भजनसंग्रह 25
25
भजन 25#25 यो भजन एक एकरोस्टिक कविता हो, जसका पदहरू हिब्रू वर्णमालाका क्रमिक अक्षरहरूबाट सुरु हुन्छ।
दावीदको भजन।
1हे याहवेह, मेरा परमेश्वर,
म मेरो भरोसा तपाईंमा राख्दछु।
2म तपाईंमा भरोसा गर्दछु;
मलाई शर्ममा पर्न नदिनुहोस्,
न त मेरा शत्रुहरू ममाथि विजयी हुन पाऊन्।
3तपाईंमा आशा राख्ने कोही पनि
कहिल्यै शर्ममा पर्नेछैन,
तर कारणविना विश्वासघात गर्नेहरू
भने शर्ममा पर्नेछन्।
4हे याहवेह, मलाई तपाईंका मार्गहरू देखाउनुहोस्;
मलाई तपाईंका मार्गहरूका शिक्षा दिनुहोस्,
5मलाई तपाईंको सत्यतामा अगुवाइ गर्नुहोस् र मलाई सिकाउनुहोस्;
किनकि तपाईं मेरा मुक्तिदाता परमेश्वर हुनुहुन्छ,
अनि मेरो आशा दिनभरि नै तपाईंमा राख्दछु।
6हे याहवेह, तपाईंका महान् करुणा र प्रेमको स्मरण गर्नुहोस्,
किनकि ती प्राचीनकालदेखि नै भएका छन्।
7मेरा जवानीका पापहरू
र मेरा अपराधहरू स्मरण नगर्नुहोस्।
हे याहवेह, तपाईंको अचुक प्रेमअनुसार मेरो सम्झना गर्नुहोस्,
किनकि तपाईं भलो हुनुहुन्छ।
8याहवेह भलो र धर्मी हुनुहुन्छ।
यसैकारण उहाँले पापीहरूलाई आफ्नो मार्ग सिकाउनुहुन्छ।
9उहाँले नम्रहरूलाई ठिक कुरामा अगुवाइ गर्नुहुन्छ,
र तिनीहरूलाई उहाँका मार्गहरू सिकाउनुहुन्छ।
10याहवेहका करारका शर्तहरू पालन गर्नेहरूप्रति
उहाँका सबै मार्गहरू प्रेमिलो र विश्वासयोग्य हुन्छन्।
11हे याहवेह, तपाईंको नामको खातिर,
मेरो अपराध क्षमा गरिदिनुहोस्, किनकि मेरो यो अपराध अति ठूलो छ।
12तब याहवेहको भय कसले मान्दछ?
उहाँले तिनीहरूलाई कुन मार्गको छनौट गर्ने भन्ने शिक्षा दिनुहुनेछ।
13तिनीहरूले आफ्ना जीवन समृद्धिमा बिताउनेछन्,
र तिनीहरूका सन्ततिले देशमा अधिकार गर्नेछन्।
14उहाँको भय मान्नेहरूसँग याहवेहले मित्रता राख्नुहुन्छ,
उहाँले तिनीहरूलाई आफ्नो करार बताउनुहुन्छ।
15मेरा आँखाहरू सधैँ याहवेहमा रहन्छन्,
किनकि उहाँले मात्र मेरा खुट्टाहरू पासोबाट छुटाउनुहुनेछ।
16हे याहवेह, मतिर फर्कनुहोस् र ममाथि कृपालु हुनुहोस्,
किनकि म एकलो र पीडित छु।
17मेरा हृदयका कष्टहरू ज्यादै बढेका छन्;
मेरा पीडाहरूबाट मलाई छुटकारा दिनुहोस्।
18मेरा दुःख र मेरा पीडाहरूलाई हेर्नुहोस्,
र मेरा सबै पापहरू क्षमा गरिदिनुहोस्।
19हेर्नुहोस्, मेरा शत्रुहरू कति धेरै भएका छन्,
र कति भयानक रीतिले मलाई तिनीहरू घृणा गर्दछन्।
20मेरो प्राणलाई रक्षा गर्नुहोस् र मेरो उद्धार गर्नुहोस्;
मलाई शर्ममा नपार्नुहोस्,
किनकि म तपाईंमा शरण पर्छु।
21इमानदारीता र धार्मिकताले मेरो रक्षा गरून्,
किनकि मेरो आशा याहवेह तपाईंमा छ।
22हे परमेश्वर, इस्राएललाई तिनीहरूका सबै
कष्टहरूबाट मुक्त गरिदिनुहोस्!
अहिले सेलेक्ट गरिएको:
भजनसंग्रह 25: NCV
हाइलाइट
शेयर गर्नुहोस्
कपी गर्नुहोस्
तपाईंका हाइलाइटहरू तपाईंका सबै यन्त्रहरूमा सुरक्षित गर्न चाहनुहुन्छ? साइन अप वा साइन इन गर्नुहोस्
पवित्र बाइबल, नेपाली समकालीन संस्करण
प्रतिलिपि अधिकार © 1998, 2006, 2021, 2024 Biblica, Inc.
अनुमतिसहित प्रयोग गरिएको छ।
सम्पूर्ण अधिकार विश्वव्यापी रूपमा सुरक्षित रहनेछ।
Holy Bible, Nepali Contemporary Version
Copyright © 1998, 2006, 2021, 2024 by Biblica, Inc.
Used with permission. All rights reserved worldwide.
