꞌjeꞌ tsanꞌ cavintum ayoꞌbuꞌyi ĉọ́te u in.
14Jesús dạquicte yirity bórico, muꞌchemꞌ foquinꞌyi, meꞌ jịꞌcätseꞌ sánacdyeꞌ yiꞌ:
15"Jam raꞌ noiꞌyi miꞌin Jerusalénĉantyiꞌ miꞌin,
mush tyuꞌ Ayoꞌ miꞌin,
meij jijtuij bóricocheꞌ banꞌtyitycheꞌ foquiꞌquiij", yiꞌ sánacdyeꞌ.
16Muꞌin na jịꞌchiyactyiꞌ muꞌ tashcheꞌ chum mijam chịj in jätäjyiꞌ chuc mọꞌ sánacdyeꞌ. Aty qui namꞌ mạyedyeꞌcheꞌ jịjcabanyaꞌ muꞌ, chat q̂uinꞌdyemꞌ chiqueꞌ in mọꞌ p̂eyacdyeꞌ junꞌ chuc jịꞌcätseꞌ muꞌ jiquej.
17Muꞌin muntyiꞌ in cạvetety jiquej in vañinjebajteyaꞌ muꞌ Lázaro, muꞌin mọꞌ jịꞌchiqueyacsi yoctyiꞌ in. 18Dyijtupte ferdyeꞌ in mọꞌdyes qui daiꞌ jiꞌrebete in muꞌ Jesús. 19Muꞌin na fariseo in mọꞌ muꞌin jịꞌfajqueꞌ in, yi jítidyeij in:
—Jätäjjeyacsejaꞌdyemꞌ uts in, aty cạvacsi u miꞌin, junꞌtum muntyiꞌ cäc̣häꞌchute u in —yi jítidyeij in.
Pạrej griego in quevte Jesús in
20Muntyiꞌ in daiꞌ Jerusalénĉan jịjcaij in timaꞌquecte Jenꞌ in feshtayaꞌ. Muꞌĉan chimeꞌ muꞌin muntyiꞌ griego in. 21Muꞌin ĉọcte in muꞌ Felipe Betsaidaĉantyiꞌ, mọꞌ Galileaĉansiꞌ bäꞌyedyeꞌ. Muꞌin jéte in:
—Mạꞌjeꞌ tsun cạvete Jesús chimeꞌ —jéte in.
22Muꞌ Felipe muꞌve jịjcaij, jéte muꞌ Andrés, chat qui päräꞌ muꞌin in ĉọcte Jesús in jéte in. 23Jesús yi jéyacsi:
—Atyuꞌ u c̣hẹiꞌyaꞌ tupudyeꞌ yụ Anictyity Muntyiꞌ yụ, jorojĉan raꞌ fer buꞌyedyeꞌ yụ ĉaĉaij na yụ mạyedyeꞌchety. 24Anicdye jéyac, yiris vej jambiꞌdyemꞌ quịcsiꞌ, yejĉoiꞌ yiris mọmoꞌ bäꞌyiꞌ, jam junꞌ dayiꞌ. A qui namꞌ rudyuꞌtac jacĉan jụijyaꞌ mọꞌ, chịbiꞌ jụijyaꞌ mọꞌ, moñiꞌ mọꞌ vej mọꞌ, jeñej säñiꞌ meꞌ shupquiꞌ mọꞌ. A qui namꞌ meꞌsiꞌ jụijyaꞌ mọꞌ, daiꞌ raꞌ shubanꞌ mọꞌ. 25Meꞌdye raꞌ chimeꞌ, tyi chuc ĉụiꞌ mọmoꞌ dyijtutity, muꞌ raꞌ fibiꞌ bäꞌyi. Tyi chuc jam ĉụiꞌ mọmoꞌ dyijtuti úcheꞌ jaccheꞌ, muꞌ raꞌ jam fibiꞌ bäꞌyi, Jenꞌyaꞌ raꞌ muꞌ bäꞌyi. 26Tyi chuc mạꞌjeꞌ ayotun yụ, paj muꞌ cäc̣häꞌchun yụ. Paj raꞌ tsanꞌ junaꞌ yụ, cäc̣häꞌ raꞌ muꞌ, judyeyaꞌ raꞌ Jenꞌ yụ jasoꞌmiti bijodyeꞌ chimeꞌ —jéyacsi Jesús.
