यशैया 21
21
बेबिलोनको विरुद्धमा भविष्यवाणी
1समुद्रको किनारमा भएको उजाडस्थानको विषयमा भविष्यवाणी:
भुमरीले दक्षिण देशलाई स्वात्तै लगेझैँ,
उजाडस्थानबाट, आतङ्कको देशबाट
एउटा आक्रमणकारी आउँछ।
2मलाई एउटा डरलाग्दो दर्शन देखाइएको छ:
देशद्रोहीले विश्वासघात गर्छ, लुटेराले लुटेर लैजान्छ।
एलाम, आक्रमण गर्! मादी घेरा हाल्!
म त्यसका सबै क्रन्दनहरू समाप्त गरिदिनेछु।
3यस दर्शनले मेरो शरीर कष्टले भरिएको छ,
मलाई प्रसव-वेदनामा परेकी स्त्रीलाई झैँ व्यथा लागेको छ;
म जे सुन्छु, त्यसको कारण म धरमराएको छु,
म जे देख्छु, त्यसको कारण म हडबडाएको छु।
4मेरो हृदय काम्छ,
डरले मलाई ढुक-ढुक बनाउँछ;
मैले इच्छा गरेको साँझ
मेरा निम्ति त्रास भएको छ।
5तिनीहरू टेबुल सजाउँछन्,
तिनीहरू गलैँचा ओछ्याउँछन्,
तिनीहरू खान्छन्, तिनीहरू पिउँछन्!
अधिकृतहरू उठ,
ढालमा तेल लगाओ!
6प्रभु मलाई यसो भन्नुहुन्छ:
“जा, पहरेदार खटा,
र त्यसले के देख्छ, त्यो बताओस्।
7जब त्यसले घोडाको टोलीसित रथहरू,
गधामाथि सवार भएकाहरू
अथवा ऊँटमाथि सवार भएकाहरूलाई देख्छ,
तब त्यो सावधान,
खूबै सावधान रहोस्।”
8तब पहरेदार#21:8 केही प्राचीन पा.लि.हरूमा सिंह चिच्यायो,
“मेरा प्रभु, म दिनहुँ धरहरामा खडा रहन्छु;
प्रत्येक रात म आफ्नो चौकीमा बस्छु।
9हेर्नुहोस्, एउटा मानिस घोडाहरूको टोलीसित
रथमा सवार भएर आइरहेछ।
अनि त्यसले प्रत्युत्तर दिन्छ:
‘बेबिलोन ढलेको छ, ढलेको छ!
त्यसका देवताहरूका सबै मूर्तिहरू
चकनाचुर पारिएर भुइँमा छरिएका छन्।’ ”
10हे खलामा दाइँ गरिएका मेरा मानिस हो,
मैले सेनाहरूका याहवेह, इस्राएलका परमेश्वरबाट
जे सुनेको छु,
त्यो म तिमीहरूलाई भन्छु।
एदोमको विरुद्धमा भविष्यवाणी
11दुमाको#21:11 दुमाको एदोमको अर्को नाम हो, अर्थ शान्त विरुद्धमा भविष्यवाणी:
सेइरबाट मलाई कसैले बोलाउँछ,
“पहरेदार, रात कति बाँकी छ?
पहरेदार, रात कति बाँकी छ?”
12पहरेदारले जवाफ दिन्छ,
“बिहान हुन लाग्यो, तर पनि रात आउँदैछ।
यदि तिमीलाई केही सोधखोज गर्ने हो भने सोध;
र फेरि फर्केर सोध्न आऊ।”
अरबको विरुद्धमा भविष्यवाणी
13अरब देशको विषयमा भविष्यवाणी:
ददानीहरूका यात्री दलहरू,
जो अरबका झाडीहरूमा छाउनी हालेर बस्छौ,
14तिर्खाएकाहरूको निम्ति पानी ल्याओ;
तेमामा बस्नेहरू,
शरणार्थीहरूका निम्ति भोजन ल्यायो।
15तिनीहरू तरवारबाट,
नाङ्गो तरवारबाट,
नुहेका धनुबाट,
र घोर लडाइँबाट भाग्छन्।
16प्रभु मलाई यसो भन्नुहुन्छ: “वाचा-बन्धनमा परेको सेवकले दिन गनेझैँ एक वर्षभित्रमा केदारका सबै रवाफ समाप्त हुनेछ। 17धनुर्धारीहरू र केदारका योद्धाहरू थोरै मात्र बाँच्नेछन्।” याहवेह, इस्राएलका परमेश्वर बोल्नुभएको छ।
अहिले सेलेक्ट गरिएको:
यशैया 21: NCV
हाइलाइट
शेयर गर्नुहोस्
कपी गर्नुहोस्
तपाईंका हाइलाइटहरू तपाईंका सबै यन्त्रहरूमा सुरक्षित गर्न चाहनुहुन्छ? साइन अप वा साइन इन गर्नुहोस्
पवित्र बाइबल, नेपाली समकालीन संस्करण
प्रतिलिपि अधिकार © 1998, 2006, 2021, 2024 Biblica, Inc.
अनुमतिसहित प्रयोग गरिएको छ।
सम्पूर्ण अधिकार विश्वव्यापी रूपमा सुरक्षित रहनेछ।
Holy Bible, Nepali Contemporary Version
Copyright © 1998, 2006, 2021, 2024 by Biblica, Inc.
Used with permission. All rights reserved worldwide.
