Markut 3
3
Yesu a̱ creng a̱ntyok a̱ta̱kwu mbvak
(Matta 12:9-14; Luka 6:6-11)
1Yesu a̱ bo brek a̱ nat i bat a̱duwa, a̱ si shya a̱ntyok a̱ta̱kwu mbvak. 2Ba̱yanyet a̱ sseng ka̱ yemi a̱ tot kyang a ba nin pyyem Yesu ni. Ba nwa ku cam ba̱ gbigbok a̱ ryi ka̱ ni creng a̱yin a̱ywu i nom pfwi a. 3Yesu a̱ hywa di a̱ntyok nhywu bvak u, “Wruk ba a̱za̱ kpai.” 4Wwon a̱ si brak a̱ zzim ba̱nyet ba a̱ hywa, “A̱nzan Ba̱ryat Ka̱za ba ba za shim mi zi yya i nom pfwi a? Ba jyi, ki ba byyan? Ba san sucet, ki ba hywat sucet?” Ba̱nyet ba a̱ krang kyang ba.
5Rya Yesu i byyan ka̱ram ka na̱n brak a̱ cyang ba̱nyet ba ba sseng ni, ma brak na̱ hok dizot mba rot ba byyi ryihywat di ba bvwo yya tsatsak nkyang ba. Yesu a̱ brek a̱ bu cyang a̱ntyok bvak u, a̱ hywa da̱ nu, “Neyak bvak nwan na.” A̱ntyok a̱ywu a̱ neyak bvak a. Bvak a creng i brek bu tyyi ba̱ cicrak. 6Ba̱nyet Farisa na i wruk i bat a̱duwa na ba ahwa a̱ si mon bu ba̱nyet ba a̱ yet na̱won pfong Hirudut a ni; a̱ nwa a̱huhwa ka̱sak ka ba nin yya a̱ hywat Yesu ni.
Ba̱nyet a̱ tung ba̱gingang beyang kei
7Yesu a̱ drok bu na̱won pfong nu na ba nat a̱mbeyang kei Galili ti. Ba̱nyet ba̱gingang a̱ nyyai na̱bvwa ba̱gingang i ka̱byen Galili ka a̱ ku tssup. Ba̱yanyet a̱ nyyai Yahudiya; 8ba̱yanyet nyyai Urushalima bu ka̱byen Idumiya. Ba̱yanyet a̱ byyek nyyai a ma̱nyyi Urdun. Ba̱yanyet ma a̱ ba nyyai Sur bu Saida. Ba̱nyet ba a̱ titai ryi ba, rot ba ka̱n hok nkhang nkyang a na̱ na yya ni. 9Ka̱sak ka ba̱nyet ba ban tung ba̱gingang ni, ba ku hweyak. Rot a̱mi na̱ tyyi na̱won pfong nu na a̱ ku cat a̱kpongo na̱ nwa a̱n swrang. 10Ka̱sak ka na̱ ka̱n creng ba̱nyet ba̱gingang i, ba̱nyet ba a̱ shyi bu nhywu ni a̱ nwa hwam a̱ bai da̱ nu a̱ ga bu ku byram. 11Ba̱nyet byyi a̱ka̱tuk tswa ma ki ba ku ryi ba myyi ka̱byen a̱ tyei nkun, a̱ yya, “Nwan a̱mi yet Ka̱won Ka̱za.”
12Ma Yesu a̱ ba̱ kam a̱ hywa di ba ryok tyyei kyang a na̱ yet i ba.
Yesu a̱ tssa ba̱pfong swak bu ba̱hwa
(Matta 10:1-4; Luka 6:12-16)
13Wwon Yesu a̱ wrak tsok, a̱ yei ba̱nyet ba na̱ cat i, ba nat da̱ nu. 14Ka̱yat mba na̱ bo tssa ba̱nyet swak bu ba̱hwa a̱ ba̱ yei ba̱pfong nu. A̱ hywa da̱ mba, “N ya tssa n sak yi shyi ba̱ nzuk. N ni ya tom yi ma̱ nat si zzek ba̱nyet. 15N ni ya nang cet trung a̱ka̱tuk tswa.”
