Markos 8
8
Pinakan ni Jesus u Áppat a Libu
(Mateo 15:32-39)
1Makalipas u sangan a aldew ay namagipun-ipun a huway u tunay ti kakpal a tolay. Nikuna a awan dán hide ti makan ay dinulaw ni Jesus u disepulus na hide, sakay kinagi na, 2“Mahabagák ti tolayáy hide, tállu dán hide a aldew a kaguman ko sakay awan dán hide ti makan. 3Ni pasoliyán ku bi hide a magaláp ay makay ni manghina hide tu dilan. Dipo te sangan nide a gábwat tu adeyo.”
4Kanya kinagi nu disepulus na hide, “Hádya kitam a mangalap ti ipakan tam nide ti kaparanganáy a lugar?”
5Sakay tinanung hide ni Jesus, “Sangan a mommon i bilon moyay a tinapay?”
Timmábbeg hide, “pitto.”
6Pinaetnod ni Jesus u tolay hide tu kalamonan sakay inalap na u pitto a tinapay. Nagpasalamat siya tu Diyos, káttapos ay tináppeng-táppeng na iye sakay inyatád na tu disepulus na hide para iyatád de tu tolay hide. 7Tehhod be hide a sasangan a bábbadit a ikan. Impasalamat be itod ni Jesus tu Diyos, sakay inyatád na tu disepulus na hide para iyatád de tu tolay hide. 8Nakakan sakay nabássog hide a atanan. Nikuna ipunán de u nabuhay ay nakaputat pa hide ti pitto a lákba. 9U kimman hod ay te áppat a libu. Káttapos ay pinasole dán hide ni Jesus, 10sakay agad siya a simmakay tu abang a kaguman nu disepulus na hide. Sakay immangay hide tu lugar a Dalmanuta.
Nangaged ti Purweba u Pariseo hide
(Mateo 16:1-4)
11Nikuna a nasaneg nu Pariseo hide ti Jesus a dimmemát ay immangay hod hide a nákpagpasuwayan nikuna. Dipo pilitán de siya a mángpeta ti makataka-taka a mangpatunay a pinaangay he siya nu Diyos, dipo gusto de siya a purbaan. 12Nikuna a masaneg na iye ay immangás siya ti madisalad sakay kinagi na, “Bakin wád a magaged ti makataka-taka a bagay i tolayan iye hide? U tatahoden ay awanák ti makataka-taka a bagay a ipeta nikam.” 13Káttapos ay gininanan na hide. Simmakay siya a huway tu abang sakay immahabes ti dibilew.
U Págpaalsa a Gággamitán nu Pariseo hide sakay ti Herodes
(Mateo 16:5-12)
14Nadid ay nalimunan nu disepulus hide ni Jesus a magtawed ti tinapay; eessa la u tawed de a tinapay tu abang. 15Kinagi nide ni Jesus, “Magingat kam tu págpaalsa nu Pariseo hide sakay ti Herodes.”#8:15 Basaán tu Lukas 12:1; Markos 6:14; 12:13. 16Namágguhon u disepulus hide ni Jesus, akala de, kanya na itod a kinagi ay dipo awan hide ti tawed a tinapay.
17Dipo tukoy ni Jesus ni ánya u pamágguhunan de, kanya kinagi na nide, “Bakin pamágguhunan moy a awan kam ti tawed a tinapay? Awan kam pad beman la makaintendi? Maigát pad beman la u isip moy? 18Awan kam beman ti mata? Bakin awan kam maketa? Bakin awan kam makasaneg? Nalimunan moy dán beman 19nikuna a táppeng-táppengan ko u limma a tinapay, para tu limma a libu? Sangan a lakba u subra?”
Timmábbeg hide, “Sapulo ay ti duwwa!”
20“Sakay nikuna táppeng-táppengán ko u pitto a tinapay para tu áppat a libu a tolay, sangan a lákba u nabuhay?” tanung na nide.
“Pitto,” intábbeg de a huway. 21Sakay kinagi na nide, “Awan moy pad beman la naintendiyan u kinagi ko?”
