PIANCILNA 7
7
Tuiciin
1Tua ciangin Topa in Noah kiangah, “Nang le na innkuan pih mi khempeuh teembaw sungah pai un. Bang hang hiam cih leh hih khang mite sung panin nang bek a thuman na hihna ka hong thei hi. 2Ganhing siangtho nupa kop sagih, ganhing a siang lo nupa kop khat, 3huihlak vasate zong nupa kop sagih, leitungah amauʼ nam a manthan loh nadingin la in. 4Bang hang hiam cih leh tuzawh ni sagih sungin sun sawm li le zan sawm li sung leitungah guah ka zusak ding hi. Ka bawl sa nuntakna a nei peuhmah leitung panin ka phiat khia ding hi,” a ci hi. 5Noah in zong Topaʼ thupiak khempeuh a hih hi.
6Leitungah tuiciin a tun lai-in Noah kum za guk pha hi. 7Tuiciin a pelh dingin Noah, a tapate, a zi le a tapateʼ zite teembaw sungah pai uh hi.#Mat 24:38-39; Luk 17:27 8Ganhing siangthote, a siang lo ganhingte, vasate, leitung a a bokvak peuhmah, 9a nupa kopin Pasian in Noah a thupiak sa bangin teembaw sungah Noah tawh pai uh hi. 10A ni sagih ni-in leitungah tuiciin tung hi.
11Noahʼ nuntak kum za guk kum, a kha nihna, tua kha ni sawm le sagih ni-in van a om a thuk mahmah tuikhukte puakkhamin, vantung tawlette kihong hi.#2Pe 3:6 12Sun sawm li le zan sawm li sung leitungah guah zu hi. 13Tua ni teekteekin Noah le a tapate Shem, Ham, Jafeth le Noahʼ zi le a tapateʼ zi thumte, amau tawh teembaw sungah a tum uh hi. 14Amaute le gamsa peuhmah amauʼ nam ciat, innsa khempeuh amauʼ nam ciat, leitungah a bokvak peuhmah amauʼ nam ciat le vasa peuhmah amauʼ nam ciat, vasa namkim amauʼ nam ciatin a tum uh hi. 15Nuntak husanna a nei khempeuh a nupa kop ciatin Noah tawh teembaw sungah a pai uh hi. 16Pasian in Noah tungah a thupiakna bangin nuntakna a nei khempeuh teembaw sungah a lut khit ciangin Topa in Noah kong a khaknelh hi.
17Leitungah tuiciin ni sawm li sung om den hi. Tui tam semsem a, teembaw laam to-in, leitungʼ tungah khangin sang to lai hi. 18Tui khang to-in leitungah tam mahmah hi. Tui tungah teembaw laam hi. 19Leitungah tui khangkhang ahih manin mual sangte khempeuh tuumcip hi. 20Mual liante tungah tui om to lai a, tuate tungah pi sawm nih le nih thuk-in tuumcip hi. 21Leitungah a nungta khempeuh, vasate, innsate, gamsate, a honhonin leitungah a hon om ganhing khempeuh le mi khempeuh a si uh hi. 22Leitungah a om, nuntakna hu a nei peuhmah a si uh hi. 23Mihing, ganhing, a bok vakte le huihlak vasate, leitung a om nuntakna a nei peuhmah amah in phiat khia hi. Leitung panin amaute kiphiat khia hi. Noah le amah tawh teembaw sunga a om teng bek a suakta uh hi. 24Ni za le ni sawm nga sung leitungah tui om hi.
अहिले सेलेक्ट गरिएको:
PIANCILNA 7: TBR17
हाइलाइट
शेयर गर्नुहोस्
कपी गर्नुहोस्
तपाईंका हाइलाइटहरू तपाईंका सबै यन्त्रहरूमा सुरक्षित गर्न चाहनुहुन्छ? साइन अप वा साइन इन गर्नुहोस्
Tedim Bible © Bible Society of Myanmar, 2017.