Jesús p̂eyeꞌ sänꞌdyeꞌ muꞌ
27P̂eyaqui yi Jesús:
—Anic fer tári ĉojtyiꞌĉan yụ. ¿Jätäjyi bu raꞌ yụ? ¿Cọdyete bu raꞌ Jenꞌ yụ paj qui muꞌ jiꞌc̣hoñin yụ paj qui jam ñịbedyes jịꞌĉojtyeꞌ yụ? Mijam junꞌ, ĉaĉaij na mọꞌdye tun yụ úcheꞌ jaccheꞌ jijtuij yụ, paj qui meꞌ ñịbedyes jịꞌĉojtyeteꞌve yụ —jéyacsi Jesús.
28Cọdaqui qui Jenꞌcheꞌ muꞌ, jéte:
—Yụ́tyiꞌ Jenꞌ, jorojĉanjevaꞌ fer buꞌyedyeꞌ mi anictyity Jenꞌ —jéte Jesús.
Meꞌĉandye seꞌve vatyquej mạyedyeꞌches p̂eyacdyeꞌ, yiꞌ:
—A nash jorojĉanjeꞌ yụ fer buꞌyedyeꞌ yụ, meꞌ tsanꞌ meꞌ quivij raꞌ jorojĉanjeꞌ yụ —yi muꞌ.
29Muꞌĉantyiꞌ muntyiꞌ in seꞌveꞌ muꞌin in, jeñej yi pururu ĉọiꞌ pạrej in. Pạrej na yi in:
—Anjer yirity p̂eyaqui muꞌtum —yi in.
30Jesús jéyacsi:
—Jam u yụ́dyes mọꞌ p̂eyacdyeꞌ, miꞌindyesiꞌ u mọꞌ p̂eyacdyeꞌ. 31Q̂uinꞌ chat raꞌ ayij tupudyeꞌ Jenꞌsiꞌ muꞌ, muꞌ raꞌ jorojĉanjeyacsebi dyijyedyeꞌ muntyis muꞌin. Chimeꞌdye raꞌ sọyoty ayoꞌ mọꞌ jiꞌpenac, muꞌ ayoꞌbuꞌyity q̂uinꞌ úcheꞌ jaccheꞌ. 32Yụ raꞌ soncheꞌ yụꞌtac, chat qui raꞌ yụ yụꞌtyeyacsi ĉojtyiꞌĉan muꞌin paiꞌ bäꞌyity in paj qui yụ́yaꞌ atsij in —jéyacsi Jesús.
33Mọꞌ p̂eyeꞌ sänꞌdyeꞌ muꞌ junꞌ chuc raꞌ säñi croshcheꞌ muꞌ. 34Vorjete muntyiꞌ in:
—Yụꞌtacdyeꞌ tsun yụꞌtyes Jenꞌ jiquej, yiꞌ mọꞌ: muꞌ Jiꞌc̣honacsity Muntyiꞌ muꞌ raꞌ jam jụꞌñisĉan mạyedyeꞌ säñi. ¿Junꞌ q̂uinꞌ meꞌ yi um: yụꞌtac raꞌ soncheꞌ muꞌ Anictyity Muntyiꞌ? ¿Tyi ĉaĉaij uts Anictyity Muntyiꞌ u? —jéte in.
35Vorjeyacsi Jesús:
—Atyuꞌ damꞌdyety penꞌdyetuyac miꞌin, atyuꞌ damꞌdyety mạijchuyac chimeꞌ. Mạijquedyeꞌĉandyemꞌ q̂uinꞌ miꞌin, jäꞌmij yejĉojamꞌ miꞌejamꞌ paj qui jam tojmadyeꞌĉan bäꞌyi miꞌin. Tyi chuc tojmadyeꞌĉan miꞌity jụijyaꞌ jam chịj junꞌve chuc raꞌ jịjcaij. 36Q̂uinꞌ penꞌdyetuyacdyemꞌ q̂uinꞌ miꞌin, anꞌdyemꞌ anicjitiĉaꞌdyemꞌ q̂uinꞌ miꞌin, paj qui mạijquedyeꞌĉan miꞌi miꞌin —jéyacsi Jesús.
Aty ijaij meꞌsiꞌ jéyacsi, chat qui jọban yạjquicseban muꞌ.