Pinagpiyya ni Jesus u Lállake a Buhák
22Nadid, tu káddemát de ti Betsaida ay te sangan a tolay a nang angay tu kan Jesus ti essa a lállake a buhák, nákkekagbi hide a ni maare ay pagpiyyaán na i lállakeyan itod. 23Kanya kinabitan ni Jesus u buhák a limmuwas tu baryo, káddemát de tu luwas. Linoktaben na u mata nu buhák káttapos ay intupo na u kamát na tu buhák sakay tinanung na, “Tehhod ka dám beman a ketan?”
24Timmangad u lállake sakay kinagi na, “Maketaák dán ti tolay, pero kumán hide a kayo a maglakad.”
25Kanya intupo a huway ni Jesus u kamát na tu mata nu buhák. Ti pagkakataunan iye ay immileng u lállake a huway. Sakay mademlag dán u pangileng na. 26Bagu siya a pinasole ni Jesus ay kinagi na nikuna, “Kad mudán sakay diyan ka dán sumole ti Betsaida.”
U Kinagi ni Pedro Tungkul ni Jesus
(Mateo 16:13-20; Lukas 9:18-21)
27Nadid ay immangay di Jesus tu babaryo ti Cesarea a sakup nu lugar a Filipos. Mentaras maglakad hide ay tinanung na u disepulus na hide, “Ti deyaák kan ayun tu tolay hide?”
28Timmábbeg u disepulus na hide, “U kagi nu agum ay ti Juan a Mágbawtismo ka kan; u kagi be nu agum ay hiko kan ay ti Elias; u kinagi be nu agum ay essa ka kan tu prupeta hide nu Diyos.” 29Tinanung hide ni Jesus, “Ay hikam deyaák tu pangisip moy?”
Timmábbeg ti Pedro, “Hiko ti Cristo.”
30Kinagiyan hide ni Jesus a, “Diyan moy kagiyán maskin ti deya ni ti deyaák.”
U Dipalongo a Pángkagi Tungkul tu Kákkatay sakay kákkabiyag a Huway ni Jesus
(Mateo 16:21-28; Lukas 9:22-27)
31Nadid ay nagsapul a nangaral ti Jesus tu disepulus na hide a siya u, Anak nu Tolay a kailangan a magdanas ti makpal a hirap. Umádden siya nu puno hide nu Judio hide, sakay u puno nu Saserdote hide sakay tu tagapagtoldu hide tu Kautusan. Ipabuno di siya pero tu katállo a aldew ay mabiyag siya a huway. 32Impaliwanag na iye hide a atanan nide. Nikuna a masaneg iye ni Pedro ay inyadeyo na ti Jesus sakay pinagkagiyan. 33Pero immatubang ti Jesus tu disepulus na hide sakay kinagi na ni Pedro, “Umadeyo ka nikán Satanas! U isip mo ay awan ayun tu kaluuben nu Diyos nan ayun tu kaluuban nu tolay.”#8:33 Basaán tu Mateo 4:10.
34Pinaadeni ni Jesus u tolay hide pati u disepulus na hide sakay kinagi na nide, “Ni ti deyaman u masoh a sumunud nikán ay awan na dapat idipalongo u sadile na, sakay nakahanda a maghirap maskin hanggan tu kamatayan sakay sumunud nikán. 35Dipo u maghangad a mángligtas tu biyag na ay mawanan ti biyag; pero u tolay a máng-alay tu biyag na alang-alang nikán sakay tu Maganda a Baheta ay magkahod ti biyag hanggan-hanggan. 36Ánya u pakinabang nu tolay, ni makao naman u atanan a bagay ti munduwáy, pero mepahamak labe u biyag na? 37Ánya beman u mebayad nu tolay para magkahod siya ti biyag a awan ti kahád? 38Ni ikasanikiyák moy sakay ni ikasanike moy be u upos ko tu tolay hide a makasalanan nadid a panahun, sakay ni awan kam tapat tu Diyos ay ikasanike kam be nu Anak nu Tolay káddemát na a tehhod a kapangyariyan a gábwat tu Ama na, kaguman na u anghel hide.”
अहिले सेलेक्ट गरिएको:
Markos 8: MBJC
हाइलाइट
शेयर गर्नुहोस्
कपी गर्नुहोस्
तपाईंका हाइलाइटहरू तपाईंका सबै यन्त्रहरूमा सुरक्षित गर्न चाहनुहुन्छ? साइन अप वा साइन इन गर्नुहोस्
Pahanan Agta New Testament © Philippine Bible Society and Wycliffe Bible Translators, Inc., 2017.