16A̱yiyrek ba̱nyet a na̱ yin tssa ni na naa ni: Siman -- Yesu a̱ ku tun diyrek ti yaan a̱ yei Bitut. 17Yakubu bu a̱wumba nu, Yohana, ba̱hwai Zabadi -- Yesu a̱ ba̱ yei Buwanarjit, nkpa yet ba̱hwai tssak nza. 18Bu ba̱nyet Andrawut bu Filibut bu Bartalamawat bu Matta bu Toma bu Yakubu, a̱hwai Alfa, bu Tadawat bu Siman nu ban yei a̱ntyok nswam ba̱nyet nu, 19bu Yahuda Iskariyoti, a̱yin nu a̱ yin dyap Yesu ni.
Yesu bu Ba'alzabul (A̱gwam a̱ka̱tuk tswa)
(Matta 12:22-32; Luka 11:14-23; 12:10)
20Na̱ bu tyak ba̱ tssa na a̱ seyak a̱ nwa ka̱ryi ka̱yaan. Ba̱nyet ba a̱ bo tung ba̱gingang, hat Yesu bu na̱won pfong nu na ba shya ka̱ram ya kyangya ba. 21Ba̱wumbeyang nu ba a̱ ba nyyai ka̱ryi, di ba ba cong ba̱ nu, rot ba hok ba ryat da̱ tyong jyik.
22Ba̱malam truwang ba̱yaan a̱ ma̱n ba nyyai Urushalima, a̱ bu hywa, “Ba'alzabul a̱mi a̱ ku nwa. A̱gwam a̱ka̱tuk tswa a̱mi a̱ ku ryi cet na na̱n trung a̱ka̱tuk tswa nu ni.”
23Yesu a̱ yei ba̱nyet ba a̱ hywa da̱ mba a misalai, “Ka̱ta̱nyrang a̱ ni yya ni a̱n tun Ka̱ta̱nyrang? 24Ki ba̱nyet ka̱byen a̱ nwa kwan bu mba-mba, se yi bvwo ba ya wop ka̱ni? 25Ki ba̱nyet ka̱ryi a̱ ma̱ nwa kwan bu mba-mba, yi ryi ka̱ryi ka a̱ ni wop yem mi baa? 26A̱mi kun dyi bu dityok Ka̱ta̱nyrang ti. Ki ba nwa yya di ba̱yaan se ba hwan bi ka̱baram.
27“A̱yin a̱ maai nwa i ka̱ryi a̱ntyok ncet a̱ kok nkyang ba, se a̱ maai yen dop a̱ntyok ka̱ryi nu a̱ rot, a̱ si wa bvwa a̱n kok nkyang a na̱ cat ni.
28“Yi ta̱rwam a̱ra, Ka̱za a̱ ni tssu ba̱nyet kozan a̱ka̱tukyya ba̱ a̱ka̱tuk nkyang u ba ryat i. 29Ma a̱yin nu a̱ hywa a̱ka̱tuk nkyang a̱ mon bu Tswa Ka̱za ni, Ka̱za a̱ ni ta̱ba ku bring ba, rot a̱ byai Ka̱za.” 30Yesu a̱ ryat a̱mi rot a̱ hok ba̱yanyet ba hywa di a̱ shyi ba̱ a̱ka̱tuk tswa.
Ba̱wumbeyang Yesu ba, bu a̱naa nu nu
(Matta 12:46-50; Luka 8:19-21)
31A̱naa Yesu nu bu ba̱wumbeyang Yesu ba a̱ nyyai a̱ ba. A̱ bu sseng a̱ta̱sa a̱ tom ba ku yei. 32Ba̱nyet ba a̱ swat a̱ ku hywot i a̱ hywa da̱ nu, “A̱naa nwan nu bu ba̱wumbeyang nwan a̱ yemi a̱ta̱sa. Nwan ba cat.”
33Yesu a̱ hywa da̱ mba, “A̱nyan a̱ yet a̱naa nzuk u? Ba̱nzan a̱ bo yet ba̱wumbeyang nzuk ba?” 34A̱ brek a̱ bu cyang ba̱nyet ba a̱ swat ba̱ nu ni, a̱ hywa, “Yi dyi a̱naa nzuk u bu ba̱wumbeyang nzuk ba! 35A̱yin nu a̱ yya kyang a Ka̱za ka cat i, nu a̱ yet a̱wumba nzuk, a̱ bo yet a̱naa nzuk.”
अहिले सेलेक्ट गरिएको:
Markut 3: kaj
हाइलाइट
शेयर गर्नुहोस्
कपी गर्नुहोस्
तपाईंका हाइलाइटहरू तपाईंका सबै यन्त्रहरूमा सुरक्षित गर्न चाहनुहुन्छ? साइन अप वा साइन इन गर्नुहोस्
© 2011, Wycliffe Bible Translators, Inc. All rights reserved.
