Matayo 9
9
Yesu álamya emundu ola urémere
(Mar 2:1-12; Luk 5:17-26)
1Era nyuma se'bi, Yesu era kwérukira mwa bwato. Ábere era àhabukaa enyanja, era kuhuba mwa musi ola ákuliraa'mo. 2Bandu bauma bera kumuretera mundu ola wábaa urémere. Oyu mundu, ábaa àonjire kwa chipoyo. Mango Yesu álolaa kwa bwemeresi bwa'bu bandu, era kwire ábura ola wábaa urémere mbu: «E mwana wanyi! Usésaa emuchima! Ebibi byao byàbabalirwe.»
3Mwo'lu, bauma mwa bakangirisi be'Mwaso* bera kutangirisa báchitetembya mbu: «Ebasa! Ono mundu énjire ákamba Ongo!»
4Si Yesu bushi ábaa àmenyire emianyisa yabo, era kubabusa mbu: «Ewashe! Chi chátuma mwáanyisa bulio bacha mwa michima yenyu? 5Rero, munyiburaa! Chiye chi chìbofuire kuteta: eri ekubura emundu mbu: ‹Ebibi byao byàbabalirwe› nesi ekumubura mbu: ‹Èmangaa uénde?› 6Náhonda muményerere kubuya-buya kwa nyi Mwana we'Mundu nyéte ebuashi bwe'kubabalira ebibi bye'bandu muno butala.»
Chasinda, Yesu era kubura echi chirema mbu: «Kuno namurenge! Èmangaa, utóle ne'chipoyo chao, ùchiendere kwa wao.» 7Oyu mundu, era kwîmanga na áchêndera kwa wai.
8Mango ebandu bálolaa bacha, bera kwôbaa busese. Chasinda, bera kutangirisa bátonga Ongo iwêresaa ebandu ebuashi bwa bulí ngo'bu.
Yesu âmaala Matayo
(Mar 2:13-17; Luk 5:27-32)
9Mango Yesu ábaa era àtengaa aola, era kubuana mufuchisi muuma wa mbarata mbu i'Matayo. Oyu Matayo, ábaa ékese mwa nyumba yai ye'kufuchisisa mwe'mbarata. Yesu era kumubura mbu: «Matayo! Nyíkulikiraa!» Unao-unao, era kwîmanga kuna kumukulikira.
10Chasinda, Yesu era kuya kulya mwa mwa Matayo. Mwe'i nyumba, mwera kwêngirira bafuchisi banene ba mbarata, na banji bakosi ba mabi. Abu boshi, bera kulya ala'uma na Yesu ne'banafunzi* bai. 11Mango eBafarisayo* bálolaa bacha, bera kubura ebanafunzi* bai mbu: «Chi chátuma emukangirisi wenyu álya ala'uma ne'bafuchisi be'mbarata, ne'banji bakosi be'mabi?» 12Yesu ômvire bacha, era kubabura mbu: «Ba bàhaalukire atá bu bénde báhonda emuhake, si ebalwala bu bénde bámuhonda! 13Rero, muyáa kuchikangirisa tanga kute mano Maanjiko Mabuya-buya matúla màtechire: ‹Nyono, ndáhonda mbu munyítuliraa mitulo*, si nyisímire múnde mwáfirana ebonjo.›#9:13 Somaa Oseya 6:6. Bushi ndáikaa kwâmaala ba batúla bàtungenene era muhondo sa Ongo, si náikaa bushi ne'bakosi be'mabi.»
Yesu ábusibwa bushi ne'memo ma ménde máirwa busira kulya
(Mar 2:18-22; Luk 5:33-39)
14Lusuku luuma, ebanafunzi* ba Yowani báikiraa Yesu. Bera kumubusa mbu: «eWaliya, tubano ne'Bafarisayo*, twénde twáya mwa memo ma ménde máirwa busira kulya. Rero, chi chénde chátuma ebanafunzi* bao beke bátaira bacha?»
15Yesu nai mbu: «Mango ebandu bénde bálalikibwa kwa buya, kute ku bàngalosa ebusinane, no'ku banáchiri ala'uma na muya mulume? Si mwa suku sa sěshire, angákulibwa mwa kachi-kachi kabo. Mwe'si suku, mu bangére bénde bêngirira mwa'mu memo.