Muꞌin judío in jam anicjete Jesús in
37Meꞌ tsanꞌ muꞌ Jesús anic daiꞌ quiꞌ jịꞌcaveyacsi ferdyeꞌ muꞌinsiꞌyaꞌ vej muꞌin, uts na muꞌin tacaꞌ meꞌ mọmoꞌ in, jam anicjete in. 38Meꞌ cạ̈tsiꞌ mọꞌ sánacdyeꞌ Isaíassiꞌ muꞌ, yiꞌsiꞌ:
"Tsuntyiꞌ Ayoꞌ, ¿tyidyemꞌ raꞌ anicjeꞌ in mọꞌ p̂eyacdyeꞌ jéyacsis tsun?
¿Tyidyemꞌ raꞌ cạvepte in Ayoꞌsiꞌ ferdyeꞌ muꞌ? yiꞌ sánacdyeꞌ.
39Mọꞌdyes jam junꞌ anicyi in ĉaĉaij na cạ̈tsiꞌ muꞌindyes in mọꞌ sánacdyeꞌ Isaíassiꞌ muꞌ, yiꞌ:
40"Muꞌ qui Jenꞌ tyumꞌteyacsebi vej muꞌin,
paj qui jam naijti in,
judyeyaꞌ jiꞌyäjcacsebi ĉojtyiꞌ muꞌin,
paj qui jam chicacsive in.
Mijam méquiꞌ caꞌñibun Jenꞌdyes in paj qui muꞌ ñịbeꞌjeyacsi", yiꞌ ọij sánacdyeꞌ.
41Meꞌ yi muꞌ Isaías jiquej, jäꞌmij p̂eijte muꞌ Jesús ĉaĉaij na muꞌ jäꞌmij cạvepte fer buꞌyedyeꞌ Jesússiꞌ muꞌ.
42Meꞌ tsanꞌ meꞌ, daiꞌ qui namꞌ judío in anicjete in, chimeꞌdye muꞌintyiꞌ ayoꞌ in daiꞌ anicjete chimeꞌ in. Jam p̂eijte in muntyisyaꞌ vej muꞌin, ĉaĉaij na quijnacsi fariseo in. Muꞌin yi in: "Tyi chuc anicjete in muꞌin raꞌ vaꞌcac in paj qui jam penꞌdyetucsi vajmuꞌyaijĉan in." 43Muꞌin ticametety in mọꞌ dadamꞌ mujuꞌchaꞌ mạꞌjeꞌ in paj qui muntyiꞌ maꞌjotacsi in, uyaꞌyaꞌ mọꞌ mạꞌjeꞌ in paj qui muꞌ Jenꞌ maꞌjotacsi.
Ọij p̂eyacdyeꞌ Jesússiꞌ jorojĉanjeyacsebiꞌ juchaj muntyis muꞌin
44Jesús fer p̂eyaqui jéyacsi:
—Tyi chuc anicjin yụ in, jam yụ mọmoꞌ anicjin yụ in, Jenꞌmun chimeꞌ anicjibun yụ in, yódyetydyemꞌ jutintyiꞌ u yụ. 45Tyi chuc cavintyiꞌ yụ in chimeꞌdye Jenꞌ cạvete in, muꞌ jutintyiꞌ yụ. 46Yụ úcheꞌ jaccheꞌ jijtuij yụ mạijchucseti úcheꞌ yụ, paj qui jam yejĉoij tojmadyeꞌĉan bäꞌyi in muꞌin anicjintyiꞌ yụ in. 47Muꞌin na muntyiꞌ in meꞌ tsanꞌ seꞌvibuntyiꞌ p̂eyacdyeꞌ yụ in, jam qui namꞌ chäquibun jụijyaꞌ yụ in, muꞌin vaꞌtacdyedyety in. Jam yụ yụꞌtacsi vaꞌtacdyedyety in. Yụ atsij úcheꞌ jam meꞌdyety yụ soꞌmacseti vaꞌtacdyeꞌ yụ, mọꞌ tun yụ paj qui jiꞌc̣honacsetiij muntyiꞌ in. 48Tyi chuc doroiꞌjiĉuñin yụ in mijam seꞌvibun p̂eyacdyeꞌ yụ in, muꞌin raꞌ vaꞌtacdyeꞌ soꞌmac Jenꞌyaꞌ in. Jadyiquisĉan raꞌ tupudyeꞌ jụijyaꞌ ọij p̂eyacdyeꞌ yụ mọꞌ raꞌ jorojĉanjeyacsebiꞌ juchaj muꞌinsiꞌ in jam chäquibuntyiꞌ p̂eyacdyeꞌ jiquej yụ in, mọꞌ cạiꞌsiꞌ raꞌ vaꞌtacdyeꞌ. 49Jam ĉụiꞌsiꞌ jiꞌchäyitidyeꞌ yụ, Jenꞌsiꞌ yụ muꞌ jutintyiꞌ yụ, muꞌsimꞌ, junꞌ chuc jin yụ meꞌdye raꞌ jịꞌchiyacsi yụ. 50Yụ chịj, ọij p̂eyacdyeꞌ Jenꞌsiꞌ muꞌ, mọꞌ yụꞌtacsiꞌ paj qui Jenꞌyadyety muntyiꞌ in. Anicdye meꞌ, ọij p̂eyacdyeꞌ yụ muꞌdye Jenꞌ soꞌmin yụ —jéyacsi Jesús.
