Yohannis 5
5
Raalle yekke Sambat urusnan
1Taymik sarrah, wuli Yahuud cid yineyaako Yeesus agana Yerusaalem fanah yewce.
2Kado Yerusaalemille wuli Ciidot carafalle, Cibriyah Beet-sayda akko yarhxin koona gabala le raa tine. 3Amalle lel mango laxuttem: inti-malit, tumunkusem kee kaftem yinin, [laye xumuu-tarhxem ilaalak yinin. 4Maddari malaykatti yinemko guballe oobah laye xumuu-ishak yine. Amaa laye xumuu-terhxemko sarrah yookomeh adde oobinnanti lel aallinnan laxuuko urak yine.] 5Amalle lel soddom kee baxar iggidiya erekte yekke xiyawti yine. 6Yeesus amalle carhah kaa yubleh, amalle lel mece geddaako gab-yerhxeh yinem yeerhege gedda: “Urto fadhdha?” akko yerhxe. 7Amaa laxuuteena kin xiyawti lel: “Maddara, ta laye hel hel-tarhxe gedda raadde yi oobisha tiya maliyo, anu amiitendah lel aketti yaakumeh yok ooba” yerhxeh alle deheye. 8Yeesus: “Ugut, ishi barella uttuqhucaaki, gerh” akko yerhxe. 9Akkanih lel amaa xiyawti ureh, ishi barella yuttuqhuceyaako gerhe.
Kado amaa maaxi Sambat kuuk yine. 10Amaymih Yahuud amaa ureh yine xiyawtok: “Kaafi Sambat kinni. Ishi barella tayqaco lel arax maki.” 11Usuk laakin: “Amaa yi uruse, too xiyawti: ‘Ishi barella tuttuqhuceyaako, gerh’ yok yerhxe” akko yerhxe. 12Usun lel: “Awlih xiyawto kinni: ‘Ishi barella uttuqhucaaki, gerh’ kok yerhxeti?” yerhxiinih kaa esseren. 13Amaa ure xiyawti, amaa caralle mango xiyaw tineyaako, Yeesus caazal gaax-yerhxeh yinemhi sabbatah, miyatto kuuk yinem maarhago. 14Sarrah Yeesus maqhdas caredde kaa geyeyaako: “Table, urte. Tayimko umam kolle takkek lel tayek sarrah zambe lem maabin” akko yerhxe. 15Amaa xiyawti yedeeyaako kaa urusseh tinem Yeesus kinam Yahuuduh warishe. 16Tayim abak yinem Sambatah kuuk yinemhi sabbatah kinni, Yahuud Yeesus hadanak yiniinim. 17Yeesus laakin: “Yi Abba kado fanah ashtuqhuluk yane, anu lel ashtuqhuluk ane” yerhxeh alle yedebbe.
Yeesus Yallaalih agaaga kinni
18Tayim kinni lel ziyaada Yahuud Yeesus akah yagdafoona farhak yiniinim, amayim lel Sambat yigdilemhi sabbatah bisa makiiki, Yallak yi Abba kinni yerhxeh, Yallaalih ishe agaagishemhi sabbatah kuuk yine.
Barhi reeza
19Yeesus: “Rummah, rummah sinak arhxiyuk ane, Barhi ishi amooko inkim abo mirhiica, laakin Abba abam yable. Abba abinnannim, Barhi yakkeedo aba. 20Amayim lel Abba Barha kixinamhi sabbatah isheh abak anniinnannim kaa yaybulluwe. Atin tassaxattatoona ciloh lel tayimko naba ciyyo kaa yayballaw kinni. 21Abba rabontit ugusah aniina akah yaxayemhi sabbatah, Barhi gantah isheh farhe tiyah aniina yaxaye. 22Abba walaa inketta yafrado maki, laakin firde inkoh Barhah yoxoyeh yane. 23Amayim lel tamaa Abba akah xishmataanaakah umman tiyak Barha xishmatoona ciloh kinni. Barha xishmatinnixeti, kayya dhirhiye Abba gantah mixishmata. 24Rummah, rummah sinak arhxiyuk ane, Yi waanitta yaabbeh yotta dhirhiye tiyah yaamineti, umman geedit aniina le. Usuk rabaako aniinalle tillaabo kibah, qitscat firdelle miyamiite.