16«Kutali mundu ola ùngalanjira echiraka chiyayaya kwa chiramba. Akaba àngaira bacha, echi chiraka chánaberenga echi chiramba. Chasinda, echiramba chánatendukala.
17«Kanji bàtabika etifai iyayaya mwa bikunguisa bye'hao se'nyuu.#9:17 Hao se'nyuu: eBayuta béndee bákunganya ehao mwa nyuu. Mwe'si hao, béndee bábika mwe'meshi, emata, etifai, ne'mafuta. Esi hao, mwa kuba sichíri siyayaya séndee sátanukala. Si mwa kuba sera sákunguwa, sánakoota, na bushi no'ku, sìtangachitanukala. Bushi akaba bàngaira bacha, ei tifai mango ingáya, yánaberenga'si na yásheshekala. Ne'si hao nasi, sánakumba. Si etifai iyayaya, yénde yábikibwa mwa hao se'nyuu siyayaya, ebi bibiri bilángibwe kubuya!»
Yesu álamya mukasi ômwola na munyere muuma
(Mar 5:21-43; Luk 8:40-56)
18Mango Yesu ábaa anáchiri áhambala na'bu bandu, kwera kuulukira mukulu-kulu muuma wa Muyuta. Oyu mukulu-kulu era kufukama era muhondo sa Yesu, na ámubura mbu: «eWaliya! Mwali wanyi, era àtowaa emuchima. Si chiro bacha, unáyaa kumuuma'ko, ahúbe muuma-uma.» 19Bushi no'ku, Yesu ne'banafunzi* bai bera kuchiuma bákulikira oyu mukulu-kulu.
20Mwo'lu, mukasi muuma ola wábaa wamála myaka ekumi ne'biri éte bulwala bwa kutengwa ne'mikira, era kubaha katola nyuma àkulikire Yesu. Oyu mukasi, era kuuma kwa musike we'luchimba lwa Yesu, 21bushi ábaa áchitetembya mbu: «Akaba nyìnganauma kwa luchimba lwai oshâo, eri nanálamire.»
22Ábere wa mukasi era àmuuma'ko, unao-unao Yesu kuna kubinduka era nyuma. Ámulolire'ko, era kumubura mbu: «E mwali wanyi, sèsaa emuchima! Ebwemeresi bwao bwàkulamise!» Unao-unao, oyu mukasi kuna kulama.
23Chasinda, Yesu era kuika ala mwo'la mukulu-kulu. Era kubuana'o luamba lwa bandu bàli mwa rungu-rungu, ne'banji bábanda mwa tuperere bêmba enyimbo se'malira. 24Yesu era kubabura mbu: «Muténgaa ano! Ono munyere àtafire, kuonjira ku aonjire!» Abu bandu bômvire bacha, bera kumushekera. 25Ábere ebandu bera bàkulibwaa aola, Yesu era kwire êngirira mwa chumba cho'mwa ndanda. Era kuachirira oyu munyere kwa mino, unao-unao kuna kubatuka.
26Ei myasi, yera kuhandabana mwe'chi chio choshi.
Yesu álamya bauta babiri
27Mango Yesu ábaa era àtengaa aola, bauta babiri bera kumukulikira. Abu bauta, bábaa bámulakangira mbu: «E Mwenyi Tauti!#9:27 Mwenyi Tauti: Lìri liuma mwa masina me'bukulu-kulu bwa Masiya. Utúfiraa ebonjo!»
28Mango Yesu ábaa era engíriraa mwa nyumba, ba bauta bera kumuikira. Era kubabusa mbu: «Ewashe! Echi mwányěma, mùnêmerere kwa nyìgaala kuira'chi?» Nabo mbu: «Nechi Enawetu! Twemérere.»
29Yesu era kubauma kwa meho. Era kubabura mbu: «Kwa bwemeresi bwenyu bùli, ku binábaa.» 30Unao-unao, emeho mabo kuna kusibukala.
Yesu era kubachichika mbu: «Muményaa! Mùtaereresaa mwábura chiro na mundu asibya kwe'ne'myasi!» 31Si beke, bera kuchiuma báenda bábalikisisa ebandu emyasi ya Yesu mwe'chi chio choshi.