अहिले सेलेक्ट गरिएको:
Juan 12: CAS
हाइलाइट
शेयर गर्नुहोस्
कपी गर्नुहोस्
तपाईंका हाइलाइटहरू तपाईंका सबै यन्त्रहरूमा सुरक्षित गर्न चाहनुहुन्छ? साइन अप वा साइन इन गर्नुहोस्
Copyright 2017 Nuevo Testamento en Chimane
Jen'si' P̂eyacdye'
Juan 12
12
María chojjeyete jẹrejres muꞌ Jesús
1Aty c̣hẹiꞌyaꞌ feshta Jiꞌc̣honacdyes, jäbändyety mạyedyeꞌ jayej. Chat qui muꞌ Jesús Betaniaĉan jịjcaij yóĉandyemꞌ bäꞌyi Lázaro u, muꞌ vañinjebajtety jiquej. 2Muꞌĉantyiꞌ in jämꞌtyeyete säcsedyeꞌ in Jesúsdyesiꞌ. Marta patstyeyacsis säcsedyeꞌ, chimuꞌcheꞌdyemꞌ säcsi Lázaro. 3Ayij mọꞌ María tuquiꞌ yiris voteya jẹrejres, anic där yaꞌiꞌsiꞌ mọꞌ jẹrejres. Chojjeyete yujcheꞌ muꞌ Jesús, chat qui shamꞌbibajte ĉụiꞌsiꞌyaꞌ fin mọꞌ. Ọyaꞌquiꞌ jẹrejreiꞌtyiꞌ tŝọiꞌ acaꞌĉan. 4Muꞌyaꞌdye muꞌ c̣honꞌjeꞌ p̂eyacdyeꞌ muꞌ Judas Iscariote, Jesucristotydye jịꞌchiyactyiꞌ muꞌ, muꞌ raꞌ jajiꞌmincatity Jesús. Yi muꞌ:
5—¿Junꞌ caꞌ jam jiꞌmincatiñeꞌ ọij jẹrejres? Anic tsanꞌ an yaꞌiꞌsiꞌ, tupuj chibin quiꞌ cien anictyity plata,#12:5 Anic yaꞌiꞌ mọꞌ jẹrejres, jeñej bijodyeꞌ carijtaqui yiris yómodyeꞌ muꞌ muntyiꞌ, meꞌ buꞌyiꞌ mọꞌ shupquiꞌ yaꞌidyeꞌ mọꞌ. meꞌsiꞌcheꞌ jiꞌmincac mọꞌ paj qui muꞌin ñịbety in soꞌmac in muꞌ querec̣ha —yi Judas.
6Judas mijam méquiꞌ dyijtucsi ñịbety in, ĉụiꞌ mọmoꞌ yi, querec̣hamꞌ dyijtute muꞌ, ĉaĉaij na muꞌ pạrej shuꞌatucsi querec̣ha muꞌin jịꞌchiyactyiꞌ muꞌ Jesústyiꞌ, ĉaĉaij na muꞌ yụꞌte in ĉọjcacsebity querec̣ha muꞌin. 7Muꞌ na Jesús yi jéte:
—Paj mọꞌyaꞌ jam raꞌ meꞌtyem. Mọꞌ jẹrejres mọꞌ dyijtubun yụ nạcdyedyes yụ, meꞌ yuꞌtyiyin yụ. 8Muꞌin ñịbety in räjĉan raꞌ muꞌyaꞌ miꞌintum in. Yụ na raꞌ jam meꞌ, jam nash raꞌ räjĉan penꞌdyetuyac —jéyacsi Jesús.
