Mata 4
4
Mecek te Yesu
(Mar 1.12-13; Luk 4.1-13)
1Ava dəɓa ana, Mesfen Mavəna ka hwadaɗ Yesu pə yaŋ ta səɓak, afa bay ta haalay da cakiya. 2Ava dəɓa ta maŋgə dalyama te Yesu pas kwakwar faɗ va vaɗ kwakwar faɗ sə, may ka kəɗa. 3Nda macaka nda, ka ŋgucafa vaw, ka gwaɗa, gege: «Daha ka Wut ta Zlavay sə, gweɗec kekeŋ hay nesey, ece re tər ke jə ta manday.» 4Yesu ka vahan, gege: «Mavinda dapa Ɗelewer mavəna, gege: “Ndana a njah eve ndey sə, ava jə ta mandə babəla bay, amaa ava ma hay fakwan masa ece dek dapa ma ta Zlavay”.» 5Ara nesey, bay ta haalay ka hwadaɗ a Zeruzelem berne ta Zlavay, ka paɗ a yaŋ ta Way ta kwakwas ana, 6ka gwaɗa, gege: «Daha ka Wut ta Zlavay sə, kezl fana kad fa vara, afa mavinda dapa Ɗelewer mavəna, gege: “Zlav e te vec cəv kad maskəla tata hay, aca ra lacakaa ava ha teceŋ, afa sek takaa da husa fe kekeŋ bay”.» 7Yesu ka vahan, gege: «Mavinda dapa Ɗelewer mavəna, e gweɗ, gege: “Ka ta paɗ Bay Mazlakava, Zlav takaa pe mecek bay”.» 8Bay ta haalay sə, ka hwadaɗ pə yaŋ ta wudam mazambəla ana, ka ŋguzdan wunam ta bay hay ta vavara fakwanay eve mesek teceŋ, 9ka gwaɗa, gege: «Fakwan nesey, ya ta vakaɗay, daha ke ke kekəred fəma taaɗaw ke te hehəmiyey.» 10Yesu ka gwaɗa, gege: «Daɓa Saadan, afa mavinda dapa Ɗelewer mavəna, gege: “Ke te kekəred sə, kad Bay Mazlakava Zlav takaa pal amta, ka ta kəɗana ha sə, kad aŋga, pal aŋga amta”.» 11Ara nesey, bay ta haalay ka gərda, maskəla hay ec ke dekey a cak te Yesu, ac ka ŋgana mezlərey.
Yesu a daɓa kad Gelile
(Mar 1.14-15; Luk 4.14-15)
12Masa Yesu a cəna ac ka kazlaɗ Zaŋ Baatis pa daŋgay sə, ndal a daɓa kad pa vavara te Gelile. 13Ka gərda manjah de Nezeret, ke dey ka ta njah a Kafarnahum, berne masa zef ava təker mazlakava te Gelile, dapa vavara hay ta Zabulaŋw va ta Naftali, 14afa a da ŋgata ara Izay, nda mehwedek ma te gweɗ zleezle, gege:
15Vavara ta Zabulaŋw, vavara ta Naftali,
cəv te medə kad pa yam mafayakfayak ana,
vavara jaka luwa leŋgeɗey ta wayam te Zurdeŋ,
vavara te Gelile masa ndah Zuwef hay bay dapa.
16Ndah masa ac dapa ləvaŋ,
ac ta wala slam mawaɗa mazlakava.
Ta ndah masa ac dapa ləvaŋ ta vavara ta maməcay sə,
slam mawaɗa e te weɗefeceŋ.
17E zler dapa pəsaŋga ana ŋgesey, Yesu ka zlar mabəzad ma, gege: «Maŋgwada rav takwar, afa Meŋgə bay ta Zlav da baymaləvaŋ hay sə, aŋga hukw cay.»
Yesu e zelec ndah masasəraka jene macaaca ana
(Mar 1.16-20; Luk 5.1-11)
18Pas leŋgeɗ ɓa, Yesu a ŋgway da ma te təker mazlakava te Gelile. A wala ndah va malamaŋ ecew ɓa, Simaŋw masa aca zaliya Piyer va Endəre malamaŋ, aca kazl səfa kad pe təker ana, afa ac ndah matəhaza kəlef. 19Ke gweɗec, gege: «Mecəpiyey, ya da tərakwar ka ndah mezelekec ndana hay.» 20Faŋga faŋga ana, ac ka gərda səfa tec hay, ac ka cəpaw. 21Ke də kad fəma saya, ka wala ndah ava malamaŋ hay ecew mekele, Zak va Zaŋ, wudeh te Zebede ac dapa kaslkaslah va Zebede papaŋ teceŋ, ac dapa maləmad səfa tec hay, ke zeleceŋ. 22Faŋga faŋga ana, ac ka gərda kaslkaslah va papaŋ teceŋ, ac ka cəpaw.