25Rummah, rummah sinak arhxiyuk ane, rabe mari Yallih Barhih dhaw adde yaabbin saaca amiituk tane, kado lel talle tane. Tamaa yaabbe mari lel maroona kinon. 26Abba aniina ishedde lemhi sabbatah, Barhi gantah aniina ishedde yaallo akah yoxoyeh yane. 27Usuk Xiyawti Barha kinamhi sabbatah, firde abo reeza akah yoxoyeh yane. 28-29Inkoh qabredde tanem kaa dhaw yaabbiinih adde yawcin saaca amiituk tanek tayim cibra sinah akke waytoo. Tamaa mecem abe mari lel aniinalle ugutoona kinon, tamaa umaani abe mari lel qitscat firdelle ugutoona kinon.
Yeesus shohoda
30Anu inni amooko inkim abo mirhiica. Akah aabbeekah afride, yi firdi lel xaqqe kinni. Amayim lel innim makiiki, tamaa yotta fareh yane tiyahi farhi wagiyamhi sabbatah kinni. 31Anu ulah inni nabsih shaahid ekkemko, yi shahaada rumma maki. 32Yi sabbatah yashhide aketti yane, usuk yi sabbatah aba shahaada lel rumma kinam aarhige. 33Atin Yohannis fanah ten farten, usuk lel rummah yishhide. 34Tayim atin gargeerimtoona ciloh arhxiyuk anenkah, anu xiyaw shahaada yi mifarhshishsha. 35Usuk bololah ifisha ifotta kuuk yine. Atin lel dago gedih kaa ifolle xedentoona fadhdheenih tinin. 36Ta abak aniyo ciyyo, Abba abaysho ciloh yoh yoxoyemhi sabbatah yi shahaada tamaa Yohannistiyaako naba. Ta ciyyo isheh Abba yi fareh yanemih shaahid kinni. 37Amaa yi fareh yane Abba gantah isheh yi shaahid kinni. Kaa dhaw caduruh mabbitiini. Kaa gina caduruh maballitiini. 38Usuk fareh yanetiyah maamanitiinimhi sabbatah, kaa waanitta sinadde sigtaya malitiini. 39Umman geedit aniina adde geytan sinne takkaliinimhi sabbatah Kutuub goronishshan; yottah tashhidem lel tena kinni. 40Yakko kibah aniina taalloona ciloh yottalle mitamiitiini. 41Anu xiyawko nabne mikabbaata. 42Laakin Yallih kaxani sinadde miyanem aarhige. 43Anu yi Abbah migacalle emeeteh aniyo, atin lel yi mikabbattaana. Aketti ishi migacalle yemeetemko kaa kabbattoona kitin. 44Atin sinne-sinneeko nabne kabbattaanah, tamaa inki Yallaako geytimta nabne wagiinnixe marak aaginah taamanoona kitiini? 45Anu Abballe sin aksaso liyom makkalina, sin yaksiseti yane, amaati tamaa atin cag adde litin Moosa kinni. 46Moosa teemeniinih tiniinih takkindo, usuk yi zacabah yuktubemhi sabbatah, yottah aamine dhadhdhen. 47Kaa kataaba aamine wayteenik sarrah, yi waani aaginah taaminiini?” akko yerhxe.
अहिले सेलेक्ट गरिएको:
Yohannis 5: SCC
हाइलाइट
शेयर गर्नुहोस्
कपी गर्नुहोस्
तपाईंका हाइलाइटहरू तपाईंका सबै यन्त्रहरूमा सुरक्षित गर्न चाहनुहुन्छ? साइन अप वा साइन इन गर्नुहोस्
©2024 Wycliffe Ethiopia
Yohannis 5
5
Raalle yekke Sambat urusnan
1Taymik sarrah, wuli Yahuud cid yineyaako Yeesus agana Yerusaalem fanah yewce.