Dyijyi in mạꞌjeꞌ ijate in muꞌ Lázaro
9Judío chị́qui in aty muꞌĉan muꞌ Jesús Betaniaĉan. Muꞌĉan jịjcaij in mạꞌjeꞌ cạvete in muꞌ Jesús. Jam Jesús mọmoꞌ mạꞌjeꞌ cạvete in, Lázaromun mạꞌjeꞌ chimeꞌ cạvete in, muꞌ vañinjebajtety jiquej. 10Mọꞌdyes qui muꞌin tashchety cudyitity Jenꞌcheꞌ in dyijtute in muꞌ Lázaro, muꞌmun mạꞌjeꞌ chimeꞌ ijate in, 11ĉaĉaij na Lázarodyes jiꞌmeꞌtacdyeꞌ muꞌin daiꞌ judío in aty jam cäc̣häꞌchucseban in muꞌin cudyitity Jenꞌcheꞌ in, Jesús quimꞌ mạꞌjeꞌ cäc̣häꞌchute in, ĉaĉaij na chịj muntyiꞌ in muꞌ Jesús vañinjebajte jiquej muꞌ Lázaro.
Jesús siteꞌ Jerusalén
(Mat 21:1-11; Mar 11:1-11; Luc 19:28-40)
12Nojno mạyedyeꞌ chị́qui in muꞌin Jerusalénĉantyiꞌ muntyiꞌ in venjoij raꞌ muꞌĉan muꞌ Jesús. Anic daiꞌ vajmuꞌyaij muꞌĉan in cạvequeꞌtyiꞌ feshta in Jiꞌc̣honacdyes. 13Judyeyaꞌ täꞌtseꞌ shan in jeꞌñes manaꞌis, mọꞌ cạiꞌ in jiꞌrebete in muꞌ Jesús. Äjyedyeꞌtum maꞌjotyete muntyiꞌ in, yi in:
—Timaꞌqueja uts Ayoꞌ tsun, paj ñịbeꞌjajiti muꞌ Jenꞌ, uts jutactyiꞌ Ayoꞌtyiꞌ tsun mạyedyeꞌchety, paj muꞌ Jenꞌ ñịbeꞌjajiti uts Ayoꞌ tsun Israeltyiꞌ vóshiꞌ tsun —yi muntyiꞌ in, meꞌ dyijyi in mạꞌjeꞌ tsanꞌ cavintum ayoꞌbuꞌyi ĉọ́te u in.
14Jesús dạquicte yirity bórico, muꞌchemꞌ foquinꞌyi, meꞌ jịꞌcätseꞌ sánacdyeꞌ yiꞌ:
15"Jam raꞌ noiꞌyi miꞌin Jerusalénĉantyiꞌ miꞌin,
mush tyuꞌ Ayoꞌ miꞌin,
meij jijtuij bóricocheꞌ banꞌtyitycheꞌ foquiꞌquiij", yiꞌ sánacdyeꞌ.
16Muꞌin na jịꞌchiyactyiꞌ muꞌ tashcheꞌ chum mijam chịj in jätäjyiꞌ chuc mọꞌ sánacdyeꞌ. Aty qui namꞌ mạyedyeꞌcheꞌ jịjcabanyaꞌ muꞌ, chat q̂uinꞌdyemꞌ chiqueꞌ in mọꞌ p̂eyacdyeꞌ junꞌ chuc jịꞌcätseꞌ muꞌ jiquej.
17Muꞌin muntyiꞌ in cạvetety jiquej in vañinjebajteyaꞌ muꞌ Lázaro, muꞌin mọꞌ jịꞌchiqueyacsi yoctyiꞌ in. 18Dyijtupte ferdyeꞌ in mọꞌdyes qui daiꞌ jiꞌrebete in muꞌ Jesús. 19Muꞌin na fariseo in mọꞌ muꞌin jịꞌfajqueꞌ in, yi jítidyeij in:
—Jätäjjeyacsejaꞌdyemꞌ uts in, aty cạvacsi u miꞌin, junꞌtum muntyiꞌ cäc̣häꞌchute u in —yi jítidyeij in.