Yesu va miya hay
(Mar 1.39; Luk 4.44; 6.17-18)
23Ava dəɓa ana, Yesu ka ŋgway dapa wunam hay fakwanay dapa vavara te Gelile, ke sesərekec ndana hay dapa Way hay ta macə mbahw te Zuwef hay, ka bəzad Labara mambəla ana da yaŋ Meŋgə bay ta Zlavay. Ka mbəl ndana hay dapa mehecey hay fakwanay va mambəl ndah masa gəva ta vaw hay maməca fakwanay deveŋ ndana hay. 24Mezel tata ke cen vəla vəla dapa vavara te Siriya fakwanay. Ara nesey, ac ka hwadana ndah masa mehecey hay mekele mekele ece ŋgedec marga va mehec dapa vaw, ndah masa ac ava damkwaw hay dapa yaŋ, ndah masa ece ɓərezl fa kiya fa kiya va ndah masa gəva ta vaw tec maməca. Ke mbəlec avəda fakwanay. 25Miya hay gaa ac ka cəpaw, ece dek dapa vavara te Gelile va vavara mezel Dikapawl#4.25 Dikapawl a wal wunam mazlakava hay kuraw. dapa vavara te Zeruzelem va te Zudey. Asaya, dapa vavara jaka luwa ta bəlam ta wayam te Zurdeŋ.
अहिले सेलेक्ट गरिएको:
Mata 4: CUVnt
हाइलाइट
शेयर गर्नुहोस्
कपी गर्नुहोस्
तपाईंका हाइलाइटहरू तपाईंका सबै यन्त्रहरूमा सुरक्षित गर्न चाहनुहुन्छ? साइन अप वा साइन इन गर्नुहोस्
© 2022 CABTAL
Mata 4
4
Mecek te Yesu
(Mar 1.12-13; Luk 4.1-13)
1Ava dəɓa ana, Mesfen Mavəna ka hwadaɗ Yesu pə yaŋ ta səɓak, afa bay ta haalay da cakiya. 2Ava dəɓa ta maŋgə dalyama te Yesu pas kwakwar faɗ va vaɗ kwakwar faɗ sə, may ka kəɗa. 3Nda macaka nda, ka ŋgucafa vaw, ka gwaɗa, gege: «Daha ka Wut ta Zlavay sə, gweɗec kekeŋ hay nesey, ece re tər ke jə ta manday.» 4Yesu ka vahan, gege: «Mavinda dapa Ɗelewer mavəna, gege: “Ndana a njah eve ndey sə, ava jə ta mandə babəla bay, amaa ava ma hay fakwan masa ece dek dapa ma ta Zlavay”.» 5Ara nesey, bay ta haalay ka hwadaɗ a Zeruzelem berne ta Zlavay, ka paɗ a yaŋ ta Way ta kwakwas ana, 6ka gwaɗa, gege: «Daha ka Wut ta Zlavay sə, kezl fana kad fa vara, afa mavinda dapa Ɗelewer mavəna, gege: “Zlav e te vec cəv kad maskəla tata hay, aca ra lacakaa ava ha teceŋ, afa sek takaa da husa fe kekeŋ bay”.» 7Yesu ka vahan, gege: «Mavinda dapa Ɗelewer mavəna, e gweɗ, gege: “Ka ta paɗ Bay Mazlakava, Zlav takaa pe mecek bay”.» 8Bay ta haalay sə, ka hwadaɗ pə yaŋ ta wudam mazambəla ana, ka ŋguzdan wunam ta bay hay ta vavara fakwanay eve mesek teceŋ, 9ka gwaɗa, gege: «Fakwan nesey, ya ta vakaɗay, daha ke ke kekəred fəma taaɗaw ke te hehəmiyey.» 10Yesu ka gwaɗa, gege: «Daɓa Saadan, afa mavinda dapa Ɗelewer mavəna, gege: “Ke te kekəred sə, kad Bay Mazlakava Zlav takaa pal amta, ka ta kəɗana ha sə, kad aŋga, pal aŋga amta”.» 11Ara nesey, bay ta haalay ka gərda, maskəla hay ec ke dekey a cak te Yesu, ac ka ŋgana mezlərey.
