Luk 5
5
Jisɔs Abeng Agbɔghamba Asɔgba Ɛyɛ
(Mat 4:18-22; Mak 1:16-20)
1Ofo bibi Jisɔs ayimi ka nkɔ a ɛtɔ Jɛnnɛsarɛt, anɛ agba asibi Jisɔs ayongo atɔng ka nono Ɔsɔwɔ. 2Ayɛ agbaa aba ka nkɔ a ɛtɔ, ya ba ɔsɛrɛ alab atam asighi, ama su atamfok a mbɔ. 3Amanam ka ɔgbaa bibi, bi Simɔn, atɔɛ sa ajara atɛmɛ egbok kɛm. Ka Jisɔs ajɔ nji ka ɔgbaa akpene mbɔ.
4Ngara ya akan na nekpene amanga atɔ Simɔn, “Fii sɔng ka mfo bi alab asɛbɛsɛbɛ, ɛmɛtob atamfok ɛbɔb ɔnya.”
5Simɔn akpɛ, “Ntaa, emene nkora noto tɛtɛ ɛkpara jaji eribɔb. Sɔ ɔmaragna nfɛnɛ tobtob atamfok.”
6Ngara sa ame ne na, abɔb ebe ɔnya alab atamfok mbɔ ajam nɛkɛbbɛ. 7Abeng anɛ a mbɔ ka ɔgbaa biga sa ama tɔb mbɔ, aba ama tɔb mbɔ ayighi ɔnya agbaa ababa ason ka ɛkpɛsɛmɛ.
8Ngara yi Simɔn Fita ayɛ ji ɛmɛwɛmɛ, akɛmɛ agba akɛ Jisɔs aragsi, Ntaa; “Tamsighim si ndifɔ!” 9Fita na anɛ ɛbɛ ɛkpɔ mbɔ biji ka ebe ɔnya alab bi abɔbɔ, 10ɛtamɛkpɔ mbɔ abɔ a Sɛbɛdɛ Jemsi na Jɔn, ba ajɛn na ane ɔsɛrɛalab na Simɔn biji.
Ka Jisɔs atɔ Simɔn, “Ki bɛ ɔbɔn; eyogho ɔjɔ ɔbɔb ɔnya jam munu sɔng isi ɔbagha na anɛ ka nju Ɔsɔwɔ.” 11Simɔn na anɛ ɛbɛ ama tɛmɛ agbaa mbɔ ka egbok, atam mbe mbɔ asighi atɔɔngɔ Jisɔs.
Jisɔs atab nnɛ a Abini
(Mat 8:1-4; Mak 1:40-45)
12Ɛfɔ ngara yi Jisɔs ajɔ ka ɛjɛbɛ jiji, munnu aba ya aya abini. Ngara ya ayɛ Jisɔs akɛmɛ agba ajɛbɛ isi ka nsisi agɔrɛ, “Ntaa, ɛkɔrana, ne mmɛ mfɔ.”
13Jisɔs atinni ɔbɔ akono munnu yɔ. “Ɛkɔrɔmkɔr,” arag. “Mma tab.” Naosunosu abini akan.
14Ka Jisɔs atɔɛ, “Ki tɔ nnɛ wawi, sɔng, tɔngɔ Njɔ Ɔsɔwɔ nana kɛ mbe bi bi Mosis aragsi ɛkɛ ɔmannatam ɔya abini, sa ejonagam akɛ mbɔ.”
15Ka oteb ateb Jisɔs ɛjɛn ɛkɔnɔ, ebe anɛ aba ama yog sa akpene na anɛ ba ayaya sɔng anɔb. 16Ka Jisɔs akɛnnɛ nomogho ka akpeghe ya anɛ arijɔ ama kag njɔ.
Jisɔs Atab Nnɛ ya Akpɔ Ɛja
(Mat 9:1-8; Mak 2:1-12)
17Ofo bibi si Jisɔs ajɔ akpene, Bafarisi bantingi na bekpena anɛ ejighi ba aru ka bɛjɛbɛ Galili, Judia na Jɛrusalɛm ajɔ fa. Ka nsam a Ntaa ajɔ nanɛ sa tab anɛ ba aya, 18Abunu bantingi aba na nnɛ ya akpɔ ɛja ka ɛrakpa alɔg si akɔɛ anam ka nju amaboɛ ka ata Jisɔs. 19Ngara si ariyɛ ɛyagha anam nanɛ ateb oson anɛ, ayar ka nobono nju anam ɛbanga ka nobono akɛnnɛ alighi ka ɛrakpa asɛnɛ akag ka ɛbɔngɔ anɛ, ka ata Jisɔs.
20Ngara yi Jisɔs ayɛ ntama mbɔ, arag, “Ntɛ, mmatamnsigha ka abibi afɛ ɛya.”