PIANCILNA 7
7
Tuiciin
1Tua ciangin Topa in Noah kiangah, “Nang le na innkuan pih mi khempeuh teembaw sungah pai un. Bang hang hiam cih leh hih khang mite sung panin nang bek a thuman na hihna ka hong thei hi. 2Ganhing siangtho nupa kop sagih, ganhing a siang lo nupa kop khat, 3huihlak vasate zong nupa kop sagih, leitungah amauʼ nam a manthan loh nadingin la in. 4Bang hang hiam cih leh tuzawh ni sagih sungin sun sawm li le zan sawm li sung leitungah guah ka zusak ding hi. Ka bawl sa nuntakna a nei peuhmah leitung panin ka phiat khia ding hi,” a ci hi. 5Noah in zong Topaʼ thupiak khempeuh a hih hi.
6Leitungah tuiciin a tun lai-in Noah kum za guk pha hi. 7Tuiciin a pelh dingin Noah, a tapate, a zi le a tapateʼ zite teembaw sungah pai uh hi.#Mat 24:38-39; Luk 17:27 8Ganhing siangthote, a siang lo ganhingte, vasate, leitung a a bokvak peuhmah, 9a nupa kopin Pasian in Noah a thupiak sa bangin teembaw sungah Noah tawh pai uh hi. 10A ni sagih ni-in leitungah tuiciin tung hi.
11Noahʼ nuntak kum za guk kum, a kha nihna, tua kha ni sawm le sagih ni-in van a om a thuk mahmah tuikhukte puakkhamin, vantung tawlette kihong hi.#2Pe 3:6 12Sun sawm li le zan sawm li sung leitungah guah zu hi. 13Tua ni teekteekin Noah le a tapate Shem, Ham, Jafeth le Noahʼ zi le a tapateʼ zi thumte, amau tawh teembaw sungah a tum uh hi. 14Amaute le gamsa peuhmah amauʼ nam ciat, innsa khempeuh amauʼ nam ciat, leitungah a bokvak peuhmah amauʼ nam ciat le vasa peuhmah amauʼ nam ciat, vasa namkim amauʼ nam ciatin a tum uh hi. 15Nuntak husanna a nei khempeuh a nupa kop ciatin Noah tawh teembaw sungah a pai uh hi. 16Pasian in Noah tungah a thupiakna bangin nuntakna a nei khempeuh teembaw sungah a lut khit ciangin Topa in Noah kong a khaknelh hi.
17Leitungah tuiciin ni sawm li sung om den hi. Tui tam semsem a, teembaw laam to-in, leitungʼ tungah khangin sang to lai hi. 18Tui khang to-in leitungah tam mahmah hi. Tui tungah teembaw laam hi. 19Leitungah tui khangkhang ahih manin mual sangte khempeuh tuumcip hi. 20Mual liante tungah tui om to lai a, tuate tungah pi sawm nih le nih thuk-in tuumcip hi. 21Leitungah a nungta khempeuh, vasate, innsate, gamsate, a honhonin leitungah a hon om ganhing khempeuh le mi khempeuh a si uh hi. 22Leitungah a om, nuntakna hu a nei peuhmah a si uh hi. 23Mihing, ganhing, a bok vakte le huihlak vasate, leitung a om nuntakna a nei peuhmah amah in phiat khia hi. Leitung panin amaute kiphiat khia hi. Noah le amah tawh teembaw sunga a om teng bek a suakta uh hi. 24Ni za le ni sawm nga sung leitungah tui om hi.
अहिले सेलेक्ट गरिएको:
:
हाइलाइट
शेयर गर्नुहोस्
कपी गर्नुहोस्
तपाईंका हाइलाइटहरू तपाईंका सबै यन्त्रहरूमा सुरक्षित गर्न चाहनुहुन्छ? साइन अप वा साइन इन गर्नुहोस्
Tedim Bible © Bible Society of Myanmar, 2017.