Matiwos Dooshishiyo 4
4
Iyesusi fadetsok'o
(Mar. 1:12-13; Luk'. 4:1-13)
1 #
Ibr. 2:18; 4:15 Maniyere il, Iyesus Diyablosń b́ fadetwok'o Ik'i shayiro worwo maants bín dek'tbíami. 2Manoknowere hab aawonat hab t'úwo b́ s'oomiyakon k'ak'b́wtsi. 3Faditwonúwere Iyesus maants waat «Nee arikon Ik'o naayi neena wotiyal, ááb shútsanotsi misho wotoore err azazowe» bíet.
4 #
Iwi. 8:3 Iyesusmó « ‹Asho b́ beet Ik'o nonotse keshet aap' jamona bako mish mec'ronaliye› ett guut'ere» bíet.
5 #
Neh. 11:1; Dan. 9:24 Maniyere il, diyablos Iyesusi S'ayin kitu Iyerusalem maants dek'amt Ik' maa tookats need'idek't, 6#Dub. 91:11-12 « ‹Nee arikon Ik'o naay neena wotiyal n tufwotsi shútso b́towawok'o,
Bokishon neen dambaan botep'etwok'o b́ melakiwotsi azazitwe›
Ett́ guut'etsotse, hanatse dashan ntooko sha'e» bí et.
7 #
Iwi. 6:16 Iyesuswere anidekt « ‹Ando n doonz Izar Izeweri fadk'aye› ett guut'ere.» bíet.
8Aaninwere diyablos Iyesusi ayidek't damb tuuts gurats kishdek't, datsatsi naash jamo bomangonton kitst 9«Taash gúp'gup'ar n sagadiyal jaman neesh imetwe» bíet.
10 #
Iwi. 6:13 Manoor Iyesus, « ‹N doonz Izar Izewersh sagadowe b́ s'uznowere ik'iwe!› ett guut'etsotse ok tuwwe nee shed'anono!» bíet.
11Maniyere il diyablos Iyesusi k'azb́k'ri, melakiwotswere waat bísh bofini.
Iyesus daniyo galiln dek' b́ tuutsok'o
(Mar. 1:14-15; Luk'. 4:14-15)
12 #
Mat. 14:3; Mar. 6:17; Luk'. 3:19-20 Iyesus Yohans b́tipewo b́ shishtsok'on Galil datsomand k'azbíami. 13#Yoh. 2:12 Nazret kitu k'azk'rat, Zablonnat Nftalem awrajo Gelil aats k'ari ganoke fa'ú K'frnahom kitots waat b́beeyi.
14Man b́ wotwere, nebiyiyo Isayas hank'o ett b́keewts bek'on aap'etso b́ s'eenetwok'owa b́tesh.
15«Aats k'aromaants dek't amiru werindonat Yordanos fokoniyere bak'etse
Daatseyiru Zablon datso, Nftalem datso,
Ik' ash woteraw Gelilo!
16 #
Isa. 9:1-2 T'alwotse beyiru asho sháán eeno bek're,
K'iri c'iisho bíyats b́dihts datsatse beyirwotsshowere shááno keshre.»
17 #
Mat. 3:2 Manortson b́tuutso Iyesus, «Ik'i mengstu bkarnotsotse naandrone erere!» et fetst nabo dek't b́tuwi.
Iyesus mus'detsf awdetswotsi b́s'egok'o
(Mar. 1:16-20; Luk'. 5:1-11)
18Iyesus Gelil aats k'ari ganoke b́beshefere, mus' detsf eshu gitwots, boowere P'et'rosi eteefo S'imoonnat bí eshu Indriyasn bo mus'kambo aats k'aromaants boshap'fere b́bek'i. 19Iyesuswere «Tshuutso shoyde woore, Mus'o it detsirwok'o ashuwotsi taash it kakwitwok'o woshitwe» bíet. 20Bowere manoor bo mus'i kambo k'azk'rat b́shuutso shoydek't botwi.
21Maniyere beshat, Zebdiwos nana'a wotts k'osh eshu gitetswotsi Yak'obnat Yohansn bek'b́k'ri. Bowere bonih Zebdiyosnton jeelbi abaats wotdek't bo mus'ikambo shipoke bobefere boon b́s'eegi. 22Bowere manoor bo jelbunat bonihn k'azk'rat b́ shuutso shoydek't boami.
Iyesus ay ashuwotsi b́ danitsok'onat b́ kashitsok'on
(Luk'. 6:17-19)
23 #
Mat. 9:35; Mar. 1:39 Iyesus ayhudiyots Ik' k'oni mootse danifetst Ik'i mengsti doo shishi aap'i jango keewfetst, ay naari shodonat atsiweshon deshets ashuwotsi kashifetst Gelil dats jamatsa b́ guurefo. 24B́ shútso Sooriya eteets dats jamatse b́ shishetsotse ash jamo shod naar ayonat, bo kishonat tufoon lasha'atswotsi, shod ayon kic'rwotsi, kim shayiro bogitsotse kindt fa'úwots, dikf shodo detstswotsenat dúr jametswotsnowere b́maants dek't boweyi, bíwere kashi bí'ishi. 25Gelil datsonat tats kitwotsitse#4:25 Tats kitwotsitse: Giriki noon keewon ayhudi woteraw ashuwots ikokere bo beyiru beyoko tats kitwotsi eteefoni. Kit jamwots bodatseyir Galil aatsi k'aroniyere aaw keshonat gáár weeron aaw kesho maantse. Iyerusalemnat Yhudon, Yordanos fokoniyere bak'etse ayi ashuwots Iyesus shuutso shoyidek't bosha'i.
अहिले सेलेक्ट गरिएको:
Matiwos Dooshishiyo 4: BrnNTLtn
हाइलाइट
शेयर गर्नुहोस्
कपी गर्नुहोस्
तपाईंका हाइलाइटहरू तपाईंका सबै यन्त्रहरूमा सुरक्षित गर्न चाहनुहुन्छ? साइन अप वा साइन इन गर्नुहोस्
The Word for the World International Publishing PO Box 26363, Colorado Springs, CO 80919, USA