यशैया 40:12-14

कसले आफ्नो अञ्जुलीमा पानीलाई नापेको छ, अथवा आफ्ना हातको चौडाइले आकाश नापेको छ? कसले पृथ्वीको धुलोलाई एउटा डालोमा भरेको छ, अथवा पर्वतहरू र डाँडाहरूलाई तराजुमा जोखेको छ? कसले याहवेहको मनलाई बुझेको छ, वा उहाँको सल्‍लाहकार भएर उहाँलाई शिक्षा दिएको छ? समझको निम्ति याहवेहले कससित सल्‍लाह लिनुभयो, र कसले उहाँलाई उचित मार्ग देखायो? उहाँलाई ज्ञान सिकाउने अथवा समझको मार्ग देखाउने को हो?