यशैया 21
21
बेबिलोनको विरुद्धमा भविष्यवाणी
1समुद्रको किनारमा भएको उजाडस्थानको विषयमा भविष्यवाणी:
भुमरीले दक्षिण देशलाई स्वात्तै लगेझैँ,
उजाडस्थानबाट, आतङ्कको देशबाट
एउटा आक्रमणकारी आउँछ।
2मलाई एउटा डरलाग्दो दर्शन देखाइएको छ:
देशद्रोहीले विश्वासघात गर्छ, लुटेराले लुटेर लैजान्छ।
एलाम, आक्रमण गर्! मादी घेरा हाल्!
म त्यसका सबै क्रन्दनहरू समाप्त गरिदिनेछु।
3यस दर्शनले मेरो शरीर कष्टले भरिएको छ,
मलाई प्रसव-वेदनामा परेकी स्त्रीलाई झैँ व्यथा लागेको छ;
म जे सुन्छु, त्यसको कारण म धरमराएको छु,
म जे देख्छु, त्यसको कारण म हडबडाएको छु।
4मेरो हृदय काम्छ,
डरले मलाई ढुक-ढुक बनाउँछ;
मैले इच्छा गरेको साँझ
मेरा निम्ति त्रास भएको छ।
5तिनीहरू टेबुल सजाउँछन्,
तिनीहरू गलैँचा ओछ्याउँछन्,
तिनीहरू खान्छन्, तिनीहरू पिउँछन्!
अधिकृतहरू उठ,
ढालमा तेल लगाओ!
6प्रभु मलाई यसो भन्नुहुन्छ:
“जा, पहरेदार खटा,
र त्यसले के देख्छ, त्यो बताओस्।
7जब त्यसले घोडाको टोलीसित रथहरू,
गधामाथि सवार भएकाहरू
अथवा ऊँटमाथि सवार भएकाहरूलाई देख्छ,
तब त्यो सावधान,
खूबै सावधान रहोस्।”
8तब पहरेदार#21:8 केही प्राचीन पा.लि.हरूमा सिंह चिच्यायो,
“मेरा प्रभु, म दिनहुँ धरहरामा खडा रहन्छु;
प्रत्येक रात म आफ्नो चौकीमा बस्छु।
9हेर्नुहोस्, एउटा मानिस घोडाहरूको टोलीसित
रथमा सवार भएर आइरहेछ।
अनि त्यसले प्रत्युत्तर दिन्छ:
‘बेबिलोन ढलेको छ, ढलेको छ!
त्यसका देवताहरूका सबै मूर्तिहरू
चकनाचुर पारिएर भुइँमा छरिएका छन्।’ ”
10हे खलामा दाइँ गरिएका मेरा मानिस हो,
मैले सेनाहरूका याहवेह, इस्राएलका परमेश्वरबाट
जे सुनेको छु,
त्यो म तिमीहरूलाई भन्छु।
एदोमको विरुद्धमा भविष्यवाणी
11दुमाको#21:11 दुमाको एदोमको अर्को नाम हो, अर्थ शान्त विरुद्धमा भविष्यवाणी:
सेइरबाट मलाई कसैले बोलाउँछ,
“पहरेदार, रात कति बाँकी छ?
पहरेदार, रात कति बाँकी छ?”
12पहरेदारले जवाफ दिन्छ,
“बिहान हुन लाग्यो, तर पनि रात आउँदैछ।
यदि तिमीलाई केही सोधखोज गर्ने हो भने सोध;
र फेरि फर्केर सोध्न आऊ।”
अरबको विरुद्धमा भविष्यवाणी
13अरब देशको विषयमा भविष्यवाणी:
ददानीहरूका यात्री दलहरू,
जो अरबका झाडीहरूमा छाउनी हालेर बस्छौ,
14तिर्खाएकाहरूको निम्ति पानी ल्याओ;
तेमामा बस्नेहरू,
शरणार्थीहरूका निम्ति भोजन ल्यायो।
15तिनीहरू तरवारबाट,
नाङ्गो तरवारबाट,
नुहेका धनुबाट,
र घोर लडाइँबाट भाग्छन्।
16प्रभु मलाई यसो भन्नुहुन्छ: “वाचा-बन्धनमा परेको सेवकले दिन गनेझैँ एक वर्षभित्रमा केदारका सबै रवाफ समाप्त हुनेछ। 17धनुर्धारीहरू र केदारका योद्धाहरू थोरै मात्र बाँच्नेछन्।” याहवेह, इस्राएलका परमेश्वर बोल्नुभएको छ।
अहिले सेलेक्ट गरिएको:
:
हाइलाइट
शेयर गर्नुहोस्
कपी गर्नुहोस्
तपाईंका हाइलाइटहरू तपाईंका सबै यन्त्रहरूमा सुरक्षित गर्न चाहनुहुन्छ? साइन अप वा साइन इन गर्नुहोस्
पवित्र बाइबल, नेपाली समकालीन संस्करण
प्रतिलिपि अधिकार © 1998, 2006, 2021, 2024 Biblica, Inc.
अनुमतिसहित प्रयोग गरिएको छ।
सम्पूर्ण अधिकार विश्वव्यापी रूपमा सुरक्षित रहनेछ।
Holy Bible, Nepali Contemporary Version
Copyright © 1998, 2006, 2021, 2024 by Biblica, Inc.
Used with permission. All rights reserved worldwide.