Yesu álamya emusuru
32Ábere abu bauta babiri bera bàchiumaa, ebandu bera kuretera Yesu mundu muuma ola wábaa usímbirwe na chihwasi cha busuru. 33Echi chihwasi, unao-unao Yesu era kwâmbula'chi. Oyu mundu kuna kutangirisa áteta.
Ebandu boshi bera kusanwa busese mbu: «Alibwe! Mwe'chine chio choshi che'Baisiraeli, mùtafuraa kulorekana'ko mwasi ola ulí ngo'no chiro na hicha!»
34Si eBafarisayo* beke bera kuteta mbu: «Aaye! Si kwa buashi bwe'mukulu-kulu we'bihwasi ku énjire âmbula'bi!»
Ebakosi bachíri baeke
35Yesu ábaa énjire ásungula mwa misi inenene no'mwa tumbara toshi, áenda ákangirisa ebandu mwa mashenge me'Bayuta. Mwa'mu mashenge, ábaa énjire ábahubanganyisa eMwasi Mubuya-buya we'Bwami bo'kwa nguba. Era kunde álamya na chira malwala mwa kachi-kachi kabo. 36Mango álolaa kwa luamba lwe'bandu, era kubafira bonjo bushi bábaa bálibuka kanji bábaa bàrembire busese. Bábaa bàli nga mbuli sa sitéte mungere.
37Chasinjire, era kubura ebanafunzi* bai mbu: «Emyaka yeríre inene, si ebakosi be'kuishebula bàkeire. 38Bushi no'ku, mwémaa ena emyaka àtume banji bakosi mwe'hwa lyai.»
अहिले सेलेक्ट गरिएको:
Matayo 9: tbt
हाइलाइट
शेयर गर्नुहोस्
कपी गर्नुहोस्
तपाईंका हाइलाइटहरू तपाईंका सबै यन्त्रहरूमा सुरक्षित गर्न चाहनुहुन्छ? साइन अप वा साइन इन गर्नुहोस्
© 2017 Wycliffe Bible Translators, Inc.
Matayo 9
9
Yesu álamya emundu ola urémere
(Mar 2:1-12; Luk 5:17-26)
1Era nyuma se'bi, Yesu era kwérukira mwa bwato. Ábere era àhabukaa enyanja, era kuhuba mwa musi ola ákuliraa'mo. 2Bandu bauma bera kumuretera mundu ola wábaa urémere. Oyu mundu, ábaa àonjire kwa chipoyo. Mango Yesu álolaa kwa bwemeresi bwa'bu bandu, era kwire ábura ola wábaa urémere mbu: «E mwana wanyi! Usésaa emuchima! Ebibi byao byàbabalirwe.»
3Mwo'lu, bauma mwa bakangirisi be'Mwaso* bera kutangirisa báchitetembya mbu: «Ebasa! Ono mundu énjire ákamba Ongo!»
4Si Yesu bushi ábaa àmenyire emianyisa yabo, era kubabusa mbu: «Ewashe! Chi chátuma mwáanyisa bulio bacha mwa michima yenyu? 5Rero, munyiburaa! Chiye chi chìbofuire kuteta: eri ekubura emundu mbu: ‹Ebibi byao byàbabalirwe› nesi ekumubura mbu: ‹Èmangaa uénde?› 6Náhonda muményerere kubuya-buya kwa nyi Mwana we'Mundu nyéte ebuashi bwe'kubabalira ebibi bye'bandu muno butala.»
Chasinda, Yesu era kubura echi chirema mbu: «Kuno namurenge! Èmangaa, utóle ne'chipoyo chao, ùchiendere kwa wao.» 7Oyu mundu, era kwîmanga na áchêndera kwa wai.
8Mango ebandu bálolaa bacha, bera kwôbaa busese. Chasinda, bera kutangirisa bátonga Ongo iwêresaa ebandu ebuashi bwa bulí ngo'bu.