Pạrej griego in quevte Jesús in
20Muntyiꞌ in daiꞌ Jerusalénĉan jịjcaij in timaꞌquecte Jenꞌ in feshtayaꞌ. Muꞌĉan chimeꞌ muꞌin muntyiꞌ griego in. 21Muꞌin ĉọcte in muꞌ Felipe Betsaidaĉantyiꞌ, mọꞌ Galileaĉansiꞌ bäꞌyedyeꞌ. Muꞌin jéte in:
—Mạꞌjeꞌ tsun cạvete Jesús chimeꞌ —jéte in.
22Muꞌ Felipe muꞌve jịjcaij, jéte muꞌ Andrés, chat qui päräꞌ muꞌin in ĉọcte Jesús in jéte in. 23Jesús yi jéyacsi:
—Atyuꞌ u c̣hẹiꞌyaꞌ tupudyeꞌ yụ Anictyity Muntyiꞌ yụ, jorojĉan raꞌ fer buꞌyedyeꞌ yụ ĉaĉaij na yụ mạyedyeꞌchety. 24Anicdye jéyac, yiris vej jambiꞌdyemꞌ quịcsiꞌ, yejĉoiꞌ yiris mọmoꞌ bäꞌyiꞌ, jam junꞌ dayiꞌ. A qui namꞌ rudyuꞌtac jacĉan jụijyaꞌ mọꞌ, chịbiꞌ jụijyaꞌ mọꞌ, moñiꞌ mọꞌ vej mọꞌ, jeñej säñiꞌ meꞌ shupquiꞌ mọꞌ. A qui namꞌ meꞌsiꞌ jụijyaꞌ mọꞌ, daiꞌ raꞌ shubanꞌ mọꞌ. 25Meꞌdye raꞌ chimeꞌ, tyi chuc ĉụiꞌ mọmoꞌ dyijtutity, muꞌ raꞌ fibiꞌ bäꞌyi. Tyi chuc jam ĉụiꞌ mọmoꞌ dyijtuti úcheꞌ jaccheꞌ, muꞌ raꞌ jam fibiꞌ bäꞌyi, Jenꞌyaꞌ raꞌ muꞌ bäꞌyi. 26Tyi chuc mạꞌjeꞌ ayotun yụ, paj muꞌ cäc̣häꞌchun yụ. Paj raꞌ tsanꞌ junaꞌ yụ, cäc̣häꞌ raꞌ muꞌ, judyeyaꞌ raꞌ Jenꞌ yụ jasoꞌmiti bijodyeꞌ chimeꞌ —jéyacsi Jesús.
Jesús p̂eyeꞌ sänꞌdyeꞌ muꞌ
27P̂eyaqui yi Jesús:
—Anic fer tári ĉojtyiꞌĉan yụ. ¿Jätäjyi bu raꞌ yụ? ¿Cọdyete bu raꞌ Jenꞌ yụ paj qui muꞌ jiꞌc̣hoñin yụ paj qui jam ñịbedyes jịꞌĉojtyeꞌ yụ? Mijam junꞌ, ĉaĉaij na mọꞌdye tun yụ úcheꞌ jaccheꞌ jijtuij yụ, paj qui meꞌ ñịbedyes jịꞌĉojtyeteꞌve yụ —jéyacsi Jesús.
28Cọdaqui qui Jenꞌcheꞌ muꞌ, jéte:
—Yụ́tyiꞌ Jenꞌ, jorojĉanjevaꞌ fer buꞌyedyeꞌ mi anictyity Jenꞌ —jéte Jesús.
Meꞌĉandye seꞌve vatyquej mạyedyeꞌches p̂eyacdyeꞌ, yiꞌ:
—A nash jorojĉanjeꞌ yụ fer buꞌyedyeꞌ yụ, meꞌ tsanꞌ meꞌ quivij raꞌ jorojĉanjeꞌ yụ —yi muꞌ.
29Muꞌĉantyiꞌ muntyiꞌ in seꞌveꞌ muꞌin in, jeñej yi pururu ĉọiꞌ pạrej in. Pạrej na yi in:
—Anjer yirity p̂eyaqui muꞌtum —yi in.