Markos 8
8
Pinakan ni Jesus u Áppat a Libu
(Mateo 15:32-39)
1Makalipas u sangan a aldew ay namagipun-ipun a huway u tunay ti kakpal a tolay. Nikuna a awan dán hide ti makan ay dinulaw ni Jesus u disepulus na hide, sakay kinagi na, 2“Mahabagák ti tolayáy hide, tállu dán hide a aldew a kaguman ko sakay awan dán hide ti makan. 3Ni pasoliyán ku bi hide a magaláp ay makay ni manghina hide tu dilan. Dipo te sangan nide a gábwat tu adeyo.”
4Kanya kinagi nu disepulus na hide, “Hádya kitam a mangalap ti ipakan tam nide ti kaparanganáy a lugar?”
5Sakay tinanung hide ni Jesus, “Sangan a mommon i bilon moyay a tinapay?”
Timmábbeg hide, “pitto.”
6Pinaetnod ni Jesus u tolay hide tu kalamonan sakay inalap na u pitto a tinapay. Nagpasalamat siya tu Diyos, káttapos ay tináppeng-táppeng na iye sakay inyatád na tu disepulus na hide para iyatád de tu tolay hide. 7Tehhod be hide a sasangan a bábbadit a ikan. Impasalamat be itod ni Jesus tu Diyos, sakay inyatád na tu disepulus na hide para iyatád de tu tolay hide. 8Nakakan sakay nabássog hide a atanan. Nikuna ipunán de u nabuhay ay nakaputat pa hide ti pitto a lákba. 9U kimman hod ay te áppat a libu. Káttapos ay pinasole dán hide ni Jesus, 10sakay agad siya a simmakay tu abang a kaguman nu disepulus na hide. Sakay immangay hide tu lugar a Dalmanuta.
Nangaged ti Purweba u Pariseo hide
(Mateo 16:1-4)
11Nikuna a nasaneg nu Pariseo hide ti Jesus a dimmemát ay immangay hod hide a nákpagpasuwayan nikuna. Dipo pilitán de siya a mángpeta ti makataka-taka a mangpatunay a pinaangay he siya nu Diyos, dipo gusto de siya a purbaan. 12Nikuna a masaneg na iye ay immangás siya ti madisalad sakay kinagi na, “Bakin wád a magaged ti makataka-taka a bagay i tolayan iye hide? U tatahoden ay awanák ti makataka-taka a bagay a ipeta nikam.” 13Káttapos ay gininanan na hide. Simmakay siya a huway tu abang sakay immahabes ti dibilew.
U Págpaalsa a Gággamitán nu Pariseo hide sakay ti Herodes
(Mateo 16:5-12)
14Nadid ay nalimunan nu disepulus hide ni Jesus a magtawed ti tinapay; eessa la u tawed de a tinapay tu abang. 15Kinagi nide ni Jesus, “Magingat kam tu págpaalsa nu Pariseo hide sakay ti Herodes.”#8:15 Basaán tu Lukas 12:1; Markos 6:14; 12:13. 16Namágguhon u disepulus hide ni Jesus, akala de, kanya na itod a kinagi ay dipo awan hide ti tawed a tinapay.
17Dipo tukoy ni Jesus ni ánya u pamágguhunan de, kanya kinagi na nide, “Bakin pamágguhunan moy a awan kam ti tawed a tinapay? Awan kam pad beman la makaintendi? Maigát pad beman la u isip moy? 18Awan kam beman ti mata? Bakin awan kam maketa? Bakin awan kam makasaneg? Nalimunan moy dán beman 19nikuna a táppeng-táppengan ko u limma a tinapay, para tu limma a libu? Sangan a lakba u subra?”
Timmábbeg hide, “Sapulo ay ti duwwa!”
20“Sakay nikuna táppeng-táppengán ko u pitto a tinapay para tu áppat a libu a tolay, sangan a lákba u nabuhay?” tanung na nide.
“Pitto,” intábbeg de a huway. 21Sakay kinagi na nide, “Awan moy pad beman la naintendiyan u kinagi ko?”