21Bafarisi na ba ekpena ejighi ajam nakana ka nete mbɔ, “Yɛnnɛ arag na sa are na Ɔsɔwɔ? Ɔsɔwɔ nanting ya atamasighi nnɛ ka abibi afɛ?”
22Jisɔs agbɛrɛgbɛrɛ ji mbɔ ajɔ akana ka abɔmmɔ, “Jɛ ɛsɛrɛ ka ɛkana mbe bifa ka nte ɛyɛrɛ? 23Ɔkana si ere ndɛndɛ: naragha, ‘Mmatamnsigha ka abibi afɛ ɛya,’ sɛ naragha ‘Tam yimi wɔ ɔjɛn?’ 24Nne war ɛgbɛrɛ si Mmɔ a Munnu akpe nɔyɔ ka eying na atamasighi nnɛ ka abibi afɛ.” Atɔ munnu ya akpɔ ɛja, “Mmatɔ, tam yimi, ton ɛrakpa ɛja, kru etek.” 25Naosunosu atam ayimi ka nibri mbɔ, aton ɛrakpa ja anɔngɔ akru etek atighi Ɔsɔwɔ. 26Kpere nnɛ biji ɛkpɔɛ atig Ɔsɔwɔ. Nɔyɔ Ɔsɔwɔ ene mbɔ ɔbɔn ka arag, “Ɛmɛyɛ njɛn ejo ɛnɛji.”
Nebenge Lɛbi
(Mat 9:9-13; Mak 2:13-17)
27Si mbe bi ɛkanna Jisɔs aru amakɔrɔ nkia taksi abengɛ si Lɛbi ajig ka mfo a noto taksi “Tɔɔngɔm,” Jisɔs atɔɛ, 28ka Lɛbi atam kpere ejo asighi atɔngɛ. 29Ka Lɛbi ane eyighi akɛ Jisɔs ka nju ɛyɛ, ka ɛbɔngɔ ba ɛkia taksi na anɛ baga ajɔ fa anɛ na mbɔ. 30Bafarisi na anɛ a mbɔ bekpena ejighi Mosis akpɛn atɔ asɔgba ɛyɛ: “Jɛ ɛsɛrɛ ka ɔnɛghɛ ɔwɔ na ba ɛkia taksi na ba ‘ene abibi afɛ’?”
31Jisɔs akpɛ mbɔ, “Anɛ ba are ka ekoro biji sang ba asɛb ntaba anɛ ka aya, erising anɛ ba aya. 32Ndiba si mandak na anɛ ba afɔfɔ, erising mba si mandak ntɔ ba ene a abibi afɛ ayanga.”
Abɔmmɔ Jisɔs Ateb Ɛjɔ a Njan
(Mat 9:14-17; Mak 2:18-22)
33Anɛ bantingi atɔɛ, “Asɔgba Jɔn ajɔ ajɔ njan akag njɔ kpere ngara, nayɔ ya asɔgba Bafarisi, ka asɔgba ɛya anɛghɛ ka awɔghɔ.”
34Jisɔs akpɛ, “Ɛmama ɛnɔngɔ atɛ a nkɔgha manka ajɔ njan ka ngara si yɛfɔnɔ are na mbɔ? Eˈe! 35Ka ngara aragha bagha ya akɔghɔ mfɔna manka amo nanɛ asighi atɛ bɛ, ka afo ya ajɔ jɔ njan.”
36Jisɔs atuu mbɔ ɛbɛɛ jifa: “Nnɛ wawi arem ya akɛbɛ ɛja mbɔ́ mfɛmfɛ ama jam lagha ka ɛkokono ɛnɛmɛ. Ane nana, ama sagha mbɔ́ a mfɛmfɛ, ɛja mbɔ́ mfɛmfɛ efumum na ɛkokono. 37Nnɛ wawi arem ya ayanga amam a mfɛmfɛ akag ka ekokono ɛba ngu. Ane nana, amam a mfɛmfɛ ane ɛba ngu ata; amam awuru ɛba ngu ɛfɛnɛ ɛsagha. 38Nasang, amam a mfɛmfɛ ayanga akag ka ɛba ngu mfɛmfɛ. 39Ka nnɛ wawi arem ya awɔghɔ akokono amam akpɛsɛb ya mfɛmfɛ, ka arag si, ‘Akokono anɔb aga.’ ”
अहिले सेलेक्ट गरिएको:
Luk 5: NDD Nta
हाइलाइट
शेयर गर्नुहोस्
कपी गर्नुहोस्
तपाईंका हाइलाइटहरू तपाईंका सबै यन्त्रहरूमा सुरक्षित गर्न चाहनुहुन्छ? साइन अप वा साइन इन गर्नुहोस्
©️2022 Luke Initiative for Scripture Translation
Luk 5
5
Jisɔs Abeng Agbɔghamba Asɔgba Ɛyɛ
(Mat 4:18-22; Mak 1:16-20)
1Ofo bibi Jisɔs ayimi ka nkɔ a ɛtɔ Jɛnnɛsarɛt, anɛ agba asibi Jisɔs ayongo atɔng ka nono Ɔsɔwɔ. 2Ayɛ agbaa aba ka nkɔ a ɛtɔ, ya ba ɔsɛrɛ alab atam asighi, ama su atamfok a mbɔ. 3Amanam ka ɔgbaa bibi, bi Simɔn, atɔɛ sa ajara atɛmɛ egbok kɛm. Ka Jisɔs ajɔ nji ka ɔgbaa akpene mbɔ.