भजनसंग्रह 25
25
भजन 25#25 यो भजन एक एकरोस्टिक कविता हो, जसका पदहरू हिब्रू वर्णमालाका क्रमिक अक्षरहरूबाट सुरु हुन्छ।
दावीदको भजन।
1हे याहवेह, मेरा परमेश्वर,
म मेरो भरोसा तपाईंमा राख्दछु।
2म तपाईंमा भरोसा गर्दछु;
मलाई शर्ममा पर्न नदिनुहोस्,
न त मेरा शत्रुहरू ममाथि विजयी हुन पाऊन्।
3तपाईंमा आशा राख्ने कोही पनि
कहिल्यै शर्ममा पर्नेछैन,
तर कारणविना विश्वासघात गर्नेहरू
भने शर्ममा पर्नेछन्।
4हे याहवेह, मलाई तपाईंका मार्गहरू देखाउनुहोस्;
मलाई तपाईंका मार्गहरूका शिक्षा दिनुहोस्,
5मलाई तपाईंको सत्यतामा अगुवाइ गर्नुहोस् र मलाई सिकाउनुहोस्;
किनकि तपाईं मेरा मुक्तिदाता परमेश्वर हुनुहुन्छ,
अनि मेरो आशा दिनभरि नै तपाईंमा राख्दछु।
6हे याहवेह, तपाईंका महान् करुणा र प्रेमको स्मरण गर्नुहोस्,
किनकि ती प्राचीनकालदेखि नै भएका छन्।
7मेरा जवानीका पापहरू
र मेरा अपराधहरू स्मरण नगर्नुहोस्।
हे याहवेह, तपाईंको अचुक प्रेमअनुसार मेरो सम्झना गर्नुहोस्,
किनकि तपाईं भलो हुनुहुन्छ।
8याहवेह भलो र धर्मी हुनुहुन्छ।
यसैकारण उहाँले पापीहरूलाई आफ्नो मार्ग सिकाउनुहुन्छ।
9उहाँले नम्रहरूलाई ठिक कुरामा अगुवाइ गर्नुहुन्छ,
र तिनीहरूलाई उहाँका मार्गहरू सिकाउनुहुन्छ।
10याहवेहका करारका शर्तहरू पालन गर्नेहरूप्रति
उहाँका सबै मार्गहरू प्रेमिलो र विश्वासयोग्य हुन्छन्।
11हे याहवेह, तपाईंको नामको खातिर,
मेरो अपराध क्षमा गरिदिनुहोस्, किनकि मेरो यो अपराध अति ठूलो छ।
12तब याहवेहको भय कसले मान्दछ?
उहाँले तिनीहरूलाई कुन मार्गको छनौट गर्ने भन्ने शिक्षा दिनुहुनेछ।
13तिनीहरूले आफ्ना जीवन समृद्धिमा बिताउनेछन्,
र तिनीहरूका सन्ततिले देशमा अधिकार गर्नेछन्।
14उहाँको भय मान्नेहरूसँग याहवेहले मित्रता राख्नुहुन्छ,
उहाँले तिनीहरूलाई आफ्नो करार बताउनुहुन्छ।
15मेरा आँखाहरू सधैँ याहवेहमा रहन्छन्,
किनकि उहाँले मात्र मेरा खुट्टाहरू पासोबाट छुटाउनुहुनेछ।
16हे याहवेह, मतिर फर्कनुहोस् र ममाथि कृपालु हुनुहोस्,
किनकि म एकलो र पीडित छु।
17मेरा हृदयका कष्टहरू ज्यादै बढेका छन्;
मेरा पीडाहरूबाट मलाई छुटकारा दिनुहोस्।
18मेरा दुःख र मेरा पीडाहरूलाई हेर्नुहोस्,
र मेरा सबै पापहरू क्षमा गरिदिनुहोस्।
19हेर्नुहोस्, मेरा शत्रुहरू कति धेरै भएका छन्,
र कति भयानक रीतिले मलाई तिनीहरू घृणा गर्दछन्।
20मेरो प्राणलाई रक्षा गर्नुहोस् र मेरो उद्धार गर्नुहोस्;
मलाई शर्ममा नपार्नुहोस्,
किनकि म तपाईंमा शरण पर्छु।
21इमानदारीता र धार्मिकताले मेरो रक्षा गरून्,
किनकि मेरो आशा याहवेह तपाईंमा छ।
22हे परमेश्वर, इस्राएललाई तिनीहरूका सबै
कष्टहरूबाट मुक्त गरिदिनुहोस्!
अहिले सेलेक्ट गरिएको:
:
हाइलाइट
शेयर गर्नुहोस्
कपी गर्नुहोस्
तपाईंका हाइलाइटहरू तपाईंका सबै यन्त्रहरूमा सुरक्षित गर्न चाहनुहुन्छ? साइन अप वा साइन इन गर्नुहोस्
पवित्र बाइबल, नेपाली समकालीन संस्करण
प्रतिलिपि अधिकार © 1998, 2006, 2021, 2024 Biblica, Inc.
अनुमतिसहित प्रयोग गरिएको छ।
सम्पूर्ण अधिकार विश्वव्यापी रूपमा सुरक्षित रहनेछ।
Holy Bible, Nepali Contemporary Version
Copyright © 1998, 2006, 2021, 2024 by Biblica, Inc.
Used with permission. All rights reserved worldwide.