Yesu a daɓa kad Gelile
(Mar 1.14-15; Luk 4.14-15)
12Masa Yesu a cəna ac ka kazlaɗ Zaŋ Baatis pa daŋgay sə, ndal a daɓa kad pa vavara te Gelile. 13Ka gərda manjah de Nezeret, ke dey ka ta njah a Kafarnahum, berne masa zef ava təker mazlakava te Gelile, dapa vavara hay ta Zabulaŋw va ta Naftali, 14afa a da ŋgata ara Izay, nda mehwedek ma te gweɗ zleezle, gege:
15Vavara ta Zabulaŋw, vavara ta Naftali,
cəv te medə kad pa yam mafayakfayak ana,
vavara jaka luwa leŋgeɗey ta wayam te Zurdeŋ,
vavara te Gelile masa ndah Zuwef hay bay dapa.
16Ndah masa ac dapa ləvaŋ,
ac ta wala slam mawaɗa mazlakava.
Ta ndah masa ac dapa ləvaŋ ta vavara ta maməcay sə,
slam mawaɗa e te weɗefeceŋ.
17E zler dapa pəsaŋga ana ŋgesey, Yesu ka zlar mabəzad ma, gege: «Maŋgwada rav takwar, afa Meŋgə bay ta Zlav da baymaləvaŋ hay sə, aŋga hukw cay.»
Yesu e zelec ndah masasəraka jene macaaca ana
(Mar 1.16-20; Luk 5.1-11)
18Pas leŋgeɗ ɓa, Yesu a ŋgway da ma te təker mazlakava te Gelile. A wala ndah va malamaŋ ecew ɓa, Simaŋw masa aca zaliya Piyer va Endəre malamaŋ, aca kazl səfa kad pe təker ana, afa ac ndah matəhaza kəlef. 19Ke gweɗec, gege: «Mecəpiyey, ya da tərakwar ka ndah mezelekec ndana hay.» 20Faŋga faŋga ana, ac ka gərda səfa tec hay, ac ka cəpaw. 21Ke də kad fəma saya, ka wala ndah ava malamaŋ hay ecew mekele, Zak va Zaŋ, wudeh te Zebede ac dapa kaslkaslah va Zebede papaŋ teceŋ, ac dapa maləmad səfa tec hay, ke zeleceŋ. 22Faŋga faŋga ana, ac ka gərda kaslkaslah va papaŋ teceŋ, ac ka cəpaw.
Yesu va miya hay
(Mar 1.39; Luk 4.44; 6.17-18)
23Ava dəɓa ana, Yesu ka ŋgway dapa wunam hay fakwanay dapa vavara te Gelile, ke sesərekec ndana hay dapa Way hay ta macə mbahw te Zuwef hay, ka bəzad Labara mambəla ana da yaŋ Meŋgə bay ta Zlavay. Ka mbəl ndana hay dapa mehecey hay fakwanay va mambəl ndah masa gəva ta vaw hay maməca fakwanay deveŋ ndana hay. 24Mezel tata ke cen vəla vəla dapa vavara te Siriya fakwanay. Ara nesey, ac ka hwadana ndah masa mehecey hay mekele mekele ece ŋgedec marga va mehec dapa vaw, ndah masa ac ava damkwaw hay dapa yaŋ, ndah masa ece ɓərezl fa kiya fa kiya va ndah masa gəva ta vaw tec maməca. Ke mbəlec avəda fakwanay. 25Miya hay gaa ac ka cəpaw, ece dek dapa vavara te Gelile va vavara mezel Dikapawl#4.25 Dikapawl a wal wunam mazlakava hay kuraw. dapa vavara te Zeruzelem va te Zudey. Asaya, dapa vavara jaka luwa ta bəlam ta wayam te Zurdeŋ.
अहिले सेलेक्ट गरिएको:
:
हाइलाइट
शेयर गर्नुहोस्
कपी गर्नुहोस्
तपाईंका हाइलाइटहरू तपाईंका सबै यन्त्रहरूमा सुरक्षित गर्न चाहनुहुन्छ? साइन अप वा साइन इन गर्नुहोस्
© 2022 CABTAL