Markut 3
3
Yesu a̱ creng a̱ntyok a̱ta̱kwu mbvak
(Matta 12:9-14; Luka 6:6-11)
1Yesu a̱ bo brek a̱ nat i bat a̱duwa, a̱ si shya a̱ntyok a̱ta̱kwu mbvak. 2Ba̱yanyet a̱ sseng ka̱ yemi a̱ tot kyang a ba nin pyyem Yesu ni. Ba nwa ku cam ba̱ gbigbok a̱ ryi ka̱ ni creng a̱yin a̱ywu i nom pfwi a. 3Yesu a̱ hywa di a̱ntyok nhywu bvak u, “Wruk ba a̱za̱ kpai.” 4Wwon a̱ si brak a̱ zzim ba̱nyet ba a̱ hywa, “A̱nzan Ba̱ryat Ka̱za ba ba za shim mi zi yya i nom pfwi a? Ba jyi, ki ba byyan? Ba san sucet, ki ba hywat sucet?” Ba̱nyet ba a̱ krang kyang ba.
5Rya Yesu i byyan ka̱ram ka na̱n brak a̱ cyang ba̱nyet ba ba sseng ni, ma brak na̱ hok dizot mba rot ba byyi ryihywat di ba bvwo yya tsatsak nkyang ba. Yesu a̱ brek a̱ bu cyang a̱ntyok bvak u, a̱ hywa da̱ nu, “Neyak bvak nwan na.” A̱ntyok a̱ywu a̱ neyak bvak a. Bvak a creng i brek bu tyyi ba̱ cicrak. 6Ba̱nyet Farisa na i wruk i bat a̱duwa na ba ahwa a̱ si mon bu ba̱nyet ba a̱ yet na̱won pfong Hirudut a ni; a̱ nwa a̱huhwa ka̱sak ka ba nin yya a̱ hywat Yesu ni.
Ba̱nyet a̱ tung ba̱gingang beyang kei
7Yesu a̱ drok bu na̱won pfong nu na ba nat a̱mbeyang kei Galili ti. Ba̱nyet ba̱gingang a̱ nyyai na̱bvwa ba̱gingang i ka̱byen Galili ka a̱ ku tssup. Ba̱yanyet a̱ nyyai Yahudiya; 8ba̱yanyet nyyai Urushalima bu ka̱byen Idumiya. Ba̱yanyet a̱ byyek nyyai a ma̱nyyi Urdun. Ba̱yanyet ma a̱ ba nyyai Sur bu Saida. Ba̱nyet ba a̱ titai ryi ba, rot ba ka̱n hok nkhang nkyang a na̱ na yya ni. 9Ka̱sak ka ba̱nyet ba ban tung ba̱gingang ni, ba ku hweyak. Rot a̱mi na̱ tyyi na̱won pfong nu na a̱ ku cat a̱kpongo na̱ nwa a̱n swrang. 10Ka̱sak ka na̱ ka̱n creng ba̱nyet ba̱gingang i, ba̱nyet ba a̱ shyi bu nhywu ni a̱ nwa hwam a̱ bai da̱ nu a̱ ga bu ku byram. 11Ba̱nyet byyi a̱ka̱tuk tswa ma ki ba ku ryi ba myyi ka̱byen a̱ tyei nkun, a̱ yya, “Nwan a̱mi yet Ka̱won Ka̱za.”
12Ma Yesu a̱ ba̱ kam a̱ hywa di ba ryok tyyei kyang a na̱ yet i ba.
Yesu a̱ tssa ba̱pfong swak bu ba̱hwa
(Matta 10:1-4; Luka 6:12-16)
13Wwon Yesu a̱ wrak tsok, a̱ yei ba̱nyet ba na̱ cat i, ba nat da̱ nu. 14Ka̱yat mba na̱ bo tssa ba̱nyet swak bu ba̱hwa a̱ ba̱ yei ba̱pfong nu. A̱ hywa da̱ mba, “N ya tssa n sak yi shyi ba̱ nzuk. N ni ya tom yi ma̱ nat si zzek ba̱nyet. 15N ni ya nang cet trung a̱ka̱tuk tswa.”