Yesu âmaala Matayo
(Mar 2:13-17; Luk 5:27-32)
9Mango Yesu ábaa era àtengaa aola, era kubuana mufuchisi muuma wa mbarata mbu i'Matayo. Oyu Matayo, ábaa ékese mwa nyumba yai ye'kufuchisisa mwe'mbarata. Yesu era kumubura mbu: «Matayo! Nyíkulikiraa!» Unao-unao, era kwîmanga kuna kumukulikira.
10Chasinda, Yesu era kuya kulya mwa mwa Matayo. Mwe'i nyumba, mwera kwêngirira bafuchisi banene ba mbarata, na banji bakosi ba mabi. Abu boshi, bera kulya ala'uma na Yesu ne'banafunzi* bai. 11Mango eBafarisayo* bálolaa bacha, bera kubura ebanafunzi* bai mbu: «Chi chátuma emukangirisi wenyu álya ala'uma ne'bafuchisi be'mbarata, ne'banji bakosi be'mabi?» 12Yesu ômvire bacha, era kubabura mbu: «Ba bàhaalukire atá bu bénde báhonda emuhake, si ebalwala bu bénde bámuhonda! 13Rero, muyáa kuchikangirisa tanga kute mano Maanjiko Mabuya-buya matúla màtechire: ‹Nyono, ndáhonda mbu munyítuliraa mitulo*, si nyisímire múnde mwáfirana ebonjo.›#9:13 Somaa Oseya 6:6. Bushi ndáikaa kwâmaala ba batúla bàtungenene era muhondo sa Ongo, si náikaa bushi ne'bakosi be'mabi.»
Yesu ábusibwa bushi ne'memo ma ménde máirwa busira kulya
(Mar 2:18-22; Luk 5:33-39)
14Lusuku luuma, ebanafunzi* ba Yowani báikiraa Yesu. Bera kumubusa mbu: «eWaliya, tubano ne'Bafarisayo*, twénde twáya mwa memo ma ménde máirwa busira kulya. Rero, chi chénde chátuma ebanafunzi* bao beke bátaira bacha?»
15Yesu nai mbu: «Mango ebandu bénde bálalikibwa kwa buya, kute ku bàngalosa ebusinane, no'ku banáchiri ala'uma na muya mulume? Si mwa suku sa sěshire, angákulibwa mwa kachi-kachi kabo. Mwe'si suku, mu bangére bénde bêngirira mwa'mu memo.
16«Kutali mundu ola ùngalanjira echiraka chiyayaya kwa chiramba. Akaba àngaira bacha, echi chiraka chánaberenga echi chiramba. Chasinda, echiramba chánatendukala.
17«Kanji bàtabika etifai iyayaya mwa bikunguisa bye'hao se'nyuu.#9:17 Hao se'nyuu: eBayuta béndee bákunganya ehao mwa nyuu. Mwe'si hao, béndee bábika mwe'meshi, emata, etifai, ne'mafuta. Esi hao, mwa kuba sichíri siyayaya séndee sátanukala. Si mwa kuba sera sákunguwa, sánakoota, na bushi no'ku, sìtangachitanukala. Bushi akaba bàngaira bacha, ei tifai mango ingáya, yánaberenga'si na yásheshekala. Ne'si hao nasi, sánakumba. Si etifai iyayaya, yénde yábikibwa mwa hao se'nyuu siyayaya, ebi bibiri bilángibwe kubuya!»
Yesu álamya mukasi ômwola na munyere muuma
(Mar 5:21-43; Luk 8:40-56)
18Mango Yesu ábaa anáchiri áhambala na'bu bandu, kwera kuulukira mukulu-kulu muuma wa Muyuta. Oyu mukulu-kulu era kufukama era muhondo sa Yesu, na ámubura mbu: «eWaliya! Mwali wanyi, era àtowaa emuchima. Si chiro bacha, unáyaa kumuuma'ko, ahúbe muuma-uma.» 19Bushi no'ku, Yesu ne'banafunzi* bai bera kuchiuma bákulikira oyu mukulu-kulu.
20Mwo'lu, mukasi muuma ola wábaa wamála myaka ekumi ne'biri éte bulwala bwa kutengwa ne'mikira, era kubaha katola nyuma àkulikire Yesu. Oyu mukasi, era kuuma kwa musike we'luchimba lwa Yesu, 21bushi ábaa áchitetembya mbu: «Akaba nyìnganauma kwa luchimba lwai oshâo, eri nanálamire.»