4Ngara ya akan na nekpene amanga atɔ Simɔn, “Fii sɔng ka mfo bi alab asɛbɛsɛbɛ, ɛmɛtob atamfok ɛbɔb ɔnya.”
5Simɔn akpɛ, “Ntaa, emene nkora noto tɛtɛ ɛkpara jaji eribɔb. Sɔ ɔmaragna nfɛnɛ tobtob atamfok.”
6Ngara sa ame ne na, abɔb ebe ɔnya alab atamfok mbɔ ajam nɛkɛbbɛ. 7Abeng anɛ a mbɔ ka ɔgbaa biga sa ama tɔb mbɔ, aba ama tɔb mbɔ ayighi ɔnya agbaa ababa ason ka ɛkpɛsɛmɛ.
8Ngara yi Simɔn Fita ayɛ ji ɛmɛwɛmɛ, akɛmɛ agba akɛ Jisɔs aragsi, Ntaa; “Tamsighim si ndifɔ!” 9Fita na anɛ ɛbɛ ɛkpɔ mbɔ biji ka ebe ɔnya alab bi abɔbɔ, 10ɛtamɛkpɔ mbɔ abɔ a Sɛbɛdɛ Jemsi na Jɔn, ba ajɛn na ane ɔsɛrɛalab na Simɔn biji.
Ka Jisɔs atɔ Simɔn, “Ki bɛ ɔbɔn; eyogho ɔjɔ ɔbɔb ɔnya jam munu sɔng isi ɔbagha na anɛ ka nju Ɔsɔwɔ.” 11Simɔn na anɛ ɛbɛ ama tɛmɛ agbaa mbɔ ka egbok, atam mbe mbɔ asighi atɔɔngɔ Jisɔs.
Jisɔs atab nnɛ a Abini
(Mat 8:1-4; Mak 1:40-45)
12Ɛfɔ ngara yi Jisɔs ajɔ ka ɛjɛbɛ jiji, munnu aba ya aya abini. Ngara ya ayɛ Jisɔs akɛmɛ agba ajɛbɛ isi ka nsisi agɔrɛ, “Ntaa, ɛkɔrana, ne mmɛ mfɔ.”
13Jisɔs atinni ɔbɔ akono munnu yɔ. “Ɛkɔrɔmkɔr,” arag. “Mma tab.” Naosunosu abini akan.
14Ka Jisɔs atɔɛ, “Ki tɔ nnɛ wawi, sɔng, tɔngɔ Njɔ Ɔsɔwɔ nana kɛ mbe bi bi Mosis aragsi ɛkɛ ɔmannatam ɔya abini, sa ejonagam akɛ mbɔ.”
15Ka oteb ateb Jisɔs ɛjɛn ɛkɔnɔ, ebe anɛ aba ama yog sa akpene na anɛ ba ayaya sɔng anɔb. 16Ka Jisɔs akɛnnɛ nomogho ka akpeghe ya anɛ arijɔ ama kag njɔ.
Jisɔs Atab Nnɛ ya Akpɔ Ɛja
(Mat 9:1-8; Mak 2:1-12)
17Ofo bibi si Jisɔs ajɔ akpene, Bafarisi bantingi na bekpena anɛ ejighi ba aru ka bɛjɛbɛ Galili, Judia na Jɛrusalɛm ajɔ fa. Ka nsam a Ntaa ajɔ nanɛ sa tab anɛ ba aya, 18Abunu bantingi aba na nnɛ ya akpɔ ɛja ka ɛrakpa alɔg si akɔɛ anam ka nju amaboɛ ka ata Jisɔs. 19Ngara si ariyɛ ɛyagha anam nanɛ ateb oson anɛ, ayar ka nobono nju anam ɛbanga ka nobono akɛnnɛ alighi ka ɛrakpa asɛnɛ akag ka ɛbɔngɔ anɛ, ka ata Jisɔs.
20Ngara yi Jisɔs ayɛ ntama mbɔ, arag, “Ntɛ, mmatamnsigha ka abibi afɛ ɛya.”