16A̱yiyrek ba̱nyet a na̱ yin tssa ni na naa ni: Siman -- Yesu a̱ ku tun diyrek ti yaan a̱ yei Bitut. 17Yakubu bu a̱wumba nu, Yohana, ba̱hwai Zabadi -- Yesu a̱ ba̱ yei Buwanarjit, nkpa yet ba̱hwai tssak nza. 18Bu ba̱nyet Andrawut bu Filibut bu Bartalamawat bu Matta bu Toma bu Yakubu, a̱hwai Alfa, bu Tadawat bu Siman nu ban yei a̱ntyok nswam ba̱nyet nu, 19bu Yahuda Iskariyoti, a̱yin nu a̱ yin dyap Yesu ni.
Yesu bu Ba'alzabul (A̱gwam a̱ka̱tuk tswa)
(Matta 12:22-32; Luka 11:14-23; 12:10)
20Na̱ bu tyak ba̱ tssa na a̱ seyak a̱ nwa ka̱ryi ka̱yaan. Ba̱nyet ba a̱ bo tung ba̱gingang, hat Yesu bu na̱won pfong nu na ba shya ka̱ram ya kyangya ba. 21Ba̱wumbeyang nu ba a̱ ba nyyai ka̱ryi, di ba ba cong ba̱ nu, rot ba hok ba ryat da̱ tyong jyik.
22Ba̱malam truwang ba̱yaan a̱ ma̱n ba nyyai Urushalima, a̱ bu hywa, “Ba'alzabul a̱mi a̱ ku nwa. A̱gwam a̱ka̱tuk tswa a̱mi a̱ ku ryi cet na na̱n trung a̱ka̱tuk tswa nu ni.”
23Yesu a̱ yei ba̱nyet ba a̱ hywa da̱ mba a misalai, “Ka̱ta̱nyrang a̱ ni yya ni a̱n tun Ka̱ta̱nyrang? 24Ki ba̱nyet ka̱byen a̱ nwa kwan bu mba-mba, se yi bvwo ba ya wop ka̱ni? 25Ki ba̱nyet ka̱ryi a̱ ma̱ nwa kwan bu mba-mba, yi ryi ka̱ryi ka a̱ ni wop yem mi baa? 26A̱mi kun dyi bu dityok Ka̱ta̱nyrang ti. Ki ba nwa yya di ba̱yaan se ba hwan bi ka̱baram.
27“A̱yin a̱ maai nwa i ka̱ryi a̱ntyok ncet a̱ kok nkyang ba, se a̱ maai yen dop a̱ntyok ka̱ryi nu a̱ rot, a̱ si wa bvwa a̱n kok nkyang a na̱ cat ni.
28“Yi ta̱rwam a̱ra, Ka̱za a̱ ni tssu ba̱nyet kozan a̱ka̱tukyya ba̱ a̱ka̱tuk nkyang u ba ryat i. 29Ma a̱yin nu a̱ hywa a̱ka̱tuk nkyang a̱ mon bu Tswa Ka̱za ni, Ka̱za a̱ ni ta̱ba ku bring ba, rot a̱ byai Ka̱za.” 30Yesu a̱ ryat a̱mi rot a̱ hok ba̱yanyet ba hywa di a̱ shyi ba̱ a̱ka̱tuk tswa.
Ba̱wumbeyang Yesu ba, bu a̱naa nu nu
(Matta 12:46-50; Luka 8:19-21)
31A̱naa Yesu nu bu ba̱wumbeyang Yesu ba a̱ nyyai a̱ ba. A̱ bu sseng a̱ta̱sa a̱ tom ba ku yei. 32Ba̱nyet ba a̱ swat a̱ ku hywot i a̱ hywa da̱ nu, “A̱naa nwan nu bu ba̱wumbeyang nwan a̱ yemi a̱ta̱sa. Nwan ba cat.”
33Yesu a̱ hywa da̱ mba, “A̱nyan a̱ yet a̱naa nzuk u? Ba̱nzan a̱ bo yet ba̱wumbeyang nzuk ba?” 34A̱ brek a̱ bu cyang ba̱nyet ba a̱ swat ba̱ nu ni, a̱ hywa, “Yi dyi a̱naa nzuk u bu ba̱wumbeyang nzuk ba! 35A̱yin nu a̱ yya kyang a Ka̱za ka cat i, nu a̱ yet a̱wumba nzuk, a̱ bo yet a̱naa nzuk.”
अहिले सेलेक्ट गरिएको:
:
हाइलाइट
शेयर गर्नुहोस्
कपी गर्नुहोस्
तपाईंका हाइलाइटहरू तपाईंका सबै यन्त्रहरूमा सुरक्षित गर्न चाहनुहुन्छ? साइन अप वा साइन इन गर्नुहोस्
© 2011, Wycliffe Bible Translators, Inc. All rights reserved.