2Kado Yerusaalemille wuli Ciidot carafalle, Cibriyah Beet-sayda akko yarhxin koona gabala le raa tine. 3Amalle lel mango laxuttem: inti-malit, tumunkusem kee kaftem yinin, [laye xumuu-tarhxem ilaalak yinin. 4Maddari malaykatti yinemko guballe oobah laye xumuu-ishak yine. Amaa laye xumuu-terhxemko sarrah yookomeh adde oobinnanti lel aallinnan laxuuko urak yine.] 5Amalle lel soddom kee baxar iggidiya erekte yekke xiyawti yine. 6Yeesus amalle carhah kaa yubleh, amalle lel mece geddaako gab-yerhxeh yinem yeerhege gedda: “Urto fadhdha?” akko yerhxe. 7Amaa laxuuteena kin xiyawti lel: “Maddara, ta laye hel hel-tarhxe gedda raadde yi oobisha tiya maliyo, anu amiitendah lel aketti yaakumeh yok ooba” yerhxeh alle deheye. 8Yeesus: “Ugut, ishi barella uttuqhucaaki, gerh” akko yerhxe. 9Akkanih lel amaa xiyawti ureh, ishi barella yuttuqhuceyaako gerhe.
Kado amaa maaxi Sambat kuuk yine. 10Amaymih Yahuud amaa ureh yine xiyawtok: “Kaafi Sambat kinni. Ishi barella tayqaco lel arax maki.” 11Usuk laakin: “Amaa yi uruse, too xiyawti: ‘Ishi barella tuttuqhuceyaako, gerh’ yok yerhxe” akko yerhxe. 12Usun lel: “Awlih xiyawto kinni: ‘Ishi barella uttuqhucaaki, gerh’ kok yerhxeti?” yerhxiinih kaa esseren. 13Amaa ure xiyawti, amaa caralle mango xiyaw tineyaako, Yeesus caazal gaax-yerhxeh yinemhi sabbatah, miyatto kuuk yinem maarhago. 14Sarrah Yeesus maqhdas caredde kaa geyeyaako: “Table, urte. Tayimko umam kolle takkek lel tayek sarrah zambe lem maabin” akko yerhxe. 15Amaa xiyawti yedeeyaako kaa urusseh tinem Yeesus kinam Yahuuduh warishe. 16Tayim abak yinem Sambatah kuuk yinemhi sabbatah kinni, Yahuud Yeesus hadanak yiniinim. 17Yeesus laakin: “Yi Abba kado fanah ashtuqhuluk yane, anu lel ashtuqhuluk ane” yerhxeh alle yedebbe.
Yeesus Yallaalih agaaga kinni
18Tayim kinni lel ziyaada Yahuud Yeesus akah yagdafoona farhak yiniinim, amayim lel Sambat yigdilemhi sabbatah bisa makiiki, Yallak yi Abba kinni yerhxeh, Yallaalih ishe agaagishemhi sabbatah kuuk yine.
Barhi reeza
19Yeesus: “Rummah, rummah sinak arhxiyuk ane, Barhi ishi amooko inkim abo mirhiica, laakin Abba abam yable. Abba abinnannim, Barhi yakkeedo aba. 20Amayim lel Abba Barha kixinamhi sabbatah isheh abak anniinnannim kaa yaybulluwe. Atin tassaxattatoona ciloh lel tayimko naba ciyyo kaa yayballaw kinni. 21Abba rabontit ugusah aniina akah yaxayemhi sabbatah, Barhi gantah isheh farhe tiyah aniina yaxaye. 22Abba walaa inketta yafrado maki, laakin firde inkoh Barhah yoxoyeh yane. 23Amayim lel tamaa Abba akah xishmataanaakah umman tiyak Barha xishmatoona ciloh kinni. Barha xishmatinnixeti, kayya dhirhiye Abba gantah mixishmata. 24Rummah, rummah sinak arhxiyuk ane, Yi waanitta yaabbeh yotta dhirhiye tiyah yaamineti, umman geedit aniina le. Usuk rabaako aniinalle tillaabo kibah, qitscat firdelle miyamiite.