21Bafarisi na ba ekpena ejighi ajam nakana ka nete mbɔ, “Yɛnnɛ arag na sa are na Ɔsɔwɔ? Ɔsɔwɔ nanting ya atamasighi nnɛ ka abibi afɛ?”
22Jisɔs agbɛrɛgbɛrɛ ji mbɔ ajɔ akana ka abɔmmɔ, “Jɛ ɛsɛrɛ ka ɛkana mbe bifa ka nte ɛyɛrɛ? 23Ɔkana si ere ndɛndɛ: naragha, ‘Mmatamnsigha ka abibi afɛ ɛya,’ sɛ naragha ‘Tam yimi wɔ ɔjɛn?’ 24Nne war ɛgbɛrɛ si Mmɔ a Munnu akpe nɔyɔ ka eying na atamasighi nnɛ ka abibi afɛ.” Atɔ munnu ya akpɔ ɛja, “Mmatɔ, tam yimi, ton ɛrakpa ɛja, kru etek.” 25Naosunosu atam ayimi ka nibri mbɔ, aton ɛrakpa ja anɔngɔ akru etek atighi Ɔsɔwɔ. 26Kpere nnɛ biji ɛkpɔɛ atig Ɔsɔwɔ. Nɔyɔ Ɔsɔwɔ ene mbɔ ɔbɔn ka arag, “Ɛmɛyɛ njɛn ejo ɛnɛji.”
Nebenge Lɛbi
(Mat 9:9-13; Mak 2:13-17)
27Si mbe bi ɛkanna Jisɔs aru amakɔrɔ nkia taksi abengɛ si Lɛbi ajig ka mfo a noto taksi “Tɔɔngɔm,” Jisɔs atɔɛ, 28ka Lɛbi atam kpere ejo asighi atɔngɛ. 29Ka Lɛbi ane eyighi akɛ Jisɔs ka nju ɛyɛ, ka ɛbɔngɔ ba ɛkia taksi na anɛ baga ajɔ fa anɛ na mbɔ. 30Bafarisi na anɛ a mbɔ bekpena ejighi Mosis akpɛn atɔ asɔgba ɛyɛ: “Jɛ ɛsɛrɛ ka ɔnɛghɛ ɔwɔ na ba ɛkia taksi na ba ‘ene abibi afɛ’?”
31Jisɔs akpɛ mbɔ, “Anɛ ba are ka ekoro biji sang ba asɛb ntaba anɛ ka aya, erising anɛ ba aya. 32Ndiba si mandak na anɛ ba afɔfɔ, erising mba si mandak ntɔ ba ene a abibi afɛ ayanga.”
Abɔmmɔ Jisɔs Ateb Ɛjɔ a Njan
(Mat 9:14-17; Mak 2:18-22)
33Anɛ bantingi atɔɛ, “Asɔgba Jɔn ajɔ ajɔ njan akag njɔ kpere ngara, nayɔ ya asɔgba Bafarisi, ka asɔgba ɛya anɛghɛ ka awɔghɔ.”
34Jisɔs akpɛ, “Ɛmama ɛnɔngɔ atɛ a nkɔgha manka ajɔ njan ka ngara si yɛfɔnɔ are na mbɔ? Eˈe! 35Ka ngara aragha bagha ya akɔghɔ mfɔna manka amo nanɛ asighi atɛ bɛ, ka afo ya ajɔ jɔ njan.”
36Jisɔs atuu mbɔ ɛbɛɛ jifa: “Nnɛ wawi arem ya akɛbɛ ɛja mbɔ́ mfɛmfɛ ama jam lagha ka ɛkokono ɛnɛmɛ. Ane nana, ama sagha mbɔ́ a mfɛmfɛ, ɛja mbɔ́ mfɛmfɛ efumum na ɛkokono. 37Nnɛ wawi arem ya ayanga amam a mfɛmfɛ akag ka ekokono ɛba ngu. Ane nana, amam a mfɛmfɛ ane ɛba ngu ata; amam awuru ɛba ngu ɛfɛnɛ ɛsagha. 38Nasang, amam a mfɛmfɛ ayanga akag ka ɛba ngu mfɛmfɛ. 39Ka nnɛ wawi arem ya awɔghɔ akokono amam akpɛsɛb ya mfɛmfɛ, ka arag si, ‘Akokono anɔb aga.’ ”
अहिले सेलेक्ट गरिएको:
:
हाइलाइट
शेयर गर्नुहोस्
कपी गर्नुहोस्
तपाईंका हाइलाइटहरू तपाईंका सबै यन्त्रहरूमा सुरक्षित गर्न चाहनुहुन्छ? साइन अप वा साइन इन गर्नुहोस्
©️2022 Luke Initiative for Scripture Translation