30Jesús jéyacsi:
—Jam u yụ́dyes mọꞌ p̂eyacdyeꞌ, miꞌindyesiꞌ u mọꞌ p̂eyacdyeꞌ. 31Q̂uinꞌ chat raꞌ ayij tupudyeꞌ Jenꞌsiꞌ muꞌ, muꞌ raꞌ jorojĉanjeyacsebi dyijyedyeꞌ muntyis muꞌin. Chimeꞌdye raꞌ sọyoty ayoꞌ mọꞌ jiꞌpenac, muꞌ ayoꞌbuꞌyity q̂uinꞌ úcheꞌ jaccheꞌ. 32Yụ raꞌ soncheꞌ yụꞌtac, chat qui raꞌ yụ yụꞌtyeyacsi ĉojtyiꞌĉan muꞌin paiꞌ bäꞌyity in paj qui yụ́yaꞌ atsij in —jéyacsi Jesús.
33Mọꞌ p̂eyeꞌ sänꞌdyeꞌ muꞌ junꞌ chuc raꞌ säñi croshcheꞌ muꞌ. 34Vorjete muntyiꞌ in:
—Yụꞌtacdyeꞌ tsun yụꞌtyes Jenꞌ jiquej, yiꞌ mọꞌ: muꞌ Jiꞌc̣honacsity Muntyiꞌ muꞌ raꞌ jam jụꞌñisĉan mạyedyeꞌ säñi. ¿Junꞌ q̂uinꞌ meꞌ yi um: yụꞌtac raꞌ soncheꞌ muꞌ Anictyity Muntyiꞌ? ¿Tyi ĉaĉaij uts Anictyity Muntyiꞌ u? —jéte in.
35Vorjeyacsi Jesús:
—Atyuꞌ damꞌdyety penꞌdyetuyac miꞌin, atyuꞌ damꞌdyety mạijchuyac chimeꞌ. Mạijquedyeꞌĉandyemꞌ q̂uinꞌ miꞌin, jäꞌmij yejĉojamꞌ miꞌejamꞌ paj qui jam tojmadyeꞌĉan bäꞌyi miꞌin. Tyi chuc tojmadyeꞌĉan miꞌity jụijyaꞌ jam chịj junꞌve chuc raꞌ jịjcaij. 36Q̂uinꞌ penꞌdyetuyacdyemꞌ q̂uinꞌ miꞌin, anꞌdyemꞌ anicjitiĉaꞌdyemꞌ q̂uinꞌ miꞌin, paj qui mạijquedyeꞌĉan miꞌi miꞌin —jéyacsi Jesús.
Aty ijaij meꞌsiꞌ jéyacsi, chat qui jọban yạjquicseban muꞌ.
Muꞌin judío in jam anicjete Jesús in
37Meꞌ tsanꞌ muꞌ Jesús anic daiꞌ quiꞌ jịꞌcaveyacsi ferdyeꞌ muꞌinsiꞌyaꞌ vej muꞌin, uts na muꞌin tacaꞌ meꞌ mọmoꞌ in, jam anicjete in. 38Meꞌ cạ̈tsiꞌ mọꞌ sánacdyeꞌ Isaíassiꞌ muꞌ, yiꞌsiꞌ:
"Tsuntyiꞌ Ayoꞌ, ¿tyidyemꞌ raꞌ anicjeꞌ in mọꞌ p̂eyacdyeꞌ jéyacsis tsun?
¿Tyidyemꞌ raꞌ cạvepte in Ayoꞌsiꞌ ferdyeꞌ muꞌ? yiꞌ sánacdyeꞌ.
39Mọꞌdyes jam junꞌ anicyi in ĉaĉaij na cạ̈tsiꞌ muꞌindyes in mọꞌ sánacdyeꞌ Isaíassiꞌ muꞌ, yiꞌ:
40"Muꞌ qui Jenꞌ tyumꞌteyacsebi vej muꞌin,
paj qui jam naijti in,
judyeyaꞌ jiꞌyäjcacsebi ĉojtyiꞌ muꞌin,
paj qui jam chicacsive in.
Mijam méquiꞌ caꞌñibun Jenꞌdyes in paj qui muꞌ ñịbeꞌjeyacsi", yiꞌ ọij sánacdyeꞌ.