25Rummah, rummah sinak arhxiyuk ane, rabe mari Yallih Barhih dhaw adde yaabbin saaca amiituk tane, kado lel talle tane. Tamaa yaabbe mari lel maroona kinon. 26Abba aniina ishedde lemhi sabbatah, Barhi gantah aniina ishedde yaallo akah yoxoyeh yane. 27Usuk Xiyawti Barha kinamhi sabbatah, firde abo reeza akah yoxoyeh yane. 28-29Inkoh qabredde tanem kaa dhaw yaabbiinih adde yawcin saaca amiituk tanek tayim cibra sinah akke waytoo. Tamaa mecem abe mari lel aniinalle ugutoona kinon, tamaa umaani abe mari lel qitscat firdelle ugutoona kinon.
Yeesus shohoda
30Anu inni amooko inkim abo mirhiica. Akah aabbeekah afride, yi firdi lel xaqqe kinni. Amayim lel innim makiiki, tamaa yotta fareh yane tiyahi farhi wagiyamhi sabbatah kinni. 31Anu ulah inni nabsih shaahid ekkemko, yi shahaada rumma maki. 32Yi sabbatah yashhide aketti yane, usuk yi sabbatah aba shahaada lel rumma kinam aarhige. 33Atin Yohannis fanah ten farten, usuk lel rummah yishhide. 34Tayim atin gargeerimtoona ciloh arhxiyuk anenkah, anu xiyaw shahaada yi mifarhshishsha. 35Usuk bololah ifisha ifotta kuuk yine. Atin lel dago gedih kaa ifolle xedentoona fadhdheenih tinin. 36Ta abak aniyo ciyyo, Abba abaysho ciloh yoh yoxoyemhi sabbatah yi shahaada tamaa Yohannistiyaako naba. Ta ciyyo isheh Abba yi fareh yanemih shaahid kinni. 37Amaa yi fareh yane Abba gantah isheh yi shaahid kinni. Kaa dhaw caduruh mabbitiini. Kaa gina caduruh maballitiini. 38Usuk fareh yanetiyah maamanitiinimhi sabbatah, kaa waanitta sinadde sigtaya malitiini. 39Umman geedit aniina adde geytan sinne takkaliinimhi sabbatah Kutuub goronishshan; yottah tashhidem lel tena kinni. 40Yakko kibah aniina taalloona ciloh yottalle mitamiitiini. 41Anu xiyawko nabne mikabbaata. 42Laakin Yallih kaxani sinadde miyanem aarhige. 43Anu yi Abbah migacalle emeeteh aniyo, atin lel yi mikabbattaana. Aketti ishi migacalle yemeetemko kaa kabbattoona kitin. 44Atin sinne-sinneeko nabne kabbattaanah, tamaa inki Yallaako geytimta nabne wagiinnixe marak aaginah taamanoona kitiini? 45Anu Abballe sin aksaso liyom makkalina, sin yaksiseti yane, amaati tamaa atin cag adde litin Moosa kinni. 46Moosa teemeniinih tiniinih takkindo, usuk yi zacabah yuktubemhi sabbatah, yottah aamine dhadhdhen. 47Kaa kataaba aamine wayteenik sarrah, yi waani aaginah taaminiini?” akko yerhxe.
अहिले सेलेक्ट गरिएको:
:
हाइलाइट
शेयर गर्नुहोस्
कपी गर्नुहोस्
तपाईंका हाइलाइटहरू तपाईंका सबै यन्त्रहरूमा सुरक्षित गर्न चाहनुहुन्छ? साइन अप वा साइन इन गर्नुहोस्
©2024 Wycliffe Ethiopia