Pinagpiyya ni Jesus u Lállake a Buhák
22Nadid, tu káddemát de ti Betsaida ay te sangan a tolay a nang angay tu kan Jesus ti essa a lállake a buhák, nákkekagbi hide a ni maare ay pagpiyyaán na i lállakeyan itod. 23Kanya kinabitan ni Jesus u buhák a limmuwas tu baryo, káddemát de tu luwas. Linoktaben na u mata nu buhák káttapos ay intupo na u kamát na tu buhák sakay tinanung na, “Tehhod ka dám beman a ketan?”
24Timmangad u lállake sakay kinagi na, “Maketaák dán ti tolay, pero kumán hide a kayo a maglakad.”
25Kanya intupo a huway ni Jesus u kamát na tu mata nu buhák. Ti pagkakataunan iye ay immileng u lállake a huway. Sakay mademlag dán u pangileng na. 26Bagu siya a pinasole ni Jesus ay kinagi na nikuna, “Kad mudán sakay diyan ka dán sumole ti Betsaida.”
U Kinagi ni Pedro Tungkul ni Jesus
(Mateo 16:13-20; Lukas 9:18-21)
27Nadid ay immangay di Jesus tu babaryo ti Cesarea a sakup nu lugar a Filipos. Mentaras maglakad hide ay tinanung na u disepulus na hide, “Ti deyaák kan ayun tu tolay hide?”
28Timmábbeg u disepulus na hide, “U kagi nu agum ay ti Juan a Mágbawtismo ka kan; u kagi be nu agum ay hiko kan ay ti Elias; u kinagi be nu agum ay essa ka kan tu prupeta hide nu Diyos.” 29Tinanung hide ni Jesus, “Ay hikam deyaák tu pangisip moy?”
Timmábbeg ti Pedro, “Hiko ti Cristo.”
30Kinagiyan hide ni Jesus a, “Diyan moy kagiyán maskin ti deya ni ti deyaák.”
U Dipalongo a Pángkagi Tungkul tu Kákkatay sakay kákkabiyag a Huway ni Jesus
(Mateo 16:21-28; Lukas 9:22-27)
31Nadid ay nagsapul a nangaral ti Jesus tu disepulus na hide a siya u, Anak nu Tolay a kailangan a magdanas ti makpal a hirap. Umádden siya nu puno hide nu Judio hide, sakay u puno nu Saserdote hide sakay tu tagapagtoldu hide tu Kautusan. Ipabuno di siya pero tu katállo a aldew ay mabiyag siya a huway. 32Impaliwanag na iye hide a atanan nide. Nikuna a masaneg iye ni Pedro ay inyadeyo na ti Jesus sakay pinagkagiyan. 33Pero immatubang ti Jesus tu disepulus na hide sakay kinagi na ni Pedro, “Umadeyo ka nikán Satanas! U isip mo ay awan ayun tu kaluuben nu Diyos nan ayun tu kaluuban nu tolay.”#8:33 Basaán tu Mateo 4:10.
34Pinaadeni ni Jesus u tolay hide pati u disepulus na hide sakay kinagi na nide, “Ni ti deyaman u masoh a sumunud nikán ay awan na dapat idipalongo u sadile na, sakay nakahanda a maghirap maskin hanggan tu kamatayan sakay sumunud nikán. 35Dipo u maghangad a mángligtas tu biyag na ay mawanan ti biyag; pero u tolay a máng-alay tu biyag na alang-alang nikán sakay tu Maganda a Baheta ay magkahod ti biyag hanggan-hanggan. 36Ánya u pakinabang nu tolay, ni makao naman u atanan a bagay ti munduwáy, pero mepahamak labe u biyag na? 37Ánya beman u mebayad nu tolay para magkahod siya ti biyag a awan ti kahád? 38Ni ikasanikiyák moy sakay ni ikasanike moy be u upos ko tu tolay hide a makasalanan nadid a panahun, sakay ni awan kam tapat tu Diyos ay ikasanike kam be nu Anak nu Tolay káddemát na a tehhod a kapangyariyan a gábwat tu Ama na, kaguman na u anghel hide.”
अहिले सेलेक्ट गरिएको:
:
हाइलाइट
शेयर गर्नुहोस्
कपी गर्नुहोस्
तपाईंका हाइलाइटहरू तपाईंका सबै यन्त्रहरूमा सुरक्षित गर्न चाहनुहुन्छ? साइन अप वा साइन इन गर्नुहोस्
Pahanan Agta New Testament © Philippine Bible Society and Wycliffe Bible Translators, Inc., 2017.