41Meꞌ yi muꞌ Isaías jiquej, jäꞌmij p̂eijte muꞌ Jesús ĉaĉaij na muꞌ jäꞌmij cạvepte fer buꞌyedyeꞌ Jesússiꞌ muꞌ.
42Meꞌ tsanꞌ meꞌ, daiꞌ qui namꞌ judío in anicjete in, chimeꞌdye muꞌintyiꞌ ayoꞌ in daiꞌ anicjete chimeꞌ in. Jam p̂eijte in muntyisyaꞌ vej muꞌin, ĉaĉaij na quijnacsi fariseo in. Muꞌin yi in: "Tyi chuc anicjete in muꞌin raꞌ vaꞌcac in paj qui jam penꞌdyetucsi vajmuꞌyaijĉan in." 43Muꞌin ticametety in mọꞌ dadamꞌ mujuꞌchaꞌ mạꞌjeꞌ in paj qui muntyiꞌ maꞌjotacsi in, uyaꞌyaꞌ mọꞌ mạꞌjeꞌ in paj qui muꞌ Jenꞌ maꞌjotacsi.
Ọij p̂eyacdyeꞌ Jesússiꞌ jorojĉanjeyacsebiꞌ juchaj muntyis muꞌin
44Jesús fer p̂eyaqui jéyacsi:
—Tyi chuc anicjin yụ in, jam yụ mọmoꞌ anicjin yụ in, Jenꞌmun chimeꞌ anicjibun yụ in, yódyetydyemꞌ jutintyiꞌ u yụ. 45Tyi chuc cavintyiꞌ yụ in chimeꞌdye Jenꞌ cạvete in, muꞌ jutintyiꞌ yụ. 46Yụ úcheꞌ jaccheꞌ jijtuij yụ mạijchucseti úcheꞌ yụ, paj qui jam yejĉoij tojmadyeꞌĉan bäꞌyi in muꞌin anicjintyiꞌ yụ in. 47Muꞌin na muntyiꞌ in meꞌ tsanꞌ seꞌvibuntyiꞌ p̂eyacdyeꞌ yụ in, jam qui namꞌ chäquibun jụijyaꞌ yụ in, muꞌin vaꞌtacdyedyety in. Jam yụ yụꞌtacsi vaꞌtacdyedyety in. Yụ atsij úcheꞌ jam meꞌdyety yụ soꞌmacseti vaꞌtacdyeꞌ yụ, mọꞌ tun yụ paj qui jiꞌc̣honacsetiij muntyiꞌ in. 48Tyi chuc doroiꞌjiĉuñin yụ in mijam seꞌvibun p̂eyacdyeꞌ yụ in, muꞌin raꞌ vaꞌtacdyeꞌ soꞌmac Jenꞌyaꞌ in. Jadyiquisĉan raꞌ tupudyeꞌ jụijyaꞌ ọij p̂eyacdyeꞌ yụ mọꞌ raꞌ jorojĉanjeyacsebiꞌ juchaj muꞌinsiꞌ in jam chäquibuntyiꞌ p̂eyacdyeꞌ jiquej yụ in, mọꞌ cạiꞌsiꞌ raꞌ vaꞌtacdyeꞌ. 49Jam ĉụiꞌsiꞌ jiꞌchäyitidyeꞌ yụ, Jenꞌsiꞌ yụ muꞌ jutintyiꞌ yụ, muꞌsimꞌ, junꞌ chuc jin yụ meꞌdye raꞌ jịꞌchiyacsi yụ. 50Yụ chịj, ọij p̂eyacdyeꞌ Jenꞌsiꞌ muꞌ, mọꞌ yụꞌtacsiꞌ paj qui Jenꞌyadyety muntyiꞌ in. Anicdye meꞌ, ọij p̂eyacdyeꞌ yụ muꞌdye Jenꞌ soꞌmin yụ —jéyacsi Jesús.
अहिले सेलेक्ट गरिएको:
:
हाइलाइट
शेयर गर्नुहोस्
कपी गर्नुहोस्
तपाईंका हाइलाइटहरू तपाईंका सबै यन्त्रहरूमा सुरक्षित गर्न चाहनुहुन्छ? साइन अप वा साइन इन गर्नुहोस्
Copyright 2017 Nuevo Testamento en Chimane
Jen'si' P̂eyacdye'