22Ábere wa mukasi era àmuuma'ko, unao-unao Yesu kuna kubinduka era nyuma. Ámulolire'ko, era kumubura mbu: «E mwali wanyi, sèsaa emuchima! Ebwemeresi bwao bwàkulamise!» Unao-unao, oyu mukasi kuna kulama.
23Chasinda, Yesu era kuika ala mwo'la mukulu-kulu. Era kubuana'o luamba lwa bandu bàli mwa rungu-rungu, ne'banji bábanda mwa tuperere bêmba enyimbo se'malira. 24Yesu era kubabura mbu: «Muténgaa ano! Ono munyere àtafire, kuonjira ku aonjire!» Abu bandu bômvire bacha, bera kumushekera. 25Ábere ebandu bera bàkulibwaa aola, Yesu era kwire êngirira mwa chumba cho'mwa ndanda. Era kuachirira oyu munyere kwa mino, unao-unao kuna kubatuka.
26Ei myasi, yera kuhandabana mwe'chi chio choshi.
Yesu álamya bauta babiri
27Mango Yesu ábaa era àtengaa aola, bauta babiri bera kumukulikira. Abu bauta, bábaa bámulakangira mbu: «E Mwenyi Tauti!#9:27 Mwenyi Tauti: Lìri liuma mwa masina me'bukulu-kulu bwa Masiya. Utúfiraa ebonjo!»
28Mango Yesu ábaa era engíriraa mwa nyumba, ba bauta bera kumuikira. Era kubabusa mbu: «Ewashe! Echi mwányěma, mùnêmerere kwa nyìgaala kuira'chi?» Nabo mbu: «Nechi Enawetu! Twemérere.»
29Yesu era kubauma kwa meho. Era kubabura mbu: «Kwa bwemeresi bwenyu bùli, ku binábaa.» 30Unao-unao, emeho mabo kuna kusibukala.
Yesu era kubachichika mbu: «Muményaa! Mùtaereresaa mwábura chiro na mundu asibya kwe'ne'myasi!» 31Si beke, bera kuchiuma báenda bábalikisisa ebandu emyasi ya Yesu mwe'chi chio choshi.
Yesu álamya emusuru
32Ábere abu bauta babiri bera bàchiumaa, ebandu bera kuretera Yesu mundu muuma ola wábaa usímbirwe na chihwasi cha busuru. 33Echi chihwasi, unao-unao Yesu era kwâmbula'chi. Oyu mundu kuna kutangirisa áteta.
Ebandu boshi bera kusanwa busese mbu: «Alibwe! Mwe'chine chio choshi che'Baisiraeli, mùtafuraa kulorekana'ko mwasi ola ulí ngo'no chiro na hicha!»
34Si eBafarisayo* beke bera kuteta mbu: «Aaye! Si kwa buashi bwe'mukulu-kulu we'bihwasi ku énjire âmbula'bi!»
Ebakosi bachíri baeke
35Yesu ábaa énjire ásungula mwa misi inenene no'mwa tumbara toshi, áenda ákangirisa ebandu mwa mashenge me'Bayuta. Mwa'mu mashenge, ábaa énjire ábahubanganyisa eMwasi Mubuya-buya we'Bwami bo'kwa nguba. Era kunde álamya na chira malwala mwa kachi-kachi kabo. 36Mango álolaa kwa luamba lwe'bandu, era kubafira bonjo bushi bábaa bálibuka kanji bábaa bàrembire busese. Bábaa bàli nga mbuli sa sitéte mungere.
37Chasinjire, era kubura ebanafunzi* bai mbu: «Emyaka yeríre inene, si ebakosi be'kuishebula bàkeire. 38Bushi no'ku, mwémaa ena emyaka àtume banji bakosi mwe'hwa lyai.»
अहिले सेलेक्ट गरिएको:
:
हाइलाइट
शेयर गर्नुहोस्
कपी गर्नुहोस्
तपाईंका हाइलाइटहरू तपाईंका सबै यन्त्रहरूमा सुरक्षित गर्न चाहनुहुन्छ? साइन अप वा साइन इन गर्नुहोस्
© 2017 Wycliffe Bible Translators, Inc.